🍂 ዲነል ኢስላም 🕌

ቤት ውስጥ በብዛት ትል ወይም ሌሎች ነፍሳትን ማየት ከዐይነናስ (ክፉ ዓይን)፣ ከምቀኝነት (ሐሰድ) ወይም ከሲህር (ድግምት) ምልክቶች አንዱ ተደርጎ የሚወሰድበት ሁኔታ አለ። ዑለማዎች "በቤት ውስጥ የሚከተሉት ሁኔታዎች ድንገት ሲከሰቱ የዓይነናስ ወይም የሐሰድ ምልክት ሊሆን ይችላል" ይላሉ 1ኛ ቤቱ ንጹህ ሆኖ ሳለ፣ ምንም ዓይነት የምግብ ትራፊ ወይም የቆሻሻ መከማቸት በሌለበት ሁኔታ ነፍሳቱ በድንገት በብዛት ከተከሰቱ 2ኛ 🐛 ትል ማየት፦ በተለይ በሳሎን፣ በመኝታ ቤት ወይም ባልተለመዱ ቦታዎች ላይ ትሎች በብዛት መታየት እንደ ምስጥ (የቤት እንጨት የሚበላ)፣ ጉንዳን (በተለይ ከተለመደው ውጪ በብዛትና መስመር ሰርተው ቤቱን ሲወሩ)፣ በረሮ ወይም ዝንብ ያለምክንያት በብዛት ከታዩና በኬሚካል ወይም በጽዳት ለማጥፋት ተሞክሮ ወዲያውኑ መልሰው የሚመጡ ከሆነ። አይነ ናስ መሆኑን ከመወሰናችን በፊት ግን ነፍሳቱ የተከሰቱበትን ም/ት ቀድመን በተፈጥሯዊ መንገድ መመርመር አለብን ምናልባት የአየር ንብረት ለውጥ ክረምት ወይም በበጋ ወቅት ነፍሳት መጠለያ ፍለጋ ወደ ቤት ሊገቡ ይችላሉ ቤቱ ውስጥ የሚታዩት ነፍሳት ዓይነናስ/ሐሰድ ምልክት ናቸው ብለን ከጠረጠርን ምን እናድርግ? 👉ሱረቱል በቀራህ መቅራት ወይም በድምፅ መክፈት 👉የቤት አዝካሮችን ማዘውተር፦ ወደ ቤት ሲገቡ "ቢስሚላህ" ማለት፣ የጠዋትና የማታ አዝካሮችን (በተለይ ሱረቱል ኢኽላስ፣ አል-ፈለቅ እና አን-ናስ) መቅራት። 👉ቁርአን (አያተል ኩርሲይ እና ሙዓውዊዘተይን) የተቀራበትን ውሃ በቤቱ ማዕዘናት ላይ (ሽንት ቤት ሳይጨምር) መርጨት ነፍሳቱ በመንፈሳዊ ምክንያት የመጡ ከሆነ እንዲጠፉ ያደርጋል