🍂 ዲነል ኢስላም 🕌

ሒጅራ: The Greatest Historical Shift 🤎 የአላህ መልዕክተኛ ﷺ እና ባልደረቦቻቸው የ13 አመት የመካ ላይ ስቃይ እና እንግልትን የሚቀይር ህልም ተመለከቱ። በህልማቸው ከመካ ተነስተው ልክ እንደ «የማማህ» የተምር ዛፎች የሚበዙበትን ከተማ ሲገቡ ተመለከቱ። ያ ቦታ የስሪብ(መዲና) ነበር። አላህን በሰላም የሚገዙበትን አዲስ ማህበረሰብ በመፍጠር እስልምናን ከፍ ወደሚያደርጉበት መዲና እንዲሰደዱ ጌታዬ አዘዛቸው! ሂጅራ የኢማን መንገድ ነው። 🤎 ሒጅራ ታላቅ ክስተታችን ነው። በህይወታችን ብዙ ሂጅራዎች ያስፈልጉናል። ሂጅራ ማለት ከአንድ ነገር (ሀገር: ሰዎች) ተለይቶ መሄድ የሚለውን ያመለክተናል! አሁን ላይ ከሀገር መሰደድ ላይኖርብን ይችል ይሆናል፤ ከእንቶ ፈንቶ ወሬዎች ሂጅራ ማድረግ ግን አለብን። አደብ ከጎደላቸው ንግግሮች ሂጅራ ማድረግ ይኖርብናል። አሁን ላይ አዲስ ማህበረሰብና መንደር ለመፍጠር ላንገደድ እንችል ይሆናል ነገር ግን የራሳችንን ዓለም፤ ሀሳባችን ከሚገባቸው እና መልካም ስራዎችን አብረን ከምንሰራቸው ሰዎች ጋር ፍሬያማ ስብስብ በመፍጠር ሒጅራ ማድረግ ግን እንችላለን። 🤎 በሰይዲና ዑመር ዘመን የሒጅሪ ዘመን አቆጣጠር ያደረጉት በረሱለላህ ሒጅራ ነበር። ለዚህም ሲባል በሙሐረም ወር የረሱለላህን ﷺ ሒጅራ በስፋት እናነሳለን። የብዙ ለውጦች መነሻ የሆነውን ጉዞ አብረን እንመለከታለን። ስለ አሹራ'ም በሰፊው እንዳስሳለን። እንኳን አደረሰን! አላህ መልካም ስራዎችን የምናበዛበት፤ ብዙ መልካም ለውጦችን የምናይበት የምንታደስበት ያድርግልን 🥰