Cambodian Council of Nurses (CCN)

ការជំរុញនិងបន្តពង្រឹងការប្រើប្រាស់នៃប្រព័ន្ធបច្ចេកវិទ្យាឌីជីថល ដើម្បីគាំទ្រការអភិវឌ្ឍវិស័យគិលានុបដ្ឋាក។ CCN3rd=== ភ្នំពេញ៖ នាល្ងាចថ្ងៃព្រហស្បតិ៍ ៧កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២០ ខែសីហា ឆ្នាំ២០២៦ លោក ជា សុភក្ត្រមុនីរ័ត្ន ប្រធានក្រុមប្រឹក្សាគណៈគិលានុបដ្ឋាកជាតិ អាណត្តិទី៣ បានដឹកនាំក្រុមការងារ ប្រជុំពិភាក្សា និងសម្រេចលើការរៀបចំបទបង្ហាញ ស្តីពី ការប្រើប្រាស់សាកល្បងប្រព័ន្ធបច្ចេកវិទ្យាឌីជីថល ជាមួយក្រុមការងារបច្ចេកវិទ្យាឌីជីថល ខេមហ្សាយប័រ (CamCyber)។ កិច្ចប្រជុំនេះមានគោលបំណងពិនិត្យ និងសាកល្បងការប្រើប្រាស់ប្រព័ន្ធឌីជីថល ឱ្យមានប្រសិទ្ធភាព ស្របតាមតម្រូវការការងាររបស់គណៈគិលានុបដ្ឋាកកម្ពុជា ព្រមទាំងជំរុញការធ្វើទំនើបកម្មប្រព័ន្ធការងារ ការគ្រប់គ្រងទិន្នន័យ និងការផ្តល់សេវាឌីជីថល ជូនដល់សមាជិកគិលានុបដ្ឋាកទូទាំងប្រទេស។ ការអភិវឌ្ឍបច្ចេកវិទ្យាឌីជីថល គឺជាផ្នែកមួយដ៏សំខាន់ក្នុងការពង្រឹងប្រសិទ្ធភាព តម្លាភាព និងគុណភាពនៃការគ្រប់គ្រងវិជ្ជាជីវៈគិលានុបដ្ឋាកនៅកម្ពុជា។ 💻📱 #CCN #CambodianCouncilofNurses #DigitalTransformation #DigitalTechnology #NursingProfession

ការចូលរួមសន្និសីទគិលានុបដ្ឋាកអន្តរជាតិលើកទី២៩ រវាងម៉ាឡេស៊ី-សិង្ហបុរី (29th JMSNC) ២០២៦ ។ ដោយបានការអនុញ្ញាតពីលោក​ ជា​ សុភក្ត្រមុនីរ័ត្ន​ ប្រធានគណៈគិលានុបដ្ឋាកកម្ពុជា​ លោក ខូវ ប្រុស អគ្គលេខាធិការ ក្រុមប្រឹក្សាគណៈគិលានុបដ្ឋាកជាតិ បានចូលរួមក្នុងសន្និសីទគិលានុបដ្ឋាកអន្តរជាតិលើកទី២៩ រវាងម៉ាឡេស៊ី-សិង្ហបុរី ក្រោមមូលបទបទ “កម្លាំងពលកម្មគិលានុបដ្ឋាកប្រកបដោយចីរភាព៖ ភាពជាអ្នកដឹកនាំ សុខុមាលភាព ឧត្តមភាពវិជ្ជាជីវៈ និងការថែទាំផ្តោតលើអ្នកជំងឺក្នុងយុគសម័យឌីជីថល - ច្នៃប្រឌិតថ្ងៃនេះ ការថែទាំកាន់តែឆ្លាតវៃនៅថ្ងៃស្អែក”។ 📅 ១២-១៤ សីហា ២០២៦ 📍 ទីក្រុងគូឡាឡាំពួរ ប្រទេសម៉ាឡេស៊ី 🎯 ចំណុចសំខាន់ៗពីសន្និសីទរួមមាន៖ ភាពជាអ្នកដឹកនាំ និងការលើកកម្ពស់វិជ្ជាជីវៈ ដើម្បីរក្សាបុគ្គលិកគិលានុបដ្ឋាកឱ្យនៅបម្រើការងារយូរអង្វែង ការត្រៀមខ្លួនទប់ទល់គ្រោះមហន្តរាយ និងភាពធន់នៃសហគមន៍ក្នុងយុគសម័យឌីជីថល គំរូភាពជាអ្នកដឹកនាំសម្រាប់ការព្យាបាល និងសុខុមាលភាពបុគ្គលិក គំនិតផ្តួចផ្តើមមន្ទីរពេទ្យឆ្លាតវៃ និងបច្ចេកវិទ្យាកាត់បន្ថយបន្ទុកការងារគិលានុបដ្ឋាក ការស្រាវជ្រាវ និងបច្ចេកវិទ្យា AI សម្រាប់ការថែទាំច្បាស់លាស់ ការលើកកម្ពស់ស្តង់ដារវិជ្ជាជីវៈ និងតួនាទីគិលានុបដ្ឋាកឯកទេស យុទ្ធសាស្ត្រកិលានុបដ្ឋាកជាតិម៉ាឡេស៊ីរយៈពេល១០ឆ្នាំ (២០២៦-២០៣៦) ព្រមទាំងទស្សនកិច្ចសិក្សានៅមន្ទីរពេទ្យជាតិ ដែលបានបង្ហាញពីការអនុវត្តបច្ចេកវិទ្យាឌីជីថលក្នុងការថែទាំសុខភាព។ 📚 សារៈសំខាន់៖ ការចូលរួមក្នុងសន្និសីទនេះបានផ្តល់នូវចំណេះដឹង និងបទពិសោធន៍ថ្មីៗពីតំបន់អាស៊ាន និងសកលលោក ដែលនឹងជាមូលដ្ឋានសំខាន់សម្រាប់ការអភិវឌ្ឍផែនការយុទ្ធសាស្ត្រ ២០២៦-២០៣០ របស់ CCN រួមទាំងក្របខណ្ឌសមត្ថភាពស្នូល (CCF) ប្រព័ន្ធអភិវឌ្ឍន៍វិជ្ជាជីវៈបន្ត (CPD) និងកិច្ចសហប្រតិបត្តិការអន្តរជាតិ។ កិច្ចការថែរក្សាវិជ្ជាជីវៈ ការគ្រប់គ្រងហានិភ័យគ្រោះមហន្តរាយ និងគំរូភាពជាអ្នកដឹកនាំចម្រុះ នឹងត្រូវយកមកសិក្សា និងសម្របតាមបរិបទជាក់ស្តែងរបស់កម្ពុជា។ *** English 🏥 29th Joint Malaysia–Singapore Nursing Conference (JMSNC) 2026 🏥 With the permission of Mr. Chea Sophak Moniroth, President of the Cambodian Council of Nurses (CCN), Mr. KHOV BROS General Secretary, Cambodian Council of Nurses (CCN) took part in the 29th Joint Malaysia–Singapore Nursing Conference (JMSNC) 2026, under the theme "Sustainable Nursing Workforce: Leadership, Well-Being, Professional Excellence, and Patient-Centred Care in a Digital Era." 📅 12–14 August 2026 📍 Kuala Lumpur, Malaysia 🎯 Key highlights from the conference included leadership and mentorship to support nurse retention, disaster preparedness and community resilience in the digital era, leadership models centred on staff healing and well-being, smart hospital initiatives and technology to reduce nursing workload, research and AI applications for precision nursing care, advancing professional standards and specialist nursing roles, Malaysia's 10-year national nursing transformation strategy (2026–2036), and a hospital visit to the Institut Jantung Negara (IJN) – National Heart Institute in Malaysia. 📚 Significance: Participation in this conference provided valuable knowledge and experience from across the ASEAN region and beyond, which will inform the development of CCN's Strategic Plan 2026–2030, including the Core Competency Framework (CCF), the Continuing Professional Development (CPD) system, and international engagement efforts. Lessons on professional mentorship, disaster risk management, and diverse leadership models will be studied and adapted to Cambodia's specific context. #CCN #Nurse #StrategicPlan2026_2030 #NursingDevelopment #JMSNC2026 #NursingLeadership

វគ្គបណ្តុះបណ្តាលពង្រឹងសមត្ថភាព ការគ្រប់គ្រង ព្យាបាល និងថែទាំអ្នកជំងឺគ្រុនឈាម នៅខេត្តបាត់ដំបង និងខេត្តប៉ៃលិន ។ CCN3rd=== តាមអនុសាសន៍ដ៏ខ្ពង់ខ្ពស់ របស់ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល ឱ្យមានការយកចិត្តទុកដាក់ខ្ពស់លើការងារថែទាំព្យាបាលលើជំងឺគ្រុនឈាម លោក ហម សុធា ជាប្រធានក្រុមប្រឹក្សាគណៈគិលានុបដ្ឋាកមន្ទីរពេទ្យជ័យវរ្ម័នទី៧ និងជាគ្រូបង្គោល ចុះបង្រៀនពង្រឹងសមត្ថភាពដល់ក្រុមគិលានុបដ្ឋាក គ្រូពេទ្យ និងចុះពិនិត្យស្ថានភាពជាក់ស្តែងអ្នកជំងឺគ្រុនឈាមដែលកំពុងសម្រាកថែទាំព្យាបាល។ 1)ថ្ងៃព្រហស្បត្តិ៍ ១៥រោច ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៣ ខែសីហា ឆ្នាំ២០២៦ 📍 មន្ទីរសុខាភិបាល នៃរដ្ឋបាលខេត្តបាត់ដំបង 2)ថ្ងៃសុក្រ ១កើត ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៤ ខែសីហា ឆ្នាំ២០២៦ 📍 មន្ទីរសុខាភិបាល នៃរដ្ឋបាលខេត្តប៉ៃលិន គោលបំណង៖ វគ្គបណ្តុះបណ្តាលនេះមានគោលបំណងលើកកម្ពស់ចំណេះដឹង និងជំនាញជាក់ស្តែងរបស់ក្រុមគ្រូពេទ្យ និងគិលានុបដ្ឋាក-យិកា ក្នុងការគ្រប់គ្រង ព្យាបាល និងថែទាំអ្នកជំងឺគ្រុនឈាម ឱ្យកាន់តែមានប្រសិទ្ធភាព សក្តិសិទ្ធភាព សុវត្ថិភាព និងទាន់ពេលវេលា ព្រមទាំងធានាការអនុវត្តពិធីសារជាតិ (National Guidelines) ស្តីពីការគ្រប់គ្រង និងព្យាបាលជំងឺគ្រុនឈាម ឱ្យបានត្រឹមត្រូវស្របតាមបទដ្ឋានបច្ចេកទេសសុខាភិបាល ដើម្បីទប់ស្កាត់ និងកាត់បន្ថយឱ្យបានអតិបរមា នូវអត្រាគ្រោះថ្នាក់ធ្ងន់ធ្ងរ និងអត្រាមរណភាពបណ្តាលមកពីជំងឺគ្រុនឈាម តាមរយៈការរកឃើញរោគសញ្ញា និងអន្តរាគមន៍ព្យាបាលទាន់ពេលវេលា ក៏ដូចជាបង្កើនកិច្ចសហការ និងការចែករំលែកបទពិសោធន៍រវាងមន្ត្រីសុខាភិបាល។ ចំពោះសារៈសំខាន់៖ វគ្គបណ្តុះបណ្តាលនេះមានសារៈសំខាន់ក្នុងការពង្រឹងសមត្ថភាពក្រុមគ្រូពេទ្យ និងគិលានុបដ្ឋាកតាមមូលដ្ឋាន ឱ្យអាចត្រួតពិនិត្យ គ្រប់គ្រង និងព្យាបាលអ្នកជំងឺគ្រុនឈាមបានទាន់ពេលវេលា និងមានប្រសិទ្ធភាព ដោយផ្អែកលើពិធីសារជាតិស្តីពីជំងឺគ្រុនឈាម។ សម្រាប់អ្នកចូលរួម៖ ចំនួន ១២០នាក់ (ចូលរួមផ្ទាល់ ជាវេជ្ជបណ្ឌិត វេជ្ជបណ្ឌិតឯកទេស និងគិលានុបដ្ឋាក-យិកា អញ្ជើញមកពីមន្ទីរពេទ្យបង្អែកខេត្ត មន្ទីរពេទ្យបង្អែកស្រុក និងមណ្ឌលសុខភាព) និងចូលរួមតាមប្រព័ន្ធនិមិត្ត Online Zoom ចំនួន ១០០នាក់។ #CCN #Nurse #StrategicPlan2026_2030 #NursingDevelopment #NursingProfessionalStandards #Pailin #DengueFever

ការចូលរួមប្រជុំពិនិត្យវឌ្ឍនភាពការងារ MPDSR និងទិសដៅអនុវត្តបន្ត។ CCN3rd=== រាជធានីភ្នំពេញ:​ នាថ្ងៃទី១៣ ខែសីហា ឆ្នាំ២០២៦ វេលាម៉ោង ៩:០០ នាទីព្រឹក លោក ជា សុភក្ត្រមុនីរ័ត្ន ប្រធានគណៈគិលានុបដ្ឋាកកម្ពុជា និងជាសមាជិកគណៈកម្មការថ្នាក់ជាតិពិនិត្យមរណភាពមាតា និងទារកជុំវិញកំណើត និងការឆ្លើយតប បានអញ្ជើញចូលរួមក្នុងកិច្ចប្រជុំ ពិនិត្យវឌ្ឍនភាពការងារ MPDSR និងកំណត់សកម្មភាពដែលត្រូវអនុវត្តបន្តដោយកិច្ចប្រជុំនេះ ប្រព្រឹត្តទៅក្រោមអធិបតីភាព លោកជំទាវសាស្ត្រាចារ្យ អ៊ឹម សិទ្ធិការ្យ រដ្ឋលេខាធិការក្រសួងសុខាភិបាល ដោយមានការចូលរួមពីថ្នាក់ដឹកនាំ អ្នកជំនាញ និងសមាជិកគណៈកម្មការពាក់ព័ន្ធនៅមជ្ឈមណ្ឌលជាតិគាំពារមាតា និងទារក។ កិច្ចប្រជុំមានសារៈសំខាន់ក្នុងការពិនិត្យវឌ្ឍនភាព បញ្ហាប្រឈម និងលទ្ធផលនៃការអនុវត្តប្រព័ន្ធ MPDSR (Maternal and Perinatal Death Surveillance and Response) ព្រមទាំងពិភាក្សាអំពីវិធានការឆ្លើយតប និងសកម្មភាពអាទិភាពដែលត្រូវបន្តអនុវត្ត ដើម្បីចូលរួមកាត់បន្ថយការស្លាប់របស់មាតា និងទារកជុំវិញកំណើត និងលើកកម្ពស់គុណភាពសេវាថែទាំសុខភាពមាតា និងទារកនៅកម្ពុជា។ ក្នុងនាមជាតំណាងវិស័យគិលានុបដ្ឋាក គណៈគិលានុបដ្ឋាកកម្ពុជា ប្តេជ្ញាបន្តចូលរួមយ៉ាងសកម្ម ក្នុងការពង្រឹងគុណភាព និងសុវត្ថិភាពនៃការថែទាំ ការរាយការណ៍ ការវិភាគ និងការឆ្លើយតបចំពោះមរណភាពមាតា និងទារក ដើម្បីរួមចំណែកសម្រេចបាននូវគោលដៅសុខភាពមាតា និងទារករបស់ព្រះរាជាណាចក្រកម្ពុជា។ #MPDSR #MaternalAndPerinatalHealth #CambodianCouncilOfNurses #CCN #QualityOfCare #PatientSafety

ការអភិវឌ្ឍវិជ្ជាជីវៈបន្ត(CPD) របស់គគណៈគិលានុបដ្ឋាកកម្ពុជា។ CCN3rd=== ក្រុមប្រឹក្សាគណៈគិលានុបដ្ឋាកភូមិភាគ១ បានរៀបចំវគ្គបណ្ដុះបណ្ដាល បន្តក្រោមប្រធានបទ៖ "ការសង្គ្រោះបឋមចំពោះការគាំងបេះដូង ដង្ហើម សម្រាប់មនុស្សពេញវ័យ" 📅 ថ្ងៃទី២៨ ខែសីហា ឆ្នាំ២០២៦ 🕐 ម៉ោង ១២:០០ ដល់ ១៣:០០ រសៀល 📍 តាមរយៈប្រព័ន្ធនិម្មិត ZOOM 🎤 វាគ្មិន៖ លោក សៀង សុធា ទីប្រឹក្សាការិយាល័យបច្ចេកទេស ទទួលបន្ទុកជួយការងារបណ្តុះបណ្តាល នៃមន្ទីរពេទ្យកាល់ម៉ែត និងជាប្រធានសមាគមគិលានុបដ្ឋាកឯកទេសសន្តំ-ប្រពោធនកម្ម កម្ពុជា 🎯 វគ្គបណ្ដុះបណ្ដាលនេះមានគោលបំណង៖ ផ្តល់ចំណេះដឹង និងជំនាញអនុវត្តជាក់ស្តែងអំពីការសង្គ្រោះបឋមចំពោះការគាំងបេះដូង និងការស្ទះដង្ហើម ជូនដល់គិលានុបដ្ឋាក ដើម្បីលើកកម្ពស់សមត្ថភាពក្នុងការឆ្លើយតបទាន់ពេលវេលាចំពោះករណីអាសន្ន និងកាត់បន្ថយហានិភ័យស្លាប់ចំពោះមនុស្សពេញវ័យ។ 📚 សារៈសំខាន់នៃវគ្គបណ្ដុះបណ្ដាល៖ ផ្ដល់នូវទ្រីស្ដីអំពីការសង្គ្រោះបឋមចំពោះការគាំងបេះដូង និងការស្ទះដង្ហើមចំពោះមនុស្សពេញវ័យ គឺជាភាពអាសន្នផ្នែកវេជ្ជសាស្ត្រដែលទាមទារការឆ្លើយតបយ៉ាងឆាប់រហ័ស និងត្រឹមត្រូវ។ ការចូលរួមវគ្គបណ្ដុះនេះនឹងជួយពង្រឹងសមត្ថភាពគិលានុបដ្ឋាកឱ្យអនុវត្តការសង្គ្រោះបឋមប្រកបដោយប្រសិទ្ធភាព ចូលរួមចំណែកកាត់បន្ថយអត្រាមរណភាព និងលើកកម្ពស់គុណភាពសេវាថែទាំព្យាបាលនៅតាមគ្រឹះស្ថានសុខាភិបាលទូទាំងប្រទេស។ #CCN #Nurse #StrategicPlan2026_2030 #NursingDevelopment #NursingProfessionalStandards #CPD

អបអរសាទរ ទិវាយុវជនអន្តរជាតិ ( International Youth Day ) ១២ សីហា ២០២៦ #CCN

លោក ជា សុភក្ត្រមុនីរ័ត្ន ប្រធានគណៈគិលានុបដ្ឋាកកម្ពុជា និងជាសមាជិកគណៈកម្មាធិការដឹកនាំគម្រោង STRINGS បានអញ្ជើញចុះត្រួតពិនិត្យ និងគាំទ្រវគ្គបណ្ដុះបណ្ដាលគ្រូបង្គោលស្ដីពី «ក្រមសីលធម៌វិជ្ជាជីវៈគិលានុបដ្ឋាក» (Nursing Ethics Training of Trainers – NE-ToT) ដែលប្រព្រឹត្តទៅនៅថ្ងៃទី៥ ខែសីហា ឆ្នាំ២០២៦ នា ការិយាល័យរដ្ឋបាលសុខាភិបាលរាជធានីភ្នំពេញ។ CCN3rd=== ក្នុងឱកាសនេះ លោកប្រធានបានគូសបញ្ជាក់ថា ក្រមសីលធម៌វិជ្ជាជីវៈ គឺជាមូលដ្ឋានគ្រឹះនៃការអនុវត្តវិជ្ជាជីវៈគិលានុបដ្ឋាកប្រកបដោយគុណភាព សុវត្ថិភាព ទំនួលខុសត្រូវ និងការគោរពសេចក្តីថ្លៃថ្នូររបស់អ្នកជំងឺ។ គិលានុបដ្ឋាកគ្រប់រូប ត្រូវប្រកាន់ខ្ជាប់នូវគោលការណ៍សីលធម៌ ស្តង់ដារវិជ្ជាជីវៈ និងការអនុវត្តដោយសុចរិតភាព ស្របតាម ក្រមសីលធម៌វិជ្ជាជីវៈគិលានុបដ្ឋាកកម្ពុជា, ច្បាប់ស្ដីពីការគ្រប់គ្រងអ្នកប្រកបវិជ្ជាជីវៈសុខាភិបាល និង ICN Code of Ethics for Nurses។ លោកប្រធានក៏បានលើកទឹកចិត្តដល់គ្រូបង្គោល និងសិក្ខាកាមទាំងអស់ ឱ្យចូលរួមយ៉ាងសកម្មក្នុងការរៀនសូត្រ ផ្លាស់ប្តូរបទពិសោធន៍ និងអនុវត្តវិធីសាស្ត្របណ្ដុះបណ្ដាលសម្រាប់មនុស្សពេញវ័យ (Adult Learning Principles) និងយុទ្ធសាស្ត្ររៀនសូត្របែបសកម្ម (Active Learning Strategies) ដើម្បីអភិវឌ្ឍសមត្ថភាពធ្វើជាគ្រូបង្គោលប្រកបដោយប្រសិទ្ធភាព និងអាចបន្តផ្សព្វផ្សាយចំណេះដឹងទៅកាន់មន្ត្រីគិលានុបដ្ឋាកនៅតាមគ្រឹះស្ថានសុខាភិបាលទូទាំងប្រទេស។ ជាមួយគ្នានេះ លោកបានអំពាវនាវឱ្យគ្រូបង្គោលទាំងអស់ បន្តធ្វើជាគំរូល្អក្នុងការគោរពក្រមសីលធម៌វិជ្ជាជីវៈ អនុវត្តស្តង់ដារគ្លីនិក និងលើកកម្ពស់វប្បធម៌គុណភាព សុវត្ថិភាព និងការយកអ្នកជំងឺជាមជ្ឈមណ្ឌលនៃការថែទាំ។ ការវិនិយោគលើការអភិវឌ្ឍគ្រូបង្គោលថ្ងៃនេះ គឺជាការវិនិយោគលើអនាគតវិជ្ជាជីវៈគិលានុបដ្ឋាក និងការលើកកម្ពស់គុណភាពសេវាសុខាភិបាលនៅកម្ពុជា។ សូមថ្លែងអំណរគុណដល់ក្រសួងសុខាភិបាល គម្រោង STRINGS ដៃគូអភិវឌ្ឍន៍ គ្រូឧទ្ទេស ក្រុមការងាររៀបចំ និងសិក្ខាកាមទាំងអស់ ដែលបានរួមចំណែកក្នុងការពង្រឹងសមត្ថភាពវិជ្ជាជីវៈគិលានុបដ្ឋាក ដើម្បីឆ្ពោះទៅរកសេវាថែទាំដែលមានគុណភាព សុវត្ថិភាព និងប្រកបដោយសីលធម៌ សម្រាប់ប្រជាពលរដ្ឋកម្ពុជា។ #CambodianCouncilOfNurses #CCN #STRINGS #NursingEthics #NEToT #ProfessionalEthics #NursingLeadership #QualityOfCare #Cambodia

វគ្គបណ្តុះបណ្តាលអភិវឌ្ឍវិជ្ជាជីវៈបន្ត ស្តីពី "សេចក្តីផ្តើមអំពីការកែលម្អគុណភាពក្នុងវិស័យសុខាភិបាល" ។ ថ្ងៃសៅរ៍ ៣រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១ ខែសីហា ឆ្នាំ២០២៦ លោក ជា សុភក្ត្រមុនីរ័ត្ន ប្រធានក្រុមប្រឹក្សាគណៈគិលានុបដ្ឋាកជាតិ អាណត្តិទី៣ បានចូលរួមជាអធិបតីភាពក្នុងការបើកវគ្គបណ្តុះបណ្តាលការអភិវឌ្ឍវិជ្ជាជីវៈបន្ត ក្រោមប្រធានបទ៖ «សេចក្តីផ្តើមអំពីការកែលម្អគុណភាពក្នុងវិស័យសុខាភិបាល» ដែលធ្វើបទបង្ហាញដោយ លោកបណ្ឌិតគិលានុបដ្ឋាក វន រ៉ានី ប្រធានក្រុមប្រឹក្សាគណៈគិលានុបដ្ឋាកភូមិភាគ១។ 🎯 គោលបំណង៖ ដើម្បីផ្តល់ចំណេះដឹងមូលដ្ឋានអំពីគោលគំនិត និងគោលការណ៍នៃការកែលម្អគុណភាពក្នុងវិស័យសុខាភិបាល ព្រមទាំងលើកកម្ពស់សមត្ថភាពគិលានុបដ្ឋាកក្នុងការអនុវត្តវិធីសាស្ត្រកែលម្អគុណភាពសេវាព្យាបាល និងថែទាំអ្នកជំងឺ ដើម្បីធានាបាននូវគុណភាព និងសុវត្ថិភាពខ្ពស់ជូនអ្នកជំងឺនៅតាមស្ថាប័នសុខាភិបាលនីមួយៗ។ 👥 អ្នកចូលរួម៖ 1000នាក់ 💙 #CCN #Nurse #StrategicPlan2026_2030 #NursingDevelopment #NursingProfessionalStandards #CPD