The Voice Of Spring | နွေဦးအသံ |

◼️၉ ရက်အတွင်း စစ်ကောင်စီကို မြို့နယ် ၁၄ မြို့နယ်မှ သံဃာတော်တွေက ပတ္တနိက္ကုဇ္ဇန ကံဆောင်သပိတ်ပြုလုပ်ခဲ့ပြီး တနိုင်ငံလုံးအနှံ့ ဆက်လက်အရှိန်အဟုန် မြင့်လာ ၂ ဇူလိုင် | နွေဦးအသံ | စစ်ကိုင်း‌ဒေသ၊ ချောင်းဦးမြို့နယ်ရှိ သံဃာတော်တွေက အကြမ်းဖက်စစ်ကောင်စီကို ပတ္တနိက္ကုဇ္ဇန ကံဆောင်သပိတ် ဇွန် ၂၃ ရက်မှာ စတင်ပြုလုပ်ခဲ့ပြီး‌နောက် ၉ ရက်အတွင်း မြို့နယ် ၁၄ မြို့နယ်မှ သံဃာတော်တွေက သပိတ်မှောက်ပါဝင်လာပြီ ဖြစ်တယ်လို့ သိရပါတယ်။ ချောင်းဦးမြို့နယ်ရှိ သံဃာတော်တွေက စစ်ကောင်စီကို ပတ္တနိက္ကုဇ္ဇန ကံဆောင်သပိတ် ဇွန် ၂၃ ရက်မှာ စတင်ပြုလုပ်ခဲ့ပြီး ဒီပဲယင်းမြို့နယ်၊ တန့်ဆည်မြို့နယ်၊ ဆားလင်းကြီးမြို့နယ်၊ စစ်ကိုင်းမြို့နယ်၊ မြိုင်မြို့နယ်၊ မုံရွာမြို့နယ်၊ ပခုက္ကူမြို့နယ်၊ ဝက်လက်မြို့နယ်၊ ဘုတလင်မြို့နယ်၊ အရာတော်မြို့နယ်၊ မြင်းမူမြို့နယ်၊ ထားဝယ်မြို့နယ်နဲ့ ပေါက်မြို့နယ် စတဲ့ ၁၄ မြို့နယ်မှာရှိတဲ့ သံဃာ‌တွေက ၉ ရက်အတွင်း ပါဝင်လာကြတာ ဖြစ်ပါတယ်။ ဝင်းနိမ္မိတာရုံကျောင်းတိုက်ဆရာတော်ဘုရားကြီး ဘဒ္ဒန္တမုနိန္ဒာဘိဝံသ ကို စစ်တပ်က ဇွန် ၁၉ ရက်မှာ ပစ်ခတ်သတ်ဖြတ်ခဲ့သလို မြင်းခြံမြို့၊ ဆခမကျေးရွာမှ ဆရာတော် ဦးဥတ္တမကိုလည်း ဇွန် ၂၂ ရက်မှာ ထပ်မံသတ်ဖြတ်ခဲ့တာတွေအပြင် နိုင်ငံတဝန်းမှာ စစ်တပ်ရဲ့သတ်ဖြတ်မှုကြောင့် ပျံလွန်တော်မူခဲ့တဲ့ သံဃာအရေအတွက် ၅၀ ပါးကျော်ရှိလာတာကြောင့် သပိတ်မှောက်ခြင်းတွေ ပြုလုပ်ခဲ့ကြတာဖြစ်ကြောင်းနဲ့ တနိုင်ငံလုံးအနှံ့ ကျယ်ကျယ်ပြန့်ပြန့် ပြုလုပ်သွားကြဖို့ရှိတယ်လို့ သပိတ်ဦးဆောင်သံဃာတော်တွေကတဆင့် သတင်းရရှိပါတယ်။ သတင်းတွေကို ပုံမှန်ဖတ်ရှုနိုင်ဖို့ Telegram : https://t.me/VOStelegram YouTube : https://youtube.com/c/TheVoiceOfSpringTV ကို Subscribe လုပ်ထားနိုင်ပါတယ်။ ©The Voice of Spring #thevoiceofspring #WhatsHappeningInMyanmar #RejectMilitaryCoup ✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

◼မန္တလေး PDF အနေနဲ့ လေကြောင်းရန်ကာကွယ်ရေးတပ်စခန်း အပါအဝင် တပ်စခန်း ၈ ခုကို အပြီးသတ် သိမ်းပိုက် ရရှိထားပြီးဖြစ် ၂ ဇူလိုင် | နွေဦးအသံ | ၁၀၂၇ စစ်ဆင်ရေး အပိုင်း(၂) နဲ့အတူ တိုက်ပွဲဝင်နေတဲ့ မန္တလေး ပြည်သူ့ကာကွယ်ရေးတပ်မတော် အနေနဲ့ လေကြောင်းရန် ကာကွယ်ရေးတပ်စခန်း အပါအဝင် တပ်စခန်း ၈ ခုကို အပြီးသတ် သိမ်းပိုက် ရရှိပြီးဖြစ်တယ်လို့ ဇူလိုင် ၂ ရက်မှာ ထုတ်ပြန်ပါတယ်။ မတ္တရာမြို့နယ်အတွင်းရှိ (၁၀၁၄)လေကြောင်းရန်ကာ ကွယ်ရေး အင်ကြင်းမြိုင်တပ်စခန်း၊ ဆည်တော်တပ်စခန်း၊ ပန်းသလဲတောင် တပ်စခန်း၊ ရေစိုတောင် တပ်စခန်း၊ နေကျော်တောင် တပ်စခန်း၊ ရွှေပုထိုး တပ်စခန်း ၊ ကျောက်ခလုတ် တပ်စခန်း နဲ့ Alpha ဘိလပ်မြေစက်ရုံရဲ့ စိုးမိုးကုန်းဖြစ်တဲ့ မြေနီတောင် တပ်စခန်းတွေကို သိမ်းပိုက်ရရှိထားတာလို့ ဆိုပါတယ်။ မတ္တရာစစ်ဆင်ရေးနယ်မြေအတွင်း ဖမ်းဆီးရမိတဲ့ စစ် သုံ့ပန်းနဲ့ လက်နက်ချအညံ့ခံသူ ၆၄ ဦးကို အရှင်ဖမ်း ဆီးရမိခဲ့ပြီး သုံ့ပန်း ဥပဒေ နဲ့အညီ ထိန်းသိမ်းထားကြောင်း၊ တပ်မိသားစုဝင်တွေဖြစ်တဲ့ အမျိုးသမီး၊ သက်ကြီးရွယ်အိုတွေနဲ့ ကလေးသူငယ် စုစုပေါင်း ၁၁၇ ဦး ခန့်ကိုလည်း ကောင်းမွန်စွာ ထိန်းသိမ်းထားကြောင်း ထုတ်ပြန်ချက်မှာ ပါဝင်ပါတယ်။ အဲဒီအပြင် စစ်ဆင်ရေးနယ်မြေအတွင်း လက်နက်မျိုးစုံ (၁၂၅) လက်နဲ့ ဆက်စပ် ခဲယမ်းအများအပြား သိမ်း ဆည်းရမိခဲ့ကြောင်း၊ မတ္တရာမြို့နယ်အတွင်း စစ်ဆင် ရေးတွေမှာ ပြည်သူ့ကာကွယ်ရေးတပ်မတော် (မန္တလေး) နဲ့ အတူ ဒေသခံအဖွဲ့အစည်းဖြစ်တဲ့ မတ္တရာမျိုးမှန် တပ်ဖွဲ့ဟာလည်း ပူးပေါင်းပါဝင် တိုက်ခိုက်နေတယ်လို့ ဖော်ပြပါတယ်။ ပြည်သူ့ကာကွယ်ရေးတပ်မတော် (မန္တလေး)ဟာ နောင်ချို ၊ မိုးကုတ်၊ ကျောက်မဲနဲ့ မတ္တရာ စစ်မျက်နှာတွေမှာ စစ်ဆင်ရေးတွေ ဖော်ဆောင်နေပြီး သတ်မှတ်ထားတဲ့ စစ်ရေး ပစ်မှတ်တွေကို ဆက်လက်ထိုးစစ်ဆင် တိုက်ခိုက်နေတယ်လို့ သတင်းရရှိပါတယ်။ သတင်းတွေကို ပုံမှန်ဖတ်ရှုနိုင်ဖို့ Telegram : https://t.me/VOStelegram YouTube : https://youtube.com/c/TheVoiceOfSpringTV ကို Subscribe လုပ်ထားနိုင်ပါတယ်။ ©The Voice of Spring #thevoiceofspring #WhatsHappeningInMyanmar #RejectMilitaryCoup ✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

◼ဩစတြေးလျရောက် မြန်မာတွေ၊ တိုင်းရင်းသားအဖွဲ့အစည်း ခေါင်းဆောင်တွေနဲ့ NUG အစိုးရ နိုင်ငံခြားရေးဝန်ကြီး တွေ့ဆုံဆွေးနွေး ၂ ဇူလိုင် | နွေဦးအသံ | အမျိုးသားညီညွတ်ရေးအစိုးရ NUG နိုင်ငံခြားရေး၀န်ကြီးဌာန၊ ပြည်ထောင်စု၀န်ကြီး ဒေါ်ဇင်မာအောင် ဟာ ဩစတြေးလျနိုင်ငံ မဲလ်ဘုန်းမြို့နဲ့ ကင်ဘာရာမြို့တွေ မှာရှိတဲ့ တိုင်းရင်းသားအဖွဲ့အစည်းတွေရဲ့ ခေါင်းဆောင်တွေ၊ မြန် မာမိသားစုတွေ၊ သြစတြေးလျအဖွဲ့အစည်းတွေနဲ့ တွေ့ဆုံဆွေးနွေးခဲ့တယ်လို့ သိရပါတယ်။ ဇွန် ၂၈ ရက်မှာ မဲလ်ဘုန်းမြို့Oakleigh Town hall မှာ မဲလ်ဘုန်းမြို့ မြန်မာမိသားစုတွေနဲ့ တွေ့ဆုံခဲ့ပြီး၊ ဇွန် ၃၀ ရက်မှာ ကင်ဘာရာမြို့ All Saints Church မှာ ကင်ဘာရာမြို့၊ မြန်မာမိသားစုတွေနဲ့ တွေ့ဆုံခဲ့တာဖြစ်တယ်လို့ သတင်းထုတ်ပြန်ပါတယ်။ တွေ့ဆုံမှုမှာ ပြည်ထောင်စုဝန်ကြီး ဒေါ်ဇင်မာအောင်က အမျိုးသားညီညွတ်ရေးအစိုးရရဲ့ ဖက်ဒရယ်ဒီမိုကရေစီ ပြန်လည်ထူထောင်ရေးကြိုးပမ်းမှုတွေကို ဆွေးနွေးခဲ့ပြီး သံတမန်ရေးရာ ဆောင်ရွက်မှုများ တိုးတက်မှုတွေနဲ့ ပတ်သက်ပြီး ရှင်းလင်းပြောကြားခဲ့ရာ တက်ရောက်လာသူတွေနဲ့ အပြန်အလှန် ဆွေးနွေးခဲ့ကြတယ်လို့ သတင်း ရရှိပါတယ်။ သတင်းတွေကို ပုံမှန်ဖတ်ရှုနိုင်ဖို့ Telegram : https://t.me/VOStelegram YouTube : https://youtube.com/c/TheVoiceOfSpringTV ကို Subscribe လုပ်ထားနိုင်ပါတယ်။ ©The Voice of Spring #thevoiceofspring #WhatsHappeningInMyanmar #RejectMilitaryCoup ✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။

| သတင်းတို | ◼️တနင်္သာရီဒေသ၊ တနင်္သာရီမြို့နယ် ပြည်ထောင်စုလမ်းပိုင်းတ‌နေရာမှာ ပြည်သူတွေ ဘေးကင်းလုံခြုံရေးအတွက် လမ်းလုံခြုံရေး ဆောင်ရွက်မှုတွေကို တနင်္သာရီ (ပကဖ) တောင်ပံနီ ပြည်သူ့ကာကွယ်ရေးအဖွဲ့က ဇူလိုင် ၁ ရက်နေ့မှာ ပြုလုပ်ခဲ့တယ်လို့ သတင်းရရှိပါတယ်။ ဇူလိုင် ၂ ရက် | နွေဦးအသံ | သတင်းတွေကို ပုံမှန်ဖတ်ရှုနိုင်ဖို့ Telegram : https://t.me/VOStelegram ကို Subscribe လုပ်ထားနိုင်ပါတယ်။ #WhatsHappeningInMyanmar #RejectMilitaryCoup ©The Voice of Spring https://youtube.com/c/TheVoiceOfSpringTV #thevoiceofspring ✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက် ရပ်တည်နိုင်ဖို့ The Voice Of Spring YouTube Channel ကို Subscribe လုပ်နိုင်ပါပြီ။

◼ရိုးမဘဏ်၊ ဧရာ၀တီဘဏ် နဲ့ UAB ဘဏ် အပါအဝင် ဘဏ် ၇ ခုကို အရေးယူမယ်လို့ စစ်ကောင်စီက ထုတ်ပြန် ၂ ဇူလိုင် | နွေဦးအသံ | အိမ်ရာချေးငွေတွေ အများအပြားထုတ်ချေးနေတဲ့ ဘဏ်တွေလို့ဆိုကာ ရိုးမဘဏ်၊ ဧရာ၀တီဘဏ်၊ UAB ဘဏ်၊ မြန်မာနိုင်ငံသားများဘဏ်၊ အသေးစားနှင့် အလတ်စားလုပ်ငန်းများဖွံဖြိုးရေးဘဏ်၊ မြန်မာမက်ထရိုဘဏ် နဲ့ ဆောက်လုပ်ရေး အိမ်ရာနှင့် အခြေခံ အဆောက်အအုံ ဖွံ့ဖြိုးရေးဘဏ်တို့မှ တာဝန်ရှိသူတွေကို အရေးယူမယ်လို့ စစ်ကောင်စီက ဇူလိုင် ၁ ရက် ညပိုင်းမှာ ထုတ်ပြန်ပါတယ်။ ပုဂ္ဂလိကဘဏ်တွေဟာ အကျိုးအမြတ် ပိုမိုရရှိစေရေး အ တွက် ဗဟိုဘဏ်ညွှန်ကြားချက်ကို ကျော်လွန်ဖောက် ဖျက်ပြီး အိမ်ရာချေးငွေအများအပြားကို ထုတ်ချေးနေ တာကြောင့် စစ်ဆေးရာမှာ ဘဏ် ၇ ခုကို စိစစ်တွေ့ရှိခဲ့တယ်လို့ စစ်ကောင်စီက ဆိုပါတယ်။ အဲဒီလို စစ်ဆေးရာမှာ ဗဟိုဘဏ် သတ်မှတ်ရာခိုင်နှုန်းထက် ရိုးမဘဏ်ဟာ ၁၁ ရာခိုင်နှုန်း၊ မြန်မာနိုင်ငံသားများဘဏ်ဟာ ၈.၉၄ ရာခိုင်နှုန်း၊ ဧရာ၀တီဘဏ်ဟာ ၁.၉၆ ရာခိုင်နှုန်း၊ အသေးစားနှင့်အလတ်စား လုပ်ငန်းများ ဖွံ့ဖြိုးရေးဘဏ်ဟာ ၁.၀၁ ရာခိုင်နှုန်း၊ UAB ဘဏ်ဟာ ၃.၃၈ ရာခိုင်နှုန်း၊ မြန်မာမက်ထရိုဘဏ်ဟာ ၀.၃၉ ရာခိုင်နှုန်း၊ ဆောက်လုပ်ရေး အိမ်ရာနှင့် အခြေခံ အဆောက်အအုံ ဖွံ့ဖြိုးရေးဘဏ်ဟာ ၁၆.၃၄ ရာခိုင်နှုန်း ကျော်လွန် ထုတ်ချေးထားတယ်လို့ ဖော်ပြထားပါတယ်။ ဘဏ် ၇ ခုမှ ကျော်လွန်ထုတ်ချေးထားတဲ့ ချေးငွေတွေကို ဗဟိုဘဏ်မှ ထုတ်ပြန်ထားတဲ့ အိမ်ရာချေးငွေနဲ့ ပတ် သက်တဲ့ သတ်မှတ်ချက်အတိုင်း သတ်မှတ်ထားတဲ့ ကာ လအတွင်း ပြန်လည်ရောက်ရှိစေရေးအတွက် ကြပ်မတ်ဆောင် ရွက်သွားမယ်လို့လည်း ဆက်လက် ဖော်ပြပါတယ်။ သတ်မှတ်ရာခိုင်နှုန်းထက် ကျော်လွန်ထုတ်ချေးထားတဲ့ ချေးငွေတွေနဲ့ ပတ်သက်ပြီး ဗဟိုဘဏ်ရဲ့ ငွေရေးကြေး ရေးအဖွဲ့အစည်းများ ဥပဒေ ပုဒ်မ ၁၅၄ အရ ထိရောက်တဲ့ ဒဏ်ကြေးပေးဆောင်စေမယ်လို့ ထုတ်ပြန်ချက်မှာပါရှိပြီး စစ်ဆေးဖို့ အားနည်းတဲ့ ဗဟိုဘဏ်မှ တာဝန်ရှိသူတွေကိုလည်းစိစစ်ဖော်ထုတ် အရေးယူသွားမယ်လို့ စစ်ကောင်စီရဲ့ ထုတ်ပြန်ချက်မှာ ပါရှိပါတယ်။ ဓာတ်ပုံ | ရိုးမဘဏ် ပိုင်ရှင် ဦးသိမ်းဝေ၊ ဧရာ၀တီဘဏ်ပိုင်ရှင် ဦးဇော်ဇော်၊ UAB ဘဏ်ပိုင်ရှင် ဦးနေအောင် သတင်းတွေကို ပုံမှန်ဖတ်ရှုနိုင်ဖို့ Telegram : https://t.me/VOStelegram YouTube : https://youtube.com/c/TheVoiceOfSpringTV ကို Subscribe လုပ်ထားနိုင်ပါတယ်။ ©The Voice of Spring #thevoiceofspring #WhatsHappeningInMyanmar #RejectMilitaryCoup ✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။