ጅብሪል ሱልጣን & ሙሀመድ ሰልማን

አላህ እኮ..... --------------- {  بِوَادٍ غَيْرِ ذِي زَرْعٍ ﴾ አለና እዛው ላይ ደግሞ ﴿ وارزقهم من الثمرات ﴾ በረሃ ላይ ትቻቸዋለሁ ...ከፍሬዎች መግባቸው !! ምን ያህል በአላህ ቻይነት ላይ እርግጠኛ ቢሆኑ ነው ? በረሃ አዝርዕርት ፣ ሰውም ሆነ ምንም ነገር የሌለበት ምድረ በዳ አሸዋማ ምንም የማያበቅል መሬት መሆኑን እያወቁ የበረሃ ምግብ ሳይሆን የደጋና የክረምት ምግብን አላህ እንዲረዝቃቸው የለመኑት ? ﴿ وارزقهم من الثمرات ﴾ ሱረቱ አል _ ኢብራሂም አንቀፅ 37 رَّبَّنَا إِنِّي أَسْكَنتُ مِن ذُرِّيَّتِي بِوَادٍ غَيْرِ ذِي زَرْعٍ عِندَ بَيْتِكَ الْمُحَرَّمِ رَبَّنَا لِيُقِيمُوا الصَّلَاةَ فَاجْعَلْ أَفْئِدَةً مِّنَ النَّاسِ تَهْوِي إِلَيْهِمْ وَارْزُقْهُم مِّنَ الثَّمَرَاتِ لَعَلَّهُمْ يَشْكُرُونَ «ጌታችን ሆይ! እኔ አዝመራ በሌለው ሸለቆ ውስጥ በተከበረው ቤት (በካዕባ) አጠገብ ከዘሮቼ አስቀመጥኩ፡፡ ጌታችን ሆይ! ሶላትን ያቋቁሙ ዘንድ (አስቀመጥኳቸው)፡፡ ከሰዎችም ልቦችን ወደእነሱ የሚናፍቁ አድርግ፡፡ ያመሰግኑህም ዘንድ ከፍሬዎች ስጣቸው፡፡ የሚገርመው አንተ ብቻ በአላህ ላይ ፍፁም የማይቻልን ጭራሽ Impossible محال የሆነን ነገር እንኳን ማድረግ እንደሚችል ፍፁም እርግጠኛ ሁነህ ጠይቀው እንጂ አላህ ባዶ እጅህን ባዶህን አይመልስህም !! እስካሁን በታሪኽ አላህን ጠይቀው ባዶ እጃቸውን የተመለሱ አንድም የሉም ?! ምክንያቱም አላህ ባሪያው እጁን ወደሱ አንስቶ ባዶ እጁን ሊመልሰው ያፍራልና ። እና ብቻ ኢብራሂምም ባዶ እጃቸውን አልተመለሱም ኢብኑ ከሲርና አንዳንድ ሙፈሲሮች ﴿ وارزقهم من الثمرات ﴾ የምትለዋን ፍራፍሬ ብቻ ሳይሆን የመዳረሻ ቦታ መሆን ብለውም ይፈስሯታል ብቻ አላህም ተቀበላቸው ። አላህ የኢብራሂምን ዱዓ ተቀበለ። በዚያ በምድረ በዳ የነበሩት ሀጃር እና ልጇ እስማኤል የውሃ ጥም በተሰማቸው ጊዜ፣ አላህ የዘምዘም ምንጭን አፍለቀለቀላቸው ። ውሃ ባለበት ቦታ ደግሞ የሰው ልጅ ይሰባሰባል፤ ንግድ ይፈጠራል፤ ተክሎችም ይተክላሉ ። ይህ የዘምዘም መፍለቅ በዚያ ድርቅ በነበረበት መሬት ላይ የመጀመሪያው የሕይወት ምልክት ነበር ። መካ ከተለያዩ አቅጣጫዎች የሚመጡ ሰዎች መተላለፊያ እና የንግድ ማዕከል ሆነች ። በዚያ የሚኖሩት ሰዎች በግዛታቸው ባያበቅሉም፣ አላህ ከሌሎች አካባቢዎች ምርት ወደ መካ እንዲገባ አደረገ ። ነብዩሏህ ኢብራሂም ቤተሰባቸውን አስቀምጠው የሄዱት በአሁን ሰዓት መካ ተብላ የምትጠራውን ሀገር ነው የዛን ግዜ "ሸይበት" ወይም "በቃ" ተብላ ትጠራ የነበረችው ይህች ቦታ ፣ ዛሬ በዓለም ላይ ካሉ ታላላቅ የንግድ፣ የቱሪዝም እና የሃይማኖታዊ ስብሰባዎች ማዕከል አንዷ ሆናለች ። የሚገርመው የዛን ግዜ ብቻ አይደለም ዛሬ እስካሁን ረሱ ሀገሪቷ ይህንን ፅሁፍ ስፅፍ የሙቀት መጠኗ 43°c ደርሷል ሌላ ሀገራት ግዜው ክረምት ነው መካ ግን ኢብራሂም ይህን ዱዓ ካደረጉበት ሰዓት አንስቶ እስካሁንም ሁሌም በረሃ እና በጋ ናት ፤ ይህ ከመሆኑም ጋር ግን እስካሁን ከአመት እስከ አመት ሀገሪቷ ላይ ፍራፍሬ ጠፍቶ አያውቅም እንደው መጥፋት ብቻ ሳይሆን ፍራፍሬ ከሚያመርቱ ሀገራት ይልቅ መካ ላይ ርካሽና ጥራቱን የጠበቀ ፍራፍሬ ሞልቶ ይገኛል !!! ስለዚህ፣ ኢብራሂም (ዐለይሂ ሰላም) ያንን ቦታ የለመኑት "ከምንም ተክል የሌለበት" ሆኖ ሳለ ፣ አላህ በዱዓው አማካኝነት የዓለም መዳረሻ ፣ የሰላም እና የሲሳይ መፍሰሻ እንዲሆን አደረገው ። ዛሬ በዓለም ዙሪያ ያሉ ሙስሊሞች መካን መናፈቃቸው እና በዚያ የሚገኙት የምግብ አይነቶች የዚሁ የረጅም ጊዜ ዱዓ ፍሬ ናቸው ። አንድ ዱዓ ------ ተንቦግብጎ የማያልቅ ምላሽ!! ጌታዬ ሪዝቃችንን አስፋልን ?? አሚን !!!! ✍አቡ ሙስዐብ ጅብሪል ሱልጣን ✔️ ሰዎች አወደሱህም አወገዙህም በዲንህ ላይ ቀጥ በል!! https://t.me/Abumuseab