اکنون در دسترس! پژوهش تلگرام ۲۰۲۵ — مهمترین بینشهای سال 
RFI ខេមរភាសា / RFI Khmer
رفتن به کانال در Telegram
សួស្តី និងសូមស្វាគមន៍មកកាន់ Telegram ផ្លូវការរបស់វិទ្យុបារាំងអន្តរជាតិ RFI ខេមរភាសា! 🌍 rfi.fr/km/
نمایش بیشتر📈 تحلیل کانال تلگرام RFI ខេមរភាសា / RFI Khmer
کانال RFI ខេមរភាសា / RFI Khmer (@rfi_km) در بخش زبانی خمر مرکزی بازیگری فعال است. در حال حاضر جامعه شامل 13 140 مشترک است و جایگاه 15 559 را در دسته اخبار و رسانهها و رتبه 424 را در منطقه كمبوديا دارد.
📊 شاخصهای مخاطب و پویایی
از زمان ایجاد در невідомо، پروژه رشد سریعی داشته و 13 140 مشترک جذب کرده است.
بر اساس آخرین دادهها در تاریخ 20 ژوئن, 2026، کانال فعالیت پایداری دارد. در ۳۰ روز گذشته تغییر اعضا برابر -40 و در ۲۴ ساعت گذشته برابر -4 بوده و همچنان دسترسی گستردهای حفظ شده است.
- وضعیت تأیید: تأیید شده (به صورت رسمی توسط تلگرام)
- نرخ تعامل (ER): میانگین تعامل مخاطب 14.43% است و در ۲۴ ساعت نخست پس از انتشار، محتوا معمولاً 11.41% واکنش نسبت به کل مشترکان کسب میکند.
- دسترسی پستها: هر پست به طور میانگین 1 897 بازدید دریافت میکند. در اولین روز معمولاً 1 500 بازدید جمعآوری میشود.
- واکنشها و تعامل: مخاطبان بهطور فعال حمایت میکنند؛ میانگین واکنش به هر پست 3 است.
📝 توضیح و سیاست محتوایی
نویسنده این فضا را محل بیان دیدگاههای شخصی توصیف میکند:
“សួស្តី និងសូមស្វាគមន៍មកកាន់ Telegram ផ្លូវការរបស់វិទ្យុបារាំងអន្តរជាតិ RFI ខេមរភាសា!
🌍 rfi.fr/km/”
به لطف بهروزرسانیهای پرتکرار (آخرین داده در تاریخ 21 ژوئن, 2026)، کانال همواره بهروز و دارای دسترسی بالاست. تحلیلها نشان میدهد مخاطبان بهطور فعال با محتوا تعامل دارند و آن را به نقطه اثرگذاری مهم در دسته اخبار و رسانهها تبدیل کردهاند.
13 140
مشترکین
-424 ساعت
-267 روز
-4030 روز
آرشیو پست ها
13 141
មនុស្សស្លាប់ជាង១០នាក់ ក្នុងការវាយប្រហាររបស់កងទ័ពអ៊ីស្រាអែល នៅតំបន់ហ្កាហ្សា
នៅហ្កាហ្សា ការវាយប្រហាររបស់កងទ័ពអ៊ីស្រាអែលបានសម្លាប់មនុស្ស យ៉ាងហោចណាស់១១នាក់ក្នុងនោះ មានអ្នកកាសែតម្នាក់របស់ទូរទស្សន៍ Al Jazeera។ នេះបើផ្អែកតាមអាជ្ញាធរមូលដ្ឋាន នៅថ្ងៃសៅរ៍ ទី២០ មិថុនា។ ភាគីអ៊ីស្រាអែលបានអះអាងថា អ្នកកាសែតរបស់អាល់ហ្សាហ្សេរ៉ារូបនេះ ជាសមាជិកសកម្មរបស់ក្រុមប្រដាប់អាវុធហាម៉ាស។ ចំណែក អ្នកតំណាងរបស់Al Jazeera បានបរិហារ និងបានច្រាលចោលការចោទប្រកាន់របស់អ៊ីស្រាអែល។
👉 អានអត្ថបទទាំងស្រុង៖ https://rfi.my/CoOq.g
13 141
កម្មវិធីព័ត៌មានប្រចាំថ្ងៃអាទិត្យ ទី២១ ខែមិថុនា ឆ្នាំ២០២៦
👉 អានអត្ថបទទាំងស្រុង៖ https://rfi.my/CoMj.g
13 141
ផ្ទុះវិបត្តិការទូតរវាងអ៊ីតាលីនិងអាមេរិក ក្រោយលោក ត្រាំនិយាយថាលោកស្រីមេឡូនី សុំអង្វរលោកថតរូបជាមួយ
ជំនួបកំពូលG7 នៅបារាំងបានចប់ទៅហើយ តែរឿងរ៉ាវមិនទាន់ចប់ទេ។ ប៉ុន្មានថ្ងៃមកនេះ លោកដូណាល់ ត្រាំ បានបង្កឲ្យលោកស្រីប្រមុខរដ្ឋាភិបាលអ៊ីតាលី ចរចា មេឡូនី ខឹងអត់ទ្រាំមិនបាន បន្ទាប់ពីលោកដូណាល់ ត្រាំ បាននិយាយប្រាប់បណ្តាញព័ត៌មានថា លោកស្រីមេឡូនី បានទទូចសុំអង្វរលោកដើម្បីបានថតរូបជាមួយ។ ពាក្យសំដីនេះ ត្រូវបានលោកស្រីមេឡូនី ចាត់ទុកថាជាពាក្យប្រឌិត និងមាក់ងាយមកលើលោកស្រី ។
👉 អានអត្ថបទទាំងស្រុង៖ https://rfi.my/CoMD.g
13 141
តើបណ្តាញសង្គមអាចក្លាយជាច្រកនៃការរកយុត្តិធម៌នៅក្នុងសង្គមខ្មែរ?
បណ្តាញទំនាក់ទំនងសង្គមហាក់ក្លាយជាវេទិកាដ៏ពេញនិយមមួយសម្រាប់ការស្វែងរកយុត្តិធម៌នៅក្នុងសង្គមខ្មែរ។ អ្នកតាមដានសង្គមនានាបានកត់សម្គាល់ឃើញថា ការស្វែងរកយុត្តិធម៌ក្រៅប្រព័ន្ធតុលាការនេះបានកើនឡើងជាបន្តបន្ទាប់។ ជាក់ស្តែងនាពេលចុងក្រោយនេះ ពលរដ្ឋដែលជាអ្នកប្រើប្រាស់បណ្តាញសង្គម បានស្រែកអំពាវនាវរកយុត្តិធម៌ក្នុងបញ្ហាដែលមិនអាចដោះស្រាយបានតាមប្រព័ន្ធតុលាការ បញ្ហាដីធ្លី ការរឹតត្បិតសិទ្ធិសេរីភាព ការអនុវត្តច្បាប់មិនត្រឹមត្រូវរបស់អាជ្ញាធរ ឬការរងអំពើអយុត្តិធម៌ផ្សេងៗ។ តើបណ្តាញទំនាក់ទំនងសង្គមអាចក្លាយជាច្រកនៃការរកយុត្តិធម៌នៅក្នុងសង្គមខ្មែរ?
👉 អានអត្ថបទទាំងស្រុង៖ https://rfi.my/CoLz.g
13 141
សមត្ថកិច្ចចាប់ខ្លួនអ្នកផ្តល់កម្ចីអនឡាញ ២នាក់ ពីបទកំហែងយកប្រាក់ និងគំរាមកំហែងហែកកេរ្តិ៍
នាយកដ្ឋានប្រឆាំងបទល្មើសបច្ចេកវិទ្យានៃក្រសួងមហាផ្ទៃ បានអះអាងពីការចាប់ខ្លួនមនុស្សចំនួន ២នាក់ ពីបទកំហែងយកប្រាក់ និងគំរាមកំហែងហែកកេរ្តិ៍ ក្រោមរូបភាពជាកម្ចីអនឡាញ។ តាមការស្រាវជ្រាវ សមត្ថកិច្ចកំណត់បានថា ជនសង្ស័យទាំង ២បានប្រើប្រាស់គណនីហ្វេសប៊ុកឈ្មោះ «Zeii Neth» ដើម្បីគំរាមទារប្រាក់ពីជនរងគ្រោះ។
👉 អានអត្ថបទទាំងស្រុង៖ https://rfi.my/CoLh.g
13 141
រដ្ឋរក្សាទុកកំណើនភាគលាភដល់អ្នករត់កាណូតទេសចរណ៍ក្នុងខេត្តសៀមរាប
ប្រមុខរដ្ឋាភិបាលកម្ពុជា លោក ហ៊ុន ម៉ាណែត សម្រេចរក្សាទុកកំណើនភាគលាភនៃចំណូលពីសេវាទេសចរណ៍ជូនសហគមន៍អ្នករត់កាណូតទេសចរណ៍ចុងឃ្នៀសដដែល ទោះជាទៅថ្ងៃមុខតម្លៃប្រេងឥន្ធនៈចុះវិញក៏ដោយ។ អ្នកជំនាញទេសចរណ៍ ចង់ឃើញរដ្ឋាភិបាលវិនិយោគបន្ថែមទៅលើតំបន់ទេសចរណ៍ចុងឃ្នៀស ពីព្រោះតំបន់នេះបានជួយទាក់ទាញទេសចរណ៍ឲ្យមកកាន់ប្រទេសកម្ពុជាទាំងមូល។
👉 អានអត្ថបទទាំងស្រុង៖ https://rfi.my/CoLD.g
13 141
លោក ហួត ហាក់៖ កម្ពុជា និងភូមាដាក់គោលដៅទេសចរណ៍ «ប្រទេសពីរ គោលដៅមួយ»
កម្ពុជា និងភូមាបានចុះអនុស្សារណៈនៃការយោគយល់គ្នាស្តីពីកិច្ចសហប្រតិបត្តិការទេសចរណ៍ «ប្រទេសពីរ គោលដៅមួយ»។ ជាកិច្ចសហប្រតិបត្តិការទេសចរណ៍ដែលសម្រេចបាន នាអំឡុងពេលលោក ហួត ហាក់ រដ្ឋមន្ត្រីក្រសួងទេសចរណ៍កម្ពុជាទៅបំពេញទស្សនកិច្ចនៅភូមា កាលពីដើមសប្តាហ៍កន្លងទៅ។ លោក ហួត ហាក់ រដ្ឋមន្ត្រីក្រសួងទេសចរណ៍ បានថ្លែងប្រាប់វិទ្យុបារាំងអន្តរជាតិ Rfi នៅថ្ងៃអាទិត្យទី២១មិថុនានេះថា កិច្ចសហប្រតិបត្តិការទេសចរណ៍ «ប្រទេសពីរ គោលដៅមួយ» ជាកញ្ចប់សេវាកម្មទេសចរណ៍បំពេញគ្នាទៅវិញទៅមករវាងភូមា និងកម្ពុជា ដ្បិតថា ភូមាតែឯងមិនអាចទាក់ទាញភ្ញៀវទេសចរទាំងស្រុងនោះទេ។ បើតាមលោក ហួត ហាក់ កម្ពុជា និងភូមាមានគោលដៅទេសចរណ៍រួមគ្នាជាច្រើនដូចជាទេសចរណ៍វប្បធម៌ បេតិកភណ្ឌ និងទេសចរណ៍ព្រះពុទ្ធសាសនារួមគ្នា។
👉 អានអត្ថបទទាំងស្រុង៖ https://rfi.my/CoJx.g
13 141
លោក ហ៊ុន ម៉ាណែត ជំរុញឱ្យមន្ត្រីពង្រឹងការត្រួតពិនិត្យទំនិញគេចពន្ធ និងទំនិញហាមឃាត់ចូលមកកម្ពុជា
ប្រមុខរដ្ឋាភិបាលកម្ពុជា លោក ហ៊ុន ម៉ាណែត បានបញ្ជាឱ្យស្ថាប័នពាក់ព័ន្ធពង្រឹងការត្រួតពិនិត្យ និងឆែកឆេរទំនិញនាំចូលខុសច្បាប់តាមច្រកដើមខ្សែ ច្រកចល័ត និងតាមឃ្លាំងទំនិញធំៗ ដោយអនុលោមទៅតាមច្បាប់កំណត់។ ក្នុងសារសំឡេងដែលត្រូវបានបង្ហោះចែកចាយលើបណ្តាញសង្គមនៅថ្ងៃទី២០មិថុនា លោក ហ៊ុន ម៉ាណែត ក៏បានប្រាប់ឱ្យអាជ្ញាធរ និងស្ថាប័នពាក់ព័ន្ធត្រូវប្រុងប្រយ័ត្នចំពោះការអនុវត្តលើគោលការណ៍ដែលប៉ះពាល់ដល់ប្រជាពលរដ្ឋជាអាជីវករលក់រាយ។
👉 អានអត្ថបទទាំងស្រុង៖ https://rfi.my/CoJu.g
13 141
ការអង្កេត៖ ការបំពានតាមអនឡាញ កំពុងយាយីដល់អង្គការសង្គមស៊ីវិលមួយចំនួននៅកម្ពុជា
របាយការណ៍ថ្មីមួយបានរកឃើញថា ក្រុមគណនីហ្វេសប៊ុកមិនពិតប្រាកដកំពុងធ្វើការរួមគ្នា ដើម្បីដៅមុខសញ្ញាយាយីទៅលើអង្គការសង្គមស៊ីវិលមួយចំនួននៅកម្ពុជា។ នេះជាការលើកឡើងរបស់ លោក ង៉ែត ម៉ូសេ អ្នកប្រឹក្សាយោបល់ផ្នែកសន្តិសុខឌីជីថល នៅថ្ងៃទី២០ ខែមិថុនា ឆ្នាំ២០២៦។ តាមអ្នកជំនាញឌីជីថលរូបនេះដដែល ការបំពានតាមអនឡាញដែលបានកត់សំគាល់នេះ មិនមែនជាសេរីភាពបញ្ចេញមតិទេ។ ផ្ទុយទៅវិញ វាជាទម្រង់នៃពាក្យសម្ដីស្អប់ខ្ពើម និងភាសាប្រមាថដែលស្ថាប័នរងគ្រោះ គួរតែរកការអន្តរាគមន៍ពីក្រុមហ៊ុនហ្វេសប៊ុកដើម្បីដកចេញការយាយីទាំងនេះ។
👉 អានអត្ថបទទាំងស្រុង៖ https://rfi.my/CoJZ.g
13 141
អ៊ីរ៉ង់ប្រកាសបិទច្រកសមុទ្រអកមូហ្ស ក្រោយផ្ទុះអាវុធសាជាថ្មីរវាងក្រុមហេសបូឡានិងអ៊ីស្រាអែល
បទឈប់បាញ់ចូលជាធរមានមិនទាន់បាន១ថ្ងៃស្រួលបួលផង គ្រាប់ផ្ទុះបានលាន់់ឮសាជាថ្មីនៅភាគខាងត្បូងលីបង់។ កងទ័ពអ៊ីស្រាអែលបានបើកការវាយប្រហារ ដោយអះអាងថាដើម្បីឆ្លើយតប ទៅនឹងការបាញ់ប្លោងគ្រាប់រាប់សិបគ្រាប់ ពីសំណាក់ក្រុមហេសបូឡា។ ផ្អែកតាមអាជ្ញាធរលីបង់ ការផ្ទុះអាវុធជាថ្មីនេះ បានផ្តាច់ជីវិតមនុស្សយ៉ាងហោច១៦នាក់។ អ៊ីរ៉ង់បានប្រតិកម្មវិញភ្លាម ដោយបានប្រកាសបិទច្រកសមុទ្រអកមូហ្ស និងប្រាប់ទៅសហរដ្ឋអាមេរិកថា កិច្ចព្រមព្រៀងបឋមអាចនឹងត្រូវអាសារបង់។
👉 អានអត្ថបទទាំងស្រុង៖ https://rfi.my/CoGv.g
13 141
ភរិយារបស់នាយករដ្ឋមន្ត្រីអេស្ប៉ាញដែលពាក់ព័ន្ធករណីពុករលួយ ត្រូវតុលាការហាមមិនឲ្យចេញពីប្រទេស
លោកនាយករដ្ឋមន្រ្តី ប៉េត្រូ សាន់ឆេស៍ កំពុងស្ថិតនៅក្នុងព្យុះបោកបក់ បន្ទាប់ពីភរិយារបស់លោក លោកស្រី បេហ្កោញ៉ា ហ្កោមេស្ស ត្រូវបានតុលាការអេស្ប៉ាញស៊ើបអង្កេតពីបទពុករលួយ។ នៅថ្ងៃសៅរ៍ ទី២០ ខែមិថុនា តុលាការ បានសម្រេចដកលិខិតឆ្លងដែនរបស់លោកស្រី បេហ្កោញ៉ា ហ្កោមេស្ស និងហាមឃាត់មិនឲ្យចាកចេញពីប្រទេសក្នុងពេលដំណើរការស៊ើបអង្កេត។
👉 អានអត្ថបទទាំងស្រុង៖ https://rfi.my/CoGN.g
13 141
របបសង្គមនិយមគុយបា ប្រកាសកំណែទម្រង់ បើកចំហសេដ្ឋកិច្ចទីផ្សារសេរី
ថ្ងៃទី១៨មិថុនា រដ្ឋាភិបាលសង្គមនិយមគុយបា បានប្រកាសផែនការកំណែទម្រង់ដ៏ធំសម្បើម មាន១៧៦ចំណុច ដើម្បីបើកចំហរសេដ្ឋកិច្ចទីផ្សារសេរី។ កំណែទម្រង់នេះ ត្រូវបានគេមើលឃើញថា គឺជាការឆ្លើយតបទៅនឹងការដាក់សម្ពាធពីសំណាក់សហរដ្ឋអាមេរិក បន្ទាប់ពីលោកដូណាល់ ត្រាំបានគំរាមជាប្រចាំ ថាអាចប្រើកម្លាំងចូលគ្រប់គ្រងគុយបា។ តើផែនការកំណែទម្រង់បើកចំហរសេដ្ឋកិច្ចនាពេលនេះ អាចជួយជីវភាពប្រជាជនគុយបា បានកម្រិតណា?
👉 អានអត្ថបទទាំងស្រុង៖ https://rfi.my/CoEk.g
13 141
កម្មវិធីព័ត៌មានប្រចាំថ្ងៃសៅរ៍ ទី២០ ខែមិថុនា ឆ្នាំ២០២៦
👉 អានអត្ថបទទាំងស្រុង៖ https://rfi.my/CoDo.g
13 141
ប្រេសិតពិសេសនៃអង្គការសហប្រជាជាតិសម្រាប់កិច្ចការភូមា អំពាវនាវឲ្យដោះលែងលោកស្រី អ៊ុងសាន ស៊ូជី
នៅថ្ងៃសុក្រ ទី ១៩ មិថុនា ប្រេសិតពិសេសនៃអង្គការសហប្រជាជាតិសម្រាប់កិច្ចការភូមា លោកស្រី Julie Bishop បានអំពាវនាវឲ្យដោះលែង លោកស្រី អ៊ុងសាន ស៊ូជី ជាបន្ទាន់។ ការអំពាវនាវនេះ ធ្វើឡើងក្នុងកាលៈទេសៈដែលវិបត្តិនយោបាយភូមា នៅតែស្ថិតក្នុងភាពខ្មៅងងឹត ស្របពេលដែលរបបសឹកភូមាបន្តលាក់បាំងពីស្ថានភាពសុខភាពរបស់លោកស្រី អ៊ុងសាន ស៊ូជី។
👉 អានអត្ថបទទាំងស្រុង៖ https://rfi.my/CoD0.g
13 141
លោក ទៀ បាញ់ ថាក្រុមអ្នកប្រឆាំងនៅបរទេសតែងព្យាយាមបំបែកសាមគ្គីភាពរវាងកម្ពុជា និងវៀតណាម
លោក ទៀ បាញ់ អតីតប្រមុខការពារជាតិកម្ពុជា នៅថ្ងៃសៅរ៍ទី២០មិថុនានេះ បានចោទក្រុមអ្នកនយោបាយប្រឆាំងរស់នៅក្រៅប្រទេសថាតែងតែព្យាយាមបំបែកសាមគ្គីភាពរវាងកម្ពុជា និងវៀតណាម តែថា ការព្យាយាមនោះបានបរាជ័យ។ ការចេញមកឆ្លើយតបនេះ គឺបន្ទាប់ពីក្រុមអ្នកនយោបាយប្រឆាំងរស់នៅក្រៅប្រទេសបានសរសេររិះគន់ថា ការពឹងពាក់វៀតណាមរបស់លោក ហ៊ុន សែន ដើម្បីមកកម្ទេចរបបខ្មែរក្រហមកាលពី៤៩ឆ្នាំមុន គឺជាដំណើរនៃការនាំយកកងទ័ពវៀតណាមមកឈ្លានពានដែនអធិបតេយ្យកម្ពុជា។
👉 អានអត្ថបទទាំងស្រុង៖ https://rfi.my/CoBm.g
13 141
តុលាការកំពូលបើកសវនាការសំណុំរឿងក្បត់ជាតិរបស់អ្នកកាសែត២នាក់ ខណៈសង្គមស៊ីវិលរំពឹងឲ្យមានការដោះលែង
នៅថ្ងៃទី១៩មិថុនានេះ តុលាការកំពូលបានបើកសវនាការលើសំណុំរឿងក្បត់ជាតិរបស់អ្នកកាសែតអនឡាញ ២នាក់ គឺលោក ផន សុភាព និងលោក ភាព ភារ៉ា។ អង្គការសង្គមស៊ីវិលដែលតាមដានសំណុំរឿងនេះ រំពឹងថា តុលាការនឹងដោះលែងអ្នកទាំងពីរឲ្យបានមកជួបជុំគ្រួសារវិញ ក្នុងហេតុផលថា ពួកគេមិនប្រព្រឹត្តបទល្មើសដូចការចោទប្រកាន់។ គួរជ្រាបថា អ្នកកាសែតទាំង២ ត្រូវបានសមត្ថកិច្ចចាប់ខ្លួនកាលពីខែកក្កដាឆ្នាំ២០២៥ បន្ទាប់ពីបានបង្ហោះរូបភាពកងទ័ពខ្មែរឈរជើងនៅប្រាសាទតាក្របី។ ជារូបភាពដែលទាញការចាប់អារម្មណ៍យ៉ាងខ្លាំងពីប្រព័ន្ធផ្សព្វផ្សាយថៃ។
👉 អានអត្ថបទទាំងស្រុង៖ https://rfi.my/CoBX.g
13 141
បក្សក្រៅរដ្ឋាភិបាល និងសង្គមស៊ីវិលចាត់ទុកការកាត់ទោសលោក រ៉ុង ឈុន ជាការរំលោភសិទ្ធិមនុស្ស
គណបក្សក្រៅរដ្ឋាភិបាល និងអង្គការសង្គមស៊ីវិលបានបង្ហាញការខកចិត្តចំពោះសាលដីកាសម្រេចរបស់តុលាការកំពូលក្នុងសំណុំរឿង លោក រ៉ុង ឈុន ទីប្រឹក្សាគណបក្សកម្លាំងជាតិ។ ជាសេចក្តីសម្រេចមួយដែលគណបក្សក្រៅរដ្ឋាភិបាល និងអង្គការសង្គមស៊ីវិលចាត់ទុកជាការគម្រាមកំហែងផ្នែកនយោបាយ និងជាការរំលោភសិទ្ធិមនុស្សធ្ងន់ធ្ងរបំផុតនៅកម្ពុជា។ គួរជ្រាបថា តុលាការកំពូលនៅថ្ងៃទី១៩មិថុនាបានប្រកាសតម្កល់សាលដីកាសម្រេចរបស់សាលាឧទ្ធរណ៍ទុកជាបានការដោយផ្តន្ទាទោសលោក រ៉ុង ឈុន ដាក់ក្នុងពន្ធនាគាររយៈពេល ៣ឆ្នាំ តែត្រូវព្យួរ ដោយមិនអនុញ្ញាតឲ្យលោកធ្វើនយោបាយ និងបោះឆ្នោតរយៈពេល ៥ឆ្នាំ រួមនឹងបម្រាមផ្សេងៗទៀត។
👉 អានអត្ថបទទាំងស្រុង៖ https://rfi.my/CoAs.g
13 141
កម្ពុជា-ថៃយល់ព្រមកំណត់ព្រំដែនទឹកតាមយន្តការ UNCLOS តែការកំណត់ព្រំដែនគោកនៅស្រពិចស្រពិល
កម្ពុជា-ថៃបានអះអាងពីការយល់ព្រមកំណត់ព្រំដែនសមុទ្រប្រទេសទាំងពីរ ដោយផ្អែកទៅតាមយន្តការផ្សះផ្សាដោយបង្ខំ ក្រោមអនុសញ្ញាស្តីពីច្បាប់សមុទ្ររបស់អង្គការសហប្រជាជាតិ។ ការព្រមព្រៀងនេះ ធ្វើឡើងក្នុងជំនួបក្រៅផ្លូវការមួយរវាងលោកនាយករដ្ឋមន្ត្រី ហ៊ុន ម៉ាណែត និងលោកនាយករដ្ឋមន្ត្រីថៃ អានុធិន ឆានវីរៈគូន អំឡុងពេលមេដឹកនាំទាំងពីរចូលរួមកិច្ចប្រជុំអាស៊ាន-រុស្ស៊ី នាទីក្រុងកាហ្សាន កាលពីថ្ងៃទី១៩មិថុនា។ ទន្ទឹមនឹងការយល់ព្រមកំណត់ព្រំដែនទឹកតាមយន្តការ UNCLOS ប្រទេសទាំងពីរនៅមិនទាន់មានការឯកភាពគ្នាឲ្យប្រាកដប្រជាចំពោះព្រំដែនគោកនៅឡើយ។
👉 អានអត្ថបទទាំងស្រុង៖ https://rfi.my/CoA1.g
13 141
កម្ពុជាបរិហារថៃចំពោះការបង្ហូតទង់ជាតិក្នុងតំបន់ច្រកទ្វារអន្តរជាតិថ្មដា
នៅថ្ងៃទី១៩មិថុនានេះ កម្ពុជា តាមរយៈក្រសួងការបរទេស បានចេញមកជំទាស់យ៉ាងដាច់អហង្ការចំពោះទង្វើយោធាថៃដែលបានលើកដង និងបង្ហូតទង់ជាតិថៃ នៅក្នុងទឹកដីកម្ពុជា ត្រង់តំបន់ច្រកទ្វារអន្តរជាតិថ្មដា ក្នុងស្រុកវាលវែង ខេត្តពោធិ៍សាត់។ នេះជាការតវ៉ាសាជាថ្មីទៀតរបស់កម្ពុជាទៅនឹងសកម្មភាពរំលោភបំពានរបស់ភាគីថៃ ក្រោយការប្រកាសបទឈប់បាញ់កាលពីថ្ងៃទី២៧ធ្នូ ឆ្នាំ២០២៥។
👉 អានអត្ថបទទាំងស្រុង៖ https://rfi.my/Co9s.g
13 141
មន្ទីរបញ្ចកោណស្នើសុំថវិកា៨០ពាន់លានដុល្លារពីខុនហ្រ្កេសដើម្បីរ៉ាប់រងខ្ទង់ចំណាយលើសង្រ្គាមអ៊ីរ៉ង់
ខណៈពេលដែលអាមេរិក និងអ៊ីរ៉ង់ចុះកិច្ចព្រមព្រៀងបឋមដើម្បីបញ្ចប់សង្រ្គាមអ៊ីរ៉ង់ ក្រសួងការពារជាតិអាមេរិកបានដាក់ឯកសារស្នើសុំថវិកាប្រមាណ៨០ពាន់លានដុល្លារដើម្បីទប់ទល់នឹងការចំណាយទៅលើសង្រ្គាមអ៊ីរ៉ង់។ យោងតាមការចុះផ្សាយរបស់កាសែតអាមេរិក Wall Street Journal នៅសប្តាហ៍នេះ ក្រសួងការពារជាតិអាមេរិកព្រមានពីការកាត់បន្ថយការហ្វឹកហាត់ និងចំនួនទាហានដែលរដ្ឋបាលលោកដូណាល់ត្រាំបានបញ្ជាឲ្យដាក់ពង្រាយនៅតាមព្រំដែនម៉ិកស៊ិក ក្នុងករណីដែលសភាខុនហ្រ្កេសមិនអនុម័តកញ្ចប់ថវិកាធ្វើសង្រ្គាម។
👉 អានអត្ថបទទាំងស្រុង៖ https://rfi.my/Co7E.g
