RFI ខេមរភាសា / RFI Khmer
Открыть в Telegram
សួស្តី និងសូមស្វាគមន៍មកកាន់ Telegram ផ្លូវការរបស់វិទ្យុបារាំងអន្តរជាតិ RFI ខេមរភាសា! 🌍 rfi.fr/km/
Больше📈 Аналитический обзор Telegram-канала RFI ខេមរភាសា / RFI Khmer
Канал RFI ខេមរភាសា / RFI Khmer (@rfi_km) языкового сегмента Центральный кхмер является активным участником. Сейчас сообщество объединяет 13 114 подписчиков, занимая 15 379 место в категории Новости и СМИ и 417 место в регионе Камбоджа.
📊 Показатели аудитории и динамика
С момента создания невідомо проект демонстрирует стремительный рост, собрав аудиторию из 13 114 подписчиков.
Согласно последним данным от 14 июля, 2026, канал показывает стабильную активность. За последние 30 дней изменение числа участников составило -51, а за последние 24 часа — -4, при этом общий охват остаётся высоким.
- Статус верификации: Верифицирован (официально подтверждён Telegram)
- Уровень вовлечённости (ER): Средний показатель вовлечённости аудитории составляет 13.90%. В первые 24 часа после публикации контент обычно набирает 11.06% реакций от общего числа подписчиков.
- Охват публикаций: В среднем каждый пост получает 1 823 просмотров. В течение первых суток публикация набирает 1 450 просмотров.
- Реакции и взаимодействия: Аудитория активно поддерживает контент: среднее количество реакций на один пост — 2.
📝 Описание и контентная политика
Автор описывает ресурс как площадку для выражения субъективного мнения:
“សួស្តី និងសូមស្វាគមន៍មកកាន់ Telegram ផ្លូវការរបស់វិទ្យុបារាំងអន្តរជាតិ RFI ខេមរភាសា!
🌍 rfi.fr/km/”
Благодаря высокой частоте обновлений (последние данные получены 15 июля, 2026) канал поддерживает актуальность и высокий уровень охвата публикаций. Аналитика показывает, что аудитория активно взаимодействует с контентом, что делает его важной точкой влияния в категории Новости и СМИ.
13 114
Подписчики
-424 часа
-87 дней
-5130 день
Архив постов
13 114
រដ្ឋបាលលោកដូណាល់ ត្រាំ ចាប់ផ្តើមគម្រោងដើម្បីវាយបំបាក់តុលាការព្រហ្មទណ្ឌអន្តរជាតិ
លោកដូណាល់ ត្រាំ ធ្លាប់បានប្រកាសថា តុលាការព្រហ្មទណ្ឌអន្តរជាតិ ដែលស្ថិតនៅទីក្រុងឡាអេ គ្មានអំណាចអ្វីមកស៊ើបអង្កេត ឬចោទប្រកាន់មកលើជនជាតិអាមេរិកឡើយ។ ស្ថិតក្នុងន័យនេះ លោករដ្ឋមន្ត្រីការបរទេសអាមេរិក ម៉ាកូ រូប៊ីយ៉ូ បានលើកឡើងកាលពីថ្ងៃចន្ទកន្លងទៅថា សហរដ្ឋអាមេរិកនឹងចាប់ផ្តើមវិធានការទណ្ឌកម្មទៅលើតុលាការព្រហ្មទណ្ឌអន្តរជាតិ ព្រោះតុលាការនេះគំរាមអធិបតេយ្យភាពរបស់សហរដ្ឋអាមេរិក។
👉 អានអត្ថបទទាំងស្រុង៖ https://rfi.my/Csdb.g
13 114
អតីតបុរសខ្លាំងស៊ីនជាំង ធ្លាក់ពីតំណែងនិងត្រូវបណ្តេញពីបក្ស ពីបទពុករលួយ
អតីតអ្នកទទួលខុសត្រូវនយោបាយនៅស៊ីនជាំង ដែលជាតំបន់ដ៏រសើបបំផុត ត្រូវបានបណ្តេញចេញពីជួរបក្សកុម្មុយនិស្ត និងទម្លាក់ចេញពីតួនាទីផ្លូវការទាំងអស់ ពីបទពុករលួយ។ នេះតាមបើតាមសារព័ត៌មានរដ្ឋ ចេញផ្សាយនៅថ្ងៃអង្គារទី ១៤កក្កដា ដោយលម្អិតអតីតបុរសខ្លាំងស៊ីនជាំងបានទទួលសំណូកជាទឹកប្រាក់ និងជាទំនាក់ទំនងផ្លូវភេទ។
👉 អានអត្ថបទទាំងស្រុង៖ https://rfi.my/CsdS.g
13 114
កម្មវិធីព័ត៌មានប្រចាំថ្ងៃអង្គារ ទី១៤ ខែកក្កដា ឆ្នាំ២០២៦
👉 អានអត្ថបទទាំងស្រុង៖ https://rfi.my/Csau.g
13 114
អ៊ីស្រាអែលនិងលីបង់ចាប់ផ្តើមចរចាគ្នារកសន្តិភាព ក្នុងបរិបទដែលអាមេរិកនិងអ៊ីរ៉ង់វាយប្រហារគ្នាឡើងវិញ
ថ្ងៃអង្គារទី១៤កក្កដា នៅទីក្រុងរ៉ូម ភាគីអ៊ីស្រាអែល និងលីបង់ ត្រូវចាប់ផ្តើមចរចាគ្នា ដោយមានសហរដ្ឋអាមេរិកជាអ្នកសម្របសម្រួល ដើម្បីឈានទៅរកសន្តិភាពជារៀងដរាប។ យ៉ាងណាក៏ដោយ គេមានសង្ឃឹមតិចណាស់ ថាការចរចាគ្នាពេលនេះ នឹងអាចហុចលទ្ធផលវិជ្ជមាន ស្របពេលដែលសង្គ្រាមរវាងអ៊ីរ៉ង់និងសហរដ្ឋអាមេរិក ហាក់កំពុងផ្ទុះឆេះឡើងវិញ ហើយក្រុមហេសបូឡាលីបង់ ដែលជាកូនចៅអ៊ីរ៉ង់ នៅតែជាឧបសគ្គធំចំពោះការកសាងសន្តិភាពអ៊ីស្រាអែល-លីបង់។
👉 អានអត្ថបទទាំងស្រុង៖ https://rfi.my/CsaY.g
13 114
ហេតុអ្វីកម្ពុជាត្រូវការពង្រឹងប្រព័ន្ធប្រកាសអាសន្នគ្រោះធម្មជាតិសម្រាប់ភ្ញៀវទេសចរ?
ប៉ុន្មានថ្ងៃចុងក្រោយនេះ ភ្ញៀវទេសចរជាច្រើននាក់បានជាប់គាំង ឬប្រឈមនឹងភាពគ្រោះថ្នាក់នៅតាមតំបន់រមណីយដ្ឋានធម្មជាតិមួយចំនួនដោយសារតែជំនន់ទឹកភ្លៀង។ អ្នកតាមដានសង្គមមួយចំនួនអំពាវនាវឱ្យអ្នករៀបចំដំណើរកម្សាន្តប្រយ័ត្នប្រយែងខ្ពស់ ដោយត្រូវធ្វើបច្ចុប្បន្នភាពអំពីបញ្ហាអាកាសធាតុជាប្រចាំ។ ទន្ទឹមគ្នានេះ អ្នកតាមដានសង្គមខ្លះក៏ចង់ឱ្យមានការរៀបចំប្រព័ន្ធប្រកាសអាសន្នដើម្បីជួយកាត់បន្ថយហានិភ័យដល់ភ្ញៀវទេសចរដែលបានដើរកម្សាន្តនៅក្នុងប្រទេសកម្ពុជា។ ហេតុអ្វីកម្ពុជាត្រូវការពង្រឹងប្រព័ន្ធប្រកាសអាសន្នគ្រោះធម្មជាតិសម្រាប់ភ្ញៀវទេសចរ?
👉 អានអត្ថបទទាំងស្រុង៖ https://rfi.my/Csa3.g
13 114
លីកាដូ៖ មានការចែកចាយរូបភាពស្រើបស្រាលលើអ៊ីនធ័រនែតជិត ៣០ករណីក្នុងរយៈពេល ៥ឆ្នាំចុងក្រោយ
ចាប់តាំងពីឆ្នាំ ២០២១ មក អង្គការ ការពារសិទ្ធិមនុស្សលីកាដូបានកត់ត្រាការចែកចាយរូបភាពស្រើបស្រាលដោយបំពានជិត ៣០ករណីនៅទូទាំងប្រទេសកម្ពុជា។ បើតាមអង្គការលីកាដូ ជនរងគ្រោះភាគច្រើនជាក្មេងស្រីវ័យជំទង់ និងថា ករណីដែលត្រូវបានចងក្រងពេលនេះគ្រាន់តែជាផ្នែកតូចមួយប៉ុណ្ណោះ។ ជុំវិញបញ្ហានេះ អង្គការលីកាដូបានស្នើឱ្យអ្នកអនុវត្តច្បាប់ចាត់វិធានការលើជនល្មើសជាជាងស្តីបន្ទោស និងរើសអើងលើជនរងគ្រោះ។
👉 អានអត្ថបទទាំងស្រុង៖ https://rfi.my/CsYN.g
13 114
ទូតខ្មែរនៅជប៉ុនច្រានចោលសំណេរលោកស្រី មូរ សុខហួរដែលផ្សាយនៅក្នុងកាសែត Nikkei Asia
នៅថ្ងៃទី១៤ ខែកក្កដា ឆ្នាំ២០២៦ នេះ ស្ថានទូតកម្ពុជាប្រចាំប្រទេសជប៉ុនបានច្រានចោលអត្ថបទគំនិតរបស់លោកស្រី មូរ សុខហួរដែលចុះផ្សាយនៅក្នុងកាសែតជប៉ុន Nikkei Asia។ ស្ថានទូតកម្ពុជាប្រចាំប្រទេសជប៉ុនយល់ថា អត្ថបទគំនិតរបស់លោកស្រី មូរ សុខហួរឆ្លុះបញ្ចាំងតែទស្សនៈនយោបាយផ្ទាល់ខ្លួនរបស់អ្នកនិពន្ធ ពោលមិនមែនជាការវាយតម្លៃចំពោះស្ថានភាពជាក់ស្តែងនៅកម្ពុជាទេ។
👉 អានអត្ថបទទាំងស្រុង៖ https://rfi.my/CsXu.g
13 114
អាជ្ញាធរជាតិអប្សរាឱ្យអាជីវករនៅតំបន់អង្គរបញ្ឈប់ការជួលឈុតបុរាណដែលខុសក្បួនខ្នាតខ្មែរ
អាជ្ញាធរជាតិអប្សរា និងមន្ទីរវប្បធម៌ខេត្តសៀមរាបបានណែនាំដល់អាជីវករជួលសម្លៀកបំពាក់បុរាណនៅមុខប្រាសាទអង្គរវត្ត ឲ្យប្រើប្រាស់ឈុតប្រពៃណីខ្មែរតាមក្បួនខ្នាតដើម និងកាត់បន្ថយការប្រើកំណាត់នាំចូលពីបរទេស ជាពិសេសពីប្រទេសថៃ។ ជាមួយគ្នានេះ អាជ្ញាធរជាតិអប្សរាក៏បានកំណត់ឲ្យបញ្ឈប់ទាំងស្រុងនូវការប្រើប្រាស់កំណាត់នាំចូលពីប្រទេសថៃ ក្នុងសេវាជួលសម្លៀកបំពាក់បុរាណនៅតំបន់អង្គរ នៅត្រឹមខែមករា ឆ្នាំ២០២៧ ខាងមុខនេះ។
👉 អានអត្ថបទទាំងស្រុង៖ https://rfi.my/CsW8.g
13 114
ធី សុវណ្ណថា និងស្វាមីត្រូវផ្តន្ទាទោសដាក់ពន្ធនាគារម្នាក់ៗ ៣ឆ្នាំ ករណីរិះគន់កងទ័ព
នៅថ្ងៃទី១៣ ខែកក្កដា ឆ្នាំ២០២៦ សាលាដំបូងរាជធានីភ្នំពេញបានផ្តន្ទាទោស ធី សុវណ្ណថា និងស្វាមី ឈ្មោះ ផែ សុវណ្ណារិទ្ធិ ដាក់ពន្ធនាគារម្នាក់ៗរយៈពេល ៣ឆ្នាំ និងពិន័យជាប្រាក់ ៦លានរៀលពីបទធ្វើឲ្យខូចទឹកចិត្តកងទ័ព។ នេះបើតាមការបញ្ជាក់របស់អង្គការលីកាដូ។ គូស្វាមីភរិយាដែលជាអតីតសកម្មជនល្បីល្បាញនៃគណបក្សប្រឆាំងរូបនេះត្រូវបានចាប់ខ្លួននៅក្នុងខែធ្នូ ឆ្នាំ២០២៥ បន្ទាប់ពីបានបង្ហោះសារជាបន្តបន្ទាប់ពាក់ព័ន្ធនឹងសង្គ្រាមព្រំដែនកម្ពុជា-ថៃ។
👉 អានអត្ថបទទាំងស្រុង៖ https://rfi.my/CsW7.g
13 114
លោកម៉ាក្រុង៖ បារាំងនិងអឺរ៉ុបត្រៀមប្រយុទ្ធការពារ សិទ្ធិនិងសេរីភាព បើទោះបីជាត្រូវពលីជីវិត
ក្នុងឱកាសបុណ្យជាតិបារាំង លោកប្រធានាធិបតីម៉ាក្រុង បានថ្លែងសុន្ទរកថា នៅចំពោះមុខមន្ត្រីក្រសួងការពារជាតិ និងមេទ័ពបារាំងធំៗ កាលពីថ្ងៃទី១៣កក្កដាម្សិលមិញ។ លោកម៉ាក្រុងបានអះអាងថា ការសន្យាដំឡើងការចំណាយ ដើម្បីពង្រឹងកម្លាំងសមត្ថភាពរបស់កងទ័ពបារាំង គឺជាអាទិភាពដើម្បីឲ្យបារាំងនិងអឺរ៉ុប អាចមានស្វ័យភាពយុទ្ធសាស្ត្រ។ លោកម៉ាក្រុង បានលើកឡើងថា ស្របពេលដែលសង្គ្រាមនិងភាពចលាចលកំពុងតែគំរាមពិភពលោក បារាំងនិងប្រទេសសមាជិកអឺរ៉ុបផ្សេងទៀត ត្រូវតែរួមសាមគ្គីគ្នារៀបចំឲ្យមានស្តង់ដាសព្វាវុធរួម ផលិតដោយអឺរ៉ុបខ្លួនឯង ទុកការពារសន្តិសុខអឺរ៉ុបខ្លួនឯង។ គ្មានឡើយពាក្យជាតិនិយម គឺមានតែការស្នេហាជាតិនិងការរួមសាមគ្គីគ្នារវាងសមាជិកអឺរ៉ុប។
👉 អានអត្ថបទទាំងស្រុង៖ https://rfi.my/CsSB.g
13 114
កាសែតអាមេរិកថារុស្ស៊ីធ្វើចារកិច្ចនៅជប៉ុន ដើម្បីបំប៉នសង្គ្រាមនៅអ៊ុយក្រែន
នៅថ្ងៃចន្ទទី១៣កក្កដានេះ តូក្យូបានប្រកាសទទួលស្គាល់អំពីភាពចាំបាច់ ដែលជប៉ុនត្រូវប្រឹងប្រយុទ្ធប្រឆាំងនឹងសកម្មភាពចារកិច្ចបរទេស។ សេចក្តីប្រកាសនេះធ្វើឡើងក្រោយពី កាសែតអាមេរិក បានចុះផ្សាយថារុស្ស៊ីបានទៅធ្វើចារកិច្ចនៅលើទឹកដីជប៉ុន ដើម្បីប្រមូលបានបច្ចេកវិទ្យាសំខាន់ៗ សម្រាប់ផលិតអាវុធ ដែលប្រើក្នុងសង្គ្រាមនៅអ៊ុយក្រែន។
👉 អានអត្ថបទទាំងស្រុង៖ https://rfi.my/CsRu.g
13 114
អ៊ីរ៉ង់បន្តវាយប្រហារទៅលើប្រទេសក្នុងតំបន់ សងសឹកទៅនឹងការវាយប្រហាររបស់អាមេរិក
នៅព្រឹកព្រលឹមទៀបភ្លឺថ្ងៃចន្ទ ទី១៣កក្កដា កងទ័ពអាមេរិកបានបន្តបើកការវាយប្រហារទៅលើគោលដៅយោធាច្រើនសិបកន្លែង នៅភាគខាងត្បូងអ៊ីរ៉ង់។ សងសឹកទៅនឹងការវាយប្រហារនេះ អ៊ីរ៉ង់បានបាញ់មីស៊ីលច្រើនគ្រាប់ទៀត ទៅលើហ្សកដានី បារ៉ែន និងកូវ៉ែត។ ការវាយប្រហាររបស់អ៊ីរ៉ង់ក្នុងទ្រង់ទ្រាយធំ បានបង្ហាញឲ្យឃើញថា កងឆ្មាំបដិវត្តន៍អ៊ីរ៉ង់ នៅតែមានសមត្ថភាពប្រយុទ្ធ ស្របពេលដែលប្រព័ន្ធការពារផ្លូវអាកាសរបស់ប្រទេសតំបន់ឈូងសមុទ្រពែក្ស ហាក់ដូចជាគ្មានប្រសិទ្ធភាព។
👉 អានអត្ថបទទាំងស្រុង៖ https://rfi.my/CsOV.g
13 114
អាស៊ានបើកកិច្ចប្រជុំក្រៅផ្លូវការជាលើកដំបូងជាមួយភូមា តែគ្មានវត្តមានកម្ពុជា
ប្រទេសថៃបានធ្វើជាម្ចាស់ផ្ទះរៀបចំកិច្ចប្រជុំក្រៅផ្លូវការរបស់អាស៊ានស្តីពីប្រទេសភូមានាថ្ងៃអាទិត្យ ទី១២ កក្កដា។ កិច្ចប្រជុំនេះបានផ្តល់ឱកាសឲ្យប្រទេសក្នុងប្លុកអាស៊ានបានជួបពិភាក្សាដោយផ្ទាល់ជាមួយភាគីភូមា គិតចាប់តាំងពីរដ្ឋប្រហារទម្លាក់រដ្ឋាភិបាលស៊ីវិលរបស់លោកស្រី អ៊ុង សានស៊ូជី កាលពីឆ្នាំ ២០២១។ តែអ្វីជាការកត់សម្គាល់ កម្ពុជាគ្មានវត្តមាននៅក្នុងកិច្ចប្រជុំអាស៊ានក្រៅផ្លូវការក្នុងប្រទេសថៃនេះទេ។
👉 អានអត្ថបទទាំងស្រុង៖ https://rfi.my/CsNR.g
13 114
អ្នកនាំពាក្យក្រសួងការបរទេស៖ ថៃព្រមដោះលែងអ្នកនេសាទខ្មែរ ៣នាក់នៅថ្ងៃទី៣០ កក្កដា ឆ្នាំ២០២៦
អាជ្ញាធរថៃនឹងដោះលែងអ្នកនេសាទខ្មែរ ៣នាក់ឲ្យត្រឡប់មកប្រទេសកម្ពុជានៅថ្ងៃទី៣០ ខែកក្កដា ឆ្នាំ២០២៦ខាងមុខ។ នេះបើតាមការឲ្យដឹងពីលោក ចាន់ រតនា អ្នកនាំពាក្យក្រសួងការបរទេសកម្ពុជាមកកាន់វិទ្យុបារាំងអន្តរជាតិ RFI នៅរសៀលថ្ងៃចន្ទ ទី១៣ ខែកក្កដា ឆ្នាំ២០២៦។ ការដោះលែងពលរដ្ឋខ្មែរទាំង៣នាក់កើតមានបន្ទាប់ពីមន្រ្តីកុងស៊ុលកម្ពុជាបានទៅសួរសុខទុក្ខអ្នកនេសាទខ្មែរទាំង ៣នាក់ដែលកំពុងឃុំខ្លួននៅប្រទេសថៃ កាលថ្ងៃទី១០ ខែកក្កដា ឆ្នាំ២០២៦កន្លងទៅ។ ក្រៅពីទាមទារឱ្យដោះលែងអ្នកនេសាទខ្មែរទាំង ៣នាក់ មន្ត្រីកម្ពុជាក៏កំពុងស្នើសុំឲ្យអាជ្ញាធរថៃផ្តល់ទូកនេសាទរបស់ពលរដ្ឋខ្មែរមកវិញ តែភាគីថៃតម្រូវឲ្យអ្នកនេសាទខ្មែររៀបចំឯកសារ និងស្វែងរកមេធាវីទាមទារតាមនីតិវិធីច្បាប់របស់ប្រទេសថៃ។ ទោះជាយ៉ាងនេះក្តី លោក ចាន់ រតនា អះអាងថា រដ្ឋាភិបាលកម្ពុជានឹងបន្តធ្វើការជាមួយអាជ្ញាធរថៃ ដើម្បីដោះស្រាយលើបញ្ហានេះ។
👉 អានអត្ថបទទាំងស្រុង៖ https://rfi.my/CsNE.g
13 114
នៅចំពោះមុខការសម្រុកវាយប្រហារពីរុស្ស៊ី ប្រធានាធិបតីអ៊ុយក្រែនប្រកាសផ្លាស់ប្តូរសមាសភាពរដ្ឋាភិបាល
លោក វ៉ូឡូឌីមៀរ ហ្សេឡេនស្គី ប្រធានាធិបតីអ៊ុយក្រែន បានប្រកាស នៅ ថ្ងៃ សៅរ៍ ទី ១២ កក្កដា អំពីការផ្លាស់ប្តូរសមាសភាពរដ្ឋាភិបាល និង ស្ថាប័នសន្តិសុខជាតិ ។ ការរៀបចំឡើងវិញរចនាសម្ព័ន្ធផ្ទៃក្នុងនេះ ធ្វើឡើងក្នុងកាលៈទេសៈដែលរុស្ស៊ី បន្តវាយប្រហារយ៉ាងសន្ធឹក សឹងពុំលួសថ្ងៃ ដែលតម្រូវឲ្យអ៊ុយក្រែន ខ្នះខ្នែងរកមធ្យោបាយ ដើម្បីការពារខ្លួន ។
👉 អានអត្ថបទទាំងស្រុង៖ https://rfi.my/CsMm.g
13 114
បារាំងជួបគ្រោះភ្លើងឆេះព្រៃដ៏កំណាចបំផុត នៅមាត់ច្រកចូលរដ្ឋធានីប៉ារីស
បន្ទាប់ពីរងបាតុភូតក្តៅខ្លាំងហួសហេតុអស់ជាច្រើនថ្ងៃ បារាំងកំពុងជួបគ្រោះភ្លើងឆេះព្រៃដ៏កំណាចបំផុតមួយទៀត នៅក្បែរក្រុងប៉ារីស។ ក្រុមពន្លត់អគ្គិភ័យជិត៥០០នាក់ កំពុងប្រើគ្រប់មធ្យោបាយ តាមផ្លូវអាកាសផង ផ្លូវគោកផង ប្រយុទ្ធប្រឆាំងនឹងភ្លើងព្រៃ តាំងពីរសៀលថ្ងៃអាទិត្យម្សិលមិញមក។ នៅព្រឹកថ្ងៃចន្ទទី១៣កក្កដានេះ យន្តហោះពន្លត់អគ្គិភ័យកាណាឌែរ ពីរគ្រឿងកំពុងបន្តធ្វើប្រតិបត្តិការ ប្រដាក់គ្នា ជួយក្រុមឡានទឹក។
👉 អានអត្ថបទទាំងស្រុង៖ https://rfi.my/CsMb.g
13 114
កម្ពុជាចាប់សាឡង់បូមខ្សាច់វៀតណាមមួយគ្រឿងដែលចូលកម្ពុជាដោយខុសច្បាប់
កម្លាំងសមត្ថកិច្ចចម្រុះរបស់កម្ពុជាបានចាប់សាឡង់បូមខ្សាច់មួយគ្រឿងរបស់វៀតណាមដែលលួចបើកចូលក្នុងដែនទឹកកម្ពុជាកាលពីរាត្រីថ្ងៃទី១០ ខែកក្កដា ឆ្នាំ២០២៦ នៅចម្ងាយប្រមាណ ៣គីឡូម៉ែត្រពី ច្រកទ្វារកោះរកា-ក្អមសំណ។ នេះបើតាមលោក អ៊ឹង ឌីប៉ូឡា អគ្គនាយកទទួលបន្ទុកក្តាប់រួមនៃអគ្គនាយកដ្ឋានធនធានរ៉ែ ដែលបញ្ជាក់ប្រាប់វិទ្យុបារាំងអន្តរជាតិRFIនៅរសៀលថ្ងៃទី១៣ ខែកក្កដានេះ។
👉 អានអត្ថបទទាំងស្រុង៖ https://rfi.my/CsM0.g
13 114
លោក ហ៊ុន ម៉ាណែត រម្លឹកឱ្យមន្ត្រីបញ្ចៀសការសាងសង់ដែលប៉ះពាល់ដល់ទេសភាព «បូជនីយដ្ឋានចងចាំ»
នាយករដ្ឋមន្ត្រីកម្ពុជា លោក ហ៊ុន ម៉ាណែត បានប្រាប់ឲ្យក្រសួងវប្បធម៌ និងស្ថាប័នពាក់ព័ន្ធបន្តយកចិត្តទុកដាក់ថែរក្សា និងបញ្ចៀសការសាងសង់ដែលប៉ះពាល់ដល់ទេសភាពប្រវត្តិសាស្ត្រនៃបូជនីយដ្ឋានចងចាំ។ នៅក្នុងសារលិខិតចុះថ្ងៃទី១១ ខែកក្កដា ឆ្នាំ២០២៦ លោក ហ៊ុន ម៉ាណែត បានរំឭកឲ្យស្ថាប័នពាក់ព័ន្ធធ្វើយ៉ាងណារួមគ្នាបំពេញការងារគ្រប់គ្រង និងអភិរក្សទីតាំងដែលជាសម្បត្តិបេតិកភណ្ឌពិភពលោកសម័យថ្មីទាំងនោះឱ្យបានហ្មត់ចត់។ សូមជម្រាបជូនថា កម្ពុជាបានចុះបញ្ជីបូជនីយដ្ឋានចងចាំនៅអង្គការយូណេស្កូចំនួន ៣ទីតាំងដែលរួមមាន មន្ទីរឃុំឃាំង ម-១៣ សារមន្ទីរស-២១ និងមជ្ឍមណ្ឌលប្រល័យពូជសាសន៍ជើងឯក។
👉 អានអត្ថបទទាំងស្រុង៖ https://rfi.my/CsLa.g
13 114
ស្លាប់យ៉ាងតិច៥០នាក់ ដោយជំនន់ទឹកភ្លៀងនិងបាក់ដី នៅភាគនិរតីបង់ក្លាដែស
រដូវភ្លៀងមូសុងឆ្នាំនេះ មានលក្ខណៈកាចសាហាវណាស់ នៅបង់ក្លាដែស។ ត្រឹមមួយសប្តាហ៍ ទឹកជំនន់និងគ្រោះថ្នាក់បាក់ដី បានផ្តាច់ជីវិតមនុស្ស៥០នាក់យ៉ាងតិច នៅតំបន់ភាគនិរតី ក្បែរព្រំដែនភូមា។ កងទាហាន និងឆ្មាំព្រំដែនបង់ក្លាដែស ព្យាយាមដឹកជញ្ជូនតាមទូក នូវស្បៀងអាហារ ទឹកស្អាត និងសម្ភារៈចាំបាច់ផ្សេងទៀត យកទៅឲ្យប្រជាជននៅតាមភូមិស្រុក ដែលត្រូវទឹកជំនន់ជន់លិច។ ប៉ុន្តែ ទឹកស្អាតនិងស្បៀង កាន់តែខ្វះ ខណៈចំនួនប្រជាជនស្ថិតក្នុងទឹកជំនន់ កើនឡើងដល់ជិត៣សែនគ្រួសារ។
👉 អានអត្ថបទទាំងស្រុង៖ https://rfi.my/CsKa.g
13 114
តំបន់ទេសចរណ៍ធម្មជាតិមួយចំនួននៅកម្ពុជាត្រូវបានផ្អាកដោយសារជំនន់ទឹកភ្លៀង
តំបន់ទេសចរណ៍ធម្មជាតិ ក្នុងឃុំដងពែង ស្រុកស្រែអំបិក ខេត្តកោះកុង ត្រូវបានផ្អាកទទួលភ្ញៀវទេសចរជាបណ្តោះអាសន្ន ចាប់ពីថ្ងៃទី១២ ខែកក្កដា ឆ្នាំ២០២៦ រហូតដល់មានសេចក្តីជូនដំណឹងជាថ្មី។ នេះជាការប្រកាសរបស់អធិការដ្ឋាននគរបាលស្រុកស្រែអំបិល ខណៈតំបន់ទេសចរណ៍ខ្លះទៀតដូចជាក្នុងខេត្តកំពង់ស្ពឺក៏ត្រូវបានអាជ្ញាធរព្រមានឲ្យបង្កើនការប្រុងប្រយ័ត្ន។ ប្រុងប្រយ័ត្នដោយសារតែជំនន់ទឹកភ្លៀងបន្តហូរធ្លាក់ពីលើភ្នំ។
👉 អានអត្ថបទទាំងស្រុង៖ https://rfi.my/CsJg.g
