23.5° бурчак остида

🇷🇺🇺🇦 Путин йил охиригача Донбассни тўлиқ эгаллашни буюрди Россия президенти Владимир Путин Украинадаги урушни тўхтатишнинг асосий шартларидан бири сифатида Донбасснинг бутун ҳудуди устидан назорат ўрнатишни сўрамоқда. Яъни, у Украина Донбасснинг маъмурий чегараларидан ўз қўшинларини олиб чиқишини талаб қилмоқда. Владимир Путин АҚШ президенти Доналд Трампнинг махсус вакиллари билан Москвада ўтган навбатдаги учрашувда ҳам яна шу позиция илгари сурган. Бу ҳақда Bloomberg агентлиги ўз манбаларига таяниб хабар бермоқда. Украина томони эса, ўз навбатида, можарони ҳозирги чизиқ бўйлаб музлатишга тайёрлигини, аммо рус армияси ҳали эгаллай олмаган ҳамда қачон эгаллаши ҳам аниқ бўлмаган ҳудудлардан воз кечмаслигини билдирди. Шу билан бирга, украиналиклар минтақанинг ўз назоратида қолган қисмларида мудофаани кучайтирмоқда. Украина президенти Володимир Зеленскийнинг таъкидлашича, Путин Россия армиясига йил якунига қадар Донеык вилоятини тўлиқ эгаллашни топширган. Россиялик ҳарбийлар эса бу муддатни 2027 йил 31 мартгача узайтиришни сўрамоқда. Ҳарбий экспертлар бу режани амалга ошириш мумкинлигига бироз шубҳа билан қарайди. Бу хулоса асосида можаронинг аллақачон позиыион босқичга ўтгани, Украина аста-секин жанг майдонида ташаббусни ўз томонига оғдираётгани ётади. "Ҳозирги илгарилаш суръатларида Россия қўшинлари Донецк вилоятининг қолган 19 фоизини фақат 2032 йил 2 октябрга келибгина эгаллаши мумкин", дейилади АҚШнинг Урушни ўрганиш институти (ISW) ҳисоботида. 🔥 @burchakostida

🇺🇸🇷🇺 Умар кимлиги ҳақида ҳеч қандай тасаввурга эга эмасман, у ҳақда ҳеч қачон эшитмаганман — Доналд Трамп Шунингдек, АҚШ президенти россиялик тадбиркор ўғлининг тўйига пул тўламагани, тўй эса суриштирувдаги зиёфатдан бутунлай бошқа жойда ва кунда бўлиб ўтганини таъкидлади. "Бу уларнинг тўйи шарафига уюштирилган “афтер-партй” эди. Мен бу зиёфатда иштирок этмаганман", — деди Трамп. 🔥 @burchakostida

🇺🇸🇷🇺 Кремл билан яқин алоқаларга эга россиялик тадбиркор Трампни ўғлининг тўй харажатларини тўлагани текширилмоқда Россиялик тадбиркор Умар Кремлёв АҚШ президенти Доналд Трампнинг ўғли — кичик Доналд Трампнинг Багама оролларида бўлиб ўтган тўй харажатларининг бир қисмини тўлагани ҳақида хабар тарқалганди. Ахios нашрининг хабар беришича, Демократлар партиясидан бўлган қонунчилар мазкур тўй харажатлари юзасидан текширув олиб бормоқда. Умар Кремлёв Халқаро бокс ассоциацияси (IBA) президенти ҳисобланади. У Россия раҳбари Владимир Путинга яқин шахс экани айтилади. АҚШ Конгресси Вакиллар палатаси аъзоси Роберт Гарсия ушбу хабарлар ортидан Оқ уй аппарати раҳбари Сюзи Уайлзга мактуб йўллади. "Назорат қўмитасидаги демократлар Трамп оиласининг президентга яқинлигидан фойдаланиб, бойлик орттиришга бўлган кўплаб уринишларини ўрганмоқда", — деган у. Гарсия кичик Трампга ҳам мактуб йўллаб, Кремлёвнинг унинг тўйини молиялаштиришдаги роли ҳақидаги текширув АҚШ президентининг ўғлига қарши бугунги кунга қадар энг жиддий айблов бўлиши мумкинлигини ёзган. Агар демократлар 3 ноябр куни АҚШ Конгресси учун бўлиб ўтадиган оралиқ сайловларда Вакиллар палатаси устидан назоратни қўлга киритса, Гарсия Конгресснинг бош терговчиси бўлиши мумкин. ProPublica платформаси 14 сентябр куни Трамп ўғлининг тўй харажатларига оид суриштирувни эълон қилди. Унда Халқаро бокс ассоциацияси раҳбари ва Владимир Путинга яқин бўлган тадбиркор Умар Кремлёв кичик Доналд Трампнинг Багама оролларидаги тўйи харажатларининг бир қисмини тўлагани маълум қилинган. Суриштирувга кўра, Кремлёв 2026 йил май ойида АҚШ президентининг тўнғич ўғли ва модел Беттина Андерсоннинг тўй маросими бўлиб ўтган хусусий ороллардан бирини ижарага олиш ва мушакбозлик харажатларини ўз зиммасига олган. Маросимда 50 га яқин меҳмон, жумладан, Оқ уй раҳбарининг яна бир ўғли Эрик Трамп ва президент куёви Жаред Кушнер иштирок этган. Кичик Трампнинг вакили суриштирув ортидан Умар Кремлёв АҚШ президенти ўғлининг шахсий дўсти эканини маълум қилди. 🔥 @burchakostida

🇽🇰 Махсус трибунал Косованинг собиқ президентини ҳарбий жиноятларда айбдор деб топиб, 25 йиллик қамоқ жазосига ҳукм қилди Гаагадаги Халқаро жиноий суд қошида ташкил этилган Махсус трибунал қисман тан олинган Косовонинг собиқ президенти Ҳошим Тачини ҳарбий жиноятларда айбдор деб топди. 58 ёшли Тачи 1990 йилларда Косово озодлик армиясига (КОА) қўмондонлик қилган даврида содир этилган қотиллик, қийноқлар, ноқонуний ҳибсда сақлаш ва бошқа жиноятларда айбланиб, 25 йиллик қамоқ жазосига ҳукм қилинди. Трибунал Тачини 96 нафар сиёсий рақиби ва Сербия хавфсизлик кучларига кўмаклашишда гумонланган шахсларни ўлдириш, 385 кишини ноқонуний ушлаб туриш, 303 кишини қийноққа солиш ва 50 кишига шафқатсиз муносабатда бўлишда айбдор деб топди. Тачи ўзига қўйилган барча айбловларни рад этди. Тачи иши 2023 йилнинг апрелидан бери Европа Иттифоқи талаби билан 2015 йилда ташкил этилган Косово бўйича Махсус суд палатасида кўриб чиқилаётган эди. Палата қисман тан олинган республика қонунлари бўйича ишлайди, бироқ Гаагада жойлашган. Иш доирасида КОАнинг яна уч нафар собиқ аъзоси — Кадри Весели, Якуп Красничи ва Режеп Селими ҳам айбланмоқда. Прокуратура уларнинг ҳар бирига ва Тачига 45 йилдан қамоқ жазоси берилишини сўраган эди. Тачи қисман тан олинган республикани 2016 йилнинг апрелидан бери бошқариб келган, унга қадар эса Косово бош вазири ва ташқи ишлар вазири лавозимларида ишлаган. Тачига 2020 йилда айблов эълон қилинган, шундан сўнг у президентлик лавозимини тарк этганди. 🔥 @burchakostida

🇺🇸🇮🇱 АҚШ Яқин Шарқ бўйича сиёсатда Исроилга тобе бўлишини истамайди, керак бўлса президент Трамп Исроил билан алоқаларни узишга тайёр — АҚШ вице-президенти Жей Ди Вэнснинг сўзларига кўра, АҚШ учун Исроил ҳарбий технологиялар ва разведка маълумотларини алмашишда муҳим ҳамкор ҳисобланади. Аммо икки давлат келиша олмайдиган вазиятлар бўлган. "Менимча, Трамп сўнгги 40 йил ичидаги ҳар қандай президентдан кўра кўпроқ, Америка халқининг манфаатлари Исроил ҳукуматининг манфаатларидан фарқ қилишини ҳис қилганда, Биби Нетаняҳу билан алоҳида йўлдан кетишга тайёрлигини кўрсатди... Доналд Трамп сўнгги 40 йил ичида “Биби яхши ҳамкор, аммо у ва менинг бу борадаги қарашларимиз турлича” ёки “Бу масалада Биби ноҳақ”, “Исроил нуқтаи назаридан Биби ҳақ, аммо Америка халқи биздан бошқа йўналишда ҳаракат қилишимизни хоҳлайди” дейишга тайёр бўлган ягона президентдир", — деди АҚШ вице-президенти. Вэнс мулоқот олиб бориш учун Исроил билан муносабатлар ҳам, бошқа алоқалар каби, биринчи навбатда Америка манфаатларига асосланиши кераклигини таъкидлади. У ушбу қоида NATO'га нисбатан ҳам амал қилишини қўшимча қилди. "NATO билан кўплаб муҳим алоқалар, ҳамкорликлар мавжуд, аммо бу Европа ташқи сиёсатимизни бутунлай NATO'га тобе қилиб қўямиз дегани эмас, худди Яқин Шарқдаги ташқи сиёсатимизнинг Исроил давлатига бўйсунишига йўл қўя олмаслигимиз каби", — деди сиёсатчи. Июл ойида Жей Ди Вэнс Исроил ҳукумати аъзолари Қўшма Штатлар ва Эрон ўртасидаги урушни якунлашга қаратилган келишувга қарши чиқиш учун АҚШ жамоатчилиги фикрига таъсир ўтказишга уринганини айтганди. Келажакда Республикачилар партиясидан президентликка потенциал номзод сифатида кўрилаётган Вэнснинг бу баёноти икки давлат ўртасидаги келишмовчилик кучайиб бораётганидан далолат беради. АҚШ вице-президенти июн ойида Эрон билан урушни якунлаш бўйича имзоланган келишувни ҳимоя қилган. Исроил эса ушбу келишувни қоралаган. 🔥 @burchakostida

🇺🇸🇪🇺🇺🇦🇷🇺 Россия разведкаси АҚШ ва Украинани қўллаб-қувватлаётган Европа давлатларида айрим шахсларни кузатиш ва ўлдиришни режалаштирган Бу ҳақда АҚШ Федерал қидирув бюроси (ФҚБ) расмийлари маълум қилди. Манхэттен федерал судида ошкор қилинган айблов хулосасига кўра, Россия разведка хизматлари билан боғлиқ тармоқ АҚШ ва бошқа давлатларда нишонга олинган шахсларни кузатиш ва кейинчалик ўлдириш учун одамларни ёллаган ҳамда уларга пул тўлашга уринган. Тармоққа жалб қилинган шахслардан, шунингдек, Украинага иттифоқчи деб қаралаётган Европа давлатларидаги фуқаролик ва ҳарбий инфратузилмаларга қарши террорчилик ҳаракатларини амалга ошириш сўралган. АҚШ федерал расмийларининг маълумотига кўра, Россия разведка хизматлари билан ҳамкорлик қилувчи шахслар тармоғи камида 2024 йилдан буён бутун дунё бўйлаб, жумладан Қўшма Штатлар ҳудудида ҳам ҳужумлар ва қотилликларни режалаштирган ҳамда айримларини амалга оширган. Расмийлар ушбу тармоқни Россиянинг дунё бўйлаб ташқи ҳужумларни, жумладан қотилликларни амалга ошириш учун ташкил этилган аппаратининг бир қисми деб атаган. Илгари тармоқ асосан Россия диссидентлари ва мамлакатдан қочиб кетган собиқ амалдорларни нишонга олган. Бироқ сўнгги вақтларда у Украинага иттифоқчи деб қаралаётган давлатларга эътибор қаратган. 🔥 @burchakostida

🇺🇸🇮🇷 АҚШ Эрон билан урушга ҳозиргача 38 млрд доллар сарфлаган Қўшма Штатларнинг Эронга қарши олти ойдан бери давом этаётган урушига сарфланган маблағ 38 миллиард долларга етди ва бу сумма ойига яна 3 миллиард долларга ошиши кутилмоқда. Бу ҳақда АҚШ Конгрессининг партиявий бўлмаган бюджет идораси (CBO) ўз ҳисоботида маълум қилди. CBO маълумотларига кўра, уруш 2027 йилнинг дастлабки уч ойида инфляцияни 0,5 фоизга ошириши мумкин. Ҳисоб-китоблар 1 августгача бўлган харажатларни қамраб олган. Уруш харажатларининг ортиши Қўшма Штатларнинг ўқ-дори захираларига босим ўтказиб, энергия нархларининг кўтарилишига олиб келмоқда. Бу эса мамлакатнинг бошқа эҳтимолий можароларга жавоб бериш имкониятлари ва аллақачон катта босим остида бўлган федерал бюджет билан боғлиқ хавотирларни кучайтирмоқда. CBO ҳисоботи Ҳўрмуз бўғозида тижорий кемаларга қилинган сўнгги ҳужумлар ва минтақадаги АҚШ ҳарбий иншоотларига зарбалар харажатларини қамраб олмаган. Шунингдек, урушни молиялаштириш учун олинган қарзлар бўйича фоиз харажатлари ҳам ҳисобга олинмаган. Улар умумий суммага яна ўнлаб миллиард доллар қўшиши мумкин. CBO ҳисоб-китобларига кўра, уруш АҚШнинг мудофаа салоҳияти ва ички иқтисодиёти учун кенг кўламли оқибатларга олиб келиши мумкин. Муҳим ўқ-дорилар, жумладан, ракеталарни тутиб қолувчи тизимлар етишмаслиги Пентагоннинг бошқа йирик можаро юзага келган тақдирда жавоб қайтариш имкониятларини чеклаши мумкин. CBO бундай эҳтимолий можаролар қаторида Хитой ва Тайван билан боғлиқ зиддиятни ҳам тилга олган. 🔥 @burchakostida

🇺🇦🇷🇺 Россия Ғарб давлатлари сиёсатчилари ва дипломатлари бўлган поезд яқинига атайин зарба берган — Володимир Зеленский Россия дрони 13 сентябр куни Украинадан Полшага кетаётган поездга зарба берганди. Ҳужумга учраган поезд яқинида Полшага европалик сиёсатчи ва дипломатларни олиб кетаётган махсус поезд ҳам бўлган. Унда Буюк Британиянинг собиқ бош вазири Борис Жонсон ва Германия канцлерининг энг яқин маслаҳатчиларидан бири Гюнтер Заутер ҳам бор эди. Украина президентининг сўзларига кўра, Россия ушбу поездда “европалик ва америкаликлардан иборат катта делегация” борлигини жуда яхши билган. "Россия бу ҳужумни қасддан амалга оширган. Улар бундай ҳаракатларни Молдова, Руминия ва баъзан Полшада ҳам қилган. Бу давомли жараён. Улар шу тариқа кучини кўрсатади ва ҳеч ким бунга жавоб қайтармаслигини яхши тушунади", — деди Зеленский. 🔥 @burchakostida

🇺🇦🇲🇩🇷🇺 Зеленский Россия унинг президентлик самолётига 2 марта ҳужум қилишга уринганини айтди Украина президентининг сўзларига кўра, ҳужумлар унинг Молдовадаги сўнгги сафарлари вақтида содир бўлган. "Менинг президентлик самолётим Молдовада эди ва шунинг учун улар Молдовага ҳужум қилди. Улар Молдова ҳаво ҳудудидан фойдаланди. Балки шахсан менга ҳужум қилишни хоҳлашмагандир... Биз бу ҳақда оммавий ахборот воситаларига хабар бермадик, лекин Кишинёв орқали уйга (Украинага) қайтаётганимизда улар яна ҳужум қилди", — деди Зеленский CBS News телеканалига берган интервюсида. Журналистнинг "Москва бу йўл билан Украина президентини қўрқитишга уринганми?", деган саволига Зеленский "шундай бўлиши мумкин", жавоб берди. 9 сентябр куни Норвегия бош вазири Йонас Гар Стёре Украина президентининг самолёти Молдовадан Норвегия пойтахти Ослога учаётганда дрон билан тўқнашиб кетишига оз қолганини айтганди. Зеленский 8 сентябр куни кечқурун Норвегия қироли Ҳаралд V нинг дафн маросимида иштирок этиш учун Молдовадан Ослога келган эди. 🔥 @burchakostida

🇸🇦 Ҳусийлар Маккага дрон учирганини рад этди Ҳаракатнинг сиёсий бюроси аъзоси Муҳаммад ал-Фараҳ мусулмонларнинг муқаддас шаҳри нишонга олингани ҳақидаги хабарни инкор этди. Ҳусийлар томонидан бошқариладиган SABA ахборот агентлигида эълон қилинган баёнотда бу айблов “мутлақо ёлғон” деб аталди. Шу билан бирга, ҳусийлар сўнгги ҳафта давомида Саудия Арабистонидаги ҳарбий ва энергетик объектларга бир нечта йирик ҳужумлар уюштирганини маълум қилди. Улар бу ҳужумлар Яманга қилинган ҳаво зарбаларига жавобан амалга оширилганини билдирди. 🔥 @burchakostida

🇸🇦 Саудия Арабистони ҳусийлар томонидан Маккага учирилган дронни уриб туширди Бу ҳақда ҳусийларга қарши Саудия Арабистони бошчилигидаги ҳарбий коалиция вакили Турки ал-Малкий маълум қилди. Маълумотларга кўра, дрон ислом оламининг муқаддас шаҳри устидаги тақиқланган ҳаво ҳудудига киришидан олдин йўқ қилинган. Турки ал-Малкийнинг айтишича, бу ҳусийларнинг 2017 йил июлида баллистик ракета учирганидан кейин Маккани нишонга олишга бўлган иккинчи уриниши ҳисобланади. "Муқаддас Макка шаҳрининг хавфсизлиги “қизил чизиқ” ҳисобланади", — деди ҳарбий коалиция вакили. 🔥 @burchakostida

🇺🇸 АҚШ нефт компаниялари глобал ёқилғи инқирози бошланганини эълон қилди — The Wall Street Journal Қайд этилишича, Ҳўрмуз бўғозининг узоқ муддатли тўсиб қўйилиши ва Саудия Арабистонидаги Шарқ — Ғарб нефт қувурига қилинган ҳужум нефт таъминотида жиддий узилишларга олиб келди. "Нарх ва таъминот бўйича хатарларни юмшата оладиган механизмлар асосан тугаб битган ва ҳозирда Эрон билан зиддият бошланган даврдаги ҳажмда захиралар йўқ", — деб таъкидлайди Chevron раҳбари Майк Вирт. WSJ маълумотларига кўра, жаҳон ёқилғи бозоридаги вазиятни танкерларга қилинган ҳужумлар ҳамда Хитой ўз захираларидан фойдаланганидан сўнг нефт харидини оширгани янада мураккаблаштирмоқда. Бундан ташқари, Яқин Шарқ ва Украинадаги жанговар ҳаракатлар вақтида нефтни қайта ишлаш заводлари фаолияти тўхтагани сабабли дизел етказиб бериш чекланган. Chevron компанияси раҳбарининг огоҳлантиришича, вазиятнинг тез орада яхшиланиши учун сабаблар ҳозирча мавжуд эмас. 🔥 @burchakostida

🇮🇷 Эрон самолёти ҳавога кўтарилган заҳоти ғилдираги узилиб кетди ва двигателида муаммолар юзага келди Эроннинг Boeing 737 самолёти ҳавога кўтарилган заҳоти фавқулодда ҳодисага учради, самолёт шассисининг ғилдираги узилиб кетди. Ҳодиса Sepehran авиакомпанияси рейсида содир бўлди. Самолёт Машҳаддан Кирмоншоҳга қараб йўл олганди. Самолёт ғилдираги узилиб кетганидан кейин двигателда муаммолар юзага келган. Самолёт салонида кучли силкиниш бошланиб, ўриндиқлар тепасидаги жавонлар шикастланган, оқибатда улардаги буюмлар йўловчилар устига қулаган. Ҳодиса туфайли самолётни аэропортга қайтаришга қарор қилинди ва Машҳадга муваффақиятли қўндирилди. Маълум қилинишича, йўловчилардан ҳеч бири жабрланмаган. 🔥 @burchakostida

🇺🇸🇮🇷 АҚШ Конгресси Вакиллар палатаси Трампдан Эрон билан урушни тўхтатишни талаб қилувчи резолюцияни қабул қилди Ҳужжатни Вакиллар палатасининг 220 нафар аъзоси қўллаб-қувватлади. 204 нафар қонунчи эса қарши овоз берди. Қайд этиш жоизки, мазкур резолюция юридик жиҳатдан мажбурловчи кучга эга эмас ва фақат тавсиявий хусусиятга эга. 🔥 @burchakostida

🇵🇦 Эл-Нино туфайли юзага келган қурғоқчилик кучайгани сабабли Панама канали орқали кемалар қатновига чеклов киритилади Панама канали Эл-Нино иқлим ҳодисаси туфайли юзага келган қурғоқчиликнинг кучайиши ортидан денгиз транспортини яна қисқартиришни режалаштирмоқда, бу эса дунёдаги энг муҳим юк ташиш йўлларидан бирини янада бўғиб қўяди. Канал глобал денгиз савдосининг 5 фоизини ва АҚШ контейнер ташишининг тахминан 40 фоизини амалга оширади. Ушбу канал юк ташувчилар томонидан афзал кўрилади, чунки у Хитой, Осиё ва АҚШ ўртасида савдо қилувчи компанияларнинг харажатлари ва транзит вақтини қисқартиради. Панама парламентига тақдим этилган режа лойиҳасига кўра, октябр ойидан бошлаб кунига ўртача 29,5 та кема транзит ўтказишга рухсат берилади - бу август ойидаги 36 та кемадан 18 фоизга кам. Сентябр бошида қурғоқчилик туфайли кунлик транзитлар 36 тадан 32 тагача қисқартирилган эди. Каналда юк ташиш чекловлари янада кучайиши мумкин, Эл-Нино шу йил охирида энг юқори чўққисига чиқиши кутилмоқда. Шамол, ҳаво босими ва ёғингарчилик режимида бутун дунё бўйлаб ўзгаришларга олиб келадиган табиий об-ҳаво шароити сўнгги тўрт ўн йилликдаги энг кучли бўлиши прогноз қилинмоқда. АҚШ ва Исроилнинг Эронга қарши уруши ва Ҳўрмуз бўғозининг ёпилиши логистикани мураккаблаштирди ва каналдан фойдаланувчи юк ташиш компаниялари учун қўшимча харажатларни келтириб чиқарди. Бундан ташқари Яман ҳусийларининг ҳужумларни кучайтириши яна бир муҳим денгиз йўли ҳисобланувчи Боб ал-Мандаб бўғози орқали кемалар қатнови учун хавфни оширди. 🔥 @burchakostida

🇨🇳🇺🇸 Қўрқув тарқатиш, қарама-қаршилик ва ёвуз рақобат фақат глобал сунъий интеллект бошқарувига халақит беради. Бу ҳеч кимнинг манфаатига хизмат қилмайди — Хитой ташқи ишлар вазирлиги вакили Го Сзякун. 🔥 @burchakostida

🇺🇸 Гарчи сунъий интеллектдан хавфлар борлигини аниқ бўлса ҳам, ўзини тартибга солишни сўраётган компаниялар “Троя оти” ни эслатади — АҚШ вице-президент Жей Ди Вэнс. 🔥 @burchakostida

🇩🇪 Германия ҳарбий авиабазасидан атиги бир километр узоқликда дрон қулаб тушди — Bild Нашрнинг хабар беришича, дрон қолдиқлари Штайнҳудер-Мер кўлидан шарқда топилган. Полиция ҳудудни кўздан кечирмоқда ва дроннинг бошқа қисмларини қидирмоқда. 🔥 @burchakostida

🇱🇹🇮🇹🇺🇦🇧🇾🇷🇺 Литва осмонида уриб туширилган дронда портловчи модда бўлган — Литва Мудофаа вазири "Литвада “Қалқон” режаси якунланди. Якуний маълумотларга кўра, мамлакатимиз ҳудудида қулаган дронда портлаш хавфи бўлган буюм топилган. Сапёрлар уни зарарсизлантирди. Мутахассислар учувчисиз қурилмани ўрганиш ва таҳлил қилишда давом этишади. Биз ушбу вазиятни Италия мудофаа вазири Гвидо Крозетто билан батафсил муҳокама қилдик. Вазир минтақамиз хавфсизлигини таъминлашни қатъий қўллаб-қувватлашини билдирди. Шунингдек, биз биргаликда қабул қилинган қатъий қарорлар ва кўрилган чоралар учун қирувчи самолёт экипажига миннатдорлик билдирдик. NATO'га аъзо мамлакатлар ҳамда барча хизматларнинг келишилган ҳаракатлари керакли натижаларни бермоқда ва хавфсизлигимизни таъминлашга ёрдам бермоқда", — деди Литва Мудофаа вазирлиги раҳбари Робертас Каунас. Аввалроқ NATO қирувчи самолётлари томонидан уриб туширилган дрон Литвага Беларус ҳудудидан учиб киргани хабар қилинган эди. Кейинроқ расмийлар учувчисиз қурилма Италия Ҳарбий-ҳаво кучлари самолётлари томонидан зарарсизлантирилганига аниқлик киритди. 🔥 @burchakostida

🇺🇸 Трамп Аll-in форумида Nvidia раҳбарига қўнғироқ қилиб, сунъий интеллект атрофидаги хавотирлар уйдирма эканини айтди Микропроцессор ва чиплар ишлаб чиқарувчи Nvidia компанияси раҳбари Женсен Ҳуанг Лос-Анжелесда ўтаётган Аll-in форумида чиқиш қилаётган пайтда унга АҚШ президенти Доналд Трамп қўнғироқ қилди. Ҳуанг телефон овозни баландлатиб, форум қатнашчиларига Трампнинг гапларини эшиттирди. АҚШ президенти сунъий интеллект атрофидаги хавотирлар уйдирма эканини ҳамда роботлар ҳокимиятни эгаллаб олмаслигини таъкидлади. Ушбу қўнғироқ IT соҳасининг етакчи вакиллари сунъий интеллект ишланмалари суръатини секинлаштиришга чақираётган бир пайтда юз берди. Аввалроқ Anthropic раҳбари Дарио Амодей 1-2 йиллик танаффус сунъий интеллект ривожида жиддий хатоларнинг олдини олишга хизмат қилишини маълум қилган эди. Унинг ушбу позициясини Microsoft раҳбари Билл Гейтс, ОpenAI раҳбари Сэм Алтман, шунингдек, SpaceX, Теsla ва хАI компаниялари раҳбари Илон Маск ҳам қўллаб-қувватлади. Маск ҳатто сунъий интеллект ядровий қуролни ишга тушириши мумкинлигидан огоҳлантирди. 🔥 @burchakostida