23.5° бурчак остида
Ir al canal en Telegram
@burchakostida — дунё майдонида рўй бераётган энг сўнгги янгиликлар, сиёсий таҳлиллар, шарҳлар, статистик ва тарихий маълумотларни биз билан кузатиб боринг! Алоқа (реклама): @burchakostidaadmin
Mostrar más📈 Análisis del canal de Telegram 23.5° бурчак остида
El canal 23.5° бурчак остида (@burchakostida) en el segmento lingüístico de Uzbeko es un actor destacado. Actualmente la comunidad reúne a 31 613 suscriptores, ocupando la posición 7 894 en la categoría Noticias y medios y el puesto 2 493 en la región Uzbekistán.
📊 Métricas de audiencia y dinámica
Desde su creación el невідомо, el proyecto ha mostrado un crecimiento acelerado, reuniendo a 31 613 suscriptores.
Según los últimos datos del 02 noviembre, 2026, el canal mantiene una actividad estable. En los últimos 30 días la variación de miembros fue de -129, y en las últimas 24 horas de -1, conservando un alto alcance.
- Estado de verificación: No verificado
- Tasa de interacción (ER): El promedio de interacción de la audiencia es 57.81%. Durante las primeras 24 horas tras publicar, el contenido suele obtener 55.04% de reacciones respecto al total de suscriptores.
- Alcance de las publicaciones: Cada publicación recibe en promedio 18 229 visualizaciones. En el primer día suele acumular 17 355 visualizaciones.
- Reacciones e interacción: La audiencia responde de forma activa: el promedio de reacciones por publicación es 0.
📝 Descripción y política de contenido
El autor describe el recurso como un espacio para expresar opiniones subjetivas:
“@burchakostida — дунё майдонида рўй бераётган энг сўнгги янгиликлар, сиёсий таҳлиллар, шарҳлар, статистик ва тарихий маълумотларни биз билан кузатиб боринг!
Алоқа (реклама): @burchakostidaadmin”
Gracias a la alta frecuencia de actualizaciones (últimos datos recibidos el 03 noviembre, 2026), el canal mantiene la vigencia y un amplio alcance. La analítica demuestra que la audiencia interactúa activamente con el contenido, lo que lo convierte en un punto de referencia dentro de la categoría Noticias y medios.
31 613
Suscriptores
-124 horas
-607 días
-12930 días
Archivo de publicaciones
31 611
🇺🇸 Трамп Эрон билан урушга сарфланган 30 миллиард долларни арзимас харажат деб ҳисобламоқда
"Мен Эрон билан урушга сарфланган 30 миллиард доллар ҳақида гапирган жуда аҳмоқ конгрессменни тингладим. Биз Венесуэладан бундан бир неча баравар кўп даромад олдик", — деди АҚШ президенти.
🔥 @burchakostida
31 611
🇺🇸🇮🇷 АҚШ ҳарбийлари Эрон жанубидаги Кешм оролига яширинча зарба берди — WSJ.
Нашр маълумотига кўра, сешанбага ўтар кечаси оролда портлашлар эшитилган. Шунингдек, АҚШ бир неча ҳафтадан буён Эронга нисбатан кичик кўламли зарбалар бериб келаётгани айтилган.
Fox News хабар беришича, зарбалар Эрон томонидан АҚШ самолёти ўққа тутилганига жавобан берилган ва мудофаа мақсадларини кўзлаган. Қайд этилишича, бу ҳодиса янги ҳарбий операция бошланганини англатмайди.
🔥 @burchakostida
31 611
🇷🇺Рамзан Қодиров Россия Табиий ресурслар вазирлигининг медали билан тақдирланди
Чеченистонга ташриф буюрган Россия бош вазири ўринбосари Дмитрий Патрушев республика раҳбари Рамзан Қодировга “Ҳамкорлик учун” медалини топширди. Мукофот Россия Табиий ресурслар ва экология вазирлиги томонидан таъсис этилган.
Патрушев Қодиров билан суҳбатда атроф-муҳитни муҳофаза қилиш соҳаси билан уч йилдан бери шуғулланаётганини таъкидлаб, унинг ушбу йўналишга эътибори учун миннатдорлик билдирди.
🔥 @burchakostida
31 611
🇺🇸🇮🇷 АҚШ Эроннинг Кешм оролидаги радарлар ва ракета учириш қурилмаларига зарба берди
Бу ҳақда NewsNation телеканали журналисти Келли Мейер маълум қилди.
🔥 @burchakostida
31 611
🇷🇺 Ярославлдаги нефтни қайта ишлаш заводига дронлар ҳужум қилди
Украина дронлари тунда Ярославль шаҳридаги нефтни қайта ишлаш заводига кенг кўламли ҳужум уюштирди. Ҳодиса оқибатида заводда шикастланишлар ва ёнғин юзага келган, икки нафар ходим жароҳатланган. Бу ҳақда вилоят губернатори Михаил Евраев маълум қилди.
Унинг сўзларига кўра, ҳужумни қайтариш вақтида 124 та дрон уриб туширилган.
Дронлар қолдиқлари бир нечта кўп қаватли ва хусусий уйларнинг деразаларини синдирган, шунингдек, автомобилларга зарар етказган.
🔥 @burchakostida
31 611
🇺🇸Трамп Эрондаги Пикакс тоғига зарба бериш эҳтимолини яна истисно қилмади
АҚШ президенти Доналд Трамп Эроннинг ядровий салоҳиятига зарба берилганини айтиб, Пикакс тоғига ҳам ҳужум қилиниши мумкинлигини билдирди.
“Биз уларнинг бутун ядровий салоҳиятини бомбардимон қилдик. Балки Пикакс тоғига ҳам зарба беришимизга тўғри келар, аммо бу муаммо эмас. Буни бир соат ичида амалга оширишимиз мумкин”, — деди у Fox News телеканалига берган интервьюсида.
🔥@burchakostida
31 611
🇺🇸🇺🇦🇷🇺 АҚШ 10–11 ноябр кунлари Абу-Дабида Украина ва Россия ўртасида уч томонлама музокаралар ўтказади. Бу ҳақда АҚШ президентининг махсус вакили Стив Уиткофф Х ижтимоий тармоғида маълум қилди
Унинг сўзларига кўра, музокараларда можарони ҳал этиш, кескинликни пасайтириш, урушдан кейинги хавфсизлик тизими, гуманитар масалалар ва тинчликка эришиш бўйича кейинги қадамлар муҳокама қилинади.
Шунингдек, АҚШ вакиллари шу ҳафта Брюсселда Франция, Германия, Буюк Британия, Европа Иттифоқи ва НАТО вакиллари билан учрашади. Томонлар Украина учун хавфсизлик кафолатлари, Европанинг урушдан кейинги хавфсизлик тизими ва Украинани тиклаш учун иқтисодий ёрдам масалаларини муҳокама қилади.
🔥 @burchakostida
31 611
🇮🇷🇺🇸 Трамп Эронга янги ҳужумлар уюштирса, бизЕвропадаги АҚШ базаларига зарба берамиз — Эрон Ислом инқилоби қўриқчилари корпуси.
🔥 @burchakostida
31 611
🇮🇱🇺🇸🇮🇷 Нетаняҳу Трампдан Эронга яна зарба беришни талаб қилди
Исроил бош вазири Бинямин Нетаняҳу АҚШ президенти Доналд Трамп билан телефон орқали суҳбатда ундан Эронга қарши зарбаларни қайта бошлашни талаб қилди. Бу ҳақда Ахios хабар берди.
Нашр манбаларига кўра, Нетаняҳу Трампдан Конгрессга оралиқ сайловлардан сўнг Эронга зарба беришни бошлашни сўраган. Бироқ АҚШ президенти ҳозирча ҳарбий ҳаракатлар ўрнига Қатар воситачилигида Теҳрон билан олиб борилаётган музокараларга имкон бериш тарафдори. Нетаняҳу эса бу музокаралардан хавотирда.
Трамп Эронга қарши аввалги ҳарбий амалиётлардан олдин (2025йил июн ва 2026йил феврал ойларида) ҳам иккита стратегияга амал қилган. Хусусан, келишувга эришишга ҳаракат қилган ва бир вақтнинг ўзида жанговар ҳаракатларни бошлашга тайёргарлик кўрган. 2026 йил июн ойида АҚШ ва Эрон ўт очишни тўхтатишга келишиб олган, бироқ кўп ўтмай ҳар икки томон бир-бирини тинчлик режимини бузганликда айблаган.
Октябр ойи охирида АҚШ Форс кўрфази давлатларини оралиқ сайловлардан сўнг минтақада қисқа, аммо шиддатли ҳарбий амалиёт ўтказиши мумкинлиги ҳақида огоҳлантирган. Шу билан бирга, АҚШ вице-президенти Жей Ди Вэнс Эрон Миллий хавфсизлик олий кенгаши котиби Муҳсин Ризоий билан боғланиб, Теҳрон ва Вашингтон ўртасида келишувга эришиш учун етарлича умумий нуқталар бор-йўқлигини аниқлашга уринган.
🔥 @burchakostida
31 611
🇺🇦🇷🇺 Россия Запорижжядаги гуманитар ёрдам тарқатилаётган мактабга авиабомбалар билан зарба берди, 24 киши ҳалок бўлди
Россия қўшинлари Запорижжя вилоятидаги Камишеваха посёлкасига авиабомбалар билан зарба берди. Бу ҳақда Украина президенти Володимир Зеленский маълум қилди.
Украина Фавқулодда вазиятлар давлат хизмати маълум қилишича, зарбалар оқибатида камида 24 киши ҳалок бўлган, яна кўплаб инсонлар жароҳатланган. Маҳаллий ҳокимият маълумотларига кўра, зарбадан сўнг 27 киши бедарак йўқолган.
"Ҳужум гуманитар мақсадларда фойдаланилаётган мактабга қаратилган. У ерда маҳаллий аҳолига инсонпарварлик ёрдами тарқатиларди. Биринчи зарбадан сўнг одамлар яширинган бошпанага яна тўққизта авиабомба ташланди", — деди Зеленский.
Унинг таъкидлашича, Россия ҳарбийлари Камишевахада қолган аҳоли ҳар ҳафтадан бери айнан шу ерда гуманитар ёрдам олишини билмаслиги мумкин эмас.
"Бу ҳужум Россия вазиятни юмшатиш ва тинчликка эришиш ниятида эмаслигини кўрсатади. Олешкидаги гуманитар амалиётдан сўнг тинчликка эришиш учун умид пайдо бўлганди, бироқ Россиянинг бугунги ҳужуми бунинг аксини кўрсатмоқда", — деди Украина етакчиси.
🔥 @burchakostida
31 611
🇵🇱🇷🇺 Полша Россия билан чегарасини мудофаа қилиш учун махсус бригада ташкил этмоқда — RMF24
Маълумотларга кўра, мавжуд ҳудудий мудофаа бригадаси 2026 йил охиригача чегара қўшинлари бригадасига айлантирилади.
Унинг вазифалари “Шарқий қалқон” лойиҳаси доирасида чегарани кузатиш, чегарачиларни қўллаб-қувватлаш ва чегараолди ҳудудларини мудофаа қилишдан иборат бўлади.
🔥 @burchakostida
31 611
🇫🇮🇫🇷 Финландия расман Франциянинг ядровий тийиб туриш бўйича ташаббусини амалга оширишга киришди — Финландия президенти
Александр Стуббнинг сўзларига кўра, бу масалада Финландия ҳамда Франция ҳамкорлигининг тўлиқ формати ҳозирча белгиланмаган.
🔥 @burchakostida
31 611
🇺🇸🇮🇷 Эрон билан уруш фонида АҚШнинг стратегик нефт захиралари сўнгги 44 йилдаги энг паст даражага етди
Қўшма Штатлар Энергетика вазирлиги маълумотларига кўра, нефт захиралари 282,2 миллион баррелгача пасайди. Бу 1982 йилнинг октябридан бери қайд этилган энг паст кўрсаткич ҳисобланади.
🔥 @burchakostida
31 611
🇦🇪🇺🇸🇮🇱🇮🇷 Яқин Шарқдаги можаро туфайли дунёда дизел ёқилғиси захиралари сўнгги 35 йилдаги энг паст даражага тушиб кетди
Бу ҳақда Абу-Даби нефт-газ компанияси (АDNOC) раҳбари Султон ал-Жобир маълум қилди.
Унинг сўзларига кўра, Ҳўрмуз бўғозида кемалар қатнови издан чиққач, жаҳон нефт захиралари қарийб 1 миллиард баррелга қисқарган, логистика харажатлари эса бир баррел нефт қийматининг 30 фоизигача ошган.
🔥 @burchakostida
31 611
🇰🇿 Қозоғистон Ғарбида давлат тўнтаришига уринишнинг олди олинди
Бу ҳақда Tengrinews мамлакат Миллий хавфсизлик қўмитасига таяниб хабар берди.
"Атирау шаҳрида конституциявий тузумни зўравонлик йўли билан ўзгартиришга тайёргарлик кўришда гумон қилинган 10 киши қўлга олинди. Тинтув давомида улардан ўқотар қуроллар, гиёҳванд моддалар ва диний адабиётлар мусодара қилинди", дейилади хабарда.
🔥 @burchakostida
31 611
🇷🇺🇺🇸🇺🇦 Путин Трамп кўмагида аста-секин халқаро изоляциядан чиқмоқда — The New York Times
Нашр Россия президентининг дипломатик фаоллиги ортганини ва Вашингтоннинг Москва билан муносабатларга ёндашуви ўзгарганини қайд этди.
"АҚШ санкцияларни юмшатиш ва Россия билан ҳамкорликни кенгайтириш имкониятини кўриб чиқмоқда. Ноябр ойида Путин Хитойда Трамп ва Си Жинпин билан учрашиши, декабрда эса АҚШ президентининг таклифига биноан Майамида бўлиб ўтадиган G20 саммитига ташриф буюриши мумкин", дейилади мақолада.
🔥 @burchakostida
31 611
🇬🇪Тбилисида “Дезертирка” номли бозорда кучли ёнғин чиқди
Маҳаллий оммавий ахборот воситаларининг хабар беришича, ёнғин Вокзал майдони яқинида, пиёдалар кўприги атрофида бошланган. Олов тез тарқалиб, бозорнинг савдо расталарига ўтган.
Ҳодиса оқибатида жароҳатланганлар ҳақида ҳозирча маълумот берилмаган.
🔥 @burchakostida
31 611
🇪🇺🇩🇪🇷🇺 Германия Олий суди Алишер Усмоновнинг Европа Кенгашига қарши даъвоси блокланишини ноқонуний деб топди
Die Welt нашрининг хабар беришича, россиялик миллиардернинг даъво аризаси 2023 йил декабр ойида киритилган. Ишни кўриб чиқаётган судя ҳужжатларни жавобгар томон — Белгияда жойлашган Европа Иттифоқи кенгашига юборишни буюрган. Бироқ Гамбург ери суди раиси Германия Ташқи ишлар вазирлигининг эътирозларига асосланиб, Федерал адлия департаменти билан маслаҳатлашгандан сўнг уларни топширишдан бош тортган.
Германия Олий суди ушбу рад жавобини бекор қилди. Олий суд қарорида Гамбург ери судяси тегишли ҳужжатларни жўнатишга тўсқинлик қилиш ваколатига эга бўлмагани таъкидланди.
"Буни рад этиш ноқонуний ҳамда аризачининг ҳуқуқларини бузди. Шунингдек, Федерал адлия идорасининг Германия ТИВ билан келишилган тавсияси мажбурий хусусиятга эга бўлмаган", дейилади Германия Олий суди қарорида.
Алишер Усмонов Европа Иттифоқи кенгашининг унга нисбатан “ишончсиз” ва “обрўсига путур етказувчи” даъволарини тарқатишни тақиқлашга ҳаракат қилмоқда. Гап миллиардерга қарши санкцияларни асослаш учун Европа Иттифоқи таянган расмий журналлардаги даъволар ҳақида кетмоқда. Хусусан, улардан бири Forbes'да чоп этилганди, унда Алишер Усмоновнинг президент Владимир Путин билан алоқаси борлиги ҳақида мақола эълон қилинган.
Суд қарорига қарамай, Европа Иттифоқи кенгаши санкцияларни асослашда Усмонов Владимир Путин манфаатлари йўлида фаолият юритгани ҳақидаги даъвони чиқариб ташламаган. Бироқ бу жумланинг ифодаланишини ўзгартирган. Усмонов ушбу маълумотлар ҳуқуқларини бузаётганини билдириб, Европа Иттифоқи кенгаши устидан судга даъво киритганди.
🔥 @burchakostida
31 611
🇺🇦Зеленский Россия нефтни қайта ишлаш заводларига ҳужумларни тўхтатиш шартини айтди
Украина президенти Володимир Зеленский Россия нефтни қайта ишлаш заводларига ҳужумларни тўхтатиш эвазига АҚШдан Patriot ҳаво мудофаа тизимлари учун ракеталар сўраган. Бу ҳақда у Fox News телеканалига берган интервьюсида маълум қилди.
Унинг сўзларига кўра, агар Россия Украина энергетика инфратузилмасига ҳужумларни тўхтатса, Киев ҳам Россиядаги нефтни қайта ишлаш заводларига зарба беришни бас қилишга тайёр.
Зеленский, шунингдек, АҚШдан Patriot ракеталарини бир ой муддатга етказиб беришни таклиф қилган. Украина уларнинг ҳақини тўлашга тайёрлигини билдирган.
🔥@burchakostida
31 611
🇺🇸 Трамп Эрон билан урушнинг чўзилишида ўз маслаҳатчиларини айблаши мумкин — The Atlantic
The Atlantic нашри маълумотига кўра, АҚШ президенти Доналд Трамп Эрон билан урушни тезда якунлай олмаганидан норози. У тез ғалаба қозонишни ваъда қилган Пентагон раҳбари Пит Ҳегсет ва генерал Дэн Кейнни айбдор қилиб кўрсатиши мумкин.
Трампга яқин манбалар Ҳегсет президентга урушдаги вазиятни аслидагидан кўра ижобийроқ кўрсатган бўлиши мумкинлигини айтган.
🔥 @burchakostida
