Endi mavjud! Telegram Tadqiqoti 2025 — yilning asosiy insaytlari 
23.5° бурчак остида
Kanalga Telegram’da o‘tish
@burchakostida — дунё майдонида рўй бераётган энг сўнгги янгиликлар, сиёсий таҳлиллар, шарҳлар, статистик ва тарихий маълумотларни биз билан кузатиб боринг! Алоқа (реклама): @burchakostidaadmin
Ko'proq ko'rsatish📈 Telegram kanali 23.5° бурчак остида analitikasi
23.5° бурчак остида (@burchakostida) O'zbek til segmentidagi kanali faol ishtirokchi. Hozirda hamjamiyat 33 193 obunachidan iborat bo'lib, Yangiliklar & Media toifasida 7 614-o'rinni va O'zbekiston mintaqasida 2 398-o'rinni egallagan.
📊 Auditoriya ko‘rsatkichlari va dinamika
невідомо sanasidan buyon loyiha tez o‘sib, 33 193 obunachiga ega bo‘ldi.
11 Iyun, 2026 dagi oxirgi ma’lumotlarga ko‘ra kanal barqaror faollikka ega. Oxirgi 30 kunda obunachilar soni -93 ga, so‘nggi 24 soatda esa 6 ga o‘zgardi va umumiy qamrov yuqori darajada qolmoqda.
- Tasdiqlash holati: Tasdiqlanmagan
- Jalb etish (ER): Auditoriya o‘rtacha 54.82% darajada jalb etiladi. Nashrdan keyingi dastlabki 24 soatda kontent odatda umumiy obunachilar sonining 55.61% ini tashkil etuvchi reaksiyalarni to‘playdi.
- Post qamrovi: Har bir post o‘rtacha 18 197 marta ko‘riladi; birinchi sutkada odatda 18 461 ta ko‘rish yig‘iladi.
- Reaksiyalar va o‘zaro ta’sir: Auditoriya faol: har bir postga o‘rtacha 0 ta reaksiya keladi.
📝 Tavsif va kontent siyosati
Muallif resursni shaxsiy fikrni ifoda etish maydoni sifatida ta’riflaydi:
“@burchakostida — дунё майдонида рўй бераётган энг сўнгги янгиликлар, сиёсий таҳлиллар, шарҳлар, статистик ва тарихий маълумотларни биз билан кузатиб боринг!
Алоқа (реклама): @burchakostidaadmin”
Yuqori yangilanish chastotasi (oxirgi ma’lumot 12 Iyun, 2026 da olingan) sababli kanal doimo dolzarb va katta qamrovli bo‘lib qoladi. Analitika auditoriya kontent bilan faol hamkorlik qilishini, uni Yangiliklar & Media toifasidagi muhim ta’sir nuqtasiga aylantirishini ko‘rsatadi.
33 193
Obunachilar
+624 soatlar
+167 kunlar
-9330 kunlar
Postlar arxiv
33 191
🇹🇭Таиланд маликаси 47 ёшида вафот этди – ОАВ
Малика Па номи билан танилган Бажракитиябха Нарендира Дебявати 2022 йилнинг декабр ойида мамлакатдаги миллий парклардан бирига ташрифи чоғида ҳушини йўқотган эди. Уни вертолётда Бангкокдаги шифохонага етказишган. Таиланд қироли Рама X нинг тўнғич қизи шундан кейин ўзига келмади.
Малика Па Рама X нинг тахтга даъвогарлик қилиши мумкин бўлган уч нафар фарзандидан бири эди. Тахт вориси сифатида Рама X нинг учинчи никоҳидан бўлган ўғли — Дипангкорн Расмичоти ҳисобланади дейилади хабарларда.
🔥 @burchakostida
33 191
🇮🇷🇺🇸Эрон ва АҚШ ўртасидаги низони ҳал қилиш тўғрисидаги меморандум 14 та банддан иборат — Mehr
Энг асосий бандлар қуйидагилардан иборат:
— Барча фронтларда, жумладан Ливанда ҳам урушни зудлик билан ва доимий асосда тўхтатиш;
— АҚШ ва унинг иттифоқчилари Эронни қайта тиклаш учун камида 300 миллиард долларлик молиявий кўмак режасини таклиф қилишлари керак;
— Вашингтон Теҳроннинг ички ишларига аралашмаслик мажбуриятини олади;
— Қўшма Штатлар 30 кун ичида денгиз блокадасини тўлиқ олиб ташлайди ва Эронга туташ ҳудудлардан ўз қўшинларини олиб чиқиб кетади;
— Ҳўрмуз бўғози 30 кун ичида Теҳрон талабларига риоя қилган ҳолда очилади;
— Эрон нефти савдоси санкциялардан чиқарилади;
— Кейинчалик, 60 кун ичида томонлар ядровий масала бўйича якуний келишувга эришиш учун музокаралар ўтказадилар;
— АҚШ Эроннинг 24 миллиард долларлик активларини музлатишдан чиқариши керак;
— Эроннинг ракета дастури ва Теҳроннинг минтақадаги иттифоқчиларини қўллаб-қувватлаши масалалари эҳтимолий келишув мавзулари қаторига кирмайди.
🔥 @burchakostida
33 191
🇺🇸🇮🇷🇨🇭АҚШ Ҳарбий-ҳаво кучларига тегишли 4 та C-17 самолёти вице-президент Вэнснинг яқин кунларда Женевада Вашингтон ва Эрон ўртасидаги келишувни имзолаш маросимига эҳтимолий ташрифи учун зарур бўлган барча нарсаларни етказиб бериш мақсадида Европага учиб кетди – Axios.
🔥 @burchakostida
33 191
🇷🇺Россия NATO билан урушга интилмаяпти – алянснинг Европадаги кучлари бош қўмондони, генерал Алексус Гринкевич
"Мен разведка маълумотларини жуда диққат билан кузатиб бордим. Россия низога интилаётгани йўқ... Улар мудофаа алянси атамасини ва бизда бир қатор асимметрик устунликлар мавжудлигини тушунишади.
Менинг вазифам — Россия агар Болтиқбўйи мамлакатларида бирор нарса қилишга уринса, бундан ҳеч нарса чиқмаслигини тушуниб етишини таъминлашдир. Чунки муваффақиятга эриша олмасликларини билишса, улар таваккал қилиб ўтиришмайди", — деди Гринкевич.
Бу ҳақда Financial Times нашри ёзмоқда.
Газетанинг қайд этишича, ушбу баҳо Болтиқбўйи мамлакатларида АҚШ ҳарбий иштирокининг қисқариши алянснинг тийиб туриш кучини заифлаштириши ва Москванинг режаларини ўзгартириши мумкинлиги ҳақидаги кучайиб бораётган хавотирларга зиддир.
Эслатиб ўтамиз, сўнгги пайтларда Европада Россиянинг ғарб давлатларига — яқин орада ҳам, тахминан 2030 йилга бориб ҳам ҳужум қилишга тайёрлиги ҳақида тез-тез баёнотлар берилмоқда.
Москвада эса NATO'га ҳужум қилиш режалари рад этиляпти ва блок давлатлари шу йўл билан ўз аҳолиси олдида ҳарбий харажатларнинг ошишини оқлашга уринаётгани таъкидланмоқда.
🔥 @burchakostida
33 191
🇺🇦Украина иттифоқчиларидан қурол-яроғ учун яна 20 миллиард доллар сўрайди – Politico
Киев жанг майдонида Россия устидан қозонилган вақтинчалик ғалабани мустаҳкамлаш" учун иттифоқчиларидан қурол-яроғга яна 20 миллиард доллар ажратишни сўрайди, акс ҳолда "имкониятлар ойнаси тез орада ёпилади", ҳатто "ҳалокат" юз бериши ҳам мумкин. Бу ҳақда Украинанинг юқори мартабали мулозимлари аноним тарзда Politico нашрига маълум қилган.
"Россия ёнаётганини ҳамма кўриб турибди ва биз у янада кучлироқ ёнишини хоҳлаймиз, лекин бунинг учун бизга молиявий кўмак керак", — деди Мудофаа вазирлиги вакили.
Киев ўз сўровини 18 июн ФҚБ куни бўлиб ўтадиган навбатдаги "Рамштайн" учрашувида эълон қилади. Ушбу масалани Фёдоров бир қатор давлатлардаги ҳамкасблари билан аллақачон муҳокама қилган. Кўзланган 20 миллиард долларлик кўрсаткичга эришиш учун иттифоқчиларнинг ҳар бирига 2 дан 6 миллиард долларгача маблағ ажратиш таклиф этилади: Бу ёрдам ёки кредит бўлиши мумкин.
Украинанинг юқори мартабали мулозими Киев ҳозирги вақтни Россияга ҳарбий босимни кучайтириш ва тинчлик музокараларини ўтказиш учун қулай, аммо вақт жиҳатидан чекланган фурсат деб ҳисоблашини айтди.
"Имкониятлар ойнаси тез орада ёпилади. Россия тез ва инновацион тарзда ҳаракат қилмоқда. Агар биз унга яна мослашиш учун вақт берсак, ушбу урушни ҳақиқий музокаралар орқали тугатишнинг ягона реал имкониятини қўлдан бой беришимиз мумкин. Агар Москва ўзининг ўрта масофага учувчи дронларини яратса, бу биз учун ҳалокат бўлади", — дея таъкидлади мулозим.
🔥 @burchakostida
33 191
+1
🇷🇺🇺🇦Россиянинг 15 та ҳудуди ва Қрим устида 200 дан ортиқ дрон уриб туширилди. Нижнекамскда барча байрам тадбирлари бекор қилинди
11 июндан 12 июнга ўтар кечаси ҳаво ҳужумидан мудофаа кучлари Россия ҳудудлари устида Украинанинг 231 та дронни тутиб олди ва йўқ қилди. Мамлакат Мудофаа вазирлиги маълумотларига кўра, дронлар Астрахан, Белгород, Брянск, Воронеж, Калуга, Курск, Липецк, Ростов, Самара, Саратов, Смоленск, Тула, Ульяновск вилоятлари, Татаристон, Москва региони ва аннексия қилинган Қрим устида уриб туширилган.
Татаристон раҳбари Рустам Минниханов дронлар Закамск ҳудудига ҳужум қилганини маълум қилди. "Ҳужумга учраган корхоналар оқибатларни тезкорлик билан бартараф этмоқда. Дронлардан бири турар жой биносига келиб урилган. Аҳоли эвакуация қилинган. Уч киши жароҳатланган", – дейди у.
База интернет-нашрининг ёзишича, дрон Нижнекамскдаги 12 қаватли уйга келиб урилган. Нижнекамск мэри Радмир Беляев шаҳарда Россия кунига бағишланган барча байрам тадбирлари бекор қилинганини маълум қилди.
🔥 @burchakostida
33 191
🇷🇺Россияда МАКС авиасалони яна бекор қилинди
Халқаро авиация ва космик салони (МАКС) 2026 йилги кўргазмалар рўйхатидан чиқариб ташланди, бу Россия ҳукуматининг тегишли фармойишидан маълум бўлди. Бундай қарор қабул қилиниши сабабларига аниқлик киритилмаган. Ҳужжатда МАКС билан бирга гидроавиация бўйича "Гидроавиасалон" илмий конференцияси ва "Халқаро вертолёт техникаси ва авиация тизимлари салони" ҳам тилга олинган — уларнинг барчаси 2027 йилга "кўчирилган".
Авиасалоннинг бекор қилиниши бошқа оммавий тадбирларнинг кўчирилиши фонида юз бермоқда. Хусусан, 12 июн — Россия куни муносабати билан Москвадаги Қизил майдонда ўтказилиши керак бўлган концерт ҳам бекор қилинди — тадбир бошқа жойга, Преображенская майдонидаги Моссовет номидаги маданият марказига кўчирилди.
Бу охирги 23 йил ичида биринчи марта содир бўлди, аввалроқ Қизил майдондаги концертлар ҳатто COVID-19 пандемияси даврида ҳам бекор қилинмаган эди. Россия Мудофаа вазирлиги буни "ҳозирги тезкор вазият" билан изоҳлади.
🔥 @burchakostida
33 191
🇪🇺ЕИ бошпана бериш тизимини кескин кучайтиришни бошлади
Европа Иттифоқи мигрантлар оқимини камайтириш ва уларнинг иттифоқ ичкарисига кириб боришини чеклашга қаратилган кенг кўламли миграция ислоҳотини ишга туширди.
DW хабарига кўра, эндиликда бошпана бериш аризалари энг кўп рад этиладиган давлатлар (жумладан, Россия, Туркия, Эрон ва Покистон) фуқаролари тўғридан-тўғри ЕИнинг ташқи чегарасидаги махсус марказларда текширувдан ўтказилади. Ариза топширилгандан бошлаб депортация қилингунга қадар бўлган бутун жараён 12 тҳафтадан ошмаслиги керак бўлиб, унгача мигрантларнинг мамлакатлар бўйлаб эркин ҳаракатланиши тақиқланади.
Янги қоидалар Греция, Италия ва Испания каби мигрантлар биринчи бўлиб кириб келадиган давлатлар масъулиятини оширади ва уларга ёрдам бериш учун аъзо мамлакатлар ўртасида мажбурий бирдамлик механизмини жорий этади.
Бироқ Полша ва Венгрия мигрантларни тақсимлашда иштирок этишдан бош тортган бўлса, Германия ўз тизими ҳаддан ташқари юклангани сабабли қўшимча бошпана изловчиларни қабул қилмаслигини билдирди.
Германия Ички ишлар вазири Александер Добриндт ушбу ислоҳотни "бурилиш нуқтаси" деб атаган, бироқ экспертлар кўплаб давлатлар ўз фуқароларини қайтариб олишни истамаслиги сабабли депортация жараёни барибир асосий муаммо бўлиб қолишини таъкидламоқдалар.
🔥 @burchakostida
33 191
🇶🇦🇦🇪🇵🇰🇺🇸🇮🇷Қатар, БАА ва Покистон Доналд Трампни Эронга зарба бериш фикридан воз кечишга кўндиришди. Улар келишувга жуда яқин қолинганини маълум қилишган – Politico.
🔥 @burchakostida
33 191
DW: Илон Маск дунёдаги биринчи долларли триллионерга айланди
SpaceX компанияси тарихдаги энг йирик акцияларни биржага жойлаштиришни муваффақиятли якунлади — ҳар бири 135 доллардан бўлган 555,6 миллион дона акция сотилди. Компания қийматининг Nasdaq биржасидаги дастлабки баҳоси 1,77 триллион долларни (1,53 триллион евро) ташкил этади.
12 июн куни савдолар бошланганидан кейин компаниянинг асосий эгаси Илон Маск бойлиги бир триллион доллардан ошган биринчи инсонга айланади. Маск биржага чиққандан кейин ҳам акцияларнинг 80 фоиздан ортиғига эгалик қилган ҳолда SpaceX устидан тўлиқ назоратни сақлаб қолади.
Шу билан бирга, 2025 йилда SpaceX компанияси 18,67 миллиард доллар тушум кўрган, бироқ унинг зарари қарийб 4,94 миллиард долларни ташкил этган. 2026 йилнинг биринчи чорагида эса Маск компанияси тахминан 4,7 миллиард доллар тушум билан 4,28 миллиард доллар зарар қайд этди. Зарар кўрилишининг асосий сабабларидан бири — "Starship" гигант ракетасини ишлаб чиқишга кетган юқори харажатлардир.
🔥 @burchakostida
33 191
🇬🇧Собиқ десантчи Дэн Жарвис Буюк Британиянинг янги Мудофаа вазири этиб сайланди
Буюк Британия бош вазири армиянинг етарлича молиялаштирилмаётганига норозилик сифатида мудофаа вазири Жон Хили истеъфо берган куннинг ўзидаёқ унинг ўрнига янги тайинловни амалга оширди — парламент депутати, собиқ десантчи офицер Дэн Жарвис Мудофаа вазири этиб тайинланди.
Ҳозирда 53 ёшда бўлган Дэн Жарвис Сэндхерст ҳарбий академиясини тамомлаган ва 2011 йилгача армияда хизмат қилган. У майор унвони билан заҳирага бўшатилган ва сиёсатга кириб келган. Стармер ҳукуматида у аввалига ички ишлар вазири ўринбосари, сўнгра шу кунгача ҳукумат аппарати вазири лавозимида ишлаб келаётган эди.
Жон Хили бош вазирга йўллаган мактубида мудофаа соҳасига инвестиция киритиш режаси "ушбу хавфли даврда мамлакат мудофааси учун зарур бўлган даражадан анча орқада қолаётганини" таъкидлаб, истеъфога чиқди.
Мудофаа вазирлиги ўтган йили ўтказилган ички баҳолаш натижаларига кўра, кейинги тўрт йил учун қўшимча 28 миллиард фунт стерлинг сўраган эди.
Бироқ, баъзи британиялик журналистларнинг маълумо қилишича, Стармер ўз ҳукуматидаги бошқа вазирликларни қуролли кучлар фойдасига харажатларни қисқартиришга кўндира олмаган. Кейинроқ унинг ортидан Хилининг ўринбосари — қуролли кучлар вазири Эл Карнс ҳам истеъфо берди, дейилади хабарда.
🔥 @burchakostida
33 191
🇺🇸Трамп Тулси Габбард ўрнига АҚШ Миллий разведкасининг янги раҳбарини танлади. Унинг аввалги номзоди Конгрессда танқид қилинган эди
АҚШ президенти Миллий разведка директори лавозимига Жей Клейтон номзодини танлади. Клейтон ҳозирги вақтда Нью-Йорк жанубий округи федерал прокурори лавозимини эгаллаб турибди ва бир қанча шов-шувли ишларни, жумладан, Венесуэланинг собиқ раҳбари Николас Мадурога қарши гиёҳванд моддаларнинг ноқонуний айланмаси бўйича жиноят ишини назорат қилмоқда.
Трамп Қўшма Штатлар Сенатини Клейтон номзодини "имкон қадар тезроқ" тасдиқлашга чақирди.
Доналд Трамп томонидан ушбу лавозимга кўрсатилган аввалги даъвогар — Федерал уй-жой молиялаштириш агентлигидан Билл Пулте Конгрессда кенг муҳокама ва танқидларга учраган эди.
🔥 @burchakostida
33 191
🇬🇧Буюк Британия мудофаа вазири Жон Хили ҳарбий бюджетдан норозилиги сабабли истеъфога чиқди
Маьлумотларга кўра, бош вазирга йўллаган мактубида у мудофаа соҳасига инвестиция киритиш режаси "ушбу хавфли даврда мамлакат мудофааси учун зарур бўлган даражадан анча орқада қолаётганини" ёзган. Унинг айтишича, режада қўшимча маблағ ажратиш кейинроққа — 2030 йилдан кейинги даврга қолдирилган, ваҳоланки жанговар шайликни ошириш айнан яқин икки йил ичида ўта муҳим аҳамиятга эга.
Хили Мудофаа вазирлигини 2024 йилнинг июль ойидан бери бошқариб келаётганди. Вазир сифатида у Украинага ҳарбий ёрдамни, жумладан, ҳаво ҳужумидан мудофаа тизимларини етказиб беришни кўпайтириш ва тезлаштиришни мунтазам равишда ёқлаб чиққан, шунингдек, уруш тугаганидан кейин мамлакатда Британия қўшинларини жойлаштириш ғоясини қўллаб-қувватлаган эди.
🔥 @burchakostida
33 191
🇮🇷🇶🇦🇺🇸 Қатар воситачилигида АҚШ–Эрон келишув лойиҳаси тайёрланди – Ахios
Нашр манбаларига кўра, Қатарлик ва эронлик музокарачилар АҚШ томонидан қабул қилиниши мумкин бўлган келишув лойиҳасига яқинлашгани хабар қилинмоқда. Таъкидланишича, музокараларда Эроннинг музлатилган активлари, ўт очишни тўхтатиш даврида Ҳўрмуз бўғозини қайта очиш ҳамда ядровий музокаралар учун умумий асослар бўйича келишувга эришилган.
Эрон расмийлари эса якуний қарор ҳали олий раҳнамо Мужтабо Хоминаий томонидан тасдиқланиши кераклигини билдирган.
🔥 @burchakostida
33 191
🇹🇭Таиланд суди икки эркакни мамлакат тарихидаги энг катта ҳужумни содир этганликда айблади ва уларни ўлим жазосига ҳукм қилди
Маълум бўлишича, 2015 йилда Бангкокда содир этилган портлашни ташкил қилишда айбланган иккала маҳкум — Билал Моҳаммад ва Юсуф Миерали Хитойдаги уйғур озчилиги вакилларидир.
Суднинг қарорига кўра, улар 2015 йил 17 август куни кечқурун Бангкок марказидаги, хорижлик туристлар гавжуд бўладиган Эраван ибодатхонаси яқинида юз берган портлашни тайёрлаш ва амалга оширишда иштирок этган. Ҳужум оқибатида 20 киши ҳалок бўлган, 120 дан ортиқ инсон жароҳатланган эди.
Бироқ полиция терговидаги кўплаб камчиликлар ва деярли ўн йил давом этган суд жараёнининг ўзи чиқарган қарори борасида жиддий саволларни пайдо қилди. Иккала айбланувчи ҳам бутун суд жараёни давомида ўз айбларини инкор этиб келган, дейилади оммавий ахборот воситалари хабарида.
🔥 @burchakostida
33 191
🇬🇧Шимолий Ирландияда суданлик муҳожирнинг Британия фуқаросига қилган ҳужумидан сўнг бошланган тартибсизликлар икки кун давом этди
Хабарларга кўра, полиция унга қарата турли буюмлар, жумладан, ёнувчи аралашмали шишалар отган оломонни тарқатиш учун сув пуркагичлардан фойдаланди.
Ушбу тартибсизликлар давомида 12 нафар полициячи жароҳатланди, 16 киши ҳибсга олинди.
Маълум бўлишича, одамлар ўз уйларини тарк этишга мажбур бўлишган, бу аввалги тўқнашувлар миқёсига етмади. Шимолий Ирландия ишлари бўйича вазир Хилари Бенн содир бўлган ҳодиса алоҳида ҳолат эканлигини ва бунинг учун жавобгарлик "Судан ёки бошқа мамлакатлардан келаётган одамлар эмас", балки ҳужум қилганликда гумонланаётган шахснинг зиммасида эканини таъкидлади.
Унинг сўзларига кўра, икки кечалик тартибсизликлардан кейин Шимолий Ирландиядаги этник озчиликлар вакиллари ўртасида "қўрқув ҳисси тарқалган".
🔥 @burchakostida
33 191
🇷🇺🇸🇾 Россия Сурия билан мамлакатдаги ҳарбий базаларини қайта шакллантириш бўйича музокаралар олиб бормоқда
Россия Ташқи ишлар вазирлиги Сурия ҳукумати билан музокаралар ўтказаётганини маълум қилди. Унда Москванинг мамлакатдаги ҳарбий базаларининг фаолиятини қайта кўриб чиқиш масаласи муҳокама қилинмоқда. Бу ҳақда The Moscow Times хабар берди.
Россиянинг Суриядаги Тартус ҳарбий-денгиз базаси ва Хмеймим авиабазаси устидан назорати келажаги борасида саволлар кўпайган эди. Бу шубҳалар 2024 йил декабр ойида Россиянинг иттифоқчиси бўлган Башар Асад ҳокимиятдан ағдарилганидан кейин юзага келди.
Амалдаги президент Аҳмад аш-Шараа бошчилигидаги ҳозирги Сурия ҳукумати Россия билан ҳамкорлик қилишга тайёрлигини билдирди. Шу билан бирга, расмий Дамашқ Москвадан сиёсий бошпана олган Асадни мамлакатга топширишни (экстрадиция қилишни) талаб қилмоқда.
"Сурия халқаро ҳамкорлари билан алоқалар доирасида Россиянинг бу мамлакатдаги ҳарбий иштироки масаласи ҳам муҳокама қилинмоқда. Жумладан, Россия ҳарбий объектларининг вазифаларини эҳтимолий қайта кўриб чиқиш масаласи ҳам кўриб чиқилмоқда", — деди Россия ТИВ расмий вакили Мария Захарова.
Хмеймим ва Тартус Россиянинг собиқ Совет Иттифоқи ҳудудидан ташқаридаги ягона ҳарбий базалари ҳисобланади. The Wall Street Journal нашрининг АҚШ расмийлари ва сунъий йўлдош тасвирларига таяниб ёзишича, май ойида Қўшма Штатлар санкциялари остидаги Россия юк кемаси Тартус базасига юк келтирган. Кема Хмеймим авиабазаси учун мўлжалланган ускуналар олиб келган бўлиши мумкин.
🔥 @burchakostida
33 191
🇮🇷🇦🇪 БАА ва Эрон Яқин Шарқдаги уруш бошланганидан бери илк бор учрашув ўтказди — Bloomberg
Агентлик манбаларига кўра, учрашув шу ҳафтада бўлиб ўтган ва у икки томонлама муносабатларнинг яхшиланиши муҳимлигини англаб етиш фонида ҳар икки томон учун кескин бурилиш нуқтаси бўлган. Таъкидлашича, ушбу учрашувни ўтказиш ташаббуси Абу-Даби томонидан чиққан.
🔥 @burchakostida
33 191
🇰🇷 Жанубий Кореянинг собиқ президенти 30 йиллик қамоқ жазосига ҳукм қилинди — Yonhap
Нашрнинг хабар беришича, собиқ президент Юн Сок Ёл Шимолий Корея пойтахти Пхенянга дронлар юбориш билан боғлиқ иш бўйича 30 йил муддатга озодликдан маҳрум этилди.
Сеул марказий округ суди Юн Сок Ёлни мансаб ваколатларини суиистеъмол қилиш ва душманга кўмаклашишда айбдор деб топди. Прокуратура маълумотларига кўра, у 2024 йил октябрида Шимолий Корея ҳудудига дронлар учирилишини ташкил этиш орқали мамлакатда ҳарбий ҳолат жорий этиш учун баҳона яратишга уринган.
Прокурорлар Юннинг ҳаракатлари “уруш шароитини сунъий равишда юзага келтириш” ва давлат хавфсизлигига путур етказишга қаратилганини таъкидлади.
Собиқ президент эса айбловларни рад этмоқда. Унинг адвокатлари Юн дрон амалиётига буйруқ бермаганини ва уни кейинчалик ҳам уни тасдиқламаганини билдирган. Адвокатларнинг таъкидлашича, амалиёт КХДРнинг Жанубий Корея ҳудудига чиқинди тўлдирилган шарларни мунтазам учираётганига жавоб бўлган.
Ушбу ҳукм Юн Сок Ёлга нисбатан чиқарилган навбатдаги суд қарори бўлди. У жорий йил февралида 2024 йилда мамлакатда ҳарбий ҳолат жорий этишга уринган ва парламент фаолиятини издан чиқаришга ҳаракат қилганликда айбдор деб топилиб, умрбод қамоқ жазосига ҳукм қилинган эди.
Юн Сок Ёл ўтган йили Конституциявий суд унинг импичментини тасдиқлагач, президентлик лавозимидан четлатилган. Шундан сўнг ўтказилган навбатдан ташқари сайловда либерал сиёсатчи Ли Же Мёнг ғалаба қозонганди.
🔥 @burchakostida
33 191
Илон Маск SpaceX IPO'си туфайли тарихдаги биринчи триллионерга айланди
SpaceX компанияси АҚШ тарихидаги энг йирик акцияларнинг дастлабки оммавий жойлаштирилишини (IPO) ўтказди ва бир дона акция нархини 135 доллар этиб белгилади, бу уни дунёдаги энг қиммат компаниялардан бирига айлантирди, деб ёзади Reuters.
SpaceX 555,56 миллион дона акция сотиб, рекорд даражадаги 75 миллиард доллар жалб қилди. Агентликнинг аниқлик киритишича, SpaceX'нинг бозор қиймати 1,77 триллион долларга баҳоланди, бу ҳам IPO учун рекорд кўрсаткич бўлди.
Reuters ва Forbes баҳолашларига кўра, Илон Маскнинг SpaceX'даги улуши ҳозирда қарийб 866 миллиард долларни ташкил этади. Маскнинг Теsla ва бошқа компаниялардаги активлари ҳисобга олинса, унинг бойлиги 1,1 триллион доллардан ошади. Шу тариқа, Маск тарихдаги биринчи триллионерга айланмоқда.
The Washington Post газетасининг аниқлик киритишича, SpaceX унга шундай акция пакетларини тақдим этганки, улар фақат Маск компания қийматини мисли кўрилмаган даражага етказа олса ва SpaceX Марсда колония барпо эта олсагина фойда келтиради. Ушбу акцияларни ҳисобга олмаганда, Маскнинг бойлиги ҳозирча бир триллион долларга бир оз етмайди.
🔥 @burchakostida
