23.5° бурчак остида

🇺🇦🇷🇺🇨🇭 Украина Россияни Швейцариядаги “тинчлик саммити”га таклиф қилмоқчи эмас Бу ҳақда Володимир Зеленский Reuters агентлигига берган интервьюсида айтиб ўтди. “Россия томони ҳамма нарсага тўсқинлик қилади. Музокара олиб бориш ўрнига ултиматум қўяди, биз буни кўп марта гувоҳи бўлганмиз. Швейцариядаги саммитнинг кун тартиби Россия хоҳлагандай бўлиши керак эмас", — дея таъкидлади Украина президенти. Зеленскийнинг таъкидлашича, бўлажак саммитдан мақсад бир неча асосий масалалар бўйича иштирокчи давлатларнинг умумий позициясини ишлаб чиқиш бўлади: ядровий хавфсизлик, Қора ва Азов денгизларида навигация хавфсизлиги, украиналик болаларнинг юртига қайтарилиши ва “ҳаммасига ҳаммаси” шаклида асирлар алмашинуви. "Москва бу ҳақда келажакда воситачилар орқали хабардор қилинади ва музокараларнинг кейинги босқичларига жалб қилиниши мумкин", — дея қўшимча қилди Украина раҳбари. 🔥 @burchakostida

🇺🇦🇷🇺 Украина Бош штаби 19 майга ўтар кечаси Севастополга қилинган ҳужум натижасида Россиянинг “Циклон” ракета кемаси чўктирилганини тасдиқлади. Аввалроқ ушбу кема Россия Қора денгиз флотидаги қанотли ракеталар ташувчи охирги кема экани хабар қилинган эди. 🔥 @burchakostida

🇩🇪🇺🇦 Германия Мудофаа вазирлиги 12 давлат Украинага ҳаво мудофаасини кучайтиришда ёрдам беришга қарор қилганини маълум қилди "Дания, Белгия, Нидерландия, Норвегия ва Канада молиявий томондан ёрдам беради. Шу билан бирга, АҚШ, Буюк Британия, Франция, Испания, Литва ва Руминия давлатлари Украинага ракета ва ҳарбий техника етказиб беради", — дейилади Германия Мудофаа вазирлиги баёнотида. 🔥 @burchakostida

🇫🇷🇧🇪🇮🇱 Франция ҳамда Белгия ХЖСнинг Исроил бош вазири ва мудофаа вазирини, шунингдек, ҲАМАС етакчиларини ҳибсга олиш учун ордер бериш ҳақидаги талабини қўллаб-қувватлади "Франция Халқаро жиноий судни, унинг мустақиллигини ва барча ҳолатларда жазосиз қолишга қарши курашни қўллаб-қувватлайди", — дейилади мамлакат ТИВ баёнотида. Ҳужжатда Франция ҲАМАС гуруҳи томонидан содир этилган қирғин ва жиноятларни қоралаши билдирилган. ТИВ шунингдек, француз сиёсатчилари узоқ вақтдан бери Ғазо секторида халқаро гуманитар қонунларга риоя қилиш зарурлигини таъкидлаб келганини эслатди. Франциядан кейин Белгия ҳам Халқаро жиноят судининг талабини қўллаб-қувватлашини билдирди. "Ғазо секторида содир этилган жиноятларнинг айбдорлари, ким бўлишидан қатъи назар, энг юқори даражада жиноий жавобгарликка тортилиши керак", — деб ёзди Белгия ташқи ишлар вазири Хажа Лаҳбиб Х ижтимоий тармоғидаги саҳифасида. 🔥 @burchakostida

🇵🇱🇷🇺🇧🇾 Полша “Шарқ қалқони” дастури доирасида Россия ва Беларус билан чегарада пиёдаларга қарши миналарни ўрнатишни режалаштирмаяпти — Полша бош вазири Доналд Туск Тускнинг сўзларига кўра, Варшава пиёдаларга қарши миналардан фойдаланишни тақиқловчи Оттава конвенциясидан чиқиш ниятида эмас. 🔥 @burchakostida

🇪🇺🇷🇺 Европа банкларидаги Россиянинг музлатилган активларидан олинган биринчи даромад июл ойида мусодара қилинади — Европа Комиссияси. 🔥 @burchakostida

🇺🇸🇮🇱 Қўшма Штатлар маъмурияти Конгресс билан биргаликда Халқаро жиноят судининг Исроилга нисбатан “мутлақо нотўғри” қарорларига тегишли жавоб чоралари устида ишлайди — АҚШ Давлат котиби Энтони Блинкен. 🔥 @burchakostida

🇰🇿🇺🇿 Қозоғистон президенти Қосим-Жўмарт Тўқаев Ўзбекистон билан иттифоқчилик муносабатлари тўғрисидаги шартномани ратификация қилиш тўғрисидаги қонунни имзолади Бу ҳақда давлат раҳбарининг расмий сайти хабар берди. Ҳужжат сиёсий, савдо-иқтисодий, транзит-транспорт, маданий-гуманитар соҳаларда, фуқаро мудофааси ва энергетика соҳаларида ҳамкорликни кенгайтиришга қаратилган бўлиб, халқаро майдонда ўзаро ҳамкорликни мустаҳкамлашни назарда тутади. 🔥 @burchakostida

🇷🇺 Россияда стратегик бўлмаган ядро қуролларининг шайлигини текшириш ва уларни қўллаш бўйича машғулотлар бошланди — Россия Мудофаа вазирлиги Ядро машғулотларининг биринчи босқичи доирасида “Искандер” тизими учун ўқ-дориларни белгиланган ҳудудга яширинча етказиш вазифаси бажарилмоқда. Шу билан бирга, Аэрокосмик кучлар вакиллари самолётларни махсус жанговар қуроллар, шу жумладан “Кинжал” ракеталари билан жиҳозлашни машқ қилади ва белгиланган патрул ҳудудларига парвозларни амалга оширади. 🔥 @burchakostida

🇦🇱 Албания пойтахти мэрига қарши норозилик намойиши бўлиб ўтмоқда Маҳаллий оммавий ахборот воситаларининг хабар беришича, бу мухолифат коррупция ва ҳокимиятни суиистеъмол қилишда айблаётган Тирана мэри Эрион Велиайнинг истеъфосини талаб қилиб ўтказилган саккизинчи митинг ҳисобланади. Намойишчилар Велиайнинг идорасига тухум ва молотов коктейллари улоқтириб, бинога бостириб киришга ҳаракат қилмоқда. 🔥 @burchakostida