Commercial Bank of Ethiopia - Official

"የዘንድሮው የዓለም ዋንጫ  የኢትዮጵያ ንግድ ባንክ እውነትም ሀገር መሆኑን ያሳየበት ትልቅ መድረክ ነው” የሀገሬ ቴሌቪዥን የቦርድ ሊቀ መንበር አቶ ሽመልስ ገብረመድህን የፊፋ 2026 ዓለም ዋንጫ ጨዋታዎች የቀጥታ ስርጭት መርሀ ግብር በኢትዮጵያ ንግድ ባንክና በሀገሬ ቴሌቪዥን  አጋርነት በይፋ ተጀመረ። =================== የመላው ዓለም እግር ኳስ አፍቃሪ በጉጉት የሚጠብቀው የፊፋ 2026 ዓለም ዋንጫ ጨዋታዎች የቀጥታ ስርጭት መርሀ ግብር፤ የሀገሬ ቴሌቪዥን ከኢትዮጵያ ንግድ ባንክ ዋና መስሪያ ቤት 48ኛ ፎቅ ላይ ካዘጋጀው ጊዜያዊ ስቱዲዮ አመሻሹ ላይ በይፋ ማስተላለፍ ጀምሯል። የቀጥታ ስርጭቱን ማብሰሪያ መርሀ ግብሩ ላይ መልእክት ያስተላለፉት የኢትዮጵያ ንግድ ባንክ የኦፕሬሽን ኤክስኪዩቲቭ ምክትል ፕሬዚዳንት አቶ ፍቅረስላሴ ዘውዱ፥ ባንካችን ሁልጊዜም የስፖርት ቤተሰብ መሆኑን በተግባር እያሳየ የመጣ ተቋም መሆኑን ገልጸዋል። አክለውም “ህዝባችን ያለምንም ክፍያ፣ በቤቱ ሆኖ እና ከምንም አይነት መንገላታት ውጭ የአለም ዋንጫን በቀጥታ እንዲከታተል ለማስቻል ባንካችን ታሪካዊ ውሳኔ ወስኗል” ካሉ በኋላ፣ ወደፊትም በታላላቅ ስፖርታዊ ሁነቶች ላይ በአጋርነት መስራቱን እንደሚቀጥል አረጋግጠዋል። የኢትዮጵያ ንግድ ባንክ ደንበኞቹ በማንኛውም ቦታ ሁነው የዲጂታል ባንክ አገልግሎት አማራጭን በመጠቀም በምቾት እንዲገለገሉ እያደረገረ እንደሚገኘን ያነሱት ምክትል ፕሬዚዳንቱ የስፖርት ማህበረሰቡም ከቤቱ ሳይወጣ ውድድሩን በምቾት እንዲከታተል በማሰብም እንደሆነ ተናግረዋል። አላማችን እያንዳንዱ የኢትዮጵያ ቤት በደስታና በስፖርታዊ ስሜት እንዲሞላ ማድረግ ነውም ብለዋል አቶ ፍቅረስላሴ። የሀገሬ ቲቪ የቦርድ ሊቀ መንበር አቶ ሽመልስ ገብረመድህን በበኩላቸው፥ የኢትዮጵያ ንግድ ባንክ ለዚህ ስኬት ከፍተኛውን ድርሻ መወጣቱን ጠቅሰው “የኢትዮጵያ ንግድ ባንክ እውነትም ሀገር መሆኑን ያሳየበት ትልቅ መድረክ ነው” ብለዋል። መላው የዓለም ህዝብ በጉጉት የሚጠብቀውን የፊፋ 2026 ዓለም ዋንጫን ህዝቡ በነፃ እንዲመለከት ባንኩ ላደረገው ድጋፍ ምስጋና አቅርበው፣ ከሁሉም ባንኮች የበላይ የሆነው የኢትዮጵያ ንግድ ባንክ ወደፊትም የወጣቶችንና የዜጎችን ፍላጎት ለማሟላት በሚሰሩ ሌሎች ስራዎች ላይ ከሀገሬ ቴሌቪዥን ጋር በአጋርነት እንደሚሰራ ያላቸውን እምነት ገልጸዋል። በዚሁ ልዩ መርሀ ግብር ላይ የተገኘው የቀድሞው የእንግሊዝ ፕሪሚየር ሊግ ተጫዋች፣ የኤፍኤ ካፕ (FA Cup) ዋንጫ አሸናፊ እና የኢመርሰን ቦይሲ ፋውንዳሽን መስራች ኤመርሰን ቦይስ (Emmerson Boyce) የእግር ኳስ ልምዱን ለታዳሚው አካፍሏል። ቦይስ በንግግሩ፥ የኢትዮጵያ ንግድ ባንክ ከሀገሬ ቴሌቪዥን ጋር በመተባበር ይህንን ተወዳጅ የዓለም ዋንጫ ለኢትዮጵያውያን በነጻ በቀጥታ ማስተላለፍ መቻሉን እጅግ ሊመሰገን የሚገባው ተግባር መሆኑ ተናግሯል። የኢትዮጵያ ንግድ ባንክ  “የፊፋ 2026 የዓለም ዋንጫ” የሀገሬ ቴሌቪዥን የቀጥታ ስርጭት  የስያሜ ስፖንሰር በመሆን ሁሉም ጨዋታዎች ለስፖርት አፍቃሪው ማህበረሰብ በቀጥታ ያስተላልፋል።