✍
ሸሪዓ የመጣው ችግርን በማስወገድ: ካልተቻለ በመቀነስ ላይ ነው።
እንጂ……… በማባባስ አይደለም!!
እሳት እና ጭድ ተያይዞ እየነደደ ባለበት ቃጠሎ: ቆመው ጋዝ የሚያርከፈክፉት "
እሰየው፤ ቀጥሉ" እየተባሉ: እሳቱ ላይ ውሃ እያመጡ በሚቸልሱት ላይ የሚደረገው ትችት ከመልካም ተግባራቸው ሊያስቆማቸው አይችልም!!
እውነት በሐቂቃ………
የእሱ ማንነት ማወቅ የዚህን ያህል ከባድ እና ውስብስብ ነገር ሆኖባችሁ ነው ወይ ይህ ሁሉ ዑለማ እየወተወታችሁ ስለ
"ስለ እንትና ምን ትላለህ?" በሚል የፈትዋ ጥያቄ የምታጨናንቁት??
እሱ ማለት እኮ………
እዚሁ ሀገራችሁ፣ ቅርብ በሆነች ከተማ ላይ ያለ የዕለት ከዕለት ንግግሩ እና ተግባሩ የሚደርሳችሁ ሰው ነው። መልካም በነበረ ሰዓት መልካምነቱ ዐይታችሁ እንደ ተቀበላችሁት ባፈነገጠ ጊዜ ማፈንገጡን ዐይታችሁ ለመተው ምን ከለከላችሁ??
አምስት፣ ዐስር፣ ከዚያም በላይ የሆኑ ዑለማዎች ዘንድ ስለ ማንነቱ ስታጠያይቁ: የሆነ ከሚገባው በላይ እጅግ በጣም ሰቃቀላችሁት እኮ¡¡
ሸይጣን እንኳ
"ጠዋት እና ማታ ስለ እሱ ክፋት ብቻ ተደጋግሞ ሲወራ: ተወጥሮ ተወጥሮ የቤት ግዝፈት እንደ ሚያህል" ተነግሮን የለ ወይ?? ታድያ የዚህን ያህል የጠዋት እና የማታ አዝካር አድርጎ መያዝ የጤና ነውን??
ስለ እሱ…………
ከራሱ አነጋገር እና አካሄድ የሚበቃን ይዘናል። ይዘንም ትተነዋል። ለመተው ምን ከለከላችሁ??
አንደኛውማ ጭራሽ እንዲህ አለ አሉ፦
"ከእኛ ጋ ካላበራችሁ ምንም ዐይነት ወንድማማችነት የለም።" ኧረ ባክህ!!??
ቆይማ!! ከኢስራኤል ጋ ነው እንዴ ጦርነት የጀመራችሁት!!??
የዚህን ያህል የክተት አዋጅ ምን አመጣው??
እስካሁን ብዙ ዑለማዎች ጠይቃችሁ አሰድባችኋል፤ አሁንም ድረስ "ما حال" የሚል ጥያቄ ልካችሁላቸው ያልመለሱላችሁ ዑለማዎች ብዛት አላህ ይወቀው። ደግሞም አታርፉም ነገ ከነገ ወድያም ነዝንዛችሁ አናግሯቸውና በተራቸው ለስድብ አዘጋጇቸው¡¡
የሚታወቅ ነው…………
የትኛውም ሸይኽ ስለ እሱ ተጠይቆ እሱን የሚያወግዝ ፈትዋ ከሰጠ ዘግናኝ በሆኑ ስድቦች ይሰደባል። ይህ እንደሚሆን እየታወቀ እያንዳንዱ ሸይኽ እንዲናገርበት ሲጠየቅ…………
የምር የእሱ ጉዳይ የዚህ ያህል ተደጋጋሚ ፈትዋ የሚያስፈልገው ውስብስብ ነገር ሁኖ ነው??
ወይስ ሁሉንም መሻኢኾች ተናግረው: ሁላቸውም ተሰድበው: ከሁላቸውም ጋ ማቆራረጥ ነው የተፈለገው??
ከዚህ የሚገኘው ትርፍስ ምንድን ነው??
እስከ አሁን በሰራችሁት…………
እሱን መክራችሁ አላስተካከላችሁ፤
ከስሩ ያሉት ይዛችሁ አልመለሳችሁ፤
ቢያንስ ችግሩ እንዳይሰፋ ባለበት አላስቆማችሁ¡¡
በተቃራኒው…………
እሱን እልህ ውስጥ አስገብታችሁ ማባባስ፤
ከስሩ ያሉት ይበልጥ እንዲከተሉት ማድረግ፤
በተገኘው አጋጣሚ ከዑለማዎች ማባላት፤
ምንም ነገሩ ሰለፍያ ውስጥ እንዳይታይ በጉልበት ከሱና ማሸሸ¡¡
ሸሪዓ የመጣው ግን ከእናንተ በተቃራኒ ነው!!
ከቻላችሁ ችግሩ ማስወገድ: ካልቻላችሁ ቢያንስ የባሰ ጥፋት እንዳይመጣ በሚል ባለበት መተው።
ከዚህ ተቃራኒ ሆናችሁና………
አንድ ፈትዋ ይዛችሁ ስትመጡ: ያን ዐሊም ይሰደባል;
ችግሩ እየከፋ ሄደ ማለት ነው።
"ዛሬ እንዲህ ተብሏል ጉዱ አወጣነው" ብላችሁ የሆነ ድምፅ ስትለቁ:
"ትናንት እንዲህ ተባብላችሁ ነበር" ብሎ ድምፅ ይለቅና ደስ የማይሉ ነገሮች ይሰማሉ;
ችግሩ እየከፋ ሄደ ማለት ነው።
በዚህ ምልልስ……………
እናንተም አታርፉ፤ እሱም አያተርፍ
እናንተም አታሸንፉ፤ እሱም አይመለስ¡¡
እናንተ እዚህ ስትባሉ;
ሙስሊሞች እዛ እየተበሉ ነው።
ቢረፍድም አልረፈደም!!
ሀላፍትናችሁ አትርሱ፤ ከፊታችሁ የተቀመጡ ጥቂት ስብስቦች እያያችሁ ከመጎረር:
ከጀርባችሁ ያለው የሙስሊሙ ኡማ ሁኔታ ያስጨንቃችሁ።
ሰፊ ዳዕዋ ይዘን ጠቦ መሞት ይብቃን!!
ኧረ ይብቃን!!
🖊
የቋንጤው ከፉርቃን ሰማይ ስር!!
https://t.me/hamdquante