ሀገረ ማርያም መሰረተ ተዋሕዶ ሰ/ት/ቤት

በስመ አብ ወወልድ ወመንፈስ ቅዱስ አሀዱ አምላክ አሜን። ለቀን 12/11/2018 ዓ.ም ዕለተ እሁድ ከቀኑ 9:30 ለአድስ አባላት የተደረገ መንፈሳዊ ጥሪ ​​"ለፍቅርና ለመልካምም ሥራ እንድንቀሰቀስ እርስ በርሳችን እንተዋወቅ፤ በአንዳንዶችም ዘንድ ልማድ እንደ ሆነው፥ መሰብሰባችንን አንተው..." — ወደ ዕብራውያን 10:24-25 ለ____ "ለነገዋ ቤተክርስቲያን የምትጨነቁ ከሆነ የሰንበት ትምህርት ቤትን አገልግሎት በልባችሁ አኑሩ፡፡" ብጹዕ አቡነ ጎርጎርዮስ ብፁዕነታቸው ይህን ማለታቸው <<የነገዋ ቤተክርስቲያን ህልውና አስተማማኝ የሚሆነው ሕንፃ በመገንባት ብቻ ሳይሆን ሳይሆን፣ ሰንበት ትምህርት ቤት እንደ ስሙ ተጠናክሮ ሕፃናትና ወጣቶች በእምነትና በምግባር ታንጸው ሲያድጉ ነው። ትውልዱ ቤተክርስቲያንን በስሜት ሳይሆን አውቆና ተረድቶ እንዲያገለግል ማድረግ የነገዋን ቤተክርስቲያን መሠረት ዛሬውኑ በፅኑ መጣል ነው>> ለማለት ነው። ሰንበት ትምህርት ቤት ስም ብቻ ሳይሆን፣ ሕይወት የሚቀረጽበት፣ እውነተኛ ክርስቲያናዊ ማንነት የሚገነባበት እና ወጣቶች በሃይማኖትና በምግባር ታንጸው ቤተክርስቲያንን አውቀው የሚያገለግሉበት ቅዱስ ስፍራ ነው። ​ዛሬን በእውቀትና በምግባር በመሙላት፣ የነገዋን ቤተክርስቲያን በፅኑ መሠረት ላይ ለመገንባትና የድርሻችንን ለመወጣት ሁላችሁም ወጣቶች ወደ ሰንበት ትምህርት ቤት በመምጣት የአገልግሎቱ ተሳታፊ እንድትሆኑ በታላቅ ፍቅር ጥሪያችንን እናቀርባለን! ​ኑ! ቤተክርስቲያናችንን አውቀን፣ በምግባር አጊጠን እናገልግል! ለዚህም ሲባል በቀን 12/11/2018 ዓ.ም ዕለተ እሁድ፣ ከቀኑ 9:30 ጀምሮ ልዩ የመገናኛና የትውውቅ እንዲሁ የስልጠና እና የኪነ ጥበብ መርሃ ግብር አዘጋጅቶ ይጠብቅዎታል። በዕለቱም የሚኖረን መርሃግብር 👉መዝሙር 👉ኪነ ጥበብ 👉ስልጠና 👉ውይይት በዕለቱ ጥሪያችንን አክብረው በመገኘት የበረከቱ ተሳታፊ እንዲሆኑ በእግዚአብሔር ስም በፍቅር እንጋብዝዎታለን። የቡሌ ሆራ ፈ/ዮ መ/መ/ቅ/ዮሐንስ ወልደታ ለማርያም ቤተክርስቲያን ሰንበት ትምህርት ቤት ሰላመ እግዚአብሔር ከሁላችን ጋር ይሁን https://telegram.me/felege_yohanis