Qaroo Waamaraa

Hamataan bishaan horora Gowwaanis qilleensa sora Gamni dubbii gingilcha Gowwaan arrabsoof ililcha

Itti cichii kutadhu Hin gatiin abjuukee Hin geenye malee Hin badu kakuunkee

Achis Jira edaa, akkuma isa asii Siyaasaaf wal ajjeesuu yaaluun.

Ela! Boruuf guyyaatu Jira Har'a jiraachuukeef obsi Imimmaan dhabaa miti Imimmaan kaayyoo cobsi Murtii jajallatte ilaaltee Hin raafamiin gonkumaa Hir'uu har'aas madaaltee Hin boo'iin har'i 1, bor kuma Seeraaf heeratu akka dhabe Maanguddootu karaa maqe Beekaa-tu biyya ofiitti dabe Gootatu qe'ee hirmiis dhaqe Jettees borii-kee hin jeeqiin Inni haqaaf deemu dur dhaqe Garuu ati hin boo'iin malee Imimmaan rakkoo buuftee Dagattee hin taa'iin malee Kaayyoo kee lafas buuftee Tasan haftu kaayyoof kuftee Yoo rakkoon humnaa kufte! Yoo bilisummaan nuu dhufte Tasan haftu biyyaaf kuftee! Seenaan jiraatta borus luftee.

ATUMTI YAA LUBBUUKO, MAALIIF JIRAACHAA JIRTAA? Gaaffii deebiin qabne Deebii gaaffii maleen Qalbii ofirraa dhabne Hojuma abba halleen Oliif gadin kaadha Halkanii fi guyyaa Ba'aa cimaan baadha Isan du'uuf iyyaa...! Addunyaa kana keessa Kunoo erguman dhufee Fedhii tokko malee Jiraan narraa kufee Hirmaachaa jiraanna Kunoo akkan taane Akkamiin gadi taana Osoo tokko taane! Manni eessa akka jiru Namni natti himun jiru Falli eessaa akka dhufu Namni yaada naan hiru Akka burqaa bishaanii Imimmaankoon roobsa Namni dhimma na qabu Dhiphina meeqan obsa Innumtillee al tokko tokko Qabee soofaarra na kaa'a Qaamakoo ibsaa irratti Sukkuumee na akaa'a Kana booda kabajamaa miti Kaayyoon isaa du'eera Jireenya isaa keessatti jiraachuunsaas dhumeera Jedhanii natti tuttuulu Jechaaf jecha guuranii Hamma walii xiqqeessu Hin jirree wayii tuulanii Jireenyi har'aa kunillee Bu'aa waanin qabne fakkaata Lola jireenya kootiif godhamu Mo'ichaan ala walirraa kaata.