မြေလတ်အသံ - Myaelatt Athan
- Suscriptores
- Cobertura postal
- ER - ratio de compromiso
Carga de datos en curso...
Carga de datos en curso...
ရိက္ခာထွက်ရှာတဲ့ စစ်ကောင်စီတပ်သားတွေပစ်ခတ်ခံရပြီး ၂ ဦးသေဆုံး မြိုင်၊ မေ ၂၉၊ ၂၀၂၄။ မကွေးတိုင်း၊ မြိုင်မြို့နယ်၊ ကိုင်းတောမရွာ စာသင်ကျောင်းကနေ ရွာတောင်ဘက်ကို ရိက္ခာထွက်ရှာတဲ့ စစ်သားတွေကို မီတာ ၄၀ အကွာကနေ ပစ်ခတ်တိုက်ခိုက်ခဲ့တယ်လို့ Earthquake People Defence Force အဖွဲ့ဆီက သိရပါတယ်။ စစ်ကောင်စီတပ်သားတွေဟာ အင်အား ၁၅ ဦးခန့်နဲ့ ရိက္ခာရှာထွက်လာချိန် မေ ၂၉ ရက် မနက်ပိုင်း ၈ နာရီ ၄၀ မိနစ်မှာ တော်လှန်ရေးပူးပေါင်းအဖွဲ့တွေပူးပေါင်းပြီး မီတာ ၄၀ အကွာကနေ ပစ်ခတ်တိုက်ခိုက်ခဲ့တာလို့ Earthquake People Defence Force ရဲ့သတင်းနှင့်ပြန်ကြားရေးတာဝန်ခံ ကိုပိန်က ပြောပါတယ်။ အပြန်အလှန်ပစ်ခတ်မှုတိုက်ပွဲ ၃၅ မိနစ်ကျော်ဖြစ်ပွားခဲ့ပြီး စစ်ကောင်စီဘက်က ၂ ဦးသေဆုံးကာ ကိုင်းတောမရွာ စာသင်ကျောင်းဘက်ကို ပြန်လည်ဆုတ်ခွာသွားခဲ့တယ်လို့ သူကဆက်ပြောပါတယ်။ ဒီတိုက်ခိုက်မှုကို Earthquake People Defence Force ၊ ပခုက္ကူမြို့နယ်အခြေစိုက် စုဖွဲ့မှုတပ်ရင်းတပ်ဖွဲ့ ၊ Pakokku People's Defense Force ၊ ပခုက္ကူမြို့နယ် ပြည်သူ့ကာကွယ်ရေးတပ်ဖွဲ့ ၂ Young Force UG ၊ Thu Rain TR ၊ Pakokku Hunter ၊ Pakokku Underground Force၊ မြိုင်တပ်ရင်း ၂ ၊Just Revolution Force တို့က ပူးပေါင်းလုပ်ဆောင်ခဲ့တာလို့ သိရပါတယ်။ သတင်း - ဒိန်းဂျား၊ တည်းဖြတ် - HP #မြေလတ်အသံ #မကွေး #မြိုင် #ကိုင်းတောမ #စစ်တပ် #ပစ်ခတ် #တိုက်ပွဲ
မကွေး PDF ရဲမေတွေက သိုင်းပညာကိုသင်ယူပြီး ပြန်လည်လေ့ကျင့်ပေးနေ (ရုပ်/သံ) မကွေး၊ မေ ၃၀၊၂၀၂၄။ မကွေးတိုင်း၊ မကွေးခရိုင် အမှတ် ၁ တပ်ရင်း၊ မကွေးခရိုင်ကွပ်ကဲရေးရုံးက PDF ရဲမေတွေဟာ သူတို့တတ်ထားတဲ့ မြန်မာ့သိုင်းပညာကို ပြန်လည်သင်ကြားပေးနေတယ်လို့ အဲ့ဒီတပ်ရင်းက သိရပါတယ်။ မကွေးခရိုင်ကွပ်ကဲရေးရုံးက ဆရာမ ၃ ဦးဟာ လိုင်ဇာမြို့နယ်မှာ သိုင်းပညာကို သင်ယူခဲ့တာဖြစ်ပြီး တပ်ရင်းမှာရှိတဲ့ ရဲဘော်တွေကို သင်တန်းအပတ်စဥ် ၁ နဲ့ ၂ ကို ပြန်လည် သင်ကြားပေးခဲ့တယ်လို့ ဆိုပါတယ်။ "စစ်ပညာသာမကဘဲ ကိုယ်ခံပညာကိုပါ လက်ဆင့်ကမ်းသင်ကြားပေးသွားမှာပါ။ သင်တန်းမှာ စိတ်ဓာတ် တက်ကြွဖို့၊ အမြင်ဆန်းဖို့နဲ့ လိုအပ်ရင် ခုခံကာကွယ်ဖို့အတွက် အဓိကရည်ရွယ်ပြီး ဒီပညာကို သင်ခဲ့တာပါ" လို့ ဆရာမ ဂျူရီ ကပြောပါတယ်။ မြန်မာ့သိုင်းပညာ အမျိုးအစားများစွာ ရှိတဲ့အထဲက ရှောင်နည်း၊ တိမ်းနည်း၊ ဗန်တို၊ ဗန်ရှည်၊ ၆၃ မောင်း စတဲ့ အခြေခံသိုင်းပညာတွေကို လေ့လာသင်ယူခဲ့ပြီး တပ်ဖွဲ့က ရဲဘော်တွေကို ပြန်လည်သင်ကြားပေးတယ်လို့ ဆိုပါတယ်။ သတင်း - စောကျော်ငြိမ်း၊ တည်းဖြတ် -ငြိမ်းဇော် #မြေလတ်အသံ #မကွေး #PDF #ခရိုင်ကွပ်ကဲရေး # စစ်သင်တန်း #သိုင်းပညာ #လက်ဆင့်ကမ်းသင်ကြား
“အဆစ်ရောင်ဂေါက်ရောဂါနှင့် လက်တကမ်းဆေးပညာ” (Podcast) မြေလတ်အသံ၊ မေ ၃၀၊ ၂၀၂၄။ သောတရှင်များအားလုံး မင်္ဂလာပါ။ မြေလတ်အသံရဲ့ “လက်တကမ်း ကျန်းမာရေး Podcast” အစီအစဉ်နားဆင်လို့ရပါပြီ။ အခုတပတ် လက်တကမ်းကျန်းမာရေးအစီအစဉ်မှာ “အဆစ်ရောင်ဂေါက်ရောဂါ” အကြောင်းကို တင်ဆက်ပေးသွားမှာပါ။ အဆစ်ရောင်ဂေါက်ရောဂါ ဘာကြောင့်ဖြစ်ရတာလဲ။ အဆစ်ရောင်ရောဂါမဖြစ်အောင် ရှောင်ရန်၊ ဆောင်ရန်နည်းလမ်းများ၊ အဆစ်ရောင်ရောဂါဖြစ်လာရင် ဘယ်လိုဆေးဝါးဓာတ်စာတွေနဲ့ ကုသနိုင်သလဲ စတာတွေကို နားဆင်ရမှာပါ။ #မြေလတ်အသံ #လက်တကမ်းကျန်းမာရေး #Podcast #အဆစ်ရောင်ဂေါက်ရောဂါ
ဒေသခံတွေရဲ့ ဆိုင်ကယ်၊ ကားတွေကို အခမဲ့ပြင်ဆင်ပေးနေတဲ့ မန္တလေး ခရိုင်တပ်ရင်း ၅ မန္တလေး၊ မေ ၂၉၊ ၂၀၂၄။ မန္တလေးခရိုင် အမှတ် ၅ တပ်ရင်းက PDF ရဲဘော်တွေဟာ တပ်ရင်းမှာရှိတဲ့ ဆိုင်ကယ်၊ ကားတွေသာမကဘဲ အခြားတပ်ဖွဲ့တွေနဲ့ ဒေသခံပြည်သူတွေရဲ့ ယာဥ်တွေကိုပါ ပြင်ဆင်ပေးနေတယ်လို့ အဲဒီတပ်ရင်းဆီက သိရပါတယ်။ တော်လှန်ရေး တပ်ရင်းတပ်ဖွဲ့စခန်းနဲ့ ဒေသခံပြည်သူတွေရဲ့ နေအိမ်တွေအထိပါ အခကြေးငွေမယူဘဲ လိုက်လံပြင်ဆင်ပေးနေတာလို့ မန္တလေးခရိုင် တပ်ရင်း ၅ ရဲ့ တပ်ရင်းမှူးဗိုလ်ဖောင်းဒိုင်း ကပြောပါတယ်။ တပ်ဖွဲ့အချင်းချင်း ကူညီပေးတာဖြစ်သလို ပြည်သူတွေစားဝတ်နေရေး ခက်ခဲနေတဲ့အခါမှာ တတ်နိုင်တဲ့ဘက်က ပြည်သူကို အကျိုးပြုတဲ့အနေနဲ့ အခမဲ့ပြင်ဆင်ရတာလို့ ဆိုပါတယ်။ ဆိုင်ကယ်နဲ့ကားတွေကို ပြင်ဆင်ရာမှာ လိုအပ်တဲ့ပစ္စည်းတွေကိုသာ ဝယ်ယူပေးရတာမျိုးရှိပြီး ခရီးသွားသူတွေနဲ့ မှာယူရတဲ့အတွက် ခရီးကြန့်ကြာတဲ့ အခက်အခဲသာရှိတယ်လို့ သိရပါတယ်။ သတင်း - စောကျော်ငြိမ်း၊ စာတည်း - နွေဦးငြိမ်းချမ်း၊ တည်းဖြတ် - HP #မြေလတ်အသံ #မန္တလေး #PDF ရဲဘော် #ယာဥ်ပြုပြင် #အခမဲ့ပြင်ဆင် #တော်လှန်ရေးတပ်ရင်း