မြေလတ်အသံ - Myaelatt Athan
Ir al canal en Telegram
📈 Análisis del canal de Telegram မြေလတ်အသံ - Myaelatt Athan
El canal မြေလတ်အသံ - Myaelatt Athan (@myaelattathan) en el segmento lingüístico de Birmano es un actor destacado. Actualmente la comunidad reúne a 35 210 suscriptores, ocupando la posición 7 267 en la categoría Noticias y medios y el puesto 4 183 en la región Birmania.
📊 Métricas de audiencia y dinámica
Desde su creación el невідомо, el proyecto ha mostrado un crecimiento acelerado, reuniendo a 35 210 suscriptores.
Según los últimos datos del 17 octubre, 2026, el canal mantiene una actividad estable. En los últimos 30 días la variación de miembros fue de -745, y en las últimas 24 horas de -32, conservando un alto alcance.
- Estado de verificación: Verificado (confirmado oficialmente por Telegram)
- Tasa de interacción (ER): El promedio de interacción de la audiencia es 14.05%. Durante las primeras 24 horas tras publicar, el contenido suele obtener 7.48% de reacciones respecto al total de suscriptores.
- Alcance de las publicaciones: Cada publicación recibe en promedio 4 947 visualizaciones. En el primer día suele acumular 2 632 visualizaciones.
- Reacciones e interacción: La audiencia responde de forma activa: el promedio de reacciones por publicación es 42.
📝 Descripción y política de contenido
El autor describe el recurso como un espacio para expresar opiniones subjetivas:
“Sharing Information to the local”
Gracias a la alta frecuencia de actualizaciones (últimos datos recibidos el 18 octubre, 2026), el canal mantiene la vigencia y un amplio alcance. La analítica demuestra que la audiencia interactúa activamente con el contenido, lo que lo convierte en un punto de referencia dentro de la categoría Noticias y medios.
35 210
Suscriptores
-3224 horas
-2087 días
-74530 días
Archivo de publicaciones
စစ်တပ်ကဗုံးကြဲလို့ လသားအရွယ်ကလေး ၁ ဦးအပါ လူဒါဇင်နဲ့ချီသေဆုံး
ရေစကြို၊ အောက်တိုဘာ ၁၇၊ ၂၀၂၆။
မကွေးတိုင်း၊ ရေစကြိုမြို့နယ်၊ သစ်ကြီးတောရွာနဲ့ ပိတ်သင်းကပ်ရွာတွေက စတားလင့်ဆိုင်နဲ့ ဇရပ်ဗုံးကြဲခံရပြီး ပြည်သူ ၁၂ ဦးသေဆုံးတယ်လို့ ရေစကြိုမြို့နယ်ပကဖ တာဝန်ရှိသူတွေဆီက သိရပါတယ်။
အောက်တိုဘာ ၁၆ ရက် နေ့လယ် ၂ နာရီကျော်ကစတင်ပြီး အသေခံဒရုန်း ၂ စီးနဲ့ သစ်ကောက်ဆိပ်ရွာကို တိုက်ခိုက်ပြီးနောက် ၂ နာရီ ၁၅ မိနစ်မှာ Mi 35 ၁ စီး၊ ဂျက်ဖိုက်တာ ၂ စီးတို့နဲ့ သစ်ကြီးတောနဲ့ ပိတ်သင်းကပ်ရွာတွေကို ဗုံးကြဲတဲ့အပြင် ရော့ကတ်တွေနဲ့ပါပစ်ခတ်ခဲ့တာလို့ ဆိုပါတယ်။
"မနေ့က အကုန်ပတ်ပစ်တာ။ သေတာက သစ်ကြီးတောက များတယ် ၁၁ ယောက်။ ပိတ်သင်းကပ်က ၁ ယောက်။ သစ်ကြီးတောက စတားလင့်ဆိုင်နားကျတာ။ ပေါင်ဗုံး ၁ လုံးကျတာ။ ပိတ်သင်းကပ်မှာကျ နွားကျောင်းပြီး ပြန်လာတဲ့ အမျိုးသားက ဇရပ်မှာနားနေချိန် လာကြဲတဲ့အချိန်နဲ့ဆုံပြီးသေတာ"
သတင်းအပြည့်အစုံ - https://myaelattathan.com/news/26637/
စစ်ဆင်ရေးသွားတဲ့ ပလဖ တပ်ဖွဲ့ဝင်တွေ ကြားဖြတ်တိုက်ခံရလို့ ၃ ဦးကျဆုံး
မုံရွာ၊ အောက်တိုဘာ ၁၇၊ ၂၀၂၆။
စစ်ကိုင်းတိုင်း၊ မုံရွာမြို့နယ်၊ ကံမရွာလမ်းခွဲအနီးမှာ စစ်ဆင်ရေးသွားတဲ့ ပလဖတပ်ဖွဲ့ဝင်တွေ ကြားဖြတ်တိုက်ခိုက်ခံရပြီး ၃ ဦးသေဆုံးခဲ့တယ်လို့ ဖြစ်စဥ်ကိုသိထားတဲ့ ဒေသကာကွယ်ရေးအဖွဲ့ဝင် တွေဆီက သိရပါတယ်။
အောက်တိုဘာ ၁၄ ရက်မနက် ၁၁ နာရီခန့်မှာ ဇလုတ်ကျေးရွာအုပ်ချုပ်ရေးမှုးကို ဖမ်းဆီးဖို့သွားတဲ့ တိုက်နယ် ၅ ပလဖ အဖွဲ့ဝင်တွေဟာ ဖြစ်စဥ်နေရာအရောက်မှာ စစ်တပ်ရဲ့ စောင့်ကြိုတိုက်ခိုက်မှုကိုခံရတာလို့ ဆိုပါတယ်။
"အုပ်ကြီးကို တက်ဖမ်းတာ။ စကစဘက်က သိနေလို့ ကြိုတင်စောင့်ဖမ်းတဲ့ သဘောရှိတယ်။ ဖြစ်ဖြစ်ချင်းက တယောက်သေတယ်။ နှစ်ယောက်ဖမ်းခံရတယ်။ ပြီးမှ အဲ့နှစ်ယောက်ကိုလည်း ပစ်သတ်လိုက်တာလို့သိရတယ်"
သတင်းအပြည့်အစုံ - https://myaelattathan.com/news/26634/
စစ်တပ် တပ်စွဲထားတဲ့ ဘုန်းကြီးကျောင်းက ကျောင်းထိုင်ဆရာတော် အဆုံးစီရင်သွား
■ စစ်တပ်ကတပ်စွဲထားချိန် သေဆုံးမှုအပေါ် တပည့်တကာတွေ သံသယရှိ
လက်ပံတန်း၊ အောက်တိုဘာ ၁၇၊ ၂၀၂၆။
ပဲခူးတိုင်းအနောက်ခြမ်း၊ လက်ပံတန်းမြို့နယ်မှာ စစ်ကောင်စီတပ် ယာယီတပ်စွဲထားတဲ့ ဘုန်းတော်ကြီးကျောင်းက ကျောင်းထိုင်ဆရာတော် ကြိုးဆွဲချအဆုံးစီရင်ပြီး ပျံလွန်တော်မူသွားတယ်လို့ တော်လှန်ရေးတပ်ဖွဲ့ဝင်တွေဆီက သိရပါတယ်။
လက်ပံတန်းမြို့နယ်အရှေ့ဘက် ဖိုးခေါင်စုရွာ လယ်ပြင်ဘုန်းတော်ကြီးကျောင်းက သက်တော် ၄၀ နှစ်ဝန်းကျင်ရှိ ကျောင်းထိုင်ဆရာတော် ဥူးသုမနဖြစ်ပြီး အောက်တိုဘာ ၁၄ ရက် မနက် ၈ နာရီလောက်မှာ အခန်းတွင်းမှာ သေဆုံးနေတာလို့ ပြောပါတယ်။
“ဆွမ်းဒကာမက ဆွမ်းချက်နေရင်း ဆီကုန်လို့ ဆရာတော်ဆီကိုသွားတာ အခန်းထဲမှာ ဆရာတော်က လည်ပင်းကြိုးတန်းလန်းနဲ့ ကြမ်းပြင်နဲ့ထိပြီး ဒူးကွေးပြီးပျံလွန်တော်မူနေတာကို သွားတွေ့တာတဲ့။ ရွာသားတွေ ကြိတ်မနိုင်ခဲမရဖြစ်နေတာ ၇ ရက်ကြာရင် သင်္ဂြိုဟ်မယ်လို့လည်းကြားတယ်"
သတင်းအပြည့်အစုံ - https://myaelattathan.com/news/26630/
+3
စစ်တပ်က တနေ့တည်း လေကြောင်းက (၂) ကြိမ်ဗုံးကြဲလို့ ကလေး(၂) ဦးအပါ (၃) ဦးသေဆုံး
ပေါင်းတည်၊ အောက်တိုဘာ ၁၆၊ ၂၀၂၆။
ပဲခူးတိုင်းအနောက်ခြမ်း၊ ပေါင်းတည်မြို့နယ်က ကျေးရွာ ၂ ရွာကို စစ်တပ်က တနေ့တည်းလေကြောင်းက (၂) ကြိမ် ဗုံးကြဲတိုက်ခိုက်လို့ ကလေးငယ် (၂) ဦးနဲ့ အမျိုးသား (၁) ဦးအပါ (၃) ဦးသေဆုံးခဲ့သလို နေအိမ် (၄) လုံးလည်းပျက်စီးသွားတယ်လို့ ဒေသခံတွေဆီက သိရပါတယ်။
အောက်တိုဘာ (၁၅) ရက် နံနက် (၁၁) နာရီဝန်းကျင်က ပေါင်းတည်မြို့နယ် တောင်ခမောက်ရွာနဲ့ ကြာနီကန်အုပ်စုအပိုင် ခုတ်ကြီးရွာကို ညနေ (၃) နာရီခွဲခန့်မှာ လေကြောင်းကနေ ဗုံးကြဲခဲ့တာလို့ ဆိုပါတယ်။
တောင်ခမောက်ရွာနဲ့ ပေါက်ပင်ကွင်းရွာအနီးကို ဂျက်လေယာဉ်နဲ့ဗုံးကြဲခဲ့သလို စက်လတ်နဲ့ပါပစ်ခတ်လို့ တောင်ခမောက်ရွာက နေအိမ် ၃ လုံးပျက်စီးခဲ့တယ်လို့ ပြောပါတယ်။
သတင်းအပြည့်အစုံ - https://myaelattathan.com/news/26624/
ချောင်းဦးမြို့မရဲစခန်းအနီး လင်မယား ၂ ဦး ပစ်သတ်ခံရလို့ သေဆုံး
ချောင်းဦး၊ အောက်တိုဘာ ၁၆၊ ၂၀၂၆။
စစ်ကိုင်းတိုင်း၊ ချောင်းဦးမြို့၊ ချောင်းဦးတောင်ရပ်ကွက်မှာ လင်မယား (၂) ဦးပစ်သတ်ခံရတယ်လို့ ချောင်းဦးမြို့နယ်ပကဖ တာဝန်ရှိသူတွေထံက သိရပါတယ်။
ပစ်သတ်ခံရသူတွေက အသက် (၃၅) နှစ်အရွယ် ကိုအေးမင်းထွန်း၊ ဇနီးဖြစ်သူ အသက် (၂၈) နှစ်အရွယ် မခိုင်ဇင်ဖြိုးတို့ဖြစ်ပြီး အောက်တိုဘာလ (၁၄) ရက်နေ့ညပိုင်း သူတို့နေအိမ်မှာ ပစ်သတ်ခံရတာလို့ ဆိုပါတယ်။
"ရှင်းလင်းခံရတဲ့ ဖြစ်စဥ်ရှိလို့ အဲ့ဒီည** တွေခြေရှုပ်နေတယ်လို့တော့ သိရတယ်။ ဘယ်အဖွဲ့တွေလုပ်တယ်ဆိုတာတော့ မသိရသေးဘူး။ မြိုပေါ်မှာက ပျူနဲ့** တွေက စိုးမိုးထားပြီး ခြေရှုပ်နေကြတာဆိုတော့"
သတင်းအပြည့်အစုံ - https://myaelattathan.com/news/26621/
+3
DEMU ရထားလာချိန် လမ်းဖြတ်ကူးသူ သက်ကြီး ၂ ဦး ဖမ်းဆီးအမှုဖွင့်ခံရ
◾️ ပဲခူးတိုင်းအတွင်း ရထားလမ်းဖြတ်ကူးသူတွေကို ဆက်တိုက်ဖမ်းဆီးနေ
အုတ်တွင်း၊ အောက်တိုဘာ ၁၆၊ ၂၀၂၆။
ပဲခူးတိုင်း၊ အုတ်တွင်းမြို့၊ ဈေးရပ်ကွက်၊ သခင်မြလမ်းရှိ မီးရထားသံလမ်းကူးဂိတ်မှာ DEMU ရထားလာချိန် လမ်းဖြတ်ကူးသူ သက်ကြီး ၂ ဦး ဖမ်းဆီးအမှုဖွင့်ခံရတယ်လို့ မြို့ခံတွေထံက သိရပါတယ်။
ဖမ်းဆီးအမှုဖွင့်ခံရသူတွေကတော့ အုတ်တွင်းမြို့၊ ကြက်သွန်ခင်း (၂) ရပ်ကွက်နေ အသက် (၅၆) နှစ်အရွယ် ဒေါ်ဝင်းရွှေနဲ့ ပဲခူးလမ်းရပ်ကွက်နေ အသက် (၆၃) နှစ် အရွယ် ဦးလေးကြည် တို့ဖြစ်ပြီး အောက်တိုဘာလ (၁၅) ရက်နေ့ မနက် (၁၁) နာရီကျော်ခန့်မှာ ရထားလမ်းဖြတ်ကူးလို့ ဖမ်းဆီးခံရတာလို့ ဆိုပါတယ်။
"ရထားလာချိန် သံလမ်းဂုံးပိတ်ထားတာ။ အလံပြကလည်း အလံပြပြီး ပိတ်ထားတာ။ ရထားကလည်းလာနေပြီ စက်ဘီးဆိုတော့ ကာထားတဲ့ အောက်ကနေ စောင်းသွင်းပြီး ဖြတ်တာ။ ချက်ချင်းဖမ်းပြီး အမှုဖွင့်တာ"
သတင်းအပြည့်အစုံ - https://myaelattathan.com/news/26615/
စစ်တပ်အရာရှိ ဖခင်ဆီက ဆေးဝါးပစ္စည်းတွေ တွေ့လို့ စစ်တပ်က ဖမ်းဆီးထား
ဇီးကုန်း၊ အောက်တိုဘာ ၁၆၊ ၂၀၂၆။
ပဲခူးတိုင်းအနောက်ခြမ်း၊ ဇီးကုန်းမြို့မှာ စစ်တပ်ကဗိုလ်ကြီးတဦးရဲ့ဖခင်ကို တားဆီးရှာဖွေစစ်ဆေးရာ ဆေးဝါးပစ္စည်းတွေ တွေ့ရှိခဲ့လို့ အာဏာသိမ်းစစ်တပ်က ဖမ်းဆီးထားပြီး စစ်ဆေးမှုတွေ ပြုလုပ်နေတယ်လို့ မြို့ခံတဦးဆီက သိရပါတယ်။
ဇီးကုန်းမြို့နယ်၊ ဘုရားကြီးကုန်းကျေးရွာအုပ်စု၊ ကြားစုကျေးရွာက အသက် ၆၀ နှစ်ဝန်းကျင် ဦးစိုးသိန်းကို ဇီးကုန်းမြို့ အမှတ် (၁)ရပ်ကွက်၊ ဂုံးလမ်း မြို့ဦးဘုန်းတော်ကြီးကျောင်းအနီးမှာ ပြီးခဲ့တဲ့ အောက်တိုဘာလဆန်ပိုင်းက ဖမ်းဆီးခံခဲ့ရတာ ဖြစ်ပါတယ်။
"ဦးစိုးသိန်းကို လမ်းမှာဖမ်းတော့ သူ့ဆီက ဂလူးကို့စ်ပုလင်းတွေနဲ့ အခြားဆေးဝါးပစ္စည်းတွေ သိမ်းရတယ်လို့ သတင်းကြားတယ်။ စပြီးဖမ်းသွားကတည်းက ပြည်ကမင်းကြီးတောင်ပေါ် စစ်ကြောရေးကို ခေါ်သွားတာ။ အရင်နေ့ (အောက်တိုဘာ ၁၃) ညနေကတော့ ဇီးကုန်းရဲစခန်းကို ပြန်ရောက်တယ်ကြားတယ်။ သူ့သားက စစ်တပ်က ဗိုလ်ကြီး ခြေလျင်တပ်ကဆိုတာတော့ တမြို့လုံးသိတယ် ဘယ်တပ်ကဆိုတာတော့ မသိဘူး” လို့ မြို့ခံတဦးက ပြောပါတယ်။
သတင်းအပြည့်အစုံ - https://myaelattathan.com/news/26612/
လက်နက်ခဲယမ်း ရောင်းဝယ်ပါက ပစ်ခတ်ဖမ်းဆီးပြီး ကြီးလေးတဲ့ ပြစ်ဒဏ်ချမယ်လို့ မြင်းခြံခရိုင်စစ်ဌာနစာထုတ်
မြင်းခြံ၊ အောက်တိုဘာ ၁၅၊ ၂၀၂၆။
မန္တလေးတိုင်း၊ မြင်းခြံခရိုင်အတွင်းက မြို့နယ်တွေမှာ လက်နက်ခဲယမ်းရောင်းဝယ်မှု ပြုလုပ်သူတွေကို ပစ်ခတ်ဖမ်းဆီးကာ ကြီးလေးတဲ့ ပြစ်ဒဏ်ချမယ်လို့ မြင်းခြံခရိုင်စစ်ဌာနက အောက်တိုဘာလ ၁၄ ရက်နေ့မှာ သတင်းထုတ်ပြန်ထားပါတယ်။
တားမြစ်စာထုတ်ပြန်ရခြင်းမှာ မြင်းခြံခရိုင်းအတွင်း လက်နက်ခဲယမ်းရောင်းဝယ်မှုတွေကြောင့် မလိုလားအပ်တဲ့ ဘေးထွက်ဆိုးကျိုးတွေကိုတားမြစ်ဖို့နဲ့ မသက်ဆိုင်သူတွေလက်ထဲ လက်နက်ခဲယမ်းတွေ မရောက်သွားစေဖို့ ရည်ရွယ်ပြီး ထုတ်ပြန်ရတာလို့ ဆိုပါတယ်။
"တပ်တွေမှာရှိနေတဲ့ ကျည်တွေကို တပ်တွေမှာပဲ ထိန်းသိမ်းထားပြီး တိုက်ပွဲဖော်ဆောင်နိုင်ဖို့ပါ။ ရောင်းဝယ်ဖောက်ကားမှူလုပ်တဲ့နေရာမှာ တပ်ဖွဲ့မှူးတွေ သိတာဖြစ်စေ မသိတာဖြစ်စေ ပြင်ပကို ထုတ်ရောင်းတာမျိုး မလုပ်နိုင်အောင်ပါ။ အမိန့်ဆိုတာက မဖြစ်ခင်ကြိုထုတ်တဲ့ သဘောမျိုးပါ။ ကျည်တွေသာ မသမာသူတွေလက်ထဲရောက်သွားရင် ဓားပြမှု၊ ပြန်ပေးမှုတွေဖြစ်လာနိုင်လို့ပါ"
သတင်းအပြည့်အစုံ - https://myaelattathan.com/news/26609/
ယင်းမာပင်မှာ စစ်ကြောင်းထိုးပြီး ရွာသားပိုင် ကား ၂ စီး၊ ဆိုင်ကယ်အစီး ၂၀ ကျော်နဲ့ ရိက္ခာတွေ ယူသွား
ယင်းမာပင်၊ အောက်တိုဘာ ၁၅၊ ၂၀၂၆။
စစ်ကိုင်းတိုင်း၊ ယင်းမာပင်မြို့နယ်၊ တံခါးရင်းကျေးရွာကို စစ်တပ်စစ်ကြောင်းဝင်ရောက်လာပြီးနောက် ပြည်သူတွေရဲ့ ဆိုင်ကယ်အစီး ၂၀ ကျော်၊ ကား ၂ စီးနဲ့ ရိက္ခာတွေ ယူဆောင်သွားတယ်လို့ ယင်းမာပင်ခရိုင် တပ်ရင်း ၃၆ တာဝန်ရှိသူတွေထံက သိရပါတယ်။
အောက်တိုဘာလ ၁၄ ရက်နေ့ မနက် ၁၁ နာရီခန့်က ပုလဲမြို့ကနေ ထွက်လာတဲ့ အင်အား ၅၀ ပါစစ်ကြောင်းဟာ တံခါးရင်းကျေးရွာထဲကို သေနတ်တွေပစ်ဖောက်ပြီး ဝင်ရောက်လာခဲ့တယ်လို့ ပြောပါတယ်။
"သူတို့ ဝင်လာတော့ ရှောင်တဲ့သူက ရှောင်ကြတယ်။ လူရှိတဲ့ အိမ်တွေကကျတော့ မယူဘူး။ လူမရှိတဲ့အိမ်က ပစ္စည်းတွေကိုတော့ ယူသွားကြတာ။ သူတို့လိုတဲ့ပစ္စည်းတွေ ကြိုက်တဲ့ပစ္စည်းတွေယူသွားကြတာ"
သတင်းအပြည့်အစုံ - https://myaelattathan.com/news/26605/
မြိုင်နယ်မှာ လေယာဥ် ၆ စီးနဲ့ ဗုံးပတ်ကြဲနေလို့ ပြည်သူ ၁,၀၀၀ ကျော် ပြေးနေရ
မြိုင်၊ အောက်တိုဘာ ၁၄၊ ၂၀၂၆။
မကွေးတိုင်း၊ မြိုင်မြို့နယ်ထဲက ကျေးရွာ ၅ ရွာကျော်ကို စစ်တပ်က လေယာဥ် ၆ စီးနဲ့ ဗုံးပတ်ကြဲနေလို့ ပြည်သူ ထောင်ချီပြေးနေရတယ်လို့ အညာမြေအရပ်ဖက်လူမှုအဖွဲ့အစည်း မြိုင်တာဝန်ရှိသူတွေထံက သိရပါတယ်။
အောက်တိုဘာလ ၁၄ ရက်နေ့ နေ့လယ် ၁၂ နာရီခန့်ကစတင်ပြီး စစ်တပ်ဘက်က ဂျက်ဖိုက်တာ ၂ စီး၊ Mi-17 ၂ စီး၊ Y-12 နှစ်စီးနဲ့ ဆိတ်သတ်၊ ဝကြီးတော၊ ကုန်းရွာ၊ ဘူကင်းချိုင်၊ ဝက်ပုတ်နဲ့ သာကောင်း စတဲ့ကျေးရွာတွေထဲနဲ့ ရွာအနီးတွေကို ဗုံးပတ်ကြဲနေတာလို့ ဆိုပါတယ်။
"ကုန်းရွာက အဓိက ထိတယ်။ အိမ်တွေထိတယ်။ သာကောင်းဘက်မှာလည်း ထိတယ်။ လေယာဥ် ၆ စီးလောက်နဲ့ကြဲနေတာ။ ချတာ Mi-17 နှစ်စီး အောက်နိမ့်ဆင်းပြီးပစ်ပြီး ကျန်တာက ပတ်ကြဲနေတာ"
သတင်းအပြည့်အစုံ - https://myaelattathan.com/news/26602/
နတ်ရေကန်စစ်ကူစစ်ကြောင်း ရက်ဆက်တိုက်ခိုက်ခံရလို့ သေဆုံးများစွာနဲ့ အမ်း-ပဒါန်းလမ်းပိုင်းမှ ပြန်ဆုတ်သွား
ပဒါန်း၊ အောက်တိုဘာ ၁၄၊ ၂၀၂၆။
မကွေးတိုင်း၊ ပဒါန်းမြို့နယ်၊ ရခိုင်ရိုးမပေါ်က အမ်း - ပဒါန်းလမ်းရှိ အာရက္ခတပ်တော် (AA)ပိတ်ဆို့ထားတဲ့ နတ်ရေကန်ဗျူဟာ လေကြောင်းရန်ကာကွယ်ရေးစခန်းကို ထိုးစစ်ဆင်နေတဲ့ အာဏာသိမ်းစစ်တပ်စစ်ကြောင်းနဲ့ AA တို့အကြား တိုက်ပွဲတွေ ဆက်လက်ပြင်းထန်နေတယ်လို့ ဒေသခံစစ်ရေးသတင်းရင်းမြစ်က ပြောပါတယ်။
ပဒါန်းမြို့ကနေ နတ်ရေကန်ဗျူဟာစခန်းအနီးဝန်းကျင်ကို ထိုးစစ်ဆင်လာတဲ့ စစ်အင်အား ၁၀၀ ကျော်ပါ စစ်ကြောင်းကို အာရက္ခတပ်တော်- AA က အောက်တိုဘာ (၉) ရက်နေ့မှာ ဂုတ်ကြီးကျေးရွာအနီး ကြားဖြတ်တိုက်ခိုက်ခဲ့ပြီးနောက် တစ်ရက်အကြာ အောက်တိုဘာ (၁၁၊ ၁၂၊ ၁၃) ရက်နေ့တွေအထိ ၃ ရက်ဆက်တိုက် တိုက်ပွဲတွေ ပြင်းထန်ခဲ့တယ်လို့ ဆိုပါတယ်။
"စစ်ကောင်စီဘက်က အင်အားအလုံးအရင်းနဲ့ ထိုးစစ်ဆင်လာတာ။ AA ဦးဆောင်တဲ့ တော်လှန်ရေးတပ်တွေဘက်က ကြားဖြတ် တိုက်ခိုက်လိုက်တာပေါ့။ AA ထိန်းချုပ်နယ်မြေထဲကို သူတို့(စကစ)ဘက်က ထိုးလာတော့ အကျအဆုံးများပြီး ပြန်ဆုတ်သွားရတာပါ။ လေကြောင်းကိုတော့ အားကိုးပြီး တောက်လျှောက် ဗုံးလာကြဲနေတာပေါ့ဗျာ"
သတင်းအပြည့်အစုံ - https://myaelattatha
၅ သိန်းတန် နားကပ်လိုချင်လို့ ၇ နှစ်သမီးကို သတ်ပြီး အလောင်းဖျောက်ကာ ကျူးလွန်သူစစ်ပြေး ထွက်ပြေးနေ
မင်းဘူး၊ အောက်တိုဘာ ၁၄၊ ၂၀၂၆။
မကွေးတိုင်း၊ မင်းဘူးမြို့နယ်၊ ဖြူကုန်းကျေးရွာမှာ ၅ သိန်းတန် နားကပ်တရံကြောင့် ၇ နှစ်အရွယ် ကလေးငယ်ကို သတ်ဖြတ်ပြီး အလောင်းဖျောက်ထားကာ ကျူးလွန်သူလို့ ယူဆသူ စစ်ပြေးက တယ်လို့ ဖြစ်စဥ်ကိုသိတဲ့ ဒေသခံတွေဆီက သိရပါတယ်။
ပြီးခဲ့တဲ့ အောက်တိုဘာလ ၇ ရက်နေ့ မနက် ၇ နာရီကျော်ခန့်က မင်းဘူးမြို့နယ်၊ ကူကျေးရွာကနေ ဖြူကုန်းကျေးရွာကို ကျောင်းသွားတက်ရတဲ့ G-2 (နှစ်တန်း)ကျောင်းသူ အသက် ၇ နှစ် အရွယ် မခက်သဒ္ဒါလင်းဟာ ကျောင်းကိုသွားစဥ် ပျောက်ဆုံးသွားခဲ့တာလို့ ဆိုပါတယ်။
ကလေးငယ် ပျောက်ဆုံးပြီး ၅ ရက်အကြာမှာ ဖြူကုန်းကျေးရွာနဲ့ ၂ မိုင်ခန့်အကွာက ချင်းကုန်းကျေးရွာအနီး ရေချောင်းအတွင်းမှာ အောက်တိုဘာလ ၁၂ ရက်နေ့ မနက်ပိုင်းက ဆာလာအိတ်ထဲမှာ ခြေလက်တွေ ကြိုးတုပ်ခံထားပြီး ပါးစပ်ကို အဝတ်နဲ့ပိတ်လျက် သေဆုံးနေတဲ့ မခက်သဒ္ဒါလင်းရဲ့ အလောင်းကို တွေ့ခဲ့ရတယ်လို့ ဆိုပါတယ်။
သတင်းအပြည့်အစုံ - https://myaelattathan.com/news/26594/
မင်းတုန်း-သဖန်ရောင် တိုက်ပွဲမှာ စစ်တပ်စစ်ကြောင်း ထိုးစစ်ရပ်ပြီး သုံ့ပန်းနဲ့ လက်နက်တွေကို AA သိမ်းဆည်း
မင်းတုန်း၊ အောက်တိုဘာ ၁၃၊ ၂၀၂၆။
မကွေးတိုင်း၊ မင်းတုန်းမြို့နယ်၊ ရခိုင်ရိုးမတောင်ခြေ၊ အမ်း-မင်းတုန်းလမ်းပိုင်းပေါ်မှာ စစ်ကြောင်းထိုးလာတဲ့ အာဏာသိမ်းစစ်တပ်စစ်ကြောင်းနဲ့ အာရက္ခတပ်တော် (AA)တို့ နှစ်ရက်ဆက်တိုက် တိုက်ပွဲတွေဖြစ်ပွားခဲ့ရာ တိုက်ပွဲအတွင်း စစ်တပ်သုံ့ပန်းနဲ့ လက်နက်တွေကို သိမ်းဆည်းရရှိခဲ့တယ်လို့ ဒေသခံတွေနဲ့စစ်ရေးသတင်းရင်းမြစ်တွေက ပြောပါတယ်။
ပြီးခဲ့တဲ့ အောက်တိုဘာ ၈ ရက်နဲ့ ၉ ရက်နေ့မှာ တပ်မ ၅၅ ဦးဆောင်တဲ့ အင်အား ၁၀၀ ကျော်ပါ ပူးပေါင်းစစ်ကြောင်းတွေဟာ မင်းတုန်းမြို့နယ်ဘက်ကနေ အမ်းမြို့နယ်၊ တလိုင်းတောင်ဘက်ကိုဦးတည်ပြီး ထိုးစစ်ဆင်လာခဲ့ရာ သဖန်ရောင်နဲ့ ကံကြောကျေးရွာအနီးအရောက်မှာ အာရက္ခတပ်တော်နဲ့ နှစ်ရက်ကြာ တိုက်ပွဲဖြစ်ပွားခဲ့တာလို့ ဒေသခံစစ်ရေးသတင်းရင်းမြစ်တဦးက မြေလတ်အသံကို ပြောပါတယ်။
"သူတို့(စကစ)ဘက်က ထိုးစစ်လို့ပြောပေမယ့် တိုက်ပွဲဖြစ်တာနဲ့ နာပြီး နောက်ဆုတ်သွားကြတာပါပဲ။ အဲ့ဒီတိုက်ပွဲတွေမှာ—
သတင်းအပြည့်အစုံ - https://myaelattathan.com/news/26591/
အပူဒဏ်ကြောင့် တောင်ငူမှာ သက်ကြီးအမျိုးသား ၁ ဦးလမ်းပေါ်လဲကျ အခြေအနေစိုးရိမ်ရ
တောင်ငူ၊ အောက်တိုဘာ ၁၃၊ ၂၀၂၆။
ပဲခူးတိုင်း၊ တောင်ငူမြို့နယ်၊ ကံရိုးကျေးရွာ ကွန်ပျုတာတက္ကသိုလ်ကျောင်းရှေ့မှာ အပူဒဏ်ကြောင့် သက်ကြီးအမျိုးသား ၁ ဦးလမ်းပေါ်လဲကျပြီး အခြေအနေစိုးရိမ်ရတယ်လို့ မြို့ခံတွေဆီက သိရပါတယ်။
အောက်တိုဘာလ ၁၃ ရက်နေ့ နေ့လယ် ၂ နာရီခွဲခန့်က အဆိုပါလမ်းမပေါ်မှာ လမ်းလျှောက်လာတဲ့ အသက် ၆၀ ကျော်အရွယ် အမျိုးသားတဦး လမ်းလျှောက်လာရင်းကနေ လဲကျသွားခဲ့တာလို့ ဆိုပါတယ်။
"တယောက်တည်း လဲကျနေတာ မိသားစုဝင်တွေလည်း မပါဘူး။ အဲ့နားကလူတွေပြောတာတော့ တယောက်တည်းလဲကျနေတာ။ နေပူထဲမှာ လဲနေတာ။ ကျောကုန်းဆို တော်တော်ပူနေတာ။ အရက်သောက်ထားတာမရှိဘူး"
သတင်းအပြည့်အစုံ - https://myaelattathan.com/news/26587/
ပုလဲနဲ့ ယင်းမာပင်နယ်ဘက်က အဓိကလမ်းပိုင်းတွေနဲ့ လမ်းဘေးကကျေးရွာတချို့ကို အာဏာသိမ်းစစ်တပ်ပြန်လည်ထိန်းချုပ်လာ
မြေလတ်အသံ၊ အောက်တိုဘာ ၁၃၊ ၂၀၂၆။
စစ်ကိုင်းတိုင်း၊ ယင်းမာပင်နဲ့ ပုလဲမြို့နယ်တွေမှာ အာဏာသိမ်းစစ်တပ်က အချက်အချာကျတဲ့ လမ်းပိုင်းတွေနဲ့ ကျေးရွာတချို့မှာ နယ်မြေစိုးမိုးမှု ပြန်ရလာခဲ့ပါတယ်။
အာဏာသိမ်းစစ်တပ်က အတုအယောင် ရွေးကောက်ပွဲပြုလုပ်ပြီးတဲ့နောက် ရက် ၁၀၀ စီမံကိန်း ဖော်ဆောင်ရာမှာ ပုလဲမြို့နယ်ကို စစ်အုပ်ချုပ်ရေး ကြေညာခဲ့ကာ အရင်က စစ်တပ်အာဏာသက်ရောက်မှုမရှိတဲ့ ပုလဲ-ယင်းမာပင်လမ်းပိုင်းနဲ့ ပုလဲ-ဂန့်ဂေါလမ်းပိုင်းပေါ် အချက်အချာကျတဲ့ ကျေးရွာတွေကို ပြီးခဲ့တဲ့ ဇူလိုင်လလောက်က စတင်ကာ ခပ်စိပ်စိပ်စစ်ကြောင်းထိုး တိုက်ခိုက်ခဲ့ပြီး နယ်မြေတချို့ကို ပြန်လည်ထိန်းသိမ်းနိုင်ခဲ့တာဖြစ်ပါတယ်။
ဒီလိုနယ်မြေစိုးမိုးမှု ပြန်ရခဲ့တာကြောင့် လာမယ့် ပွင့်လင်းရာသီအရောက်မှာ လမ်းပန်းဆက်သွယ်ရေးအချက်အခြာကျတဲ့ ပုလဲ-ယင်းမာပင်လမ်းပိုင်းနဲ့ ပုလဲ - ဂန့်ဂေါလမ်းပိုင်းတွေကို အသုံးပြုသွားလာနေရတဲ့ ဒေသခံတွေနဲ့ မတရားအဓမ္မဖမ်းဆီးပြီး စစ်မှုထမ်းခိုင်းတာတွေနဲ့------------------
သတင်းအပြည်အစုံ - https://myaelattathan.com/news/26583/
+3
မဲဇလီရွာကို စက်တပ်လေထီးနဲ့ ဗုံးကြဲခံရလို့ ပြည်သူ ၁ ဦးသေဆုံး
မင်းတုန်း၊ အောက်တိုဘာ ၁၃၊ ၂၀၂၆။
မကွေးတိုင်း၊ မင်းတုန်းမြို့နယ်၊ မဲဇလီကျေးရွာမှာ စက်တပ်လေထီးနဲ့ ဗုံးကြဲခံရလို့ ပြည်သူ ၁ ဦးသေဆုံးတယ်လို့ သရက်ခရိုင်တပ်ရင်း ၄ တာဝန်ရှိသူတွေထံက သိရပါတယ်။
အောက်တိုဘာလ ၁၂ ရက်နေ့ နေ့လယ် ၁၂ နာရီဝန်းကျင်ခန့်မှာ သရက် ကပစ (၁၂) ကနေ တက်လာတဲ့ စက်တပ်လေထီး ၂ စီးဟာ ကျေးရွာထဲကို ဗုံး ၈ လုံးကြဲချခဲ့တယ်လို့ ဆိုပါတယ်။
"ကြဲတာက ပြည်သူနေအိမ်တွေပေါ် ကြဲချတာ။ အိမ်ပေါ်ကျတာလည်း ရှိတယ်။ အိမ်နံဘေးတွေ ကျတာလည်းရှိတယ်။ ခုသေဆုံးတဲ့သူဆို နေအိမ်ထဲ နေနေတာ အိမ်ပေါ်ဗုံးကျပြီး ဆုံးတာ"
သတင်းအပြည့်အစုံ - https://myaelattathan.com/news/26576/
ပဲခူး-ရခိုင်နယ်စပ်မှာ ပေါ်တာကြေးကောက်ပြီး လစဉ်ပေါ်တာဆွဲနေလို့ လူငယ်တွေ ရွာလုံးကျွတ်နီးပါး ထွက်ပြေးနေရ
ပန်းတောင်း၊ အောက်တိုဘာ ၁၂၊ ၂၀၂၆။
ရခိုင်ပြည်နယ်၊ တောင်ကုတ်မြို့နယ်နဲ့ ပဲခူးတိုင်း၊ ပန်းတောင်းမြို့နယ်အစပ်က ညောင်ခြေထောက်ကျေးရွာမှာ ကျေးရွာအုပ်ချုပ်ရေးအဖွဲ့က ပြည်သူတွေဆီက လစဉ်ပေါ်တာကြေးကောက်ခံပြီး လိုက်လံပေါ်တာဆွဲ ဖမ်းဆီးတာတွေ လုပ်နေတာကြောင့် ကျေးရွာထဲက လူငယ်တွေ ရွာလုံးကျွတ်နီးပါး ထွက်ပြေးတိမ်းရှောင်နေကြရတယ်လို့ ဒေသခံတွေဆီက သိရပါတယ်။
ပြီးခဲ့တဲ့ ဇူလိုင်လကစပြီး ရခိုင်းရိုးမတောင်က အိမ်ခြေ ၆၀၀ နီးပါးရှိတဲ့ ညောင်ခြေထောက်ရွာမှာ အုပ်ချုပ်ရေးမှူး ကျော်ကျော်ဦး၊ ရာအိမ်မှူးတွေဖြစ်ကြတဲ့ မျိုးဝင်း၊ စိန်ဝင်း၊ အောင်ဇာနည်ထွန်းနဲ့ ပေတလူး စတဲ့ ၅ ဦးပါဝင်တဲ့ အုပ်ချုပ်ရေးအဖွဲ့ဟာ ကျေးရွာမှာရှိတဲ့ ပြည်သူတွေဆီကနေ တအိမ်ထောင်ကို ငွေကျပ် ၅ သောင်းအထိ ကောက်ခံနေတာလို့ ဒေသခံအမျိုးသားတဦးက ပြောပါ တယ်။
“သူတို့(ရွာအုပ်ချုပ်ရေးအဖွဲ့)ဆွေမျိုး အိမ်တွေကိုကျ ငွေတပြားမှ မကောက်ဘူး။ သာမန်ရွာသားတွေဆီကကျ အတင်းအကျပ်ကောက်နေတာ။ ငွေလည်း အဓမ္မတောင်းသလို လစဉ်လည်း စကစနဲ့ပေါင်းပြီး——
သတင်းအပြည့်အစုံ - https://myaelattathan.com/news/26569/
+6
အရပ်သားတွေကို ပစ်မှတ်ထားပြီး ဝက်လက်က ရွာ ၅ ရွာမှာ ဗုံးကြဲခဲ့လို့ ၃ ဦးသေ ၁၆ ဦးထက်မနည်း ဒဏ်ရာရ
ဝက်လက်၊ အောက်တိုဘာ ၁၂၊ ၂၀၂၆။
စစ်ကိုင်းတိုင်း၊ ဝက်လက်မြို့နယ်ထဲက ကျေးရွာ ၅ ရွာကို စစ်တပ်က Y-12 လေယာဉ်နဲ့ ဗုံးပတ်ကြဲခဲ့တာကြောင့် ပြည်သူ ၃ ဦးသေဆုံးပြီး ၁၆ ဦးထက်မနည်း ထိခိုက်ဒဏ်ရာရထားတယ်လို့ ဝက်လက်မြို့နယ်ပကဖ ပြန်ကြားရေးတာဝန်ခံထံက သိရပါတယ်။
အောက်တိုဘာလ ၁၂ ရက်နေ့ မနက် ၃ နာရီကျော်ခန့်က စတင်ပြီး တံတားဦးလေတပ်ကနေ တက်လာတဲ့ Y-12 လေယာဉ်တစီးဟာ မဲကုန်း၊ ဥယျာဥ်မ၊ ကျီးကန်၊ ရေထွက်နဲ့ အုတ်ဖိုကုန်းကျေးရွာတွေကို ဗုံးသီး ၁၃ လုံးထပ်မနည်းကြဲချခဲ့တာလို့ ဆိုပါတယ်။
"ထိခိုက်က ရွာတိုင်းရှိတယ်။ ရွာတွေထဲမှာလည်း ဘာမှမရှိဘဲ ရွာထဲကိုချည်း ကြဲသွားတာ။ ပြည်သူတွေက ကြောက်နေပြီ။ ဒီလောက်ကြီးက တခါမှ လာချဖူးဘူး။ တိုက်ပွဲဖြစ်နေချိန်တော့ ချပေမယ့် တိုက်ပွဲမရှိချိန် အခုလို အများကြီးလာချတာ ပထမဆုံးပဲ"
သတင်းအပြည့်အစုံ - https://myaelattathan.com/news/26560/
+4
သမိုင်းဝင် မဟာစည်ကျောင်းတိုက် ဗုံးကြဲခံရပြီး စစ်ရှောင် ၂ ဦးသေဆုံးကာ ၈ ဦးဒဏ်ရာရ
ရွှေဘို၊ အောက်တိုဘာ ၁၂၊ ၂၀၂၆။
စစ်ကိုင်းတိုင်း၊ ရွှေဘိုမြို့နယ်၊ ဆိပ်ခွန်ကျေးရွာရှိ မဟာစည်ဆရာတော်ကြီး သတင်းသုံးခဲ့တဲ့ သမိုင်းဝင် မဟာစည်ကျောင်းတိုက် ဗုံးကြဲခံရပြီး စစ်ရှောင် ၂ ဦးသေဆုံးကာ ၈ ဦးဒဏ်ရာရတယ်လို့ ရွှေဘိုမြို့နယ်ပကဖတာဝန်ရှိသူတွေဆီက သိရပါတယ်။
အောက်တိုဘာလ ၁၁ ရက်နေ့ နေ့လယ် ၁၂ နာရီခန့်က တံတားဦးလေတပ်ကနေ တက်လာတဲ့ ဂျက်ဖိုက်တာတစီး ဘုန်းကြီးကျောင်းဝင်းအတွင်းကို ဗုံးသုံးလုံးကြဲချခဲ့တာလို့ ဆိုပါတယ်။
"မဟာစည်ဆရာတော်ကျောင်းက ရိပ်သာလည်း ကျောင်းဝင်းထဲမှာရှိတာ။ စစ်ရှောင်ကလည်း ဓမ္မာရုံထဲနေကြတာ။ ဓမ္မာရုံကြီးဘေး တလုံးကျတယ်။ ယောဂီတွေနေတဲ့ အဆောင်နား တလုံးကျတာ။ တည့်ကျတာလည်း ရှိတယ်။ ဗုံးကြဲပြီးတော့ ညနေပိုင်း ဒရုန်းနဲ့လာထပ်ကြဲသွားသေးတာ"
သတင်းအပြည့်အစုံ - https://myaelattathan.com/news/26553/
