ፍሬ ሃይማኖት

.               ✝️ ታሪክ በዛሬዋ ዕለት ✝️       😭የቅዱስ ፓትርያርኩ በግፍ መገደል😭 በደረጀ እሸቴ(ወልደ ሥላሴ)       ብጹዕ ወቅዱስ አቡነ ቴዎፍሎስ ሰማዕት ሁለተኛው የኢ/ኦ/ተ/ቤ/ክ/ያን ፓትርያርክ ሲሆኑ በራሳችን ምድር(በኢትዮጵያ)  በራሳችን አባቶች  የተሾሙ የመጀመርያው ፓትርያርክ ናቸው። የተሾሙትም ግንቦት 1 ቀን 1963 ዓ.ም ሲሆን ከተሾሙበት ጊዜ ጀምሮ እጅግ በርካታ ሥራዎችን እና አዳዲስ  መዋቅሮችን ዘርግተው በመስራት ላይ ሳሉ ገና የወጠኗቸውን የቤተ ክርስቲያን  ልማቶች ሳይፈጽሙ የካቲት 9 ቀን 1968ዓ.ም ከመንበረ ፕትርክናቸው  ወርደው ለእስር ተዳረጉ።           ቅዱስ ፓትርያርኩ ከመንበራቸው የወረዱትም ሆነ ተላልፈው በመሰጠት የታሠሩት በወታደራዊው መንግስት ድፍረትን የተሞላ ተግባር ብቻ ሳይሆን መጽሐፍ "ለሰብዕ ጸሩ ሰብአ ቤቱ = ለሠው ጠላቱ ቤተ ሰቡ ነው" እንዲል።ቤተ ክሕነት ውስጥ በተሰገሰጉ የይሁዳ የግብር ልጆች አማካይነት ነው።       ኋላም እነዚሁ መሠሪዎች ቅዱስ ፓትርያርኩ በፋሽስት ደርግ ከመንበራቸው እንዲለቁ ከደረጉ በኋላ "መንግስት የወሰደውን እርምጃ ደግፈን ተስማምተናል ቀብለናልም" ሲሉ መግለጫ መስጠታቸው እጅግ በጣም አሳዛኝ ነበር።          እንዴት ተገደሉ???     ከየካቲት 9 ቀን 1968ዓ.ም እስከ ሐምሌ 7 ቀን 1971ዓ.ም(ለሶስት ዓመት ከአምስት ወራት) በእስር ቤት  ተጣሉ።ቀኖና ቤተ ክርስቲያንም ተሽሮ እርሳቸው በሕይወት እያሉ ሌላ(ሶስተኛው ፓትርያርክ) በደርግ ትዕዛዝ ተሾሙ።በዚህ ረዥም ጊዜ ፓትርያርኳ ተዋርዶ ስቃይና መከራን ሲቀበል፤ ቤተ ክርስቲያን  ለምን ይህ ይደረጋል? ብላ አለመጠየቋ፤የጎረምሶች ጥርቅም የነበረውን አዲሡን የደርግ መንግስት አባቶች መገሠጽ አለመቻላቸው......  አይደለም በጊዜው ለነበረና ድርጊቱን በቅርበት  ለተመለከተ  ሠው  ቀርቶ ዛሬ ላይ  ሆነን  በታሪክ ለምንሰማ ሰዎች ልባችንን በኃዘን ፍላጻ እየወጋ ሲያደማው የሚኖር የእኩያን ሰይጣናዊ ሥራ  ነው።      አሰቃቂው የግድያ ድርጊት፦      ሐምሌ 7 ቀን 1971 ዓ.ም በዚህኛው በኩል(በቤተ ክርስቲያን) የቅድስት ሥላሴ በዓል በመከበር ላይ ሲሆን        በዚያኛው በኩል ደግሞ(በእስር ቤት) ፓትርያርኩን ጨምሮ ሠላሳ ሶስት እስረኞች በሞት መልዕክተኞች ተጠሩ፣ተሰለፉ፣በተራቸው ገቡ።ወደ ጨለማው  ቤት ውስጥም ተጨመሩ።     የተለያዩ የጨለማ ኮሪደሮች ባሉት የጨለማ ቤት ውስጥ  ጥግ ላይ ያለው ሰው  ብጹዕ ወቅዱስ አቡነ ቴዎፍሎስን "ና" አላቸው።ወደርሱ አተኩረው ሲራመዱ  በጨለማው ኮሪደር ለግድያ ካሸመቁ ሰልጣኝ ኮማንዶዎች አንዱ ሳያስቡት በሲባጎ አነቃቸው።ኮማንዶው ሲባጎውን በሁለት እጆቹ ጠምጥሞ አጥብቆ በመያዝ በአንገታቸው ላይ ከአጠለቀ በኋላ ገመዱን በመሸረብና በማሳጠር  በስተመጨረሻ በገመዱ እንደታነቁ የእንግላሊት ጀርባው ላይ አውጥቶ በአንገታቸው የገባውን ገመድ በእጁ እየጠቀለለ በማሳጠርና በማጥበቅ ትንፋሻቸውን ቋጨ።     አስከሬናቸውንም ጎትቶ ከሌሎች እስረኞች ጋር ሸራ አለበሰው።ማታ ሶስት ሰዓት ኖራ ተነስንሶባቸው ከሠላሳ ሶስቱ እስረኞች ጋር  በጅምላ በአንድ ጉድጓድ ተቀበሩ።😭😭😭 አይ ኢትዮጵያ ‼️ የስንት ንጹሐን ደም ደመ ከልብ ሆኖብሽ ቀረ❓❓❓         ቅዱስነታቸውን ለዚህ ሁሉ ግፍና መከራ የዳረጋቸው "መንግሥትና ሃይማኖት የተለያዩ ናቸው ብላችኋል።እናንተም  ሥራችሁን ሥሩ።እኔም ሥራዬን አሠራለው"።ብለው ቤተ ክርስቲያንን  አለማስደፈራቸው ብቻ ነበር።እንጂ ሌላማ ምን ወንጀል ተገኝቶባቸው። የሰማዕቱ ፓትርያርክ ረድኤትና በረከት በሁላችንም ላይ ይደርብን። ተጻፈ ሐምሌ 7 ቀን 2018 ዓ.ም ረፋድ 5:00 ሰዓት