ፍሬ ሃይማኖት

"ምግባቸውን በየጊዜው ይሰጣቸው ዘንድ ጌታው በቤተሰቡ ላይ የሚሾመው ደግ ታማኝና ብልህ መጋቢ  ማን ነው ?"                    ሉቃስ 12÷42                     አስመራጭ ኮሚቴ

ኑ ከእግዚአብሔር መንፈስ ቅዱስ ጋር አብረን እንስራ        አስመራጭ ኮሚቴ

✝️ 12ተኛ ዙር የሥራ አመራር ምርጫ የጸሎት መርሐ ግብር ✝️ የተወዳችሁ የሰንበት ትምህርት ቤታችን አባላት በሙሉ፤ ለ12ተኛ ዙር የሰንበት ት/ቤታችን የሥራ አመራር ምርጫ በተዘጋጀው የጸሎት መርሐ ግብር ላይ በመገኘት፤ ስለ ቤተክርስቲያናችን፣ ስለ ፍጹም ሃይማኖታችን፣ ስለ አንድነታችንና ስለ አገልግሎታችን እያሳሰብን፣ እስከዛሬ በቸርነቱ ጠብቆ ለዚህ ያደረሰን አምላክ ለቀጣዩ ዘመን የተሻለ ራእይ ያላቸውን አባላት እንዲሰጠን እንጸልያለን። ሁላችሁም በፍቅር ተጋብዛችኋል!! 🗓 ቀን፦ 28/10/2018 ዓ.ም ⏰ ሰዓት፦ ከጥዋቱ 3:00 ሰዓት ጀምሮ 📍 ቦታ፦ ደጀ ሰላም ✨ መ/ደ/ገ/ቅዱስ ሚካኤል ፍ/ሃ ሰ/ት/ቤት ✨

✝️ አንድነት ለቤተ ክርስቲያን አገልግሎት! የመካኒሳ ደብረገነት ቅዱስ ሚካኤል ፍሬ ሃይማኖት ሰንበት ትምህርት ቤት አባላት፤ የሰንበት ትምህርት ቤታችን የ12ኛ ዙር የሥራ አመራር ምርጫን እና የጸሎት መርሐ ግብርን በታላቅ ድምቀት ለማከናወን ተዘጋጅተናል። በዚህ መንፈሳዊ መርሐ ግብር ላይ በመገኘት የአገልግሎት አሻራችሁን እንድታኖሩ ጥሪያችንን እናስተላልፋለን። "የመጣነው ለመማር፣ የቆምነው ለማገልገል ነው!" 🗓 ቀን፡ 28/10/2018 🕒 ሰዓት፡ ከጠዋቱ ሦስት ሰዓት ጀምሮ 📍 ቦታ፡ ደጀሰላም

🚨 የሥራ ማስታወቂያ 🚨 የድርጅት ስም: የየረር አጠቃላይ ሆስፒታል (Yerer General Hospital) የሥራ ቦታ: ጎሮ፣ አዲስ አበባ የሥራ ዓይነት: ሙሉ ሰዓት (Full Time) 📌 የሥራ መደብ ዝርዝር የሥራ መደብ: ነርስ (Nurse) የትምህርት ደረጃ: በክሊኒካል ነርሲንግ (Clinical Nursing) የቢኤስሲ (BSc) ዲግሪ የተመረቁ። የሥራ ልምድ: አግባብ ባለው የሙያ ዘርፍ 1 ዓመት እና ከዚያ በላይ የሥራ ልምድ ያለው/ላት። 📞 ማመልከቻ እና አድራሻ ለበለጠ መረጃ እና ለመመዝገብ ከዚህ በታች ባለው ስልክ ቁጥር በመደወል መጠየቅ ይችላሉ። ስልክ ቁጥር: +251911462331

ብጹዕ ወቅዱስ አቡነ ባስልዮስ እኚህ ነበሩ።

.              ✝️ ታሪክ በዛሬዋ ዕለት ✝️ ✝️ የመጀመርያው ኢትዮጵያዊ ፓትርያርክ ሹመት ✝️           በደረጀ እሸቴ(ወልደ ሥላሴ) ሰላም ለኩልክሙ ኦ ውሉደ ፍሬ ሃይማኖት እንደ ምን ከረማችሁ???    ተወዳጆች ሆይ!!!    በቀጥታ ወደ ዕለቱ ታሪክ ከመግባታችን በፊት ለመንደርደሪያ ይሆነን ዘንድ  እስኪ ይህንን ጥያቄ መልሱ። 👉 ፓትርያርክ ማለት ምን ማለት ነው?ቃሉስ የምን አገር ነው?       ወደ ዕለቱ ታሪክ ስናመራ በረከታቸው በሁላችንም ላይ ይደርብንና በኢትዮጵያ ቤተ ክርስቲያንም ሆነ በአገራችን  ታሪክ የመጀመርያው ኢትዮጵያዊ ፓትርያርክ በመሆን ብጹዕ ወቅዱስ አቡነ ባስልዮስ የተሾሙት  በዛሬዋ ዕለት ሰኔ ሃያ አንድ ቀን 1951ዓ.ም  የዛሬ ስድሳ ሰባት ዓመት ነበረ ።         በነገራችን ላይ የኢትዮጵያ ኦርቶዶክስ ተዋሕዶ ቤተ ክርስቲያን ለ1600 ዓመታት ጳጳሳት ይላኩላት የነበረው ከግብጽ ነበር። በታሪኳ ለመጀመሪያ ጊዜ ከራሷ ልጆች አራት ኢትዮጵያውያን መነኮሳት ወደ ግብጽ ተልከው ጵጵስና የተሾሙት ግንቦት 25 ቀን 1921ዓ.ም ሲሆን ከሃያ ሁለት ዓመታት በኋላም ጥር 6 ቀን 1943ዓ.ም መንፈሳዊ ማዕረጉ(ሥልጣኑ) ከጵጵስና ወደ ሊቀ ጵጵስና ከፍ ለማለት በቅቷል።       የመጀመርያው ሊቀ ጳጳስም የወደፊቱ ፓትርያርክ ብጹዕ አቡነ ባስልዮስ ነበሩ።    መጋቢት 14 ቀን 1884ዓ.ም በሰሜን ሸዋ አገረ ስብከት በመርሐ ቤቴ አውራጃ የተወለዱት ቅዱስነታቸው በተለያዩ ቦታዎች በተለይም በታላቁ የደብረ ሊባኖስ ገዳም የቤተክርስቲያናችንን ትምሕርትና የአባቶችን መንፈሳዊ ሕይወት በቃልም በተግባርም  በሚገባ ሲያጠኑ ከኖሩ በኋላ በሃያ አንድ ዓመታቸው ሥርዓተ ምንኩስናን ፈጽመዋል።       ብጹዕ ወቅዱስ አቡነ ባስልዮስ ፍጹም መናኝ እና ተሐራሚ፤ በዚያውም ላይ ትጉህ አገልጋይ ስለነበሩ መልካም ሥራቸው በመናንያኑና በአካባቢው ሕዝበ ክርስቲያን ከመታወቅ አልፎ እስከ ቤተ መንግሥት ለመድረስ ቻለ።በንጉሠ ነገሥቱም መልካም ፈቃድ የመናገሻ አምባ ማርያም ቤተክርስቲያን መምሕር(አስተዳዳሪ)፣ የግቢ ገብርኤል አለቃ፣በቅድስት አገር ኢየሩሳሌም የገዳማቱ የበላይ ኃላፊ(ራይስ) በመሆን ተመድበው የተጣለባቸውን መንፈሳዊ አደራ  በትጋት የተወጡ  ቅዱስ አባት ነበሩ።     ከሁለት ዓመታት የኢየሩሳሌም ቆይታ በኋላም በግርማዊነታቸው መልካም ፈቃድ ወደ ኢትዮጵያ ተመልሰው "ብጹዕ ዕጨጌ ገብረ ጊዮርጊስ ዘነበረ በመንበረ ተክለ ሃይማኖት" ተብለው የታላቁ የደብረ ሊባኖስ ገዳም 59ኛ እጨጌ ሆነው  በመሾም በማገልገል ላይ ሳሉ ፋሽስት ኢጣልያ አገራችንን በመውረሯ  ከንጉሠ ነገሥቱ ጋር  የምስካዬ ሕዙናን መድኃኔ ዓለምን ታቦት በመያዝ ወደ ኢየሩሳሌም ተሰደዋል። ጠላት ከአገራችን እስከ ሚወጣ ድረስ እንደ መንፈሳዊ አባትነታቸው በጾም በጸሎት እንደ ኢትዮጵያዊነታቸው ደግሞ አገራችን በጠላት ላይ ድልን ትቀዳጅ ዘንድ አርበኞችን በማበረታታት ብዙ ተግባራትን ፈጽመዋል።       ከነጻነት መመለስ በኋላም በነበራቸው የዕጨጌነት ሥልጣን በጠላት የተጎዳውን ሕዝብ በማጽናናት የፈረሱ አብያተ ክርስቲያናትን በማሳደስ ቆዩ።በፈቃደ እግዚአብሔር  ሐምሌ 18 ቀን 1940ዓ.ም ወደ ካይሮ ተጉዘው "ብጹዕ አባ ባስልዮስ ጳጳስ ዘሸዋ ወዕጨጌ ዘደብረ ሊባኖስ" ተብለው በእስክንድርያው ፓትርያርክ አንብሮተ ዕድ ተሾሙ።        ከአራት ዓመት በኋላም በኢትዮጵያ የነበሩት ግብጻዊው ሊቀ ጳጳስ አቡነ ቄርሎስ ሲያርፉ ወደ ግብጽ ሔደው ጥር 6 ቀን 1943ዓ.ም የኢትዮጵያ ሊቀ ጳጳሳት በመሆን ተሾሙ።      በሊቀ ጳጳሳትነት ቤተ ክርስቲያንን በስፋት ሲያገለግሉ የቆዩት ቅዱስነታቸው በርሳቸው መልካም አስተዳደርና በቤተ መንግሥቱ ድጋፍ የግብጽ ቤተ ክርስቲያን ለኢትዮጵያ ቤተ ክርስቲያን ሙሉ በሙሉ ነጻነቷን እንድታውጅ በመፍቀዷ ከ11 ዓመታት የሊቀ ጵጵስና አገልግሎት በኋላ ሰኔ 21 ቀን 1951ዓ.ም ብጹዕ ወቅዱስ ተብለው የመጀመርያው ኢትዮጵያዊ ፓትርያርክ  ሆነው ተሾሙ።     ታላቋን የኢ/ኦ/ተ/ቤ/ያን ለ12 ዓመታት በፓትርያርክነት ከመሩ በኋላ ጥቅምት 2 ቀን 1963ዓ.ም በተወለዱ በ79 ዓመታቸው ከዚህ ዓለም ድካም አረፉ።እረፍታቸው እንደተሰማም በመላ አገሪቱ 12 ብሔራዊ የሐዘን ቀናት ታወጀ።        አቤት ያ መልካም ዘመን እንዴት ይናፍቃል?የቤተ ክርስቲያናችን ልዕልና፣ የንጉሠ ነገሥቱ ደግነት፣የሕዝቡ ቅንነት፣.....ሁሉም ነገር  ምን አለ ተመልሶ ቢመጣ ያሰኛል።     የቅዱስነታቸው ሥርዓተ ቀብር ንጉሠ ነገሥቱ፣ብጹዓን አባቶች፣መኳንንቱና መሳፍንቱ፣ሕዝበ ክርስቲያኑ በምልዓት በተገኘበት ፊደል ቆጥረው ባደጉበት በደብረ ሊባኖስ ገዳም ጥቅምት 4 ቀን 1963ዓ.ም ተፈጽሟል።     በስማቸው የሚጠራ  ትምሕርት ቤትም በዚሁ በአቅራቢያችን ከቆሼ(china camp) አጠገብ ይገኛል።      የሚያሳዝነው ግን አብዛኞቹ ሠራተኞች፣መምሕራን እና ተማሪዎች ባስልዮስ ማነው??? ተብለው ቢጠየቁ አያውቁትም።       ታሪኩን አለማወቃቸው ብቻ ሳይሆን ስማቸውን  አስተካክለው መጥራት እንኳን አያውቁበትም። ባስልዮስ በማለት ፈንታ ፓስልዮስ ይላሉ። ለነገሩ ምን ይገርማል እኛስ አለን አይደል? ዕድሜ ልካችንን "ሰንበት" ማለት አቅቶን "ሰምበት" የምንል ልባችንን አብሮን የሌለ።በድናችን ብቻ የሚመላለስ። ማስተዋሉን ይስጠን። የቅዱስነታቸው በረከት በሁላችንም ላይ ይደር። ያን ተናፋቂና ደግ ዘመን አምላካችን መልሶ ያምጣልን። ሰላመ እግዚአብሔር ከሁላችን ጋር ይሁን ተጻፈ ሰኔ 21 ቀን 2018ዓ.ም ከቀኑ በ10:00 ሰዓት።

የሥራ አመራሩን ቀንበር የሚሸከሙ ዕቅዶችን ወደ መሬት ዘርተው የሚያበቅሉ ለተልኮ የሚፋጠኑ የሰንበት ት/ቤታችን ክንፉ ከመ መላክ የተባሉ የስራ አስፈፃሚ አደረጃጀት መልክ ደግሞ ይህን መሳይ ነው:: የሚመርጣቸውና የሚያዝባቸውም የመልካቸውን ፀዳል የሚወስነው የስራ አመራሩ ብቻ ነው:: አስመራጭ ኮሚቴ

አዲሱ የስራ አመራር በማስተባበርያ ደረጃ ያለው አደረጃጀት መልኩ ይህን ይመስላል:: የመልኩን ፀዳል ለመወሰን ሰኔ 21 በፍፁም አይቀርም:: አስመራጭ ኮሚቴ

✝️✝️✝️ ዝክረ ቅዱሳን ✝️✝️✝️ በደረጀ እሸቴ(ወልደ ሥላሴ) ✝️ አባ ይስሐቅ( አባ ገሪማ) ✝️ አባ ይስሐቅ (አባ ገሪማ) አባቱ የሮም ንጉሥ መስፍንያኖስ እናቱ ንግሥተ ሮማ ሰፍንግያ ይባላሉ፡፡እናቱ መክና ስትኖር እመቤታችንን ተማጽና ልጅ ወለደች ስሙንም ይሰሐቅ ብለው ሰየሙት፡፡ ዕድሜው ለትምህርት ሲደርስም የቤተ ክርስቲያንን ትምሕርት ተምሮ ዲቁናን ተቀብሏል፡፡አባቱ ሲሞት በሮም 7 ዓመት በንጉሥነት ተቀመጠ፡፡ አባ ጰንጠሌዎንም ለአባ ገሪማ " አንተስ የክርስቶስን መንግሥት ትሻ ዘንድ ወደ እኔ ና" ብሎ መልዕክት ላከበት፡፡ መልእክቱ እንደ ደረሰው ቅዱስ ገብርኤል የ10 ወር የእግር ጎዳና የነበረውን በክንፉ ተሸክሞ በ3 ሰዓት ወደ ኢትያጵያ በማምጣት በአክሱም ከጰንጠሌዎን ጋር ጨመረው፡፡ጰንጠሌዎንም በደስታ ተቀብሎ አልባሰ ምንኩስና አለበሰው፡፡ ከተሰዓቱ(ከዘጠኙ) ቅዱሳን በመጨረሻ ወደ ኢትዮጵያ የመጣው አባ ይስሐቅ(አባ ገሪማ) ነው። ከዚህም በኋላ በቤተ ቀጢን የሀገሪቱን ቋንቋና ባሕል ከአጠና በኋላ ከአድዋ በስተምስራቅ 10 ኪ/ሜ ያህል ርቆ የሚገኘውን የመደራን ገዳም መሥርቷዋል፡፡ በገዳሙም በጾም በጸሎት፣ በገድል በትሩፋት ተወሰኖ ሥጋው ከአጥንቱ እሰኪጣበቅ ድረስም በመጋደል አጋንንትን ያወጣ፣ ሕሙማንን ይፈውስ፣ የተለያዩ ተአምራትን ያደርግ ነበር፡፡ ከተአምራቶቹ ውስጥ ጥቂቶችን እንኳን ብንመለከት፣ 👉 በአንድ ቀን ስንዴ ዘርቶ ማታ ለቁርባን አድርሷል፡፡ 👉 እንዲሁ በማግስቱ ነዶውን ከግራር ላይ በማውጣት በበሬ አበራይቶ ምርትን አምርቷል፡፡ 👉 የወይን ሐረግ ከዐለት ላይ ተክሎ አብባ አፍርታ ለመሥዋዕት ደርሳለታለች፡፡ 👉 አንድ ቀን ሲጽፍ ፀሐይ እንዳትገባ ገዝቶ ጽሕፈቱን አስቲጨረስ ድረስ አቁሟታል፡፡ 👉 ምራቁን የተፋበት ቦታ ፈውስ ኹኖ እስከ ዛሬ ድረስ ያገለግላል፡፡ 👉 የሚጽፍበት ብርዕ ወድቆበት ወዲያው በቅሎ ለምልሞ ዐድጓል፡፡ ✝️ ገሪማ ገረምከኒ ✝️ ከዕለታት በአንድ ቀን ለተግባር ወጥቶ ነበር። ከመነኮሳቱ ጋር ምግብ ለመብላት ተቀምጠው ሳለ እነርሱ ሲመገቡ እርሱ ግን ከሄደበት ሲመለስ ቅዳሴ እንደ ሚታጎል ስላወቀ የበላ በመምሰል ሳይመገብ ቀረ።ከተመለሰ በኋላም ቅዳሴ ገብቶ ቀደሰ፡፡ መነኮሳቱ ወደ አባ ጰንጤሌዎን መጥተው አባ ይስሐቅ ከበላ በኃላ ቀደሰ ብለው ከሰሱት፡፡ እሱም ሊመረምረው ፈልጎ "ልጄ ይሰሐቅ ሰዎችህን ከአጠገብህ አስገልል(አርቅ)" አለው፡፡ ይሰሐቅም "ሰዎችን ተውና ዕንጨቶችና ድንጋዮች ይገለሉ" ሲል ተናገረ፡፡ በዚያን ጊዜ ዕንጨቶችና ድንጋዮች አንድ ምዕራፍ ሸሽተው ተገለሉ፡፡ አባ ጰንጠሌዎንም እጅግ ተገረሙ። "ልጄ ይስሐቅ ገረምኸኝ(ገረምከኒ)" አለ። ከዚያች ዕለት ጀምሮም ገሪማ ተባለ፡፡ መልካም ተጋድሎ ከፈጸመ በኃላ ጌታችን ተገልጾ ቃል ኪዳን ሰጠው፡፡ "ስሙን ለሚጠራ መታሰቢያውን ለሚያደርግ መጽሐፈ ገድሉን ያነበበውን የተረጎመውን በሕይወት መጽሐፍ ስሙን እንደሚጽፍለት፤ እንደ ገና በስሙ ለተራበ ላበላ ለተጠማ ላጠጣ ከሕይወት እንጀራ አጠግበዋለሁ ከሕይወት ጽዋዕ አረካዋለሁ አለው፡፡ መካነ መቃብርህን የሚያከብረውን አክብረዋለሁ፡፡ በቤተ ክርስቲያንህ ውስጥ ማኅሌት የቆመውን ጸሎት ያደረሰውን ዝማሬ መላዕክት አሰማዋለሁ፡፡ ከዚያም የሞት ጥላ እንደ ማያገኘህ ታላቅ የምስራች እነግርሃለኹ" ብሎ ተስፋውን ነግሮት ከእሱ ተሰወረ፡፡ አባ ገሪማም በጣም ተደሰተ፡፡ ያን ጊዜ በሠረገላ ብርሃን ተነጥቆበ ሰኔ 17 ቀን ወደ ብሔረ ሕያዋን ተሰወረ፡፡ የጻድቁ አባታችን የአባ ገሪማ ፀሎታቸው፣በረከታቸው አማላጅነታቸው አይለየን፡፡ አሜን። ሰኔ 17 ቀን 2018ዓ.ም ረፋድ 5:00 ሰዓት