kurdiu
Ir al canal en Telegram
📈 Análisis del canal de Telegram kurdiu
El canal kurdiu (@kurdiu_org) es un actor destacado. Actualmente la comunidad reúne a 26 148 suscriptores, ocupando la posición 2 276 en la categoría Política y el puesto 13 240 en la región Irán.
📊 Métricas de audiencia y dinámica
Desde su creación el невідомо, el proyecto ha mostrado un crecimiento acelerado, reuniendo a 26 148 suscriptores.
Según los últimos datos del 27 julio, 2026, el canal mantiene una actividad estable. En los últimos 30 días la variación de miembros fue de -476, y en las últimas 24 horas de -10, conservando un alto alcance.
- Estado de verificación: No verificado
- Tasa de interacción (ER): El promedio de interacción de la audiencia es 4.00%. Durante las primeras 24 horas tras publicar, el contenido suele obtener 3.26% de reacciones respecto al total de suscriptores.
- Alcance de las publicaciones: Cada publicación recibe en promedio 1 045 visualizaciones. En el primer día suele acumular 852 visualizaciones.
- Reacciones e interacción: La audiencia responde de forma activa: el promedio de reacciones por publicación es 4.
📝 Descripción y política de contenido
El autor describe el recurso como un espacio para expresar opiniones subjetivas:
“راستگۆیی لە هەواڵ و خێرای لە گەیاندن
Www.kurdiu.org”
Gracias a la alta frecuencia de actualizaciones (últimos datos recibidos el 28 julio, 2026), el canal mantiene la vigencia y un amplio alcance. La analítica demuestra que la audiencia interactúa activamente con el contenido, lo que lo convierte en un punto de referencia dentro de la categoría Política.
26 148
Suscriptores
-1024 horas
-1127 días
-47630 días
Archivo de publicaciones
26 147
وەک بەشێک لە ئامادەکارییە تەکنیکییەکان بۆ جێبەجێکردنی ئەم داشکاندنە، پارەدانی کارەبا لە ڕێگەی ئی-پسوڵە و هۆبەکانی فرۆشیاری وزە بۆ ماوەیەکی کاتی لەنێوان 30ی تەمموز بۆ 3ی ئاب بەردەست نابێت.
داوا لە هاوبەشان کراوە کە پارەی پسوڵەکانی ڕووناکی پێش 30ی تەمموز بدەن، پێش ئەوەی خزمەتگوزاریی پارەدان بۆ ماوەیەکی کاتی بوەستێت، ئەمەش بۆ لەبەرچاوگرتنی ماوەی پارەدانی 50 ڕۆژی کارەبایە کە دەبێتە هۆی دادپەروەری لە پڕۆسەی پارەدان لەنێوان هاوبەشاندا.
وەزارەتی کارەبا ئاماژەی بەوەشکردووە کە ئەم داشکاندنە بۆ دوایین جارە ئەنجامبدرێت لەسەر قەرزی کۆنی پێش ڕووناکی، کە تیایدا هاوبەشانی پڕۆژەی ڕووناکی و دەرەوەی ڕووناکی دەتوانن بەم ڕێژانە سوودمەندبن: 50% داشکاندن بۆ هەموو هاوبەشانی ماڵان و کشتوکاڵی، و 25% داشکاندن بۆ هەموو هاوبەشانی پیشەسازی، بازرگانی و میری جگە لەو هاوبەشانەی کە فیدەری تایبەتی خۆیان هەیە.
26 147
داشکاندنی 50% بۆ قەرزی کۆنی پێش پڕۆژەی ڕووناکی دهكرێت
وەزارەتی کارەبای هەرێمی کوردستان ڕایگەیاندووە کە داشکاندنێک بە ڕێژەی تا 50% بۆ قەرزی کۆنی پێش ڕووناکی لە نێوان 3ی ئاب بۆ 10ی ئەیلولی 2026 جێبەجێ دەکرێت. ئەم داشکاندنە تەنها قەرزی کۆن دەگرێتەوە و پارەی پسوڵەکانی ڕووناکی ناگرێتەوە.
وەزارەتی کارەبای هەرێمی کوردستان ڕاگەیەندراوێکی بڵاوکردەوە و تیایدا هاتووە کە داشکاندنێک بە ڕێژەی تا 50% بۆ قەرزی کۆنی پێش ڕووناکی ڕادەگەیەنرێت، کە لە نێوان 3ی ئاب بۆ 10ی ئەیلولی 2026 جێبەجێ دەکرێت.
جەخت کراوەتەوە کە ئەم داشکاندنە تەنها قەرزی کۆنی پێش ڕووناکی دەگرێتەوە و پارەی پسوڵەکانی ڕووناکی ناگرێتەوە.
بۆ سوودمەندبوون لەم داشکاندنە، هاوبەشان پێویستە بە یەکجار تەواوی بڕی داشکێندراوی قەرزی کۆنی پێش ڕووناکی بدەن.
k9
26 147
قۆناغی هەشتەمی دابەشكردنی زەوی فەرمانبەران لە هەولێر دەستپێدەكات
سەرۆكایەتی شارەوانی هەولێر ڕایگەیاند كە نزیكەی 40 هەزار فەرمانبەری دیكە چاوەڕوانی وەرگرتنی زەوی خۆیانن، و لە ئایندەیەكی نزیكدا قۆناغی هەشتەمی دابەشكردنی زەوی دەستپێدەكات.
سەرۆكایەتی شارەوانی هەولێر ڕایگەیاند، لە ئایندەیەكی نزیكدا قۆناغی هەشتەمی دابەشكردنی زەوی بەسەر فەرمانبەراندا دەستپێدەكات، دوای ئەوەی لە 7 قۆناغی پێشوودا زیاتر لە 42 هەزار پارچە زەوی دابەشكراوە.
كارزان عەبدولحادی، سەرۆكی شارەوانی هەولێر، ئاماژەی بەوەدا كە تیمەكانیان سەرقاڵی ئامادەكاریی بۆ دەستپێكردنی قۆناغی هەشتەمی دابەشكردنی زەوی بەسەر فەرمانبەراندا لە سنووری شارەوانی هەولێر.
تا ئێستا 42 هەزار پارچە زەوی لە چوارچێوەی 7 قۆناغی پێشوودا دابەشكراوە.
بە وتەی سەرۆكی شارەوانی، 82 هەزار فەرمانبەر ناویان تۆماركراوە بۆ وەرگرتنی زەوی، لەو ژمارەیەش 42 هەزار فەرمانبەر زەوی وەرگرتوون و 40 هەزاری دیكەش ماون.
پڕۆسەی دابەشكردنی زەوی، كە ماوەیەكی زۆر وەستابوو، بە بڕیاری ئەنجومەنی وەزیرانی هەرێم دەستی پێكردەوە بە ئامانجی دابینكردنی نیشتەجێبوون و كەمكردنەوەی بارگرانی لەسەر هاووڵاتیان.
k9
26 147
حكومەتی كاربهڕێكهری هەرێم لهبارهی مووچەوه زانیاری ئاشكرادهكات
سكرتێری ئەنجومەنی وەزیرانی هەرێمی كوردستان ئاشكرای كرد، سەرۆك وەزیرانی عێراق و وەزیری دارایی عێراق جەختیان لەسەر ناردنی مانگانەی مووچەی هەرێم كردووەتەوە، هاوكات جەختیش لەسەر بەردەوامیی ناردنی ١٢٠ ملیار دینارەكە كرایەوە.
د.ئامانج رەحیم، سکرتێری ئەنجومەنی وەزیرانی هەرێمی کوردستان، لە راگەیەندراوێکدا سەبارەت بە پرسی مووچەی مووچەخۆرانی هەرێم، ئاماژەی بەوەدا کە عەلی زەیدی، سەرۆک وەزیرانی عێراق و فالح ساری، وەزیری دارایی عێراق، دووپاتیان کردووەتەوە کە مانگانە لەگەڵ مووچەی عێراق، مووچەی هەرێمی کوردستان خەرج دەکرێت.
هەروەها سکرتێرەکە روونیکردەوە کە تا ئێستا هیچ گۆڕانکارییەک لە بڕی ١٢٠ ملیار دینارەکەدا نەکراوە.
لە لایەکی دیکەوە، وەزیری دارایی عێراق رایگەیاندووە کە چاوەڕوانی ناردنی ١٢٠ ملیار دینارەکە ناکات و بە رێگەی مەقاسە مووچەی مووچەخۆرانی هەرێمی کوردستان دەنێرێت.
حکومەت بەڵێنی ناردنی مووچەی تەواو و بڕیاری ١٢٠ ملیار دینارەکەی جێبەجێ نەکردووە، ئەمەش بەردەوام کێشە بۆ مووچەخۆرانی هەرێم دروست دەکات.
k9
26 147
سیستمی بەرگری ئاسمانی لە کێڵگەی گازی کۆرمۆر جێگیردەکرێت
بەپێی وتەی وەزیری کارەبای عێراق، سوپای عێراق ئامادەکاری دەکات سیستمی بەرگری ئاسمانی پانتسیر لە پارێزگای سلێمانی دابنێت، بە مەبەستی پاراستنی کێڵگەی گازی کۆرمۆر لە هێرشەکانی فرۆکەی بێفڕۆکەوان.
ئەم هەنگاوە دوای ئەوە دێت کە کۆمپانیای بەڕێوەبەری کێڵگەکە، بەهۆی هەڕەشە بەردەوامەکان، بەرهەمهێنان و ناردنی گازی بۆ وێستگەکانی بەرهەمهێنانی کارەبا ڕاگرت. کە بووە هۆی لەدەستچوونی زیاتر لە ١٦٠٠ میگاوات لە توانای بەرهەمهێنانی تۆڕی نیشتمانی کارەبا، کە بەشێکی گرنگی پشت بە گازی کێڵگەی کۆرمۆر دەبەستێت.
کێڵگەی کۆرمۆر پێشتر ١٣ جار ئامانجی هێرشی بە ڕۆکێت و فرۆکەی بێفڕۆکەوان بووە، ئەوەش وای کردووە کۆمپانیای وەبەرهێنەر و حکومەتی هەرێمی کوردستان داوای دابینکردنی گەرەنتی دابینکردنی ئاسایشی کێڵگەکە بکەن، لەوانەش جێگیرکردنی سیستمی پانتسیری سوپای عێراق بۆ دروستکردنی چەتری بەرگری ئاسمانی دژی هێرشەکانی درۆن.
بەپێی وتەکانی وەزیری کارەبا، ئەگەر ئەم ڕێوشوێنانە جێبەجێ بکرێن و سیستمی بەرگری دابنرێت، ناردنی گاز بۆ وێستگەکانی کارەبا لە ماوەی ١٢ کاتژمێردا دووبارە دەست پێ دەکاتەوە.
k14
26 147
جەمال کۆچەر، کەمبوونەوەی پارەی نەختینە هۆکاری دواکەوتنی مووچەیە
د.جەمال کۆچەر ئەندامی لیژنەی دارایی پەرلەمانی عێراق دڵنیایی دەداتە فەرمانبەران سەبارەت بە شایستە داراییەکانیان و ئاماژە بەوە دەکات، کە دواکەوتنی دابەشکردنی مووچە دەگەڕێتەوە بۆ کەمبوونەوەیەکی کاتیی پارەی نەختینە.
د.جەمال کۆچەر، ئەندامی لیژنەی دارایی پەرلەمانی عێراق رایگەیاند، کە حکومەت دۆسیەی مووچەی خستووەتە سەرووی کارەکانییەوە و ڕوونیشیکردەوە کە ئەو قەیرانەی دروست بووە، کاتییە و لە ماوەی چەند ڕۆژێکدا چارەسەر دەکرێت و پێشبینیشی کرد ڕێکارەکانی خەرجکردن بە تەواوی پێش کۆتایی هەفتە تەواو ببن.
هەروەها ئاماژەی بە ئامادەیی وەزارەتی دارایی کرد بۆ بەردەوامبوونی کارکردن لە ڕۆژانی هەینی و شەممەدا بە مەبەستی تەواوکردنی فەرمانە کارگێڕییەکان و زامنکردنی گەیشتنی شایستە داراییەکان بێ دواکەوتن.
K14
26 147
لهبارهی بههای دۆلار زانیاری نوێ ڕاگهیهندرا
وتەبێژی بازاڕی دۆلارەکەی سلێمانی ڕایگەیاند، ئەمڕۆ بەهای دۆلار دابەزینی بەرچاوی بەخۆیەوە بینیوە و پێشبینی دەکات ئەم دابەزینە بەردەوام بێت، بەمەرجێک دۆخی ناوچەکە ئارام بێت.
جەبار گۆران، وتەبێژی بازاڕی دۆلارەکەی سلێمانی، ڕایگەیاند کە لە ماوەی ڕابردوودا چەندین هۆکار و دەنگۆی جیاواز بوونەتە هۆی ناجێگیریی بەهای دۆلار بەرامبەر بە دینار.
گۆران ئاماژەی بەوەدا کە ئەمڕۆ بەهای دۆلار دابەزینی بەرچاوی بەخۆیەوە بینیوە، کە لە ماوەی ساڵێکدا وەک ئەو دابەزینە تۆمار نەکراوە.
هەروەها پێشبینی کرد بەهای دۆلار زیاتر داببەزێت و ئەگەری هەیە نرخی 100 دۆلار بگاتە 146 هەزار دینار، بەڵام ئەمە بەندە بە ئارامیی دۆخی ناوچەکە.
k9
26 147
دوو ڕۆژ له دامودهزگا حكومییهكانی عێراق كرایه پشوو
ئەنجومەنی وەزیرانی عێراق دوو ڕۆژ، ٣ و ٤ی مانگی ئاب، بە پشووی فەرمی لە دامەزراوە حکومییەکان ڕاگەیاند بەبۆنەی یادی چلەی ئیمام حوسێن.
ئەنجومەنی وەزیرانی عێراق لە کۆبوونەوەی ئەمجارەیاندا بڕیاریدا کە ڕۆژانی ٣ و ٤ی مانگی ئاب وەک پشووی فەرمی لە سەرجەم دامەزراوە حکومییەکانی عێراقدا دابنرێت.
ئەم بڕیارە لە کاتێکدایە کە هاوکاتە لەگەڵ یادی چلەی ئیمام حوسێن.
بەڵام تا کاتی بڵاوبوونەوەی ئەم هەواڵە، حکومەتی هەرێمی کوردستان هیچ بڕیارێکی فەرمی لەمبارەیەوە نەداوە و دیار نییە ئایا ئەم پشوانە فەرمانبەرانی هەرێمیش دەگرێتەوە یان نا.
k9
26 147
دۆناڵد ترەمپ هەڕەشەی نوێ لە ئێران دەکات: لە ماوەی ڕۆژێکدا وێستگەکانی کارەبا و پردەکان خاپوور دەکەینلە چاوپێکەوتنێکیدا لەگەڵ کەناڵی فۆکس نیووز، دۆناڵد ترەمپ، سەرۆکی ئەمریکا ڕایگەیاند کە وڵاتەکەی لە دانوستاندنی باشدایە لەگەڵ ئێران بۆ گەیشتن بە ڕێککەوتن بە مەبەستی ڕێگری لە بەدەستهێنانی چەکی ئەتۆمی، بەڵام هاوکات هۆشداریی توندیشی ئاراستەی تاران کرد. ▪️ ترەمپ هۆشداری دادا ئەگەر نەیەنە سەر کۆکی ڕێککەوتن، لە ماوەی کەمتر لە ڕۆژێکدا سەرجەم وێستگەکانی کارەبا و پردە سەرەکییەکانی ئێران خاپوور دەکەن، بە جۆرێک ٩١ ملیۆن ئێرانی بێ کارەبا و پرد دەمێننەوە. ▪️ جەختی لەوە کردەوە کە هێزە ئاسمانی، دەریایی و سیستمی بەرگریی ئێران زیانی قورسیان بەرکەوتووە، بەڵام هێشتا ڕێککەوتن بە باشتر دەزانێت لە وێرانکاریی زیاتر. ▪️ ترەمپ ڕەخنەی توندی لە سەرۆکوەزیرانی ئیسرائیل گرت بەهۆی ئاشکراکردنی زانیاری لەسەر پێگەی چیای قوڵنگ و ڕایگەیاند: "ئەمریکا پێویستی بەو زانیارییانە نییە و تەنیا دەیەوێت ئەمریکا لە جەنگەکەدا بهێڵێتەوە." لە کۆتاییدا جەختی لە بەردەوامیی گەمارۆ دەریاییەکان و کۆنتڕۆڵی توندی گەرووی هورمز کردەوە.
26 147
وەزارەتی سامانە سروشتییەکان بڕیاری نوێ لەبارەی بەنزینەوە دەدات
وەزارەتی سامانە سروشتییەکانی حکومەتی هەرێم لە کۆبوونەوەیەکدا چەند بڕیارێکی نوێی لەبارەی دابینکردن و چاودێریکردنی بەنزینەوە دەرکرد، بەڵام نرخ بۆ جۆرەکانی موحەسەن و سوپەر دیارینەکرا.
لە کۆبوونەوەیەکدا کە بەسەرپەرشتی وەزیری سامانە سروشتییەکان بەڕێوەچوو، بڕیاردرا هەوڵ بدرێت پشکی هەرێم لە نەوتی خاوی فیدراڵی زیادبکرێت، کە ئێستا تەنها ٥٠ هەزار بەرمیلە و کەمترە لە پشکی ڕاستەقینەی هەرێم.
هەروەها بڕیاریش درا بەنزینی جۆری نۆرماڵی حکومی بە ٧٥٠ دینار بۆ هەر لیترێک زیادبکرێت.
لە بڕیارەکانی دیکەدا، چاودێریکردنی کوالێتی بەنزینی بازرگانی (نۆرماڵ، موحەسەن، سوپەر) و زیادکردنی لێژنەکانی چاودێری بۆ پاراستنی کوالێتی بەنزین جەخت کرایەوە.
وەزارەتەکە ئاسانکاری بۆ هاوردەکردنی بەنزین و ماددە کیمیاوییەکان دەکات بەپێی ڕێنماییەکانی خۆی.
حکومەتی هەرێم لە کاتێکدا هەنگاو بۆ چارەسەرکردنی کەمیی بەنزین دەنێت، بەڵام لە دیاریکردنی نرخ بۆ جۆرە پێشکەوتووەکانی بەنزیندا شکستی هێناوە و هاوڵاتیان هێشتا لەژێر گوشاری نرخی بەرزدان.
k9
26 147
پەرلەمانتار کاوە شێخ عەلی: کۆمپانیا و پاڵاوگەکانی دەسەڵات ڕێگرن لە هەرزانکردنی بەنزینئەندازیار کاوە شێخ عەلی، پەرلەمانتاری کوردستان لە فراکسیۆنی یەکگرتوو، ڕەخنەی توند لە حکومەتی هەرێم دەگرێت لەبارەی بەڕێوەبردنی قەیرانی سووتەمەنی و ڕایدەگەیەنێت کە تەنانەت ئەگەر بڕی نەوتی ناوخۆ زیادیش بکرێت، نرخەکان ناکەنە ٤٥٠ دینار. ▪️ کاوە شێخ عەلی ئاماژە بەوە دەکات کە سیاسەتی حکومەت لە بڕی سووککردنی بارگرانیی سەر هاووڵاتییان، زیاتر خزمەت بە مسۆگەرکردنی قازانجی بازرگان و پاڵاوگەکانی دەسەڵات دەکات، بەهۆی بەرزیی تێچووی دەرهێنان و پاڵاوتن کە بە وتەی وەزارەتی سامانە سروشتییەکان نزیکەی ٢٥ دۆلارە. ▪️ پەرلەمانتارەکە جەخت دەکاتەوە ئەگەر حکومەت نەکەوێتە ژێر کاریگەریی بازرگانانی سووتەمەنی، دەبێت بە بەغدا بڵێت خۆیان ٥٠ هەزار بەرمیل نەوتەکە بپاڵێون و بەنزینی ٤٥٠ دیناری و نەوتی ١٥٠ دیناری ڕەوانەی هەرێم بکەن. ⚠️ناوبراو پێیوایە حکومەت هەنگاوێکی وەها نانێت و تەنیا داوای زیادکردنی پشکی نەوت بۆ ١٢٦ هەزار بەرمیل دەکات، کە ئەمەش هاووڵاتییانی لە دابەزینی نرخی بەنزین تەواو بێ هیوا کردووە.
26 147
چوارچێوەی هەماهەنگی پشتگیریی هەوڵەکانی حکومەت بۆ کۆنترۆڵکردنی چەک و بەرەنگاربوونەوەی گەندەڵی دەکات
چوارچێوەی هەماهەنگی لە کۆبوونەوەی ژمارە ٢٨٥ی خۆیدا لەگەڵ سەرۆکوەزیران، دەرەنجامی سەردانەکەی تارانی تاوتوێ کرد و پشتیوانیی خۆی بۆ هەوڵەکانی حکومەت لە چەسپاندنی یاسا و سنووردارکردنی چەک لە دەستی دەوڵەتدا دووپات کردەوە.
لە دیدارەکەدا کە لە نووسینگەی موحسین مەندەلاوی بەڕێوەچوو، عەلی زەیدی سەرۆکوەزیران وردەکاریی کۆبوونەوەکانی لەگەڵ سەرکردەکانی ئێران خستە ڕوو؛ لایەنەکانی چوارچێوەش ستایشی جۆڵە دیپلۆماسییەکانی حکومەتیان کرد بۆ بەهێزکردنی پەیوەندییەکان لە هەموو ئاستەکاندا.
ئامادەبووانی کۆبوونەوەکە بە توندی بەکارهێنانی خاکی عێراقیان بۆ هێرشکردنە سەر وڵاتانی دیکە ڕەتکردەوە و جەختیان لەوە کردەوە کە نابێت وڵات ڕاکێشرێتە ناو ململانێیەک کە زیان بە ئاسایش و بەرژەوەندییەکانی ناوچەکە بگەیەنێت.
k12
26 147
هەموو شتێک لە بەرژەوەندی ڕیال مەدریدە، تەنها واژۆی کۆتایی یانە ئەڵمانییەکە ماوە
سەرەڕای دەنگۆ و پێشبینییەکان، تاوەکو ئێستا هیچ ڕێککەوتنێکی فەرمی و کۆتایی لەنێوان هەردوو یانەی ڕیال مەدریدی ئیسپانی و لایپزیگی ئەڵمانی سەبارەت بە گواستنەوەی یاریزانەکە نەکراوە. سەرچاوە هەواڵییەکان ئاماژە بەوە دەدەن کە دانوستانەکان لەنێوان هەردوو لایەن بۆ گەیشتن بە ڕێککەوتنی کۆتایی بەردەوامن و پرۆسەکە هێشتا پێویستی بە کات و گفتوگۆی وردتر هەیە بۆ ئەوەی هەموو لایەنەکان بگەنە ئەنجام.
سەرەڕای نەبوونی ڕێککەوتن تا ئەم ساتە، بەڵام هەردوو یانە جۆرێک لە گەشبینی و دڵنیاییان پێوە دیارە کە لە کۆتاییدا دەگەنە خاڵێکی هاوبەش و گرێبەستەکە سەر دەگرێت. بەرپرسانی هەردوو یانە بەردەوامن لە گۆڕینەوەی پێشنیارەکان بۆ ئەوەی بڕی تێچووی گرێبەستەکە و وردەکارییە داراییەکان یەکلا بکەنەوە، ئەمەش وای کردووە کە هەردوولا متمانەی تەواویان بەوە هەبێت کە مامەڵەکە بە بنبەست ناگات.
K5
26 147
لە ٢٤ کاتژمێردا ١٣ دڕۆن هەرێمی کوردستانیان کردووەتە ئامانج
لە ماوەی ٢٤ کاتژمێری ڕابردوودا، هێرشە دڕۆنییەکان بۆ سەر ناوچە جیاجیاکانی هەرێمی کوردستان چڕبوونەتەوە و ١٣ دڕۆنی هێرشبەر چەندین شوێنیان بۆردوومان کردووە. بەپێی زانیارییەکان، ١٢ لەو دڕۆنانە ئاراستەی پارێزگای هەولێر و یەک دڕۆنیش ئاراستەی پارێزگای سلێمانی کراوە.
لە کورتەی هێرشەکاندا هاتووە کە شاخی باواجی و هەیبەت سوڵتان لە کۆیە بە ٣ دڕۆن کراونەتە ئامانج و بووەتە هۆی کەوتنەوەی ئاگر لە پووش و پاوانی ناوچەکە. هەروەها ٤ دڕۆن بارەگاکانی پارتی ئازادی کوردستانیان لە دێگەڵە و دارەشەکران کردووەتە ئامانج. لە سنووری خەلیفان و کۆمەڵگەی سێبیرانیش دوو دڕۆن تێکشکێنراون، لەکاتێکدا دۆڵی ئالانە ٣ هێرشی دڕۆنیی پێ گەیشتووە. لە پارێزگای سلێمانیش، ناحیەی تەگەران لە قەزای شارباژێر بە دڕۆنێک هێرشی کراوەتە سەر کە باس لەوە دەکرێت کۆگایەکی چەک و جبەخانەی لێ بووبێت.
K5
26 147
دی ئێن ئۆ دەستپێکردنەوەی بەرهەمهێنانی نەوت لەهەرێم رادەگەیەنێت
کۆمپانیای (دی ئێن ئۆ)ی نەرویجی رایگەیاند، دوای وەستانێکی درێژخایەن، جارێکی دیکە پرۆسەی بەرهەمهێنانی نەوتی لە کێڵگەکانی تاوکێ و پێشابوور دەستپێکردووەتەوە. بەڵام ئامارەکانی کۆمپانیاکە بۆ چارەگی دووەمی ئەمساڵ، نزمترین ئاستی بەرهەمهێنان لە مێژووی کارکردنی کۆمپانیاکەدا نیشان دەدەن.
بەگوێرەی راگەیەندراوێکی فەرمی کۆمپانیاکە، کارە مەیدانییەکان لە ٩ی نیسانی ٢٠٢٦ەوە بۆ لێدانی هەشت بیری نوێ دەستیان پێکردووە. لەو چوارچێوەیەشدا، کێڵگەی تاوکێ لە ٢٨ی حوزەیران و کێڵگەی پێشابوور لە ١١ی تەممووزدا گەڕاونەتەوە سەر هێڵی بەرهەمهێنان.
لە رووی ئامارییەوە، راپۆرتەکە ئاماژە بە دابەزینێکی چاوەڕواننەکراو دەکات؛ تێکڕای بەرهەمی رۆژانە لە چارەگی دووەمی ئەمساڵدا تەنها ٢٧٣ بەرمیل بووە، ئەمەش لە کاتێکدایە لە چارەگی یەکەمدا رۆژانە ٣٩,٦٠٠ بەرمیل بەرهەم هێنراوە، واتە بەرهەمهێنان بە رێژەی ٩٩.٩٪ دابەزیوە. هەروەها قەبارەی فرۆشی نەوت لە ناوخۆی هەرێمی کوردستان لەم ماوەیەدا گەیشتووەتە سفر.
K5
26 147
ئێران هۆشداری توند دەداتە ئەمریکا و هەڕەشەی فراوانبوونی شەڕ دەکات
بارەگای خاتەم ئەنبیای ئێران ڕایگەیاند، گەمارۆدانی دەریایی و هەڕەشەکانی ئەمریکا بۆ سەر کەشتییە ئێرانییەکان، ناوچەکە بەرەو شەڕێکی فراوان دەبات و هێزە چەکدارەکانیشیان ئامادەی وەڵامدانەوەی هەر هێرشێکن.
لە ڕاگەیەندراوێکدا هاتووە کە ئەمریکا لە سێ ڕۆژی ڕابردوودا هەڕەشەی لە کەشتییە بازرگانی و نەوتهەڵگرەکانی ئێران کردووە لە ئاوە نەتەوەییەکاندا، ئەمەش وەک هەوڵێک بۆ تێکدانی ئاسایش و سەپاندنی گەمارۆی نایاسایی دەریایی وەسف کراوە.
فەرماندەیی ناوەندیی ئەمریکا (سێنتکۆم) گۆڕینی ڕێڕەوی ١٧ کەشتی و پەکخستنی دوو کەشتی دیکەی پشتڕاستکردووەتەوە، ئەمەش لە کاتێکدایە کە گرژییەکانی گەرووی هورمز سەرەڕای هەوڵە دیپلۆماسییەکان بەردەوامن.
چاودێران پێیان وایە ئەم ئاڵۆزییانە مەترسییەکی ڕاستەوخۆ بۆ سەر جوڵەی وزە لە جیهاندا دروست دەکەن و ئەگەری پێکدادانی سەربازی لە ناوچەکەدا زیاتر دەکەن.
k12
26 147
بەرەبەیانی ئەمڕۆ سێشەممە، سیستەمی بەرگریی ئاسمانیی هاوپەیمانیی نێودەوڵەتی لە هەرێمی کوردستان دوای بینینی چەند ئامانجێکی نەخوازراو چالاک کرا.
لە ئاسمانی شاری هەولێر، هێزەکانی هاوپەیمانان توانییان یەک فڕۆکەی بێفڕۆکەوان (درۆن) بە سەرکەوتوویی تێکبشکێنن و بخەنە خوارەوە.
هاوکات لە ئاسمانی سنووری ئیدارەی سەربەخۆی سۆران، سێ فڕۆکەی بێفڕۆکەوانی دیکە کە ئاسمانی ناوچەکەیان بەزاندبوو، لەلایەن سیستەمی بەرگرییەوە تێکشکێنران.
ئەم پەرەسەندنانە دوای ئەوە هاتن کە ئامانجە ئاسمانییەکان لەلایەن ڕادارەکانەوە بەدیکران و وەک هەڕەشە بۆ سەر ئاسایشی ناوچەکە هەژمار کران.
K8
26 147
وەزیری کارەبای عێراق لە پەرلەمان ڕایگەیاند کە بەهۆی هەڕەشە ئەمنییەکانی سەر کێڵگەی کۆرمۆر و وەستانی گازی هاوردە، ئاستی بەرهەمهێنانی کارەبا بە ڕێژەیەکی بەرچاو کەمی کردووە.
پەرلەمانی عێراق ٨ بڕیاری بۆ چارەسەری قەیرانەکە دەرکرد، کە گرنگترینیان هەڵدانەوەی دۆسیەکانی گەندەڵی لە ٢٠٠٥ـەوە و پێداچوونەوەی وردە بە هەموو ئەو گرێبەستانەی زیانیان بە سامانی گشتی گەیاندووە.
پەرلەمان وەزارەتی نەوتی پابەند کردووە بە دابینکردنی سووتەمەنی پێویست بۆ وێستگەکان و بڕیاریش دراوە پڕۆژەیەکی نیشتمانی بۆ فراوانکردنی بەکارهێنانی وزەی خۆر لە ماڵان و کەرتی کشتوکاڵی جێبەجێ بکرێت.
بۆ کارئاسانی هاووڵاتییان، بانکی ناوەندی ڕاسپێردراوە قەرزی بێسوود بۆ کڕینی سیستەمی وزەی خۆر دابین بکات، هاوکات هەوڵەکان بۆ بەستنەوەی کارەبا بە تورکیا و سعوودیە و کوێت بەردەوامن.
K8
26 147
ئەم هەنگاوە لە چوارچێوەی ئاسانکاری و ڕێکخستنەوەی دابەشکردنی بەشەخۆراکی مانگانەیە بۆ ئەوەی خێزانە نوێیەکان بەشێوەیەکی یاسایی و خێرا لە مافەکانیان سوودمەند بن.
k12
