kurdiu

وەزارەتی ناوخۆ: لە زاخۆوە تا سلێمانی ڕێگری لە هاتوچۆی ئۆتۆمبێلە بێ‌سەرەتا و بڕاوەکان دەکرێت

وەزارەتی ناوخۆی حکومەتی هەرێمی کوردستان بڕیاری کۆتایی لەبارەی دۆسیەی ئۆتۆمبێلە بێ‌سەرەتاکان دەرکرد و جەختی کردەوە ئۆتۆمبێلی بڕاوە بە هیچ شێوەیەک تۆمار ناکرێت و ڕێگە نادرێت لەسەر شەقامەکان بمێننەوە. - هێمن میرانی، بەڕێوەبەری گشتیی دیوانی وەزارەت ڕایگەیاند ئۆتۆمبێلە بڕاوەکان مەرجی توندوتۆڵییان تێدا نییە و دەبنە هۆی مەترسیی ڕاستەوخۆ بۆ سەر ژیانی شۆفێر و سەرنشینان. - لە ماوەی ڕابردوودا لە کۆی ٧ هەزار ئۆتۆمبێلی بێ‌سەرەتا کە پشکنینیان بۆ کراوە، تەنیا ٣٠٠ دانەیان سەلامەت بوون و تەواوی ئەوانەی دیکە بە تەواوی بڕاوەن. - بڕیارەکە لە سەرجەم پارێزگاکان و ئیدارە سەربەخۆکان (لە سلێمانییەوە تا زاخۆ) بە شێوەیەکی یەکسان و بەبێ جیاوازی جێبەجێ دەکرێت. - هیچ بەرپرس و دەسەڵاتێک بۆی نییە ڕێگەپێدان بۆ تۆمارکردنی ئۆتۆمبێلی بڕاوە دەربکات، چونکە پاراستنی سەلامەتیی گشتی لە سەرووی هەموو بڕیارێکەوەیە.

ئەمریکا و چین لەسەر ژیریی دەستکرد ڕێککەوتن لە میانی سەردانەکەی سەرۆکی چین بۆ ئەمریکا، هەردوو وڵات لەسەر کردنەوەی کەناڵێکی دیالۆگ لەبارەی ژیریی دەستکرد و کۆنتڕۆڵکردنی لێکەوتەکانی ڕێککەوتن. ئەم ڕێککەوتنە لە بەیاننامەیەکی هاوبەشی هەشت ماددەیی دوای دیداری نێوان ترامپ و شی جین پینگ ڕاگەیەندرا. لە چوارچێوەی سەردانێکی فەرمی سەرۆکی چین، شی جین پینگ، بۆ ئەمریکا، هەردوو وڵات لەسەر کردنەوەی کەناڵێکی دیالۆگ سەبارەت بە ژیریی دەستکرد (AI) گەیشتنە ڕێککەوتن. ئەم ڕێککەوتنە لە بەیاننامەیەکی هاوبەشی هەشت ماددەیی کە لە کۆتایی دیداری نێوان سەرۆکی ئەمریکا دۆناڵد ترامپ و سەرۆکی چین شی جین پینگ ڕاگەیەندرا، جەختی لەسەر کرایەوە. بڕیار دراوە کە گفتوگۆکان لەبارەی ژیریی دەستکرد و دامەزراندنی کەناڵێکی پەیوەندی بۆ کۆنتڕۆڵکردنی لێکەوتەکانی ئەم تەکنۆلۆجیایە لە مانگی تشرینی دووەم دەستپێبکات. لە دیدارەکەدا، ترامپ ئامادەیی خۆی بۆ بەشداریکردن لە دانیشتنی بەرپرسانی ئۆپێک کە لە مانگی تشرینی دووەمدا لە چین بە میوانداریی ئەو وڵاتە بەڕێوەدەچێت، نیشاندا. K14

پڕۆژەی بودجەکە پێشینەکانی بەرنامەی حکومەتی و گۆڕانکارییە ئابووری و داراییەکان، لەگەڵ پێویستییەکانی خەرجی و داواکارییەکانی چینە گرنگە کۆمەڵایەتییەکان، لەبەرچاو گرتووە بەو مەرجەی کە ئەم پێویستییانە لە چوارچێوەی توانای دارایی بەردەستدا دابین بکرێن. هەروەها، زیادکردنی داهاتە نانەوتییەکان و بەهێزکردنی ڕێکخستنی دارایی لە گرنگترین ئامانجەکانی پڕۆژەی بودجەکەدا جێیان هەیە. بڕیارە ئەنجومەنی وەزاری ئابووری پڕۆژەی بودجەی فیدراڵی ساڵی ٢٠٢٧ تاوتوێ بکات و دوای تەواوکردنی گفتوگۆ و پێداچوونەوەکان، بەپێی ڕێکارە پەیڕەوکراوەکان، بۆ ئەنجومەنی وەزیران بینێرێت. پڕۆژەکە هێشتا لە قۆناغی پێداچوونەوە و گفتوگۆی دامەزراوە حکومییەکاندا ماوەتەوە و بۆ پەسەندکردنی کۆتایی، دەبێت قۆناغە یاسایی و کارگێڕییەکانی داهاتوو تێپەڕێنێت. K14

پڕۆژە بودجەی ٢٠٢٧ عێراق ڕەوانەی ئەنجومەنی وەزاری ئابووری کرا وەزارەتی دارایی عێراق ڕایگەیاند کە پڕۆژەی بودجەی گشتیی فیدراڵی بۆ ساڵی ٢٠٢٧ ئامادە کراوە و ڕادەستی ئەنجومەنی وەزاری ئابووری کراوە. پڕۆژەکە چاوەڕێی ناردنی بۆ ئەنجومەنی وەزیران دەکات دوای تەواوکردنی قۆناغەکانی پەسەندکردن. وەزارەتی دارایی عێراق ڕایگەیاند کە پڕۆژەی بودجەی گشتیی فیدراڵی بۆ ساڵی ٢٠٢٧، دوای تەواوکردنی قۆناغەکانی ئامادەکردن، ڕادەستی ئەنجومەنی وەزاری ئابووری کرد و بڕیارە لە قۆناغی داهاتوودا بۆ ئەنجومەنی وەزیران بنێردرێت. ئامادەکردنی پڕۆژەکە بە ئەنجامدانی کۆبوونەوە و کارکردنی بەردەوامی لیژنەی باڵای ئامادەکردنی بودجە، بە سەرپەرشتی وەزیری دارایی، فالح ساری، ئەنجام دراوە. لە ماوەی ئامادەکردنی پڕۆژەکەدا، نوێنەرانی وەزارەتەکان، هەرێمی کوردستان و پارێزگاکان بەشدارییان کردووە، هەروەها ڕاوێژ بە ژمارەیەک لە شارەزایانی دارایی لە ناوخۆ و دەرەوەی عێراق کراوە. وەزیری دارایی جەختی لەوە کردووەتەوە کە وەزارەتەکە پابەندییەکانی خۆی لە تەواوکردنی پڕۆژەی بودجەکە لە کاتە دیاریکراوەکاندا جێبەجێ کردووە.

لە نووسراوەکەدا داواکراوە تەمەنی یاسایی خانەنشینبوونی ئەو فەرمانبەرانە لە 60 ساڵەوە درێژ بکرێتەوە بۆ 65 ساڵ، بەمەبەستی سوودوەرگرتن لە ئەزموون و خزمەتەکانیان لە کەرتی گشتیدا. فەرمانگەی بودجە لە وەزارەتی دارایی فیدراڵ بە شێوەیەکی ئەرێنی وەڵامی داواکارییەکەی داوەتەوە و بەپێی نووسراوی ژمارە 50407 کە لە ڕۆژی 2026/9/24 دەرچووە، دۆسیەکەی ئاڕاستەی دەستەی خانەنشینی نیشتمانی کردووە بەمەبەستی ئەنجامدانی ڕێکارە یاسایی و کارگێڕییە پێویستەکان و جێبەجێکردنی مامەڵەکانیان. K14

هەرێم داوای درێژکردنەوەی تەمەنی خانەنشینی زیندانیانی سیاسی دەکات وەزارەتی دارایی و ئابووریی هەرێمی کوردستان داوای لە وەزارەتی دارایی فیدراڵ کردووە تەمەنی خانەنشینی زیندانیانی سیاسی لە 60 ساڵەوە بۆ 65 ساڵ درێژ بکرێتەوە. ئەم بڕیارە کاریگەری لەسەر وەجبەی (9 تا 15)ی زیندانیانی سیاسی کە لەدایکبووی ساڵانی 1965 و 1966ن دەبێت. وەزارەتی دارایی و ئابووریی حکومەتی كاربەڕێكەری هەرێمی کوردستان هەنگاوێکی نوێی بۆ درێژکردنەوەی ماوەی خزمەتی ئەو زیندانییە سیاسییانە نا کە لە دامودەزگاکانی حکومەتدا فەرمانبەرن. ئەم بڕیارە تایبەتە بە وەجبەی (9 تا 15)ی زیندانیانی سیاسی کە لەدایکبووی ساڵانی 1965 و 1966ن و لە ئێستادا لە سەرجەم فەرمانگەکانی هەرێم خزمەت دەکەن. وەزارەتی دارایی و ئابووریی هەرێم لە ڕێگەی نووسراوی فەرمیی ژمارە 3488 لە بەرواری 2026/9/2 ئاڕاستەی فەرمانگەی بوودجەی لە وەزارەتی دارایی فیدراڵ کردووە.

کوردستان لە گەرمای 42 پلەیی بەرەو کەشێکی فێنک دەچێت بەپێی پێشبینییەکانی کەشناسی کوردستان، ئەمڕۆ یەکشەممە کەشوهەوا گەرم دەبێت، بەڵام سبەی دووشەممە پلەکانی گەرما یەک بۆ دوو پلە دادەبەزێت و فێنک دەبێت. ئەمڕۆ یەکشەممە، 27.9.2026، ئاسمان بەگشتی ساماڵ و پەڵەهەور دەبێت و پلەکانی گەرما وەک دوێنێ دەبێت. پێشبینی دەکرێت بەرزترین پلەی گەرما لە هەولێر 39، پیرمام 36، سلێمانی 37، هەڵەبجە 38، چەمچەماڵ 40، دهۆک 37، زاخۆ 39، ئاکرێ 38، گەرمیان 42، حاجی ئۆمەران 26، و سۆران 37 پلەی سیلیزی بێت. بۆ سبەی دووشەممە، چاوەڕوان دەکرێت کەشوهەوا فێنک ببێتەوە و پلەکانی گەرما لە زۆربەی ناوچەکان لە خانەی سییەکاندا بن و لە گەرمیان و گەرمەسێریش لە 40 پلەی سیلیزی تێنەپەڕێت. حکومەت نەیتوانیوە رێگری لە گەرما و کاریگەرییەکانی بکات، هاوڵاتیان هێشتا لە ژێر کاریگەریی پلە بەرزەکانی گەرمادا دەناڵێنن. K14

تۆمارکردنی ئەم سکاڵا نوێیە لە کاتێکدایە کە عەجاج ئەحمەد حەردان، ناسراو بە عەجاجی نوگرەسەلمان، لە 31ی تەممووزی 2025 دەستگیرکرا و لە 14ی ئایاری 2026 لەلایەن دادگای تێهەڵچوونەوەی ڕەسافەوە، دوای وەرگرتنی وتەی شایەتحاڵەکان و دانپێدانانی بە تاوانەکانیدا، سزای لەسێدارەدانی بەسەردا سەپێنرا. هەوڵە یاساییەکان بۆ یەکلاکردنەوەی سەرجەم تاوانەکانی ئەم بەرپرسەی پێشووی رژێمی بەعس دژ بە پێکهاتەکان بەردەوامن. جێی ئاماژەیە کوردانی فەیلی لە سەرەتای ساڵانی هەشتاکانی سەدەی ڕابردووەوە لەلایەن رژێمی بەعسەوە ڕووبەڕووی شاڵاوی جینۆساید، ڕاگواستنی زۆرەملێ، زەوتکردنی موڵک و سەندنەوەی ڕەگەزنامە بوونەوە و هەزاران گەنجیان لە زیندانەکاندا بێسەروشوێن کران. زیندانی قەڵای نوگرەسەلمان لە بیابانەکانی پارێزگای سەماوە، وەک یەکێک لە ناوەندە سەرەکییەکانی ئەشکەنجەدان ناسراوە، کە تێیدا عەجاج حەردان ڕۆڵی لە جێبەجێکردنی مامەڵەی توند دژ بە زیندانیان هەبووە. K8

عەجاج ئەحمەد حەردان، بەڕێوەبەری پێشووی زیندانی نوگرەسەلمان کە پێشتر سزای لەسێدارەدانی بەسەردا سەپێنراوە، لەسەر دۆسیەیەکی نوێی تاوان دژ بە کوردانی فەیلی لە بەغداد دادگایی دەکرێتەوە. دادگای لێکۆڵینەوە لە بەغداد بە فەرمی دەستی بە وەرگرتنی وتەی سکاڵاکارەکان کردووە، ئەوەش دوای ئەوەی دوو هاونیشتمانیی کوردی فەیلی بە بەڵگەی یاسایی سکاڵایان تۆمار کرد و بەشداریکردنی ناوبراو و چەند ئەفسەرێکی رژێمی پێشوویان لە ئەشکەنجەدانی زیندانییە فەیلییەکاندا سەلماند. ئەیاد کاکەیی، پارێزەری دۆسیەکە، ڕایگەیاند کە سکاڵاکە لە 8ی ئەم مانگە لە دادگای تاوانەکان لە بەغداد تۆمارکراوە و دادگا دەستی بە ڕێکارە یاساییەکان و وەرگرتنی فەرمیی وتەی سکاڵاکارەکان کردووە. ناوبراو ئاشکرای کرد کە عەجاج لە کاتی دادگاییکردنیدا لەسەر تاوانی ئەنفال، دانیناوە بەوەی لە زینداندا ئازاری کوردە فەیلییەکانی داوە.

عێراق بۆ پاراستنی ئاسمانەکەی سیستمی بەرگری لە تورکیا و فەرەنسا دەکڕێت حکومەتی عێراق بە فەرمی ڕێککەوتنی لەگەڵ تورکیا و فەرەنسا بۆ کڕینی سیستمی پێشکەوتووی بەرگریی ئاسمانی ڕاگەیاند، بە مەبەستی پاراستنی سەروەریی وڵات و پڕکردنەوەی بۆشاییە ئەمنییەکان دوای کشانەوەی هێزەکانی هاوپەیمانان. مەحموود شەممەری، ئەندامی پەرلەمان ئاشکرای کرد تورکیا ڕەزامەندی داوە و فەرەنساش دوای سەردانی سەرۆکوەزیران بۆ پاریس، گرێبەستێکی هاوشێوەی پەسەند کردووە بۆ پڕچەککردنی سوپای عێراق بە تەکنەلۆژیای سەربازیی مۆدێرن. ئەم هەنگاوە بەرەو ئامادەکارییە بۆ ٣٠ی ئەم مانگە کە وادەی کۆتاییهاتنی ئەرکی هاوپەیمانانە؛ شارەزایانیش دەڵێن سەقامگیری وڵات بەندە بەوەی تەواوی چەک و کۆنترۆڵی ئاسمانی لەژێر دەسەڵاتی دەوڵەتدا بێت. k12

چوار ڕۆژ کرایە پشووی فەرمی ئەنجومەنی وەزیرانی عێراق، بڕیاری دا کە لە چوارشەممەوە تا شەممەی داهاتوو، لە دامەزراوەکانی دەوڵەتدا بکرێتە پشووی فەرمی. نووسینگەی ڕاگەیاندنی سەرۆک وەزیرانی عێراق ڕایگەیاند: ئەنجومەنی وەزیران بڕیاری دا لە چوارشەممە، ٣٠ی ئەیلوولەوە تا شەممە، ٣ی تشرینی یەکەمی داهاتوو، بە بۆنەی "ڕۆژانی سەروەریی”ەوە بکرێتە پشووی فەرمی لە دامەزراوەکانی دەوڵەتدا. ئەم پشووە بە بۆنەی کشانەوەی هێزەکانی هاوپەیمانان لە عێراق دراوە کەلە ٣٠ ئەم مانگەوە هیچ هێزێکی سەربازیی هاوپەیمانی نێودەوڵەتی دژی داعش لە عێراقدا نامێنێت. k12

دی لا فوێنتێ دوای بردنەوە دراماتیکییەکەی وێمبلی: نیشانمان دا ئەم تیمە هەرگیز کۆڵ نادات لۆیس دی لا فوێنتێ، ڕاهێنەری هەڵبژاردەی ئیسپانیا، دڵخۆشیی قووڵی خۆی بە سەرکەوتنە سەرنجڕاکێشەکەی "لارۆخا" بە ئەنجامی (٣-٢) بەرامبەر هەڵبژاردەی ئینگلتەرا لە یاریگای وێمبلی دەربڕی لە دەستپێکی وەرزی نوێی نەیشنزلیگ، هاوکات ستایشی عەقڵیەت و گیانی شەڕکەریی یاریزانەکانی کرد تا کۆتا ساتەکانی یارییەکە. دی لا فوێنتێ لە لێدوانێکدا دوای یارییەکە وتی: "زۆر دڵخۆشین بە ئەنجام و ئاستەکە، بە جیهانمان نیشان دا کە خاوەنی خواستی گەورە و ئیرادەیەکی بەهێزین بۆ بردنەوە. ڕاستە ڕووبەڕووی ساتی سەخت بووینەوە، بەڵام ئینگلتەرا ڕکابەرێکی ئاسان نییە." هەروەها باسی لە قسەکانی نێوان دوو گێمەکە کرد و جەختی کردەوە: "بەردەوامین لە سەلماندنی ئەوەی ئەم تیمە هەرگیز کۆڵ نادات و بەنیازی وەستان نین لە بردنەوە." لە کۆتاییدا، ڕاهێنەری ئیسپانیا ستایشی بەهێزیی کورسیی یەدەگ و بەهرەی یاریزانەکانی کرد و وتی: "بەختەوەرم بە هەبوونی ئەم یاریزانانە، هەر یەکێکیان بێتە نێو یاریگا بە تەواوی ئامادەیە؛ گرنگ ئەوەیە گۆڕانکاری بکەیت و بزانیت خاوەنی بەهرەی ناوازەیت." K5

ئەنجامی تیروپشکی حەج ڕادەگەیێنرێت و هۆشداری دەدرێتە هاووڵاتییان دەستەی باڵای حەج و عومرەی عێراق ڕایگەیاند، ئەمڕۆ یەکشەممە ئەنجامی فەرمیی تیروپشکی ئەلکترۆنیی حەج بڵاودەکرێتەوە. دەستەکە جەخت دەکاتەوە کە تەنیا ماڵپەڕ و پەڕە فەرمییەکانیان سەرچاوەی وەرگرتنی ناوەکانن. هاوکات هۆشداریی توند دەدرێتە هاووڵاتییان کە کلیک لەسەر هیچ بەستەرێکی نەناسراو نەکەن، چونکە پەڕە ساختەکان بە مەبەستی دزینی زانیاریی کەسی ئەو کارە دەکەن. سەبارەت بە هەرێمی کوردستانیش، بڕیارە لەم هەفتەیەدا تیروپشکەکە ئەنجام بدرێت و ناوی زیاتر لە پێنج هەزار کەس بۆ فەریزەی حەج دەستنیشان بکرێت. ئەم ڕێکارانەی دەستەی حەج بۆ پاراستنی شەفافییەت و ڕێگریکردنە لە هەر چەواشەکارییەک کە لە کاتی بڵاوکردنەوەی ناوی حاجیاندا ڕوو بدات. k12

خەزعەلی هۆشداری دەداتە بەغدا: قبووڵی ناکەین عێراق بەشداربێت لە گەمارۆدانی ئێراندا قەیس خەزعەلی، ئەمینداری گشتیی بزووتنەوەی عەسائیبی ئەهلی حەق، دژایەتیی توندی خۆی بۆ گەمارۆکانی سەر کۆماری ئیسلامیی ئێران ڕاگەیاند و هۆشدارییەکی توندی ئاراستەی دەسەڵاتدارانی بەغدا کرد لەوەی عێراق نەبێتە بەشێک لەو هەنگاوانە. خەزعەلی لە لێدوانێکدا نیگەرانیی قووڵی خۆی دەربڕی لە بەرامبەر ئەو گەمارۆ وشکانی، دەریایی و ئاسمانییەی خراوەتە سەر ئێران و ڕایگەیاند: "بە هەموو شێوەیەک ڕەتکراوەیە عێراق لە بەرامبەر ئەو گەمارۆیەدا تەنها تەماشاکەر بێت، یان خراپتر لەوە، خۆی بەشدار بێت تێیدا." ئەمینداری گشتیی عەسائیبی ئەهلی حەق ئاماژەی بەوە کرد، پەیوەندییە مێژوویی، کۆمەڵایەتی، کولتووری و ئایینییە بەهێزەکانی نێوان هەردوو وڵات، ڕێگریی تەواو لە هەر مامەڵەیەکی لەو شێوەیە دەکەن، جەختیشی کردەوە کە دەبێت هەڵوێستی ئێستای عێراق لە ئاستی ئەو هەڵوێستانەدا بێت کە پێشتر بەرامبەر گەمارۆدانی گەلانی وەک تورکیا و ئەفغانستان نواندوویەتی. K5

بەڕێوەبەرایەتیی هاتووچۆی سلێمانی بە هاوکاریی بەڕێوەبەرایەتیی نەوت و کانزاکانی سلێمانی، هەڵمەتێکی مەیدانییان بۆ سزادانی ئەو شۆفێرانە دەستپێکردووە کە ئۆتۆمبێلەکانیان لە نۆرەی بەنزینخانەکاندا بەجێدەهێڵن. لە چوارچێوەی ئەم هەڵمەتەدا، هاتووچۆی سلێمانی سزای دارایی بەسەر ئۆتۆمبێلە بەجێهێڵدراوەکاندا دەسەپێنێت و سەرجەم ئۆتۆمبێلە بێسەرەتاکانی ناو نۆرەکەی ڕەوانەی گەراجی دەستبەسەرداگرتن کردووە. لای خۆشییەوە، وتەبێژی بەڕێوەبەرایەتیی نەوت و کانزاکانی سلێمانی ڕایگەیاند هیچ کێشە و ئاستەنگێک لە دابینکردنی بەنزیندا نییە و پێویست بە دروستکردنی نۆرە و بەجێهێشتنی ئۆتۆمبێل ناکات. ئاماژەی بەوەش کرد کە ڕۆژانە بڕی نزیکەی ٤٠٠ هەزار لیتر بەنزینی پاڵپشتیکراوی ٧٥٠ دیناری لە ڕێگەی ١٦ بەنزینخانەی دیاریکراوەوە دابەش دەکرێت، کە تیایدا پشکی هەر ئۆتۆمبێلێک بە ٤٠ لیتر دیاریکراوە. K8

وادەی کۆتاییهاتنی گەرما و بارینی یەکەم باران ئاشکرا کرا شارەزایەکی کەشناسی ڕایدەگەیەنێت لە سبەینێوە پلەکانی گەرما بە شێوەیەکی بەرچاو دادەبەزن و لە چەند ڕۆژی داهاتووشدا یەکەم بارانی پایز ناوچە جیاجیاکانی هەرێم دەگرێتەوە. پشتیوان پێنجوێنی، شارەزای کەشناسی ئاماژەی بەوە کرد، لە سبەی دووشەممە ٢٨ی ئەیلولی ٢٠٢٦، قۆناغێکی نوێی دابەزینی پلەکانی گەرما دەستپێدەکات و کۆتایی بە گەرما دێت. وتیشی: "ڕۆژانی پێنجشەممە و هەینی (١ و ٢ی تشرینی یەکەمی ٢٠٢٦) یەکەم باران لە ناوچە جیاجیاکان دەبارێت و ئەگەرێکی بەهێزیش هەیە پارێزگای سلێمانی بگرێتەوە." ساڵانە لەگەڵ دەستپێکی مانگی تشرینی یەکەم، بەهۆی گۆڕانی وەرزەکانەوە هەرێمی کوردستان دەکەوێتە ژێر کاریگەری نزمەپاڵەپەستۆکان و پلەکانی گەرما روو لە نزمبوونەوەی تەواو دەکەن. k12

داوای كۆبونەوەیەكی بەپەلەی لایەنە عێراقییەكان دەكرێت سەرۆکی ئەنجومەنی باڵای ئیسلامی عێراق لە داوای کۆبونەوەیەکی بەپەلەی چوارچێوەی هەماهەنگی دەكات بەمەبەستی گفتوگۆکردن لەبارەی بڕیاری ڕاگرتنی گەشتە ئاسمانییەکان و بەشداریکردن لەسەپاندنی گەمارۆ بەسەر ئێران. هومام حەمودی، سەرۆکی ئەنجومەنی باڵای ئیسلامی عێراق، لەڕاگەیەندراوێكدا ئاشكرایكرد، داوای کۆبونەوەیەکی بەپەلەی چوارچێوەی هەماهەنگی دەكات بەمەبەستی گفتوگۆکردن لەبارەی بڕیاری ڕاگرتنی گەشتە ئاسمانییەکان و بەشداریکردن لەسەپاندنی گەمارۆ بەسەر ئێران. ئەم داوایە لەکاتێکدایە ژمارەیەک لەسەرکردەی حزبە سیاسییە شیعەکان و ئەندامانی پەرلەمانی عێراق، هەڵمەتێکی فراوانیان بۆ ڕەتکردنەوەی بڕیاری ڕاگرتنی گەشتەکان لەگەڵ ئێران دەستپێکردوە. K5

نرخی دۆلاری ئەمریکی بەرامبەر بە تمەنی ئێرانی بە ڕێژەی ٠.٤٥٪ (١,٠٥٠ تمەن) بەرزبووەوە و گەیشتە ٢٣٤,٥٥٠ تمەن، لە کاتێکدا لە ٢٤ کاژێری ڕابردوودا ئاستی مامەڵەکان لە نێوان ٢٣٣,٥٠٠ بۆ ٢٣٥,٥٠٠ تمەندا جێگیر بووە. ئەم بەرزبوونەوەیە بەشێکە لە شەپۆلێکی بەردەوام کە تێیدا نرخی دۆلار لە ماوەی هەفتەیەکدا بە ڕێژەی ١.٥٨٪ و لە شەش مانگی ڕابردووشدا بە ڕێژەی ٤٨.٥٤٪ بەرامبەر تمەن ڕووی لە هەڵکشان کردووە. شیکارکارانی ئابووری ئاماژە بەوە دەکەن کە ئاڕاستەی ئایندەی بازاڕ بەستراوەتەوە بە پێشهاتە سیاسییەکان و ئاستی داواکاری بۆ کڕینی دراوەکە؛ بە جۆرێک ئەگەر هەواڵەکانی پەیوەست بە لێکتێگەیشتنی ئیسلامئاباد بەهێزتر ببن، ئەگەری دابەزینی نرخەکە بۆ ئاستی ٢٣٠ تاوەکو ٢٣١ هەزار تمەن هەیە. لە بەرامبەردا، بەردەوامیی داواکاریی بەهێز بۆ کڕینی دۆلار دەتوانێت نرخەکە لە نێوان ٢٣٣ تاوەکو ٢٣٥ هەزار تمەن ڕابگرێت و لە حاڵەتی ڕەتپەڕاندنی ئەو ئاستەشدا، ئەگەری نزیکبوونەوەی لە ٢٤٠ هەزار تمەن هەیە. K8

لیستی بەنزینی ٧٥٠ دیناری بۆ سبەی یەک شەممە ٢٧/٩/٢٠٢٦ k9

واده‌ی کۆتایی هاتنی ماوەی پێشکەشکردن بۆ زانکۆلاین ڕاگه‌یه‌ندرا وەزارەتی خوێندنی باڵا ڕایدەگەیەنێت، کاتژمێر ١٢ی ئەمشەو کۆتایی بە ماوەی پێشکەشکردن بۆ زانکۆلاین دێت و هیچ درێژکردنەوەیەک بۆ ماوەکە نابێت. وەزارەتی خوێندنی باڵا و توێژینەوەی زانستی ئاشکرای کرد، کاتژمێر ١٢ی شەو، ڕێکەوتی ٢٠٢٦/٩/٢٦، ماوەی پێشکەشکردن بۆ زانکۆلاین بۆ دەرچووانی ١٢ی ئامادەیی (زانستی، وێژەیی، پیشەیی، خوێندنگە نێودەوڵەتییەکان) لە ڕێگەی وێبسایتی (regayzanko.com) تەواو دەبێت و چیتر درێژ ناکرێتەوە. وەزارەتەکە هۆشداری داوەتە ئەو خوێندکارانەی تا ئێستا فۆڕمی زانکۆلاین-یان پڕنەکردۆتەوە، کە دەتوانن تا کاتژمێر ١٢ی شەو فۆڕمەکە تەواو بکەن و لە ڕێگەی سیستەمەکەوە بنێرن. هەروەها دەرچووانی خوێندنگە نێودەوڵەتییەکان و پیشەییەکان دەتوانن لەم کاتە کەمەدا فۆڕمەکانیان پڕبکەنەوە. k9