Bintu Sodiq

🩷 Ёсин сураси (440-бет) @BintuSodiq

Унаштирув ва никоҳнинг ораси қанча бўлиши керак? Ассалому алайкум! Мусулмон йигит ва қиз қанча муддат фотиҳаланишлари мумкин (унаштирув ва никоҳ ораси)? Динимизда ушбу муддат белгиланганми? Жавоб учун олдиндан раҳмат! Жавоб: Ва алайкум ассалом. Шариатимизда бу борада маълум бир муддат тайин қилинмаган. Лекин уламоларнинг тавсиясига кўра хайрли ишни тезлаштириш керак. Валлоҳу аълам. Одинахон Муҳаммад Содиқ. «Билимсизликнинг шифоси – савол» китоби, 1-жуз. #Савол_жавоб Савол бериш учун: savollar.muslimaat.uz t.me/bintusodiq

🔠🔠🔠🔠 🔠🔠🔠🔠🔠🔠🔠 Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам: «Қуёш чиққан куннинг энг яхшиси Жума кунидир. Унда Одам халқ қилинди. Унда у жаннатга киритилди. Унда у жаннатдан чиқарилди. Қиёмат куни ҳам фақатгина Жума куни қоим бўлур», дедилар». Бешовларидан фақат Бухорий ривоят қилмаган. #Juma @BintuSodiq

МЕҲРНИНГ ЖАВОБИ Видео матни интернет саҳифаларидан олинди. https://youtu.be/OLgZHbjdhec @BintuSodiq

🩷 Фотир сураси (439-бет) @BintuSodiq

​Сизни нима мақсадда бу даргоҳга юбордик?! #Хотира 1970 йиллар. Муҳаммад Юсуф ҳожи дада одатларига мувофиқ ўғли Муҳаммад Содиқдан хабар олгани Андижондан йўл босиб, Бухоро шаҳридаги «Мир Араб» мадрасасига намозшомга яқин кириб келди. Мадраса дарвозасидан кираркан, қоровулхонадан талабаларнинг шовқини эшитилди. Қоровулхонада ўнларча талаба йигитлар зангори экранга термулиб, футбол кўришмоқда.Улар орасида Муҳаммад Содиқ ҳам бор. (Тахминан ўша вақтдаги Пахтакор жамоаси тўп сурмоқда.) Ҳожи дада ҳам секин кириб, эшик ёнидаги бўш жойга ўтириб, жимгина кузата бошлади. «Гоооол!» талабалар шовқин-сурон қилиб голни нишонлашди. Бир талаба йигитнинг кўзи бирдан ҳожи дадага тушди. У Муҳаммад Содиқни туртиб, ҳожи дада шу ердалигига ишора қилди. Муҳаммад Содиқ ҳожи даданинг вазмин нигоҳларига қараб, ранги оқариб, қотиб қолди. Талабалар каловланиб, бири салом берган, бошқаси телевизорни ўчириб, бирин-кетин қоровулхонадан чиқа бошлади. Ҳожи дада мадрасанинг иккиничи қаватидаги Муҳаммад Содиқнинг ҳужрасига чиқиб, йўл чарчоғидан ерга тўшалган кўрпага ўрнашди. Қаршисида Муҳаммад Содиқ айбдорларча минг ҳижолатда турарди. «Чой дамлаб келайми?» Базўр шу савол чиқди. Йилларга татийдиган сукутдан сўнг ҳожи дада вазмин нигоҳини ўғлига қадаб деди: «Сизни бу даргоҳга нима мақсадда юборгандик?» Муҳаммад Содиқнинг рангида ранг қолмади, айбдор нигоҳини ерга қадаб, ҳужрадан чиқиб кетди. Тонг отди. Ҳожи дада одатдагидек мадраса устозларини зиёрат қилди. Ўз қўллари билан ош дамлаб, устозу талабаларни меҳмон қилди. Ҳамма зиёфатдан ҳурсанд. Аммо Муҳаммад Содиқ кўринмасди. Сафар қариди, ҳожи дада мадраса устозларидан дуо олиб, ўғлига эътиборли бўлишларини тайинлаб, Андижонга қайтди.    Ҳожи дада кетганига ишонч ҳосил қилган талабалар Муҳаммад Содиқни излай кетишди. Муҳаммад Содиқ мадраса томидан секин пастга туша бошлади. Кўзлари қизариб кетган, туни билан ухламагани билиниб турарди. Қўлида қалин муқовали бир китоб... Муҳаммад Амин домланинг хотира дафтаридан. Мубашшир Аҳмад @BintuSodiq

«Пешқадамлар карвони» жамоаси гуллар шаҳри – Наманганда Хабарингиз бор, «Пешқадам Карвони» лойиҳасининг «Кутубхоналар ташкил қилиш ва уларни китоблар билан таъминлаш" йўналишига кўплаб ҳамюртларимиз аъзо бўлиб, бу йўналишда баҳолиқудрат фаолият юритиб келмоқдалар. Раҳбаримиз уларга олиб бораётган ишлари қанчалик улкан аҳамиятга эга эканлигини тушунтириб, уларни қўллаб-қувватлаб, рағбатлантириб келмоқдалар. Айнан мана шу мақсад бугун муассасаса ходималарини устоз Одинахон Муҳаммад Содиқ раҳбарликларида Наманган шаҳри томон етаклади. Мазкур йўналиш аъзоси Отажонова Умида опа «Aisha Home» аёллар тикувчилик корхонасида китобхонлик тадбири уюштириб, унга лойиҳа жамоасини таклиф қилдилар. Тадбир устозимиз шайх Муҳаммад Содиқ Муҳаммад Юсуф роҳимаҳуллоҳнинг хотираларига бағишланди. Корхона ходимлари у зотга бўлган ҳурмат-эътиборлари қанчалар юксаклигини баён этиб, дил изҳорларини билдиришди. Сўнг устоз Одинахон Муҳаммад Содиққа сўз берилди. У киши инсон ҳаётида илмнинг аҳамияти ҳақида нутқ сўзладилар. Тадбир гўзал дуолар билан якунланди. Тадбирдан сўнг меҳмонлар "Ёшлар зиё маскани" номли сўлим гўшага, "Увайс Қараний" зиёратгоҳларига бордилар. Баҳорнинг дилларга хуш ёқувчи салқин кунларида довон оша уюштирилган саёҳат шу билан якунланди. @BintuSodiq

Ғазабини ютувчилар ҳақида Одинахон Муҳаммад Содиқ https://youtube.com/shorts/0_dKYQ5PBTE #munosabat #Shorts @BintuSodiq