ព្រះខ័ន

មន្ទីរបរិស្ថានខេត្តមណ្ឌលគិរី ថ្កោលទោស និងប្ដេជ្ញាសហការអនុវត្តច្បាប់ ចំពោះបុគ្គលដែលធ្វើសកម្មភាពដុតបំផ្លាញទីស្នាក់ការរងស្រែជ្រៃ --- មន្ទីរបរិស្ថានខេត្តមណ្ឌលគិរី នៅថ្ងៃទី៧ ខែកញ្ញានេះ បានចេញលិខិតថ្កោលទោសចំពោះបុគ្គលដែលបានគប់គិតប្រមូលបក្សពួក បំផ្លិចបំផ្លាញហេដ្ឋារចនាសម្ព័ន្ធសាធារណៈ ដោយវាយកម្ទេច និងដុតបំផ្លាញទីស្នាក់ការរងស្រែជ្រៃ កាលពីថ្ងៃទី៦ ខែកញ្ញា ឆ្នាំ២០២៦ ក្នុងដែនជម្រកសត្វព្រៃលំផាត់ ភូមិសាស្ត្រខេត្តរតនគិរី។ ទន្ទឹមគ្នានេះ មន្ទីរបរិស្ថានខេត្តមណ្ឌលគិរី បានលើកឡើងពីការទទួលខុសត្រូវផ្លូវច្បាប់ ចំពោះអំពើដែលពាក់ព័ន្ធ ដូចខាងក្រោម៖ · មាត្រា ៣៨៤ និង មាត្រា៨៥០ នៃក្រមបរិស្ថាន និងធនធានធម្មជាតិ បានហាមឃាត់ការបំផ្លិចបំផ្លាញហេដ្ឋារចនាសម្ព័ន្ធសាធារណៈ ជាបទល្មើសធនធានធម្មជាតិថ្នាក់ទី២ ដែលត្រូវផ្តន្ទាទោសដាក់ពន្ធនាគារពី ១ឆ្នាំ ទៅ ៥ឆ្នាំ និងពិន័យជាប្រាក់ពី ១០០លានរៀល ទៅ ៥០០លានរៀល។   · ការលួចចូលធ្វើសកម្មភាព រុករករ៉ែដោយគ្មានលិខិតអនុញ្ញាត ត្រូវចាត់ទុកថាជាបទល្មើសធនធាន ធម្មជាតិថ្នាក់ទី១ ចំណុច ឃ ដែលត្រូវផ្តន្ទាទោសដាក់ពន្ធនាគារពី ១ខែ ទៅ ១ឆ្នាំ និងពិន័យជាប្រាក់ពី ១០លានរៀល ទៅ ១០០លានរៀល។   គួរជម្រាបជូនថា នៅថ្ងៃទី៦ ខែកញ្ញា ឆ្នាំ២០២៦ វេលាម៉ោង ១០:១២នាទីព្រឹក មន្ត្រីឧទ្យានុរក្សនៃទីស្នាក់រងស្រែជ្រៃ ដែនជម្រកសត្វព្រៃលំផាត់បានចុះល្បាត និងប្រទះឃើញក្រុមជនប្រព្រឹត្តបទល្មើសច្បាប់ប្រមាណ៨០នាក់ កំពុងជីករករ៉ែមាសដោយអនាធិបតេយ្យ នៅចំណុចភូមិថ្មី (ស្រែជ្រៃ) ស្ថិតក្នុងតំបន់ការពារធម្មជាតិ នៃដែនជម្រកសត្វព្រៃលំផាត់ ខេត្តរតនគិរី។ តាមមន្ទីរបរិស្ថានខេត្តរតនគិរី, មន្ត្រីឧទ្យានុរក្សបានធ្វើការទប់ស្កាត់ និងណែនាំឱ្យពួកគាត់បញ្ឈប់សកម្មភាពដោយសន្តិវិធីពីព្រោះនេះជាសកម្មភាពខុសច្បាប់។ ក្រោយមក នៅម៉ោង ១៣:១៥ មន្ទីរបរិស្ថានខេត្តរតនគិរីបានទទួលព័ត៌មានពីនគរបាលប៉ុស្តិ៍រដ្ឋបាលឃុំរយំ ថាមានករណីគ្រោះថ្នាក់ចរាចរណ៍ដួលម៉ូតូបណ្តាលឱ្យមានការបាត់បង់ជីវិតមនុស្សម្នាក់។ តាមមន្ទីរបរិស្ថានខេត្តរតនគិរីដដែល, ហេតុការណ៍នេះ ត្រូវបានជនឆ្លៀតឱកាសយកមកធ្វើជាការចោទប្រកាន់មកលើមន្ត្រីឧទ្យានុរក្សផង និងញុះញង់បង្កជាបញ្ហា ឈានដល់ការកម្ទេច និងដុតទីស្នាក់ការរងឧទ្យានុរក្សផង៕   ប្រភព៖ មន្ទីរបរិស្ថានខេត្តមណ្ឌលគិរី 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

⚠️ប្រុងប្រយ័ត្នចំពោះសារជូនដំណឹងក្លែងក្លាយ (Scam Notifications) ដែលបន្លំធ្វើជាសារទទួលប្រាក់ចូលគណនីធនាគារ ឬសារឈ្នះរង្វាន់ផ្សេងៗ --- តាមនាយកដ្ឋានប្រឆាំងបទល្មើសបច្ចេកវិទ្យា បច្ចុប្បន្ន មានការលេចឡើងនូវសារជូនដំណឹងក្លែងក្លាយ (Scam Notifications) ជាច្រើននៅលើអេក្រង់ទូរសព្ទដៃ ដែលបន្លំធ្វើជាសារទទួលប្រាក់ចូលគណនីធនាគារ ឬសារឈ្នះរង្វាន់ផ្សេងៗ ដើម្បីល្បួងឱ្យជនរងគ្រោះចុចលើតំណភ្ជាប់ (Link)។   នាយកដ្ឋានប្រឆាំងបទល្មើសបច្ចេកវិទ្យា លើកឡើងពីវិធីសាស្រ្ដការពារខ្លួនដែលពលរដ្ឋត្រូវប្រុងប្រយ័ត្ន៖ - ការជូនដំណឹងពី Chrome ឬ Samsung Browser ដែលមានតំណភ្ជាប់មិនស្គាល់ប្រភព - សារជូនដំណឹងក្លែងក្លាយដែលបង្ហាញថា មានប្រាក់ចូលគណនី ឬការឈ្នះរង្វាន់ផ្សេងៗ -  កុំចុចតំណភ្ជាប់ទាំងនោះជាដាច់ខាត ព្រោះថាការចុចតំណភ្ជាប់អាចបណ្ដាលឱ្យបាត់បង់ព័ត៌មានសម្ងាត់ ឬព័ត៌មានគណនីរបស់អ្នក - កុំចុចតំណភ្ជាប់ បើមិនប្រាកដថាតំណភ្ជាប់ពិត៕   ប្រភព៖ នាយកដ្ឋានប្រឆាំងបទល្មើសបច្ចេកវិទ្យា 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

⚖️«ការពង្រឹងសមត្ថភាពយល់ដឹងអំពីច្បាប់ឱ្យបានគ្រប់ជ្រុងជ្រោយ ពិសេសការធ្វើកំណត់ហេតុរបស់មន្រ្ដីនគរបាលយុត្តិធម៌ដោយមិនខ្ជីខ្ជា មិនលំអៀង គឺជាការបង្កើនបន្ថែមលើទំនុកចិត្តពីសាធារណជនមកលើស្ថាប័នអនុវត្តច្បាប់» —- ឯកឧត្តម ម៉ម វ៉ាន់ដា ព្រះរាជអាជ្ញានៃអយ្យការអមសាលាដំបូងខេត្តមណ្ឌលគិរី បានថ្លែងថា មន្រ្ដីអនុវត្តច្បាប់មានចំណេះដឹង និងសមត្ថភាពគ្រប់គ្រាន់ គឺជាការចូលរួមចំណែកយ៉ាងសំខាន់ដល់ការពង្រឹងនីតិរដ្ឋ ជាពិសេសធានាលើការអនុវត្តគោលនយោបាយ ភូមិ ឃុំ សង្កាត់មានសុវត្តិភាពរបស់រាជរដ្ឋាភិបាលកម្ពុជា។ ម្យ៉ាងវិញទៀត ការពង្រឹងសមត្ថភាពយល់ដឹងអំពីច្បាប់ឱ្យបានគ្រប់ជ្រុងជ្រោយ ពិសេសការធ្វើកំណត់ហេតុរបស់មន្រ្ដីនគរបាលយុត្តិធម៌ ដោយមិនខ្ជីខ្ជា មិនលំអៀង គឺជាការបង្កើនបន្ថែមលើទំនុកចិត្តពីសាធារណជនមកលើស្ថាប័នអនុវត្តច្បាប់។ នេះជាប្រសាសន៍របស់ឯកឧត្តម ម៉ម វ៉ាន់ដា ព្រះរាជអាជ្ញានៃអយ្យការអមសាលាដំបូងខេត្តមណ្ឌលគិរីថ្លែងទៅកាន់សិក្ខាកាមដែលចូលរួមក្នុងវគ្គបណ្ដុះបណ្ដាលប្រធានបទស្ដីពីបច្ចេកទេសនៃការតាក់តែងកំណត់ហេតុរបស់មន្រ្ដីនគរបាលយុត្តិធម៌នៅថ្ងៃទី១-២ ខែកញ្ញា ឆ្នាំ២០២៦។ 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

ក្នុងពេល១ឆ្នាំ អ៊ុយក្រែនបាត់បង់លុយ ១.២ពាន់លានដុល្លារ ដោយសារអំពើពុករលួយក្នុងវិស័យការពារជាតិ --- កាសែត New York Times បានរាយការណ៍ដោយផ្អែកលើសវនកម្មសម្ងាត់របស់រដ្ឋាភិបាល និងកំណត់ត្រាតុលាការថា ប្រទេសអ៊ុយក្រែន បានបាត់បង់ថវិកាប្រហែល ១.២ពាន់លានដុល្លារ ដោយសារការឆបោក, ភាពខ្ជះខ្ជាយ និងការគ្រប់គ្រងមិនបានល្អ នៅក្នុងការទិញគ្រឿងសព្វាវុធ និងបរិក្ខារយោធា គិតតែក្នុងឆ្នាំ២០២៤ ប៉ុណ្ណោះ។ កាសែតនេះ បានសរសេរកាលពីថ្ងៃអាទិត្យ ដោយពិពណ៌នាថានេះជា "បាតុភូតកើតឡើងដដែលៗ" ពោលគឺក្រុមហ៊ុនម៉ៅការយោធាធំៗចំនួន៧ ក្នុងចំណោម ១០របស់ប្រទេសនេះ នៅតែបន្តទទួលការបញ្ជាទិញសព្វាវុធ បើទោះបីជាមានការស៊ើបអង្កេតពីបទឆបោក, បរាជ័យក្នុងការប្រគល់ទំនិញនាពេលកន្លងមក ឬទោះជាមានការចាប់ខ្លួននាយកប្រតិបត្តិពីបទពុករលួយក៏ដោយ។ លោក James Wasserstrom ដែលជាអ្នកជំនាញប្រឆាំងការពុករលួយជនជាតិអាមេរិកបានប្រាប់កាសែត NYT ថា ការឆបោកក្នុងវិស័យឧស្សាហកម្មការពារជាតិគឺជារឿងដែលមានតាំងពីយូរយារណាស់មកហើយនៅប្រទេសអ៊ុយក្រែន។ លោកបានបន្តថា «អ្វីៗទាំងអស់នៅអ៊ុយក្រែន ឱ្យតែមិនបានបោះដែកគោលភ្ជាប់ទៅនឹងដី គឺគង់តែត្រូវគេលួច»។ ក្នុងចំណោមករណីនានា ដែលកាសែតអាមេរិក បានគូសបញ្ជាក់ គឺករណីរោងចក្រគីមី Pavlohrad របស់រដ្ឋ ដែលបានផ្គត់ផ្គង់គ្រាប់កាំភ្លើងត្បាល់ប្រើការមិនកើតចំនួន ២៣៣ ០០០ គ្រាប់ទៅឱ្យកងទ័ពអ៊ុយក្រែន។ ទោះជាយ៉ាងណាក៏ដោយ ក្រុមហ៊ុននេះ នៅតែទទួលបានកិច្ចកុងត្រាធ្វើអាជីវកម្មបន្ថែមទៀត នៅពេលក្រោយ រួមទាំងកិច្ចសន្យាផ្គត់ផ្គង់គ្រាប់កាំភ្លើងធំទំហំ ១២២ម.ម ស្ទើរតែទាំងអស់របស់អ៊ុយក្រែន ក្នុងឆ្នាំ២០២៥។ របាយការណ៍នេះ បានលេចឡើង ចំពេលមានការស៊ើបអង្កេតករណីពុករលួយធំៗជាច្រើន ដែលពាក់ព័ន្ធនឹងមន្ត្រីជាន់ខ្ពស់អ៊ុយក្រែន និងបុគ្គលជិតស្និទ្ធនឹងលោក ហ្សេលេនស្គី។ កាលពីខែសីហា មេដឹកនាំអ៊ុយក្រែនរូបនេះ បានបណ្ដេញលោកស្រី Irina Mudraya អនុប្រធានការិយាល័យរបស់លោកចេញពីតំណែង ខណៈពេល ដែលការស៊ើបអង្កេតលើអំពើពុករលួយថ្មីៗផ្សេងទៀត ក៏មានជាប់ពាក់ព័ន្ធនឹងអតីតរដ្ឋមន្ត្រី អ្នកការទូត និងមន្ត្រីជាន់ខ្ពស់ជាច្រើនរូប៕ ប្រភព៖ RT - NYT 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

ប្រជានេសាទខ្មែរ ២នាក់ ដែលត្រូវបានអាជ្ញាធរថៃចាប់ខ្លួនកាលពីខែកុម្ភៈ ត្រូវបានបញ្ជូនមកជួបជុំគ្រួសារវិញហើយ --- នៅព្រឹកថ្ងៃទី៧ ខែកញ្ញា ឆ្នាំ២០២៦នេះ, ប្រជានេសាទខ្មែរ ២នាក់ ដែលត្រូវបានអាជ្ញាធរថៃចាប់ខ្លួនកាលពីថ្ងៃទី២២ ខែកុម្ភៈ ឆ្នាំ២០២៦ ត្រូវបានបញ្ជូនមកជួបជុំគ្រួសារវិញហើយ។ នេះបើយោងតាមការឱ្យដឹងពីរដ្ឋបាលខេត្តកោះកុង។ ប្រភព៖ រដ្ឋបាលខេត្តកោះកុង 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

ស្នងការដ្ឋាននគរបាលរាជធានីភ្នំពេញបំភ្លឺចំពោះករណីចោទប្រកាន់ថា សមត្ថកិច្ចចុះចាប់ឃាត់ខ្លួនបុរសម្នាក់នៅខណ្ឌឬស្សីកែវដោយគ្មានដីកា --- ក្រុមការងារព័ត៌មាននិងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ នៅថ្ងៃទី៧ ខែកញ្ញា ឆ្នាំ២០២៦នេះ បានបញ្ជាក់នៅក្នុងសេចក្ដីបំភ្លឺថា នៅថ្ងៃទី៦ ខែកញ្ញា ឆ្នាំ២០២៦ វេលាម៉ោង១៧និង ៣០នាទី កម្លាំងការិយាល័យនគរបាលចរាចរណ៍នៃស្នងការដ្ឋាននគរបាលរាជធានីភ្នំពេញ បានអនុវត្តដីកាបញ្ជាឲ្យចូលខ្លួនលេខ៣៨៣អ.យ.ប របស់អយ្យការអមសាលាដំបូងរាជធានីភ្នំពេញ ធ្វើការឃាត់ខ្លួនឈ្មោះ ស្រស់ ថាវ័ន្ត ភេទប្រុស អាយុ៣៣ ឆ្នាំ ជនជាតិខ្មែរ នៅមុខហាងកាត់សក់មួយកន្លែង ស្ថិតនៅផ្ទះលេខ២ ផ្លូវ៣៤២ សង្កាត់ច្រាំងចំរេះទី១ខណ្ឌប្ញស្សីកែវ ដើម្បីសាកសួរពាក់ព័ន្ធករណីបើកបររថយន្តបង្កគ្រោះថ្នាក់ចរាចរណ៍បណ្តាលឲ្យអ្នកដទៃរងរបួស និងបើករថយន្តគេចវេសពីកន្លែងកើតហេតុ យកមកស្នងការដ្ឋាននគរបាលរាជធានីភ្នំពេញ ដើម្បីអនុវត្តតាមនីតិវិធី។ សេចក្ដីបំភ្លឺរបស់ក្រុមការងារព័ត៌មាននិងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ បានបន្តថា ខណៈដែលសមត្ថកិច្ចចុះអនុវត្តដីកាចំពោះបុរសខាងលើ ក៏មានការរារាំងតវ៉ាពីក្រុមគ្រួសារ បង្កបាតុភាពមិនល្អ លុះបន្ទាប់មកក៏មានវត្តមានលោកស្នងការរងទទួលផែនការងារនគរបាលចរាចរណ៍ បានចុះទៅដល់ទីតាំងកើតហេតុផ្ទាល់ ហើយជាមួយគ្នានេះ ដោយមានការធានាពីសំណាក់មេធាវីនិងក្រុមគ្រួសារ ទើបលោកស្នងការរង បានអនុញ្ញាតឲ្យបុរសខាងលើទៅផ្ទះវិញ ដោយមានការអនុញ្ញាតពីលោកព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញផងដែរ ជាមួយនឹងការធានានឹងនាំបុរសឈ្មោះ ស្រស់ ថាវ័ន្ត មកស្នងការដ្ឋាននគរបាលរាជធានីភ្នំពេញនាថ្ងៃទី ៧ ខែកញ្ញា ឆ្នាំ២០២៦ ដើម្បីធ្វើការសាកសួរនិងអនុវត្តតាមនីតិវិធីចំពោះមុខការងារជំនាញរបស់សមត្ថកិច្ច៕ ប្រភព៖ ក្រុមការងារព័ត៌មាននិងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

មន្ទីរបរិស្ថានខេត្តរតនគិរី៖ ជនឆ្លៀតឱកាសបានដុតកម្ទេចទីស្នាក់ការរងឧទ្យានុរក្ស ក្រោយការបង្ក្រាបសកម្មភាពជីករករ៉ែមាសដោយអនាធិបតេយ្យរបស់ជនល្មើស ៨០នាក់ នៅចំណុចភូមិថ្មី (ស្រែជ្រៃ) --- នៅថ្ងៃទី៦ ខែកញ្ញា ឆ្នាំ២០២៦ វេលាម៉ោង ១០:១២នាទីព្រឹក មន្ត្រីឧទ្យានុរក្សនៃទីស្នាក់រងស្រែជ្រៃ នៃដែនជម្រកសត្វព្រៃលំផាត់ បានចុះល្បាត និងប្រទះឃើញក្រុមជនប្រព្រឹត្តបទល្មើសច្បាប់ប្រមាណ៨០នាក់ កំពុងជីករករ៉ែមាសដោយអនាធិបតេយ្យ នៅចំណុចភូមិថ្មី (ស្រែជ្រៃ) ឃុំជ័យឧត្តម ស្រុកលំផាត់ ខេត្តរតនគិរី ស្ថិតក្នុងតំបន់ការពារធម្មជាតិ នៃដែនជម្រកសត្វព្រៃលំផាត់។ នេះបើតាមការបញ្ជាក់នៅក្នុងសេចក្ដីប្រកាសព័ត៌មានរបស់មន្ទីរបរិស្ថានខេត្តរតនគិរី នៅថ្ងៃទី៧ ខែកញ្ញានេះ។   តាមមន្ទីរបរិស្ថានខេត្តរតនគិរី, មន្ត្រីឧទ្យានុរក្សបានធ្វើការទប់ស្កាត់ និងណែនាំឱ្យពួកគាត់បញ្ឈប់សកម្មភាពដោយសន្តិវិធី ពីព្រោះនេះជាសកម្មភាពខុសច្បាប់ត្រង់មាត្រា ៨៥០ នៃក្រមបរិស្ថាន និងធនធានធម្មជាតិ ដោយពុំមានបង្កជាអំពើហិង្សា ឬការផ្ទុះអាវុធឡើយ ហើយពួកគាត់ក៏បានចាកចេញពីទីនោះ នៅវេលាម៉ោង ១១:២០នាទី។ ប្រមាណ ២ម៉ោងក្រោយមក គឺនៅម៉ោង ១៣:១៥ មន្ទីរបរិស្ថានខេត្តរតនគិរីបានទទួលព័ត៌មានពីនគរបាលប៉ុស្តិ៍រដ្ឋបាលឃុំរយំ ថាមានករណីគ្រោះថ្នាក់ចរាចរណ៍ដួលម៉ូតូបណ្តាលឱ្យមានការបាត់បង់ជីវិតមនុស្សម្នាក់។ តាមមន្ទីរបរិស្ថានខេត្តរតនគិរីដដែល, ហេតុការណ៍នេះ ត្រូវបានជនឆ្លៀតឱកាសយកមកធ្វើជាការចោទប្រកាន់មកលើមន្ត្រីឱទ្យានុរក្សផង និងញុះញង់បង្កជាបញ្ហា ឈានដល់ការកម្ទេច និងដុតទីស្នាក់ការរងឧទ្យានុរក្សផង។   ក្នុងសេចក្ដីប្រកាសព័ត៌មាននេះ, មន្ទីរបរិស្ថានខេត្តរតនគីរីបានបដិសេធទាំងស្រុងចំពោះការចោទប្រកាន់ក្នុងចេតនាមួលបង្កាច់បង្ខូចកិត្តិយស និងកេរ្តិ៍ឈ្មោះរបស់មន្ត្រីមានសមត្ថកិច្ចអនុវត្តច្បាប់ដោយគ្មានភស្តុតាង និងបានថ្កោលទោសចំពោះការប្រព្រឹត្តអំពើខុសច្បាប់៖ ការបរិហារកេរ្តិ៍ជាសាធារណៈ, ការញុះញង់បង្កអំពើហិង្សាបំផ្លិចបំផ្លាញទ្រព្យសម្បត្តិសាធារណៈ និងការធ្វើឱ្យបាត់បង់ធនធានធម្មជាតិរបស់ជាតិកម្ពុជា៕ ប្រភព៖ មន្ទីរបរិស្ថានខេត្តរតនគិរី 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

កម្ពុជានឹងប្រើវិធានការកណ្តាប់ដៃដែក កាត់ផ្តាច់បណ្តាញ និងបញ្ចប់ការឆបោកតាមប្រព័ន្ធបច្ចេកវិទ្យាឱ្យអស់ ដោយមិនទុកច្រកដកដង្ហើមឱ្យក្រុមឧក្រិដ្ឋជនឡើយ —- នេះបើយោងតាមលេខាធិការដ្ឋាននៃគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (គ.ប.ឆ.ប.) និងត្រូវបានផ្សព្វផ្សាយបន្តដោយអ្នកនាំពាក្យក្រសួងព័ត៌មាននៅថ្ងៃទី៦ ខែកញ្ញា ឆ្នាំ២០២៦។ គួរជម្រាបថា នៅព្រឹកថ្ងៃសៅរ៍ ទី៥ ខែកញ្ញា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញចុះពិនិត្យនិងតាមដានវឌ្ឍនភាពដោយផ្ទាល់នៅតាមទីតាំងធ្លាប់មានការប្រព្រឹត្តការឆបោកតាមប្រព័ន្ធបច្ចេកវិទ្យាក្នុងខេត្តកោះកុង។ ខេត្តកោះកុង គឺជាតំបន់ក្តៅ ជាពិសេសតំបន់អភិវឌ្ឍន៍តារាសាគរ ដែលកន្លងមកត្រូវបានក្រុមឧក្រិដ្ឋជនជ្រកកោនកេងបន្លំធ្វើសកម្មភាពឆបោកឆ្លងដែន។ តាម គ.ប.ឆ.ប., ទស្សនកិច្ចរបស់ប្រមុខរាជរដ្ឋាភិបាលនាពេលនេះ គឺជាសារនយោបាយច្បាស់លាស់ទៅកាន់ពិភពលោកថា កម្ពុជាមិនមែន និងមិនដែលអនុញ្ញាតឲ្យទីតាំងណាមួយនៃដែនដីខ្លួន ក្លាយជាជម្រកនៃឧក្រិដ្ឋជនឆបោកអនឡាញឡើយ។ បេសកកម្មចុះត្រួតពិនិត្យដោយផ្ទាល់របស់ប្រមុខរាជរដ្ឋាភិបាលនៅពេលនេះ ក៏ជាសក្ខីកម្មរស់ដែលឆ្លុះបញ្ចាំងពីឆន្ទៈនយោបាយមុះមុតឥតកែប្រែរបស់រាជរដ្ឋាភិបាលកម្ពុជា ក្នុងការការពារអធិបតេយ្យភាព, ស្ដារ និងលើកកម្ពស់កិត្តិយស កិត្យានុភាពជាតិលើឆាកអន្តរជាតិយ៉ាងដាច់ខាត។ គ.ប.ឆ.ប. បានគូសបញ្ជាក់ថា កម្ពុជាមិនត្រឹមតែវាយកម្ទេច ជម្រកចាស់ បំបែក និងកាត់ផ្តាច់បណ្តាញក្រុមឧក្រិដ្ឋជនឲ្យអស់ពីឫសគល់ប៉ុណ្ណោះទេ ប៉ុន្តែបាន និងកំពុងពង្រឹងយន្តការច្បាប់កាន់តែតឹងរ៉ឹង បន្តបោសសម្អាតអំពើល្មើស បង្កើនការគ្រប់គ្រងសន្តិសុខបច្ចេកវិទ្យា និងលើកកម្ពស់កិច្ចសហប្រតិបត្តិការអន្តរជាតិយ៉ាងជិតស្និទ្ធ ដើម្បីធានាឱ្យបានជាដាច់ខាតថាបទល្មើសឆបោកអនឡាញមិនកើតឡើងជាថ្មីឡើយ​។ តាម គ.ប.ឆ.ប. ដដែល, បើទោះបីជាសមត្ថកិច្ចកម្ពុជាបានប្រកាសពីបោសសម្អាតសំបុកឆបោកធំៗចំនួន៨៦ កន្លែង និងបង្រ្កាបចំនួន ៦៦៣ ទីតាំងយ៉ាងណាក្តី ក៏បេសកកម្មនេះមិនទាន់បញ្ចប់ឡើយ ដោយអាជ្ញាធរមានសមត្ថកិច្ចកំពុងបន្តប្រតិបត្តិការស្រាវជ្រាវ តាមដាន និងឆែកឆេរយ៉ាងស្អិតរមួតលើគ្រប់ទីតាំងសង្ស័យទាំងអស់ ដោយមិនទុកឱ្យសល់សូម្បីតែមួយចន្លោះប្រហោងឡើយ។ ទន្ទឹមគ្នានេះ ថវិកាជាង ៣០០លានដុល្លារអាមេរិក ក្នុងគណនីធនាគារត្រូវបានបង្កក រួមទាំងទ្រព្យសម្បត្តិផ្សេងទៀតដែលកំពុងបន្តនីតិវិធីបង្កក និងធ្វើការវាយតម្លៃជាបន្តបន្ទាប់។ បច្ចុប្បន្ន ទីតាំងទាំងនេះត្រូវបានកងកម្លាំងមានសមត្ថកិច្ច និងអាជ្ញាធរដែនដី បិទប្រតិបត្តិការខុសច្បាប់ទាំងស្រុង ដោយមណ្ឌលឆបោកធំៗ និងទីតាំងបណ្តាញតូចតាចទាំងអស់ ត្រូវបានបង្ក្រាប ដកហូតឧបករណ៍បច្ចេកវិទ្យា បិទចោលទាំងស្រុង និងដាក់វិធានការឈានទៅរឹបអូសតាមនីតិវិធីច្បាប់ដោយគ្មានការលើកលែង។ ជាមួយគ្នានេះ ការគ្រប់គ្រងសន្តិសុខពេញលេញត្រូវបានធានា ដោយអាជ្ញាធរបានដាក់ការត្រួតពិនិត្យយ៉ាងម៉ឺងម៉ាត់ ២៤/៧ ដើម្បីធានាថាគ្មានការលួចលាក់បង្កើតឡើងវិញជាដាច់ខាត សំដៅស្តាររូបភាព ជំនឿចិត្តក្នុងការវិនិយោគ ព្រមទាំងធានាបរិយាកាសអាជីវកម្មស្របច្បាប់ ជំរុញសកម្មភាពទេសចរណ៍ និងការអភិវឌ្ឍសេដ្ឋកិច្ចប្រកបដោយចីរភាពសម្រាប់ប្រជាជនមូលដ្ឋាន។ វិធានការច្បាប់ក៏ត្រូវបានអនុវត្តចំពោះមន្ត្រីដែលរកឃើញជាប់ពាក់ព័ន្ធ ក្នុងសំណុំរឿងចំនួន ៤ ទាក់ទិនជនសង្ស័យ ១៥ នាក់ រួមមាន ព្រះរាជអាជ្ញារង, អគ្គនាយករងអន្តោប្រវេសន៍, ស្នងការរងរាជធានីភ្នំពេញ, អតីតអគ្គនាយកនៃក្រសួងការបរទេស ព្រមទាំងមន្ត្រីនគរបាល និងយោធាមួយចំនួនទៀត៕ ប្រភព៖ អ្នកនាំពាក្យក្រសួងព័ត៌មាន 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

🎥ចែករំលែកអំពីច្បាប់ចុងសប្តាហ៍៖ ស្វែងយល់អំពី «បទរៀបចំបង្ហាញភេទ ឬទំនាក់ទំនងខាងផ្លូវភេទដោយមានការចូលរួមរបស់អនីតិជន»

ចែករំលែកអំពីច្បាប់ចុងសប្តាហ៍៖ ស្វែងយល់អំពី «ការបញ្ជូនខ្លួនបុគ្គលដែលត្រូវបានឃាត់ខ្លួន» ——— នៅពេលផុតកំណត់នៃរយៈពេលឃាត់ខ្លួន បុគ្គលដែលត្រូវបានឃាត់ខ្លួននោះត្រូវ ៖ - បញ្ជូនខ្លួនទៅព្រះរាជអាជ្ញា ឬ - ដោះលែងឱ្យមានសេរីភាពឡើងវិញ។ សេចក្តីសម្រេចនេះធ្វើឡើងដោយព្រះរាជអាជ្ញា។ (ប្រភព៖ មាត្រា១០៣ នៃក្រមនីតិវិធីព្រហ្មទណ្ឌ) 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

🎥ចែករំលែកអំពីច្បាប់ចុងសប្តាហ៍៖ ស្វែងយល់អំពី «វិធានការត្រួតពិនិត្យដែលតម្រូវទៅលើទណ្ឌិតនៃការព្យួរទោសសាកល្បង» 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

ចែករំលកអំពីច្បាប់ចុងសប្តាហ៍៖ ស្វែងយល់អំពី «អនីតិជនដែលត្រូវបានឃាត់ខ្លួន» ——— កាលណាបុគ្គលដែលត្រូវបានឃាត់ខ្លួនជាអនីតិជន មន្រ្តីនគរបាលយុត្តិធម៌ត្រូវជូនព័ត៌មានតាមគ្រប់មធ្យោបាយដល់ឪពុក ម្តាយ ដល់អ្នកតំណាងស្របច្បាប់ ឬដល់អ្នកទទួលភារកិច្ចលើអនីតិជននេះ។ (ប្រភព៖ មាត្រា១០០ នៃក្រមនីតិវិធីព្រហ្មទណ្ឌ) 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

🎥 អ្នកកាសែតជនជាតិបារាំង មើលឃើញថា អំពើឃោរឃៅជាច្រើនដែលកងទ័ពថៃបានប្រព្រឹត្តមកកាន់កម្ពុជា អាចរាប់ចូលជាឧក្រិដ្ឋកម្មសង្គ្រាម --- លោក ហ្សង់-លូក ម៉ូរ៉ូ ដេលេរីស (Jean-Luc Moreau Deleris) គឺជាអ្នកកាសែតជនជាតិបារាំង ដែលបានធ្វើដំណើរមកយកព័ត៌មាននៅខ្សែក្រវាត់ព្រំដែនកម្ពុជានិងថៃ កាលពីអំឡុងផ្ទុះប្រដាប់អាវុធ។ លោកបានលើកឡើងថា ក្នុងអំឡុងពេលនោះ លោកបានមើលឃើញពីអំពើឃោរឃៅជាច្រើនដែលប្រព្រឹត្តឡើងដោយកងទ័ពថៃ ដែលលោកចាត់ទុកថាអាចរាប់ចូលជាឧក្រិដ្ឋកម្មសង្គ្រាម។ បច្ចុប្បន្ន រូបថតជាច្រើនសន្លឹកដែលលោកបានផ្ដិតពីហេតុការណ៍ជម្លោះព្រំដែនកម្ពុជា-ថៃ និងដែលធ្លាប់បានផ្សព្វផ្សាយនៅលើកាសែត Le Figaro កំពុងដាក់តាំងបង្ហាញនៅក្នុងពិព័រណ៍រូបថតមួយនៅប្រទេសបារាំង រហូតដល់ថ្ងៃទី១៣ ខែកញ្ញា។ សូមស្ដាប់ចំណាប់អារម្មណ៍របស់លោក ហ្សង់-លូក ម៉ូរ៉ូ ដេលេរីស ទៅលើរូបថតមួយដែលដក់ជាប់ក្នុងចិត្តលោកជាងគេ ដូចតទៅ៖ 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

🌎 ទាំងនេះជាព័ត៌មានសំខាន់ៗជុំវិញពិភពលោក ប្រចាំថ្ងៃទី០៤ ខែកញ្ញានេះ! 📽 សូមចូលលីងនេះ ដើម្បីទស្សនាជាវីដេអូ! 👉 Link 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

សង្ខេបព័ត៌មានអន្តរជាតិសំខាន់ៗ ប្រចាំថ្ងៃទី៤ ខែកញ្ញា ឆ្នាំ២០២៦ ១. សារព័ត៌មានកូរ៉េ៖ កូរ៉េខាងត្បូងគ្រោងពង្រាយកងទ័ព នៅច្រកសមុទ្រហ័រមូស ២. អតីតមន្ត្រីអាមេរិក ជំរុញឱ្យអាមេរិកប្រើកម្លាំងយោធា ទប់ស្កាត់ចិនមិនឱ្យសម្រេចបានបច្ចេកវិទ្យា AGI ៣. មេដឹកនាំវៀតណាម គ្រោងទៅបំពេញទស្សនកិច្ចនៅរុស្ស៊ី បារាំង និងសហរដ្ឋអាមេរិក បន្តបន្ទាប់ក្នុងខែនេះ ៤. រដ្ឋមន្ត្រីការបរទេសនេប៉ាល់៖ នេប៉ាល់នឹងមិនទារសំណងពាក់ព័ន្ធការបម្រែបម្រួលអាកាសធាតុពីប្រទេសចិនទេ -- ១. កូរ៉េខាងត្បូងកំពុងរៀបចំដាក់ពង្រាយកម្លាំងយោធា ដើម្បីគាំទ្រដល់សេរីភាពនៃការធ្វើដំណើររបស់នាវាចរណ៍ នៅច្រកសមុទ្រហ័រមូស ហើយមានគោលបំណងបញ្ជូនកងទ័ពទាំងនោះឱ្យបានមុនដាច់ឆ្នាំនេះ។ នេះបើយោងតាមសេចក្តីរាយការណ៍ព័ត៌មាន ដែលបានដកស្រង់ប្រភពពីរដ្ឋាភិបាល និងយោធា ចេញផ្សាយនាថ្ងៃទី៣ ខែកញ្ញា។ យោងតាមការចុះផ្សាយក្នុងសារព័ត៌មានកូរ៉េខាងត្បូងជាច្រើន កាលពីយប់ថ្ងៃព្រហស្បតិ៍ រដ្ឋាភិបាលកំពុងរៀបចំនីតិវិធី ដើម្បីស្វែងរកការអនុម័តយល់ព្រមពីរដ្ឋសភា សម្រាប់ការដាក់ពង្រាយកងកម្លាំង បន្ទាប់ពីមានការពិនិត្យពីគណៈរដ្ឋមន្ត្រី៕ ប្រភព៖ CNA ២. យោងតាមអតីតមន្ត្រីសេតវិមានម្នាក់បានឱ្យដឹងថា សហរដ្ឋអាមេរិកគួរតែចាប់ផ្តើមរៀបចំសម្រាប់សេណារីយ៉ូ ទាំងឡាយណា ដែលតម្រូវឱ្យប្រើប្រាស់វិធានការម៉ឺងម៉ាត់បំផុត ដើម្បីរារាំងប្រទេសចិន មិនឱ្យនាំមុខលើបច្ចេកវិទ្យាបញ្ញាសិប្បនិម្មិតទូទៅ (AGI) ដោយក្នុងនោះរួមមានទាំងការប្រើប្រាស់ភ្នាក់ងារចារកម្មរបស់រដ្ឋ និងការវាយប្រហារដោយយោធា លើមជ្ឈមណ្ឌលទិន្នន័យរបស់ចិនផង។ គួរជម្រាបថា AGI គឺជាបច្ចេកវិទ្យាបញ្ញាសិប្បនិម្មិតមួយ ដែលមានកម្រិតសមត្ថភាពដូចមនុស្ស លើការងារចម្រុះជាច្រើន។ សេចក្តីរាយការណ៍ ដែលមានចំណងជើងថា «មហាអំណាច និង AGI» បានពន្យល់អំពីរបៀប ដែលវត្តមាននៃបច្ចេកវិទ្យា AGI អាចធ្វើឱ្យប៉ះពាល់ដល់ការប្រកួតប្រជែងភូមិសាស្ត្រនយោបាយរវាងអាមេរិក និងចិន៕ ប្រភព៖ SCMP ៣. មេដឹកនាំវៀតណាម លោក តូ ឡឹម កំពុងរៀបចំផែនការទៅបំពេញទស្សនកិច្ច នៅប្រទេសរុស្ស៊ី បារាំង សហរដ្ឋអាមេរិក និងកាណាដាក្នុងខែនេះ។ បច្ចុប្បន្ន ប្រទេសគ្រប់គ្រងដោយបក្សកុម្មុយនីស្តមួយនេះ កំពុងខិតខំរឹតចំណងទាក់ទងឱ្យកាន់តែស៊ីជម្រៅជាមួយដៃគូសំខាន់ៗ ដើម្បីប្រយុទ្ធប្រឆាំងនឹងភាពមិនប្រាកដប្រជានៃពាណិជ្ជកម្ម ដែលកំពុងគំរាមកំហែងដល់សេដ្ឋកិច្ច ដែលពឹងផ្អែកលើការនាំចេញ។ ទស្សនកិច្ចទាំងនេះ បានធ្វើឱ្យកាលវិភាគក្នុងខែកញ្ញា សម្រាប់មេដឹកនាំរូបនេះ កាន់តែមមាញឹក បូករួមទាំងជំនួបនៅទីក្រុងហាណូយនាចុងសប្តាហ៍នេះ ជាមួយប្រធានាធិបតីមីយ៉ាន់ម៉ា លោក មីន អ៊ុងឡាំង។ កាលពីពេលថ្មីៗនេះ លោកក៏បានទៅទស្សនកិច្ចផ្លូវរដ្ឋ ទៅកាន់ប្រទេសអូស្ត្រាលី និងនូវែលសេឡង់ ដែរ។ មនុស្ស ៣នាក់ ដែលបានដឹងព័ត៌មានអំពីផែនការនេះ បានឱ្យដឹងថា នៅខែតុលា លោក តូ ឡឹម ក៏គ្រោងនឹងត្រឡប់ទៅកាន់អឺរ៉ុបវិញ ដែលនៅទីនោះ លោកអាចនឹងជួបពិភាក្សាជាមួយមេដឹកនាំ សហភាពអឺរ៉ុប នៅទីក្រុងប្រ៊ុចសែល៕ ប្រភព៖ The Straits Times ៤. រដ្ឋមន្ត្រីការបរទេសនេប៉ាល់ លោក Shisir Khanal បានថ្លែងកាលពីថ្ងៃព្រហស្បតិ៍ ទី៣ ខែសីហាថា ប្រទេសនេប៉ាល់គ្មានបំណងទារ «សំណងពាក់ព័ន្ធនឹងបម្រែបម្រួលអាកាសធាតុ» ដាច់ដោយឡែកពីប្រទេសណាមួយឡើយ រាប់បញ្ចូលទាំងប្រទេសចិនផង។ ជាការអះអាងបន្ទាប់ពីប្រទេសនេះ រងគ្រោះធ្ងន់ធរពីទឹកជំនន់ ដោយការបាក់ផ្ទាំងទឹកកក ដែលបណ្តាលឱ្យបាត់បង់ជីវិតមនុស្សរាប់ពាន់នាក់។ តែយ៉ាងណាក៏ដោយ លោករដ្ឋមន្ត្រីរូបនេះ បានបន្ថែមថា នេប៉ាល់នឹងទារសំណងពីសហគមន៍អន្តរជាតិ ក្រោមក្របខណ្ឌនៃអនុសញ្ញាអង្គការសហប្រជាជាតិស្តីពីបម្រែបម្រួលអាកាសធាតុ (UNFCCC) និងកិច្ចព្រមព្រៀងអាកាសធាតុទីក្រុងប៉ារីស។ គិតត្រឹមថ្ងៃពុធ ទី២ ខែកញ្ញា ចំនួនមនុស្សដែលបានបាត់បង់ជីវិតនៅក្នុងប្រទេសនេប៉ាល់ កើនឡើងលើស ១ ២៩០នាក់៕ ប្រភព៖ CGTN https://youtu.be/QyVgUy47GKY 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

អ្នកនាំពាក្យក្រសួងយុត្តិធម៌៖ ករណីបុគ្គលឈ្មោះ ស្លេះ វ៉ើត មិនមែនជារឿងចាប់ច្រលំមនុស្សទេ តែក្រុមប្រឹក្សាជំនុំជម្រះ សម្រេចដោះលែងបុគ្គលនេះវិញ ដោយសារពុំមានភស្តុតាងគ្រប់គ្រាន់ និងរឹងមាំ --- អ្នកនាំពាក្យក្រសួងយុត្តិធម៌ ឯកឧត្តម ឯម ច័ន្ទមករា នៅថ្ងៃទី៤ ខែកញ្ញានេះ បានឱ្យដឹងថា ករណីពាក់ព័ន្ធបុគ្គលឈ្មោះ ស្លេះ វ៉ើត មិនមែនជារឿង "ចាប់ច្រឡំមនុស្ស" នោះទេ បើផ្អែកតាមរបាយការណ៍របស់សាលាដំបូងខេត្តស្ទឹងត្រែង ដែលក្រសួងយុត្តិធម៌ទទួលបាន និងដែលបានបង្ហាញថា គ្រប់នីតិវិធីច្បាប់ត្រូវបានអនុវត្តយ៉ាងត្រឹមត្រូវ។ យ៉ាងណា ក្រុមប្រឹក្សាជំនុំជម្រះបានវាយតម្លៃថា ពុំមានភស្តុតាងគ្រប់គ្រាន់ និងរឹងមាំ ដើម្បីដាក់បន្ទុកផ្តន្ទាទោសលើឈ្មោះ ស្លេះ វ៉ើត នេះនោះទេ ដែលហេតុនេះ ក្រុមប្រឹក្សាជំនុំជម្រះនៃសាលាដំបូងខេត្តស្ទឹងត្រែង បានសម្រេចសេចក្តីឱ្យបុគ្កលឈ្មោះ ស្លេះ វ៉ើត រួចផុតពីបទចោទប្រកាន់ និងទទួលបានសេរីភាពឡើងវិញរួចរាល់ហើយ ក្រោយពីបានបញ្ចប់សវនាការផ្លូវច្បាប់។ ឯកឧត្តម ឯម ច័ន្ទមករា បានគូសបញ្ជាក់ថា ផ្អែកតាមរបាយការណ៍របស់សាលាដំបូងខេត្តស្ទឹងត្រែង, នៅគ្រប់ដំណាក់កាល ទាំងចៅក្រមស៊ើបសួរ និងក្រុមប្រឹក្សាជំនុំជម្រះ, សាមីខ្លួន មិនដែលបានបដិសេធអំពីអត្តសញ្ញាណរបស់ខ្លួនម្តងណាឡើយ គឺបានធ្វើការផ្ទៀងផ្ទាត់អត្តសញ្ញាណជនត្រូវចោទយ៉ាងច្បាស់លាស់មុនពេលសាកសួរ។ នៅក្នុងដំណើរការនីតិវិធីទាំងនោះ ជនជាប់ចោទមិនដែលបានបដិសេធអំពីអត្តសញ្ញាណរបស់ខ្លួន (ថាខ្លួនមិនមែនឈ្មោះ ស្លេះ វ៉ើត នោះទេ) នៅចំពោះមុខស្ថាប័នតុលាការឡើយ ដូច្នេះ តុលាការមានកាតព្វកិច្ចបន្តនីតិវិធីសវនាការស្របតាមច្បាប់។ ឯកឧត្តម បានបញ្ជាក់បន្ថែមថា «ខ្ញុំសូមបញ្ជាក់ឱ្យច្បាស់ថា ផ្អែកតាមរបាយការណ៍របស់សាលាដំបូងខេត្តស្ទឹងត្រែង ការណ៍ដែលតុលាការសម្រេចឱ្យបុគ្គលរូបនេះរួចផុតពីការចោទប្រកាន់ គឺមិនមែនដោយសារតែតុលាការរកឃើញថាមានការចាប់ច្រឡំមនុស្សនោះទេ ប៉ុន្តែដោយសារតែនៅក្នុងសវនាការ ក្រោយពីបានស្តាប់ចម្លើយតទល់ជាមួយសាក្សី ភាគីពាក់ព័ន្ធ និងមេធាវីការពារក្ដី ក្រុមប្រឹក្សាជំនុំជម្រះវាយតម្លៃថា ពុំមានភស្តុតាងគ្រប់គ្រាន់ និងរឹងមាំ ដើម្បីដាក់បន្ទុកផ្តន្ទាទោសលើឈ្មោះ ស្លេះ វ៉ើត ឡើយ ដូច្នេះផ្អែកលើអង្គហេតុ និងអង្គច្បាប់ ទើបក្រុមប្រឹក្សាជំនុំជម្រះ បានសម្រេចសេចក្តីឱ្យរួចផុតពីបទកាប់គាស់ រុករានដីព្រៃ ឆ្ការ ដុត និងឈូសឆាយដីព្រៃដើម្បីយកធ្វើជាកម្មសិទ្ធិ។»។ ឯកឧត្តម បានបន្តថា «ប៉ុន្តែទោះបីជាយ៉ាងណាក៏ដោយ ក្រសួងយុត្តិធម៌នឹងបន្តតាមដានដោយយកចិត្តទុកដាក់ចំពោះករណីនេះ ហើយយន្តការនៃក្រុមអធិការកិច្ចរបស់ក្រសួងនៅតែដំណើរការជាធម្មតាដើម្បីពិនិត្យមើលភាពត្រឹមត្រូវនៃការអនុវត្តិនីតិវិធីចំពោះករណីខាងលើ។»៕ ប្រភព៖ Telegram Channel/ ឯម ច័ន្ទមករា 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

រដ្ឋមន្ត្រីការបរទេសនេប៉ាល់៖ នេប៉ាល់នឹងមិនទារសំណងពាក់ព័ន្ធការបម្រែបម្រួលអាកាសធាតុពីប្រទេសចិនទេ -- រដ្ឋមន្ត្រីការបរទេសនេប៉ាល់ លោក Shisir Khanal បានថ្លែងកាលពីថ្ងៃព្រហស្បតិ៍ ទី៣ ខែសីហាថា ប្រទេសនេប៉ាល់គ្មានបំណងទារ «សំណងពាក់ព័ន្ធនឹងបម្រែបម្រួលអាកាសធាតុ» ដាច់ដោយឡែកពីប្រទេសណាមួយឡើយ រាប់បញ្ចូលទាំងប្រទេសចិនផង។ ជាការអះអាងបន្ទាប់ពីប្រទេសនេះ រងគ្រោះធ្ងន់ធរពីទឹកជំនន់ ដោយការបាក់ផ្ទាំងទឹកកក ដែលបណ្តាលឱ្យបាត់បង់ជីវិតមនុស្សរាប់ពាន់នាក់។ តែយ៉ាងណាក៏ដោយ លោករដ្ឋមន្ត្រីរូបនេះ បានបន្ថែមថា នេប៉ាល់នឹងទារសំណងពីសហគមន៍អន្តរជាតិ ក្រោមក្របខណ្ឌនៃអនុសញ្ញាអង្គការសហប្រជាជាតិស្តីពីបម្រែបម្រួលអាកាសធាតុ (UNFCCC) និងកិច្ចព្រមព្រៀងអាកាសធាតុទីក្រុងប៉ារីស។ លោក Khanal បានប្រាប់អគ្គរដ្ឋទូតចិនប្រចាំប្រទេសនេប៉ាល់ ក្នុងជំនួបមួយថា ប្រទេសនេប៉ាល់សូមសម្តែងនូវការដឹងគុណយ៉ាងជ្រាលជ្រៅ ចំពោះជំនួយដ៏សប្បុរសរបស់ប្រទេសចិនក្នុងអំឡុងពេលមានវិបត្តិ។ លោកបានបន្ថែមថា ប្រទេសនេប៉ាល់ និងចិន មានប្រព័ន្ធអេកូឡូស៊ីធម្មជាតិនៃជួរភ្នំហិម៉ាល័យរួមគ្នា ហើយប្រទេសទាំងពីរ រងឥទ្ធិពលដោយសារការប្រែប្រួលអាកាសធាតុដូចគ្នា ដោយលោកបានបញ្ជាក់ទៀតថា នេប៉ាល់យល់ស្របជាមួយចិនថា ការដោះស្រាយការប្រែប្រួលអាកាសធាតុគឺជាការទទួលខុសត្រូវរួមរបស់សហគមន៍អន្តរជាតិ។ យោងតាមសារព័ត៌មាន CNN គិតត្រឹមថ្ងៃពុធ ទី២ ខែកញ្ញា ចំនួនមនុស្សដែលបានបាត់បង់ជីវិតនៅក្នុងប្រទេសនេប៉ាល់ កើនឡើងលើស ១ ២៩០នាក់ ហើយ។ ចំណែកឯចំនួនអ្នកស្លាប់នៅក្នុងប្រទេសចិនវិញ មានចំនួន ២១នាក់ ខណៈដែលមនុស្សប្រមាណ ៥ ៥០០នាក់ ក្នុងប្រទេសទាំងពីរ នៅតែបន្តបាត់ខ្លួននៅឡើយ៕ ប្រភព៖ CGTN 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

រដ្ឋមន្ត្រីការបរទេសថៃទៅរកម៉ាឡេស៊ីជួយ ពាក់ព័ន្ធនឹងសន្តិសុខព្រំដែនភាគខាងត្បូង -- អគ្គនាយកនៃនាយកដ្ឋានព័ត៌មាន និងជាអ្នកនាំពាក្យក្រសួងការបរទេស បានឱ្យដឹងថា លោក ស៊ីហស័ក្តិ ភួងកេតកែវ រដ្ឋមន្ត្រីការបរទេសថៃ នឹងទៅបំពេញទស្សនកិច្ច នៅប្រទេសម៉ាឡេស៊ី ចាប់ពីថ្ងៃទី៦ ដល់ថ្ងៃទី៧ ខែកញ្ញា ដើម្បីជជែកពីកិច្ចសហប្រតិបត្តិការផ្នែកសន្តិសុខ។ ដំណើរទស្សនកិច្ចនេះ ក៏ធ្វើឡើងដើម្បីបន្តរុញច្រានការងារ ដែលត្រូវបានលើកឡើង ក្នុងអំឡុងពេលដែលលោកនាយករដ្ឋមន្ត្រីថៃ បានអញ្ជើញទៅបំពេញទស្សនកិច្ចផ្លូវការនៅប្រទេសម៉ាឡេស៊ី កាលពីថ្ងៃទី៩ ដល់ថ្ងៃទី១០ ខែកក្កដា និងបានជួបពិភាក្សាជាមួយលោក អានវ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី។ ការពិភាក្សាបានផ្តោតជាសំខាន់លើកិច្ចសហប្រតិបត្តិការផ្នែកសន្តិសុខ និងការអភិវឌ្ឍរួមគ្នា នៅតំបន់ព្រំដែន។ នៅក្នុងដំណើរទស្សនកិច្ចនេះ លោក ស៊ីហស័ក្តិ នឹងអមដំណើរដោយនាយកភ្នាក់ងារស៊ើបការណ៍សម្ងាត់ជាតិថៃ និងជាប្រធានកិច្ចសន្ទនាសន្តិភាព សម្រាប់ខេត្តភាគខាងត្បូងនៃប្រទេសថៃ។ ដំណើរទស្សនកិច្ចនេះ នឹងផ្តល់ឱកាសឱ្យប្រធានដឹកនាំកិច្ចចរចាសន្តិភាពថៃ ណែនាំខ្លួន និងជួបពិភាក្សាជាមួយតំណាងភាគីម៉ាឡេស៊ី ក្នុងគោលបំណងលើកកម្ពស់កិច្ចសហប្រតិបត្តិការបន្ថែមទៀត។ លោក ស៊ីហស័ក្តិ នឹងត្រូវជួបពិភាក្សាជាមួយរដ្ឋមន្ត្រីការបរទេសម៉ាឡេស៊ី ដើម្បីពិភាក្សាអំពីការពង្រឹងសន្តិសុខតាមបណ្តោយព្រំដែន ព្រមទាំងលើកកម្ពស់ការអភិវឌ្ឍ និងការតភ្ជាប់ផ្នែកសេដ្ឋកិច្ច។ គួរជម្រាបជូនថា ដំណើរទស្សនកិច្ចនេះ ក៏កើតមានឡើង ខណៈដែលភាគខាងត្បូងប្រទេសថៃ ដែលជាប់ព្រំដែនម៉ាឡេស៊ី រងការវាយប្រហារដោយហិង្សាជាបន្តបន្ទាប់ បង្កភាពចលលាចល៕ ប្រភព៖ The Star 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

មេដឹកនាំវៀតណាម គ្រោងទៅបំពេញទស្សនកិច្ចនៅរុស្ស៊ី បារាំង និងសហរដ្ឋអាមេរិក បន្តបន្ទាប់ក្នុងខែនេះ -- មេដឹកនាំវៀតណាម លោក តូ ឡឹម កំពុងរៀបចំផែនការទៅបំពេញទស្សនកិច្ច នៅប្រទេសរុស្ស៊ី បារាំង សហរដ្ឋអាមេរិក និងកាណាដាក្នុងខែនេះ។ បច្ចុប្បន្ន ប្រទេសគ្រប់គ្រងដោយបក្សកុម្មុយនីស្តមួយនេះ កំពុងខិតខំរឹតចំណងទាក់ទងឱ្យកាន់តែស៊ីជម្រៅជាមួយដៃគូសំខាន់ៗ ដើម្បីប្រយុទ្ធប្រឆាំងនឹងភាពមិនប្រាកដប្រជានៃពាណិជ្ជកម្ម ដែលកំពុងគំរាមកំហែងដល់សេដ្ឋកិច្ច ដែលពឹងផ្អែកលើការនាំចេញ។ ទស្សនកិច្ចទាំងនេះ បានធ្វើឱ្យកាលវិភាគក្នុងខែកញ្ញា សម្រាប់មេដឹកនាំរូបនេះ កាន់តែមមាញឹក បូករួមទាំងជំនួបនៅទីក្រុងហាណូយនាចុងសប្តាហ៍នេះ ជាមួយប្រធានាធិបតីមីយ៉ាន់ម៉ា លោក មីន អ៊ុងឡាំង។ កាលពីពេលថ្មីៗនេះ លោកក៏បានទៅទស្សនកិច្ចផ្លូវរដ្ឋ ទៅកាន់ប្រទេសអូស្ត្រាលី និងនូវែលសេឡង់ ដែរ។ មនុស្ស ៣នាក់ ដែលបានដឹងព័ត៌មានអំពីផែនការនេះ បានឱ្យដឹងថា នៅខែតុលា លោក តូ ឡឹម ក៏គ្រោងនឹងត្រឡប់ទៅកាន់អឺរ៉ុបវិញ ដែលនៅទីនោះ លោកអាចនឹងជួបពិភាក្សាជាមួយមេដឹកនាំ សហភាពអឺរ៉ុប នៅទីក្រុងប្រ៊ុចសែល។ ក្នុងចំណោមផែនការទស្សនកិច្ចទំាងនេះ គឺមិនទាន់មានការប្រកាសជាផ្លូវការនៅឡើយទេ។ ក្រសួងការបរទេសវៀតណាមមិនបានឆ្លើយតបភ្លាមៗ ចំពោះសំណើសុំការអត្ថាធិប្បាយបន្ថែមនោះទេ។ ប្រភពចំនួនបី បានឱ្យដឹងថា លោក តូ ឡឹម នឹងចាប់ផ្តើមដំណើរកម្សាន្ត នៅប្រទេសរុស្ស៊ីនៅថ្ងៃទី៧ ខែកញ្ញា ដោយជួបជាមួយប្រធានាធិបតី លោក វ្ល៉ាឌីមៀរ ពូទីន មុនពេលធ្វើដំណើរទៅកាន់ប្រទេសបារាំង ដើម្បីជួបលោក អេម៉ានុយអែល ម៉ាក្រុង។ មន្ត្រីម្នាក់ដែលដឹងអំពីទស្សនកិច្ចនៅទីក្រុងម៉ូស្គូ បានលើកឡើងថា ដំណើរទស្សនកិច្ចនេះ មានគោលបំណងកសាងទំនុកចិត្តផ្នែកនយោបាយលើវិស័យនានា រួមទាំងថាមពល ការពារជាតិ និងសន្តិសុខ។ ប្រទេសរុស្ស៊ីនៅតែជាអ្នកផ្គត់ផ្គង់អាវុធលំដាប់កំពូលរបស់វៀតណាម ហើយជាពិសេសពាក់ព័ន្ធនឹងថាមពលនុយក្លេអ៊ែរ និងគម្រោងឧស្ម័ន នៅសមុទ្រចិនខាងត្បូង។ ប្រភពពីរទៀតក៏បានឱ្យដឹងដែរថា នៅប្រទេសបារាំង លោក តូ ឡឹម គ្រោងនឹងចូលរួមកិច្ចប្រជុំកំពូលអវកាសអន្តរជាតិ (International Space Summit) នៅទីក្រុងប៉ារីស ចាប់ពីថ្ងៃទី៩ ដល់ថ្ងៃទី១០ ខែកញ្ញា៕ ប្រភព៖ The Straits Times 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

កម្ពុជាតវ៉ាជាផ្លូវការយ៉ាងខ្លាំងប្រឆាំងនឹងការហោះចូលដោយគ្មានការអនុញ្ញាតនៃឧទ្ធម្ភាគចក្ររបស់កងទ័ពអាកាសថៃចូលក្នុងដែនដីកម្ពុជា --- នៅថ្ងៃទី៤ ខែកញ្ញា ឆ្នាំ២០២៦, ក្រសួងការបរទេសកម្ពុជា បានឱ្យដឹងថា រាជរដ្ឋាភិបាលកម្ពុជា បានតវ៉ាជាផ្លូវការយ៉ាងខ្លាំងប្រឆាំងនឹងការហោះចូលដោយគ្មានការអនុញ្ញាតនៃឧទ្ធម្ភាគចក្ររបស់កងទ័ពអាកាសថៃចូលក្នុងដែនដីកម្ពុជា។ តាមក្រសួងការបរទេស, ទង្វើរំលោភបំពាននេះ កើតឡើងនៅថ្ងៃទី៣ ខែកញ្ញា ឆ្នាំ២០២៦ ដោយឧទ្ធម្ភាគចក្ររបស់យោធាថៃមួយគ្រឿង បានរំលោភបំពានចូលក្នុងដែនអាកាសកម្ពុជា ចម្ងាយ៤០០ម៉ែត្រ នៅជិតច្រកទ្វារព្រំដែនអន្តរជាតិដូង ក្នុងស្រុកកំរៀង ខេត្តបាត់ដំបង។ រាជរដ្ឋាភិបាលកម្ពុជា បានគូសបញ្ជាក់ថា សកម្មភាពនេះរំលោភលើមាត្រា១ នៃអនុសញ្ញាស្តីពីអាកាសចរណ៍ស៊ីវិលអន្តរជាតិ (ទីក្រុងឈីកាហ្គោ ថ្ងៃទី៧ ខែធ្នូ ឆ្នាំ១៩៤៤) ដែលបញ្ជាក់ថា រដ្ឋនីមួយៗមានអធិបតេយ្យពេញលេញ និងផ្តាច់មុខលើដែនអាកាសពីលើដែនដីរបស់ខ្លួន។ មាត្រា៣(គ) នៃអនុសញ្ញាដដែលនេះ ក៏បានហាមឃាត់យន្តហោះរបស់រដ្ឋនីមួយៗមិនឱ្យហោះហើរលើដែនដីរដ្ឋដទៃដោយគ្មានការអនុញ្ញាត និងចំណុចទី៦ នៃ វិធានការបន្ថយភាពតានតឹង ដែលមានចែងក្នុងសេចក្តីប្រកាសរួមនៃកិច្ចប្រជុំពិសេសលើកទី៣ របស់គណៈកម្មាធិការព្រំដែនទូទៅ (GBC) ដែលបានចុះហត្ថលេខានៅថ្ងៃទី២៧ ខែធ្នូ ឆ្នាំ២០២៥។ រាជរដ្ឋាភិបាលកម្ពុជាទាមទារឱ្យថៃបញ្ឈប់ជាបន្ទាន់នូវសកម្មភាពបែបនេះ និងគោរពការប្តេជ្ញាចិត្តរបស់ខ្លួនក្នុងការបន្ធូរបន្ថយស្ថានការណ៍, ជំរុញការទុកចិត្តគ្នាទៅវិញទៅមក, សម្របសម្រួលដល់ការដោះស្រាយជម្លោះដោយសន្តិវិធី សំដៅស្តារសន្តិភាព ស្ថិរភាព និងទំនាក់ទំនងភាពជាអ្នកជិតខាងល្អនៅតាមបណ្តោយព្រំដែន កម្ពុជា-ថៃ៕ ប្រភព៖ ក្រសួងការបរទេសកម្ពុជា 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan