ព្រះខ័ន

🗣ចំនុចមួយចំនួនរួមទាំងការអនុញ្ញាតឱ្យពលរដ្ឋខ្មែរជាង២ម៉ឺននាក់ មានសិទ្ធិត្រឡប់ទៅគេហដ្ឋានរបស់ខ្លួនវិញដោយគ្មានការរារាំង ដែលមានចែងសេចក្ដីប្រកាសរួម ថ្ងៃទី២៧ ខែធ្នូ ឆ្នាំ២០២៥ មិនត្រូវបានថៃអនុវត្តនោះទេ, គណៈកម្មការផ្សះផ្សាក្រោម UNCLOS យល់ពីបញ្ហានេះ និងផ្ដល់សិទ្ធិឱ្យភាគីបន្តនិយាយការពិតទៅកាន់ពិភពលោក…! (ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេសកម្ពុជា, ថ្ងៃទី២០ ខែតុលា ឆ្នាំ២០២៦) 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

🎙 ឯកឧត្តម ប្រាក់ សុខុន រៀបរាប់ពីវិធានការកសាងទំនុកចិត្តដែលត្រូវបានឯកភាព ក្នុងកិច្ចប្រជុំ UNCLOS លើកទី២ រវាងកម្ពុជា-ថៃ --- នេះបើតាមការដកស្រង់ពីកិច្ចសម្ភាសពិសេសរបស់ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ ស្តីពីលទ្ធផលនៃកិច្ចប្រជុំលើកទី២ គណៈកម្មការផ្សះផ្សាក្រោម UNCLOS រវាងកម្ពុជា និងថៃ ថ្ងៃទី២០ ខែតុលា ឆ្នាំ២០២៦។ 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

🎙 ឯកឧត្តម ប្រាក់ សុខុន លើកឡើងពី ៤ ចំណុចធំៗ ដែលកម្ពុជាស្នើសុំទៅគណៈកម្មការផ្សះផ្សាក្រោម UNCLOS --- នេះបើយោងតាមកិច្ចសម្ភាសពិសេសរបស់ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ ស្តីពីលទ្ធផលនៃកិច្ចប្រជុំលើកទី២ គណៈកម្មការផ្សះផ្សាក្រោម UNCLOS រវាងកម្ពុជា និងថៃ ថ្ងៃទី២០ ខែតុលា ឆ្នាំ២០២៦។ ដើម្បីទទួលបានព័ត៌មានឱ្យកាន់តែគ្រប់ជ្រុងជ្រោយ សូមបន្តទស្សនានូវការថ្លែងរបស់ឯកឧត្តម ប្រាក់ សុខុន ស្ដីពីវិធានការកសាងទំនុកចិត្តដែលត្រូវបានឯកភាព ក្នុងកិច្ចប្រជុំ UNCLOS លើកទី២ រវាងកម្ពុជា-ថៃ ដែលយើងនឹងផ្សាយបន្ទាប់ពីវីដេអូនេះ!! 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

🌎 ទាំងនេះជាព័ត៌មានសំខាន់ៗជុំវិញពិភពលោក ប្រចាំថ្ងៃទី២០ ខែតុលានេះ! 📽 សូមចូលលីងនេះ ដើម្បីទស្សនាជាវីដេអូ! 👉 Link 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

សង្ខេបព័ត៌មានអន្តរជាតិសំខាន់ៗ ប្រចាំថ្ងៃទី២០ ខែតុលា ឆ្នាំ២០២៦ ១. អ៊ុយក្រែនចោទអាមេរិកថា មិនឲ្យមីស៊ីលមកប្រើប្រាស់ ខណៈលោក ដូណាល់ ត្រាំ បង្ហើបពីកិច្ចប្រជុំកំពូលដោយគ្មានវត្តមានលោក ហ្សេឡេនស្គី ចូលរួម ២. ការស្ទង់មតិបង្ហាញថា ប្រជាប្រិយភាពរបស់លោក ដូណាល់ ត្រាំ ធ្លាក់ចុះដល់កម្រិតទាបបំផុតត្រឹម៣១% ខណៈការបោះឆ្នោតកណ្តាលអាណត្តិខិតជិតមកដល់ ៣. កូរ៉េខាងជើងព្រមានពីការកើនឡើងភាពតានតឹងតាមព្រំដែនភាគខាងត្បូង ៤. ទីបំផុតទៅបំរាមគោចរបានចូលជាធរមានជុំវិញប្រទេសបារាំង ដើម្បីទប់ស្កាត់ការលួចប្លន់ តាមហាងអាជីវកម្មនានា ៥. ចិនព្រមានពលរដ្ឋរបស់ខ្លួន ពាក់ព័ន្ធនឹងការចាប់ជំរិត និងការងារឆបោកនៅថៃ -- ១. ប្រធានាធិបតីអ៊ុយក្រែន លោក វ៉ូឡូឌីមៀ ហ្សេឡេនស្គី បានចោទប្រកាន់សហរដ្ឋអាមេរិក កាលពីថ្ងៃចន្ទ ទី១៩ ខែតុលា ថាបានពន្យារពេលដោយចេតនាលើការដឹកជញ្ជូនមីស៊ីលការពារដែនអាកាសមកកាន់ប្រទេសខ្លួន ខណៈភាពតានតឹងរវាងក្រុងកៀវ និងវ៉ាស៊ីនតោន បានកើនឡើងជាថ្មី ពាក់ព័ន្ធនឹងជំនួយយោធា និងការចែករំលែកព័ត៌មានសម្ងាត់។ ថ្លែងទៅកាន់សមាជិកព្រឹទ្ធសភាអាមេរិកកាលពីថ្ងៃចន្ទ លោក វ៉ូឡូឌីមៀ ហ្សេឡេនស្គី បានអះអាងថា «មន្ទីរបញ្ចកោណកំពុងពន្យារពេលការបញ្ជូនមីស៊ីលការពារដែនអាកាស» ដែលបានបង់ប្រាក់រួចរាល់ហើយ ដោយបណ្តាប្រទេសអឺរ៉ុប។ មានសេចក្តីរាយការណ៍ថាការដឹកជញ្ជូនគ្រាប់ការពារដែនអាកាសនេះ កំពុងរង់ចាំការចុះហត្ថលេខាពីរដ្ឋមន្ត្រីក្រសួងការពារជាតិអាមេរិក លោក Pete Hegseth។ ជាការកត់សម្គាល់ ទំនាក់ទំនងរវាងរដ្ឋធានីទាំងពីរមានភាពតានតឹង ចាប់តាំងពីលោក ដូណាល់ ត្រាំ បានដកទណ្ឌកម្មដោយផ្នែក ដើម្បីសម្រេចបានកិច្ចព្រមព្រៀងផ្គត់ផ្គង់ប្រេងម៉ាស៊ូតជាមួយ លោក វ្ល៉ាឌីមៀ ពូទីនមក។ បន្ថែមពីនេះ លោក ដូណាល់ ត្រាំ បានរិះគន់លោក វ៉ូឡូឌីមៀ ហ្សេឡេនស្គី ថាជាអ្នកបង្កសង្គ្រាម ជាពិសេសសំដៅលើការវាយប្រហាររបស់អ៊ុយក្រែន លើរោងចក្រចម្រាញ់ប្រេងរបស់រុស្ស៊ី៕ ប្រភព៖ CNA ២. អត្រាគាំទ្រចំពោះប្រធានាធិបតី លោក ដូណាល់ ត្រាំ បានធ្លាក់ចុះដល់កម្រិតទាបបំផុត ខណៈដែលប្រជាជនអាមេរិក មានការព្រួយបារម្ភអំពីតម្លៃប្រេងសាំងខ្ពស់ និងហាក់ដូចជាត្រៀមខ្លួនរួចជាស្រេច ដើម្បីដាក់ទណ្ឌកម្មគណបក្សសាធាណរដ្ឋរបស់លោក ក្នុងការបោះឆ្នោតជ្រើសតាំងសមាជិកសភា នៅថ្ងៃទី៣ ខែវិច្ឆិកា។ នេះបើយោងតាមការស្ទង់មតិរបស់ Reuters/Ipsos ដែលបានបញ្ចប់ កាលពីថ្ងៃចន្ទ ទី១៩ ខែតុលា។ សូមជម្រាបថា ការស្ទង់មតិបែបទូទៅនេះ គឺជាការស្ទង់មតិថ្នាក់ជាតិដែលផ្តល់នូវទស្សនវិស័យទូទៅថាតើគណបក្សមួយណា ដែលអ្នកចូលរួមស្ទង់មតិចង់ឲ្យឈ្នះ ហើយគ្រប់គ្រងនៅក្នុងសភាអាមេរិក តែមិនឆ្លុះបញ្ចាំងទាំងស្រុងទេ។ ប្រជាប្រិយភាពរបស់ ដូណាល់ ត្រាំ បានធ្លាក់ចុះចាប់តាំងពីលោកបានបញ្ជាឱ្យបើកការវាយប្រហារយោធាលើប្រទេសអ៊ីរ៉ង់ កាលពីខែកុម្ភៈ ដោយមានការចូលរួមពីអ៊ីស្រាអែល។ សង្គ្រាមនេះ បានបង្កឱ្យមានការកើនឡើងខ្លាំងនៃតម្លៃសាំង ដែលប៉ះពាល់ដល់ហិរញ្ញវត្ថុគ្រួសារ។ ទន្ទឹមនឹងនេះ ពលរដ្ឋអាមេរិកាំងប្រមាណ ៦៨% មិនយល់ស្របនឹងការគ្រប់គ្រងសេដ្ឋកិច្ចរបស់ លោក ដូណាល់ ត្រាំ នោះទេ រួមទាំង ៣៧% នៃអ្នកដែលកំណត់អត្តសញ្ញាណខ្លួនឯងថាជាសមាជិកបក្សសាធារណរដ្ឋផង៕ ប្រភព៖ Reuters   ៣. ប្អូនស្រីដ៏មានឥទ្ធិពលរបស់មេដឹកនាំកូរ៉េខាងជើង បានថ្លែងថា «ស្ថានការណ៍ធ្ងន់ធ្ងរកំពុងតែកើតមានឡើង» តាមបណ្តោយព្រំដែនភាគខាងត្បូង។ នេះបើយោងតាមប្រព័ន្ធផ្សព្វផ្សាយរដ្ឋ ហើយទីក្រុងព្យុងយ៉ាង កំពុងពិចារណាដាក់ពង្រាយមធ្យោបាយវាយប្រហារតាមបែបយុទ្ធសាស្ត្របន្ថែមទៀត ទៅកាន់តំបន់នោះ។ សេចក្តីប្រកាសកាលពីម្សិលមិញនេះ បានធ្វើឡើងចំពេលមានភាពតានតឹងកាន់តែខ្លាំងឡើង រវាងប្រទេសកូរ៉េទាំងពីរ ខណៈដែលកូរ៉េខាងជើងដែលមានអាវុធនុយក្លេអ៊ែរ បាននិងកំពុង បង្កើនការធ្វើតេស្តអាវុធក្នុងរយៈពេលប៉ុន្មានថ្ងៃថ្មីៗនេះ។ ការសាកល្បង ទាំងនោះរួមមានទាំងប្រព័ន្ធគ្រាប់ តូពីដូ«ប្រភេទថ្មី» ដែលប្រើប្រាស់បញ្ញាសិប្បនិម្មិត ដើម្បីស្វែងរក និងកំណត់គោលដៅ។ លោកស្រីបានព្រមានថា ប្រសិនបើសកម្មភាពទាំងនោះ នៅតែបន្តទៀតនោះ «ទីក្រុងសេអ៊ូល ប្រាកដជាត្រូវស្តាយក្រោយ និងប្រឈមមុខនឹងគ្រោះថ្នាក់ដ៏គួរឱ្យខ្លាច ដែលមិនអាចគ្រប់គ្រងបាន»៕ ប្រភព៖ The Star - AFP   ៤. បំរាមគោចរត្រូវបានដាក់ឱ្យអនុវត្ត នៅតាមតំបន់ដែលត្រូវបានកំណត់មួយចំនួន តាមបណ្តាទីក្រុងនានា ក្នុងប្រទេសបារាំង ក្នុងនោះរួមមានទាំងប៉ារីស(Paris), បរដូ(Bordeaux), នីស(Nice) និងលីយ៉ុង(Lyon)ផង។ វិធានការទាំងនេះ មានគោលបំណងការពារ «ប្រជាជន និងទ្រព្យសម្បត្តិពីអំពើហិង្សា និងការលួចប្លន់»។ នេះបើយោងតាមសេចក្តីថ្លែងការណ៍របស់ប៉ូលិសទីក្រុងប៉ារីស។ នាយករដ្ឋមន្ត្រីបារាំង លោក សេបាស្ទៀន ឡឺកូនុ (Sebastien Lecornu) បានថ្លែងថា បម្រាមគោចរបន្ថែមទៀត នឹងត្រូវបានប្រកាសនៅល្ងាចថ្ងៃអង្គារនេះ នៅតាមទីតាំងណាដែលចាំបាច់៕ ប្រភព៖ France24 ៥. នៅលើគណនី WeChat ផ្លូវការរបស់ខ្លួនកាលពីថ្ងៃទី១៦ ខែតុលា, ស្ថានទូតចិនប្រចាំប្រទេសថៃ បានចេញសេចក្តីជូនដំណឹងស្តីពីសុវត្ថិភាព ដោយបានព្រមានពលរដ្ឋចិនអំពីការផ្តល់ការងារបោកប្រាស់ និងសង្ស័យពាក់ព័ន្ធនឹងការជួញដូរមនុស្ស។ នេះបើយោងតាមសារព័ត៌មាន Beijing Daily ដែលបានចុះផ្សាយឡើងវិញនូវសេចក្តីជូនដំណឹងនេះ។ ស្ថានទូតចិនក៏បានព្រមានដល់សិល្បករ អ្នកផ្សាយផ្ទាល់ (Livestreamers) និងអ្នកស្វែងរកការងារ ត្រូវពិនិត្យមើលឱ្យបានហ្មត់ចត់ ចំពោះការផ្តល់ជូនប្រាក់ខែខ្ពស់ និងការអញ្ជើញឱ្យថតកុន ឬការសម្តែងផ្សេងៗ។ ស្ថានទូតបានផ្តល់ដំបូន្មានដល់អ្នកធ្វើដំណើរឱ្យប្រើប្រាស់មធ្យោបាយធ្វើដំណើរ ដែលមានអាជ្ញាប័ណ្ណត្រឹមត្រូវ, ប្រុងប្រយ័ត្នចំពោះការជិះឡានឥតគិតថ្លៃ, បដិសេធរាល់ការផ្លាស់ប្តូរផ្លូវ ឬគោលដៅ ដែលគួរឱ្យសង្ស័យ និងត្រូវរក្សាទំនាក់ទំនង ឬជូនដំណឹងដល់ក្រុមគ្រួសារអំពីទីតាំង ដែលខ្លួនកំពុងស្ថិតនៅ៕ ប្រភព៖ Thai Enquirer https://youtu.be/N3deGn4EoF8?si=Wqw3LfJeef1v14Qc 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

សង្ខេបព័ត៌មានជាតិសំខាន់ៗប្រចាំថ្ងៃទី២០ ខែតុលា ឆ្នាំ២០២៦ ១. ប្រធានគណៈកម្មការផ្សះផ្សា ក្រោម UNCLOS បង្ហាញប្រតិកម្មវិជ្ជមានចំពោះវឌ្ឍនភាពដែលកម្ពុជា-ថៃ សម្រេចបាន ក្រោយកិច្ចចរចាចំនួន២លើក ២.​ សម្ដេច​សភាធិបតី ឃួន សុដារី៖ យើង​មិន​អាច​ឱ្យ​បាត់បង់​ទឹក​ដី​ដោយ​មូលហេតុ​ស្រឡាញ់​សន្តិភាព​ឡើយ​ ៣. កម្ពុជា-ហ្វីលីពីន ជំរុញកិច្ចសហប្រតិបត្តិការរវាងកងទ័ពឱ្យកាន់តែស៊ីជម្រៅ ឈានទៅចុះហត្ថលេខាកងទ័ពជើងទឹក និងអាកាស ៤. អ្នកនាំពាក្យកងរាជអាវុធហត្ថ៖ ការបញ្ជូនជនសង្ស័យលួចជ័រកៅស៊ូ ទៅតុលាការជាការអនុវត្តច្បាប់ ៥. កម្ពុជា​បំបែក​កំណត់ត្រានាំចេញ​អង្ករ ​១​លានតោន ជាផ្លូវការ ក្រោយរង់ចាំអស់១៦ឆ្នាំ --- ១. លោកស្រី Katrina Cooper ប្រធានគណៈកម្មការផ្សះផ្សា ក្រោមអនុសញ្ញាអង្គការសហប្រជាជាតិស្ដីពីនីតិសមុទ្រហៅកាត់ថា UNCLOS រវាងកម្ពុជា-ថៃ បានបង្ហាញប្រតិកម្មវិជ្ជមានចំពោះវឌ្ឍនភាពដែលកម្ពុជា-ថៃ សម្រេចបាន ក្រោយកិច្ចចរចាចំនួន២លើក។ នេះបើយោងតាមសេចក្ដីប្រកាសព័ត៌មានរបស់តុលាការមជ្ឈត្តការអចិន្ត្រៃយ៍ (Permanent Court of Arbitration - PCA) ចេញផ្សាយនៅថ្ងៃទី១៩ ខែតុលា ឆ្នាំ២០២៦។ ទន្ទឹមនឹងនេះ លោកស្រីបានស្វាគមន៍ជាពិសេសចំពោះវិធានការកសាងទំនុកចិត្ត ដែលលោកស្រីចាត់ទុកថាជាសមិទ្ធផលដ៏សំខាន់មួយ ពោលជាលទ្ធផលជាក់ស្តែងដំបូងនៃដំណើរការផ្សះផ្សានេះ ចាប់តាំងពីការបង្កើតគណៈកម្មការមក។ កិច្ចប្រជុំ UNCLOS លើកទី៣ ជាមួយកម្ពុជា និងថៃ នឹងធ្វើឡើងចាប់ពីថ្ងៃទី២៤ ដល់ថ្ងៃទី២៧ ខែវិច្ឆិកា ឆ្នាំ២០២៦ នៅទីក្រុងគូឡាឡាំពួ ប្រទេសម៉ាឡេស៊ី៕ ប្រភព៖ ព្រះខ័ន   ២. ​ប្រធាន​សភា​កម្ពុជា​ សម្ដេច​សភាធិបតី ឃួន សុដារី មាន​ប្រសាសន៍​ថា​កម្ពុជា​នៅ​តែ​បន្ត​ដោះស្រាយ​បញ្ហា​ព្រំដែន​ជាមួយ​ថៃ​ដោយ​ប្រើប្រាស់​យន្ត​ការ​សន្តិវិធី និងច្បាប់​អន្តរជាតិ ដើម្បី​ការពារ​ និង​ទាមទារ​ទឹក​ដី​មក​វិញ​។ សម្ដេច​បាន​បញ្ជាក់​ថា​ កម្ពុជា​មិន​ព្រម​ឱ្យ​​បាត់​បង់​ទឹក​ដី​ដោយ​សារ​តែ​មូល​ហេតុ​ស្រឡាញ់​សន្តិភាព​នោះ​ទេ​។ ​ការ​លើក​ឡើង​របស់​សម្ដេច​បែប​នេះ​គឺ​ក្នុង​ពេល​ដែល​សម្ដេច​មាន​ជំនួប​ជាមួយ​រដ្ឋមន្ត្រីការបរទេសក្រូអាស៊ី លោក Gordan Grlic Radman នៅ​វិមាន​សភា​កម្ពុជា​ ព្រឹក​ថ្ងៃ​ទី​២០ ខែ​តុលា ឆ្នាំ​២០២៦​នេះ​។ ក្នុង​ឱកាស​នោះ​ដែរ​ រដ្ឋមន្ត្រីការបរទេស​នៃប្រទេស​ក្រូអាស៊ី លោក Gordan Grlic Radman ក៏​បាន​លើក​ឡើង​ពី​សមាន​ចិត្ត​ចំពោះ​កម្ពុជា​ដោយ​បាន​គាំទ្រ​ចំពោះ​ការ​ប្រើប្រាស់​យន្ត​ការ​ច្បាប់​អន្តរជាតិ​ដោយ​កម្ពុជា​ក្នុង​ការ​ដោះស្រាយ​បញ្ហា​ប្រឈម។ លោក​បន្ថែម​ថា ​សាធារណរដ្ឋ​ក្រូអាស៊ី​ធ្លាប់​ឆ្លង​កាត់​នូវ​សង្គ្រាម​ដូច​កម្ពុជា គឺ​យល់​ពី​អ្វី​ដែល​កម្ពុជា​ធ្លាប់​និង​កំពុង​ឆ្លង​កាត់៕ ប្រភព៖ កម្ពុជាថ្មី   ៣. កម្ពុជា-ហ្វីលីពីន បានបង្ហាញការពេញចិត្ត និងវាយតម្លៃខ្ពស់ចំពោះវឌ្ឍនភាពនៃទំនាក់ទំនង និងកិច្ចសហប្រតិបត្តិការក្នុងវិស័យការពារជាតិ ព្រមទាំងឯកភាពជំរុញកិច្ចសហប្រតិបត្តិការយោធាឱ្យកាន់តែស៊ីជម្រៅ ដើម្បីឈានទៅចុះហត្ថលេខាលើកិច្ចព្រមព្រៀងសហប្រតិបត្តិការរវាងកងទ័ពជើងទឹក និងកងទ័ពអាកាសនៃប្រទេសទាំងពីរ។ ការឯកភាពនេះ ធ្វើឡើងនាឱកាសសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា អនុញ្ញាតជូនលោក Antonio G Natarrete នាយសេនាធិការកងទ័ពហ្វីលីពីន និងគណៈប្រតិភូ ចូលជួបសម្តែងការគួរសម និងពិភាក្សាការងារ នៅវិមានសន្តិភាព នាថ្ងៃទី២០ ខែតុលា ឆ្នាំ២០២៦៕ ប្រភព៖ សម្ដេចធិបតី ហ៊ុន ម៉ាណែត   ៤. អ្នកនាំពាក្យកងរាជអាវុធហត្ថលើផ្ទៃប្រទេស បានគូសបញ្ជាក់ថា ការអនុវត្តតួនាទី ភារកិច្ចរបស់កងរាជអាវុធហត្ថខេត្តក្រចេះ ពាក់ព័ន្ធទៅនឹងករណីជនសង្ស័យម្នាក់ ដែលលួចជ័រកៅស៊ូនៅខេត្តក្រចេះ គឺអនុវត្តត្រឹមត្រូវតាមនីតិវិធីស្របច្បាប់ មិនដូចការផ្សព្វផ្សាយបង្ហោះក្នុងបណ្ដាញសង្គម កាលពីថ្ងៃទី១៤ ខែតុលា ឆ្នាំ២០២៦ នោះទេ។ បើតាមសេចក្ដីប្រកាសព័ត៌មានរបស់អ្នកនាំពាក្យកងរាជអាវុធហត្ថលើផ្ទៃប្រទេស ​ជនសង្ស័យត្រូវបានតំណាងក្រុមហ៊ុនជាអ្នកចាប់ជនសង្ស័យ ហើយបញ្ជូន​ទៅកងរាជអាវុធហត្ថខេត្តក្រចេះ។ ការចាប់ខ្លួននេះ ធ្វើឡើង កាលពីថ្ងៃទី៦ខែតុលា ជាមួយនឹង​វត្ថុតាងម៉ូតូ១គ្រឿង ជាមួយជ័រកៅស៊ូចំនួន ៣ការ៉ុង ស្មើ​ប្រមាណ ១៥០ គីឡូក្រាម។ ក្រោយមកកងរាជអាវុធហត្ថខេត្តក្រចេះ បានបន្តនីតិវិធីកសាងសំណុំរឿងបញ្ជូនទៅតុលាការ។ នៅថ្ងៃទី៨ ខែតុលា ចៅក្រមស៊ើបសួរនៃសាលាដំបូងខេត្តក្រចេះ ក៏ចេញដីកាបង្គាប់ឱ្យឃុំខ្លួនជនសង្ស័យនៅពន្ធនាគារខេត្តក្រចេះ។ ករណីនេះ មន្ត្រីអាវុធហត្ថក៏បានពន្យល់ និងបង្ហាញភស្តុតាង ទៅភាគីពាក់ព័ន្ធដែលយល់ច្រឡំពីការអនុវត្តតួនាទីរបស់កម្លាំងអាវុធហត្ថ ហើយភាគីពាក់ព័ន្ធក៏បានយល់ និងធ្វើកិច្ចសន្យាទទួលស្គាល់​ផងដែរ៕  ប្រភព៖ អ្នកនាំពាក្យកងរាជអាវុធហត្ថលើផ្ទៃប្រទេស   ៥. បន្ទាប់ពីពុះពារជំរុញអស់រយៈពេល ១៦ឆ្នាំ ទីបំផុតកម្ពុជាបានបង្កើតកំណត់ត្រាប្រវត្តិសាស្ត្រជាលើកដំបូង ដោយនាំចេញអង្ករ ១លានតោនទៅកាន់ទីផ្សារអន្តរជាតិ។ រដ្ឋាភិបាលកម្ពុជា បានដាក់ចេញគោលនយោបាយជំរុញ «ការនាំចេញអង្ករឱ្យបាន ១លានតោន» ​តាំងពីឆ្នាំ២០១០មកម្ល៉េះ។ រហូតដល់ថ្ងៃទី១៩ ខែតុលា ឆ្នាំ២០២៦នេះ ទំហំនៃការនាំចេញអង្ករផ្លូវការរបស់កម្ពុជាបានកើនឡើង រហូតដល់ ១ ០១៤ ៤៤២តោន។ នេះបើយោងតាមប្រព័ន្ធទិន្នន័យគ្រឹះភូតគាមអនាម័យជាតិ នៃក្រសួងកសិកម្ម រុក្ខាប្រមាញ់ និងនេសាទ។ បើតាមលោកប្រធានសហព័ន្ធស្រូវអង្ករ លោកឡាយ ឈុនហួ គោលដៅនាំចេញអង្ករ ១លានតោននេះ មិនមែនសម្រាប់តែរយៈពេលមួយឆ្នាំនោះទេ ប៉ុន្តែជាការបង្កើតឱ្យមាននិរន្តរភាព និងស្ថិរភាពរយៈពេលវែង៕ ប្រភព៖ ថ្មីៗ https://youtu.be/FRaJai2QzbE 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

🗣តបទៅកាន់ភាគីថៃ, ឯកឧត្តម ប្រាក់ សុខុនថា កម្ពុជាមិនមានការចាំបាច់ដើរតួជាអ្នករងគ្រោះទេ ពីព្រោះកម្ពុជាជាអ្នករងគ្រោះស្រាប់ទៅហើយ --- ចំពោះសុន្ទរកថាបើកក្នុងកិច្ចប្រជុំ UNCLOS លើកទី១ របស់លោក Sihasak Phuangketkeow ដែលចោទថា «កម្ពុជាដើរតួជាជនរងគ្រោះ», ឯកឧត្តម ប្រាក់ សុខុន រដ្ឋមន្រ្តីក្រសួងការបរទេសកម្ពុជា នៅថ្ងៃទី២០ ខែតុលា ឆ្នាំ២០២៦នេះ បានឆ្លើយតបយ៉ាងសាមញ្ញវិញថា «កម្ពុជាមិនមានការចាំបាច់ដើរតួជាអ្នករងគ្រោះទេ ពីព្រោះយើងជាអ្នករងគ្រោះស្រាប់ទៅហើយ»។ 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

កិច្ចសម្ភាសន៍ពិសេសរបស់ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ ស្តីពីលទ្ធផលនៃកិច្ចប្រជុំលើកទី២ គណៈកម្មការផ្សះផ្សាក្រោម UNCLOS រវាងកម្ពុជា និងថៃ Special Interview by His Excellency Deputy Prime Minister PRAK Sokhonn, Minister of Foreign Affairs and International Cooperation, on the Outcomes of the 2nd Meeting of Conciliation Commission under UNCLOS between Cambodia and Thailand

អ៊ុយក្រែនចោទអាមេរិកថា មិនឲ្យមីស៊ីលមកប្រើប្រាស់ ខណៈលោក ដូណាល់ ត្រាំ បង្ហើបពីកិច្ចប្រជុំកំពូលដោយគ្មានវត្តមានលោក ហ្សេឡេនស្គី ចូលរួម -- ប្រធានាធិបតីអ៊ុយក្រែន លោក វ៉ូឡូឌីមៀ ហ្សេឡេនស្គី បានចោទប្រកាន់សហរដ្ឋអាមេរិក កាលពីថ្ងៃចន្ទ ទី១៩ ខែតុលា ថាបានពន្យារពេលដោយចេតនាលើការដឹកជញ្ជូនមីស៊ីលការពារដែនអាកាសមកកាន់ប្រទេសខ្លួន ខណៈភាពតានតឹងរវាងក្រុងកៀវ និងវ៉ាស៊ីនតោន បានកើនឡើងជាថ្មី ពាក់ព័ន្ធនឹងជំនួយយោធា និងការចែករំលែកព័ត៌មានសម្ងាត់។ ថ្លែងទៅកាន់សមាជិកព្រឹទ្ធសភាអាមេរិកកាលពីថ្ងៃចន្ទ លោក វ៉ូឡូឌីមៀ ហ្សេឡេនស្គី បានអះអាងថា «មន្ទីរបញ្ចកោណកំពុងពន្យារពេលការបញ្ជូនមីស៊ីលការពារដែនអាកាស» ដែលបានបង់ប្រាក់រួចរាល់ហើយ ដោយបណ្តាប្រទេសអឺរ៉ុប។ មានសេចក្តីរាយការណ៍ថាការដឹកជញ្ជូនគ្រាប់ការពារដែនអាកាសនេះ កំពុងរង់ចាំការចុះហត្ថលេខាពីរដ្ឋមន្ត្រីក្រសួងការពារជាតិអាមេរិក លោក Pete Hegseth។ លោកក៏បានលើកឡើងដែរថា បណ្តាប្រទេសអឺរ៉ុបមួយចំនួន បានត្រៀមខ្លួនរួចជាស្រេចក្នុងការបញ្ជូនមីស៊ីលការពារដែនអាកាស (Patriot) ពីឃ្លាំងស្តុកផ្ទាល់ខ្លួនរបស់ពួកគេ ប៉ុន្តែនៅតែរង់ចាំការអនុម័តពីសហរដ្ឋអាមេរិក។ ជាការកត់សម្គាល់ ទំនាក់ទំនងរវាងរដ្ឋធានីទាំងពីរមានភាពតានតឹង ចាប់តាំងពីលោក ដូណាល់ ត្រាំ បានដកទណ្ឌកម្មដោយផ្នែក ដើម្បីសម្រេចបានកិច្ចព្រមព្រៀងផ្គត់ផ្គង់ប្រេងម៉ាស៊ូតជាមួយ លោក វ្ល៉ាឌីមៀ ពូទីនមក។ បន្ថែមពីនេះ លោក ដូណាល់ ត្រាំ បានរិះគន់លោក វ៉ូឡូឌីមៀ ហ្សេឡេនស្គី ថាជាអ្នកបង្កសង្គ្រាម ជាពិសេសសំដៅលើការវាយប្រហាររបស់អ៊ុយក្រែន លើរោងចក្រចម្រាញ់ប្រេងរបស់រុស្ស៊ី៕ ប្រភព៖ CNA 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

🎥ប្រធានគណៈកម្មការផ្សះផ្សា ក្រោម UNCLOS បង្ហាញប្រតិកម្មវិជ្ជមានចំពោះវឌ្ឍនភាពដែលកម្ពុជា-ថៃ សម្រេចបាន ក្រោយកិច្ចចរចាចំនួន២លើក --- លោកស្រី Katrina Cooper ប្រធានគណៈកម្មការផ្សះផ្សា ក្រោមអនុសញ្ញាអង្គការសហប្រជាជាតិស្ដីពីនីតិសមុទ្រហៅកាត់ថា UNCLOS រវាងកម្ពុជា-ថៃ បានបង្ហាញប្រតិកម្មវិជ្ជមានចំពោះវឌ្ឍនភាពដែលកម្ពុជា-ថៃ សម្រេចបាន ក្រោយកិច្ចចរចាចំនួន២លើក។ នេះបើយោងតាមសេចក្ដីប្រកាសព័ត៌មានរបស់តុលាការមជ្ឈត្តការអចិន្ត្រៃយ៍ (Permanent Court of Arbitration - PCA) ចេញផ្សាយនៅថ្ងៃទី១៩ ខែតុលា ឆ្នាំ២០២៦។ ទន្ទឹមនឹងនេះ លោកស្រីបានស្វាគមន៍ជាពិសេសចំពោះវិធានការកសាងទំនុកចិត្ត ដែលលោកស្រីចាត់ទុកថាជាសមិទ្ធផលដ៏សំខាន់មួយ ពោលជាលទ្ធផលជាក់ស្តែងដំបូងនៃដំណើរការផ្សះផ្សានេះ ចាប់តាំងពីការបង្កើតគណៈកម្មការមក។ គួរបញ្ជាក់ថា គណៈកម្មការផ្សះផ្សា ដែលត្រូវបានបង្កើតឡើងក្រោមឧបសម្ព័ន្ធទី៥ នៃអនុសញ្ញាអង្គការសហប្រជាជាតិស្តីពីនីតិសមុទ្រ (UNCLOS) បានបញ្ចប់សំណុំវិធានការកសាងទំនុកចិត្តរវាងកម្ពុជា និងថៃ នៅក្នុងកិច្ចប្រជុំលើកទីពីរ នៅទីក្រុងឡាអេ ប្រទេសហូឡង់។ កិច្ចប្រជុំ UNCLOS លើកទី៣ ជាមួយកម្ពុជា និងថៃ នឹងធ្វើឡើងចាប់ពីថ្ងៃទី២៤ ដល់ថ្ងៃទី២៧ ខែវិច្ឆិកា ឆ្នាំ២០២៦ នៅទីក្រុងគូឡាឡាំពួ ប្រទេសម៉ាឡេស៊ី៕ 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

កូរ៉េខាងជើងព្រមានពីការកើនឡើងភាពតានតឹងតាមព្រំដែនភាគខាងត្បូង -- ប្អូនស្រីដ៏មានឥទ្ធិពលរបស់មេដឹកនាំកូរ៉េខាងជើង បានថ្លែងថា «ស្ថានការណ៍ធ្ងន់ធ្ងរកំពុងតែកើតមានឡើង» តាមបណ្តោយព្រំដែនភាគខាងត្បូង។ នេះបើយោងតាមប្រព័ន្ធផ្សព្វផ្សាយរដ្ឋ ហើយទីក្រុងព្យុងយ៉ាង កំពុងពិចារណាដាក់ពង្រាយមធ្យោបាយវាយប្រហារតាមបែបយុទ្ធសាស្ត្របន្ថែមទៀត ទៅកាន់តំបន់នោះ។ សេចក្តីប្រកាសកាលពីម្សិលមិញនេះ បានធ្វើឡើងចំពេលមានភាពតានតឹងកាន់តែខ្លាំងឡើង រវាងប្រទេសកូរ៉េទាំងពីរ ខណៈដែលកូរ៉េខាងជើងដែលមានអាវុធនុយក្លេអ៊ែរ បាននិងកំពុង បង្កើនការធ្វើតេស្តអាវុធក្នុងរយៈពេលប៉ុន្មានថ្ងៃថ្មីៗនេះ។ ការសាកល្បងទាំងនោះរួមមានទាំងប្រព័ន្ធគ្រាប់ តូពីដូ«ប្រភេទថ្មី» ដែលប្រើប្រាស់បញ្ញាសិប្បនិម្មិត ដើម្បីស្វែងរក និងកំណត់គោលដៅ។ «ឥឡូវនេះ ស្ថានភាពនៃព្រំដែនភាគខាងត្បូង គឺមានការប្រែប្រួលខ្លាំងណាស់»។ នេះជាការលើកឡើងរបស់លោកស្រី គីម យ៉ូចុង ប្អូនស្រីរបស់មេដឹកនាំកូរ៉េខាងជើង លោក គីម ជុងអ៊ុន។ លោកស្រីបានលើកឡើងនៅក្នុងសេចក្តីថ្លែងការណ៍មួយ ដែលត្រូវបានផ្សព្វផ្សាយដោយទីភ្នាក់ងារសារព័ត៌មានកណ្តាលកូរ៉េថា «ស្ថានភាពដ៏ធ្ងន់ធ្ងរកំពុងតែកើតមានឡើងតាមបណ្តោយព្រំដែនភាគខាងត្បូង ដោយសារតែឥរិយាបថដ៏ធ្វេសប្រហែសរបស់ក្រុមយោធាកូរ៉េខាងត្បូង»។ ស្ថានការណ៍ឡើងកម្តៅទាំងនោះ ដែលបើតាមការអះអាងរបស់ លោកស្រី គឺរួមមាន ការបាញ់គ្រាប់កាំភ្លើងព្រមានរបស់កូរ៉េខាងត្បូង, ការចាក់សំឡេងឃោសនា និងរឿងផ្ទុះមីន ជាដើម។ លោកស្រី គីម យ៉ូចុង បានបញ្ជាក់ថា ហេតុការណ៍ទាំងនោះបាន «ឈានហួសបន្ទាត់ក្រហមបាត់ទៅហើយ»។ លោកស្រី គីម យ៉ូចុង ក៏បានបន្ថែមដែរថា ភាគីខាងជើងកំពុងពិចារណាឡើងវិញលើ «ការចាក់ផ្សាយសំឡេងប្រឆាំងនឹងយោធាកូរ៉េខាងត្បូង និងកំពុងពិចារណាលើវិធានការចាំបាច់ និងសមស្របផ្សេងៗទៀត»។ លោកស្រីបានព្រមានថា ប្រសិនបើសកម្មភាពទាំងនោះ នៅតែបន្តទៀតនោះ «ទីក្រុងសេអ៊ូល ប្រាកដជាត្រូវស្តាយក្រោយ និងប្រឈមមុខនឹងគ្រោះថ្នាក់ដ៏គួរឱ្យខ្លាច ដែលមិនអាចគ្រប់គ្រងបាន»៕ ប្រភព៖ The Star - AFP 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

ទីបំផុត!បំរាមគោចរត្រូវបានប្រកាសនៅប៉ារីស និងទីក្រុងមួយចំនួនទៀត ដើម្បីទប់ស្កាត់ការលួចប្លន់ តាមហាងអាជីវកម្មនានា -- បំរាមគោចរត្រូវបានដាក់ឱ្យអនុវត្ត នៅតាមតំបន់ដែលត្រូវបានកំណត់មួយចំនួន តាមបណ្តាទីក្រុងនានា ក្នុងប្រទេសបារាំង ក្នុងនោះរួមមានទាំងប៉ារីស(Paris), បរដូ(Bordeaux), នីស(Nice) និងលីយ៉ុង(Lyon)ផង។ វិធានការទាំងនេះ មានគោលបំណងការពារ «ប្រជាជន និងទ្រព្យសម្បត្តិពីអំពើហិង្សា និងការលួចប្លន់»។ នេះបើយោងតាមសេចក្តីថ្លែងការណ៍របស់ប៉ូលិសទីក្រុងប៉ារីស។ ប៉ូលិសទីក្រុងប៉ារីស បានប្រកាសដាក់បម្រាមគោចរពេលយប់ កាលពីថ្ងៃចន្ទទី១៩ ខែតុលា នៅតំបន់ពីរនៅក្នុងទីក្រុងប៉ារីស បន្ទាប់ពីតំបន់នោះបានរងគ្រោះដោយអំពើហិង្សាដ៏អាក្រក់បំផុត ដែលមិនធ្លាប់មាននារយៈពេលជាច្រើនឆ្នាំមកនេះ។ តំបន់ទាំងពីរ គឺទីលានរ៉េពុប្លិក (Place de la République) និងសង្កាត់ទិញ-លក់ទំនិញ លេ អាល់ (Les Halles) ដែលជាកន្លែងកើតមានអំពើចលាចលកាលពីថ្ងៃសៅរ៍។ បំរាមគោចរនឹងត្រូវអនុវត្តចាប់ពីម៉ោង ១១យប់ ថ្ងៃចន្ទ រហូតដល់ម៉ោង ៦ព្រឹក ថ្ងៃអង្គារ។ បន្ថែមពីនេះ ការជួបជុំ និងការធ្វើបាតុកម្ម ត្រូវបានហាមឃាត់ចាប់ពីម៉ោង ៨យប់តទៅ។ ចំណែកឯភាគខាងជើងប្រទេសបារាំង អាជ្ញាធរមូលដ្ឋានបានដាក់ចេញបម្រាមគោចរនៅតាមតំបន់ដែលត្រូវបានកំណត់មួយចំនួន ចំពោះអនីតិជនដែលគ្មានអាណាព្យាបាលអមដំណើរ (unaccompanied minors) នៅតាមបណ្តាទីក្រុងជាច្រើន រួមទាំងទីក្រុងលីល(Liile) ផង។ បម្រាមគោចរ នឹងត្រូវអនុវត្តចាប់ផ្តើមពីថ្ងៃចន្ទតទៅ និងសម្រាប់រយៈពេលពីរថ្ងៃបន្ទាប់ ពីម៉ោង ៨យប់ ដល់ម៉ោង ៦ព្រឹក។ រីឯទីក្រុងនីស (Nice) ក៏បានដាក់ចេញបម្រាមគោចរពេលយប់សម្រាប់អនីតិជនដែលគ្មានអាណាព្យាបាលអមដំណើរ (unaccompanied minors) នៅតាមតំបន់ដែលត្រូវបានកំណត់មួយចំនួនផងដែរ ដែលអនុវត្តចាប់ពីម៉ោង ៩យប់ រហូតដល់ម៉ោង ៦ព្រឹក។ នាយករដ្ឋមន្ត្រីបារាំង លោក សេបាស្ទៀន ឡឺកូនុ (Sebastien Lecornu) បានថ្លែងថា បម្រាមគោចរបន្ថែមទៀត នឹងត្រូវបានប្រកាសនៅល្ងាចថ្ងៃអង្គារនេះ នៅតាមទីតាំងណាដែលចាំបាច់៕ ប្រភព៖ French24 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

ការស្ទង់មតិបង្ហាញថា ប្រជាប្រិយភាពរបស់លោក ដូណាល់ ត្រាំ ធ្លាក់ចុះដល់កម្រិតទាបបំផុតត្រឹម៣១% ខណៈការបោះឆ្នោតកណ្តាលអាណត្តិខិតជិតមកដល់ -- អត្រាគាំទ្រចំពោះប្រធានាធិបតី លោក ដូណាល់ ត្រាំ បានធ្លាក់ចុះដល់កម្រិតទាបបំផុត ខណៈដែលប្រជាជនអាមេរិក មានការព្រួយបារម្ភអំពីតម្លៃប្រេងសាំងខ្ពស់ និងហាក់ដូចជាត្រៀមខ្លួនរួចជាស្រេច ដើម្បីដាក់ទណ្ឌកម្មគណបក្សសាធាណរដ្ឋរបស់លោក ក្នុងការបោះឆ្នោតជ្រើសតាំងសមាជិកសភា នៅថ្ងៃទី៣ ខែវិច្ឆិកា។ នេះបើយោងតាមការស្ទង់មតិរបស់ Reuters/Ipsos ដែលបានបញ្ចប់ កាលពីថ្ងៃចន្ទ ទី១៩ ខែតុលា។ ការស្ទង់មតិរយៈពេល៤ថ្ងៃមកនេះ បានបង្ហាញថា ប្រហែល៣១% នៃជនជាតិអាមេរិកគាំទ្រចំពោះការបំពេញការងាររបស់លោក ដូណាល់ ត្រាំ ដែលនេះបានបង្ហាញថាប្រជាប្រិយភាពរបស់លោកបានធ្លាក់ចុះ ១% កាលពី២សប្តាហ៍មុន និងជាកម្រិតទាបបំផុតក្នុងអាណត្តិជាប្រធានាធិបតីលោករាប់ទាំងអាណត្តិទី១ផង។ ប្រសិនបើការបោះឆ្នោតជ្រើសតាំងសមាជិករដ្ឋសភាត្រូវបានធ្វើឡើងនៅថ្ងៃនេះ ប្រហែល ៤៧% នៃអ្នកបោះឆ្នោតដែលបានចូលរួមការស្ទង់មតិទូទាំងប្រទេសបានសម្រេចជ្រើសរើសគណបក្សប្រជាធិបតេយ្យនិង ៣៥% បានជ្រើសរើសគណបក្សសាធារណរដ្ឋ។ ភាពលេចធ្លោ ឬសំឡេងគាំទ្រនាំមុខ ១២%របស់គណបក្សប្រជាធិបតេយ្យនេះ គឺជាកម្រិតខ្ពស់បំផុតមួយនាពេលបច្ចុប្បន្ន ហើយតួលេខនេះអាចជួយបង្កើនក្តីសង្ឃឹមរបស់គណបក្សប្រជាធិបតេយ្យក្នុងការដណ្តើមកាន់កាប់ការគ្រប់គ្រងលើសភាអាមេរិក និងព្រឹទ្ធសភាអាមេរិក។ សម្រាប់គណបក្សសាធាណរដ្ឋវិញ ការបាត់បង់ការគ្រប់គ្រងលើអង្គនីតិប្បញ្ញត្តិទាំងពីរនេះ អាចធ្វើឱ្យរបៀបវារៈនយោបាយរបស់លោក ដូណាល់ ត្រាំ កាន់តែមានភាពស្មុគស្មាញ ក្នុងអំឡុងពេលពីរឆ្នាំចុងក្រោយនៃអាណត្តិរបស់លោក។ សូមជម្រាបថា ការស្ទង់មតិបែបទូទៅនេះ គឺជាការស្ទង់មតិថ្នាក់ជាតិដែលផ្តល់នូវទស្សនវិស័យទូទៅថាតើគណបក្សមួយណា ដែលអ្នកចូលរួមស្ទង់មតិចង់ឲ្យឈ្នះ ហើយគ្រប់គ្រងនៅក្នុងសភាអាមេរិក តែមិនឆ្លុះបញ្ចាំងទាំងស្រុងទេ។ ប្រជាប្រិយភាពរបស់ ដូណាល់ ត្រាំ បានធ្លាក់ចុះចាប់តាំងពីលោកបានបញ្ជាឱ្យបើកការវាយប្រហារយោធាលើប្រទេសអ៊ីរ៉ង់ កាលពីខែកុម្ភៈ ដោយមានការចូលរួមពីអ៊ីស្រាអែល។ សង្គ្រាមនេះ បានបង្កឱ្យមានការកើនឡើងខ្លាំងនៃតម្លៃសាំង ដែលប៉ះពាល់ដល់ហិរញ្ញវត្ថុគ្រួសារ។ ពលរដ្ឋអាមេរិកាំងប្រមាណ ៦៨% មិនយល់ស្របនឹងការគ្រប់គ្រងសេដ្ឋកិច្ចរបស់ លោក ដូណាល់ ត្រាំ នោះទេ រួមទាំង ៣៧% នៃអ្នកដែលកំណត់អត្តសញ្ញាណខ្លួនឯងថាជាសមាជិកបក្សសាធារណរដ្ឋផង៕ ប្រភព៖ Reuters 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

ចិនព្រមានពលរដ្ឋរបស់ខ្លួន ពាក់ព័ន្ធនឹងការចាប់ជំរិត និងការងារឆបោកនៅថៃ -- នៅលើគណនី WeChat ផ្លូវការរបស់ខ្លួនកាលពីថ្ងៃទី១៦ ខែតុលា, ស្ថានទូតចិនប្រចាំប្រទេសថៃ បានចេញសេចក្តីជូនដំណឹងស្តីពីសុវត្ថិភាព ដោយបានព្រមានពលរដ្ឋចិន អំពីការផ្តល់ការងារបោកប្រាស់ និងសង្ស័យពាក់ព័ន្ធនឹងការជួញដូរមនុស្ស។ នេះបើយោងតាមសារព័ត៌មាន Beijing Daily ដែលបានចុះផ្សាយឡើងវិញនូវសេចក្តីជូនដំណឹងនេះ។ ការព្រមាននេះ បានកើតឡើងបន្ទាប់ពីមានករណីសង្ស័យពាក់ព័ន្ធនឹងការជួញដូរមនុស្សជាច្រើន រួមទាំងការចាប់ខ្លួនបុរសជនជាតិថៃអាយុ ៣៣ឆ្នាំម្នាក់ កាលពីថ្ងៃទី៦ ខែតុលា នៅខេត្តតាក បន្ទាប់ពីបុរសរូបនេះសង្ស័យថាបានដឹកនាំបក្សពួកបោកបញ្ឆោតជនជាតិចិន តាមរយៈការផ្តល់ការងារ និងបានបញ្ជូនជនរងគ្រោះទៅកាន់មជ្ឈមណ្ឌលឆបោក នៅប្រទេសមីយ៉ាន់ម៉ា។ ការចាប់ខ្លួននេះ ក៏កើតឡើងបន្ទាប់ពីមានករណីសង្គ្រោះបុរសជនជាតិចិនម្នាក់ កាលពីថ្ងៃទី៦ ខែកញ្ញា ដែលត្រូវបានគេប្រទះឃើញជាប់ចំណង និងជាប់ខ្នោះ នៅក្នុងរថយន្តមួយគ្រឿង នៅស្រុកម៉ែសត ប្រទេសថៃ។ ដោយឡែកមានករណីផ្សេងទៀត កាលពីខែសីហា ពោលគឺមានបុរសជនជាតិថៃចំនួន ៤នាក់ ត្រូវបានចាប់ខ្លួន បន្ទាប់ពីរងការចោទប្រកាន់ថាបានចាប់ពង្រត់និស្សិតស្រីជនជាតិចិនអាយុ ២៩ឆ្នាំម្នាក់ ចេញពីសណ្ឋាគារមួយក្នុងក្រុងបាងកក និងបានបើកឡានដឹកនាង សំដៅទៅព្រំដែនប្រទេសមីយ៉ាន់ម៉ា។ នាងបានរត់គេចខ្លួនរួចនៅខេត្តកំពែងភេត(Kamphaeng Phet)។ ស្ថានទូតចិនក៏បានព្រមានដល់សិល្បករ អ្នកផ្សាយផ្ទាល់ (Livestreamers) និងអ្នកស្វែងរកការងារ ត្រូវពិនិត្យមើលឱ្យបានហ្មត់ចត់ ចំពោះការផ្តល់ជូនប្រាក់ខែខ្ពស់ និងការអញ្ជើញឱ្យថតកុន ឬការសម្តែងផ្សេងៗ។ ស្ថានទូតបានផ្តល់ដំបូន្មានដល់អ្នកធ្វើដំណើរឱ្យប្រើប្រាស់មធ្យោបាយធ្វើដំណើរ ដែលមានអាជ្ញាប័ណ្ណត្រឹមត្រូវ, ប្រុងប្រយ័ត្នចំពោះការជិះឡានដែលឥតគិតថ្លៃ, បដិសេធរាល់ការផ្លាស់ប្តូរផ្លូវ ឬគោលដៅ ដែលគួរឱ្យសង្ស័យ និងត្រូវរក្សាទំនាក់ទំនង ឬជូនដំណឹងដល់ក្រុមគ្រួសារអំពីទីតាំង ដែលខ្លួនកំពុងស្ថិតនៅ៕ ប្រភព៖ Thai Enquirer 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

📣បាតុកម្មនៅបារាំងកាន់តែតានតឹង៖ តើអ្វីជាមូលហេតុនៅពីក្រោយការតវ៉ានេះ? --- ការតវ៉ាដែលចាប់ផ្ដើមពីបញ្ហាក្នុងវិស័យអប់រំ បានរីករាលដាលទៅជាបាតុកម្មទ្រង់ទ្រាយធំទូទាំងប្រទេសបារាំង ដោយមានការចូលរួមពីសិស្ស និស្សិត សហជីពការងារ និងអ្នកគាំទ្រចលនា «អាវកាក់ពណ៌លឿង»។ យោងតាម Aljazeera ដែលដកស្រង់ប្រភពពីក្រសួងមហាផ្ទៃបារាំង, មានមនុស្សជិត ២៤០០នាក់ត្រូវបានចាប់ខ្លួន និងប៉ូលិសព្រមទាំងកងអាវុធហត្ថប្រហែល ១ ០០០នាក់បានរងរបួស ក្នុងអំឡុងពេលបាតុកម្មថ្ងៃទី១៧ ខែតុលា ឆ្នាំ២០២៦។ ក្នុងចំណោមអ្នកចូលរួមដែលបានធ្វើបាតុកម្មដោយសន្តិវិធី ក៏មានមនុស្សមួយចំនួនបានឆ្លៀតឱកាសប្រព្រឹត្តអំពើហិង្សា និងលួចប្លន់ហាងទំនិញផង។ ➡️សូមទស្សនាវីដេអូនេះ៖ 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

📣គណៈកម្មការផ្សះផ្សាក្រោម UNCLOS លើកទឹកចិត្តឱ្យកម្ពុជា-ថៃ ចូលរួមក្នុងកិច្ចការបច្ចេកទេសពាក់ព័ន្ធនឹងការកំណត់ព្រំដែន តាមរយៈក្រុមការងារមួយក្រោមការដឹកនាំរបស់គណៈកម្មការផ្សះផ្សា (សេចក្ដីប្រកាសព័ត៌មានរបស់ក្រសួងការបរទេសកម្ពុជា នៅថ្ងៃទី១៩ ខែតុលា ឆ្នាំ២០២៦) 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

📣គណៈកម្មការផ្សះផ្សាក្រោម UNCLOS លើកទឹកចិត្តឱ្យកម្ពុជា-ថៃ តែងតាំងតំណាងជាន់ខ្ពស់ម្នាក់ប្រចាំនៅរាជធានីរបស់ភាគីម្ខាងទៀត —— តុលាការមជ្ឈត្តការអចិន្ត្រៃយ៍ នៅថ្ងៃនេះ បានប្រកាសថា គណៈកម្មការផ្សះផ្សា ដែលត្រូវបានបង្កើតឡើងក្រោមឧបសម្ព័ន្ធទី៥ នៃអនុសញ្ញាអង្គការសហប្រជាជាតិស្តីពីនីតិសមុទ្រ (UNCLOS) បានបញ្ចប់សំណុំវិធានការកសាងទំនុកចិត្តរវាងកម្ពុជា និងថៃ នៅក្នុងកិច្ចប្រជុំលើកទីពីរ នៅទីក្រុងឡាអេ ប្រទេសហូឡង់។ នេះបើយោងតាមសេចក្ដីប្រកាសព័ត៌មានរបស់ក្រសួងការបរទេសកម្ពុជា នៅថ្ងៃទី១៩ ខែតុលានេះ ដោយបញ្ជាក់ថា វិធានការកសាងទំនុកចិត្តទាំងនេះ មានគោលបំណងពង្រឹងការជឿទុកចិត្តគ្នាទៅវិញទៅមក, បង្កើនទំនាក់ទំនង និងលើកកម្ពស់បរិយាកាសអំណោយផលសម្រាប់ការឈានដល់កិច្ចព្រមព្រៀងមួយ។ សេចក្ដីប្រកាសព័ត៌មាន បានបន្តថា ក្នុងចំណោមវិធានការដែលបានព្រមព្រៀងគ្នានេះ គណៈកម្មការផ្សះផ្សាបានកត់សម្គាល់ថា ការឯកភាព និងវិធានការដែលភាគីទាំងពីរធ្លាប់បានព្រមព្រៀងពីមុន មិនទាន់ត្រូវបានអនុវត្តពេញលេញនៅឡើយ។ គណៈកម្មការផ្សះផ្សាលើកទឹកចិត្តឱ្យភាគីទាំងពីរអនុវត្តការប្តេជ្ញាចិត្តរបស់ខ្លួន ដែលនឹងជួយបង្កើតបរិយាកាសអំណោយផលសម្រាប់ការចរចាប្រកបដោយស្ថាបនាក្នុងដំណើរការផ្សះផ្សានេះ។ ក្នុងបរិបទនេះ គណៈកម្មការផ្សះផ្សាលើកទឹកចិត្តឱ្យភាគីទាំងពីរខិតខំដំឡើងកម្រិតតំណាងការទូតរបស់ខ្លួន ដោយតែងតាំងតំណាងជាន់ខ្ពស់ម្នាក់ប្រចាំនៅរាជធានីរបស់ភាគីម្ខាងទៀត។ គណៈកម្មការក៏លើកទឹកចិត្តឱ្យភាគីទាំងពីរចូលរួមដោយស្ថាបនា និងដោយបើកចំហ ក្នុងកិច្ចការបច្ចេកទេសពាក់ព័ន្ធនឹងការកំណត់ព្រំដែន តាមរយៈក្រុមការងារមួយក្រោមការដឹកនាំរបស់គណៈកម្មការផ្សះផ្សា។ នេះបើតាមសេចក្ដីប្រកាសព័ត៌មានដដែល។ បន្ថែមលើនេះ ភាគីទាំងពីរទទួលស្គាល់ថា ខ្លួនមានសិទ្ធិធ្វើសេចក្តីថ្លែងការណ៍ ដើម្បីការពារជំហររបស់ខ្លួន ឬកែតម្រូវព័ត៌មានមិនពិត និងព័ត៌មានបំភាន់។ ដើម្បីលើកកម្ពស់បរិយាកាសអំណោយផលសម្រាប់ការឈានដល់កិច្ចព្រមព្រៀងមួយ ភាគីទាំងពីរនឹងប្តេជ្ញាអនុវត្តការអត់ធ្មត់ក្នុងទំនាក់ទំនងសាធារណៈ និងការធ្វើសេចក្ដីថ្លែងការណ៍នានា ដែលអាចរួមចំណែកដល់អារម្មណ៍អវិជ្ជមានរបស់សាធារណជន ឬបង្កើនភាពតានតឹងរវាងប្រជាជននៃប្រទេសទាំងពីរ៕ ប្រភព៖ MFAIC 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

🌎 ទាំងនេះជាព័ត៌មានសំខាន់ៗជុំវិញពិភពលោក ប្រចាំថ្ងៃទី១៩ ខែតុលានេះ! 📽 សូមចូលលីងនេះ ដើម្បីទស្សនាជាវីដេអូ! 👉 Link 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

សង្ខេបព័ត៌មានអន្តរជាតិសំខាន់ៗ ប្រចាំថ្ងៃទី១៩ ខែតុលា ឆ្នាំ២០២៦ ១. លោក ដូណាល់ ត្រាំ ចោទលោក ហ្សេឡេនស្គី ថាជាអ្នកអូសបន្លាយសង្គ្រាមនៅអ៊ុយក្រែន ២. លោក ពូទីន ស្នើឲ្យមានកិច្ចប្រជុំកំពូលត្រីភាគីជាមួយ លោក ដូណាល់ ត្រាំ និង លោក ស៊ី ជីនពីង ដើម្បីពិភាក្សាអំពីអ៊ុយក្រែន ៣. លោក ម៉ាក្រុង ប្រកាសប្រឆាំងដាច់ខាត ចំពោះអំពើហិង្សា«គ្មានដែនកំណត់» ដែលបង្កឡើងដោយបាតុកម្មនៅបារាំង ៤. សមាជិកសភាអូស្ត្រាលីម្នាក់រងរបួសធ្ងន់ ក្រោយត្រូវរថយន្តបុក ហើយនាយករដ្ឋមន្ត្រីជឿថា ជា«ការបង្កឡើងដោយចេតនា» ៥. ​វៀតណាម ចុះហត្ថលេខាលើកិច្ចព្រមព្រៀងពាណិជ្ជកម្មសេរីជាមួយបណ្តាប្រទេសអឺរ៉ុបចំនួន៤ -- ១. កាលពីថ្ងៃអាទិត្យ ទី១៨ ខែតុលា ប្រធានាធិបតីអាមេរិក លោក ដូណាល់ ត្រាំ បានការពារការសម្រេចចិត្តរបស់លោកក្នុងការដកទណ្ឌកម្មមួយចំនួនលើប្រទេសរុស្ស៊ី ហើយចោទប្រកាន់ប្រធានាធិបតីអ៊ុយក្រែន គឺលោក វ៉ូឡូឌីមៀ ហ្សេឡេនស្គីថា ជាអ្នក ដែលមិនមានបំណងចង់បញ្ចប់សង្គ្រាមនោះទេ។ «ការសម្រេចចិត្តរបស់ខ្ញុំ ចំពោះប្រទេសរុស្ស៊ី គឺជារឿងសាមញ្ញបំផុត។ ខ្ញុំកំពុងស្ថិតក្នុងដំណើរការចរចាសន្តិភាពក្នុងសង្គ្រាមរវាងរុស្ស៊ី និងអ៊ុយក្រែន ហើយមិនចង់ធ្វើអ្វីដែលល្ងង់ខ្លៅ ជំរុញឱ្យរុស្ស៊ីដើរចេញពីតុចរចាឡើយ»។ នេះបើយោងតាមសំណេររបស់លោក ដូណាល់ ត្រាំ នៅលើបណ្តាញសង្គម Truth Social។ លោក ដូណាល់ ត្រាំ ក៏បានលើកលែងទណ្ឌកម្មជាបណ្តោះអាសន្នដែរ លើប្រេងម៉ាស៊ូតរបស់រុស្ស៊ី ដោយអនុញ្ញាតឱ្យប្រេងរុស្ស៊ីហូរចូលទៅក្នុងទីផ្សារសកល ក្នុងគោលបំណងកាត់បន្ថយតម្លៃឥន្ធនៈ មុនពេលការបោះឆ្នោតជ្រើសពាក់កណ្តាលអាណត្តិរបស់អាមេរិក នៅថ្ងៃទី៣ ខែវិច្ឆិកា៕ ប្រភព៖ DW ២. ប្រធានាធិបតីរុស្ស៊ី លោក វ្ល៉ាឌីមៀ ពូទីន បានស្នើឲ្យមានកិច្ចប្រជុំត្រីភាគីមួយនៅខែក្រោយជាមួយប្រធានាធិបតីអាមេរិក លោក ដូណាល់ ត្រាំ និងប្រធានាធិបតីចិន លោក ស៊ី ជីនពីង ដើម្បីពិភាក្សាអំពីសង្គ្រាមនៅអ៊ុយក្រែន និងស្វែងរកផ្លូវបញ្ចប់ជម្លោះលើលក្ខខណ្ឌ ដែលអំណោយផលដល់ទីក្រុងម៉ូស្គូ។ លោក ពូទីន បានលើកឡើងពីសំណើនេះ ក្នុងអំឡុងពេលសន្ទនាតាមទូរស័ព្ទកាលពីថ្ងៃទី៩ ខែតុលា ជាមួយលោក ដូណាល់ ត្រាំ។ បុគ្គលដែលបានដឹងពីរឿងនេះ បានប្រាប់សារព័ត៌មានWSJ ថា វិមានក្រឹមឡាំង បានស្នើឱ្យរៀបចំកិច្ចប្រជុំត្រីភាគីនេះ នៅខាងក្រៅកិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ដែលគ្រោងនឹងធ្វើឡើងនាថ្ងៃទី១៨-១៩ ខែវិច្ឆិកា នៅទីក្រុងសិនជិន ប្រទេសចិន៕ ប្រភព៖ Anadolu Agency ៣. ប្រធានាធិបតីបារាំង លោក អេម៉ានុអែល ម៉ាក្រុង កាលពីថ្ងៃអាទិត្យ ទី១៨ ខែតុលា បានថ្កោលទោសយ៉ាងខ្លាំង ចំពោះអំពើហិង្សា «គ្មានដែនកំណត់» ដែលបានផ្ទុះឡើងក្នុងអំឡុងពេលនៃការតវ៉ាប្រឆាំងនឹងការឡើងថ្លៃទំនិញសម្រាប់ជីវភាពរស់នៅ ក្នុងប្រទេសបារាំង។ សេចក្តីថ្លែងការណ៍របស់លោកធ្វើឡើង ខណៈដែលកម្លាំងប៉ូលិសបានប៉ះទង្គិចគ្នាជាមួយក្រុមអ្នកតវ៉ា និងក្រុមជនឆ្លៀតឱកាសលួចប្លន់តាមហាង នៅទីក្រុងប៉ារីស។ ក្រសួងមហាផ្ទៃបារាំង បានឱ្យដឹងថា មនុស្សជិត ២ ៤០០នាក់ ត្រូវបានចាប់ខ្លួន កាលពីថ្ងៃសៅរ៍ ក្នុងបាតុកម្មដែលបង្កជាអំពើហិង្សាដ៏អាក្រក់បំផុតមួយក្នុងប្រទេសបារាំង ដែលគេមិនធ្លាប់ឃើញរយៈពេលប៉ុន្មានឆ្នាំថ្មីៗនេះ។ មានប៉ូលិស និងកងអាវុធហត្ថប្រហែល ១ ០០០នាក់បានរងរបួស ក្នុងនោះមាន ៧នាក់រងរបួសធ្ងន់ធ្ងរ៕ ប្រភព៖ CNA ៤. សមាជិកសភាអូស្ត្រាលី លោកស្រី Helen Haines ត្រូវបានរថយន្តបុក ក្នុងហេតុការណ៍ដែលនាយករដ្ឋមន្ត្រីអូស្ត្រាលី លោក Anthony Albanese ចាត់ទុកថា ជា «ការបង្កឡើងដោយចេតនា»។ នាយករដ្ឋមន្រ្តីអូស្រ្តាលី លោក Anthony Albanese បានថ្លែងប្រាប់ប្រព័ន្ធផ្សព្វផ្សាយអូស្ត្រាលីថា៖ «នេះមិនមែនជាគ្រោះថ្នាក់ទេ។ តាមមើលទៅ វាហាក់ដូចជាទង្វើដែលធ្វើឡើងដោយចេតនា»។ ប៉ូលិសអូស្រ្តាលី បានឱ្យដឹងថា លោកស្រី Haines ត្រូវបានបញ្ជូនទៅមន្ទីរពេទ្យ ដោយមានរបួសធ្ងន់ធ្ងរ ហើយកំពុងស៊ើបអង្កេតថា តើហេតុការណ៍នេះជាទង្វើដែលមានចេតនាឬយ៉ាងណា៕ ប្រភព៖ BBC ៥. វៀតណាម និងប្រទេសអឺរ៉ុប ចំនួន៤ បានចុះហត្ថលេខាលើកិច្ចព្រមព្រៀងពាណិជ្ជកម្មសេរីមួយក្នុងទីក្រុងហាណូយ កាលពីថ្ងៃទី១៨ ខែតុលា ក្នុងគោលបំណងធ្វើពិពិធកម្មទីផ្សាររបស់ខ្លួន ចំពេលដែលពន្ធគយរបស់សហរដ្ឋអាមេរិក កំពុងបង្កការរំខានដល់ពាណិជ្ជកម្មសកល។ កិច្ចព្រមព្រៀងនេះ គឺជាកិច្ចព្រមព្រៀង ដែលវៀតណាមធ្វើឡើងជាមួយសមាគមពាណិជ្ជកម្មសេរីអឺរ៉ុប (EFTA) ដែលរួមមានប្រទេសអ៊ីស្លង់ (Iceland), លិចតិនស្តាញ(Liechtenstein), ន័រវែស (Norway) និងស្វីស (Switzerland) ហើយមានគោលបំណងសំដៅលុបបំបាត់ ឬកាត់បន្ថយពន្ធគយ រួមទាំងលើការនាំចូលផលិតផលឧស្សាហកម្ម ត្រី និងផលិតផលកសិកម្មជាដើម៕ ប្រភព៖ Straits Times https://youtu.be/Kv7TVeihWOs 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan

សង្ខេបព័ត៌មានជាតិសំខាន់ៗប្រចាំថ្ងៃទី១៩ ខែតុលា ឆ្នាំ២០២៦ ១. ក្រោយលោក អ៊ុំ សំអាន ព្យាយាមគេចវេះ, សម្ដេចធិបតីផ្ដល់ជម្រើសបន្ថែមទៀតឱ្យលោក អ៊ុំ សំអាន ក្នុងការមកជជែក និងបង្ហាញឯកសារពាក់ព័ន្ធនឹងបង្គោលព្រំដែនលេខ ៥២-៥៩ ២. កិច្ចប្រជុំ UNCLOS៖ កម្ពុជា-ថៃ ឯកភាពគ្នាលើវិធានការកសាងទំនុកចិត្ត ខណៈគណៈកម្មការក៏លើកទឹកចិត្តឱ្យភាគីទាំងពីរអនុវត្តកិច្ចព្រមព្រៀង និងវិធានការដែលមានស្រាប់ឱ្យបានពេញលេញ ៣. ក្រសួងការងារ កំពុងចាត់វិធានការករណីបុរសខ្មែរម្នាក់ ត្រូវបាននាំទៅធ្វើការនៅប្រទេសអាមេនី ៤. មន្ទីរសុខាភិបាលខេត្ត៖ ករណីនិស្សិតស្រីម្នាក់ស្លាប់ ក្រោយបញ្ជូនចេញពីពេទ្យឯកជន ទៅព្យាបាលបន្ដនៅមន្ទីរពេ្យកាល់ម៉ែត គឺអ្នកជំងឺកើតគ្រុនឈាមចំពេលដែលមានរដូវ ៥. ក្រសួងធនធានទឹក ជូនដំណឹងអំពីការចាត់វិធានការថែរក្សាទឹកទុក ខណៈដែលបាតុភូតអែលនីញ៉ូគ្រប់ដណ្តប់ដល់ខែកុម្ភៈ ឆ្នាំ២០២៧ --- ១. តាមរយៈបណ្ដាញសង្គមនៅព្រឹកថ្ងៃទី១៩ ខែតុលា ឆ្នាំ២០២៦នេះ, សម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា បានប្រកាសផ្ដល់ជម្រើសថ្មីមួយទៀតដល់លោក អ៊ុំ សំអាន ដោយអនុញ្ញាតឱ្យរូបលោកអាចចាត់តាំងតំណាងចូលមកជជែក និងផ្ទៀងផ្ទាត់ឯកសារព្រំដែនកម្ពុជា-ថៃ ចន្លោះបង្គោលលេខ ៥២ ដល់ ៥៩ ជាមួយក្រុមការងារបច្ចេកទេសរដ្ឋាភិបាល, ក្នុងករណីដែលរូបលោកនៅតែមានការភ័យខ្លាចមិនហ៊ានវិលត្រឡប់មកកម្ពុជាដោយផ្ទាល់។ ការប្រកាសនេះធ្វើឡើងបន្ទាប់ពី សម្ដេចធិបតី កត់សម្គាល់ថា ជារួម សារកន្លងមករបស់លោក អ៊ុំ សំអាន អំឡុងពេលដែលសម្ដេចជាប់បំពេញទស្សនកិច្ចផ្លូវការនៅបរទេស គឺនៅតែដដែលៗ ដោយលោក អ៊ុំ សំអាន បង្ហាញថា គាត់មិន​ហ៊ាន​ចូល​មក​កម្ពុជាតាមការអញ្ជើញ, គាត់អត់មានមូលដ្ឋានភស្ដុតាង ទាល់តែបារាំងបានមាន និងព្យាយាមគេចវេះ តាមរយៈការបង្កើតលក្ខខណ្ឌនានាដើម្បីបង្វែរពីការដែលគាត់ត្រូវចូលមកបង្ហាញភស្តុតាងដែលគាត់ចោទរាជរដ្ឋាភិបាលថាបានកាត់ដីអោយថៃនៅចន្លោះបង្គោលលេខ៥២-៥៩ ទៅជាការទាមទារអោយលើកលែងទោសអោយគាត់ទៅវិញ។សម្ដេចធិបតី បានបញ្ជាក់បន្ថែមថា «សង្ឃឹមថាលោក អ៊ុំ សំអាន ហ៊ានសម្រេចយកជម្រើសណាមួយ និងផ្តល់ចម្លើយត្រង់ៗ ក្នុងពេលឆាប់ៗ ដើម្បីជួយបញ្ចប់មន្ទិលរបស់ប្រជាពលរដ្ឋពាក់ព័ន្ធនឹងព្រំដែនចន្លោះបង្គោលលេខ ៥២-៥៩។»៕   ប្រភព៖ សម្ដេចធិបតី ហ៊ុន ម៉ាណែត    ២. ចាប់ពីថ្ងៃទី១៤ ដល់ថ្ងៃទី១៨ ខែតុលា ឆ្នាំ២០២៦ គណៈកម្មការផ្សះផ្សាក្រោមអនុសញ្ញាអង្គការសហប្រជាជាតិស្តីពីនីតិសមុទ្រ បានរៀបចំកិច្ចប្រជុំលើកទី២ ជាមួយភាគីកម្ពុជា និងថៃ នៅទីក្រុងឡាអេ ប្រទេសហូឡង់។ ក្នុងអំឡុងពេលនោះ ភាគីទាំងពីរបានឈានដល់ការឯកភាពគ្នាលើវិធានការកសាងទំនុកចិត្ត ដែលមានគោលបំណងជំរុញទំនុកចិត្ត និងភាពជឿជាក់ទៅវិញទៅមក និងសម្រួលដល់ដំណោះស្រាយដោយសមហេតុផល និងដោយមិត្តភាព ស្របតាមច្បាប់អន្តរជាតិ។ គណៈកម្មការផ្សះផ្សា បានលើកទឹកចិត្តភាគីទាំងពីរឱ្យអនុវត្តវិធានការទាំងនេះឱ្យបានពេញលេញ និងមានប្រសិទ្ធភាព ដែលមានសារៈសំខាន់សម្រាប់ការជំរុញដំណើរការផ្សះផ្សា។ ក្នុងចំណោមវិធានការដែលបានឯកភាពគ្នា ភាគីទាំងពីរទទួលស្គាល់ថា ពួកគេមានសិទ្ធិក្នុងការធ្វើសេចក្តីថ្លែងការណ៍ ដើម្បីការពារសិទ្ធិស្របច្បាប់របស់ខ្លួន ឬដើម្បីកែតម្រូវព័ត៌មានមិនពិត និងព័ត៌មានបំភាន់៕ ប្រភព៖ ក្រសួងការបរទេស ៣. លោក ស៊ុន មេសា អ្នកនាំពាក្យក្រសួងការងារ និង បណ្តុះបណ្តាលវិជ្ជាជីវៈ បានបញ្ជាក់នៅព្រឹកថ្ងៃទី ១៩ ខែតុលា ឆ្នាំ ២០២៦ ថា មន្ត្រីជំនាញរបស់ក្រសួង កំពុងចាត់ការតាមនីតិវិធីច្បាប់លើករណីពលរដ្ឋខ្មែរម្នាក់ ត្រូវបានបញ្ជូនទៅធ្វើការនៅប្រទេសអាមេនី (Armenia)។ លោក ស៊ុន មេសា បានបញ្ជាក់ថា «ភ្លាមៗ ក្រោយទទួលបានព័ត៌មានអំពីករណីពលរដ្ឋខ្មែររបស់យើងត្រូវបានបញ្ជូនទៅធ្វើការនៅប្រទេសអាមេនី លោករដ្ឋមន្ត្រី បានណែនាំឱ្យមន្ត្រីជំនាញរបស់ក្រសួង ចាត់វិធានការជាបន្ទាន់ ដោយហៅអ្នកពាក់ព័ន្ធមកសាកសួរជុំវិញករណីនេះ។ បច្ចុប្បន្ន មន្ត្រីជំនាញរបស់យើង កំពុងពិនិត្យ និង ដោះស្រាយករណីនេះដោយយកចិត្តទុកដាក់បំផុត»។ អ្នកនាំពាក្យរូបនេះ បានបញ្ជាក់បន្ថែមថា គិតមកដល់ពេលនេះ កម្ពុជា និង អាមេនី មិនទាន់មានកិច្ចព្រមព្រៀងស្តីពីការបញ្ជូនពលករនៅឡើយទេ។ ក្រសួងការងារ និង បណ្តុះបណ្តាលវិជ្ជាជីវៈ នឹងជូនដំណឹងបន្ថែមអំពីវឌ្ឍនភាព នៃការដោះស្រាយករណីនេះ៕  ប្រភព៖ កម្ពុជាថ្មី   ៤. ពាក់ព័ន្ធទៅនឹងករណីនិស្សិតឆ្នាំទី២ ម្នាក់បានស្លាប់ បន្ទាប់ពីក្ដៅខ្លួន ចូលព្យាបាលនៅមន្ទីរសម្រាកព្យាបាល ថុន សីហា ក្នុងឃុំកំពង់ចំលងបាន ៣ថ្ងៃ រួចបញ្ជូនតាមរថយន្តឯកជនទៅកាន់មន្ទីរពេទ្យកាល់ម៉ែត។ មន្ទីរសុខាភិបាលខេត្តកណ្ដាល បានចេញសេចក្ដីបំភ្លឺអំពីករណីនេះថា អ្នកជំងឺបានចូលមកទទួលការព្យាបាលនៅមន្ទីរសម្រាកព្យាបាល ថុន សីហា នៅព្រឹកថ្ងៃទី៨ ខែតុលា ឆ្នាំ២០២៦ ដោយអាការៈ ក្តៅខ្លួន ឈឺក្បាល ឈឺក និងឆ្អល់ចុងដង្ហើម។ នៅថ្ងៃបន្ទាប់ គ្រូពេទ្យបានពិនិត្យឈាមលើកទី២ ទទួលបានលទ្ធផលវិជ្ជមាន NS1 (តេស្តនៅថ្ងៃដំបូងអវិជ្ជមាន) ដែលបញ្ជាក់ថាគាត់មានជំងឺគ្រុនឈាម និងបានបន្តការព្យាបាល។ ស្ថានភាពអ្នកជំងឺនៅព្រឹកថ្ងៃទី១០ ខែតុលា មិនមានការប្រែប្រួលឡើយ រហូតដល់ម៉ោង៣រសៀល អ្នកជំងឺចាប់ផ្តើមមានឈាមរដូវ ក្រុមគ្រូពេទ្យបានពន្យល់ពីកត្តាហានិភ័យដែលអាចកើតមានសម្រាប់អ្នកជំងឺគ្រុនឈាម ចំពេលដែលមានរដូវ និងបានណែនាំគាត់ឱ្យទៅព្យាបាលបន្តនៅរាជធានីភ្នំពេញ។ នៅម៉ោង ៦ល្ងាច ក្រុមគ្រួសារអ្នកជំងឺ បានយល់ព្រមយកអ្នកជំងឺទៅព្យាបាលបន្តនៅភ្នំពេញ មកដល់មន្ទីរពេទ្យកាល់ម៉ែតក្រុមគ្រូពេទ្យបានទទួលអ្នកជំងឺចូលសម្រាក នៅបន្ទប់សង្គ្រោះបន្ទាន់ រហូតដល់ម៉ោងប្រហែល៦ល្ងាច ថ្ងៃទី១១ ខែតុលា ឆ្នាំ២០២៦ ទើបគ្រូពេទ្យប្រាប់ថាអ្នកជំងឺបានស្លាប់ហើយ។ យ៉ាងណាមិញសម្រាប់ចំណាត់ការបន្ដ ឬព័ត៌មានបន្ថែមផ្សេងទៀត មន្ទីរសុខាភិបាលនៃរដ្ឋបាលខេត្តកណ្ដាល អះអាងថានឹងជូនដំណឹងនៅពេលក្រោយ៕ ប្រភព៖ មន្ទីរសុខាភិបាលខេត្តកណ្ដាល   ៥. រដូវវស្សាឆ្នាំនេះ បញ្ចប់ត្រឹមសប្តាហ៍ទី៣ខែតុលានេះហើយ ហើយបាតុភូតកម្តៅ ភាពរាំងស្ងួតនៃអែលនីញ៉ូ នឹងគ្របដណ្តប់រហូតដល់ខែកុម្ភៈ ឆ្នាំ២០២៧។ នេះបើតាមសេចក្ដីជូនដំណឹងរបស់ក្រសួងធនធានទឹក និងឧតុនិយម។ ក្រសួង បានណែនាំដល់មន្ទីរធនធានទឹក និងឧតុនិយមរាជ​ធានី-ខេត្តទាំងអស់ ឱ្យបន្តយកចិត្តទុកដាក់ថែរក្សាប្រភពទឹកនៅតាមអាងទឹក និងបឹងបួឱ្យ​បានល្អ។ ជាមួយគ្នានេះ ត្រូវពិនិត្យវាយតម្លៃលើសក្តានុពលទឹកដែលមាន និងរៀបចំផែន​ការប្រើ​ប្រាស់ទឹកជាពីរផ្នែកសំខាន់ៗ គឺសម្រាប់ប្រើប្រាស់ក្នុងជីវភាពប្រចាំថ្ងៃ (អាទិភាព) និងសម្រាប់បម្រើឱ្យការងារបង្កបង្កើនផលស្រូវរដូវប្រាំង និងដំណាំរួមផ្សំ។ ក្រសួងក៏បានអំពាវនាវដល់ក្រសួង-ស្ថាប័នពាក់ព័ន្ធ អាជ្ញាធរដែនដី និងសាធារ​ណជន​ បន្តចូលរួមសហការក្នុងការថែរក្សាប្រភពទឹកទុកសម្រាប់រដូវប្រាំងខាងមុខ និងចូលរួមប្រើ​ប្រាស់ទឹកដោយសន្សំសំចៃ ប្រកបដោយស្មារតីទទួលខុសត្រូវ និងប្រុងប្រយ័ត្នខ្ពស់ ជាពិសេស​បណ្តាតំបន់ជនបទដាច់ស្រយាល ដែលស្ថិតនៅឆ្ងាយពីប្រភពទឹក។ ការចូលរួមទាំងអស់គ្នា គឺជាកត្តាចាំបាច់ដើម្បីធានាបាននូវនិរន្តរភាពនៃការផ្គត់ផ្គង់ទឹកសម្រាប់គ្រប់វិស័យ៕ ប្រភព៖ ក្រសួងធនធានទឹក និងឧតុនិយម https://youtu.be/d21huYjBx-A 🌐 ព្រះខ័ន - Preah Khan 🌐 ព្រះខ័ន 🌐 Preah Khan 🌐 ព្រះខ័ន 🫥 ព្រះខ័ន_PreahKhan