Bureau of Labor and Skills-Dire Dawa

የተርንኪ ፕሮጀክት ዳግም ውልደት ! ከአመታት በኋላ የቀድሞው ተርንኪ ፕሮጀክት የአሁኑ በድሬዳዋ ስራና ክህሎት ቢሮ የድሬዳዋ ፖሊ ቴክኒክ ኮሌጅ የምርት ማዕከል ውስጥ የሚገኙ የተለያዩ ማሽኖችን ጠግነን ለምርት ዝግጁ አድርገናል። በቅርብ ቀናት ሙሉ በሙሉ ወደ ምርት በመግባት “እያመረትን እናሰለጥናለን፤ እያሰለጠንን እናመርታለን” መርሀችንን ተግባራዊ በማድረግ ተቋማዊ አቅማችንን እናሳድጋለን። ©️ Robel Getachew

የድሬዳዋ አስተዳደር ሥራና ክህሎት ቢሮ በስሩ ካሉ የአንድ ማዕከል አገልግሎት መስጫ ጣቢያዎች ጋር ውይይት ተደረገ። በዚህም ውይይት ላይ የአንድ ማዕከል አመራሮች የተገኙ ሲሆን የሶስተኛው ዙር "ብቃት" የወጣቶች የስራ ላይ ልምምድ ፕሮጀክት አፈጻጸም ከፌደራል በመጣ የሱፐርቪዥን ብድን የተሰጠ ግብረመልስ ላይ እና አጠቃላይ ስለሚሰጠው አገልግሎትና እየተከናወኑ ያሉ ዋና ዋና ተግባራት እና ያጋጠሙ ተግዳሮቶች ላይ ተወያይተዋል። የቢሮው ኃላፊ አቶ ሮቤል ጌታቸው አዲስ ለተመደቡ የአንድ ማዕከል አመራሮች የእንኳን ደህና መጣችሁ መልዕክት አስተላልፈው አንድ ማዕከላቱ ተጨባጭ በሆነ መልኩ ለዜጎች ስራ መፍጠር ላይ ከመቼውም ጊዜ በላይ በትኩረት መስራት እንደሚያስፈልግና ከዚህ ጋር በተያያዘ መረጃዎች በጠራ መልኩ ተይዘው በየአካባቢው ያለውን አቅምና ጸጋ ሊጠቀሙ እንደሚገባ አሳስበዋል። በቢሮው የሥራ ዕድል ፈጠራና አንድ ማዕከል ማስተባበሪያ ዳይሬክቶሬት ዳይሬክተር አቶ ሰኢድ አሊ በበኩላቸው ከዚህ በፊት የነበሩ ክፍተቶችን ሞልቶ የተሻለ ስራ መስራት የሚችል አመራር መሆናቸውን ገልጸው በቀጣይ ስራ ፈላጊውን ዜጋ ወደ ስራ የሚያስገቡ እንደ ብቃት ያሉ ፕሮጀክቶችን የተሳካ ለማድረግ በትጋት እንዲሰሩ በማሳሰብ በአስተዳደሩ እና በወረዳ ደረጃ የተመሰረተውን የሥራና ክህሎት ምክር ቤት አቅም መጠቀም ይገባል ብለዋል። የሥራና ክህሎት ቢሮ ህዝብ ግንኙነት ታህሳስ 1/2018 ዓ.ም ድሬዳዋ

የሥራና ሠራተኛ ማገናኛ ኤግዚብሽን(Job fair) ዝግጅት ዙሪያ ከባለድርሻ አካላት ጋር የጋራ ምክክር ተደረገ፤ የድሬዳዋ አስተዳደር ሥራና ክህሎት ቢሮ አሰሪና ሰራተኛ ዳይሬክቶሬት ይህን የምክክር መድረክ ሲያዘጋጅ የሥራና ሠራተኛ ማገናኛ ኤግዚብሽኖች አሰሪውና ስራ ፈላጊው በአንድ ቦታ የሚገናኙበትና ሥራ ፈላጊው አሰሪው ላቀረበው ክፍት የሥራ ቦታ የሚያመለክትበት ቀጣሪው ቃለመጠይቅ የሚያደርግበትን መድረክ በልዩ ሁኔታ ለማካሄድና ውጤታማነቱን ለማረጋገጥ ትኩረት እንደተሰጠው የዳይሬክቶሬቱ ዳይሬክተር አቶ መሀመድ ኢብራሂም ተናግረዋል፡፡ በዚህ የምክክር መድረክ ላይ ተሳታፊ የሆኑ ባለድርሻ አካላት በአጠቃላይ ሥራ ፈላጊውና (job seekers) እና ቀጣሪዎች (Employers) በቀላሉ መገናኘት እንዲችሉ መንግሥት ከሚሰጣቸው የስራ ስምሪት አገልግሎቶች መካከል ሥራና ሰራተኛ ማገናኘት ኤግዚብሽን (Job fair) ላይ የሚታዩ ክፍተቶችን በማስተካከልና በመናበብ ሊሰሩ በሚችሉበት አግባብ ላይ በሰፊው ተወያይተዋል፡፡ የሥራና ክህሎት ቢሮ ህዝብ ግንኙነት ታህሳስ 1/2018 ዓ.ም ድሬዳዋ

በእርሻ እና ከብት እርባታ ለተደራጁ ኢንተርፕራይዞች በቆላማ አካባቢዎች የኑሮ ማሻሻያ ፕሮጀክት በኩል ከሶስት መቶ ሺህ ብር በላይ ድጋፍ ተሰጠ። የግብርና ውሃ ማዕድና ኢነርጂ ቢሮ በቆላማ አካባቢዎች የኑሮ ማሻሻያ ፕሮጀክት በሥራና ክህሎት ቢሮ በኩል 15 ለሚሆኑ በእርሻ ስራና በከብት እርባታ ለተደራጁ ጥቃቅንና አነስተኛ ኢንተር ፕራይዞች 350ሺ ብር ድጋፍ አድርጓል::

በእርሻ እና በከብት እርባታ ዘርፎች ለተደራጁ ኢንተርፕራይዞች በቆላማ አካባቢዎች የኑሮ ማሻሻያ ፕሮጀክት በኩል ከሶስት መቶ ሺህ ብር በላይ ድጋፍ ተሰጠ። በድሬዳዋ አስተዳደር የግብርና፣ውሃ፣ማዕድንና ኢነርጂ ቢሮ በቆላማ አካባቢዎች የኑሮ ማሻሻያ ፕሮጀክት በስራና ክህሎት ቢሮ በኩል 15 ለሚሆኑ በእርሻ ስራና በከብት እርባታ ለተደራጁ ጥቃቅንና አነስተኛ ኢንተርፕራይዞች 350ሺ ብር ድጋፍ አድርጓል። ከአራቱ የገጠር ክላስተሮች ለተወጣጡት ኢንተርፕራይዞች የተሰጠው ድጋፍ በአጠቃላይ ድጋፍ ለማድረግ ከታሰበው 500ሺ ብር ላይ 70 በመቶው ሲሆን ቀጣይ የሚያሳዩት የስራ አፈፃፀም ታይቶ ቀሪው 30 በመቶው እንደሚለቀቅላቸው ታውቋል። የድሬደዋ አስተዳደር የስራና ክህሎት ቢሮ ኃላፊ አቶ ሮቤል ጌታቸው በመድረኩ ላይ እንደተናገሩት ኢንተርፕራይዞቹ በተደረገላቸው የገንዘብ ድጋፍ በሚያደርጉት ውጤታማ የስራ እንቅስቃሴ በአረአያነታቸው ለሌሎች ተመሳሳይ ኢንተርፕራይዞች ድጋፉ የበለጠ ተጠናክሮ እንደሚቀጥል ገልጸዋል። በመሆኑም ድጋፉ የተደረገላቸው ኢንተርፕራይዞች የስራ ባህላቸውን በመቀየር እና የተገኘውን የስራ ዕድል በአግባቡ በመጠቀም ከተረጅነት ወደ ምርታማነት ለመለውጥ እንዲተጉ አሳስበዋል :: የግብርና ውሃ ማዕድን ኢነርጂ ቢሮ ኃላፊ አቶ ኑረዲን አብደላ በበኩላቸው ፣ መንግስት በሀገር ደረጃ ድህነትን ለማጥፋት እና ከጥገኝነት መላቀቅ ትኩረት ሰጥቶ እየሰራ መሆኑን ገልጸዋል። እንደ ድሬዳዋም ይህንን ለማሳካት ከተለያዩ አካላት ጋር በቅንጅት እየተሰራ መሆኑን ተናግረው ከነዚህም ውስጥ ደግሞ አንዱ የቆላማ አካባቢዎች የኑሮ ማሻሻያ ፕሮጀክት መሆኑን ተናግረዋል:: የቆላማ አካባቢዎች የኑሮ ማሻሻያ ፕሮጀክት ስራ አስኪያጅ አቶ ኢሳም ሁሴን ድጋፉ በአይነቱ የተለየ መሆኑን ጠቅሰው ድጋፍ የተደረገላቸው ኢንተርፕራይዞች የ 50 ሺ ብር ቅድመ ቁጠባቸው ላይ የተጨመረላቸው መሆኑን ጠቁመዋል። ©️ DireTvአማርኛ | ህዳር 30 ፥ 2018 ዓ.ም | ድሬዳዋ

‹‹ዴሞክራሴያዊ መግባባት ለህብረ ብሔራዊ አንድነት›› #ዜና | የድሬዳዋ ፖሊ ቴክኒክ ኮሌጅ ሰልጣኝ ተማሪዎች ዴሞክራሴያዊ መግባባ ለህብረ ብሔራዊ አንድነት በሚል መሪ ቃል 20ኛውን የኢትዮጵያ ብሔርና ብሔረሰቦች ቀን አከበሩ፡፡ አገራችን ኢትዮጵያዊ በርካታ ብሔር እና ብሔረሰቦች በመቻቻል እና በመፈቃቀር በአንድነት አብረው ለዘመናት እየኖሩባት የምትገኝ ታላቅ አገር ነች።ትንሿ ኢትዮጵያ ከተማችን ድሬዳዋም ሁሉም ብሔሮችና ብሔረሰቦች ተከባብረውና ተዋደው የሚኖሩባት ለሌሎችም ከተሞች እንደ ሞዴል የምትታይ ከተማ ነች ያሉት በበዓሉ ላይ በመገኘት ንግግር ያደረጉት የኮሌጁ ኢ/ኤ/ቴ/ሽግግር ም/ዲን የሆኑት ወይዘሮ ትግስት በዙ ሲሆኑ ም/ዲኗ አያይዘውም ኮሌጃችን ከተለያዩ የሀገራችን ክፍሎች እንዲሁም ከተለያዩ ብሄሮችና ብሔረሰቦች የተውጣጡ ሰልጣኞች ለስልጠና የሚመጡበት ኮሌጅ እንደ መሆኑ መጠን ሰልጣኞቻችንም ይህን የብሄሮች ስብጥር እንደ መልካም አጋጣሚ በመጠቀም አንዱ የሌላውን ባህል የሚማርበት እንዲሁም ቋንቋ፣ባህልና እሴቶቻቸውን የሚለዋወጡበት እንዲህ አይነት መድረኮች ያስፈልጉናል ብለዋል፡፡ በመጨረሻም ብሔርና ብሔረሰቦች ቀን ስናከብር ሁሉን አቅፋ የሰበሰበችንን ሀገራችንን ለመለወጥ በአንድነት ተግተን ልንሰራና አገራችንንም በጋራ በመሆን ለማሳደግ ቃል የምንገባበት ሊሆን ይገባል ብለዋል፡፡ በ1987 የፌዴራል ህገመንግስት የፀደቀበትን ቀን ምክንያት በማድረግ በየአመቱ የኢትዮጵያን ብሄሮች፣ብሄረሰቦች እና ህዘቦች ቀን በዓል ለ20ኛ ጊዜ እየተከበረ ይገኛል። ከዚህ ቀደም የኮሌጁ ማህበረሰብ አሰልጣኝ መምህራኖችና የአስተዳደር ሰራተኞች በጋራ በመሆን ማክበራቸው የሚታወስ ነው፡፡ የኮሌጁ ኮምኒኬሽን ህዳር 29/2018 ዓ.ም ድሬዳዋ ለወቅታዊ ትኩስ የድሬዳዋ ፖሊ ቴክኒክ ኮሌጅ መረጃ You tube: Dire Dawa Polytechnic College(DDPTC) Facebook: https://web.facebook.com/Dire Dawa Polytechnic College Regional Flagship TVET Institute Telegram: t.me/Dire Dawa Polytechnic College TikTok: tiktok.com/@diredawapolytechnicollege Facebook (https://web.facebook.com/Dire)

#የድሬዳዋ ፖሊ ቴክኒክ ኮሌጅ ተማሪዎች የብሔር ብሔረሰቦች ቀን አከባበር

ክቡር የአስተዳደራችን ከንቲባ አቶ ከድር ጁሀር፥ ከሥራና ክህሎት ቢሮ ኃላፊ አቶ ሮቤል ጌታቸው ጋር በመሆን፥ በድሬዳዋ ፖሊ-ቴክኒክ ኮሌጅ የሚገኘውን የምስራቅ አፍሪካ ቀጠናዊ የቴክኒክና ሙያ ትምህርትና ስልጠና ልህቀት ማዕከል 2ኛ ምዕራፍ የግንባታ ሂደት ጎብኝተዋል።

"በመደመር መንግስት እይታ፤ የዘርፎች እምርታ" በሚል መሪ ሀሳብ ትላንት የጀመረው 3ኛ ዙር የድሬዳዋ አስተዳደር ሥራና ክሀሎት ቢሮ ብልጽግና ህብረት የመንግስት ሰራተኞች የብልጽግና ፓርቲ አባልት ስልጠና ተጠናቀቀ። ትላንትና እና ዛሬ በቀረቡት በመደመር መንግስት የግብርና እና የኢንዱስትሪ ትራንስፎርሜሽን እንዲሁም የከተማ ልማትና የቱሪዝም እምርታዎች ዙሪያ የተዘጋጁ ሰነዶች ቀርበው ውይይት የተካሄደባቸው ሲሆን የፓርቲው አባላትም የተለያዩ ጥያቄዎችን አንስተው ከመድረክ ሰፋ ያለ ምላሽ እና ማብራሪያዎች ተሰጥቶባቸዋል። የሥራና ክህሎት ቢሮ ህዝብ ግንኙነት ህዳር 27/2018 ዓ.ም ድሬዳዋ