Botahtaung Scout Channel

ဇူလိုင်လ ၁၅ ရက် (မြန်မာစံတော်ချိန် ညနေ ၃ နာရီ) ထွက်ရှိလာသော ECMWF, GFS, ICON မော်ဒယ်များ၏ 850hPa လေစီးကြောင်းနှင့် မိုးရေချိန်ပြမြေပုံများ၊ အိန္ဒိယမိုးလေဝသဌာန (IMD) ၏ ယနေ့ညနေပိုင်းတရားဝင်ထုတ်ပြန်ချက် (15JUL Update) တို့ကို ချိတ်ဆက်ညှိနှိုင်း၍ ဆန်းစစ်သုံးသပ်ချက်ကို အောက်ပါအတိုင်း တင်ပြလိုက်ပါသည် - ၁။ ဘင်္ဂလားပင်လယ်အော်မြောက်ပိုင်း လေဖိအားနည်းရပ်ဝန်း (LPA) ဖြစ်ပေါ်မှုနှင့် အလားအလာ 📌 လေဖိအားနည်းရပ်ဝန်း (Low Pressure Area) စတင်ဖြစ်ပေါ်ခြင်း - IMD ၏ ယနေ့ထုတ်ပြန်ချက်အရ ဘင်္ဂလားပင်လယ်အော်မြောက်ပိုင်းတွင် ဖြစ်ပေါ်နေသော အထက်လေပွေလှိုင်း (UACC) ၏ အရှိန်ကြောင့် ဇူလိုင် ၁၅ ရက် မြန်မာစံတော်ချိန် နံနက် ၆ နာရီခွဲ (0000 UTC) တွင် ဘင်္ဂလားပင်လယ်အော်အနောက်မြောက်ပိုင်း၊ ဩရိဿမြောက်ပိုင်းနှင့် အနောက်ဘင်္ဂလားပြည်နယ်ကမ်းလွန်တို့၌ လေဖိအားနည်းရပ်ဝန်း (Low Pressure Area) တစ်ခု စတင်ဖြစ်ပေါ်ကြောင်း ထုတ်ပြန်အတည်ပြုလိုက်ပြီဖြစ်ပါသည်။ 📌 ရွေ့လျားမှုနှင့် အားကောင်းလာနိုင်ခြေ - ဤလေဖိအားနည်းရပ်ဝန်းနှင့်ဆက်စပ်သော လေဝဲစနစ်သည် ပင်လယ်ရေပြင်အထက် ၇.၆ ကီလိုမီတာ အမြင့်အထိ ဖြစ်တည်နေပြီး လာမည့် ၂၄ နာရီအတွင်း ပိုမိုအားကောင်းလာနိုင်ကာ အားကောင်းသောလေဖိအားနည်းရပ်ဝန်း (Well Marked Low Pressure Area) အဆင့်သို့ ကူးပြောင်း၍ အနောက်မြောက်ဘက်သို့ ဆက်လက်ရွေ့လျားကာ အိန္ဒိယနိုင်ငံ ဩရိဿမြောက်ပိုင်းနှင့် အနောက်ဘင်္ဂလားပြည်နယ်ကမ်းရိုးတန်းကို နောက်လာမည့် ၄၈ နာရီအတွင်း ဖြတ်ကျော်ဝင်ရောက်သွားနိုင်မည် ဖြစ်ကြောင်း Model ကြိုတင်ခန့်မှန်းချက်များတွင်တွေ့ရပါသည်။ 📌 မုန်တိုင်းအဆင့်သို့ ရောက်ရှိနိုင်ခြေ - အိန္ဒိယမိုးလေဝသဌာနထုတ်ပြန်ချက်အရ လာမည့် ၁၆၈ နာရီ (၇ ရက်) အတွင်း မုန်တိုင်းငယ် (Depression) ဖြစ်လာနိုင်ခြေမှာမူ "NIL" (ဝ ရာခိုင်နှုန်း) သာရှိကြောင်း ဆက်လက်သတ်မှတ်ထားသဖြင့် မုန်တိုင်းဖြစ်ပေါ်နိုင်မည့်အန္တရာယ်အတွက် စိုးရိမ်စရာမရှိပါ။ ၂။ ပင်လယ်ပြင်များမှ အနောက်တောင်မုတ်သုံလေအခြေအနေ 📌 မုတ်သုံလေ ပိုမိုပြင်းထန်လာခြင်း (Strong Monsoon Surge) - ဇူလိုင် ၁၅ ရက်နှင့် ၁၆ ရက် ကြိုတင်ခန့်မှန်းပုံများ (ECMWF, GFS, ICON) ၏ 850hPa လေတိုက်နှုန်းပြမြေပုံများအရ ခရမ်းရောင်သန်းနေသော အားအလွန်ကောင်းသည့် မုတ်သုံလေစီးကြောင်း(Monsoon Surge) သည် ဘင်္ဂလားပင်လယ်အော်အလယ်ပိုင်းမှ မြန်မာနိုင်ငံ ရခိုင်ကမ်းရိုးတန်းနှင့် မြစ်ဝကျွန်းပေါ်ဒေသများဆီသို့ လေတိုက်နှုန်း ၃၅ မိုင်မှ ၄၅ မိုင် (35-45 knots) ဝန်းကျင်အထိရှိနေပြီး အရှိန်အဟုန်ပြင်းစွာ ဆက်လက်တိုးဝင်နေပါသည်။ 📌 လေဖိအားနည်းရပ်ဝန်းသည် အနောက်မြောက်ဘက် (အိန္ဒိယဘက်) သို့ ဆက်လက်ရွေ့လျားပြီး ရွေ့လျားရာလမ်းကြောင်း၏အရှေ့ဘက်(ညာဘက်ခြမ်း)မှ “မုတ်သုံလေပင့်တင်မှုဇုန်”တည့်တည့်တွင် မြန်မာနိုင်ငံရှိနေသဖြင့် ကပ္ပလီပင်လယ်ပြင်နှင့် ဘင်္ဂလားပင်လယ်အော်တောင်ပိုင်းတို့မှ ရေငွေ့များကို အဆက်မပြတ်ဆွဲတင်ပေးနေဆဲဖြစ်ကြောင်း တွေ့ရပါသည်။ ၃။ မြန်မာနိုင်ငံအပေါ် သက်ရောက်နိုင်မည့် မိုးလေဝသအခြေအနေနှင့် မိုးရေချိန်သုံးသပ်ချက် 📌 IMD ၏ ဂြိုဟ်တုပုံခွဲခြမ်းစိတ်ဖြာချက်အရ ဘင်္ဂလားပင်လယ်အော် မြောက်ပိုင်းနှင့် အလယ်ပိုင်း၊ ရခိုင်ကမ်းရိုးတန်း (Arakan Coast) ၊ မုတ္တမကွေ့ (Gulf of Martaban) နှင့် တနင်္သာရီကမ်းရိုးတန်း (Tenasserim Coast) တို့တွင် အလွန်ပြင်းထန်သော မိုးတိမ်တောင်များ (Intense to Very Intense Convection) ကောင်းစွာဖြစ်ထွန်းနေဆဲဖြစ်သဖြင့် - 💦 ရခိုင်ကမ်းရိုးတန်း (မြောက်ပိုင်းနှင့် အလယ်ပိုင်း) - ဇူလိုင် ၁၆ ရက်အတွက် ECMWF နှင့် ICON မော်ဒယ်များ၏ ၂၄ နာရီအတွင်း မိုးရေချိန်စုစုပေါင်းပြပုံ (Rain Accumulation Chart) အရ ရခိုင်ကမ်းရိုးတန်းတလျှောက်တွင် လိမ္မော်ရောင်/အနီရောင်သန်းနေသော မိုးရေချိန်မြင့်မားမည့်ဇုန် (နေရာကွက်၍ ၃ လက်မမှ ၅ လက်မအထက်) ကို ပြသနေသည်။ ဇူလိုင် ၁၆ ရက်နေ့ ညနေပိုင်းတွင် လေဖိအားနည်းရပ်ဝန်း အိန္ဒ်ယနိုင်ငံ အနောက်ဘင်္ဂလားပြည်နယ်ကမ်းရိုးတန်းကိုဖြတ်ကျော်၍ ကုန်းတွင်းသို့မဝင်မချင်း ရခိုင်ပြည်နယ်တွင် မိုးသက်လေပြင်းကျခြင်းနှင့် မိုးကြီးခြင်းများ ဆက်လက်ဖြစ်ပေါ်နေမည်။ 💦 မြန်မာနိုင်ငံအထက်ပိုင်းနှင့် ကုန်းတွင်းပိုင်း (စစ်ကိုင်း၊ ချင်း၊ ကချင်၊ ရှမ်း) - မော်ဒယ် ၃ ခုလုံး၏ ဇူလိုင် ၁၆ ရက် 850hPa မြေပုံများတွင် လေစီးကြောင်းသည် ရခိုင်ကုန်းတွင်းပိုင်းမှတစ်ဆင့် ချင်းပြည်နယ်၊ စစ်ကိုင်းတိုင်းနှင့် ကချင်ပြည်နယ်ဆီသို့ တည့်တည့်ပင့်တင်နေသည်ကို တွေ့ရသည်။ ထို့ကြောင့် ၎င်းဒေသများနှင့် ရှမ်းပြည်နယ်မြောက်ပိုင်းတို့တွင် မိုးကျယ်ကျယ်ပြန့်ပြန့်ရွာသွန်းပြီး ကုန်းတွင်းပိုင်း၌လည်း နေရာကွက်၍ မိုးကြီးနိုင်ပါသည်။ ⚠️ မြန်မာနိုင်ငံတောင်ပိုင်းနှင့် မြစ်ဝကျွန်းပေါ် - မုတ္တမကွေ့နှင့် တနင်္သာရီကမ်းရိုးတန်းပေါ်ရှိ တိမ်တောင်များကြောင့် ရန်ကုန်၊ ဧရာဝတီ၊ မွန်နှင့် တနင်္သာရီတိုင်းတို့တွင် မိုးအသင့်အတင့်မှ မိုးကြီးနိုင်ပြီး ပင်လယ်ပြင်၌ လှိုင်းကြီး၊ လေပြင်းတိုက်ခတ်ခြင်းများ ရှိနေဦးမည်ဖြစ်သည်။ အကြံပြုချက် (Advisory) ⚠️ ဘင်္ဂလားပင်လယ်အော်တွင် လေဖိအားနည်းရပ်ဝန်း စတင်ဖြစ်ပေါ်နေပြီး အိန္ဒိယဘက်သို့ ဖြတ်ကျော်ဝင်ရောက်နိုင်မည့် လာမည့် ၄၈ နာရီအတွင်း မုတ်သုံလေအရှိန် အပြင်းဆုံးအဆင့်တွင် ရှိနေနိုင်ပါသည်။ ⚠️ထို့ကြောင့် ရခိုင်ပြည်နယ်၊ ချင်းပြည်နယ်နှင့် စစ်ကိုင်းတိုင်းအထက်ပိုင်း တို့တွင် ရွာသွန်းရရှိနိုင်သည့်မိုးရေချိန် သာမန်ထက် ပိုမိုများပြားလာနိုင်သဖြင့် ရုတ်တရက်ရေကြီးခြင်း (Flash Flood) နှင့် မြစ်ရေမြင့်တက်လာနိုင်ခြင်း/တောင်ကျချောင်းရေကျဆင်းခြင်းနှင့် တောင်ပြို-မြေပြိုဘေးအန္တရာယ်များကို အထူးသတိပြုရန် လိုအပ်ပါသည်။

ဗိုလ်တထောင်၊ ဝန်ကြီးများရုံး * အနော်ရထာလမ်းဘက်အခြမ်း ဝန်ကြီးများရုံးက သဲအိတ်ဘန်ကာ ၃ ခုမှာ စခ ၂ ကောင်စီရှိ * 3:08 PM (Delayed) #RSG သတင်းပေးပို့ရန် @Bo1000_Informer

🔴 ဗိုလ်တထောင်၊ ကားစစ် * ဗိုလ်တထောင်ခွေးစခန်ကကား AA 6085 ဖင်ကောက် အဖြူရောင်ကားကို ရခ ၁ ကောင် ဘောနပ်ဖုံးဖွငိ့ပြီး ရေတိုင်ကီစစ်နေ * 9:06 AM #RSG သတင်းပေးပို့ရန် @Bo1000_Informer

⬜️ ဒေါပုံ ဗန္ဓုလတံတားအဆင်း သင်္ဘောသားရုံးရှေ့ ခွေးဘဲဥ တသိုက် အစာကောက် – RSG 8:45 AM 📬 @Inform_RSN

▪️လေဆိပ်အဝင်တွင် ဖုန်း IMEI နံပါတ်များ စစ်မည်ဟု ဆို ရန်ကုန်၊ မန္တလေး၊ နေပြည်တော် အပြည်ပြည်ဆိုင်ရာလေဆိပ်များတွင် ပြည်တွင်းဝင်လာသူများထံမှ ဖုန်း IMEI နံပါတ်များ တောင်းယူမည်ဟု စစ်တပ်မီဒီယာများမှ သတင်းထုတ်ပြန်ထားသည်။ ၎င်းတို့၏ Central Equipment Identity Register (CEIR) စနစ်ထဲ မှတ်ပုံမတင်ထားသည့် ဖုန်းများ ပါ မပါ စစ်ခြင်းဖြစ်ပြီး ပါလာပါက Passenger Declaration Form (PD Form) ထဲ IMEI နံပါတ်ဖြည့်ခိုင်းကာ ကိုယ်ရေးအချက်အလက်အစုံဖြင့် CEIR မှတ်ပုံတင်ဖို့ လျှောက်ခိုင်းမည်ဟု ဆိုသည်။ တဦးကို တနှစ်လျှင် ၂ ကြိမ်သာ လျှောက်ခွင့်ပေးမည်ဟုလည်း ဖော်ပြထားသည်။ Source: BBC 14 Jul 2026 #RangoonScoutNetwork

⚫️ အလုပ်မှ ပြန်လာသည့် လူငယ် ၁ ဦးကို ဖုန်းယူစစ်ပြပြီး ရိုက်နှက်ဖမ်းဆီးသွားကြ ဇူလိုင်လ ၁၁ ရက်နေ့ ည ၇ နာရီခန့်တွင် စက်ရုံအလုပ်သမား ယောက်ျားလေး ၁ ဦး ရန်ကုန်တိုင်း၊ သာကေတမြို့နယ်၊ စက်မှုဇုန်ဘက်မှ ကျောက်တိုင်မှတ်တိုင်သို့ လမ်းလျှောက်လာနေစဉ် ကျောက်တိုင်မှတ်တိုင်အနီး၌ အိမ်စီးကား ၁ စီးဖြင့် ချောင်းမြောင်းစောင့်ဆိုင်းနေကြသည့် အကြမ်းဖက်စစ်သားများက ဖုန်းယူစစ်ကာ ရိုက်နှက်ဖမ်းဆီး ကားပေါ်ဆွဲတင် ခေါ်သွားကြကြောင်း People's Spring မှ သိရှိရသည်။ အဆိုပါနေရာအနီးတဝိုက်တွင် ဟွန်ဒါဖစ်အဖြူရောင်ကားဖြင့် အကြမ်းဖက်တပ်သားများ ရှိနေတတ်ပြီး လူငယ်များကို ဖမ်းဆွဲလေ့ရှိကြောင်း သိရသည်။ Source: People's Spring 14 Jul 2026 #RangoonScoutNetwork

ရန်ကုန်တိုင်း၊ ဒဂုံဆိပ်ကမ်းမြို့နယ် ၈၈ ရပ်ကွက်တွင် ရပ်/ကျေးအုပ်ချုပ်ရေးရွေးချယ်မှု နီးကပ်လာစဉ် ရာအိမ်မှူးများနှင့် ပြည်သူများ ဖမ်းဆီးခံရ၊ မူးယစ်ဆေးမှုဖြင့် ဖမ်းဆီးခံခဲ့ရသော အုပ်ချုပ်ရေးမှူးဟောင်း ဇော်လွင် ပြန်လည်အာဏာရရေး ပြန်လည်ကြိုးစား ရန်ကုန်၊ ဇူလိုင် ၁၄ ရန်ကုန်တိုင်း၊ ဒဂုံမြို့သစ်ဆိပ်ကမ်းမြို့နယ်၊ အမှတ် ၈၈ ရပ်ကွက်တွင် ရပ်ကွက်အုပ်ချုပ်ရေးမှူးသစ် ရွေးချယ်မှု နီးကပ်လာစဉ် ပြည်သူများဘက်မှ ရပ်တည်ပေးနေသည့် ရာအိမ်မှူးများနှင့် ဒေသခံပြည်သူအချို့ကို ညအချိန်မတော် ဖမ်းဆီးခေါ်ဆောင်မှုများ ဖြစ်ပွားခဲ့ကြောင်း ရပ်ကွက်နေပြည်သူများက ရန်ကုန်ခေတ်သစ်သတင်းဌာနထံ ပြောဆိုသည်။ ဇူလိုင်လ ၁၃ ရက်နေ့ ည ၁၁ နာရီ ၃၀ မိနစ်ဝန်းကျင်အချိန် အမှတ် ၈၈ ရပ်ကွက်အတွင်း ပြည်သူများကို ကူညီပေးလေ့ရှိပြီး လူထုထောက်ခံမှုရရှိထားသော ရာအိမ်မှူး ၆ ဦးနှင့် ယခင်ရပ်ကွက်အုပ်ချုပ်ရေးမှူးကို ဆန္ဒပြကန့်ကွက်ရာတွင် ပါဝင်ခဲ့ဖူးသည့် အမျိုးသမီး ၂ ဦးကို ဖမ်းဆီးခေါ်ဆောင်သွားကြောင်း သိရှိရသည်။ ယင်းနောက် နောက်ထပ် ရာအိမ်မှူးတစ်ဦးကိုလည်း ထပ်မံဖမ်းဆီးခဲ့သည်ဟု ကြားသိရပြီး အခြားလူ ၄ ဦးကိုပါ ဆက်လက်ဖမ်းဆီးရန် ရှိနေကြောင်း ဒေသခံများက ပြောဆိုသည်။ အဆိုပါ ဖမ်းဆီးမှုများနှင့်ပတ်သက်၍ ဖမ်းဆီးခံရသူများ၏ မိသားစုဝင်များနှင့် ရပ်ကွက်နေပြည်သူများက လိုက်လံစုံစမ်းရာ ယခင် အမှတ် ၈၈ ရပ်ကွက်အုပ်ချုပ်ရေးမှူး ဇော်လွင် ခေါ် တောက်တဲ့နှင့် မြို့နယ်အထွေထွေအုပ်ချုပ်ရေးဦးစီးဌာနတို့ ပူးပေါင်းကြံစည် လုပ်ဆောင်ခြင်းဖြစ်သည်ဟု သိရှိရကြောင်း ဒေသပြည်သူများက ပြောဆိုသည်။ “အရင် အုပ်ချုပ်ရေးမှူးဟောင်း ဦးတောက်တဲ့က ပြည်သူတွေ လက်မခံလို့ ဆန္ဒပြခံခဲ့ရဖူးတဲ့သူပါ။ သူမရှိတော့တဲ့နောက်ပိုင်း ပြည်သူတွေရော၊ ရာအိမ်မှူးဟောင်းတွေရော သက်သက်သာသာနဲ့ အဆင်ပြေပြေ နေခဲ့ကြရပါတယ်။ အခု ရပ်/ကျေးအုပ်ချုပ်ရေးမှူး ရွေးချယ်မှု နီးလာပြီဆိုတော့ သူတို့လက်ထဲ အာဏာပြန်မရောက်အောင် ပြည်သူ့ဘက်က ရပ်တည်ပေးတဲ့သူတွေကို တမင်အကွက်ဆင်ပြီး ဖမ်းခိုင်းတာလို့ သိရပါတယ်” ဟု အမှတ် ၈၈ ရပ်ကွက်နေ ပြည်သူတစ်ဦးက ပြောဆိုသည်။ ဇော်လွင် ခေါ် တောက်တဲ့သည် အမှတ် ၈၈ ရပ်ကွက်အုပ်ချုပ်ရေးမှူးအဖြစ် တာဝန်ယူခဲ့သူဖြစ်ပြီး ၂၀၂၅ ခုနှစ် စက်တင်ဘာလလယ်ပိုင်းတွင် စစ်တပ်က ၎င်း၏နေအိမ်ကို ဝင်ရောက်စီးနင်းကာ မူးယစ်ဆေးဝါး ရောင်းဝယ်ဖောက်ကားမှုဖြင့် ဖမ်းဆီးခဲ့ကြောင်း ယခင်က ရပ်ကွက်နေပြည်သူများက ရန်ကုန်ခေတ်သစ်ထံ ပြောဆိုထားသည်။ စစ်တပ်က ဇော်လွင် ခေါ် တောက်တဲ့၏ နေအိမ်ကို ဝင်ရောက်စီးနင်းစဉ် ငွေကျပ် ၁ သောင်းတန်များ ထည့်ထားသည့် ဆာလာအိတ် ၅ အိတ်နှင့် WY မူးယစ်ဆေးပြား အများအပြား သိမ်းဆည်းရရှိခဲ့ကြောင်း၊ ယင်းနောက် ဇော်လွင်နှင့် သားများကို ဖမ်းဆီးကာ နေအိမ်ရှိ ပစ္စည်းအများအပြားကိုလည်း ချိတ်ပိတ်သိမ်းဆည်းခဲ့ကြောင်း ဒေသခံများက ပြောဆိုခဲ့သည်။ ဇော်လွင် ခေါ် တောက်တဲ့သည် စစ်အာဏာမသိမ်းမီက တစ်နေ့လုပ် တစ်နေ့စား အခြေခံလူတန်းစားဘဝဖြင့် နေထိုင်ခဲ့သော်လည်း ရပ်ကွက်အုပ်ချုပ်ရေးမှူး ဖြစ်လာပြီးနောက် နှစ်အနည်းငယ်အတွင်း အလွန်ချမ်းသာလာခဲ့ကြောင်း၊ ကား ၆ စီး၊ ဆိုင်ကယ်အကြီးစား ၁၅ စီးအထိ ပိုင်ဆိုင်လာပြီး နေအိမ်ကိုလည်း အကြီးအကျယ် ပြုပြင်တည်ဆောက်ခဲ့ကြောင်း ရပ်ကွက်နေပြည်သူများက ပြောဆိုထားသည်။ “အရင် စစ်အာဏာမသိမ်းခင်က သူက အရမ်းဆင်းရဲတယ်။ ဘယ်သူမှ ရပ်ကွက်အုပ်ချုပ်ရေးမှူး မလုပ်ရဲတဲ့အချိန်မှာ အုပ်ကြီးဝင်လုပ်တယ်။ အဲဒီကစပြီး ချမ်းသာလာတာ ကားတင် သူ့အိမ်မှာ ၆ စီးရှိတယ်။ ဆိုင်ကယ်ဘီးကြီးဆိုရင် ၁၅ စီးရှိတယ်။ သူ့အိမ်ကိုလည်း နန်းတော်ကြီးတစ်ခုလို ပြင်ဆောက်လိုက်တာ” ဟု ရပ်ကွက်နေပြည်သူတစ်ဦးက ပြောဆိုထားသည်။ ဇော်လွင် ခေါ် တောက်တဲ့၏ သားအကြီးမှာ အမှတ် ၈၁ ရပ်ကွက်အုပ်ချုပ်ရေးမှူးဖြစ်ပြီး ၎င်းကိုလည်း စစ်တပ်က မူးယစ်ဆေးဝါး ရောင်းဝယ်မှုဖြင့် ဖမ်းဆီးခဲ့ကြောင်း ဒေသခံများထံမှ သိရှိရသည်။ ထို့ပြင် ဇော်လွင် ခေါ် တောက်တဲ့သည် ၂၀၂၂ ခုနှစ်တွင် တစ်ကြိမ်နှင့် ၂၀၂၃ ခုနှစ်တွင် တစ်ကြိမ် တော်လှန်ရေးရဲဘော်များ၏ ပစ်ခတ်မှု ခံခဲ့ရသော်လည်း အသက်မသေဘဲ ဒဏ်ရာဖြင့် လွတ်မြောက်ခဲ့သူဖြစ်ကြောင်း သိရှိရသည်။ စစ်တပ်အားကိုးဖြင့် ရပ်ကွက်နေပြည်သူများအပေါ် ဖိနှိပ်ကြမ်းတမ်းခဲ့သည်ဟု ဒေသခံများက စွပ်စွဲထားသည့် ဇော်လွင် ခေါ် တောက်တဲ့ ဖမ်းဆီးခံခဲ့ရစဉ်က ရပ်ကွက်နေပြည်သူများ ဝမ်းသာခဲ့ကြပြီး အလှူပြုလုပ်သူများပင် ရှိခဲ့ကြောင်း ဒေသခံတစ်ဦးက ပြောဆိုထားသည်။ လက်ရှိ ဖမ်းဆီးခံထားရသည့် ရာအိမ်မှူးများနှင့် ပြည်သူများ၏ အမည်အပြည့်အစုံ၊ မည်သည့်အဖွဲ့က ဖမ်းဆီးခဲ့သည်နှင့် မည်သည့်နေရာတွင် ထိန်းသိမ်းထားသည်ဆိုသော အချက်အလက်များကို အတည်ပြုနိုင်ခြင်း မရှိသေးပေ။ ဓာတ်ပုံ- ဒဂုံဆိပ်ကမ်း၊ အမှတ် ၈၈ ရပ်ကွက်အုပ်ချုပ်ရေးမှူးဟောင်း ဇော်လွင် ခေါ် တောက်တဲ့။

⚠️ ဗိုလ်တထောင်၊ ခွေးလမ်းကြောင်း * ဘဲဥ ဆိုင်ကယ် ၁ စီး အိမ်စီးကား DC ၁ စီး၊ ရခတွေပါ အန်စာတုံး အဖြူ ၁ စီး၊ ခေါင်မီးလုံးတင် ဗိုလ်တထောင် ကမ်းနားဘက်မှ လင်းစတောင်းဘက်ကနေ မြို့ထဲဘက် ရှေ့ရှုသွားခဲ့ * 10:02 AM #RSG သတင်းပေးပို့ရန် @Bo1000_Informer

ဗိုလ်တထောင်၊ ဝန်ကြီးများရုံး * သိမ်ဖြူလမ်းမပေါ် ဝန်ကြီးများရုံး ပတ်ချာလည် ကြိုးတွေတားပြီး ပိတ်ထား၊ သဲအိတ်ဘန်ကာတွေမှာ ရခတွေ ၁ ကောင်စီ ကင်းပုန်း စဝပ်နေခဲ့ * 9:46 AM (Delayed) #RSG သတင်းပေးပို့ရန် @Bo1000_Informer

ဗိုလ်တထောင် * ဗိုလ်တထောင် ၆ ရှေ့က ဆစ်ဘုရားကျောင်းနား ခွေးဘဲဥ အထီး ၁၊ အမ ၃ ကောင်ရှိခဲ့ * 9:46 AM (Delayed) #RSG သတင်းပေးပို့ရန် @Bo1000_Informer

🆕 DAILY HIGHLIGHTS (10-13 JUN 2026) •••••••••••••••®••••••••••••••• 💥 စစ်ရေးထူးခြားသတင်းများ ခေါင်လန်ဖူးဒေသရှိ စစ်တပ်စခန်းကို KIA သိမ်းပိုက် – PS ———— 🟢 နိုင်ငံခြားရေးထူးခြားသတင်းများ မင်းအောင်လှိုင် ဩဂုတ်လဆန်းပိုင်း ထိုင်းနိုင်ငံသို့ သွားရောက်မည် – KT စစ်တပ် နိုင်ငံခြားရေးဝန်ကြီး တင်မောင်ဆွေနှင့် ထိုင်းနိုင်ငံခြားရေးဝန်ကြီးက တွေ့ဆုံ – KT SCEF နှင့် အာဆီယံဥက္ကဋ္ဌ တို့ တွေ့ဆုံရန်ရှိဟု NUG နိုင်ငံခြားရေးဝန်ကြီးပြော – KT မြန်မာ့အရေး ဘန်ကောက်အလွတ်သဘောတွေ့ဆုံပွဲစတင် – BBC ထိုင်း၊ ဖိလစ်ပိုင်နဲ့ EROs အချို့တွေ့ဆုံ – BBC ထိုင်း၊ ဖိလစ်ပိုင် နဲ့ စစ်တပ် NSPNC အဖွဲ့ဝင်တချို့ တွေ့ဆုံမယ် – BBC ———— 💵 စီးပွားရေးထူးခြားသတင်းများ သွင်းကုန်လိုင်စင်မရှိဘဲ ကုန်ပစ္စည်းတင်သွင်းမှု ပြင်းပြင်းထန်ထန်အရေးယူမည်ဟု စစ်ကောင်စီက ကြေညာ – KT ———— ➕ အခြားထူးခြားသတင်းများ မြန်မာနိုင်ငံတစ်ဝန်း ဗိုလ်ချုပ်အောင်ဆန်း ကြေးရုပ်များကို အချိုးအစားမမှန်၍ ဖယ်ရှားဟု အကြမ်းဖက်စစ်တပ်က တုံ့ပြန် – KT #RangoonScoutNetwork

⬜️ ဒေါပုံ မဟာဗန္ဓုလ တံတားအဆင်းရန်ပြေလမ်းမထိပ် ဘဲဥမီးတန်း စလွန်း ၁ စီးနဲ့ ဘဲဥတွေ ကားရပ်ပြီး ကားတွေ အစစ်အဆေး ကြမ်းနေ 8:31 AM 📬 @Inform_RSN

⚠️ ‌ဗိုလ်တထောင်၊ ခွေးလမ်းကြောင်း * ဘဲဥ မီးတန်းဆိုင်ကယ် ၁ စီး အိမ်စီးကား ၅ စီး ရခ မီးတန်း ၁ စီး ကမ်းနားလမ်းအတိုင်း မြို့ထဲဘက်ကလာ လင်းစတောင်းဘက် ရှေ့ရှု * 8:33 PM #RSG သတင်းပေးပို့ရန် @Bo1000_Informer

🖥 ရန်ကုန် တပတ်တာ အခြေအနေ •••••••••••••••®••••••••••••••• ယခု ရက်သတ္တပတ် [Jul 6 - 12, 2026] ထဲ ရန်ကုန်တိုင်းအတွင်းဖြစ်ပွားခဲ့သည့် ထူးခြားဖြစ်စဉ်များဖြစ်သည်။ ခေါင်းစဉ် ၈ ခု ခွဲ၍ ဖော်ပြထားသည်။ 🔖 သပိတ်လှုပ်ရှားမှု

· ဇူလိုင်လ ၇ ရက်နေ့တွင် ၆၄ နှစ်မြောက် 7 July ကျောင်းသားအရေးအခင်း အထိမ်းအမှတ်အဖြစ် တော်လှန်လူငယ်များ စုပေါင်း၍ '၇.၇.၆၂ မမေ့ကြနဲ့' ၊ '7-7-62 DON’T FORGET' စာသားပါ တီရှပ်များ ဝတ်ဆင်ကာ လှုပ်ရှားမှုပြုလုပ်ခဲ့ကြောင်း သတင်းထုတ်ပြန်ထားသည်။

———— 🔖 အဖမ်းအဆီးဖြစ်စဉ်များ

· ယခု ရက်သတ္တပတ်ထဲ မတရား ဖမ်းဆီးခံခဲ့ရသူတို့အနက် မြို့နယ် ၃ မြို့နယ် (တောင်ဒဂုံ၊ မြောက်ဥက္ကလာနှင့် မင်္ဂလာဒုံမြို့နယ်) တို့မှ လူ ၉ ဦး၏ ဖြစ်စဉ်ကို သိရှိလိုက်ရသည်။ · လမ်းပေါ်ရမ်းသမ်းဆွဲခံရသူ ၆ ဦး (ထိုထဲမှ ၄ ဦး စစ်မှုထမ်းဖို့ ပို့ခံရ) နှင့် စက်ရုံထဲ ရှာဖမ်းခံရသူ ၃ ဦးတို့ဖြစ်သည်။

———— 🔖 ဖုန်းလိုက်စစ်ပြီး ငွေညစ်၊ မိန်းကလေးများကိုလည်း စော်ကား

· ဇူလိုင်လ ၈ ရက်နေ့ နေ့ခင်းဘက်တွင် မရမ်းကုန်းမြို့နယ်၊ သမိုင်းလမ်းဆုံ စစ်တပ်ဘန်ကာမှ အကြမ်းဖက်စစ်သားများက လမ်းသွားလမ်းလာများထံမှ ဖုန်းယူစစ်ပြီး ငွေညစ်နေခဲ့ကြကြောင်း Khit Thit မှ သိရှိရသည်။ လူတဦးဆီက ကျပ် ၅ သောင်းတောင်းစဉ် ပြန်မေးခွန်းထုတ်လို့ဆိုပြီး ထိုးကြိတ်ခဲ့ကြသေးသည်။ · ချစ်သူစုံတွဲများကိုလည်း ခေါ်စစ်ပြီး မိန်းကလေးများကို လိင်ပိုင်းဆိုင်ရာနှောက်ယှက်စော်ကားကြကြောင်း သိရသည်။

———— 🔖 နိုင်ကျဉ်းများကို အကြောင်းမဲ့ ရိုက်နှက်ညှင်းပန်း

· အင်းစိန်အကျဉ်းထောင်၊ အမျိုးသားဆောင် ၁ ထဲ၌ နိုင်ငံရေးအကျဉ်းသား ၃၀ ဦးခန့်ကို ထောင်ဝန်ထမ်း (၁ ပွင့်) အောင်ကျော်ဆင့်က အကြောင်းမဲ့ လူမဆန်စွာ ရိုက်နှက်ညှင်းပန်းခဲ့ကြောင်း Political Prisoners Network - Myanmar (PPMN) မှ သတင်းထုတ်ပြန်ထားသည်။ · ဇူလိုင်လ ၅ ရက်နေ့က ထောင်တွင်း တရားဝင်ကျင်းပသည့် ဘောလုံးပွဲကို နိုင်ကျဉ်းများ သွားကြည့်ပြီး အပြန်၌ ၎င်းထောင်ဝန်ထမ်းက ပြဿနာရှာကာ ရိုက်နှက်ခဲ့ခြင်းဖြစ်သည်။ လက်ကိုင်တုတ်ဖြင့် မျက်နှာ၊ ဦးခေါင်း၊ လည်ပင်း စသည့်နေရာများကို ရိုက်နှက်နှိပ်စက်ခဲ့၍ နိုင်ကျဉ်းများ ဒဏ်ရာအပြင်းအထန်ရရှိခဲ့ကြရကာ တချို့မှာ အခြေအနေစိုးရိမ်ရကြောင်း သိရသည်။

———— 🔖 အာဇာနည်နေ့ ဝင်ခွင့်ပစ္စည်းများ ကန့်သတ်

· ဇူလိုင်လ ၁၉ ရက် အာဇာနည်နေ့တွင် အာဇာနည်ဗိမာန်၊ ဗိုလ်ချုပ်ပြတိုက်နှင့် ဝန်ကြီးများရုံးတို့၌ ဝင်ခွင့်အတွက် ပစ္စည်း ၁၀ မျိုး ကန့်သတ်ထားသည်ဟု စစ်တပ်မှ ကြေညာထားးသည်။ · ဖုန်း၊ ကင်မရာ၊ အလံ၊ တုတ်/ပိုက်၊ ဗီနိုင်း၊ ပန်းခွေ/စည်း/ခြင်း၊ ပုလင်း/ဗူး၊ လက်ကိုင်အိတ်၊ မီးခြစ် နှင့် ဘောပင်တို့ ယူမလာရဟု ဆိုသည်။ · မှတ်ပုံတင်နံပါတ်၊ လိပ်စာ၊ ဖုန်းနံပါတ် စသည့်ကိုယ်ရေးအချက်အလက်များ ပေးရမည့်အပြင် အထောက်အထားကတ်ပြားတခုခုပါ ယူလာရမည်ဟု ပြောသည်။

———— 🔖 ဧည့်စာရင်းဖြင့်နေသူများကို စားအုန်းဆီထုတ်ခွင့်မပေး

· စားအုန်းဆီခွဲတန်းများကို ယခု ဇူလိုင်လမှစ၍ အကြမ်းဖက်စစ်တပ်အဖွဲ့မှ ထပ်လျှော့ချလိုက်ပြီးနောက် ရန်ကုန်တွင် စားအုန်းဆီ ပြင်ပဈေး တပိဿာလျှင် ကျပ် ၁ သောင်း ၈ ထောင်ထိ ဖြစ်လာကြောင်း DVB မှ သိရှိရသည်။ · စစ်တပ်၏ ဆီကုန်သည်အသင်းကမူ ရည်ညွှန်းဈေးအဖြစ် တပိဿာ ကျပ် ၇ ထောင့် ၂ ရာဟု သတ်မှတ်ပြထားသည်။ ယခင်က ရပ်ကွက်နေ လူအားလုံး ဆီထုတ်ခွင့်ရခဲ့သော်လည်း ယခု သန်းခေါင်စာရင်းဖြင့်နေထိုင်သူများကိုသာ ထုတ်ခွင့်ပေးတော့သည်။

———— 🔖 ရှေ့တန်းပြန် စစ်သား ကြိုပွဲလုပ်ပြ

· ရှေ့တန်းမှ အသက်ရှင်ပြန်လာသည့် တပ်သားများကို ဇူလိုင်လ ၆ ရက်နေ့တွင် အကြမ်းဖက်စစ်တပ်၏ ရန်ကုန်တိုင်း စစ်ဌာနချုပ်၌ ကြိုဆိုပွဲ ပြုလုပ်ခဲ့သည်ဟု သတင်းထုတ်ပြန်ထားသည်။

———— 🔖 ဧည့်စစ်လူရှာဖြစ်စဉ်များ

· ယခု သီတင်းပတ်အတွင်း ဧည့်စစ်လူရှာဖြစ်စဉ်များအနက် သာကေတ၊ စမ်းချောင်းနှင့် မရမ်းကုန်းမြို့နယ်ထဲ ဧည့်စစ်/လူရှာ ဝင်သွားခဲ့သည်ကို သိရှိခဲ့ရသည်။

13 Jul 2026 #RangoonScoutNetwork #YGN_weekly

⚫️ မြောက်ဥက္ကလာထဲ ရပ်ကွက်ခြား လူလိုက်ဆွဲပြီး စစ်မှုထမ်းဖို့ပို့ ဇူလိုင်လ ၁၀ ရက်နေ့ မနက် ၅ နာရီခွဲခန့်တွင် ရန်ကုန်တိုင်း၊ မြောက်ဥက္ကလာမြို့နယ်၊ တံတားကြီးရပ်ကွက်နေ ယောကျ်ားလေး ၃ ဦး (အသက် ၂၃ ဝန်းကျင်) ဈေးရောင်းဖို့ နေအိမ်မှထွက်လာကြစဉ် ဃ ရပ်ကွက် ရာအိမ်မှူးအဖွဲ့မှ ဃ ရပ်ကွက်ရုံးထဲသို့ ဖမ်းဆီးခေါ်ဆောင်သွားခဲ့ကြောင်း သတင်းရှိသည်။ ထို့နောက် မနက်ပိုင်းအတွင်းမှာပင် စစ်မှုထမ်းစုဆောင်းသည့်နေရာသို့ ထပ်လွှဲပို့လိုက်ကြောင်း သိရသည်။ 12 Jul 2026 #RangoonScoutNetwork

ဇူလိုင် ၁၂ ရက်မှ ၁၉ ရက်အထိ Ventusky (ICON Model) မိုးရေချိန်ခန့်မှန်းချက် မြေပုံများအရ မြန်မာနိုင်ငံတစ်ဝန်းတွင် အနောက်တောင်မုတ်သုံလေ အားကောင်းရာမှ အလွန်အားကောင်းနေပြီး ဘင်္ဂလားပင်လယ်အော်နှင့် ကပ္ပလီပင်လယ်ပြင်တို့မှ မိုးတိမ်တိုက်များ အဆက်မပြတ် ဝင်ရောက်နေသည်ကို တွေ့ရပါသည်။ ပြည်နယ်နှင့် တိုင်းဒေသကြီးအလိုက် စုစုပေါင်း ခန့်မှန်းမိုးရေချိန် ဇယားကို မိုးအများဆုံးရွာသွန်းနိုင်သည့် ဒေသမှ အနည်းဆုံးဒေသသို့ Sorting (အများမှအနည်း) ပြုလုပ်၍ အောက်ပါအတိုင်း ဖော်ပြပေးလိုက်ပါသည် - ၁။ ပြည်နယ်နှင့် တိုင်းဒေသကြီးအလိုက် ခန့်မှန်းမိုးရေချိန်ဇယား (Sorting - High to Low) 🔸ဇယားပုံတွင်ကြည့်ပါ🔸 ၂။ မြန်မာနိုင်ငံအပေါ် သက်ရောက်နိုင်သည့် မိုးလေဝသအခြေအနေ ကြိုတင်ခန့်မှန်းသုံးသပ်ချက် (Analysis) 🌧 မိုးရေချိန်များမည့် ဇုန် (Extreme Rainfall Zone) 📌မြန်မာနိုင်ငံမြောက်ပိုင်းနှင့် အထက်ပိုင်းဒေသများ - စစ်ကိုင်းတိုင်းအထက်ပိုင်း၊ ကချင်ပြည်နယ်နှင့် ချင်းပြည်နယ်တို့တွင် ဇူလိုင် ၁၅ ရက်နောက်ပိုင်းမှစ၍ မိုးတိမ်တိုက်များ ပိုမိုသိပ်သည်းလာကာ မိုးရေချိန် ၁၅၀ မီလီမီတာမှ ၂၅၀ မီလီမီတာဝန်းကျင်အထိ အလွန်များပြားလာနိုင်ပါသည်။ 📌ကမ်းရိုးတန်းနှင့် တောင်ပိုင်းဒေသများ - တနင်္သာရီတိုင်းဒေသကြီး၊ ရခိုင်ပြည်နယ်နှင့် မွန်ပြည်နယ်တို့တွင် ကပ္ပလီပင်လယ်ပြင်မှ တိုက်ခတ်လာသော မုတ်သုံလေကြောင့် မိုးအဆက်မပြတ် ရွာသွန်းနိုင်ပြီး ကမ်းလွန်ပင်လယ်ပြင်တွင် မိုးရေချိန် ၂၀၀ မီလီမီတာအထက် သို့ မြင့်တက်နေသည်။ 🌦 မိုးရေချိန်အသင့်အတင့်ရွာမည့် ဇုန် (Moderate Rainfall Zone) 📌ရှမ်းပြည်နယ် (မြောက်ပိုင်း)၊ စစ်ကိုင်းတိုင်းအောက်ပိုင်း၊ ပဲခူးတိုင်းအရှေ့ပိုင်း၊ ရန်ကုန်နှင့် ဧရာဝတီတိုင်းတို့တွင် ခန့်မှန်းမိုးရေချိန် ၅၀ မီလီမီတာမှ ၁၀၀ မီလီမီတာဝန်းကျင် ရှိနိုင်ပြီး နေ့စဉ် မိုးဖွဲဖွဲမှ မိုးအသင့်အတင့် ပုံမှန်ရွာသွန်းမည့် အခြေအနေရှိသည်။ 🌤 မိုးရေချိန်နည်းနိုင်သည့် ဇုန် (Low Rainfall Zone) 📌မြန်မာနိုင်ငံအလယ်ပိုင်း မိုးခေါင်ရေရှားရပ်ဝန်း (Dry Zone) ဖြစ်သော မကွေးတိုင်း၊ မန္တလေးတိုင်းနှင့် ပဲခူးတိုင်းအနောက်ပိုင်းတို့တွင် မိုးရေချိန် ၅၀ မီလီမီတာအောက် သာရှိပြီး ဒေသအလိုက် မိုးကျဲကျဲသာ ရွာသွန်းနိုင်ပါသည်။ ⚠️ ကြိုတင်သတိပြုရန် အချက်များ (Hazards Warning) 📢 ရေကြီးရေလျှံမှုအန္တရာယ် - စစ်ကိုင်းတိုင်းအထက်ပိုင်းနှင့် ကချင်ပြည်နယ်တို့တွင် မိုးအဆက်မပြတ်ရွာပြီး မိုးရေချိန် အလွန်များနိုင်သဖြင့် ဧရာဝတီမြစ်နှင့် ချင်းတွင်းမြစ်ဝှမ်းတစ်လျှောက် ရေမျက်နှာပြင်မြင့်တက်လာကာ မြစ်ရေကြီးမှုနှင့် မြေနိမ့်ပိုင်း ရေလျှံမှုများ ဖြစ်ပွားနိုင်ပါသည်။ 📢 မြေပြိုမှုအန္တရာယ် - ချင်းပြည်နယ်နှင့် ကချင်ပြည်နယ်ရှိ တောင်တန်းဒေသများတွင် ဇူလိုင် ၁၅၊ ၁၆၊ ၁၇ ရက်များ၌ မိုးသည်းထန်နိုင်သဖြင့် တောင်ပြိုခြင်း၊ လမ်းပိတ်ခြင်းများ ကြိုတင်သတိပြုရပါမည်။ 📢 ပင်လယ်ပြင်သတိပေးချက် - ရခိုင်ကမ်းရိုးတန်းနှင့် တနင်္သာရီကမ်းရိုးတန်းတစ်လျှောက်တွင် မုတ်သုံလေအားကောင်းမှုကြောင့် လှိုင်းလေပြင်းထန်နိုင်သဖြင့် ရေလုပ်ငန်းနှင့် ရေကြောင်းသွားလာရေး သတိပြုရန် လိုအပ်ပါသည်။

ရန်ကုန်မြို့တွင် လူငယ်များကို စစ်မှုထမ်းအဖြစ် ပေါ်တာဆွဲ ဖမ်းဆီးမှုများ ဆက်တိုက်ဖြစ်ပွားနေပြီး ပြန်လွှတ်ပေးရန် ငွေကျပ် သိန်းဆယ်ချီ တောင်းခံ၊ မန္တလေးမှ ရန်ကုန်သို့လာစဉ် အောင်မင်္ဂလာအဝေးပြေးဝင်းတွင် ပျောက်ဆုံးသွားသည့် လူငယ်တစ်ဦး ရွှေပြည်သာ စုဆောင်းရေးတပ်သို့ ရောက်ရှိ ရန်ကုန်၊ ဇူလိုင် ၁၂ ရန်ကုန်မြို့ရှိ ကြည့်မြင်တိုင်မြို့နယ်၊ စမ်းချောင်းမြို့နယ်၊ ကျွန်းအလယ်ရပ်ကွက်နှင့် အောင်မင်္ဂလာအဝေးပြေးဝင်း အပါအဝင် နေရာများတွင် လူငယ်များကို စစ်မှုထမ်းရန် ပေါ်တာဆွဲ ဖမ်းဆီးမှုများ ဆက်တိုက်ဖြစ်ပွားနေပြီး ဖမ်းဆီးခံရသူတချို့ကို ပြန်လွှတ်ပေးရန် ငွေကျပ် သိန်းဆယ်ချီ တောင်းခံမှုများရှိနေကြောင်း ဖမ်းဆီးခံရသော လူငယ်များ၏ မိဘများနှင့် ဒေသခံပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။ ရန်ကုန်တိုင်း၊ကြည့်မြင်တိုင်မြို့နယ်၊ နိဗ္ဗာန်လမ်းတွင် အရပ်ဝတ်အဖွဲ့တစ်ဖွဲ့က လွန်ခဲ့သည့် ၄ ရက်ခန့်မှစတင်၍ ဆိုင်ကယ်များဖြင့် လှည့်လည်ကာ လူငယ်များကို စောင့်ကြည့်ပြီး ပေါ်တာဆွဲဖမ်းဆီးမှုများ လုပ်ဆောင်နေကြောင်း ဒေသခံတစ်ဦးက ပြောဆိုသည်။ အဆိုပါအဖွဲ့သည် လူငယ်များကို လိုက်လံစောင့်ကြည့်ပြီး အတင်းအဓမ္မ ဝင်ရောက်ဖမ်းဆီးကာ နောက်ပိုင်းတွင် ကားဖြင့် လာရောက်တင်ဆောင်ခေါ်ယူသွားခြင်းဖြစ်ကြောင်း သိရသည်။ “နိဗ္ဗာန်လမ်းမှာ ပေါ်တာဆွဲပြီး ငွေညှစ်နေတဲ့အဖွဲ့ ရှိနေတာ ၄ ရက်လောက်ရှိပြီ။ ဆိုင်ကယ်နဲ့ပတ်ပြီး လူငယ်တွေကို လိုက်ချောင်းတယ်။ အရပ်ဝတ်တွေနဲ့ အတင်းဝင်ဖမ်းပြီး ကားနဲ့လာတင်ခေါ်သွားတာတွေ လုပ်နေတယ်။ ကျနော်တို့ လုံခြုံမှုမရှိတော့ဘူး” ဟု ဒေသခံပြည်သူတစ်ဦးက ပြောဆိုသည်။ အလားတူ ရန်ကုန်မြို့ရှိ စမ်ချောင်းမြို့နယ်၊ ကျွန်းအလယ်ရပ်ကွက်တွင်လည်း လူငယ်များကို စစ်မှုထမ်းရန် ရွေးချယ်ခေါ်ယူပြီး စစ်မှုထမ်းစာရင်းမှ လွတ်မြောက်လိုပါက ငွေကျပ် သိန်း ၈၀ အထိ တောင်းခံမှုများရှိနေကြောင်း ဒေသခံများက ပြောဆိုသည်။ စမ်းချောင်းမြို့နယ်တွင် မိသားစုတစ်စုမှ လူငယ်တစ်ဦးကို စစ်မှုထမ်းရန် ရပ်ကွက်အုပ်ချုပ်ရေးအဖွဲ့က ရွေးချယ်ပြီး ငွေကျပ် သိန်း ၈၀ တောင်းခံခဲ့သော်လည်း နောက်ဆုံးတွင် ငွေကျပ် သိန်း ၅၀ ဖြင့် ညှိနှိုင်းပေးဆောင်ခဲ့ရကြောင်း၊ လက်ရှိတွင် ငွေကြေးတတ်နိုင်သည့် မိသားစုများမှ လူငယ်များကိုပါ စစ်မှုထမ်းရန် ရွေးချယ်ခေါ်ယူမှုများ ပိုမိုလုပ်ဆောင်လာကြောင်း သိရသည်။ ထို့ပြင် ဇူလိုင်လ ၁၀ ရက်နေ့ ညနေပိုင်း၊ ရန်ကုန်တိုင်း မင်္ဂလာဒုံမြို့နယ်၊ဇေကမ္ဘာဝင်းဘက်မှ လမ်း လျှောက်ပြန်လာသော ၁၀ တန်းကျောင်းသား လူငယ် ၂ ဦးကို တက္ကစီကားတစ်စီးဖြင့် အရပ်ဝတ်လူတချို့က ဖမ်းဆီးခေါ်ဆောင်သွားခဲ့ကြောင်း၊ အဆိုပါ လူငယ်များမှာ မင်္ဂလာဒုံမြို့နယ်အတွင်း ကျောင်းတက်နေကြသည့်ကျောင်းသား ၂ ဦးဖြစ်ပြီး မိဘများက လူပျောက်ကြေညာများ ဖြန့်ဝေလျက်ရှိကြောင်း သိရှိရသည်။ ထို့အတူ ရန်ကုန်တိုင်း၊ မင်္ဂလာဒုံမြို့နယ်၊ အောင်မင်္ဂလာအဝေးပြေးဝင်းတွင်လည်း နယ်မှ ရန်ကုန်သို့ တက်လာသည့် လူငယ်တချို့ ပျောက်ဆုံးမှုများရှိနေပြီး နောက်ပိုင်းတွင် စစ်မှုထမ်းစုဆောင်းရေးတပ်များ၌ ရောက်ရှိနေကြောင်း မိသားစုဝင်များက စုံစမ်းသိရှိရသည့် ဖြစ်စဉ်များ ရှိနေသည်။ မန္တလေးမှ ရန်ကုန်သို့ လာရောက်သည့် အသက် ၂၈ နှစ်အရွယ် မောင်ကျော်ကျော်ဦးသည် ဇူလိုင်လ ၈ ရက်နေ့တွင် ရန်ကုန်သို့ ထွက်ခွာလာခဲ့ပြီး ဇူလိုင်လ ၉ ရက်နေ့ နံနက်ပိုင်းတွင် အောင်မင်္ဂလာအဝေးပြေးဝင်း၌ ကားပေါ်မှ ဆင်းပြီးနောက် အဆက်အသွယ်ပြတ်တောက်ကာ ပျောက်ဆုံးသွားခဲ့ကြောင်း သိရသည်။ မိသားစုဝင်များက လိုက်လံစုံစမ်းခဲ့ရာ ဇူလိုင်လ ၁၁ ရက်နေ့တွင် မောင်ကျော်ကျော်ဦးမှာ ရွှေပြည်သာမြို့နယ်ရှိ စစ်မှုထမ်းစုဆောင်းရေးတပ်သို့ ရောက်ရှိနေကြောင်း သိရှိခဲ့ရသည်။ ရန်ကုန်မြို့အတွင်း လူငယ်များကို အရပ်ဝတ်များဖြင့် စောင့်ကြည့်ဖမ်းဆီးခြင်း၊ လမ်းသွားလမ်းလာများကို ကားဖြင့် တင်ဆောင်ခေါ်ယူခြင်းနှင့် စစ်မှုထမ်းစာရင်းမှ လွတ်မြောက်ရေးအတွက် ငွေကျပ် သိန်းဆယ်ချီ တောင်းခံခြင်းများ ဆက်တိုက်ဖြစ်ပွားနေသဖြင့် လူငယ်များအနေဖြင့် သွားလာရာတွင် အထူးသတိထားကြရန် ဒေသခံပြည်သူများက သတိပေးထားသည်။ ဓာတ်ပုံ- ညပိုင်း ပြည်သူများကို ဖမ်းဆီး စစ်ဆေးမှုများ လုပ်ဆောင်နေသည့် အကြမ်းဖက်ရဲတချို့။ (ပုံအဟောင်းကို အသုံးပြုထားပါသည်။)

ရန်ကုန်မြို့မှာ ဆိုက်ကားသမားတစ်ဦး ဆိုက်ကားနင်းနေရင်း သေဆုံး ဇူလိုင်-၁၂၊၂၀၂၆။မိုမို/People's Spring ရန်ကုန်မြို့၊ ကမ်းနားလမ်းအနီး ဆိုက်ကားသမားတစ်ဦး ဆိုက်ကားနင်းနေရင်း သေဆုံးမှု ဒီကနေ့ မနက်အစောပိုင်းမှာ ဖြစ်ခဲ့တယ်လို့ ကူညီကယ်ဆယ်သူနဲ့ မျက်မြင်တွေ့ရှိခဲ့သူတချို့က လူထုနွေဦးကို ပြောပါတယ်။ "၇ နာရီလောက်က ဖြစ်တာ လမ်း‌မပေါ် မှာပဲ။ ခရီးသည်တော့ မပါဘူး။နင်းနေရင်း ဆိုင်ကားလက်ကိုင်ရှေ့ခေါင်းငိုက်စိုက်ကျသွားတာ"လို့ ဖြစ်စဉ်ကို တွေ့ရှိခဲ့သူက ပြောပါတယ်။ သေဆုံးသူဟာ အသက်(၅၀)အရွယ်၀န်းကျင်ဖြစ်ပြီး ကမ်းနားလမ်းတဝိုက် ဆိုက်ကားပုံမှန်‌ပြေးဆွဲနေသူလို့ ကူညီကယ်ဆယ်ခဲ့သူတစ်ဦးက ဆိုပါတယ်။ "ကျွန်တော်တို့ စစ်ရသလောက်ဆိုရင် ဦးနှောက်သွေးကြောပြတ်သွားတာလို့ ယူဆတယ်"လို့ သူက ပြောပါတယ်။ လက်ရှိမှာ ရုပ်အလောင်းကို ရန်ကုန်ဆေးရုံကြီးပို့ဆောင်ထားကြောင်းလည်း သိရပါတယ်။ "မရှိဆင်းရဲသားတွေဘ၀ တကယ်ကို ဒုက္ခ ရောက်နေကြတာ။နေမကောင်းလည်း မနားနိုင်ရှာဘူး။တရက်နားလိုက်ရင် တရက်ထမင်းငတ်ပဲ ဖြစ်နေတဲ့ ဘ၀တွေ"လို့ ဖြစ်ဉ်ကို သိရှိသူတစ်ဦးက မှတ်ချက်ပေးပါတယ်။ ၂၀၂၁ စစ်တပ် အာဏာလုယူချိန်ကတည်းက မြန်မာနိုင်ငံမှာ ပြည်တွင်းစစ်အတွင်းကျရောက်ခဲ့ရပြီး စစ်အာဏာသိမ်းမှုကြောင့် နိုင်ငံမှာ ဆယ်စုနှစ် တစ်ဝက်နီးပါး မတည်ငြိမ်မှုများဆီ တွန်းပို့ခံခဲ့ရပြီးမြန်မာနိုင်ငံသား ၅သန်းကျော်မှာ ဆင်းရဲမွဲတေသွားတယ်လို့ ပြီးခဲ့တဲ့ဇွန်လမှာ ကမ္ဘာ့ဘဏ်က ထုတ်ပြန်ထားပါတယ်။ (ဆိုက်ကားသမား သေဆုံးနေတာကို တွေ့ရစဉ်။ ဓာတ်ပုံ- ပူတူး)