Botahtaung Scout Channel

▪️မင်းအောင်လှိုင် ရန်ကုန်ရောက်နေ ယနေ့ ဩဂုတ်လ ၂၉ ရက်တွင် အကြမ်းဖက်စစ်ခေါင်းဆောင် မင်းအောင်လှိုင် ရန်ကုန်မြို့သို့ ရောက်ရှိနေသည်။ မနက်ပိုင်းက ဧရာဝတီတိုင်း၊ ညောင်တုန်းမြို့ထဲ ရှိနေခဲ့ပြီး ထိုနေရာမှ ကားဖြင့် ဝင်လာပုံရသည်။ တွံတေးမြို့ထဲ ဝင်လည်ပြီးနောက် ရန်ကုန်-တွံတေး ကားလမ်းမနှင့် ရန်ကုန်မြစ်တို့ကိုပါ လှည့်ပတ်ကြည့်သွားသည်ဟု စစ်တပ်မှ သတင်းထုတ်ပြန်ထားသည်။ 29 Aug 2026 #RangoonScoutNetwork

“လှိုင်သာယာမှာ ဟိုတယ်တွေ၊ တည်းခိုခန်းတွေ၊ ဘားတွေကို တရုတ်တွေကပဲ ဖွင့်ထားတာတွေရှိတယ်။ အပြင်ကကြည့်ရင် ဧည့်သည်မရှိသလောက်ပဲ။ သူတို့လူတွေပဲ အတွင်းမှာနေကြတယ်။ အပြင်လူတွေကိုလည်း လွယ်လွယ်နဲ့ ဝင်ခွင့်မပေးဘူး။ တံခါးပိတ်ပြီး သူတို့အချင်းချင်းပဲ အလုပ်လုပ်ကြတာ။ ဟိုတယ်၊ တည်းခိုခန်းလိုင်စင်ယူထားပြီး အတွင်းမှာ အွန်လိုင်းငွေလိမ်လည်မှုလုပ်ငန်းတွေ လုပ်နေကြတာပါ။ သက်ဆိုင်ရာ စစ်တပ်၊ ရဲနဲ့ အုပ်ချုပ်ရေးအဖွဲ့အစည်းတွေကလည်း မသိဘဲမနေပါဘူး။ လိုင်းကြေးပေးပြီး လုပ်ကိုင်နေကြတာလို့ သိရတယ်” ဟု အခြေအနေကို သိရှိထားသည့် သတင်းရင်းမြစ်တစ်ဦးက ရှင်းပြသည်။ ကရင်ပြည်နယ်နှင့် ရှမ်းပြည်နယ်မှ ထွက်ခွာလာသော ယင်းတရုတ်နိုင်ငံသားများသည် ငွေကြေးအမြောက် အမြား အသုံးပြုကာ ရန်ကုန်မြို့ရှိ အဆင့်မြင့်အိမ်ရာများတွင် အခြေချနေထိုင်လာကြောင်းလည်း သိရှိရသည်။ FMI အိမ်ရာ၊ အောင်ဇေယျအိမ်ရာ၊ နဝဒေးအိမ်ရာ၊ ကျန်စစ်မင်းအိမ်ရာနှင့် ထီးလှိုင်ရှင်အိမ်ရာတို့တွင် နေအိမ်နှင့် မြေကွက်များကို စျေးနှုန်းမြင့်မားစွာပေး၍ ဝယ်ယူခြင်း သို့မဟုတ် ငှားရမ်းခြင်းများ ပြုလုပ်ကာ အခြေစိုက်နေထိုင်ပြီး လုပ်ငန်းများ ဆက်လက်လုပ်ကိုင်နေကြောင်း သတင်းရင်းမြစ်များက ပြောဆိုသည်။ ဖမ်းဆီးအရေးယူခြင်းမခံရစေရန်အတွက် ယင်းအွန်လိုင်းငွေလိမ်လည်မှုကွန်ရက်များက နယ်မြေခံ ရပ်ကွက်အုပ်ချုပ်ရေးမှူးများ၊ အိမ်ရာအုပ်ချုပ်ရေးအဖွဲ့ဝင်များ၊ မြို့နယ်အထွေ ထွေအုပ်ချုပ်ရေးဦးစီးဌာနမှ တာဝန်ရှိသူများ၊ နယ်မြေခံ စစ်တပ်နှင့် ရဲတပ်ဖွဲ့ဝင်များထံ လစဉ်ငွေကြေးအမြောက်အမြား ပေးဆောင်နေကြသည်ဟု သတင်းရင်းမြစ်များက ဆိုသည်။ လှိုင်သာယာမြို့နယ်သာမက တာမွေနှင့် ဗဟန်းမြို့နယ်များတွင်လည်း ယင်းအွန်လိုင်းငွေလိမ်လည်မှုကွန်ရက်များ အခြေစိုက်လုပ်ကိုင်နေကြောင်း သိရှိရသည်။ ယင်းလုပ်ငန်းများတွင် ယခင်က ပါဝင်လုပ်ကိုင်ခဲ့ဖူးသူတစ်ဦးက “တာမွေမှာလည်း အမည်ခံ ကျားဖြန့်ဟိုတယ်တွေ လုပ်ငန်းတွေအများကြီးရှိတယ်။ လှိုင်သာယာမှာဆို Mandarin Hotel၊ လှိုင်သာယာဟိုတယ်၊ L.C Hotel တွေအပြင် FMI အိမ်ရာ၊ အောင်ဇေယျအိမ်ရာ၊ နဝဒေးအိမ်ရာ၊ ကျန်စစ်မင်းအိမ်ရာ၊ ထီးလှိုင်ရှင်အိမ်ရာတွေမှာ အခြေချနေကြတယ်။ သူတို့က ရပ်ကွက်နဲ့ အိမ်ရာအုပ်ချုပ်ရေးတာဝန်ရှိသူတွေကို လစဉ်ငွေအမြောက်အမြား ပေးကြတယ်လို့ သိရတယ်” ဟု ပြောဆိုသည်။ ရန်ကုန်တိုင်းရှိ စစ်တပ်အရာရှိကြီးများမှအစ လ၀က အရာရှိများ၊ မြို့နယ်နှင့် အိမ်ရာအုပ်ချုပ်ရေးတာဝန်ရှိသူများအထိ ယင်းအွန်လိုင်းငွေလိမ်လည်မှုကွန်ရက်များနှင့် ဆက်နွှယ် သည့် တရုတ်နိုင်ငံသားများထံမှ ငွေကြေးအမြောက်အမြား ရရှိနေကြောင်း၊ အချို့မှာ ယင်းငွေကြေးများဖြင့် တန်ဖိုးမြင့်မြေကွက်များနှင့် အိမ်ခြံမြေများကို ဝယ်ယူလာကြသည်ဟုလည်း သိရှိရသည်။ ယင်းအပြင် ယခင်က ဗဟန်းမြို့နယ်၊ ကမ္ဘာအေးလမ်းမပေါ်ရှိ Golden Butterfly Hotel တွင် အခြေစိုက်လုပ်ကိုင်ခဲ့သည်ဟု နာမည်ထွက်ခဲ့သော အွန်လိုင်းငွေလိမ်လည်မှုနှင့် လောင်းကစားကွန်ရက်များသည် ယခုအခါ ရန်ကုန်တိုင်း၊ ဗိုလ်တစ်ထောင်မြို့နယ်၊ ဗိုလ်အောင်ကျော်လမ်းမပေါ်ရှိ New Aye Yar Hotel သို့ ပြောင်းရွှေ့ကာ အွန်လိုင်းငွေလိမ်လည်မှုလုပ်ငန်းနှင့် ကာစီနိုအပါအဝင် လောင်းကစားဝိုင်းများ ပြန်လည်ဖွင့်လှစ်လုပ်ကိုင်နေကြောင်း သိရှိရသည်။ Golden Butterfly Hotel တွင် အွန်လိုင်းငွေလိမ်လည်မှုနှင့် တရားမဝင်လောင်းကစားလုပ်ငန်းများ အကြီးအကျယ်လုပ်ကိုင်နေသည်ဟု သတင်းများပေါက်ကြားပျံ့နှံ့ခဲ့ပြီးနောက် ၂၀၂၆ ခုနှစ် ဧပြီလအတွင်း စစ်ကောင်စီလက်အောက်ခံ ရဲတပ်ဖွဲ့က ဝင်ရောက်စစ်ဆေးခဲ့ကြောင်း၊ ယင်းနောက် လအတန်ကြာ လုပ်ငန်းများ ရပ်တန့်သွားခဲ့သော်လည်း ယခုအခါ New Aye Yar Hotel တွင် ပြန်လည်အခြေစိုက်လုပ်ကိုင်နေခြင်းဖြစ်ကြောင်း သတင်းရင်းမြစ်များက ပြောသည်။ New Aye Yar Hotel အတွင်းရှိ ပထမထပ်သို့ တက်ရောက်ပြီး ဓာတ်လှေကားမှ ထွက်သည်နှင့် ကာစီနိုလောင်းကစားရုံသို့ ရောက်ရှိနိုင်ကြောင်း၊ ဟိုတယ်အတွင်း အွန်လိုင်းငွေလိမ်လည်မှုလုပ်ငန်းများကို ဒုတိယထပ်နှင့် တတိယထပ်များတွင် လုပ်ကိုင်နေကြောင်း သိရှိရသည်။ “အခုဖွင့်ထားတဲ့ ကာစီနိုဝိုင်းတွေမှာ သာမန်လောင်းကစားပုံစံမျိုးမဟုတ်ဘဲ ဖဲလိမ်တာ၊ အံစာလိမ်တာတွေရှိတယ်လို့ သိရတယ်။ လာကစားတဲ့သူတွေထံကနေ နေ့စဉ်ငွေအမြောက် အမြား ရယူနေကြတာ။ အခုတစ်ခါ ထူးခြားတာက လေးကောင်ဂျင်ဝိုင်းပါ ထည့်သွင်းဖွင့်လှစ်ထားတယ်လို့ သိရတယ်” ဟု အခြေအနေကို သိရှိထားသူတစ်ဦးက ပြောသည်။ ယင်းလောင်းကစားရုံများရှိနေသည်ကို သာမန်ပြည်သူများပင် သိရှိပြီး လာရောက်ကစားနေကြသဖြင့် သက်ဆိုင်ရာအာဏာပိုင်များက မသိရှိနိုင်စရာအကြောင်းမရှိကြောင်း၊ သို့သော် လစဉ်လိုင်းကြေးများ ပေးဆောင်ထားခြင်းကြောင့် အရေးယူမှုမရှိဘဲ လုပ်ငန်းများ ဆက်လက်လည်ပတ်ခွင့်ရရှိနေသည်ဟု သတင်းရင်းမြစ်များက ဆိုသည်။

ရန်ကုန်ရောက် ကျားဖြန့်တရုတ်များက ၁၂/ မှတ်ပုံတင်များကို ငွေကျပ် သိန်းရာထောင်ချီပေး၍ ပြောင်းလဲကိုင်ဆောင်ပြီး ဟိုတယ်နှင့် လောင်းကစားဝိုင်းများကို အမည်ပေါက်နေရာအနှံ့ ပေါ်ပေါ်တင်တင် ဖွင့်လှစ်လာ ရန်ကုန်၊ ဩဂုတ် ၂၉ ရန်ကုန်ရောက် ကျားဖြန့် တရုတ်များက ရန်ကုန်တိုင်း အခြေပြု ၁၂/ နိုင်ငံသားမှတ်ပုံတင်များကို ငွေကျပ် သိန်းရာထောင်ချီပေး၍ ပြောင်းလဲကိုင်ဆောင်နေကြပြီး ရန်ကုန်တိုင်းအတွင်း နေရာအနှံ့အပြား ကျားဖြန့်ဟိုတယ်များနှင့် လောင်းကစား၀ိုင်းများကို ပေါ်ပေါ်တင်တင် ဖွင့်လှစ်လာနေကြောင်း တပ်သတင်းရင်းမြစ်များနှင့် စီးပွားရေးအသိုင်းအ၀ိုင်းထံမှ သိရှိရသည်။ မြဝတီနှင့် ရှမ်းပြည်နယ်မြောက်ပိုင်းဒေသများမှ ရန်ကုန်မြို့သို့ ပြောင်းရွှေ့ရောက်ရှိလာသော အွန်လိုင်းငွေလိမ်လည်မှုလုပ်ငန်း လုပ်ကိုင်သည့် တရုတ်နိုင်ငံသားများက ရန်ကုန် တိုင်းအခြေပြု ၁၂/ နိုင်ငံသားမှတ်ပုံတင်များကို ငွေကျပ် သိန်းရာနှင့်ချီမှ သိန်းထောင်နှင့်ချီအထိ ငွေကြေးပေး၍ ပြောင်းလဲကိုင်ဆောင်လာကြပြီး၊ ဟိုတယ်များ၊ ဘာသာစကားသင်တန်းကျောင်းများကို အမည်ခံဖွင့်လှစ်ကာ အွန်လိုင်းငွေလိမ်လည်မှုလုပ်ငန်းများ ဆက်လက်လုပ်ကိုင်နေသည့်အပြင် လောင်းကစားနှင့် ကာစီနိုဝိုင်းများကိုလည်း ရန်ကုန်မြို့နေရာအနှံ့အပြားတွင် ပေါ်ပေါ်တင်တင် ဖွင့်လှစ်လာနေခြင်းဖြစ်သည်။ ၂၀၂၄ ခုနှစ် နှစ်ကုန်ပိုင်းနှင့် ၂၀၂၅ ခုနှစ် နှစ်ဆန်းပိုင်းမှစတင်၍ ကရင်ပြည်နယ်၊ မြဝတီမြို့နှင့် ရှမ်းပြည်နယ်မြောက်ပိုင်းဒေသများတွင် အွန်လိုင်းငွေလိမ်လည်မှုလုပ်ငန်းများ လုပ်ကိုင်ခဲ့သည့် တရုတ်နိုင်ငံသားများသည် နည်းလမ်းမျိုးစုံဖြင့် ရန်ကုန်မြို့သို့ ရောက်ရှိလာခဲ့ကြောင်း သိရှိရသည်။ ယင်းတရုတ်နိုင်ငံသားများသည် ယခင်က ကရင်ပြည်နယ်အခြေပြု ၃/ မှတ်ပုံတင်နှင့် ရှမ်း ပြည်နယ်အခြေပြု ၁၃/ မှတ်ပုံတင်များ ကိုင်ဆောင်ထားခဲ့ကြသော်လည်း ယခုနောက်ပိုင်းတွင် ရန်ကုန်တိုင်းအခြေပြု ၁၂/ နိုင်ငံသားမှတ်ပုံတင်များနှင့် သန်းခေါင်စာရင်းများကို ငွေကြေး အမြောက်အမြားပေး၍ ပြောင်းလဲရယူကိုင်ဆောင်လာကြကြောင်း ရန်ကုန်အခြေစိုက် စီးပွားရေးအသိုင်းအဝိုင်းက ပြောသည်။ “မြန်မာစကားတောင် မတတ်တဲ့ တရုတ်တွေပါ။ အဓိကပြောချင်တာက ကျားဖြန့်လုပ်ငန်းလုပ်ကိုင်နေတဲ့ တရုတ်တွေဟာ ထန်းတပင်၊ ရွှေပြည်သာ၊ လှိုင်သာယာ၊ ဒဂုံမြို့သစ်လို ရန်ကုန်ဆင်ခြေဖုံးဒေသတွေကနေ ၁၂/ မှတ်ပုံတင်နဲ့ သန်းခေါင်စာရင်းတွေ ရယူကိုင်ဆောင်လာကြတယ်။ အရင်တုန်းကတော့ ၃/ နဲ့ ၁၃/ မှတ်ပုံတင်တွေ ကိုင်ထားကြတာ။ အခုတော့ ၁၂/ မှတ်ပုံတင်တွေနဲ့ ဟိုတယ်ပိုင်ရှင်တွေ၊ စီးပွားရေးလုပ်ငန်းရှင်တွေဆိုပြီး မှတ်ပုံတင်လာကြတယ်” ဟု ရန်ကုန်အခြေစိုက် စီးပွားရေးအသိုင်းအဝိုင်းမှ သတင်းရင်းမြစ်တစ်ဦးက ပြောဆိုသည်။ ရန်ကုန်မြို့တွင် ယင်းတရုတ်နိုင်ငံသားများက ဟိုတယ်၊ ဘာသာစကားသင်တန်းကျောင်း၊ ကွန်ပျူတာသင်တန်းကျောင်းနှင့် အခြားတရားဝင်စီးပွားရေးလုပ်ငန်းများကို အမည်ခံဖွင့်လှစ်ပြီး အတွင်းပိုင်းတွင် အွန်လိုင်းငွေလိမ်လည်မှုလုပ်ငန်းများကို ဆက်လက်လုပ်ကိုင်နေကြောင်း ရန်ကုန်မြို့ရှိ ယင်းလုပ်ငန်းများတွင် အလုပ်လုပ်ကိုင်ခဲ့ပြီးနောက် လုပ်ငန်းခွင်မှ ထွက်ခွာလာသူများက ပြောသည်။ မြဝတီမြို့နယ်အတွင်းရှိ အွန်လိုင်းငွေလိမ်လည်မှုလုပ်ငန်းများကို စစ်တပ်က နှိမ်နင်းမှုများပြုလုပ်ပြီးနောက် ယင်းလုပ်ငန်းများနှင့် ဆက်နွှယ်သည့် တရုတ်နိုင်ငံသားအများအပြားသည် ရန်ကုန်မြို့သို့ ပြောင်းရွှေ့ရောက်ရှိလာခဲ့ကြောင်း၊ အထူးသဖြင့် လှိုင်သာယာမြို့နယ်တွင် မြဝတီဘက်မှ ရောက်ရှိလာသူများ ပြန်လည်အခြေစိုက်နေထိုင်လာကြောင်း သိရှိရသည်။ ၎င်းတို့သည် ရန်ကုန်မြို့အတွင်း နေရာများခွဲဝေ၍ အခြေစိုက်ကာ တရားဝင်စီးပွားရေးလုပ်ငန်းများကို ဗန်းပြဖွင့်လှစ်ပြီး အွန်လိုင်းငွေလိမ်လည်မှုလုပ်ငန်းများကို ခြေရာဖျောက် ဆက်လက်လုပ်ကိုင်နေကြောင်း သတင်းရင်းမြစ်များက ဆိုသည်။ အထူးသဖြင့် ဟိုတယ်များ၊ KTV များ၊ ဘားများကို ဖွင့်လှစ်ခြင်း၊ ကွန်ဒိုတိုက်ခန်းများ ငှားရမ်းခြင်းတို့ ပြုလုပ်ကာ တရုတ်စာသင်တန်း၊ ကွန်ပျူတာသင်တန်း၊ ကိုရီးယားဘာ သာစကားသင်တန်း စသည့် အမည်အမျိုးမျိုးဖြင့် လုပ်ငန်းလိုင်စင်များ လျှောက်ထားပြီး အွန်လိုင်းငွေလိမ်လည်မှုလုပ်ငန်းများကို လုပ်ကိုင်နေကြောင်း သိရှိရသည်။ လက်ရှိ ရန်ကုန်တိုင်း၊ လှိုင်သာယာမြို့နယ်အတွင်းရှိ တရုတ်နိုင်ငံသားများပိုင်ဆိုင်သည်ဟုဆိုသော Mandarin Hotel၊ လှိုင်သာယာဟိုတယ်နှင့် L.C Hotel တို့သည် ဟိုတယ်လုပ်ငန်းလိုင်စင်ဖြင့် ဖွင့်လှစ်ထားသော်လည်း ပုံမှန်လာရောက်တည်းခိုသည့် ဧည့်သည်များ အလွန်နည်းပါးကြောင်း၊ ဟိုတယ်အတွင်းတွင် ယင်းအွန်လိုင်းငွေလိမ်လည်မှုလုပ်ငန်းများကို ဆက်လက်လုပ်ကိုင်နေကြောင်း သိရှိရသည်။

ရွှေပြည်သာတွင် အိမ်တိုင်ရာရောက် ဝင်ဖမ်းခြင်းနှင့် လမ်းပေါ် လူငယ်များ ဆက်တိုက် ပျောက်ဆုံးနေ၍ မြို့ခံများ စိုးရိမ် ထိတ်လန့် 28 Aug 2026 By Cherry May / MPA ရန်ကုန်တိုင်းဒေသကြီး၊ ရွှေပြည်သာမြို့နယ်အတွင်း စစ်ကော်မရှင်တပ်ဖွဲ့ဝင်များက နေအိမ်များနှင့် အဆောင်များထဲအထိ ဝင်ရောက်၍ စစ်မှုထမ်းရန် လူငယ်များကို လိုက်လံ ဖမ်းဆီးနေသည့်အပြင် လမ်းပေါ်တွင် လူငယ်လူရွယ်များ ဆက်တိုက် ပျောက်ဆုံးနေမှုများ ဖြစ်ပေါ်နေသဖြင့် မြို့ခံ ပြည်သူများအကြား ထိတ်လန့် စိုးရိမ်မှုများ ကြီးထွားလျက် ရှိသည်။ ပြီးခဲ့သည့် ဩဂုတ်လ ၂၄ ရက်က ရွှေပြည်သာမြို့နယ်၊ ဝါးတရာ စက်မှုဇုန်တွင် အလုပ်လုပ်ကြသည့် လူငယ် ၃ ဦးမှာ အလုပ်မှအပြန် ၆၅ လိုင်း ဘတ်စ်ကား စီးနင်းခဲ့ပြီးနောက် ယနေ့အထိ အစအန မရဘဲ ပျောက်ဆုံးသွားခဲ့သည်ဟု သိရသည်။ သတင်းအပြည့်အစုံဖတ်ရန် - https://mpanews.info/headline/12366/

🟥 သာကေတ အရပ်ဝတ် ၆ ကောင်ခန့် Fortune Plaza အနီး မင်းနန္ဒာလမ်းမပေါ်မှာ စောင့်ပြီး ဖြတ်သွားဖြတ်လာတွေကို ခေါ်စစ်နေ။ ရခယူနီဖောင်းမပါပဲ ရခဝန်ထမ်းကဒ်ပြပြီး မူယစ်ဆေးစစ်တာဆိုပြီး အတင်းခေါ်စစ်နေတာဖြစ်။ စက်ဘီးနဲ့ သွားလာနေသူတွေကိုလည်း သူတို့စက်ဘီးနဲ့ ကန့်လန့်ခံ တားပြီး အတင်းဆွဲခေါ်ပြီး စစ်နေ။ အဲ့အုပ်စုကို ကွပ်ကဲနေတဲ့ ဗိုလ်ကြီးဆိုတဲ့ကောင် သုမနလမ်းထဲက Honda Fit အစိမ်းနုရောင်ကားပေါ်မှာ ရှိနေတယ်လို့ သိရ။ 2:00 PM 📬 @Inform_RSN

Meteoblue (ICON Model) မှ ၂၀၂၆ ခုနှစ် ဩဂုတ်လ ၂၈ ရက်နေ့ ထုတ်ပြန်သော နေ့စဉ်မိုးရေချိန်ပြမြေပုံများ၊ 850 hPa လေစီးကြောင်းပြမြေပုံ နှင့် ထိုင်းမိုးလေဝသဌာန (TMD Weather Advisory No. 4 / Weather Chart) တို့၏ တိကျသော ကာလအလိုက် ထုတ်ပြန်ချက်များအရ ဩဂုတ်လ ၂၈ ရက်မှ စက်တင်ဘာလ ၃ ရက်နေ့အထိ (၇ ရက်အတွင်း) မြန်မာနိုင်ငံ ပြည်နယ်နှင့် တိုင်းဒေသကြီးများအလိုက် ခန့်မှန်းမိုးရေချိန် ဇယား (mm)၊ မိုးလေဝသဆန်းစစ်ချက်နှင့် သဘာဝဘေးအန္တရာယ် ကြိုတင်ခန့်မှန်းချက် ဖြစ်ပါသည်။ (ဩဂုတ်လ ၂၈ ရက်၊ နေ့လည် ၁၂၀၀ နာရီ UPDATE) ====== 📌မြန်မာနိုင်ငံ ပြည်နယ်နှင့် တိုင်းဒေသကြီးများအလိုက် နေ့စဉ်နှင့် စုစုပေါင်း ခန့်မှန်းမိုးရေချိန်ဇယား (mm) (၇ ရက် စုစုပေါင်း မိုးရေချိန် အများဆုံး ရရှိနိုင်သည့် ဒေသမှ အနည်းဆုံး ဒေသအလိုက် High to Low Sorted ပြုလုပ်ထားပါသည်) 📌မြန်မာနိုင်ငံအပေါ် သက်ရောက်နိုင်သည့် မိုးလေဝသ အခြေအနေနှင့် သဘာဝဘေး ဆန်းစစ်ချက် 🔶 850 hPa လေစီးကြောင်းနှင့် မုတ်သုံမြောင်တန်း (Monsoon trough) အခြေအနေ - မုတ်သုံမြောင်တန်းသည် မြန်မာနိုင်ငံ အထက်ပိုင်း၊ ထိုင်းနိုင်ငံ မြောက်ပိုင်းနှင့် ဗီယက်နမ်မြောက်ပိုင်း တုံကင်ပင်လယ်ကွေ့အတွင်းရှိ အားကောင်းသော လေဖိအားနည်းဆဲလ် (Active Low Pressure Cell) သို့ ဆက်သွယ်တန်းလျက် တည်ရှိနေပါသည်။ ထို့ကြောင့် ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့မှ အနောက်တောင်မုတ်သုံလေသည် ဩဂုတ် ၂၉ မှ စက်တင်ဘာ ၂ ရက်အတွင်း အားအလွန်ကောင်းနေမည် ဖြစ်ရာ တနင်္သာရီ၊ မွန်၊ ကရင်၊ ရခိုင်နှင့် ပဲခူးအရှေ့ပိုင်းတို့၌ မိုးသည်းထန်စွာ ဆက်လက် ရွာသွန်းနိုင်ပါသည်။ 🔶 ဧရာဝတီတိုင်း လေးမျက်နှာမြို့နယ် ရေကြီးမှု အခြေအနေ သုံးသပ်ချက် - ငဝန်မြစ် တာကျိုးမှုကြောင့် ရေကြီးနေသော လေးမျက်နှာမြို့နယ်နှင့် မြစ်ဝကျွန်းပေါ် အလယ်ပိုင်းဒေသများတွင် ၇ ရက်အတွင်း စုစုပေါင်း မိုးရေချိန် 100mm မှ 203mm ခန့် ဆက်လက် ရွာသွန်းပါမည်။ စစ်ကိုင်းအထက်ပိုင်းနှင့် ကချင်ပြည်နယ်တို့တွင် မုတ်သုံမြောင်တန်းဖြတ်သန်းမှုကြောင့် မိုးဆက်လက် ရွာသွန်းပြီး စီးဆင်းလာမည့် အထက်မြစ်ရေများကြောင့် ငဝန်မြစ်နှင့် ဧရာဝတီမြစ်ရေသည် စိုးရိမ်ရေမှတ်ဝန်းကျင်တွင် ဆက်လက်ရှိနေနိုင်နေဦးမည် ဖြစ်သည်။ ထို့ကြောင့် လေးမျက်နှာဒေသ ရေကြီးမှုသည် ဆက်လက်တည်ရှိနေမည်ဖြစ်ပြီး ရေကျဆင်းမှု အလွန်နှေးကွေးနေမည်ဖြစ်ရာ ဘေးလွတ်ရာတွင် သတိပြု နေထိုင်ကြရန် အကြံပြုလိုပါသည်။   📌သဘာဝဘေးအန္တရာယ် သတိပေးချက်များ ⚠️တောင်ကျရေနှင့် မြေပြိုမှုအန္တရာယ် - စစ်ကိုင်းအထက်ပိုင်း၊ ကချင်၊ ရှမ်းမြောက်၊ ကရင်၊ မွန်နှင့် ရခိုင်ပြည်နယ်ရှိ တောင်ခြေဒေသများတွင် မိုးစွဲရွာသွန်းမှုကြောင့် တောင်ကျရေ ရုတ်တရက် လျှံတက်စီးဆင်းခြင်း (Flash Flood) နှင့် မြေပြိုခြင်း (Landslides) တို့ ဖြစ်ပေါ်နိုင်သဖြင့် ချောင်းအနီးနှင့် တောင်စောင်းဒေသတွင်နေသူများ အထူးသတိပြုရန် လိုအပ်ပါသည်။ ⚠️ပင်လယ်ပြင် သတိပေးချက် - မြန်မာ့ကမ်းရိုးတန်းတစ်လျှောက်နှင့် ကပ္ပလီပင်လယ်ပြင်တို့တွင် လှိုင်းကြီးမည်ဖြစ်ပြီး မုန်တိုင်းဒီရေနှင့် လှိုင်းအမြင့် ၈ ပေမှ ၁၂ ပေ (2.4 meters to 3.6 meters) အထိ မြင့်တက်နိုင်သဖြင့် ကမ်းနီး/ကမ်းဝေး ငါးဖမ်းရေယာဉ်များ၊ သင်္ဘောများ သတိပြုကြရန် အကြံပြုအပ်ပါသည်။

🆕 DAILY HIGHLIGHTS (22-27 AUG 2026) •••••••••••••••®••••••••••••••• 💥 စစ်ရေးထူးခြားသတင်းများ

ရှမ်းပြည်နယ်တွင် RCSS နှင့် စစ်တပ် တိုက်ပွဲဖြစ် – KT

———— 🟢 နိုင်ငံခြားရေးထူးခြားသတင်းများ

ဗီယက်နမ်သမ္မတက မင်းအောင်လှိုင်ကို တရားဝင် ခရီးစဉ် ဖိတ်ခေါ်ဟုဆို – MPA

———— 💵 စီးပွားရေးထူးခြားသတင်းများ

ကမ္ဘာ့ရွှေဈေးတက်၊ ပြည်တွင်းရွှေဈေး တကျပ်သားကို ကျပ် ၁၀၃ သိန်း ကျော်လာ – DVB

———— ⌛ ရာထူးကြီးအပြောင်းအရွှေ့

NUG လူ့အခွင့်အရေးဆိုင်ရာဝန်ကြီးဌာနကို CRPH ဖျက်သိမ်း – MPA မင်းအောင်လှိုင်က ပြည်ထောင်စုအင်္ဂါစဉ်စာရင်းကို နေရာ ၅၀ အထိ တိုးချဲ့ကာ ကာကွယ်ရေးဦးစီး ချုပ်ကို အဆင့် ၆ သို့ တိုးမြှင့် – KT

———— ☢️ နျူကလီးယား

မြန်မာမှာ နျူကလီးယားဓာတ်အားပေးစက်ရုံကို လာမယ့်နှစ်မှာ ဆောက်ဖို့ ရုရှားမျှော်လင့် – BBC

———— ➕ အခြားထူးခြားသတင်းများ

KBZ Bank၊ AYA Bank၊ Htoo Hospitality နှင့် Parami University ဆိုက်ဘာတိုက်ခိုက်ခံရပြီး ဒေတာအချက်အလက်များ ရရှိထားသည်ဟု The Crew ဟက်ကာအဖွဲ့ က ကြေညာ – KT ကမ္ဘောဇဘဏ် ဆိုက်ဘာ တိုက်ခိုက်ခံရမှု မရှိဟု ငြင်းဆို – KT ပြည်ပရောက် မြန်မာများက KBZ-Pay၊ Wave Money ၊ AYA Pay၊ CB Pay၊ Mobile Banking အသုံးပြု၍ ငွေလွှဲ၊ ငွေယူမှုများကို ဩဂုတ် ၂၈ ရက်နေ့ နောက်ဆုံးထား ပိတ်ပင်ရန် စစ်တပ်ဗဟိုဘဏ် ညွှန်ကြား – KT

#RangoonScoutNetwork

အားအလွန်ကောင်းသော အယ်လ်နီညို (Very Strong El Niño) အစပျိုးနေချိန်တွင် မြန်မာနိုင်ငံ၌ ထင်မှတ်မထားသော ရေကြီးရေလျှံမှုများ ဖြစ်ပေါ်နေခြင်းသည် တိုက်ရိုက်နှင့်သွယ်ဝိုက်သော ဆက်စပ်မှုများ အပြည့်အဝရှိနေပါသည်။ 📌💡 ပုံမှန်အားဖြင့် အယ်လ်နီညိုနှစ်များတွင် မုတ်သုံလေအားနည်းပြီး မိုးနည်းပါးလေ့ရှိသော်လည်း၊ စူပါအယ်လ်နီညို အစပျိုးချိန် (Transition/Developing Phase) တွင် လေထုနှင့်သမုဒ္ဒရာတို့၏ ကမောက်ကမဖြစ်မှုများကြောင့် အစွန်းရောက်မိုးရွာသွန်းမှုများ ဖြစ်ပေါ်လေ့ရှိသည်။ ၁။ အယ်လ်နီညိုနှင့် ရေကြီးရေလျှံမှုများ၏ ဆက်စပ်မှုဆိုင်ရာ အသေးစိတ် သုံးသပ်ချက် 📌 တောင်တရုတ်ပင်လယ်ဘက်မှ မုန်တိုင်းများ၏ မုန်တိုင်းအကြွင်းအကျန်များ (Remnant Lows) သက်ရောက်မှု - အယ်လ်နီညိုကြောင့် ပစိဖိတ်အနောက်ပိုင်းနှင့် တောင်တရုတ်ပင်လယ်တို့တွင် ရေမျက်နှာပြင်အပူချိန် မြင့်တက်ကာ မုန်တိုင်းဖြစ်ပွားနိုင်ခြေ (40-60%) အလွန်မြင့်မားနေသည်။ ယင်းတောင်တရုတ်ပင်လယ်မှ မုန်တိုင်းအကြွင်းအကျန် လေဖိအားနည်းဆဲလ်များသည် ဗီယက်နမ်၊ လာအိုနှင့် ထိုင်းနိုင်ငံတို့ကို ဖြတ်ကျော်ကာ မြန်မာနိုင်ငံအရှေ့ပိုင်း၊ အလယ်ပိုင်းနှင့် တောင်ပိုင်းတို့သို့ မုတ်သုံလေနိမ့်လှိုင်းများသည် (မုတ်သုံမြောင်တန်း - Monsoon Troughs) အဖြစ် ဆက်တိုက်ဝင်ရောက်လာခြင်းကြောင့် ရုတ်တရက် မိုးကြီးရေလျှံမှုများ ဖြစ်ပေါ်ရခြင်းဖြစ်သည်။ 📌 လေထုအတွင်း အစိုဓာတ် ထိန်းသိမ်းနိုင်မှု မြင့်မားလာခြင်း (Warmer Atmosphere Holds More Moisture) - အယ်လ်နီညိုကြောင့် ကမ္ဘာ့အပူချိန်များ စံချိန်တင် မြင့်တက်လာရာ လေထု၏ ရေငွေ့ထိန်းသိမ်းနိုင်စွမ်း (Atmospheric Moisture Capacity) ပိုမိုမြင့်မားလာသည်။ ထို့ကြောင့် မိုးရွာသည့်အခါ ပုံမှန်မိုး မဟုတ်ဘဲ အချိန်တိုအတွင်း မိုးရေချိန် အလွန်များပြားသည့် အစွန်းရောက် မိုးသည်းထန်စွာရွာသွန်းခြင်း (Short-duration Extreme Precipitation) ဖြစ်စဉ်များ ဖြစ်ပေါ်လာရသည်။ 📌 MJO နှင့် El Niño ပေါင်းစပ်မိချိန် (Constructive Interference) - ရာသီအလိုက် အပူပိုင်းမိုးတိမ်စု (MJO) သည် ပစိဖိတ်ဘက်သို့ ကူးပြောင်းချိန်တွင် အယ်လ်နီညို အခြေအနေနှင့် သွားရောက်ပေါင်းစပ်မိပါသည်။ ထိုသို့ ပေါင်းစပ်မိချိန်တွင် အရှေ့တောင်အာရှ ဒေသအနီးဝန်းကျင်၌ မိုးတိမ်တောင်များ အရှိန်အဟုန်မပြတ် ဖြစ်ထွန်းစေကာ ဒေသကွက်ကျား မိုးကြီးခြင်းများကို ပိုမိုတွန်းအားပေးခဲ့သည်။ ၂။ ဖြစ်စဉ်တစ်ခုလုံးကို အများနားလည်လွယ်စေရန် ဖန်တီးထားသော TABLE (ပုံတွင် ကြည့်ပါ) ၃။ ရှေ့ဆက်ကြုံတွေ့နိုင်သည့် မိုးလေဝသ အခြေအနေများ 💡 မုတ်သုံဆုတ်ခွာချိန် အပြောင်းအလဲ - စက်တင်ဘာလအတွင်း အယ်လ်နီညို၏ ပုံမှန်ဖိနှိပ်မှုများ (Suppression) စတင်စွမ်းဆောင်လာပါက မုတ်သုံဆုတ်ခွာချိန် စောနိုင်ပြီး မိုးရွာသွန်းမှု လျော့နည်းသွားနိုင်သည်။ မြန်မာနိုင်ငံမှ မုတ်သုံ ပုံမှန်ဆုတ်ခွာချိန်သည် အောက်တိုဘာ လလယ်ပိုင်းခန့်တွင် ဖြစ်သည်။ 💡 ကြိုတင်ပြင်ဆင်ရန် - ရေကြီးရေလျှံမှုများပြီးနောက် ၂၀၂၆ ခုနှစ် ဆောင်းဦး/ဆောင်းရာသီမှစ၍ ၂၀၂၇ နွေရာသီအထိ အပူချိန်စံချိန်တင် မြင့်မားခြင်းနှင့် မိုးခေါင်ရေရှားမှုများ ဆက်လက်ဖြစ်ပေါ်လာနိုင်သဖြင့် ရေထုစီမံခန့်ခွဲမှုများကို ကြိုတင်ပြင်ဆင်ထားရန် လိုအပ်ပါသည်။

⚠️ ဗိုလ်တထောင်၊ ခွေးလမ်းကြောင်း * ရခ ဆိုင်ကယ် ၁ စီး အန်စာတုံး အဖြူ ၁ စီး ရခ မီးတန်း ၁ စီး ကမ်းနားလမ်းအတိုင်း ဆင်းလာကာ ဗိုလ်တထောင်ဘုရားထဲဝင်သွား * 4:07 PM #RSG သတင်းပေးပို့ရန် @Bo1000_Informer

ထို့ကြောင့် လာမည့်ရက်ပိုင်းအတွင်း IP ကန့်သတ်မှု၊ VPN ကန့်သတ်မှု၊ OTP ပြဿနာများနှင့် Device အတည်ပြုမှုများ ပေါ်ပေါက်လာခြင်းရှိ၊ မရှိသည် ပြည်ပရောက်မြန်မာများအတွက် အဓိကစောင့်ကြည့်ရမည့် အခြေအနေဖြစ်လာနေကြောင်း သိရှိရသည်။

ပြည်ပရောက် မြန်မာများက KBZ-Pay၊ Wave Money ၊ AYA Pay၊ CB Pay၊ Mobile Banking အသုံးပြု၍ ငွေလွှဲ၊ ငွေယူမှုများကို ဩဂုတ် ၂၈ ရက်နေ့ နောက်ဆုံးထား ပိတ်ပင်ရန် စစ်တပ်ဗဟိုဘဏ် ညွှန်ကြား ရန်ကုန်၊ ဩဂုတ် ၂၇ ပြည်ပနိုင်ငံများတွင် ရောက်ရှိနေသည့် မြန်မာနိုင်ငံသားများအနေဖြင့် K-Pay၊ Wave၊ AYA Pay၊ CB Pay၊ Mobile Banking အပါအဝင် ပြည်တွင်းပုဂ္ဂလိကဘဏ်များ၏ ဒစ်ဂျစ်တယ်ငွေပေးချေမှုစနစ်များကို အသုံးပြု၍ ငွေလွှဲခြင်း၊ ငွေလက်ခံခြင်းနှင့် ငွေကြေးဝန်ဆောင်မှုများ ရယူနေမှုများကို ဩဂုတ်လ ၂၈ ရက်နေ့ နောက်ဆုံးထား ကန့်သတ်ပိတ်ပင်ရန် စစ်ကောင်စီလက်အောက်ခံ ဗဟိုဘဏ်က ပြည်တွင်းပုဂ္ဂလိကဘဏ်များထံ အရေးပေါ်ညွှန်ကြားထားကြောင်း သိရသည်။ စစ်ကောင်စီလက်အောက်ခံ ဗဟိုဘဏ်၏ ညွှန်ကြားချက်တွင် ပြည်တွင်း၌ အသုံးပြုလျက်ရှိသော ဒစ်ဂျစ်တယ်ငွေပေးချေမှုစနစ်များကို ပြည်ပနိုင်ငံများမှ ဝင်ရောက်အသုံးပြု၍ မရရှိနိုင်စေရေးအတွက် Geo-blocking၊ Location-based Restriction နှင့် IP-based Restriction များအပါအဝင် နည်းပညာနှင့် လုံခြုံရေးဆိုင်ရာ အစီအမံများကို စနစ်တကျ အကောင်အထည်ဖော်ရန် ပြည်တွင်းပုဂ္ဂလိကဘဏ်များအားလုံးကို ညွှန်ကြားထားခြင်းဖြစ်သည်။ ပုဂ္ဂလိကဘဏ်များအနေဖြင့် ပြည်ပမှ အသုံးပြုဆောင်ရွက်မှုများကို ကန့်သတ်ပိတ်ပင်ပြီးစီးသည့် အခြေအနေကို ဩဂုတ်လ ၂၈ ရက်နေ့ထက် နောက်မကျဘဲ ဗဟိုဘဏ်ထံ ပြန်လည်တင်ပြရန်လည်း ညွှန်ကြားထားကြောင်း သိရသည်။ ထို့အပြင် လက်ရှိတွင် ပြည်ပနိုင်ငံများမှ အသုံးပြုသူများက အဆိုပါ ဒစ်ဂျစ်တယ်ငွေပေး ချေမှုစနစ်များကို ဝင်ရောက်အသုံးပြုနေခြင်း ရှိ၊ မရှိကို စနစ်တကျ စိစစ်စောင့်ကြည့်ရန်၊ အသုံးပြုမှုပုံစံများနှင့် တွေ့ရှိချက်များကို မှတ်တမ်းတင်ရန်နှင့် တွေ့ရှိပါက အရေးယူဆောင်ရွက်ထားမှုများကိုပါ အစီရင်ခံစာဖြင့် ပူးတွဲတင်ပြရန် ဗဟိုဘဏ်က ဆက်လက်ညွှန်ကြားထားသည်။ ထို့ကြောင့် ပြည်တွင်းပုဂ္ဂလိကဘဏ်များ၊ မိုဘိုင်းငွေရေးကြေးရေးဝန်ဆောင်မှုလုပ်ငန်းများနှင့် ရောင်းချသူများကိုယ်စား ငွေကောက်ခံရှင်းလင်းပေးသည့် ဝန်ဆောင်မှုလုပ်ငန်းများအနေဖြင့် ဗဟိုဘဏ်က ချမှတ်ထားသည့် ဥပဒေ၊ စည်းမျဉ်း၊ အမိန့်နှင့် ညွှန်ကြားချက်များအတိုင်း တိကျစွာလိုက်နာဆောင်ရွက်ရန်လည်း ညွှန်ကြားထားသည်။ ယခုညွှန်ကြားချက်ကြောင့် ပြည်ပရောက်မြန်မာများအနေဖြင့် မိသားစုများထံ ငွေလွှဲပေးခြင်း၊ ပြည်တွင်းရှိ ကိုယ်ပိုင်ဘဏ်အကောင့်များကို ပြည်ပမှ Mobile Banking ဖြင့် စီမံခန့်ခွဲခြင်း၊ Payment Account များမှတစ်ဆင့် ငွေပေးချေခြင်းများတွင် အခက်အခဲများ ဖြစ်ပေါ်လာနိုင်ကြောင်း ပြည်ပရောက်မြန်မာများအကြား စိုးရိမ်မှုများ မြင့်တက်နေသည်။ အထူးသဖြင့် ပြည်ပတွင် အလုပ်လုပ်ကိုင်နေသည့် မြန်မာများ၊ သင်္ဘောသားများနှင့် နိုင်ငံခြားရောက်နေသူများအနေဖြင့် ပြည်တွင်းရှိ မိသားစုဝင်များထံ ငွေကြေးပို့ဆောင်ရာတွင် ပြည်တွင်း Payment System များကို အသုံးပြုနေကြသဖြင့် ယင်းဝန်ဆောင်မှုများကို ပြည်ပမှ အသုံးပြု၍မရတော့ပါက ငွေလွှဲပို့မှုများအပေါ် တိုက်ရိုက်သက်ရောက်နိုင်သည်။ ယခင်ကလည်း ပြည်ပရောက်မြန်မာများသည် နိုင်ငံခြားမှ AYA Pay၊ KBZ Pay၊ CB Pay၊ Wave Money နှင့် Mobile Banking စနစ်များကို အသုံးပြု၍ ပြည်တွင်းမိသားစုများထံ ငွေလွှဲပို့ခြင်းများ ပြုလုပ်ခဲ့ကြသည်။ ပြည်ပရောက်မြန်မာအသိုင်းအဝိုင်းများအကြားတွင်လည်း “ဒီနေ့ကစပြီး ပြည်ပကနေ Banking သုံးခွင့် လုံးဝပိတ်လိုက်ပြီ” ဆိုသည့် သတင်းစကားများကို မျှဝေနေကြပြီး လက် ရှိညွှန်ကြားချက်အရ တစ်ကြိမ်တည်း အပြီးပိတ်ပင်ခြင်းထက် ပြည်ပမှ အသုံးပြု၍မရစေရန် နည်းပညာပိုင်းဆိုင်ရာ အဆင့်ဆင့် ကန့်သတ်လာနိုင်သည့် အခြေအနေဖြစ်သည်ဟု သုံးသပ်မှုများရှိနေသည်။ ပထမအဆင့်အနေဖြင့် IP Address အခြေပြု ကန့်သတ်မှု ပြုလုပ်နိုင်ပြီး မြန်မာနိုင်ငံပြင်ပ IP Address များဖြင့် ဝင်ရောက်အသုံးပြုပါက “Network Error”၊ “Connection Failed” စသည့် အမှားပြစာများ ပြသခြင်းမျိုး ဖြစ်လာနိုင်ကြောင်း နည်းပညာကျွမ်းကျင်သူများက​ပြောဆိုသည်။ ထို့နောက် VPN ဖြင့် မြန်မာနိုင်ငံ၏ IP Address အဖြစ် ပြောင်းလဲအသုံးပြုရန် ကြိုးစားပါက လူသုံးများသည့် VPN ဝန်ဆောင်မှုများနှင့် IP Address များကို ထပ်မံပိတ်ပင်ခြင်းမျိုးလည်း ဖြစ်လာနိုင်ကြောင်း သတိပေးသည်။ အခြားတစ်ဖက်တွင် OTP Code သည်လည်း အရေးကြီးသည့် အချက်တစ်ခုဖြစ်ပြီး ပြည်ပရောက်မြန်မာများအသုံးပြုသည့် SIM Card များထံ OTP Code မရောက်ရှိအောင် ကန့် သတ်ခြင်း သို့မဟုတ် OTP အတည်ပြုမှုကို ပြည်တွင်းဖုန်းနံပါတ်များနှင့်သာ ချိတ်ဆက်ခြင်းများ ပြုလုပ်လာပါက ပြည်ပမှ Banking Application များ ဆက်လက်အသုံးပြုရန် အခက်အခဲများ ဖြစ်လာနိုင်သည်ဟု ဆိုကြသည်။ ထို့အပြင် လက်ရှိအသုံးပြုနေသည့် ဖုန်း၊ Tablet နှင့် အခြား Device များကို Security အကြောင်းပြချက်ဖြင့် ပြန်လည်အတည်ပြုခိုင်းခြင်း၊ Device အသစ်များမှ ဝင်ရောက်အသုံးပြုမှုကို ကန့်သတ်ခြင်းများ ပြုလုပ်လာပါကလည်း ပြည်ပရောက်သူများအနေဖြင့် Banking Account များကို ဆက် လက်အသုံးပြုရန် ပိုမိုခက်ခဲလာနိုင်ကြောင်း သိရှိရသည်။

⚫️ မင်္ဂလာတောင်ညွန့်၊ ညဈေးအနီး လူဝင်ဖမ်းသွား ဩဂုတ်လ ၂၄ ရက်နေ့ ညနေ ၆ နာရီခန့်တွင် ရန်ကုန်တိုင်း၊ မင်္ဂလာတောင်ညွန့်မြို့နယ်၊ မြန်မာ့ဂုဏ်ရည်လမ်းပေါ် ညဈေးအနီး ၉၁ လမ်းထိပ်၌ လူငယ်များကို အကြမ်းဖက်ရဲများ ဝင်ဖမ်းရာ ယောကျ်ားလေး ၁ ဦး ဖမ်းဆွဲခံလိုက်ရကြောင်း သတင်းရရှိသည်။ လူငယ်များ ပိုက်ဆံထောင် ဂေါ်လီပစ်နေကြစဉ် ဝင်ဖမ်းခြင်းဖြစ်ကြောင်း သိရသည်။ 26 Aug 2026 #RangoonScoutNetwork

Meteoblue (ICON Model) မှ ၂၀၂၆ ခုနှစ် ဩဂုတ်လ ၂၆ ရက်နေ့ ရရှိသည့် နေ့စဉ်မိုးရေချိန်ပြမြေပုံ update များ၊ JTWC / TMD မိုးလေဝသ မြေပုံများနှင့် လမ်းကြောင်းခန့်မှန်းချက်များအရ ဩဂုတ်လ ၂၆ ရက်မှ စက်တင်ဘာလ ၁ ရက်နေ့အထိ (၇ ရက်အတွင်း) မြန်မာနိုင်ငံ ပြည်နယ်နှင့် တိုင်းဒေသကြီးများအလိုက် နေ့စဉ်မိုးရေချိန်၊ စုစုပေါင်း ခန့်မှန်းမိုးရေချိန် ဇယား (mm) နှင့် မိုးလေဝသ သုံးသပ်ချက် - (ဩဂုတ် ၂၆ ရက် - ညနေ ၃ နာရီ update) ======= မြန်မာနိုင်ငံ ပြည်နယ်နှင့် တိုင်းဒေသများအလိုက် နေ့စဉ်နှင့် စုစုပေါင်း ခန့်မှန်းမိုးရေချိန်ဇယား (mm) (၇ ရက် စုစုပေါင်း မိုးရေချိန် အများဆုံး ရရှိနိုင်သည့် ဒေသမှ အနည်းဆုံး ဒေသအလိုက် High to Low Sorted ပြုလုပ်ထားပါသည်) မုန်တိုင်းများ လမ်းကြောင်းဆန်းစစ်ချက်နှင့် မိုးလေဝသ အခြေအနေ 📌TS NARRA (Low Remnants) အခြေအနေ - JTWC ၏ Remnants of Narra ပြမြေပုံအရ မုန်တိုင်းငယ် NARRA (999 hPa) သည် ဟိုင်နန်ကျွန်းနှင့် တုံကင်ပင်လယ်ကွေ့အတွင်း အားလျော့သွားပြီး မုန်တိုင်းအကြွင်းအကျန် လေပွေလှိုင်းအဖြစ် ကုန်းတွင်းပိုင်း (တရုတ်တောင်ပိုင်း/လာအို) သို့ ဦးတည်နေသဖြင့် မြန်မာနိုင်ငံ အရှေ့မြောက်ပိုင်း (ရှမ်းမြောက်/ကချင်) သို့ မိုးတိမ်တိုက်အနိမ့်များအဖြစ် ဝင်ရောက်လာမည် ဖြစ်သည်။ 📌Typhoon SAUDEL အခြေအနေ - JTWC Warning 32 အရ Typhoon SAUDEL (960 hPa) သည် တရုတ်အရှေ့ပိုင်း (ရှန်ဟိုင်း) ဘက်သို့ ဦးတည်ကာ မြောက်-အနောက်မြောက်ဘက်သို့ ရွေ့လျားနေ၍ မြန်မာနိုင်ငံအပေါ် တိုက်ရိုက်သက်ရောက်မှု မရှိပါ။ မုန်တိုင်းအကြွင်းအကျန်များရွေ့လျားမှုကို ဆက်လက်စောင့်ကြည့်နေပါသည်။ 📌အနောက်တောင်မုတ်သုံလေ အခြေအနေ (ဩဂုတ် ၂၇ - ၂၉ ကာလ) - ဩဂုတ် ၂၇ ရက်မှစ၍ မုတ်သုံလေ အားအလွန်ကောင်းလာပါမည်။ ထို့ကြောင့် ဩဂုတ် ၂၇ မှ ၂၉ ရက်များအတွင်း ကရင်၊ မွန်၊ တနင်္သာရီ၊ ရခိုင်နှင့် စစ်ကိုင်းအထက်ပိုင်းတို့၌ အနီရောင်/ခရမ်းရောင်ပြ မိုးအလွန်ကြီးမည့်ဇုန်များ 50 mm မှ 95 mm အထက်ရွာသွန်းရရှိနိုင်ပြီး မိုးအရှိန် ပြန်လည်မြင့်လာနိုင်ပါမည်။   သဘာဝဘေးအန္တရာယ်နှင့် ဧရာဝတီတိုင်း လေးမျက်နှာမြို့နယ် ရေကြီးမှု သုံးသပ်ချက် ⚠️ ဧရာဝတီတိုင်း (ငဝန်မြစ် တာကျိုး၍ ရေကြီးနေသော လေးမျက်နှာမြို့နယ် သုံးသပ်ချက်) - လေးမျက်နှာမြို့နယ် အပါအဝင် မြစ်ဝကျွန်းပေါ်ဒေသအတွင်းတွင် ၇ ရက်အတွင်း စုစုပေါင်း မိုးရေချိန် 97 mm မှ 182 mm ခန့် ဆက်လက် ရွာသွန်းမည် ဖြစ်ပါသည်။ စစ်ကိုင်းအထက်ပိုင်းနှင့် ကချင်တို့တွင် မိုးရက်ဆက်ရွာပြီး အထက်မြစ်ရေများ စီးဝင်နေဆဲဖြစ်ရာ ငဝန်မြစ်နှင့် ဧရာဝတီမြစ်ရေသည် စိုးရိမ်ရေမှတ်အနီးတွင် ဆက်လက် ရှိနေမည်ဖြစ်၍ လေးမျက်နှာဒေသတွင် ရေကြီးရေလွှမ်းမိုးမှု မြန်မြန်ကျဆင်းရန် မရှိဘဲ ရေကျဆင်းနှုန်း နှေးနေဦးမည် ဖြစ်ပါသည်။ ⚠️ ကရင်၊ မွန်၊ တနင်္သာရီနှင့် ရခိုင် - မုတ်သုံလေ ပြန်လည် အားကောင်းလာမည့် ဩဂုတ် ၂၇ - ၂၉ ရက်များတွင် မြေပြိုခြင်း၊ တောင်ကျရေလျှံခြင်းနှင့် ပင်လယ်ပြင် လှိုင်းကြီးခြင်း (Severe Flash Floods & Landslides) ကို အထူးသတိပြုရပါမည်။

KBZ Bank၊ AYA Bank၊ Htoo Hospitality နှင့် Parami University ဆိုက်ဘာတိုက်ခိုက်ခံရပြီး ဒေတာအချက်အလက်များ ရရှိထားသည်ဟု The Crew ဟက်ကာအဖွဲ့ က ကြေညာ ရန်ကုန်၊ ဩဂုတ် ၂၆ မြန်မာနိုင်ငံမှ KBZ Bank၊ AYA Bank၊ Htoo Hospitality နှင့် Parami University တို့ကို “The Crew” ဟု အမည်ပေးထားသည့် ဟက်ကာအဖွဲ့က ဆိုက်ဘာတိုက်ခိုက်ခဲ့ပြီး အဆိုပါအဖွဲ့အစည်းများ၏ ဒေတာများကို ရယူထားကြောင်း အဆိုပါအဖွဲ့က ကြေညာချက်ထုတ်ပြန်ထားသည်။ The Crew ဟက်ကာအဖွဲ့က အဆိုပါအဖွဲ့အစည်း ၄ ခုကို ဆိုက်ဘာတိုက်ခိုက်ခဲ့သည့် ပစ်မှတ်များအဖြစ် ဩဂုတ်လ ၂၄ ရက်နေ့တွင် ကြေညာဖော်ပြခဲ့ပြီး ဒေတာများ ရယူထားကြောင်း ထုတ်ပြန်ခဲ့သည်။ ထို့အပြင် The Crew အဖွဲ့က မြန်မာနိုင်ငံပြင်ပရှိ အဖွဲ့အစည်းများဖြစ်သည့် အင်ဒိုနီးရှားရဲတပ်ဖွဲ့နှင့် Cyprus Airways တို့၏ ဒေတာများကိုလည်း ရရှိထားကြောင်း သတင်းထုတ်ပြန်ခဲ့သည်။ The Crew ၏ အဆိုပါထုတ်ပြန်ချက်များကို RansomLook နှင့် SOCRadar ကဲ့သို့သော ဆိုက်ဘာလုံခြုံရေးဆိုင်ရာ စောင့်ကြည့်ရေးပလက်ဖောင်းများတွင်လည်း မှတ်တမ်းတင်ဖော်ပြထားသည်။ သို့သော် လက်ရှိအချိန်အထိ KBZ Bank၊ AYA Bank၊ Htoo Hospitality နှင့် Parami University တို့က ဆိုက်ဘာတိုက်ခိုက်ခံရမှုနှင့် ဒေတာများ ခိုးယူခံရမှုကို တရားဝင်အတည်ပြု ထုတ်ပြန်ထားခြင်း မရှိသေးပေ။ ထို့ကြောင့် The Crew ၏ ပြောဆိုချက်ကို လက်ရှိတွင် သီးခြားအတည်ပြုနိုင်ခြင်း မရှိသေးသည့် တစ်ဖက်သတ် ထုတ်ပြန်ကြေညာချက် အဖြစ်သာ သတ်မှတ်နိုင်သေးသည်။ ဆိုက်ဘာလုံခြုံရေးဆိုင်ရာ လေ့လာသူများ၏ အဆိုအရ Ransomware နှင့် Data Extortion အဖွဲ့များသည် ဆိုက်ဘာတိုက်ခိုက်မှုများပြုလုပ်ပြီးနောက် ရရှိထားသည်ဟုဆိုသည့် ဒေတာအချို့ကို ထုတ်ဖော်ပြသကာ ကုမ္ပဏီများထံမှ ငွေကြေးတောင်းခံခြင်း၊ ဒေတာများကို ရောင်းချမည်ဟု ခြိမ်း ခြောက်ခြင်းများ ပြုလုပ်လေ့ရှိသဖြင့် ဟက်ကာအဖွဲ့များ၏ ထုတ်ပြန်ချက်တိုင်းကို သီးခြားစစ်ဆေးအတည်ပြုရန် လိုအပ်ကြောင်း သိရသည်။ သို့သော် The Crew က ဖော်ပြထားသည့် ဒေတာအချို့နှင့် ပတ်သက်၍ အကောင့်များ သို့မဟုတ် သက်ဆိုင်ရာ ဝန်ဆောင်မှုများကို လုံခြုံရေးအရ ပိတ်ထားခြင်းများ ရှိ၊ မရှိ စသည့် အချက်များကို ထပ်မံစစ်ဆေးရန် လိုအပ်နေပြီး ယင်းအချက်တစ်ခုတည်းဖြင့် ဒေတာပေါက်ကြားမှုကို အတည်မပြုနိုင်သေးကြောင်း သိရှိရသည်။ ယခုဖြစ်စဉ်မတိုင်မီ ယခုနှစ် ဇွန်လအတွင်းကလည်း AYA Bank တွင် ဆိုက်ဘာတိုက်ခိုက်ခံရမှုတစ်ခု ဖြစ်ပွားခဲ့ပြီး ငွေကြေးဆိုင်ရာ မဟုတ်သော လျှောက်လွှာအချက်အလက်အချို့ ပြင်ပသို့ ပေါက်ကြားခဲ့ကြောင်း AYA ဘဏ်ကိုယ်တိုင်က တရားဝင်အတည်ပြုထုတ်ပြန်ကြေညာခဲ့ဖူးသည်။ AYA Bank က အဆိုပါ ဇွန်လဖြစ်စဉ်တွင် တိုက်ခိုက်ခံရသည့် Portal သည် ဘဏ်၏ Core Banking System၊ AYA Pay System နှင့် Card System များနှင့် တိုက်ရိုက်ချိတ်ဆက်ထားခြင်းမရှိသဖြင့် အဓိကဘဏ်ဝန်ဆောင်မှုများ ထိခိုက်မှုမရှိကြောင်း သတင်းထုတ်ပြန်ခဲ့သည်။ လက်ရှိ KBZ Bank၊ AYA Bank၊ Htoo Hospitality နှင့် Parami University တို့၏ ဆိုက်ဘာလုံခြုံရေးဖြစ်စဉ်ကို အတည်ပြုပြီးဖြစ်သည့် ဒေတာပေါက်ကြားမှု အဖြစ် မသတ်မှတ်သေးနိုင်ဘဲ The Crew အဖွဲ့၏ ထုတ်ပြန်ချက်နှင့် ကြေညာချက်အဆင့်တွင်သာရှိနေသေးသည်။ သို့ဖြစ်၍ သက်ဆိုင်ရာအဖွဲ့အစည်းများ၏ တရားဝင်ထုတ်ပြန်ချက်များနှင့် ဆိုက်ဘာလုံခြုံရေးအဖွဲ့များ၏ သီးခြားစစ်ဆေးချက်များကို ဆက်လက်စောင့်ကြည့်ရန် လိုအပ်နေကြောင်း ကျွမ်းကျင်သော နည်းပညာရှင်တချို့က လူမှုကွန်ရက်မှတစ်ဆင့် ပြည်သူများကို အသိပေးထားသည်။

🔴 ဗိုလ်တထောင်၊ ဗိုလ်အောင်ကျော်လမ်း ကားစစ် * စခ၊ ရခ ၂ ကောင် ဘဲဉ ၁ ကောင် * ဗိုလ်ချုပ်လမ်းနှင့် သိမ်ဖြူလမ်းထောင့် Church နားရှိနေ * 3:32 PM သတင်းပေးပို့ရန် @Bo1000_Informer

“ဆေးမှု၊ ခိုးမှု၊ လုမှု ဘာညာဆို နည်းနည်းပါးပါး ဖြဲခြောက်ပြီး ရဲထဲဝင်မလား၊ ထောင်ထဲဝင်မလားဆိုပြီး အကုန်ထည့်တာ။ ထင်တာထက် ဆိုးဆိုးဝါးဝါး ဖြစ်နေတယ်” ဟု အခြားရဲတပ်သားသစ်အမျိုး သမီးက ပြောဆိုသည်။ တစ်ဖက်တွင် စစ်အုပ်စုက ရဲတပ်ဖွဲ့အင်အားကို တိုးမြှင့်ရန် ရည်မှန်းချက်ထားရှိပြီး ရဲအင်အား မည်မျှပြုန်းတီးနေပါစေ ပြန်လည်ဖြည့်တင်းရန် ကြိုးပမ်းနေသော်လည်း အတင်း အကျပ် စုဆောင်းခြင်းဖြစ်သည့်အတွက် ရေရှည်တွင် အင်အားတည်ငြိမ်ရန် ခက်ခဲနိုင်ကြောင်း ရဲတပ်ဖွဲ့အတွင်းမှ အချက် အလက် များအရ သိရသည်။ ရဲတပ်သားသစ်များအနေဖြင့် စုဆောင်းခံရပြီးနောက် ထွက်ပြေးရန် စိတ်ကူးရှိသူများ များ ပြားသော် လည်း မိသားစုအခြေအနေများကြောင့် ချက်ချင်းထွက်ပြေးရန် မလွယ်ကူကြောင်း သိရသည်။ “အခွင့်ကြုံရင် ပြေးကြမယ့်သူတွေ များပါတယ်။ မိသားစုအရေး ပြန်ကြည့်ကြလို့ ပြေးပြီးလည်း မိဘကို ပြန်ကြည့်ဖို့ မလွယ်ဘူး။ လူလည်း လူယုံလို့ အရောင်းစားခံရပြီ။ တောထဲပြေးတော့လည်း ကိုယ့်ကို ဘယ်လိုအကြည့်ကြည့်ကြမှာလဲ၊ ဘယ်လိုဆက်ဆံမှာလဲဆိုတာ စိတ်ပူတယ်” ဟု ၎င်းက ပြော သည်။ ထို့အပြင် ရဲတပ်ဖွဲ့ဝင်အဖြစ် စုဆောင်းခံရသူများအနေဖြင့် နိုင်ငံခြားသို့ ထွက်ခွာရန်လည်း ပိုမိုခက်ခဲလာကြောင်း ၊အထူးသဖြင့် Passport လျှောက်ထားခြင်းနှင့် ထုတ်ပေးခြင်းများကို ကန့်သတ်ပိတ်ပင်ထားသည့်အတွက် နိုင်ငံခြားထွက်ရန် ပိုမိုခက်ခဲနေပြီး Passport ရရန်လည်း အခက်အခဲရှိနေကြောင်း ၎င်းက ပြောသည်။ “နိုင်ငံခြားပြေးလည်း တရားမ၀င်လမ်းကြောင်းက အဆင်မပြေဘူး။ PSMS စနစ်နဲ့ ဂိတ်တွေမှာ စစ်နေတာ မလွတ်ဘူး။ ရဲပြေး စစ်ပြေး အကုန်ပြန်မိတာ” ဟု ၎င်းက ပြောသည်။ ​ လက်ရှိတွင် ရဲတပ်ဖွဲ့အတွင်း အင်အားပြုန်းတီးမှုများ ဆက်လက်ရှိနေသည့်အပြင် အဆိုပါအင်အားကို ပြန်လည်ဖြည့်တင်းရန် အလုပ်အကိုင်အခွင့်အလမ်းအဖြစ် လိမ်လည်ခေါ်ယူခြင်း၊ ခြိမ်းခြောက်ခြင်းနှင့် အမှုဆင်အရေးယူမည်ဟု ဖိအားပေးခြင်းများဖြင့် လူငယ်အမျိုး သား၊ အမျိုးသမီးများကို ရဲတပ်သားသစ်များအဖြစ် စုဆောင်းနေခြင်းဖြစ်ကြောင်း သိရှိရသည်။

ရန်ကုန် အပါအဝင် မြို့ကြီးများတွင် ရဲမေသစ်များအဖြစ် အမျိုးသမီးများကိုပါ ဦးတည် ပေါ်တာဆွဲ ဖမ်းဆီးနေ၊ ပြည့်တန်ဆာမှု၊ မူးယစ်ဆေးဝါးအမှုများဖြင့် ထောင်ချမည်ဟု ခြိမ်းခြောက်သဖြင့် ရဲထဲဝင်ခဲ့ရသောအမျိုးသမီး အများအပြားရှိ 🟥 ၁ နှစ်အတွင်း ရဲအင်အား ၉,၅၉၆ ဦး ပြုန်းတီးခဲ့ပြီးနောက် နိုင်ငံတစ်ဝန်း အလုပ်ရမည်ဟု လိမ်ခေါ်ခြင်းနှင့် အမှုဆင်ဖမ်းဆီးခြင်းများဖြင့် လူငယ်များကို ရဲထဲသို့ ပေါ်တာဆွဲပို့ဆောင် ရန်ကုန်၊ ဩဂုတ် ၂၆ ရန်ကုန် အပါအဝင် မြို့ကြီးများတွင် ရဲတပ်သားသစ်များအဖြစ် အမျိုးသမီးများကိုပါ ဦးတည် ပြီး ပေါ်တာဆွဲ ဖမ်းဆီးနေကြောင်း ပေါ်တာဆွဲဖမ်းဆီးခံရပြီး ရဲသင်တန်းကျောင်းသို့ အတင်းအကျပ် ပို့ဆောင်ခံရသော ရဲတပ်သားသစ်အမျိုးသမီးများ၏ မိဘများက ရန်ကုန်ခေတ်သစ်သတင်းဌာနထံသို့ ပြောဆိုသည်။ မြန်မာနိုင်ငံရဲတပ်ဖွဲ့တွင် ၂၀၂၄ ခုနှစ်မှ ၂၀၂၅ ခုနှစ်အထိ တစ်နှစ်ကျော်ကာလအတွင်း ရဲတပ် ဖွဲ့ ဝင် ၉,၅၉၆ ဦးအထိ အင်အားပြုန်းတီးခဲ့ပြီး ယင်းအင်အားလျော့နည်းမှုကို ပြန် လည်ဖြည့်တင်းနိုင်ရန် နိုင်ငံတစ်ဝန်းတွင် နည်းလမ်းမျိုးစုံအသုံးပြု၍ ရဲတပ်သားသစ်များ အလျင်အမြန် စုဆောင်းနေကြောင်း ရဲအသိုင်းအ၀ိုင်းက ရန်ကုန်ခေတ်သစ်သတင်းဌာနထံသို့ ပြောဆိုသည်။ လက်ရှိ ရဲတပ်သားသစ် စုဆောင်းရာတွင် အလုပ်အကိုင်ရရှိမည်ဟု ပြောဆို၍ ရဲတပ်ဖွဲ့ဝင်အဖြစ် စုဆောင်းခြင်း၊ ရဲတပ်ဖွဲ့အတွင်း ဝင်ရောက်ရမည်ဖြစ်ကြောင်း ကြိုတင်အသိမပေးဘဲ အလုပ်အကိုင်လျှောက်ထားသူများကို စုဆောင်းရေးစခန်းသို့ ရောက်ရှိမှသာ ရဲတပ်ဖွဲ့ဖြစ်ကြောင်း သိရှိစေခြင်းနှင့် မူးယစ်ဆေးဝါး၊ ခိုးမှု၊ လုယက်မှု စသည့် အမှုများဖြင့် ခြိမ်း ခြောက်ကာ ရဲတပ်ဖွဲ့ထဲ ဝင်ရောက်စေခြင်းများ ပြုလုပ်နေကြောင်း သိရှိရသည်။ နေပြည်တော်ရှိ မြန်မာနိုင်ငံရဲတပ်ဖွဲ့၏ လျှို့ဝှက် အစီရင်ခံစာအရ ၂၀၂၄ ခုနှစ်နှင့် ၂၀၂၅ ခုနှစ် မေလအထိ မြန်မာနိုင်ငံရဲတပ်ဖွဲ့၏ အင်အားပြုန်းတီးမှုမှာ စုစုပေါင်း ၉,၅၉၆ ဦး ရှိပြီး ရဲပြေး ၅,၆၄၀ ဦး၊ ထုတ်ပယ်ခံရသူ ၆၉၅ ဦး၊ နုတ်ထွက်သူ ၁၇၃ ဦး၊ အငြိမ်းစားယူသူ ၅၂၁ ဦး၊ သေဆုံးသူ ၁,၁၀၉ ဦး၊ တာဝန်ထမ်းဆောင်ရင်း ကျဆုံးသူ ၁,၁၈၀ ဦးနှင့် ဌာနကူးပြောင်းသူ ၈ ဦး ပါဝင်ကြောင်း သိရသည်။ ရဲတပ်ဖွဲ့အတွင်း ဝင်ရောက်ရန် လိမ်လည်စုဆောင်းခံခဲ့ရသည့် ရဲတပ်သားသစ်တစ်ဦး၏ ပြောဆိုချက်အရ ၎င်းအနေဖြင့် မိမိလျှောက်ထားသည့်အလုပ်မှာ ရဲတပ်ဖွဲ့ဖြစ်ကြောင်း မသိရှိဘဲ အလုပ်အကိုင်ရရှိမည်ဟု ယုံကြည်၍ လျှောက်ထားခဲ့ရပြီး စုဆောင်းရေးနေရာသို့ ရောက်ရှိမှသာ ရဲတပ်ဖွဲ့အတွင်း ဝင်ရောက်ရမည်ဖြစ်ကြောင်း သိရှိခဲ့ရသည်ဟု ဆိုသည်။ “ရဲအလုပ်မှန်းမသိဘဲ အလုပ်လုပ်ရမယ်ဆိုလို့ လုပ်မယ်ဆိုပြီး အလုပ်လျှောက်တာ။ စုဆောင်းရေးရောက်မှ သိတာ။ အလုပ်သစ်ဆိုပြီး လက်မှတ်က ထိုးပြီးပြီလေ” ဟု ၎င်းက ပြောသည်။ မြန်မာနိုင်ငံရဲတပ်ဖွဲ့တွင် နယ်မြေရဲတပ်ဖွဲ့များအပြင် ယာဉ်ထိန်းရဲ၊ မူးယစ်ဆေးဝါးနှိမ်နင်းရေးရဲ၊ ရထားရဲ၊ လေကြောင်းရဲ စသည့် တပ်ဖွဲ့ခွဲများ အများအပြားရှိပြီး ရဲတပ်သားသစ်များကို သက်ဆိုင်ရာတပ်ဖွဲ့များအတွက် ခွဲဝေစုဆောင်းနေကြောင်း သိရသည်။ ရဲတပ်သားသစ် စုဆောင်းခံနေရသူများအနက် အများစုမှာ ရဲတပ်ဖွဲ့အတွင်း ဆက်လက်တာဝန် ထမ်းဆောင်လိုခြင်းမရှိဘဲ အခွင့်အရေးရရှိပါက ထွက်ပြေးလိုသူများ ဖြစ်ကြောင်း အဆိုပါ ရဲတပ်သားသစ်က ဆက်လက်ပြောသည်။ “ စုဆောင်းရေးစရောက်ကတည်းက ပထမ မိဘအားနာတယ်။ ဒုတိယက ကိုယ် စိတ်ရှိတိုင်းလုပ်ရင် မိဘက အားကိုးစရာ ကိုယ်ပဲရှိတာ။ အပြင်ထွက်ရင် ဘာလုပ်မလဲ အမြဲတွေးတယ်။ လိမ်ခေါ်သွားတဲ့ ရဲတွေကို ပိုမုန်းတီးလာတာပဲရှိပါတယ်” ဟု ၎င်းက ပြောသည်။ သင်တန်းတက်နေစဉ်အတွင်းလည်း စိတ်မပါဘဲ ပေါ်တာဆွဲခံရ၍ ရဲတပ်ဖွဲ့အတွင်း ရောက်ရှိလာသူ များ အများအပြားရှိကြောင်း၊ အချို့မှာ နေသားကျအောင် နေထိုင်နေကြသော်လည်း အချို့မှာ ထွက်ပြေးလိုကြသော်လည်း မိဘများကို ပြန်မတွေ့နိုင်တော့အောင် စွန့်ခွာရမည်ကို စိုးရိမ်သဖြင့် ဆက်လက်နေထိုင်နေကြကြောင်း ၎င်းက ဆိုသည်။ “ကိုယ်လိုလူက အများကြီးပါ။ တချို့က နေသားကျအောင် နေလိုက်တယ်။ တချို့က ထွက်ချင်ပေမယ့် ပြေးလည်း မိဘဆီ ပြန်မရတော့လို့ မလွတ်နိုင်ဘူးဆိုပြီး နေသလိုနေလိုက်တာ။ အတော်များများက ထွက်ချင်ကြသူချည်းပါ” ဟု ၎င်းက ပြောသည်။ ရဲတပ်သားသစ် စုဆောင်းရာတွင် အလုပ်အကိုင်ရရှိမည်ဟု လိမ်လည်ခေါ်ယူခြင်းအပြင် ကွန်ပျူတာစာရိုက်ရမည်၊ ရုံးလုပ်ငန်းသာ လုပ်ရမည်၊ သင်တန်းတက်ရုံသာဖြစ်သည်ဟု ပြောဆိုကာ စုဆောင်းခြင်းများလည်း ရှိကြောင်း သိရသည်။ “ရဲတပ်သားသစ်အရောင်းအဝယ် ဈေးကွက်တစ်ခုလို ဖြစ်တယ်။ အမျိုးသမီးတွေကိုပါ ပစ်မှတ်ထားပြီး အလုပ်လုပ်ရမယ်၊ သင်တန်းတက်ရမယ်ဆိုပြီး လိမ်ခေါ်တာ။ လှိုင်သာယာက အထည်ချုပ် ညီမလေးတွေကို ကွန်ပျူတာနှိပ်ရမယ်၊ ဘာမှလုပ်ရမှာမဟုတ်ဘူးဆိုပြီး လိမ်ခေါ်တယ်” ဟု ၎င်းက ပြောသည်။ ထို့အပြင် ရဲတပ်ဖွဲ့အတွင်း ဝင်ရောက်ရန် ငြင်းဆန်သူများကို ပြည့်တန်ဆာမှု ၊ မူးယစ်ဆေးဝါးမှု၊ ခိုးမှု၊ လုယက်မှု၊ စသည့် အမှုများဖြင့် အရေးယူမည်ဟု ခြိမ်းခြောက်ကာ ရဲတပ်ဖွဲ့ထဲသို့ ဝင်ရောက်စေခြင်းများလည်း ရှိနေကြောင်း သိရသည်။

🚨ရန်ကုန်လေဆိပ် ပစ္စည်းသိမ်းယူမှုများလေကြောင်းခရီးသွားသူတွေ အခက်ကြုံ🚨 "ဒီလိုမှမသွင်းရင် မြန်မာပြည်မှာက အကုန်ပစ္စည်းတွေ ပြတ်လပ်တော့မှာ။ ဒါကို အခုလို အရမ်းတင်းကြပ်နေတော့ အဆင်ပြေမနေဘူး" ရန်ကုန်လေဆိပ်မှာ ခရီးသည်တွေရဲ့ ခရီးဆောင်အိတ်တွေကို တင်းကြပ်စစ်ဆေးတာနဲ့ ကီလိုအပိုဝယ်ယူထားတဲ့ ပစ္စည်းတွေကို အခွန်ထပ်ဆောင်းပေးဆောင်ရတာကြောင့် လေကြောင်း ခရီးသွားလာသူတွေ အခက်ကြုံနေရပါတယ်။ 🔔 #dvb #newsreels #reels #Shorts #ရန်ကုန်လေဆိပ် 🔥

Women’s Equality Day အမျိုးသမီးများတန်းတူရေးနေ့ 26. August.2026 Sisters2Sistersအနေဖြင့် တန်းတူရေးလှုပ်ရှားမှုသမိုင်း၏အထိမ်းမှတ်ဖြစ်သော ယနေ့တွင် ကမ္ဘာတစ်ဝှမ်းနှင့် မြန်မာပြည်တစ်လွှားရှိ နေ့စဉ်ဘဝတွင် တရားမျှတ တန်းတူညီတူသော နေ့ရက်များ ပိုင်ဆိုင်ဖို့တိုက်ပွဲဝင်နေသော အမျိုးသမီးများ၊ ဂျဲန်ဒါစုံလင်ကွဲပြားသော သူတိုင်း၏ မယိမ်းမယိုင် ခိုင်မာသော သတ္တိနှင့်စွမ်းပကားကို ဂုဏ်ယူစွာဖြင့် ဦးညွှတ်လိုက်ပါသည်။ ဤနေ့သည် အမေရိကန်နိုင်ငံ၏ (၁၉) ကြိမ်မြောက် ဖွဲ့စည်းပုံအခြေခံ ပြင်ဆင်ချက်ဥပဒေကို ၁၉၂၀ ပြည့်နှစ်တွင် သမိုင်းဝင် အတည်ပြုခဲ့ခြင်းကို အထိမ်းအမှတ်ပြုသော်လည်း အမျိုးသမီးများ မဲပေးပိုင်ခွင့်ရရှိရေးအတွက် ကြိုးပမ်းခဲ့သောအောင်ပွဲဖြစ်သည်။ ထိုအောင်ပွဲနှင့်ထပ်တူ အမျိုးသမီးတို့အခွင့်အရေးများနှင့် စီးပွားရေးဆိုင်ရာ တန်းတူညီမျှမှုဆိုင်ရာသတင်းစကားများသည် မြန်မာနိုင်ငံအတွင်း ငြိမ်းချမ်းရေး၊ ပညာရေးနှင့် ရပ်ရွာလူထု ကြံ့ကြံ့ခံနိုင်စွမ်းကို ဖော်ဆောင်နေကြသော ကြံ့ခိုင်သတ္တိရှိသည့် အမျိုးသမီးများနှင့် ဂျဲန်ဒါစုံလင်သောတက်ကြွလှုပ်ရှားသူများကို အင်အားဖြစ်စေသော နေ့တစ်နေ့ဖြစ်ပါသည်။ “တန်းတူညီတူ ဖိုဝါဒီပြို” သွေးစည်းညီညွတ်လျက် Sisters2Sisters

ပန်းပဲတန်း အနော်ရထာလမ်း ရွှေဘုံသာလမ်းပွိုင့် ခွေးဘဲဥ ၁ ကောင် မတ်တပ်ရပ်နေ – RSG 9:44 AM 📬 @Inform_RSN