IV Notes 💉

مين قال إن فهم ال basic ملوش علاقة بالواقع , تيجي أثبتلك ؟ 😁 حتة كدة تعدل المزاج 😎 لو تفتكروا معايا ال Cell cycle كانت بتتكون من : G1 phase S phase G2 phase inter phase M phase وبناء على فهم كل واحدة فيهم ممكن نفهم شوية حاجات عملية تانية 🧠 ال G1 كانت بتعبر عن مرحلة ال Growth واللي بتعدي عليها كل الخلايا قبل ما تخش على المرحلة اللي بعدها اللي هي المرحلة S يعني synthesis اللي بيحصل فيها Replication of DNA استعدادا للانقسام , ماعدا نوع معين من الخلايا هو النوع الوحيد اللي مبيعرفش يخش ال S phase وبيفضل قاعد دايما في ال G1 phase عشان كدة سموا الخلايا دي ال resting cells وسموا مرحلتها بردوا اسم مميز هو G0 phase هي هي نفس ال G1 بتاعة كل الخلايا بس بما إنها قاعدة فيها على طول مبتتحركش لذلك سموها 0 , زي Neurons اللي زي ما احنا عارفين إنها مبتتجددش وده السبب لفقدها إلى إشارة دخول ال S phase 🚫 🔻🔻🔻🔻🔻🔻 المرحلة اللي بعدها اللي هي ال S phase ودي اللي بيحصل فيها ال replication بس المرحلة دي بتحتاج signals معينة عشان تقول للخلية خشي من المرحلة G1 الى المرحلة S ومن بعدها تكمل الرحلة لحد الانقسام , طيب ده ممكن يفسر أيه ؟ ممكن يفسرلنا ليه ال cancer بيحصل , المشكلة إن بيطلع عدد كبير جدا من ال signals دي يسمح للخلية انها تخش ال s phase كتير وبالتالي تتكاثر بشكل جنوني وتعمل السرطان . وده على فكرة هو نفسه فكرة شغل دوا ال methotrexate اللي هو نوع من انواع الكيماوي المستخدم في علاج السرطان أو في علاج ال ectopic pregnancy عشان أوقف نمو البيبي اللي لسة مجرد شوية خلايا بسيطة عايزة تتكاثر بجنون , كل وظيفة الدواء ده إنه بيمنع حدوث الاشارة اللي بتخلي الخلية تخش من ال G1 الى S وبالتالي مش هيحصل نسخ لل DNA وبالتالي مش هيحصل تكاثر للخلايا ❌ 🔻🔻🔻🔻🔻🔻 المرحلة اللي بعدها هي ال G2 ودي مرحلة نمو للخلية بردو قبل الانقسام وبيحصل في المرحلة دي تعديل لأي أخطاء حصلت لل DNA أثناء نسخه في ال S phase عشان الخلايا الجديدة متنقسمش بالأخطاء دي فينتج خلايا مشوهة ودي بردو ليها علاقة بالكانسر , إزاي ؟ لو حصل مشكلة في ال DNA سواء Mutation or deletion لجين معين ساعتها ممكن يحصل كانسر بس الجين ده هيكون tumor suppressor gene لو حصل خطأ في نسخ الجين ده ساعتها الجين مش هيقدر يقوم بدوره والجين ده اصلا دوره واضح في اسمه انه بيمنع حدوث السرطان زي جين مشهور في سرطان الثدي اسمه BRCA فلو محصلش تعديل للاخطاء دي ساعتها هيحصل الكانسر ☠️ 🔻🔻🔻🔻🔻🔻 المرحلة اللي بعدها هي ال M phase ودي بتعبر عن ال Mitosis واللي بيميز المرحلة دي إن الخلية فيها خارج نطاق العمل مبتشتغلش خالص ولا بتقوم بأي دور من أدوارها لأن الخلية بتقوم بدورها كله في مرحلة ال inter phase وزي ما هو واضح المرحلة دي شغالة على مدار ال Cycle كلها ماعدا ال M phase والحقيقة ده بيفسر ظاهرة تانية , وهو ليه مثلا في اللوكيميا على رغم إن ال WBCs كتير جدا إلا إن مناعة الجسم في الأرض ودايما عرضة to infections ... لأن الخلايا بتنقسم بجنون فدايما بتدخل في ال M phase دي كتير وزي ما قولنا المرحلة دي مفيهاش شغل لذلك الخلية موجودة وبكثرة ولكن مش شغالة فمش عارفة تتدافع عن الجسم ضد العدوى وكمان لما بتعدي من ال M phase مبتاخدش الوقت الكافي في ال G phase عشان تنمو وتكون قوية كفاية انها تقوم بدورها فبتكون immature فمتعرفش تعمل حاجة , لذلك اللوكيميا خلايا المناعة كتير بس ضعيفة مبتقمش بدورها ( كـ غثاء السيل ) تقريباً ‼️ #By_Dr_Mo #IV_Notes

بيقولك عشان تأكد تشخيصك لل Hypoglycemia حسب ال Whipple triad فلازم تتأكد من التالي : 1- Low blood glucose منطقي يعني أومال هيكون Low IQ 🤨 2- symptoms and signs of hypoglycemia ما طبيعي بردو , يعني هيكون أعراض برد مثلا ! 😒 3- Resolve symptoms after glucose administration وده بردو منطقي , ولكن لو جينا للحق فدي هي النقطة الاهم وذات قيمة في ال Triad ده كله ... طيب ليه ؟ 🤔 🧠🧠🧠🧠🧠🧠🧠🧠🧠🧠 بخصوص أول نقطة فجهاز السكر رخيص وصغير وسهل وموجود في كل مكان وقياسته بتطلع في ثواني فمفيش أي مشكلة إني أتأكد من قياستي إنا السكر واطي 👍 بخصوص تاني نقطة فاللي خلاني أشك إن ممكن يكون فيه Hypoglycemia هو presentation العيان فأنت حتى في ال Triad محاولتش تقولي أيه أهم عرض أو علامة لأ خالص انت بتتكلم في العموم والأعراض كلها General أصلا مفيش حاجة specific 😏 ثالثاً بقى والأهم واللي هيحصل فيها لبس هي النقطة التالتة , لما نقول إننا لقينا سكر العيان واطي وعليه أعراض هبوط سكر والأعراض دي زي ما قولتلك أعراض عامة جدا يعني ممكن تكون متداخلة مع أمراض تانية كتير ممكن تتعارض مع ال MI ,HF ,sepsis ,stroke and etc وبالتالي لو لقيت العيان اللي عليه أعراض هبوط سكر وسكره بالفعل واطي مبيتحسنش ومبيستعدش وعيه بعد ما اديته Glucose ده معناه ان العيان ده عنده مصيبة تانية غير هبوط السكر هي اللي عاملة فيه كدة , ده اللي whipple حاول يلفت نظرك ليه هنا ... متقولش العيان هيتحسن كمان شوية , لأ ال Hypoglycemia مشكلة سريعة بمجرد ما تديها الجلوكوز اللي محتاجاه العيان هيتحسن حتى قبل ما تخلص محلول الجلوكوز اللي بتديه وبالتالي لو عيانك متحسنش ده بيتحجز وغالبا ICU لأن الأعراض غالباً ما بتكون Critical . 🫡🫡🫡 لو حابب تعرف أكتر عن ال Hypoglycemia ابعتلنا كلمة ( Hypoglycemia ) على الواتساب هبعتلك لينك كورس كامل مجاني ⬇️⬇️⬇️ 01098580598

نزيييف 🩸🩸عيانك اللي انت بتديله Heparin بينزف 🙂هتعمل أيه ؟ في واحد على قد حاله قالنا : (( نزيف يعني بلازما يا دكترة إنجز )) 🙄 💉 وفيه واحد شاطر شوية رد عليه قاله : (( لا طبعا ده بياخد هيبارين المفروض نديله ال antidote بتاع الهيبارين اللي هو Protamine sulphate ولو عاوز تديله معاها بلازما براحتك بس المهم ال specific antidote 🙏 💉 وفيه برنس بقا قالهم : protamine sulphate و إوعاك تديله بلازما 😁 🫡 أيه القصة ‼️ ركز معايا كلمتين ورد غطاهم وبإختصار شديد جدا , هو الهيبارين بيشتغل إزاي بالبلدي ؟ الهيبارين بيروح يمسك في molecule معين موجود جوة البلازما في الدم اسمه anti-thrombin III ومن اسمه قدامك اهه , ثرومبين يعني تجلط anti-thrombin يعني مضاد تجلط ده ال molecule نفسه , تمام ؟ . الهيبارين بقا بيمسك ال molecule ده يخليه hyperactive فينشطه أكتر وأكتر عشان يخليه يعمل anticoagulation أكتر وأكتر , تمام كدة ؟ 🤝 تخيل معايا حصل نزيف وانت إديت العيان ده بلازما عشان فيها coagulants توقف الزنيف صح ؟ بس ممكن ترجع بنظرك كدا سطرين لورا وتقرأ تاني لما قولتلك (( molecule معين موجود جوة البلازما )) الحاجة اللي الهيبارين بينشطها عشان تعمل سيولة موجودة أصلاً في البلازما يافندم 😅 حضرتك بتديله coagulants من جه , وبتزود ال Heparin effect من الجهة التانية 😏 ولذلك هتديله ال antidote وفقط اللي هو protamine sulphate 🙌 لو عاوز تلم موضوع النزيف reversal of anticoagulants كله ، خش ع الواتساب وابعتلنا كلمة Anticoagulation هبعتلك لينك ملف كامل from A to Z ✅ 👇 01098580598

اللحظات اللي بتقلق فيها لما تلاحظ ال Hyperdefecation اللي عندك بقاله فترة وتبدأ تحط ال DD عشان تتوصل للسبب و تلحق الأمور من أولها قبل ما تطور وبعد صراع مرير مع ال pathological causes تفتكر طفاستك 👀👀 What common is common يا جماعة 😌 #By_Dr_Mo #IV_Notes

- تفتكر تفرق لو إديت العيان جلسات البخار بترتيب مختلف ولا هي هي ؟ 🤔 يعني لو اديته الفاركولين قبل البلميكورت هي هي زي لما تديله البلميكورت قبل الفاركولين ❗️🙄 = ياعم إديله أي حاجة 😐 - طيب ما تيجي أشرحلك الاول وبعدين قرر انت , أنا مش هقولك تعمل ايه 🤌 الفاركولين salbutamol ده Beta 2 agonist عبارة عن مادة بتمسك في ال B2 receptors اللي موجودة على ال bronchi وبميكانيزم معين هتؤدي في النهاية للـ smooth muscle relaxation وبالتالي Bronchodilation و ده ال effect اللي انا عايزه في الناس ال obstructive lung .. تمام ✋ البلميكورت budesonide ده corticosteroid عبارة عن مادة بتدخل جوة ال cell وتمسك في ال glucocorticoid receptors فتؤدي في النهاية بميكانيزم معين إلى anti inflammatory anti edematous effect .. تمام 🤚بالإضافة إلى خاصية أخرى هتفهمها لما تعرف إن الـ inflammation in asthma عمل downregulation of β2 receptors وبالتالي لو أنا قدرت أقلل ال inflammation فـده هيزود الـ β2 receptor expression and sensitivity وبالتالي هيزود كفاءة وعمل الـ β2-agonists 😃 اللي بيعمل ده هي ال steroid البلميكورت 😁 = بس كدة يا دكترة يبقى إحنا هنحط للعيان جلسة البلميكورت قبل الفاركولين عشان تزود كفاءتها 😇 - اصبر بس , اصبر شوية 🤌 هو انت لما تديله البلميكورت الأول قبل ما تفتحله السكة المقفولة فكرك البلميكورت ده هيقدر يعدي ويوصل للخلايا اللي جوة عشان يعمل ال effect بتاعه 😅لأ مش هيحصل .. ده غير إن effect ال steroid ده بيحتاج ساعات طويلة , فهو الحقيقة maintenance therapy أكتر منه acute .. ولذلك نستنتج إننا الصح ندي العيان ال B2 agonist الأول اللي هو فاركولين عشان يفتح ال obstructive airways بسرعة فده يدي فرصة لأي دوا تاني إنه يوصل deep to lung زي البلميكورت وساعتها ال steroid ده يقدر يعمل upregulation of B2 receptors فيحسن من كفاءة الفاركولين أكتر وأكتر وأكتر 👍 لذلك هنبدأ بالفاركولين 🫁

لو عيانك حصله stroke بعد DVT فده كلام مش منطقي 🧐 دور في العيان ده على خرم جوه قلبه غالباً هيبقى patent foramen ovale أو أي خرم تاني .. بس لازم وصله تنقل الجلطة من اليمين للشمال عشان تطلع لل brain 🧠

لو عيانك حصله stroke بعد DVT فده كلام مش منطقي 🧐 دور في العيان ده على خرم جوه قلبه غالباً هيبقى patent foramen ovale أو أي خرم تاني .. بس لازم وصله تنقل الجلطة من اليمين للشمال عشان تطلع لل brain 🧠

محاضرة اللايف اللي اتعلمت إمبارح https://youtu.be/ZxlW16n25gY?si=gy0zR0Ga3CJiKTaD

فيه خصم استثنائي لمدة ٢٤ ساعة فقط خصم ٣٤% من ثمن الكورس هينتهي يوم السبت بالليل⌛ محاضرة النهاردة دي كانت جزء من برنامج النيورو، البرنامج التدريبي ده بتخرج منه قادر * تـ master History taking & clinical examination * تـ Master vital signs interpretation * تتعامل وتوصل لأسباب ال DCL * تتعامل مع عيان الصداع سواء طوارئ أو عيادة * تتعامل مع حالات ال Dizziness سواء طوارئ أو عيادة * تلقط عيان ال stroke بدري جدا وتتعامل معاه بكل ثقة لحد العلاج * تكتشف ال CNS infection بسرعة وتفرق بين ال Meningitis & encephalitis * توقف ال seizures بسرعة وبثقة وتنتقل للخطوة التانية بكل سهولة وتكتشف أسبابها كل ده في سيستم إحترافي جدا وبمتابعة دقيقة تخليك تخرج من البرنامج مش مجرد جاهز للشغل لأ انت هتكون بالفعل اتدربت عملي كمان أثناء البرنامج الملف ده بيشرحلك بإختصار نظام السيستم بتاعنا https://drive.google.com/file/d/1Luie4r-AewXUY27PWI1GSCiaKCT3SAsD/view?usp=sharing لو حابب تعرف تفاصيل أكتر تواصل على الواتساب ده 01098580598

خمس دقائق ونبدأ إن شاء الله https://meet.google.com/ihg-jqjx-fjh

بعد ساعتين بالظبط من دلوقتي هنبدأ Live real simulation لحالة presented ليك في المستشفى بـ Headache ، هنستلمها step by step لحد ما نوصل لـ Diagnosis ونعمل ال Management بتاعها كما لو كنا واقفين حقيقي على أرض الواقع 🧠 انضم لـ جروب الواتساب https://chat.whatsapp.com/KrkpSaWJVb9Gc6XITef8va

بكرة محاضرة لايف جديدة هنمسك فيها حالة داخلة عليك بصداع وهنفضل وراها لحد ما نوصل لتشخيص ونبدألها Management كمان 💪 مش هتكون بطريقة تقليدية إطلاقاً 🤩 مش هنتكلم في تعريفات ولا تفسيرات، هنبدأ Management مباشرة زي ما هيحصل في أرض الواقع تمام ، بالترتيب المنطقي العملي مش بتترتيب الكتاب ، كل حاجة هتكون بتعيشك الحالة على أرض الواقع عشان تدرب عليها بشكل عملي حقيقي، هيطلعلك مفاجئات في الحالة وانت اللي هتقرر تتعامل معاها إزاي 🧠 🗓 الجمعة 24 يوليو الساعة 10 مساءاً 📢 التفاصيل الكاملة ولينك الحضور هيكونوا على جروب الواتساب هتلاقوا اللينك في الأخر هنحاول نعيش السيناريو الحقيقي جوه الطوارئ خطوة بخطوة، وكأنك الـ on-call physician المسؤول عن الحالة. دي محاضرة هتتعرض بشكل مجاني من داخل كورس النيورو Neurological emergencies training program الإشتراك فيها هيكون متاح للجميع مستنيينكم 🔥 https://chat.whatsapp.com/KrkpSaWJVb9Gc6XITef8va

ليه دي حالة cns infection ؟ Headache - Fever - Neck rigidity is Meningitis until prove otherwise ودي قاعدة زايد عليها كمان DCL ده معناه انها severe complicated meningitis أو إن ال infection دي ضربت ال Brain ذات نفسه يعني عملت Encephalitis طيب يا ترى مين فيهم ؟ 🙄 العيان خلاص انا متأكد إنه CNS infction ، لقيت فيه زيادة كمان Non-blenching rash over trunk & extremities كدة أصبحت أمام Meningococcal meningitis ودي fatal infection وكمان highly contagious لازم عزل للحالة و infection control measures في التعامل معاها طيب هو أنا ليه أشك إنها SAH ؟ عشان فيه Headache & neck rigidity وللي مش واخد باله .. ال neck rigidity دي علامة Meningeal irritation هتحصل سواء كان فيه inflammation مضايق ال meninges أو كان فيه Hemorrhage في ال subarachnoid space الملامس لل meninges طيب هو أنا ليه مقولتش ان دي SAH ؟ هتفسر ال Fever ازاي ؟ هتفسر ال gradual illness ازاي ؟ ( النزيف بيحصل فجأة إنما العدوى بتزيد تدريجي ) كمان المريض معندوش أي risk لحدوث نزيف مفاجئ مش مخبوط مثلا ( وإن كان مش شرط ) كمان المريض فيه supporting sign ( Rash ) طيب هو انا ليه أشك انه ضارب مخدرات ؟ شاب صغير و جاي بـ DCL طيب هو انا ليه مقولتش ان ده هو السبب ؟ هتفسر ال neck rigidity & fever إزاي ؟ بغض النظر عن ال Neuroleptic malignant syndrome اللي ممكن تيجي ب agitation & fever & seizures خلاص كدة استقرينا إنها CNS infection ما هي أول خطوة لازم تعلمها في عيان suspected meningococcal meningitis ؟ يا ترى MRI ؟ والله ممكن نحتاجه فعلا الرنين هيوضح شوية مشاكل متوقع تظهر وكمان بيظهر فيه بعض علامات ال Meningitis or Encephalitis يا ترى نعمل CSF analysis ؟ لأن بصراحة هي دي الخطوة اللي بتشخص وبتأكد شكنا بنسبة 100% ولا نديله Antibiotics على طول ؟ لأن ال infection دي fatal والعيان جايلي بـ severe symptoms فانا متوقع إن ال brain خلاص بيعاني تفتكر أنهي تفسير من دول يستاهل إنك تتحرك أسرع عشانه ؟ انك تشوف علامات ال infection وتستكشف ال complications ؟ ولا إنك تأكد تشخيصك 100% عشان تثبت للجميع انك صح ؟ ولا إنك تنقذ حياة المريض (قدر المستطاع) ب Early fighting of the infection طبعاً مش محتاج أوضح الخيار المناسب هيجي في بالك سؤال طيب هو إزاي يا باشا هندي antibiotics قبل ما نعمل مزرعة CSF ؟ مش كدة هيأثر على النتيجة هو ده الكلام اللي ممكن تقرأه في الكتاب ، ال investigation فعلا بيتحط قبل ال treatment ولكن الواقع غير خاااالص يعني هو عشان متأثرش على نتيجة المزرعة تسيب العيان يموت ، خصوصاً إن ال Lumbar puncture دي procedure مش صغيرة وبتحتاج تحضير مش مجرد شكة أبرة فهي هتعطل العيان ساعات على ما تعملها وده طبعاً غير مقبول إطلاقا في عيان زي ده انك تأخر عليه العلاج ساعات عشان مجرد فحص (اسحب مزرعة دم بسرعة مع المعامل و ادي العيان المضادات بتاعته ونحضره ل LP براحتنا خالص) اللي عنده أي سؤال يتفضل

حالة جديدة نركز في تفاصيلها هنطلع بالنتيجة بسهولة 👇🏻 ​A 19-year-old male college student is brought to the emergency department with a 24-hour history of escalating illness. He reports a high fever, a severe global headache he describes as constant and debilitating, and significant neck stiffness. His vital signs reveal a temperature of 39.5°C, a heart rate of 120 beats per minute, and a respiratory rate of 22 breaths per minute. On physical examination, the most striking finding is a new, non-blanching petechial rash scattered across his trunk and lower extremities.

خلصنا كلام عن حالات ال Sore throat اللي هتحتاج تحويل طوارئ ENT ✅ طيب لو مش طوارئ هعالج ال sore throat إزاي ؟ من الأخر انت عاوز تعرف هل ده Bacterial or Viral عشان تعرف هتديله مضاد حيوي ولا لأ 💊 ومبدئياً معظم حالات ال sore throat بتكون viral 🦠 فمش محتاجة أكتر من symptomatic ttt وحوالي 10% منها فقط اللي بيكونوا bacterial طيب هعرف إزاي ؟ 🤔 ال centor criteria بتقول عندك خمس نقط جمعهم وعلى حسب النتيجة هندي مضاد حيوي او لأ أيه هما النقط دي ؟ زي ما هو عندك كدة في الصورة : 1️⃣ Tonsillar exudate يعني بطش بيضا على اللوز 2️⃣ History of fever ومش شرط يكون سخن دلوقتي لأ حتى لو كان هو امبارح سخن هنعتبرها نقطة بردو 3️⃣ Tender anterior cervical lymph nodes 4️⃣ Abscence of cough خد بالك غياب الكحة وليس وجودها 5️⃣ Age between 3-15 6️⃣ Age above 45 نقص نقطة 🧮 تعالى بقى نجمع ✔️ لو جمعنا 4 أو 5 نقط تديله مضاد حيوي وانت مغمض 😌 ❌ لو جمعنا 0 أو 1 متديلوش مضاد حيوي ومتعملوش حاجة تاني أصلا اديله مسكن وروحه 👋 ⚠️ لو جمعنا 2 أو 3 كدة هنبقى في شك هنضطر نعمل اختبار سريع جدا نتيجته بتطلع في ظرف 5 دقايق اسمه rapid antigen test 🧪 بإن بيتاخد مسحه من الزور كدة وبتتحط على reagent أعرف بيه هل فيه bacteria ولا لأ لو طلع فيه >> هيحتاج مضاد حيوي لو مطلعش >> مش هيحتاج طيب ياعم أنا في كفر البطيخ ومش متاح أعمل ال test ده خالص 😅 لو لقيته 3 ياعم اديله مضاد حيوي لو لقيته 2 متديلوش إلا في حالتين فقط دول الاستثناء 👇 ⚠️ لو كان مناعته ضعيفة ⚠️ أو لو كان مختلط بحالة عندها bacterial pharyngitis الفترة اللي فاتت غير كدة لأ 💊 طيب لو عوزت اعالجه , هعالجه إزاي ؟ : 🔹 1- مسكنات ده هياخدها أي حد لأنه حاسس بوجع في زوره سواء bacterial or viral هيـاخد paracetamol في السوق اسمه بنادول هياخد جرعة 1000 3 أو 4 مرات في اليوم ⚠️ (( بس المفروض تكون عارف إن ال paracetamol ال max daily dose بتاعته 4000 وفي حالة مريض الكبد فال max daily dose بتاعته 2000 فقط )) ➕ بالإضافة إلى إستحلاب بيريح الزور شوية زي ستربسلز او بيكتول 🔹 2- مضاد حيوي لو هو محتاج زي ما قولنا ، ال 1st line هنا هو ال penicillin زي Pencitard طويل المفعول حقنة واحدة فقط عضل على حسب وزنه : لو هو أكتر من 27 كيلو هياخد الفيال كامل 1.2 مليون وحدة أو أقل من 27 كيلو يبقى هياخد نص الفيال 600 ألف وحدة 💊 ولو هستخدم oral ممكن أستخدم amoxicillin 500mg twice daily for 10 days طيب لو عنده حساسية من البنسيلين ❗ ممكن استخدم بداله clarithromycin or azithromycin 💊 وبس كدة 🫡