Popular Journal

ဂျပန်-အာဆီယံ စီးပွားရေးပူးပေါင်းဆောင်ရွက်မှု ပိုမိုခိုင်မာစေရန် သဘောတူ မနီလာ၊ စက်တင်ဘာ ၂၁ ဂျပန်နိုင်ငံနှင့် အာဆီယံတို့သည် ကုန်စည်ထောက်ပံ့ရေးကွင်းဆက် ခိုင်မာရေးနှင့် AI နည်းပညာ၏ အခန်းကဏ္ဍ မြင့်တက်လာမှုတို့ကို ထည့်သွင်းစဉ်းစားကာ နှစ်ဖက်စီးပွားရေးပူးပေါင်းဆောင်ရွက်မှုဆိုင်ရာ သဘောတူညီချက်ကို ပိုမိုခိုင်မာအားကောင်းစေရန် လုပ်ဆောင်သွားမည်ဖြစ်ကြောင်း သိရသည်။ မနီလာမြို့၌ စက်တင်ဘာ ၂၀ ရက်က ပြုလုပ်ခဲ့သည့် ဂျပန်-အာဆီယံ စီးပွားရေးနှင့် ကုန်သွယ်ရေးဆိုင်ရာ ဝန်ကြီးအဆင့်အစည်းအဝေးတွင် နှစ်ဖက်က ယင်းသို့ သဘောတူခဲ့ခြင်းဖြစ်ကြောင်း ဂျပန်အစိုးရအရာရှိတစ်ဦးက ပြောကြားခဲ့သည်။ နှစ်ဖက်အနေဖြင့် ကုန်စည်ထောက်ပံ့ရေးကွင်းဆက် ပြတ်တောက်နိုင်ခြေများနှင့် AI နည်းပညာ၏ အခန်းကဏ္ဍ ပိုမိုတိုးတက်လာမှုတို့အပါအဝင် လက်ရှိစီးပွားရေးအခြေအနေများနှင့် ကိုက်ညီစေရန် စီးပွားရေးပူးပေါင်းဆောင်ရွက်မှု သဘောတူညီချက်ကို ပြန်လည်သုံးသပ်သွားမည်ဖြစ်သည်။ ​သတင်းအပြည့်အစုံဖတ်ရန်>> https://www.popularmyanmar.com/ဂျပန်-အာဆီယံ-စီးပွားရေးပ/

လူငယ်ကျောင်းသားအားကစားသမားများအတွက် လေ့ကျင့်ရေးသုံးပစ္စည်းများ ဖြည့်ဆည်းပေးရန် ဒုဝန်ကြီးပြော နေပြည်တော်၊ စက်တင်ဘာ ၂၁ လူငယ်ကျောင်းသားအားကစားသမားများ အဆင်ပြေချောမွေ့စွာ လေ့ကျင့်နိုင်စေရန် လိုအပ်သည့် လေ့ကျင့်ရေးသုံး အားကစားအထောက်အကူပြုပစ္စည်းများကို ထောက်ပံ့ကူညီ ဖြည့်ဆည်းပေးသွားရန် အားကစားရေးရာဝန်ကြီးဌာန ဒုတိယဝန်ကြီး ဦးညီညီက ပြောကြားခဲ့ကြောင်း သိရသည်။ ဒုတိယဝန်ကြီး ဦးညီညီသည် စက်တင်ဘာ ၂၀ ရက်က မွန်ပြည်နယ် အားကစားနှင့်ကာယပညာဦးစီးဌာနမှ အရာထမ်း၊ အမှုထမ်းများနှင့် တွေ့ဆုံစဉ် ယင်းသို့ ပြောကြားခဲ့ခြင်းဖြစ်သည်။ ထို့ပြင် အားကစားပြိုင်ပွဲများကို စဉ်ဆက်မပြတ်ကျင်းပကာ မျိုးဆက်သစ်အားကစားသမားများ ပေါ်ထွန်းလာစေရေး စီမံဆောင်ရွက်သွားရန်လည်း မှာကြားခဲ့သည်။ အားကစားသမားများ စနစ်တကျ လေ့ကျင့်နိုင်ရေးအတွက် စံချိန်စံညွှန်းပြည့်မီစွာ တည်ဆောက်ထားသည့် အားကစားကွင်းနှင့် အားကစားရုံများ ရေရှည်တည်တံ့ခိုင်မြဲစေရေး၊ ပတ်ဝန်းကျင်သန့်ရှင်းသာယာလှပစေရေးတို့ကိုလည်း စနစ်တကျ ပြုပြင်ထိန်းသိမ်းစောင့်ရှောက်သွားရန် ဒုတိယဝန်ကြီးက ပြောကြားခဲ့ကြောင်း သိရသည်။

မြန်မာနိုင်ငံတွင် 5G စနစ်များ မကြာမီ စတင်အသုံးပြုနိုင်မည် ရန်ကုန်၊ စက်တင်ဘာ ၂၁ မြန်မာနိုင်ငံတွင် 5G စနစ်များကို မကြာမီကာလအတွင်း စတင်အသုံးပြုနိုင်တော့မည်ဖြစ်ကြောင်း ဒီဂျစ်တယ်ဖွံ့ဖြိုးတိုးတက်ရေးနှင့် ဆက်သွယ်ရေးဝန်ကြီးဌာန ဒုတိယဝန်ကြီး ဦးသက်ဝင်းအောင်က ပြောကြားခဲ့သည်။ ဒုတိယဝန်ကြီးသည် စက်တင်ဘာ ၂၀ ရက်က ရန်ကုန်တိုင်းဒေသကြီး၊ စမ်းချောင်းမြို့နယ်ရှိ ဟံသာဝတီရုံး၌ ဆက်သွယ်ရေးဝန်ဆောင်မှုလုပ်ငန်းများ ဆောင်ရွက်နေသည့် မိုဘိုင်းတယ်လီဖုန်းအော်ပရေတာများနှင့် အင်တာနက်ဝန်ဆောင်မှုပေးသည့် ကုမ္ပဏီများမှ တာဝန်ရှိသူများကို တွေ့ဆုံစဉ် ယင်းသို့ ပြောကြားခဲ့ခြင်းဖြစ်သည်။ ထို့ပြင် ရန်ကုန်မြို့အတွင်းရှိ ရှုပ်ထွေးနေသော ဆက်သွယ်ရေးကေဘယ်ကြိုးများကို အဆင့်လိုက် ရှင်းလင်းဆောင်ရွက်နေသည့် လုပ်ငန်းများတွင် သက်ဆိုင်ရာအော်ပရေတာနှင့် ကုမ္ပဏီများက ဆက်လက်ပူးပေါင်းဆောင်ရွက်သွားကြရန်လည်း ဒုတိယဝန်ကြီးက တိုက်တွန်းပြောကြားခဲ့သည်။ သတင်းအပြည့်အစုံဖတ်ရန်>> https://www.popularmyanmar.com/မြန်မာနိုင်ငံတွင်-5g-စနစ်/

FIFA ASEAN Cup 2026 အတွက် မြန်မာ့လက်ရွေးစင်အသင်း လူစာရင်းထုတ်ပြန် လူငယ်ကစားသမားသစ်များနှင့် စီနီယာကစားသမားများ ပေါင်းစပ်ရွေးချယ် ရန်ကုန်၊ စက်တင်ဘာ ၂၁ FIFA ASEAN Cup 2026 ပြိုင်ပွဲ ဝင်ရောက်ယှဉ်ပြိုင်မည့် မြန်မာ့လက်ရွေးစင်အသင်း လူစာရင်းကို ထုတ်ပြန်လိုက်ရာ လူငယ်ကစားသမားသစ်များနှင့် အတွေ့အကြုံရှိ စီနီယာကစားသမားများ ပေါင်းစပ်ပါဝင်လာကြောင်း သိရသည်။ Head Coach Jörn Andersen ဦးဆောင်မည့် မြန်မာ့လက်ရွေးစင်အသင်း လူစာရင်းတွင် ကောင်းခန့်ကျော်၊ မိုးဆွေနှင့် ပြည့်စုံအောင်တို့သည် FIFA ASEAN Cup အတွက် စီနီယာလက်ရွေးစင်အသင်း လူစာရင်း၌ ပထမဆုံးအကြိမ် ပါဝင်လာကြခြင်းဖြစ်သည်။ ကောင်းခန့်ကျော်သည် မကြာသေးမီက မြန်မာယူ-၂၀ အသင်းနှင့်အတူ ယှဉ်ပြိုင်ခဲ့သည့် ခြေစစ်ပွဲများတွင် ခြေစွမ်းပြသနိုင်ခဲ့ပြီးနောက် စီနီယာလက်ရွေးစင်အသင်းသို့ ပထမဆုံးအကြိမ် ရွေးချယ်ခံခဲ့ရခြင်းဖြစ်သည်။ ​သတင်းအပြည့်အစုံဖတ်ရန်>> https://www.popularmyanmar.com/fifa-asean-cup-2026-အတွက်-မြန်မာ့လက်ရွေး/

မလေးရှားထိန်းသိမ်းရေးစခန်းများရှိ မြန်မာနိုင်ငံသားများ နေရပ်ပြန်နိုင်ရေး ဆောင်ရွက်နေ ဩဂုတ်လအတွင်း ၇၁ ဦးစိစစ်ခဲ့ပြီး ၅၄ ဦးအား CI ထုတ်ပေးနိုင် မလေးရှားနိုင်ငံ လူဝင်မှုကြီးကြပ်ရေးဌာနအောက်ရှိ ထိန်းသိမ်းရေးစခန်း ၁၅ ခုတွင် ထိန်းသိမ်းခံထားရသည့် မြန်မာနိုင်ငံသားများကို မြန်မာနိုင်ငံသို့ အမြန်ဆုံးပြန်လည်ပို့ဆောင်နိုင်ရေးအတွက် နိုင်ငံသားဖြစ်မှု စိစစ်ခြင်းနှင့် နေရပ်ပြန်လည်ပို့ဆောင်ရေးလုပ်ငန်းများ ဆောင်ရွက်လျက်ရှိကြောင်း ကွာလာလမ်ပူမြို့ရှိ မြန်မာသံရုံးက အသိပေးထားသည်။ ထိန်းသိမ်းခံထားရသူများအနက် ကိုယ်ပိုင်သဘောဆန္ဒဖြင့် နေရပ်ပြန်လိုကြောင်း တင်ပြလျှောက်ထားသူများကို မြန်မာနိုင်ငံသား ဟုတ်၊ မဟုတ် စိစစ်၍ သက်ဆိုင်ရာဝန်ကြီးဌာနများနှင့် ပူးပေါင်းကာ ပြန်လည်ပို့ဆောင်ရေး ဆောင်ရွက်နေခြင်းဖြစ်သည်။ ​သတင်းအပြည့်အစုံဖတ်ရန်>> https://www.popularmyanmar.com/မလေးရှားထိန်းသိမ်းရေးစ-6/

"ပြည်ခိုင်ဖြိုးပါတီတွင်းမှာ အစုဖွဲ့တာ၊ သင်းကွဲတာမျိုး ဘာတစ်ခုမှမရှိပါဘူး" ပါတီတွင်းမှာ အစုဖွဲ့တာမျိုး သင်းကွဲတာမျိုး ဘာတစ်ခုမှမရှိပါဘူး။ ဒါနဲ့ပတ်သက်လို့ စိုးရိမ်ကြောင့်ကြမှုမရှိပါဘူး။ ရွေးကောက်ပွဲမှာ ဘယ်လိုနိုင်အောင်လုပ်ကြမလဲဆိုပြီး ဝိုင်းဝန်း စဥ်းစားရတဲ့စိုးရိမ်စိတ်ပဲရှိပါတယ်။ အောင်နိုင်ရေးအတွက် သားကောင်ငယ်သည်ဖြစ်စေ သေးသည်ဖြစ်စေ နိုင်အောင်အားထုတ်ရမှာ ပါတီရဲ့ရည်မှန်းချက်ဖြစ်ပါတယ်။

ပါမောက္ခချုပ်ဆရာတော်ကြီး ယနေ့ညနေပိုင်းတွင် မန္တလေးမြို့၌ တရားဟောကြားတော်မူမည် ပါမောက္ခချုပ်ဆရာတော်ကြီးသည် ယနေ့ စက်တင်ဘာ ၂၁ ရက်ညနေပိုင်းတွင် မန္တလေးတိုင်း၊ ချမ်းအေးသာစံမြို့နယ်ရှိ "ညီမူရာ"တရားပွဲမဏ္ဍပ်၌ တရားနာဧည့်ပရိ သတ်များအား နိဗ္ဗာန်ရောက်ကြောင်းတရားတော်များကို ဟောကြားတော်မူသွားမည်ဖြစ်ကြောင်း သိရသည်။ အဆိုပါ တရားပွဲကို မန္တလေးမြို့၊ မလွန်စျေးဆန်လှူအ သင်းကြီး၏ နှစ်(၁၃၀)ပြည့် မဟာတဏ္ဍုလဒါန ဆွမ်းဆန်တော်အလှူပွဲကြီးအောင်မြင်ခြင်းအထိမ်းအမှတ်အဖြစ်ဆင်ယင်ကျင်းပခြင်းဖြစ်ကြောင်း သိရသည်။ ထို့ပြင် စက်တင်ဘာ ၂၂ ရက်ညနေပိုင်းတွင်လည်း သီ တဂူဆရာတော်ကြီးက တရားနာဧညိ့ပရိသတ်များကို နိဗ္ဗာန်ရောက်ကြောင်းတရားတော်များဟောကြားတော်မူသွားမည်ဖြစ်ကြောင်း သိရသည်။

အီရန်က စာသင်ကျောင်းကို တို-က်ခိုက်ဖို့ ပြင်ဆင်ရာမှာ အမေရိကန်က AI ကို အသုံးပြုခဲ့ဟု ​အီရန်တောင်ပိုင်း မီနက်ဘ်(Minab) မြို့မှာရှိတဲ့ မိန်းကလေး မူလတန်းကျောင်းကို တို-က်ခိုက်ဖို့ ဆုံးဖြတ်စဉ်မှာ အမေရိကန် စစ်တပ်ဟာ AI စနစ်ပေါ် အလွန်အမင်း မှီခိုခဲ့တယ်လို့ ဖြစ်စဉ်ကို စုံစမ်းစစ်ဆေးနေသူတွေကို ကိုးကားပြီး Bloomberg သတင်းဌာနက ဖော်ပြခဲ့ပါတယ်။ ​သတင်းရင်းမြစ်တွေရဲ့ အဆိုအရ တိုက်ခိုက်မှုကို တာဝန်ယူခဲ့တဲ့ အမေရိကန် အလယ်ပိုင်း စစ်ဌာနချုပ်ဟာ Palantir ကုမ္ပဏီရဲ့ Maven Smart Systems (MSS) မှာ ထည့်သွင်းထားတဲ့ AI စနစ်ကို သုံးခဲ့ကြတာ ဖြစ်ပါတယ်။ ​ဒီဖြစ်ရပ်ဆိုး ဖြစ်ပွားပြီး နာရီပိုင်းအလိုမှာပဲ ဒီတိုက်ခိုက်မှုဟာ အမေရိကန်ရဲ့ တာဝန်ဖြစ်တယ်လို့ ပင်တဂွန်စစ်ဌာနချုပ်က ကောက်ချက်ချခဲ့ပါတယ်။ ဖြစ်စဉ် အခြေအနေတွေကို လေ့လာကြည့်တဲ့အခါ စစ်ဝန်ကြီးဌာနအနေနဲ့ ဒီတိုက်ခိုက်မှုဟာ ဆိုးရွားတဲ့ ဆုံးဖြတ်ချက်ကြီး တစ်ခုတည်းကြောင့် မဟုတ်ဘဲ မှားယွင်းတဲ့ ဆုံးဖြတ်ချက် သေးသေးလေးတွေ အစဉ်လိုက် ဆက်တိုက် ဖြစ်ပေါ်ခဲ့တာ ကြောင့်ဆိုတာကို တွေ့ရှိခဲ့ရပါတယ်။ ​သတင်းအပြည့်အစုံဖတ်ရန်>> https://www.popularmyanmar.com/အီရန်က-စာသင်ကျောင်းကို-တ/

ဒူးမားလွှတ်တော်ရွေးကောက်ပွဲ မော်စကိုမြို့ရှိ မဲရုံများကို ပြည်သူ့လွှတ်တော် ဒုတိယဥက္ကဋ္ဌ ဦးမောင်မောင်အုန်း ကြည့်ရှုလေ့လာ မော်စကို၊ စက်တင်ဘာ ၂၀ ရုရှားနိုင်ငံသို့ ရောက်ရှိနေသည့် ပြည်သူ့လွှတ်တော် ဒုတိယဥက္ကဋ္ဌ ဦးမောင်မောင်အုန်းသည် စက်တင်ဘာ ၂၀ ရက်က ရုရှားနိုင်ငံ၏ ဒူးမားလွှတ်တော်ရွေးကောက်ပွဲ ကျင်းပလျက်ရှိသည့် မော်စကိုမြို့ရှိ မဲရုံများသို့ သွားရောက်၍ မဲပေးမှုလုပ်ငန်းစဉ်များကို ကြည့်ရှုလေ့လာခဲ့သည်။ ပြည်သူ့လွှတ်တော် ဒုတိယဥက္ကဋ္ဌသည် အာဘတ်မြို့နယ်ရှိ အနုပညာရှင်များစုဝေးရာ ကဇာတ်ရုံ၌ ဖွင့်လှစ်ထားသည့် မဲရုံ၊ ဟာမောဗညီးကီးမြို့နယ်ရှိ သိပ္ပံပညာရှင်များဆုံစည်းရာအိမ်၌ ဖွင့်လှစ်ထားသည့် မဲရုံ၊ ယာကီမန်းကာမြို့နယ် အစိုးရစုပေါင်းရုံးရှိ မဲရုံ၊ အာချာကောဗာမြို့နယ် ဈေးဝယ်စင်တာနှင့် အနားယူအပန်းဖြေရာနေရာရှိ မဲရုံနှင့် ဒါရာဂါမီးလာဗာမြို့နယ် ယီဗရောပြဲစကီးယီကုန်တိုက်ရှိ အစိုးရစုပေါင်းရုံး၌ ဖွင့်လှစ်ထားသည့် မဲရုံတို့ကို လှည့်လည်ကြည့်ရှုလေ့လာခဲ့သည်။ သတင်းအပြည့်အစုံဖတ်ရန်>> https://www.popularmyanmar.com/ဒူးမားလွှတ်တော်ရွေးကော/

အီရန်ရဲ့ တောင်းဆိုချက်တွေ အမေရိကန်လက်မခံသေးသရွေ့ ဟော်မုဇ် ရေလက်ကြားကို ဆက်ပိတ်ထားမယ်လို့ အီရန် လွှတ်တော်ဥက္ကဋ္ဌ ပြော ​အီရန်က တင်ပြထားတဲ့ စည်းကမ်းချက်တွေကို အမေရိကန်ဘက်က မလိုက်လျောသေးသရွေ့ ဟော်မုဇ် ရေလက်ကြားမှာ သင်္ဘောတွေ သွားလာခွင့်ကို ပြန်မဖွင့်ပေးသေးဘူးလို့ အီရန် လွှတ်တော်ဥက္ကဋ္ဌ မိုဟာမက် ဘာဂါ ဂါလီဘတ်ဖ် က ပြောပါတယ်။ ​"ဒီစည်းကမ်းချက်တွေကို မလိုက်‌လျောသရွေ့၊ အီရန်ပြည်သူတွေရဲ့ တရားဝင် ရပိုင်ခွင့်တွေကို အသိအမှတ် မပြုသရွေ့နဲ့ အမေရိကန်က သူတို့ရဲ့ ကတိကဝတ်တွေကို မကျေပွန်သရွေ့ အီရန်အနေနဲ့ အရင် ဆွေးနွေးပွဲ အခြေအနေတွေဆီ ပြန်သွားမှာ မဟုတ်သလို ဟော်မုဇ် ရေလက်ကြားကိုလည်း ပြန်ဖွင့်ပေးမှာ မဟုတ်ပါဘူး" လို့ လွှတ်တော် သတင်းပြန်ကြားရေးဌာနက သူ့ရဲ့ ပြောကြားချက်ကို ကိုးကားဖော်ပြထားပါတယ်။ ​ဒီမတိုင်ခင်ကလည်း စစ်ပွဲအဆုံးသတ်ဖို့ အီရန်အာဏာပိုင်တွေရဲ့ တောင်းဆိုချက်တွေကို ကာတာ ကြားဝင်စေ့စပ်သူတွေကတစ်ဆင့် အမေရိကန်ဆီ ပေးပို့ထားပြီးပြီလို့ အီရန် အမျိုးသားလုံခြုံရေး အထက်ကောင်စီ အတွင်းရေးမှူး မိုဆင် ရေဇာအီ က ပြောထားပါတယ်။ အခုတော့ သူတို့ဟာ အမေရိကန်သမ္မတ ဒေါ်နယ်ထရန့်ရဲ့ အကြောင်းပြန်ကြားချက်ကို စောင့်ဆိုင်းနေကြပါတယ်။

System Breakdown ဖြစ်ရခြင်းမှာ အကြမ်းဖက်အဖွဲ့များ၏ဖျက်ဆီးမှုများနှင့် သဘာဝဘေးအန္တရာယ်များကြောင့်ဖြစ် နှောင့်ယှက်ဖျက်ဆီးသူများကို ဖော်ထုတ်သတင်းပေး ကြရန်မေတ္တာရပ်ခံ တစ်နိုင်ငံလုံးအတိုင်းအတာဖြင့် System Breakdown မကြာခဏဖြစ်ပေါ်နေရခြင်းနှင့်ပတ်သက်၍ လျှပ်စစ်နှင့်စွမ်းအင်ဝန်ကြီးဌာနက စက်တင်ဘာ ၂၀ ရက်တွင် အထက်ပါအတိုင်း အသိပေးခဲ့ခြင်းဖြစ်သည်။ ဓာတ်အားလိုင်းကြီးများအပါအဝင် ဓာတ်အားစနစ်တစ် လျှောက် မိုးကြိုးလျှပ်စစ်အန္တရာယ်မှအကာအကွယ်ရရှိနိုင်ရန် တာဝါတိုင်များတွင်တပ်ဆင်ထားသည့် မြေစိုက် ကြိုးများဖြတ်ခိုးခံရခြင်း၊ တာဝါတိုင်အခြေမှ သံဘောင် များ၊ ဘိုနပ်များဖြုတ်ခိုးခံရယူခြင်းတို့ကြောင့် ဓာတ် အားစနစ်သည် မိုးကြိုးလျှပ်စီးဒဏ်မှ အကာအကွယ်မဲ့ကာ ဝန်သယ်ကြိုးများတွင် ဒဏ်များပိုမိုဖြစ်ပေါ်လာသည်ဟု အသိပေးခဲ့သည်။ ထိုသို့ ဖြစ်ပေါ်လာရာမှ ပြတ်ကျခြင်း၊ တာဝါတိုင်များကြံ့ခိုင်မှုအားနည်းသွားပြီး အလိုအလျောက်(သို)သာ မန်လေပြင်းတိုက်ရုံမျှဖြင့် ပြိုလဲခြင်းတိုဖြစ်ပေါ်လျက်ရှိသည့်အပြင် အချို မဟာဓာတ်အားလိုင်းကြီးများဖျက် ဆီးခံထားရချိန်တွင် ကျန်ရှိသော ဓာတ်အားလိုင်းကြီးများသည် ဝန်ပိုများကို ဆတိုးသယ်ဆောင်ရကာ ဝန်သယ်ကြိုးများ၌ဒဏ်ဖြစ်ပေါ်ပြီး ဝန်သယ်နိုင်အား လျော့ကျလာလျက်ရှိသည်ဟုလည်း အသိပေးခဲ့သည်။ ထို့အတူ ဘိုနပ်များဖြုတ်ယူနိုင်ခြင်းမရှိစေရန် အချိုနေရာများတွင် လျှပ်စစ်ဂဟေဖြင့်ဆက်ထားရ၍ အချိန်ကြာလာသည်နှင့်အမျှ ယင်းနေရာတွင် သံချေးစား၍ တာဝါတိုင်ကျိုးပြတ်ခြင်းများဖြစ်ပေါ်လာသည်ဟု အသိပေးခဲ့သည်။ အဆိုပါ ဖြစ်စဉ်များသည် နိုင်ငံတော်ဓာတ်အားစနစ်တွင် အနှောက်အယှက်၊ အဖျက်အဆီးများဖြစ်ပြီး ဓာတ်အားစနစ်တစ်လျှောက် မကြာခဏအပြစ်ဖြစ်ပေါ်၍ နေရာဒေသအလျောက် ဓာတ်အားပြတ်တောက်ခြင်း၊ အချိုအချိန်များတွင် တစ်နိုင်ငံလုံးဓာတ်အားပြတ်တောက်၍ System Breakdown ဖြစ်ခြင်းများဖြစ်ပေါ်လျက်ရှိသည်ဟု အသိပေးခဲ့သည်။ System Breakdown ဖြစ်ပေါ်ပါက လျှပ်စစ်ကျွမ်းကျင်ဝန်ထမ်းများသည် အချိန်ကာလ၊ နေရာဒေသမရွေးချက်ချင်းအပြစ်ရှာဖွေပြင်ဆင်မှုများပြုလုပ်ခဲ့ကြသော်လည်း အမြန်ဆုံးလျှပ်စစ်ဓာတ်အားပြန်လည်ရရှိသည့်နေရာမှာ မိနစ် ၃၀ ကြာမြင့်ပြီး အချိုနေရာဒေသများတွင် ၅ နာရီခန့်ကြာမြင့်သည်ဟု အသိပေးခဲ့သည်။ ထို့ကြောင့် နိုင်ငံတော်၏ လျှပ်စစ်ဓာတ်အားစနစ်ကို ဝိုင်းဝန်းကာကွယ်စောင့်ရှောက်ကြရန်နှင့် နှောင့်ယှက်ဖျက်ဆီးသူများကို ဖော်ထုတ်သတင်းပေးကြရန် ဝန် ကြီးဌာနကမေတ္တာရပ်ခံခဲ့သည်။

👉USDP ဥက္ကဋ္ဌအဖြစ် ဦးခင်ရီ ပြန်လည်ရွေးချယ်ခံရ 👉USDP ပါတီ၏ လုပ်ငန်းစီမံချက်များကိုအရှိန်အဟုန်ဖြင့်ဆောင်ရွက်နိုင်ရန် (၅)နှစ်စီမံချက်ကို ဆက်လက် အကောင်အထည် ဖော်သွားမည် 👉လူငယ်/အမျိုးသမီးများကဏ္ဍ ဖွံ့ဖြိုးတိုးတက်ရေးနှင့် အနာဂတ်မျိုးဆက်သစ်များ လေ့ကျင့်ပျိုးထောင်ရေးကိုဆောင်ရွက်သွားမည်

🌏 20.9.2026 သတင်းအပြည့်အစုံ 🌏 👉မြဝတီမြို့နယ်ရှိ (၁,၄၅၀)ဗျူဟာကုန်း၌ ဥာဏ်တော် (၁၀၈)ပေအမြင့် ရွှေတိဂုံပုံတူစေတီတော်တည်ထားနေ 👉တောင်ကြီး-ဟိုပုံးသွားကားလမ်းပေါ်သို့ ကျောက်တုံးကြီးလိမ့်ကျကာ လမ်းပိတ်ဆို့ခဲ့ လမ်းကိုယာယီပိတ်ထားပြီး ဖယ်ရှားရှင်းလင်းမှုများပြုလုပ် 👉မော်စကိုမြို့တွင်"လှိုင်းကြီးလေထန်ကာလများအတွင်းမှရွေးကောက်ပွဲများ" အမည်ဖြင့် ရွေးကောက်ပွဲဆိုင်ရာ နိုင်ငံတကာကွန်ဖရင့်ကျင်းပ 👉နီပေါသို့ သွားရောက်မည့် မြန်မာနိုင်ငံသားများ လူကြုံပစ္စည်း သယ်ယူခြင်း အထူးသတိထားရန် မြန်မာသံရုံး သတိပေး 👉မြန်မာ့ပြောင်း တန်ချိန် ၁ သန်းခန့် ထိုင်းနိုင်ငံသို့ တင်ပို့နိုင်ခဲ့ 👉ပန်တိုဂျာကို မကျေပွဲတွင် ထပ်မံအနိုင်ယူပြီး ကမ္ဘာ့ချန်ပီယံခါးပတ်ကို ကာကွယ်နိုင်ခဲ့သည့် ဂျိုရှုအာဗန် 👉ချမ်းမြေ့ဆရာတော်ဘုရားကြီးအား ရည်စူး၍ ငါးရက်တိုင် တရားပွဲများ ကျင်းပမည် 👉Saw Friday ဖိလစ်ပိုင်ကစားသမားကို နှစ်ပွဲပြတ်အနိုင်ယူပြီး တက်ဂ်ဘော ကြေးတံဆိပ်ဆွတ်ခူး 👉စက်တင်ဘာ ၂၄ ရက်အထိ ရန်ကုန်အပါအဝင် ဒေသအများစု မိုးထစ်ချုန်းရွာမည်၊ ဒေသအချို့ မိုးကြီးနိုင် 👉တက်ဂ်ဘော အမျိုးသမီးတစ်ဦးချင်းပြိုင်ပွဲတွင် ခင်နှင်းဝေ ရှုံးပွဲမရှိ ရွှေတံဆိပ်ဆွတ်ခူး

ချမ်းမြေ့ဆရာတော်ကြီး၏ ရုပ်ကလာပ်တော်အား နိုင်ငံတော်သမ္မတ ဦးမင်းအောင်လှိုင်နှင့် ဇနီးတို့ ဖူးမြှော်ကြည်ညို အန္တိမအဂ္ဂိဈာပနပူဇာသဘင်အတွက် အလှူငွေကျပ်သိန်း(၅၀၀)လှူဒါန်း ပြီးခဲ့သည့် စက်တင်ဘာ ၁၉ ရက်က ဘဝနတ်ထံပျံလွန်တော်မူခဲ့သော ရန်ကုန်တိုင်း၊ မရမ်းကုန်းမြို့နယ်၊ ချမ်းမြေ့ရိပ်သာကျောင်းတိုက်၏ ပဓာန နာယက နိုင်ငံတော်ဩဝါဒါစရိယ ချမ်းမြေ့ဆရာတော်ကြီး၏ ရုပ်ကလာပ်တော်အား ယနေ့ စက်တင်ဘာ ၂၀ ရက်နံနက်ပိုင်းတွင် နိုင်ငံတော်သမ္မတ ဦးမင်းအောင်လှိုင်နှင့် ဇနီးတို့က ဖူးမြှော်ကြည်ညိုခဲ့ကြသည်။ ထို့ပြင် ချမ်းမြေ့ရိပ်သာများ၏ ပဓာနနာယက ဆရာ တော်ဘုရားကြီးအမှူးပြုသည့် ဆရာတော်ကြီးများအားဖူမြော်ကြည်ညိုရာ ဗဟန်းမြို့နယ်၊ တိပိဋက မဟာဝိသုဒ္ဓါရုံကျောင်း၊ တိုက်အုပ်ဆရာတော်က ချမ်းမြေ့ဆရာတော်ဘုရားကြီး၏ အန္တိမအဂ္ဂိဈာပနပူဇာသဘင်ကျင်းပမည့် အစီအစဉ်လျာထားမှုကိုရှင်းလင်းမိန့်ကြားတော်မူခဲ့သည်။ သတင်းအပြည့်အစုံဖတ်ရန်>> https://www.popularmyanmar.com/ချမ်းမြေ့ဆရာတော်ကြီး၏-ရ/

ခင်နှင်းဝေ တက်ဂ်ဘောပြိုင်ပွဲ ရွှေတံဆိပ်ဆွတ်ခူး၊ စပိန်ဂန္တဝင် ပူယိုးလ် လာရောက်အားပေး မြန်မာအားကစားမယ် ခင်နှင်းဝေသည် စက်တင်ဘာ ၂၀ ရက်က ယှဉ်ပြိုင်ခဲ့သည့် တက်ဂ်ဘော (Teqball) အမျိုးသမီးတစ်ဦးချင်း ဗိုလ်လုပွဲတွင် အင်ဒိုနီးရှားကစားသမား ဆူမာယာကို ၂ ပွဲ ၁ ပွဲဖြင့် အနိုင်ယူကာ ရွှေတံဆိပ်ဆု ဆွတ်ခူးနိုင်ခဲ့သည်။ အဆိုပါဗိုလ်လုပွဲကို ဘာစီလိုနာနှင့် စပိန်လက်ရွေးစင်အသင်းတို့၏ ဂန္တဝင်နောက်ခံကစားသမား ကားလက်စ် ပူယိုးလ် (Carles Puyol) ကိုယ်တိုင် လာရောက်ကြည့်ရှုအားပေးခဲ့သည်။ ခင်နှင်းဝေသည် ဗိုလ်လုပွဲ ပထမပွဲတွင် ၁၀-၁၂ ဖြင့် ရှုံးနိမ့်ခဲ့သော်လည်း ဒုတိယနှင့် တတိယပွဲတို့တွင် ၁၂-၈၊ ၁၂-၉ ရလဒ်များဖြင့် ပြန်လည်အနိုင်ယူနိုင်ခဲ့ကာ ချန်ပီယံဖြစ်လာခဲ့ခြင်းဖြစ်သည်။ “ကျွန်မ အရမ်းဝမ်းသာပါတယ်။ ကျွန်မအပေါ် ယုံကြည်မှုထားပြီး အမျိုးသမီးတစ်ဦးချင်းပြိုင်ပွဲမှာ ဝင်ရောက်ယှဉ်ပြိုင်ဖို့ ရွေးချယ်ပေးခဲ့တဲ့ နည်းပြချုပ်ကို ကျေးဇူးတင်ပါတယ်။ ကျွန်မလုပ်နိုင်မယ်ဆိုတာကို ယုံကြည်ခဲ့ပါတယ်” ဟု ခင်နှင်းဝေက ပြောသည်။ သတင်းအပြည့်အစုံဖတ်ရန်>> https://www.popularmyanmar.com/ခင်နှင်းဝေ-တက်ဂ်ဘောပြို/