Popular Journal

တရုတ်ကျောင်းသားများအပြုအမူလေ့လာရန်စာသင်ခန်း၌ AIကင်မရာတပ် တရုတ်နိုင်ငံသည် ကျောင်းသားများနှင့် ဆရာများ၏ စာသင်ခန်းအပြုအမူနှင့် သင်ကြားမှုပုံစံများကို အချိန်နှင့်တပြေးညီ စောင့်ကြည့် ခွဲခြမ်းစိတ်ဖြာရန်အတွက် ညဏ်ရည်တု AI နှင့် ကြီးမားသော ဒေတာနည်းပညာကို အသုံးပြုခြင်းဖြင့် စမတ်ကျောင်းများ “Smart Campuses” အတွက် အရှိန်မြှင့်တွန်းအားပေးလျက်ရှိသည်။          စောင့်ကြည့်စနစ်များသည် ကျောင်းတက်မှုနှင့် စာသင်ခန်းတွင် ပါဝင်မှုမှသည် သင်ခန်းစာများအတွင်း ကျောင်းသားများ၏ အာရုံစူးစိုက်မှုအထိ အရာအားလုံးကို ခြေရာခံသည်။       HKEPC ၏ အစီရင်ခံစာတစ်ခုအရ စမတ်ကျောင်းအစီအစဉ်သည် တရုတ်ပညာရေးဝန်ကြီးဌာန၏ “ပညာရေးသတင်းအချက်အလက် ၂.ဝ” မူဝါဒအရ ၂၀၁၈ ခုနှစ်တွင် စတင်ခဲ့သည်။ အစပိုင်းတွင် ကျောင်းနှင့် အဆောင်ဝင်ရောက်မှုအတွက် မျက်နှာဖတ်စနစ်များကို အဓိကထားခဲ့ပြီးနောက် စီမံကိန်းသည် စာသင်ခန်းများအတွင်း အပြည့်အ၀ AI စောင့်ကြည့်ခြင်းအဖြစ် ပြောင်းလဲလာခဲ့သည်။ HKEPC သည် တရုတ်နည်းပညာပြန်လည်သုံးသပ်ခြင်းနှင့် ဟာ့ဒ်ဝဲသတင်းအချက်အလက်ဆိုက်တစ်ခုဖြစ်သည်။       ၂၀၂၅ ခုနှစ် အောက်တိုဘာလမှစ၍ နိုင်ငံတစ်ဝန်းတွင် စမတ်စာသင်ခန်း ၄၆၉ ခုအထိ တည်ထောင်ခဲ့ပြီးဖြစ်သည်။ နေ့စဉ်ပုံမှန်မှတ်တမ်းစနစ် ဟု လူသိများသော backend အစီရင်ခံစနစ်မှတဆင့် ကျောင်းအုပ်ချုပ်ရေးမှူးများသည် တက်ရောက်မှုနှုန်း၊ ကျောင်းသားများ မည်မျှမကြာခဏ ကြည့်မှတ်သည်၊ ရှေ့တန်းခုံတွင်နေထိုင်မှုနှင့် စာသင်ခန်းအပြန်အလှန်ဆက်သွယ်မှုအဆင့်များအပါအဝင် စာသင်ခန်းပြောင်းလဲမှုများကို အနီးကပ်စောင့်ကြည့်နိုင်ပြီဖြစ်သည်။          တရုတ်နိုင်ငံရှိ အလယ်တန်းကျောင်း ၆၈ ရာခိုင်နှုန်းတွင် ကျောင်းသားများ၏ အပြုအမူကို ခွဲခြမ်းစိတ်ဖြာရန်အတွက် ဤစမတ်ကင်မရာများကို စာသင်ခန်းများတွင် စတင်တပ်ဆင်နေပြီဖြစ်သည်။        AI အသုံးပြုမှုကို နိုင်ငံတော်တက္ကသိုလ်ဝင်ခွင့်စာမေးပွဲ သို့မဟုတ် gaokao အထိ တိုးချဲ့ခဲ့ပြီး ၎င်းတွင် ညဏ်ရည်ထက်မြက်သော စောင့်ကြည့်ရေးစနစ်များကို လုံခြုံရေးစကင်နာများ၊ ဘိုင်အိုမက်ထရစ်အတည်ပြုဂိတ်များနှင့် တွဲဖက်အသုံးပြုထားပြီး ပုံမှန်မဟုတ်သော အပြုအမူများကို ထောက်လှမ်းရန်နှင့် စာခိုးချမှုကို ကာကွယ်ရန်ဖြစ်သည်။ Ref: ဘန်ကောက်ပို့စ်

တရုတ်ကျောင်းသားများအပြုအမူလေ့လာရန်စာသင်ခန်း၌ AIကင်မရာတပ်

အာဆီယံဆိုင်ရာ အမေရိကန်သံအမတ်သစ် ခန့်အပ် အမေရိကန်ပြည်ထောင်စုသည် ၁၈ လကြာ ရာထူးလစ်လပ်နေခဲ့သော အာဆီယံဆိုင်ရာ အမေရိကန်သံအမတ်ကြီးအဖြစ် ဝါရင့်သံတမန်တစ်ဦးဖြစ်သည့် ကီဗင်ကင်မ်ကို တရားဝင်ခန့်အပ်လိုက်ပြီဖြစ်ကြောင်း အာဆီယံအတွင်းရေးမှူးချုပ်ရုံး၏ ဝက်ဘ်ဆိုက်တွင် ဖော်ပြထားသည်။ ကင်မ်သည် ဇွန်လ ၁၁ ရက်နေ့တွင် ဂျကာတာရှိရုံးချုပ်၌ အာဆီယံအတွင်းရေးမှူးချုပ် ကောကင်မ်ဟွန်းထံ ၎င်း၏ ခန့်အပ်လွှာကို ပေးအပ်ခဲ့ခြင်းဖြင့် ၁၈ လကြာ ရာထူးနေရာလစ်လပ်နေမှုကို အဆုံးသတ်သွားစေခဲ့သည်။ ထိုရာထူးအတွက် တစ်နှစ်ခွဲကြာအထိ သံရုံးယာယီတာဝန်ခံများကို အဆက်မပြတ်ခန့်အပ်ခဲ့ခြင်းကြောင့် အာဆီယံ၏ ဆွေးနွေးဖက်နိုင်ငံများနှင့် ထိတွေ့ဆက်ဆံနေသော အာဆီယံအကြီးတန်းအရာရှိများအကြားတွင် စိတ်ပျက်စရာဖြစ်စေခဲ့သည်။ “အာဆီယံဆိုင်ရာ အမေရိကန်သံအမတ်ကြီးအသစ်အဖြစ် တာဝန်ထမ်းဆောင်ရခြင်းအတွက် ကျွန်တော် ဂုဏ်ယူပါတယ်” ဟု ဒေသတွင်းမိတ်ဖက်များကို စိတ်ချစေရန် ရည်ရွယ်သည့် ထုတ်ပြန်ချက်တွင် ကင်မ်က ပြောကြားခဲ့သည်။ “ကျွနုပ်ပ်တို့၏ လူဦးရေ ၁၀၀ ဘီလျံအတွက် ပိုမိုဘေးကင်းလုံခြုံပြီး ပိုမိုအားကောင်းကာ ပိုမိုကြွယ်ဝသော အနာဂတ်ကို အတူတကွ တည်ဆောက်သွားပါမည်” ဟု ဆိုခဲ့သည်။ တရားဝင်ခန့်အပ်မှုအခမ်းအနားအတွင်း အရှေ့တောင်အာရှရေးရာများတွင် အဖွဲ့ဝင် ၁၁ နိုင်ငံပါ အဖွဲ့သည် အဓိကမောင်းနှင်အားအဖြစ် ဆက်ရှိသင့်သည်ဆိုသော ဒေသဆိုင်ရာအယူဝါဒဖြစ်သည့် အာဆီယံဗဟိုပြုမှုကို ဝါရှင်တန်က မယိမ်းမယိုင် ထောက်ခံကြောင်းကို ကင်မ်က ထပ်လောင်းအတည်ပြုခဲ့သည်။ အာရှရေးရာများတွင် အတွေ့အကြုံရင့်သော နိုင်ငံခြားရေးမူဝါဒအရာရှိတစ်ဦးဖြစ်သည့် ကင်မ်သည် ဇွန်လ ၅ ရက်နေ့က အမေရိကန်နိုင်ငံခြားရေးဝန်ကြီး မာကိုရူဘီယိုထံ ကျမ်းသစ္စာကျိန်ဆိုပြီးနောက် ယခုသီတင်းပတ်အစောပိုင်းတွင် အင်ဒိုနီးရှားသို့ ရောက်ရှိလာခြင်းဖြစ်သည်။ Ref: ထိုင်းပီဘီအက်စ်ဝေါလ်

အာဆီယံဆိုင်ရာ အမေရိကန်သံအမတ်သစ် ခန့်အပ်

တပ်မတော်က ရာဇဂြိုဟ်ရေလှောင်တမံနှင့် ရာဇဂြိုဟ်ကျေးရွာတို့ကိုပြန်လည်သိမ်းပိုက် ဒေသခံများ၏ လူမှုစီးပွားဘဝဖွံ့ဖြိုးတိုးတက်အောင်တစ်ဘက်တစ်လမ်းမှအထောက်အကူပြုလျက်ရှိကာ အကြမ်းဖက်အဖွဲ့ဝင်များ ယာယီသိမ်းပိုက်ထားသည့် ရာဇဂြိုဟ်ရေလှောင်တမံကို တပ်မတော်စစ်ကြောင်းများက ယနေ့ ဇွန် ၁၄ ရက်တွင်ပြန်လည်သိမ်းပိုက်ခဲ့ကြောင်း သိရသည်။ ရာဇဂြိုလ်ရေလှောင်တမံသည် စစ်ကိုင်းတိုင်း၊ ကလေးမြို့နယ်၊ မြောက်ပိုင်းရှိရာဇဂြိုလ်ကျေးရွာအနီးတွင်ရှိကာ စိုက်ပျိုးရေပေးဝေရေး၊ လျှပ်စစ်ဓာတ်အားထုတ်လုပ်ရေးတို့အတွက်ရည်ရွယ်၍ ၂၀၀၃-၂၀၀၄ ခုနှစ်မှ စတင်ကာတည်ဆောက်ခဲ့ပြီး ၂၀၁၅-၂၀၁၆ ခုနှစ်တွင်ပြီးစီးခဲ့ကြောင်း သိရသည်။ ၂၀၁၆ ခုနှစ်၊ ဖေဖော်ဝါရီ ၂၇ ရက်တွင်စတင်လည်ပတ်ခဲ့ရာ ရာဇဂြိုလ်ရေလှောင်တမံ၏ လျှပ်စစ်ဓာတ်အား ထုတ်လုပ်မှုသည် စက်တပ်စွမ်းအား(၄)မဂ္ဂါဝပ်ရှိပြီး ရေလှောင်နိုင်စွမ်းမှာ (၅၂,၀၀၀)ဧကပေရှိကာ စိုက်ပျိုးမြေဧရိယာ(၈,၀၀၀)ဧကကို ရေပေးဝေနိုင်ကြောင်း သိရသည်။ ထိုသို့ တပ်မတော်က ရာဇဂြိုလ်ရေလှောင်တမံအား ပြန် လည်ထိန်းချုပ်နိုင်ခဲ့၍ ရေထိန်းတံခါးများအား ပုံမှန်ချိန်အတိုင်း စနစ်တကျ ဖွင့်/ပိတ်ခြင်း၊ ရေထိန်းရေလှောင်ခြင်း၊ ရာသီအလိုက်စနစ်တကျရေပေးဝေခြင်း၊ ရေဘလွှတ်ခြင်းတိူ့ဆောင်ရွက်ပြီး ဒေသခံများအတွက် လျှပ်စစ်မီးများ၊ သောက်သုံးရေများ၊ စိုက်ပျိုးရေများဖူလုံစွာရရှိအောင်ဆောင်ရွက်နိုင်တော့မည်ဖြစ်ကြောင်း သိရသည်။ လက်ရှိအချိန်၌ တပ်မတော်စစ်ကြောင်းများက ကလေး -တမူးလမ်းကြောင်းကို အမြန်ဆုံးပြန်လည်ထိန်းချုပ်ဖွင့်လှစ်နိုင်ရေးအတွက် အကြမ်းဖက်အဖွဲ့ဝင်များအား တို-က်ခိုက်ချေမှုန်းနိုင်ရေးအတွက် နယ်မြေလုံခြုံရေးလုပ်ငန်းများကို အရှိန်အဟုန်မြှင့်ဆက်လက်ဆောင်ရွက်လျက်ရှိကြောင်း သိရသည်။

တပ်မတော်က ရာဇဂြိုဟ်ရေလှောင်တမံနှင့် ရာဇဂြိုဟ်ကျေးရွာတို့ကိုပြန်လည်သိမ်းပိုက်

“MAEX မှ ကျောင်းသား၊ ကျောင်းသူ ၅၈၄ ဦးအား ကျောင်းသုံးပစ္စည်းနှင့် ထောက်ပံ့ကြေးများ ပေးအပ်” မြန်မာအက်ဂရို အိတ်(စ်)ချိန်း အများနှင့်သက်ဆိုင်သောကုမ္ပဏီလိမိတက် (MAEX) မှ ပဉ္စမအကြိမ်မြောက် ကျောင်းသား၊ ကျောင်းသူများအား ကျောင်းသုံးပစ္စည်းများနှင့် ပညာရေးထောက်ပံ့ကြေးငွေများ ပေးအပ်ခြင်းအခမ်းအနားကို ယနေ့ ဇွန် ၁၄ ရက် နံနက် ၁၀ နာရီက တညင်းကုန်းလက်ကားဈေးကြီး ရှင်းလင်းဆောင်တွင် ကျင်းပပြုလုပ်ခဲ့သည်။ အဆိုပါအခမ်းအနားတွင် တညင်းကုန်းလက်ကားဈေးကြီးမှ ဈေးသူဈေးသားများ၊ ကုန်တင်ကုန်ချဝန်ထမ်းများနှင့် MAEX ကုမ္ပဏီဝန်ထမ်းများ၏ ကျောင်းနေအရွယ် သားသမီးများအား ၂၀၂၆-၂၀၂၇ ပညာသင်နှစ်အတွက် ကျောင်းသုံးဗလာစာအုပ်များ၊ ရေဘူးများ၊ ထမင်းဘူးများ၊ ကျောပိုးအိတ်များနှင့် ကျောင်းဝတ်စုံဖိုး ထောက်ပံ့ပေးအပ်ခဲ့သည်။ " ၂၀၂၆ - ၂၀၂၇ ပညာသင်နှစ်မှာ ဝန်ထမ်းမိသားစုရဲ့သားသမီးတွေပါမယ်။ စျေးသူ စျေးသား၊ စျေးအကူ၊ ကုန်တင်ကုန်ချ၊ လုံခြုံရေး၊ ဘေးတွဲသမား၊ တုတ်တုတ်မောင်းသူတွေရဲ့ မိသားစုတွေရဲ့ သားသမီးတွေပါမယ်။ ထောက်ပံ့ရတဲ့ ရည်ရွယ်ချက်ကတော့ ကျောင်းနေအရွယ်သားသမီးတွေကို ပညာသင်ကြားခွင့် တန်းတူရရှိရေး၊ သင်ကြားရေးပစ္စည်းများစုံလင်စွာပံ့ပိုးနိုင်ရေးနှင့် လူ့စွမ်းအားအရင်းအမြစ်မြှင့်တင်နိုင်ရေးအတွက် အဓိကရည်ရွယ်ပါတယ်" ဟု မြန်မာအက်ဂရို အိတ်(စ်)ချိန်း အများနှင့်သက်ဆိုင်သောကုမ္ပဏီလိမိတက် (MAEX) မှ အထွေထွေမန်နေဂျာ ဦးရဲထွဋ်က ပေါ်ပြူလာနယူးစ်သို့​ပြောသည်။ ထောက်ပံ့မှုအနေဖြင့် မူလတန်းကျောင်းသား၊ ကျောင်းသူ ၃၆၀ ဦး၊ အလယ်တန်း ၁၃၈ ဦး၊ အထက်တန်း ၅၄ ဦးနှင့် တက္ကသိုလ်ကျောင်းသား၊ ကျောင်းသူ ၃၂ ဦး စုစုပေါင်း ၅၈၄ ဦးအား ထောက်ပံ့ပေးအပ်ခဲ့ကြောင်း သိရသည်။ ထောက်ပံ့ငွေပမာဏအနေဖြင့် မူလတန်းကျောင်းသားတစ်ဦးလျှင် ကျပ် ၈၂,၇၀၀ နှုန်း၊ အလယ်တန်းနှင့် အထက်တန်းကျောင်းသားတစ်ဦးလျှင် ကျပ် ၁၂၆,၅၀၀ နှုန်း၊ တက္ကသိုလ်ကျောင်းသားတစ်ဦးလျှင် ကျပ် ၁၅၀,၀၀၀ နှုန်းဖြင့် စုစုပေါင်း ထောက်ပံ့ပစ္စည်းနှင့် ငွေတန်ဖိုး ကျပ် ၅၈,၈၀၅,၂၀၀ ဖိုး ပေးအပ်ခဲ့ကြောင်း သိရသည်။

“MAEX မှ ကျောင်းသား၊ ကျောင်းသူ ၅၈၄ ဦးအား ကျောင်းသုံးပစ္စည်းနှင့် ထောက်ပံ့ကြေးများ ပေးအပ်”

“MAEX မှ ကျောင်းသား၊ ကျောင်းသူ ၅၈၄ ဦးအား ကျောင်းသုံးပစ္စည်းနှင့် ထောက်ပံ့ကြေးများ ပေးအပ်” မြန်မာအက်ဂရို အိတ်(စ်)ချိန်း အများနှင့်သက်ဆိုင်သောကုမ္ပဏီလိမိတက် (MAEX) မှ ပဉ္စမအကြိမ်မြောက် ကျောင်းသား၊ ကျောင်းသူများအား ကျောင်းသုံးပစ္စည်းများနှင့် ပညာရေးထောက်ပံ့ကြေးငွေများ ပေးအပ်ခြင်းအခမ်းအနားကို ယနေ့ ဇွန် ၁၄ ရက် နံနက် ၁၀ နာရီက တညင်းကုန်းလက်ကားဈေးကြီး ရှင်းလင်းဆောင်တွင် ကျင်းပပြုလုပ်ခဲ့သည်။ အဆိုပါအခမ်းအနားတွင် တညင်းကုန်းလက်ကားဈေးကြီးမှ ဈေးသူဈေးသားများ၊ ကုန်တင်ကုန်ချဝန်ထမ်းများနှင့် MAEX ကုမ္ပဏီဝန်ထမ်းများ၏ ကျောင်းနေအရွယ် သားသမီးများအား ၂၀၂၆-၂၀၂၇ ပညာသင်နှစ်အတွက် ကျောင်းသုံးဗလာစာအုပ်များ၊ ရေဘူးများ၊ ထမင်းဘူးများ၊ ကျောပိုးအိတ်များနှင့် ကျောင်းဝတ်စုံဖိုး ထောက်ပံ့ပေးအပ်ခဲ့သည်။ " ၂၀၂၆ - ၂၀၂၇ ပညာသင်နှစ်မှာ ဝန်ထမ်းမိသားစုရဲ့သားသမီးတွေပါမယ်။ စျေးသူ စျေးသား၊ စျေးအကူ၊ ကုန်တင်ကုန်ချ၊ လုံခြုံရေး၊ ဘေးတွဲသမား၊ တုတ်တုတ်မောင်းသူတွေရဲ့ မိသားစုတွေရဲ့ သားသမီးတွေပါမယ်။ ထောက်ပံ့ရတဲ့ ရည်ရွယ်ချက်ကတော့ ကျောင်းနေအရွယ်သားသမီးတွေကို ပညာသင်ကြားခွင့် တန်းတူရရှိရေး၊ သင်ကြားရေးပစ္စည်းများစုံလင်စွာပံ့ပိုးနိုင်ရေးနှင့် လူ့စွမ်းအားအရင်းအမြစ်မြှင့်တင်နိုင်ရေးအတွက် အဓိကရည်ရွယ်ပါတယ်" ဟု မြန်မာအက်ဂရို အိတ်(စ်)ချိန်း အများနှင့်သက်ဆိုင်သောကုမ္ပဏီလိမိတက် (MAEX) မှ အထွေထွေမန်နေဂျာ ဦးရဲထွဋ်က ပေါ်ပြူလာနယူးစ်သို့​ပြောသည်။ ထောက်ပံ့မှုအနေဖြင့် မူလတန်းကျောင်းသား၊ ကျောင်းသူ ၃၆၀ ဦး၊ အလယ်တန်း ၁၃၈ ဦး၊ အထက်တန်း ၅၄ ဦးနှင့် တက္ကသိုလ်ကျောင်းသား၊ ကျောင်းသူ ၃၂ ဦး စုစုပေါင်း ၅၈၄ ဦးအား ထောက်ပံ့ပေးအပ်ခဲ့ကြောင်း သိရသည်။ ထောက်ပံ့ငွေပမာဏအနေဖြင့် မူလတန်းကျောင်းသားတစ်ဦးလျှင် ကျပ် ၈၂,၇၀၀ နှုန်း၊ အလယ်တန်းနှင့် အထက်တန်းကျောင်းသားတစ်ဦးလျှင် ကျပ် ၁၂၆,၅၀၀ နှုန်း၊ တက္ကသိုလ်ကျောင်းသားတစ်ဦးလျှင် ကျပ် ၁၅၀,၀၀၀ နှုန်းဖြင့် စုစုပေါင်း ထောက်ပံ့ပစ္စည်းနှင့် ငွေတန်ဖိုး ကျပ် ၅၈,၈၀၅,၂၀၀ ဖိုး ပေးအပ်ခဲ့ကြောင်း သိရသည်။

တရားမဝင်ဓာတ်အားရယူသုံးစွဲသည့် မြောင်းတကာစက်မှုဇုန်မှ သံရည်ကျိုစက်ရုံအား လျှပ်စစ်ဥပဒေအရအရေးယူ ရန်ကုန်တိုင်း၊ မြောင်းတကာစက်မှုဇုန်ရှိ ZON TAI STEEL Co., Ltd သံရည်ကျိုစက်ရုံသည် တရားမဝင်ဓာတ်အားရယူသုံးစွဲသဖြင့် လျှပ်စစ်ဥပဒေအရအရေးယူထားကြောင်း သိရသည်။ လျှပ်စစ်နှင့်စွမ်းအင်ဝန်ကြီးဌာန၊ ရန်ကုန်လျှပ်စစ်ဓာတ်အားပေးရေးကော်ပိုရေးရှင်းက မြောင်းတကာစက်မှုဇုန်၊ မြေကွက်အမှတ်(၅၂/၅၃)ရှိ ZON TAI STEEL Co., Ltd သံရည်ကျိုစက်ရုံကိုဝင်ရောက်စစ်ဆေးရာ မီတာအားမသမာသောနည်းဖြင့်ဖွင့်၍ပြုပြင်ပြီး ဓာတ်အားခိုးယူသုံးစွဲထားသည်ကို စစ်ဆေးတွေ့ရှိခဲ့ရကြောင်း သိရသည်။ ထို့ကြောင့် လျှပ်စစ်မီတာအားချက်ချင်းပိတ်သိမ်းပြီး နစ်နာဆုံးရှုံးမှုများပြန်လည်ရရှိရေးနှင့် လျှပ်စစ်ဓာတ်အားကိုမသမာသောနည်းဖြင့် ရယူသုံးစွဲထားသည့် လုပ်ငန်းရှင်အား လျှပ်စစ်ဥပဒေနှင့် အညီထိရောက်စွာ အရေးယူနိုင်ရန် မှော်ဘီမြို့မရဲစခန်း၌ ဇွန် ၁၁ ရက်တွင် အမှုဖွင့်လှစ်အရေးယူခဲ့ကြောင်း သိရသည်။ အဆိုပါ ဖြစ်စဉ်ကြောင့် နိုင်ငံတော်အနေဖြင့် လျှပ်စစ် ဓာတ်အားယူနစ် ငါးသန်းခြောက်သောင်းရှစ်ထောင်ရှစ်ရာအတွက် ငွေကျပ်သန်း(၄၅၀၀)ကျော်ဆုံးရှုံးနစ်နာခဲ့ကြောင်း သိရသည်။

ရန်ကုန် ဒဂုံမြို့သစ်တွင် အင်အားအနည်းငယ်ရှိ ငလျင် လှုပ်ခတ်ခဲ့ ရန်ကုန်တိုင်း၊ ဒဂုံမြို့သစ်တွင် အင်အားအနည်းငယ်ရှိသော ငလျင်တစ်ခု ယနေ့ ဇွန် ၁၄ ရက်ညနေပိုင်းကလှုပ်ခတ်ခဲ့ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနထံမှ သိရသည်။ ဒဂုံမြို့သစ်၏ အရှေ့-အရှေ့မြောက်ဘက်(၁၀)မိုင်ခန့်အကွာ၊ အနက်(၁၂)ကီလိုမီတာကိုဗဟိုပြု၍ အင်အားမဂ္ဂနီကျူ့(၃ ဒသမ ၁)အဆင့်ရှိ အင်အားအနည်းငယ်ရှိသောငလျင်တစ်ခုသည် ညနေ ၅ နာရီ ၉ မိနစ် ၄၁ စက္ကန့်ကလှုပ်ခတ်ခဲ့ကြောင်း သိရသည်။ အဆိုပါ ငလျင်လှုပ်ခတ်မှုကို ကမ္ဘာအေးမြေငလျင်စ ခန်းမှ တိုင်းထွာရရှိခဲ့ခြင်းဖြစ်ကြောင်း သိရသည်။

Benkei Fight ဗိုလ်လုပွဲစဉ်တွင် မြန်မာကစားသမား (၃) ဦး TKO ဖြင့် ရှုံးနိမ့်၊ MBC အနေဖြင့် လေ့ကျင့်ရေးအစီအစဉ်များ ပြောင်းလဲရန် ပြင်ဆင်နေ ဂျပန်နိုင်ငံ၊ အိုဆာကာ (Osaka) မြို့တွင် ယမန်နေ့ ဇွန် (၁၃)ရက်က ကျင်းပပြုလုပ်ခဲ့သည့် Benkei Fight Vol -10 ပရိုဖက်ရှင်နယ်‌ဘောက်ဆင်ပြိုင်ပွဲတွင် ဝင်ရောက်ယှဉ်ပြိုင်ခဲ့သော မြန်မာ့လက်ရွေးစင် ကစားသမား (၃)ဦးလုံး ဂျပန်ပရိုဖက်ရှင်နယ် ကစားသမားများကို TKO (Tech nical Knockout) ဖြင့် ရှုံးနိမ့်ခဲ့ရကြောင်း သိရသည်။ အဆိုပါ ပြိုင်ပွဲသို့ ဝင်ရောက်ယှဉ်ပြိုင်ရန်အတွက် မြန်မာနိုင်ငံ ဘောက်ဆင်ကော်မရှင် (MBC) မှ အထွေထွေအတွင်းရေးမှူး ဦးသန်းစိုးအောင်၊ နည်းပြချုပ် ဦးရန်ဝင်းကြည်၊ နိုင်ငံတကာပွဲစဉ်များ ဆက်သွယ်ရေးအရာရှိ Mr. Nakamura Yoshiyuki တို့ ဦးဆောင်ကာ မြန်မာ့လက်ရွေးစင် ကစားသမားများဖြစ်ကြသည့် ဇော်ဇော်နိုင်၊ ဉာဏ်လင်းအောင်နှင့် ဇံဇံမင်းထက်တို့သည် ရန်ကုန်အပြည်ပြည်ဆိုင်ရာလေဆိပ်မှတစ်ဆင့် ဂျပန်နိုင်ငံသို့ သွားရောက်ယှဉ်ပြိုင်ခဲ့ခြင်း ဖြစ်သည်။ ယခုပွဲစဉ်တွင် မြန်မာကစားသမားများသည် ဂျပန်နိုင်ငံ၏ အဆင့်မြင့် ပရိုဖက်ရှင်နယ် ဘောက်ဆင်သမားများနှင့် ရင်ဆိုင်ကစားခဲ့ရခြင်း ဖြစ်သည်။ ကစားသမားများအနေဖြင့် ရှုံးနိမ့်ခဲ့သော်လည်း ယခုကဲ့သို့ ကမ္ဘာ့အဆင့်မီ ကစားသမားများနှင့် ရင်ဆိုင်ခဲ့ရသည့် အတွေ့ အကြုံသည် ၎င်းတို့၏ အရည်အသွေးကို ပိုမိုပြုပြင်ပြောင်းလဲလာနိုင်စေရန်နှင့် ပရိုဖက်ရှင်နယ် ပီသလာစေရန်အတွက် များစွာအထောက်အကူပြုမည်ဟု မျှော်လင့်ရကြောင်းဆိုထားသည်။ ထို့အပြင် မြန်မာနိုင်ငံ ဘောက်ဆင်ကော်မရှင် (MBC) အနေဖြင့်လည်း မြန်မာကစားသမားများ နိုင်ငံတကာအဆင့်တွင် တဆင့်ချင်း တက်လှမ်းအောင်မြင်နိုင်ရေးအတွက် လေ့ကျင့်ရေးအစီအစဉ်များကို ပြုပြင်ပြောင်းလဲရန် စီမံဆောင်ရွက်လျက်ရှိကြောင်း သိရသည်။

Benkei Fight ဗိုလ်လုပွဲစဉ်တွင် မြန်မာကစားသမား (၃) ဦး TKO ဖြင့် ရှုံးနိမ့်၊ MBC အနေဖြင့် လေ့ကျင့်ရေးအစီအစဉ်များ ပြောင်းလဲရန် ပြင်ဆင်နေ

Benkei Fight ဗိုလ်လုပွဲစဉ်တွင် မြန်မာကစားသမား (၃) ဦး TKO ဖြင့် ရှုံးနိမ့်၊ MBC အနေဖြင့် လေ့ကျင့်ရေးအစီအစဉ်များ ပြောင်းလဲရန် ပြင်ဆင်နေ ဂျပန်နိုင်ငံ၊ အိုဆာကာ (Osaka) မြို့တွင် ယမန်နေ့ ဇွန် (၁၃)ရက်က ကျင်းပပြုလုပ်ခဲ့သည့် Benkei Fight Vol -10 ပရိုဖက်ရှင်နယ်‌ဘောက်ဆင်ပြိုင်ပွဲတွင် ဝင်ရောက်ယှဉ်ပြိုင်ခဲ့သော မြန်မာ့လက်ရွေးစင် ကစားသမား (၃)ဦးလုံး ဂျပန်ပရိုဖက်ရှင်နယ် ကစားသမားများကို TKO (Tech nical Knockout) ဖြင့် ရှုံးနိမ့်ခဲ့ရကြောင်း သိရသည်။ အဆိုပါ ပြိုင်ပွဲသို့ ဝင်ရောက်ယှဉ်ပြိုင်ရန်အတွက် မြန်မာနိုင်ငံ ဘောက်ဆင်ကော်မရှင် (MBC) မှ အထွေထွေအတွင်းရေးမှူး ဦးသန်းစိုးအောင်၊ နည်းပြချုပ် ဦးရန်ဝင်းကြည်၊ နိုင်ငံတကာပွဲစဉ်များ ဆက်သွယ်ရေးအရာရှိ Mr. Nakamura Yoshiyuki တို့ ဦးဆောင်ကာ မြန်မာ့လက်ရွေးစင် ကစားသမားများဖြစ်ကြသည့် ဇော်ဇော်နိုင်၊ ဉာဏ်လင်းအောင်နှင့် ဇံဇံမင်းထက်တို့သည် ရန်ကုန်အပြည်ပြည်ဆိုင်ရာလေဆိပ်မှတစ်ဆင့် ဂျပန်နိုင်ငံသို့ သွားရောက်ယှဉ်ပြိုင်ခဲ့ခြင်း ဖြစ်သည်။ ယခုပွဲစဉ်တွင် မြန်မာကစားသမားများသည် ဂျပန်နိုင်ငံ၏ အဆင့်မြင့် ပရိုဖက်ရှင်နယ် ဘောက်ဆင်သမားများနှင့် ရင်ဆိုင်ကစားခဲ့ရခြင်း ဖြစ်သည်။ ကစားသမားများအနေဖြင့် ရှုံးနိမ့်ခဲ့သော်လည်း ယခုကဲ့သို့ ကမ္ဘာ့အဆင့်မီ ကစားသမားများနှင့် ရင်ဆိုင်ခဲ့ရသည့် အတွေ့ အကြုံသည် ၎င်းတို့၏ အရည်အသွေးကို ပိုမိုပြုပြင်ပြောင်းလဲလာနိုင်စေရန်နှင့် ပရိုဖက်ရှင်နယ် ပီသလာစေရန်အတွက် များစွာအထောက်အကူပြုမည်ဟု မျှော်လင့်ရကြောင်းဆိုထားသည်။ ထို့အပြင် မြန်မာနိုင်ငံ ဘောက်ဆင်ကော်မရှင် (MBC) အနေဖြင့်လည်း မြန်မာကစားသမားများ နိုင်ငံတကာအဆင့်တွင် တဆင့်ချင်း တက်လှမ်းအောင်မြင်နိုင်ရေးအတွက် လေ့ကျင့်ရေးအစီအစဉ်များကို ပြုပြင်ပြောင်းလဲရန် စီမံဆောင်ရွက်လျက်ရှိကြောင်း သိရသည်။

မြန်မာ့ထိပ်တန်း တိုက်စစ်မှူး ဝင်းသိင်္ဂီထွန်းကို ရတနာပုံအမျိုးသမီးအသင်းက အသင်းခေါင်းဆောင်အဖြစ် ခေါ်ယူ ယခုနှစ် ​မြန်မာအမျိုးသမီးလိဂ်ပြိုင်ပွဲဝင် အသင်းသစ်တစ်ခုဖြစ်သည့် ရတနာပုံအ မျိုးသမီးအက်ဖ်စီအသင်းသည် သတင်းများထွက်ပေါ်နေသည့်အတိုင်း မြန်မာ့လက်ရွေးစင် ထိပ်တန်းတိုက်စစ်မှူး ဝင်းသိင်္ဂီထွန်းကို ခေါ်ယူလိုက်ပြီဖြစ်ကြောင်း တရားဝင်သတင်းထုတ်ပြန်ခဲ့သည်။ ​ယခုနှစ် အမျိုးသမီးလိဂ်ပြိုင်ပွဲတွင် အား သွန်ခွန်စိုက်ယှဉ်ပြိုင်နိုင်ရန် ပြင်ဆင်နေသည့် ရတနာပုံအသင်းအနေဖြင့် လက် ရွေးစင်တိုက်စစ်မှူး ဝင်းသိင်္ဂီထွန်းကို အသင်းခေါင်းဆောင်အဖြစ် တာဝန်ပေးအပ်ကာ ခေါ်ယူခဲ့ခြင်းဖြစ်ကြောင်း သိရသည်။ ဝင်းသိင်္ဂီထွန်းသည် ရတနာပုံအသင်းတွင် ကျောနံပါတ် (၇)ကို ဝတ်ဆင်ကစားသွားမည်ဖြစ်ကြောင်းလည်း သိရသည်။ ​ဝင်းသိင်္ဂီထွန်းသည် မြန်မာ့အမျိုးသမီးဘောလုံးလောကတွင် အအောင်မြင်ဆုံးနှင့် ဂိုးသွင်းအများဆုံးသွင်းယူသည့် ထိပ် တန်းတိုက်စစ်မှူးတစ်ဦးလည်းဖြစ်သည်။ သတင်းအပြည့်အစုံဖတ်ရန်>> https://www.popularmyanmar.com/မြန်မာ့ထိပ်တန်း-တိုက်စစ/

မြန်မာသမ္မတ၏တရုတ်နိုင်ငံ ခရီးစဥ်တွင် မြန်မာ့စီးပွားရေး ပြန်လည်ဦးမော့လာစေရန်နှင့် နိုင်ငံတည်ငြိမ်ရေးအတွက် မဟာဗျူဟာမြောက် ညှိနှိုင်းဆောင်ရွက်မှုတို့ လုပ်​ဆောင်မည် သမ္မတ၏ပြောရေးဆိုခွင့်ရှိသူ ဒေါက်တာခိုင်ခိုင်စိုး က တရုတ်ခရီးစဉ်နှင့်ပတ်သက်၍ ၄င်း၏ လူမှုကွန်ယက်တွင် ရေးသားထားသည်။ ထိုထုတ်ပြန်ချက်၏ အဓိကဆိုလိုရင်းမှာ ၂၀၂၆ ခုနှစ်၊ ဇွန်လ (၁၅) ရက်ကနေ (၁၉) ရက်နေ့အထိ သွားရောက်မည့် မြန်မာနိုင်ငံတော်သမ္မတ၏တရုတ်နိုင်ငံ နိုင်ငံတော်အဆင့် ချစ်ကြည်ရေးခရီးစဉ်သည် "မြန်မာ့စီးပွားရေး ပြန်လည်ဦးမော့လာစေရန်နှင့် နိုင်ငံတည်ငြိမ်ရေးအတွက် မဟာဗျူဟာမြောက် ညှိနှိုင်းဆောင်ရွက်မှု" ဖြစ်ကြောင်း ရည်ညွှန်းထားသည်။ ထုတ်ပြန်ချက်ပါ အချက်အလက်များအရ အဓိက ဆိုလိုရင်း (၅) ချက်ကိုတွေ့ရှိရသည်။ ထိပ်သီးခေါင်းဆောင်များအကြား မဟာဗျူဟာမြောက် တွေ့ဆုံမှု နိုင်ငံတော်သမ္မတ ဦးမင်းအောင်လှိုင်ဟာ တရုတ်သမ္မတ မစ္စတာရှီကျင့်ဖျင်၊ ဝန်ကြီးချုပ်အပါအဝင် အဆင့်မြင့်တာဝန်ရှိသူတွေနဲ့ တွေ့ဆုံပြီး နှစ်နိုင်ငံ ပူးပေါင်းဆောင်ရွက်ရေးကို အရှိန်မြှင့်တင်ဖို့ ရည်ရွယ်ထား​ကြောင်း စီးပွားရေးနှင့် ရင်းနှီးမြှုပ်နှံမှုကို အဓိက ဦးစားပေးခြင်း နိုင်ငံ့စီးပွားရေး တိုးတက်မှသာ ပြည်သူများ လူမှုစီးပွားဘဝ မြင့်မားလာမှာဖြစ်သည့်အတွက် တရုတ်နိုင်ငံ၏ ရင်းနှီးမြှုပ်နှံမှုများ ပိုမိုစီးဝင်လာရေးကို အဓိကထား ဆွေးနွေးမှာ ဖြစ်​ကြောင်း နည်းပညာနှင့် ကုန်သွယ်မှု ကဏ္ဍသစ်များ ဖော်ဆောင်ခြင်း ရင်းနှီးမြှုပ်နှံမှုတင်မကဘဲ မြန်မာနိုင်ငံအတွက် လိုအပ်သည့် နည်းပညာအကူအညီများ ရရှိရေးနှင့်ကုန်သွယ်မှုကဏ္ဍ မြှင့်တင်ရေးကိုလည်း အလေးထား ဆွေးနွေးသွားမှာ ဖြစ်​ကြောင်း လက်ရှိ ရင်းနှီးမြှုပ်နှံမှု အခြေအနေကို အားဖြည့်ခြင်း တရုတ်နိုင်ငံသည် မြန်မာနိုင်ငံ၏ ထိပ်တန်းရင်းနှီးမြှုပ်နှံသူ (၁၀) နိုင်ငံစာရင်းတွင် ပါဝင်နေပြီး (၂၀၂၅-၂၀၂၆) ခုနှစ်အတွင်း ရင်းနှီးမြှုပ်နှံမှု ပမာဏ အမေရိကန်ဒေါ်လာ (၂၀၁.၁၂၉) မီလီယံအထိ ရှိနေခြင်းကြောင့် ဤအခြေအနေကို ဆက်လက်တိုးမြှင့်ဖို့ ရည်ရွယ်ထား​ကြောင်း ငြိမ်းချမ်းရေးနှင့် တည်ငြိမ်ရေးကို အခြေခံခြင်း နိုင်ငံဖွံ့ဖြိုးဖို့အတွက် တည်ငြိမ်အေးချမ်းမှုက အခြေခံလိုအပ်ချက်ဖြစ်၍ ပြည်တွင်းငြိမ်းချမ်းရေးနှင့် နယ်စပ်ဒေသ တည်ငြိမ်ရေးကိစ္စများကိုပါ အလေးအနက်ထား ထည့်သွင်းဆွေးနွေးသွားမှာ ဖြစ်​ကြောင်း စသည်တို့ ပါဝင်သည်။ အနှစ်ချုပ်အ​နေဖြင့် ဤခရီးစဉ်သည် "စီးပွားရေး ဖွံ့ဖြိုးတိုးတက်မှု" နှင့် "နိုင်ငံတည်ငြိမ်အေးချမ်းမှု" ဆိုသည့် အပြန်အလှန် ဆက်နွှယ်နေ​သော အချက်ကြီးနှစ်ခုကို တရုတ်နိုင်ငံနှင့် ပူးပေါင်းပြီး အဖြေရှာဖော်ဆောင်မည့် ခရီးစဉ်ဖြသ်​ကြောင်း ဆိုလိုထားသည်။

ပုသိမ်မြို့တွင် လူငယ်တွေ့ဆုံပွဲနှင့် လူငယ်ရေးရာအသိပညာပေးဟောပြောပွဲ ကျင်းပ လူငယ်စင်တာဖွင့်ရန်အစီအစဥ်ရေးဆွဲထားဟုဆို ယနေ့(ဇွန်လ ၁၄ရက်}တွင် ပုသိမ်မြို့မြို့တော်ခန်းမ၌ မြန်မာနိုင်ငံလူငယ်ရေးရာဗဟိုကော်မတီနှင့် ဧရာဝတီတိုင်းဒေသကြီးလူငယ်ရေးရာကော်မတီတို့ ပူးပေါင်းကျင်းပသည့် လူငယ်တွေ့ဆုံပွဲနှင့်လူငယ်ရေးရာအသိပညာပေးဟောပြောပွဲ အခမ်းအနား ကျင်းပခဲ့ကြောင်း သိရသည်။ အဆိုပါအခမ်းအနားတွင် မြန်မာနိုင်ငံလူငယ်ရေးရာ ဗဟိုကော်မတီ ဒု-ဥက္ကဋ္ဌ(၁)၊ လူငယ်ရေးရာဝန်ကြီး ဌာန ပြည်ထောင်စုဝန်ကြီး ဒေါက်တာမောင်သင်းနှင့်ဧရာဝတီတိုင်းလူငယ်ရေးရာ ကော်မတီဥက္ကဋ္ဌ၊ ဧရာဝတီတိုင်းဒေသကြီးအစိုးရ အဖွဲ့ဝန်ကြီးချုပ် ဦးအေးကျော်က လူငယ်ကဏ္ဍနှင့် ပတ်သက်၍ ရှင်းလင်းပြောကြားခဲ့ပြီး ကဏ္ဍပေါင်းစုံလူငယ်များမှ သိလိုသည်များ မေးမြန်ဆွေးနွေးခဲ့ရာ ပြည်ထောင်စုဝန်ကြီးက ပြန်လည်ဖြေကြားခဲ့သည်။ ပုသိမ်မြို့တွင် လူငယ်စင်တာဖွင့်ရန်အစီအစဥ်ရေးဆွဲထားကြောင်းနှင့် လူငယ်လုပ်ငန်းရှင်များနှင့်ပက်သက်၍လည်း မဟာဗျူဟာထဲတွင် ပါဝင်ပါကြောင်း ပြည်ထောင်စုဝန်ကြီးက ပြောကြားခဲ့သည်။ ​သတင်းအပြည့်အစုံဖတ်ရန်>> https://www.popularmyanmar.com/ပုသိမ်မြို့တွင်-လူငယ်တွ/

လေယာဉ်လက်မှတ်ခ သတ်မှတ်ဈေးနှုန်းထက် ပိုမိုရောင်းချပါက ဥပဒေနှင့်အညီ အရေးယူမည် လေယာဉ်လက်မှတ်ခ သတ်မှတ်ဈေးနှုန်းထက် ပိုမိုရောင်းချပါက ဥပဒေနှင့်အညီ အရေးယူမည်ဖြစ်ကြောင်း လေကြောင်းပို့ဆောင်ရေးညွှန်ကြားမှုဉီးစီးဌာနမှ အသိပေးထားသည်။ လေယာဉ်လိုင်းများ၏ လေယာဉ်လက်မှတ်ခနှုန်းထားများကို သတ်မှတ်ဈေးနှုန်းထက် ပိုမိုသည့်နှုန်းထားဖြင့် ဝယ်ယူခဲ့ရပါက ခရီးသည်အမည်၊ ဝယ်ယူခဲ့သည့်ရက်စွဲ၊ ခရီးစဉ်အချက်အလက်၊ Booking PNR/Ticket အမှတ်၊ဝယ်ယူခဲ့သည့် Agent အမည်၊ ဝယ်ယူခဲ့ရသည့်ဈေးနှုန်းနှင့် ငွေပေးချေသည့်အထောက်အထားစသည့် တိကျသည့်သတင်းအချက်အလက်များနှင့်အတူ သက်ဆိုင်ရာ လေကြောင်းလိုင်းများသို့ တိုက်ရိုက်တိုင်ကြားနိုင်ကြောင်း သိရသည်။ လေယာဉ်လက်မှတ်ခနှုန်းထားများကို သတ်မှတ်ဈေးနှုန်းထက် ပိုမိုရောင်းချသည့်မည်သူမဆို ဥပဒေနှင့်အညီ ထိရောက်စွာအရေးယူဆောင်ရွက်သွားမည်ဖြစ်ကြောင်း လေကြောင်းပို့ဆောင်ရေးညွှန်ကြားမှုဉီးစီးဌာနမှ အသိပေးထားသည်။

မြန်မာ့ကမ်းလွန်ပင်လယ်ပြင်တွင် အလားအလာကောင်းမွန်သော ဧရာမ သဘာဝဓာတ်ငွေ့သိုက်သစ်များ ရှာဖွေတွေ့ရှိ၊ တနင်္သာရီကမ်းလွန်တွင် ၉၅ ထရီလီယံကုဗပေခန့်အထိ ထွက်ရှိနိုင်ခြေရှိ မြန်မာ့ကမ်းလွန်ပင်လယ်ပြင် ရေနက်ပိုင်းဒေသများတွင် ပမာဏအလွန်ကြီးမားပြီး စီးပွားဖြစ်ထုတ်လုပ်ရန် အလားအလာကောင်းမွန်သည့် သဘာဝဓာတ်ငွေ့သိုက်သစ်များကို ထပ်မံရှာဖွေတွေ့ရှိထားပြီး လက်ရှိတွင် စီးပွားဖြစ် တူးဖော်ထုတ်လုပ်နိုင်ရေး လုပ်ငန်းစဉ်များကို စတင်ဆောင်ရွက်နေပြီဖြစ်ကြောင်း သိရသည်။ လက်ရှိတွင် မြန်မာနိုင်ငံ၌ ရတနာ၊ ဇောတိက၊ ရွှေ နှင့် ရဲတံခွန် ကဲ့သို့သော ကမ်းလွန်သဘာဝဓာတ်ငွေ့စီမံကိန်း (၄) ခုကို အကောင်အထည်ဖော် ဆောင်ရွက်လျက်ရှိသည်။ အဆိုပါ စီမံကိန်းများမှ ထွက်ရှိသည့် သဘာဝဓာတ်ငွေ့များကို နိုင်ငံတော်၏ လျှပ်စစ်ဓာတ်အား ထုတ်လုပ်မှုကဏ္ဍ၊ စိုက်ပျိုးရေးအတွက် မရှိမဖြစ်လိုအပ်သည့် ဓာတ်မြေဩဇာ ထုတ်လုပ်မှု လုပ်ငန်းများနှင့် ပြည်တွင်းစက်မှုကုန်ထုတ်လုပ်ငန်းများတွင် အဓိကမောင်းနှင်အားအဖြစ် အားထားအသုံးပြုလျက်ရှိသည်။ ​သတင်းအပြည့်အစုံဖတ်ရန်>> https://www.popularmyanmar.com/မြန်မာ့ကမ်းလွန်ပင်လယ်ပ/

မြစ်ကြီးနား လမ်းကြောင်းတစ်လျှောက်ရှိ မြို့၊ ရွာများပြန်လည် ထူထောင်ရေးအတွက် ထောက်ပံ့ရေးပစ္စည်းများ ထပ်မံရောက်ရှိလာ မြစ်ကြီးနား လမ်းကြောင်းတစ်လျှောက်ရှိ မြို့၊ ရွာများ၌ ပြန်လည်ထူထောင်ရေးလုပ်ငန်းများဆောင်ရွက်ရန် အထောက်အကူပြုပစ္စည်းများနှင့် ထောက်ပံ့ရေးကုန်ပစ္စည်းများ တင်ဆောင်သည့်ယာဉ်များ မြစ်ကြီးနားမြို့သို့ တတိယအကြိမ်အဖြစ် ထပ်မံရောက်ရှိလာသည်။ ယမန်နေ့ (ဇွန် ၁၃ ရက်)က ထပ်မံရောက်ရှိခြင်း ဖြစ်ကာ ပထမအကြိမ်အဖြစ် မေ ၁၂ ရက်တွင်လည်းကောင်း၊ ဒုတိယအကြိမ်အဖြစ် မေ ၃၁ ရက်တွင် လည်းကောင်း ပေးပို့ခဲ့ခြင်း ဖြစ်သည်။ ထိုထောက်ပံ့ရေးပစ္စည်းများတွင် အခြေခံစားသောက်ကုန်များ၊ လူသုံးကုန်ပစ္စည်းများ၊ ဆောက်လုပ်ရေး လုပ်ငန်းသုံးပစ္စည်းများ၊ ဆေးနှင့် ဆေးပစ္စည်းများ၊ ကျောင်းသုံးစာအုပ်များနှင့် စက်သုံးဆီများ တင်ဆောင်လာသော မော်တော်ယာဉ်များနှင့် မီးသတ်ကားများ ပါဝင်သည်။ သတင်းအပြည့်အစုံဖတ်ရန်>> https://www.popularmyanmar.com/မြစ်ကြီးနား-လမ်းကြောင်း/