Popular Journal

الذهاب إلى القناة على Telegram

إظهار المزيد

📈 نظرة تحليلية على قناة تيليجرام Popular Journal

تُعد قناة Popular Journal (@popularjournal) في القطاع اللغوي Burmese لاعباً نشطاً. يضم المجتمع حالياً 27 125 مشتركاً، محتلاً المرتبة 8 994 في فئة الأخبار والوسائط والمرتبة 5 232 في منطقة Myanmar.

📊 مؤشرات الجمهور والحراك

منذ تأسيسه في невідомо، حقق المشروع نمواً سريعاً وجمع 27 125 مشتركاً.

بحسب آخر البيانات بتاريخ 12 يونيو, 2026، تحافظ القناة على نشاط مستقر. خلال آخر 30 يوماً تغيّر عدد الأعضاء بمقدار -203، وفي آخر 24 ساعة بمقدار -6، مع بقاء الوصول العام مرتفعاً.

حالة التحقق: موثّقة (مؤكدة رسمياً من تيليجرام)
معدل التفاعل (ER): يبلغ متوسط تفاعل الجمهور 4.92‎%. وخلال أول 24 ساعة من النشر يحصد المحتوى عادةً 4.67‎% من ردود الفعل نسبةً إلى إجمالي المشتركين.
وصول المنشورات: يحصل كل منشور على متوسط 1 334 مشاهدة. وخلال اليوم الأول يجمع عادةً 1 266 مشاهدة.
التفاعلات والاستجابة: يتفاعل الجمهور بانتظام؛ متوسط التفاعلات لكل منشور يبلغ 17.

📝 الوصف وسياسة المحتوى

يصف المؤلف القناة بأنها مساحة للتعبير عن الآراء الذاتية:
“https://www.popularmyanmar.com/ https://www.youtube.com/c/PopularJournalOfficial”

بفضل وتيرة التحديث المرتفعة (أحدث البيانات بتاريخ 13 يونيو, 2026) تحافظ القناة على حداثتها ومستوى وصول مرتفع. وتُظهر التحليلات تفاعلاً نشطاً من الجمهور، ما يجعلها نقطة تأثير مهمة ضمن فئة الأخبار والوسائط.

27 125

المشتركون

-624 ساعات

-737 أيام

-20330 أيام

1 334

عرض المشاهدات

~ 1 26624 ساعات

~ 1 37048 ساعات

4.92%

معدل المشاركة

~ 128

المشاركات في اليوم

Ads index

beta

أرشيف المشاركات

27 125

👉လဝက၏ (၃၁)နှစ်မြောက် နှစ်ပတ်လည်နေ့အထိမ်းအမှတ်စုပေါင်းသွေးလှူဒါန်း 👉နိုင်ငံတော်အဆင့် သစ်ပင်စိုက်ပျိုးပွဲ နိုင်ငံတော်သမ္မတက မဟော်ဂနီပင်ကို ဦးဆောင်စိုက်ပျိုး 👉အိမ်ရှင် အမေရိကန်အသင်း အဖွင့်ပွဲမှာ ပါရာဂွေးကို ဂိုးပြတ်အနိုင်ယူ၊ အုပ်စု (D) ထိပ်ဆုံးတက် 👉MFF ဥက္ကဌသစ် ရွေးကောက်ပွဲကို ရှေ့နှစ် ဇူလိုင်တွင် ပြုလုပ်မည်၊ ဦးဇော်ဇော် အနားယူမည် 👉မုတ်သုံလေအားကောင်းနေသဖြင့် ကချင်နှင့် စစ်ကိုင်းတိုင်းအထက်ပိုင်းဒေသများတွင် မိုးသည်းထန်စွာ ရွာသွန်းနိုင် ကျောက်စိမ်းနှင့် သတ္တုတူးဖော်ရေးလုပ်ငန်းများ မြေစာပုံအနီးလုပ်ငန်းခွင်ဝင်သူများ သတိပြုရန် အကြံပြု 👉နယ်မြေအခြေအနေနှင့် ခရီးသွားလာရေးအခက်အခဲများကြောင့် ထမံသီဘေးမဲ့တောသို့ လာရောက်မည့် ခရီးသွားများကို ငြင်းပယ်နေရ 👉ကမ္ဘာ့ဖလား ဖွင့်ပွဲစင်မြင့်ပေါ် တက်ရောက်ဖျော်ဖြေသည့် ပထမဆုံး အရှေ့တောင်အာရှ အနုပညာရှင်အဖြစ် မှတ်တမ်းဝင်ခဲ့သည့် လီဆာ 👉ဆေးဝါးကုန်ကြမ်း ၃၆၅ မျိုး အခွန်ကင်းလွတ်ခွင့်ပြုနိုင်ရေး ညှိနှိုင်းနေ

27 125

🌏🌏 13.6.2026 သတင်းအပြည့်အစုံ 🌏🌏 👉(၁၀)ကြိမ်မြောက် မြန်မာ-ထိုင်းနှစ်နိုင်ငံရေတပ်ချင်းတွေ့ဆုံ နှစ်နိုင်ငံနယ်နိမိတ်တစ်လျှောက် ညှိနှိုင်းကင်းလှည့်နိုင်ရေးကိုဆွေးနွေး 👉မြန်မာ- လာအို နှစ်နိုင်ငံ နိုင်ငံခြားရေးဝန်ကြီးများ တွေ့ဆုံ 👉ကမ္ဘာ့ပထမဆုံး ထရီလီယံနာ အီလွန်မတ်ဖြစ်လာ 👉နိုင်ငံရေးပြဿနာများကို နိုင်ငံရေးနည်းနဲ့ဖြေရှင်းရန် အမြဲတောင်းဆိုခဲ့ပြီး ဖြစ်နိုင်သည့်ကိစ္စများကို ဦးစားပေးဆွေးနွေးသွားမည် 👉နေပြည်တော်၊ ပဲခူးနှင့် ရန်ကုန်ရှိ ကျောင်းများအတွက် FIFA က လှူဒါန်းသည့် ဘောလုံး ၁၁,၀၀၀ ကျော် လွှဲပြောင်းပေးအပ် 👉စားအုန်းဆီသိုလှောင်ကန်များ လုံခြုံရေးနှင့် အရေးပေါ်တုံ့ပြန်နိုင်ရေး ကွင်းဆင်းစစ်ဆေး 👉ပုဂံဒေသက ရှားပါးနံရံဆေးရေးပန်းချီလက်ရာရှိ အဆောက်အုံများကို အသေးစိတ်မှတ်တမ်းပြုစုခြင်းဆောင်ရွက်နေ 👉အင်ဒိုနီးရှားက မြန်မာ့ငြိမ်းချမ်းရေး ကြိုးပမ်းမှုကိုကူညီမည် 👉ရန်ကုန်အပါအဝင် ဒေသအချို့တွင် မိုးကြီးပြီး မိုးသက်လေပြင်းတိုက်ခတ်နိုင် 👉အထူးကုဆရာဝန်ကြီးများက ကျောက်မဲမြို့နှင့် အနီးတစ်ဝိုက်မှ ဒေသခံတိုင်းရင်းသားပြည်သူများအား ကျန်းမာရေးစောင့်ရှောက်မှုပေး

27 125

ဗြိတိန်ကာကွယ်ရေးဝန်ကြီး ရာထူးမှနုတ်ထွက်၊ ဝန်ကြီးချုပ်စတာမာ၏ ကာကွယ်ရေးအသုံးစရိတ်အပေါ် ပြင်းထန်စွာဝေဖန် ဗြိတိန်ကာကွယ်ရေးဝန်ကြီး ဂျွန်ဟီးလီ (John Healey) သည် ကြာသပတေးနေ့တွင် ရာထူးမှ နုတ်ထွက်သွားခဲ့သည်။ ၎င်း၏ နုတ်ထွက်ရခြင်းမှာ ကာကွယ်ရေးအသုံးစရိတ်နှင့် ပတ်သက်၍ လပေါင်းများစွာ အငြင်းပွားမှုများ ဖြစ်ပွားခဲ့ပြီးနောက်၊ နိုင်ငံကို ခြိမ်းခြောက်နေသည့် အန္တရာယ်များမှ ကာကွယ်ရန် လိုအပ်သော အရင်းအမြစ်များကို ချမှတ်ပေးရန် ပျက်ကွက်ခဲ့သည့်အတွက် ဝန်ကြီးချုပ် ကီယာစတာမာ (Keir Starmer) အား ပြစ်တင်ဝေဖန်ခဲ့ခြင်းကြောင့် ဖြစ်သည်။ ဤနုတ်ထွက်မှုနှင့်အတူ ဝန်ကြီးချုပ်အပေါ် ပြင်းထန်သော ဝေဖန်ချက်များ ထွက်ပေါ်လာခြင်းသည် ဝန်ကြီးချုပ်စတာမာ၏ အာဏာတည်မြဲမှု လျော့ကျလာနေကြောင်း ထပ်လောင်းပြသနေပြီး၊ အစိုးရ၏ အဓိကဗဟိုချက်တွင် အကျပ်အတည်းတစ်ခု ဖြစ်ပေါ်နေကြောင်း ပေါ်လွင်စေသည်။ လက်ရှိတွင် နိုင်ငံ၌ ဘဏ္ဍာငွေအလုံအလောက် မရှိသည့်အပြင် လူမှုဖူလုံရေးစရိတ်များ မြင့်တက်နေချိန်တွင် ကာကွယ်ရေးအသုံးစရိတ်ကို မည်သို့ တိုးမြှင့်ရမည်ဆိုသည်မှာ အစိုးရအတွက် အကြီးမားဆုံး စိန်ခေါ်မှုဖြစ်နေသည်။ သတင်းအပြည့်အစုံဖတ်ရန်>> https://www.popularmyanmar.com/ဗတနကကယရဝနက/

27 125

တေလာဆွစ်ဖ်ရုပ်တုကိုစင်ကာပူမဒမ်တူး‌ဆော့ဒ်ပြတိုက်၌ပြသမည် စင်ကာပူ၊ ဇွန်လ ၁၃ ရက် အမေရိကန် ပေါ့ပ်စတား တေလာဆွစ်ဖ် ၏ ဖယောင်းရုပ်တုကို လာမည့် ဇွန်လ ၂၆ ရက် နေ့မှ စက်တင်ဘာလ ၂၇ ရက် နေ့အထိ စန်တိုဆာရှိ မဒမ်တူ‌ဆော့ဒ်စင်ကာပူ ပြတိုက်တွင် ပြသသွားမည်ဖြစ်ရာ ဆွစ်ဖ်တီးစ်များဟုခေါ်သည့် တေလာဆွစ်ဖ်၏ ပရိသတ်များ အနေဖြင့် ၎င်းနှင့်အတူ ဓာတ်ပုံတွဲရို-က်ခွင့် ရရှိတော့မည် ဖြစ်သည်။ အဆိုပါ ဖယောင်းရုပ်တုသည် သူ၏ စံချိန်တင်အောင်မြင်ခဲ့သော "Eras Tour" ဖျော်ဖြေပွဲ၏ "Lover" အပိုင်းတွင် ဝတ်ဆင်ခဲ့သည့် Versace အမှတ်တံဆိပ် ပန်းရောင်၊ အပြာရောင်နှင့် ငွေရောင် ရောယှက်နေသော ကိုယ်ကျပ်ဝတ်စုံ (Leotard) ပုံတူကို ဝတ်ဆင်ထားသည်။ ယခုရုပ်တုသည် ကမ္ဘာတစ်ဝန်းရှိ မဒမ်တူး‌ေဆာ့ဒ် ပြတိုက်များတွင် ပြသရန်အတွက် ၂၀၂၅ ခုနှစ်က တစ်ပြိုင်နက်တည်း ထုတ်လုပ်ခဲ့သော တေလာဆွစ်ဖ်၏ ဖယောင်းရုပ်တု ၁၃ ခုအနက် တစ်ခုဖြစ်သည်။ သတင်းအပြည့်အစုံဖတ်ရန်>> https://www.popularmyanmar.com/တေလာဆွစ်ဖ်ရုပ်တုကိုစင်/

27 125

ထိုင်းတွင်ဇနီးကိုသတ်မှုဖြင့်သံသယရှိအမျိုးသားကိုရန်ကုန်တွင်ဖမ်းဆီးရမိ ထိုင်းနိုင်ငံ ဘန်ကောက်မြို့ရှိ တိုက်ခန်းတစ်ခုတွင် ဇနီးဖြစ်သူကို သတ်ဖြတ်ပြီး အပိုင်းပိုင်းဖြတ်တောက်ကာ ပလပ်စတစ်သေတ္တာအတွင်း ထည့်ထားခဲ့သည်ဟု သံသယရှိသော မြန်မာနိုင်ငံသားတစ်ဦးကို ရန်ကုန်မြို့တွင် ဖမ်းဆီးရမိခဲ့သည်။ ဖက်ချာဘူရီလမ်းအနီးရှိ ဘားတစ်ခုတွင် စားဖိုမှူးအဖြစ် လုပ်ကိုင်နေသော အသက် ၃၆ နှစ်အရွယ် အောင်ပြည့်ဆိုသူကို ထိုင်းနှင့် မြန်မာအာဏာပိုင်များ ပူးပေါင်းဆောင်ရွက်မှုဖြင့် ဖမ်းဆီးရမိခဲ့ကြောင်း ရဲတပ်ဖွဲ့က စနေနေ့တွင် ပြောကြားခဲ့သည်။ သတင်းအပြည့်အစုံဖတ်ရန်>> https://www.popularmyanmar.com/ထိုင်းတွင်ဇနီးကိုသတ်မှ/

27 125

အိန္ဒိယစစ်ဘက် သယ်ပို့လေယာဉ်ပျက်ကျ၍ လူ ငါးဦး ‌ေ-သဆုံး အိန္ဒိယစစ်လေယဉ်တစ်စင်းသည် ဇွန်လ ၁၃ ရက်နေ့က နိုင်ငံ၏ ဝေးလံသီခေါင်သော အရှေ့မြောက်ဒေသရှိ အခြေစိုက်စခန်းတစ်ခုသို့ အဆင်းတွင် ပျက်ကျခဲ့သောကြောင့် လေတပ်သား ငါးဦး ‌ေ-သဆုံးခဲ့ကြောင်း စစ်တပ်က သတင်းထုတ်ပြန်ခဲ့သည်။ အာသံပြည်နယ်ရှိ မြို့တစ်မြို့ဖြစ်သော “ဂျော်ဟတ်တွင် An-32 လေယာဉ်မတော်တဆမှုအတွင်း စစ်သည်ငါးဦး အသက်ဆုံးရှုံးခဲ့ရခြင်းအတွက် အိန္ဒိယလေတပ်က လွန်စွာဝမ်းနည်းရပါသည်” ဟု သတင်း ထုတ်ပြန်ချက်တွင် လေတပ်က ပြောကြားခဲ့သည်။ လေယာဉ်ပေါ်တွင် လူမည်မျှပါဝင်ခဲ့သည်နှင့် အသက်ရှင်ကျန်ရစ်သူ ရှိ မရှိကိုမူ မဖော်ပြခဲ့ပေ။ သို့သော် ဖြစ်စဉ်တွင် တွဲဘက်လေယာဉ်မှူး အသက်ရှင်လွတ်မြောက်ခဲ့ကြောင်း အမည်မဖော်လိုသည့် လေတပ်အရာရှိတစ်ဦးက အေအက်ဖ်ပီသတင်းဌာနကို ပြောကြားခဲ့သည်။ ရုရှားနိုင်ငံထုတ် Antonov An-32 လေယာဉ်သည် ဆင်းသက်ချိန်က ပုံမှန်ပျံသန်းမှု အခြေအနေတွင်ရှိနေကြောင်း အစောပိုင်းတွင် ပြောကြားခဲ့သည်။ လေယာဉ်ပျ-က်ကျရသည့် အကြောင်းရင်းကို သိရရန် စုံစမ်းစစ်ဆေးရေးအဖွဲ့ ဖွဲ့စည်းလျက်ရှိကြောင်း လေတပ်က ပြောကြားခဲ့သည်။ Ref: သယ်စထရိတ်တိုင်းမ်စ်

27 125

ဟော်မုဇ် ရေလက်ကြားဆီ ဦးတည်ပျံသန်းလာတဲ့ အီရန်ဒရုန်းတွေကို အမေရိကန်တပ်ဖွဲ့တွေက ပ-စ်ချ ဟော်မုဇ် ရေလက်ကြားဘက်ကို ဦးတည်ပျံသန်းလာတဲ့ အီရန်နိုင်ငံထုတ် အသေခံဒရုန်းတွေကို အမေရိကန်တပ်ဖွဲ့တွေက ပစ်ချလိုက်တယ်လို့ သတင်းရင်းမြစ်တစ်ခုကနေတဆင့် သိရပါတယ်။ ဝါရှင်တန်နဲ့ တီဟီရန်အကြား ငြိမ်းချမ်းရေး ဆွေးနွေးပွဲတွေမှာ တိုးတက်မှုတွေ ရှိနေတယ်လို့ ပြောဆိုနေကြတဲ့ကြားထဲကပဲ အခုလို စစ်ရေးအရ တင်းမာမှုတွေ ထပ်မံဖြစ်ပွားလာတာပါ။ နာမည်မဖော်လိုတဲ့ အဲဒီသတင်းရင်းမြစ်ရဲ့ အဆိုအရ အဲဒီဒရုန်းတွေဟာ ကုန်သွယ်ရေး သင်္ဘောတွေအတွက် ခြိမ်းခြောက်မှုဖြစ်စေတဲ့အတွက် အခုလို ပစ်ချခဲ့ရတာလို့ ဆိုပါတယ်။ သမ္မတ ဒေါ်နယ်ထရမ့်ကလည်း သောကြာနေ့အစောပိုင်းကတည်းက အီရန်ကို သတိပေးချက်ထုတ်ပြန်ထားပါတယ်။ ဟော်မုဇ် ရေလက်ကြားကို ဖြတ်သန်းသွားလာနေတဲ့ သင်္ဘောတွေကို ဒရုန်းတွေနဲ့ ဆက်လက်ပစ်ခတ်တာမျိုး မလုပ်ဖို့နဲ့ "အခြေအနေတွေကို မြန်မြန်ဆန်ဆန် ထိန်းသိမ်းပြင်ဆင်ဖို့" တီဟီရန်ကို သတိပေး ပြောကြားထားတာ ဖြစ်ပါတယ်။

27 125

Tren de Aragua ဂိုဏ်းရဲ့ ခေါင်းဆောင်ကို ရှင်းလင်းနိုင်ဟု ထရမ့်ပြောကြား သမ္မတ ဒေါ်နယ်ထရမ့်က Tren de Aragua အကြမ်းဖက်ဂိုဏ်းရဲ့ ခေါင်းဆောင်ကို အမေရိကန်တပ်ဖွဲ့တွေက ချေမှုန်းနိုင်ခဲ့ကြောင်း ပြောကြားလိုက်ပါတယ်။ သမ္မတ ထရမ့်ရဲ့ အမိန့်ပေးချက်အရ၊ ဗင်နီဇွဲလားဘက်က တာဝန်ရှိသူတွေနဲ့ ပူးပေါင်းဆောင်ရွက်ပြီး အမေရိကန် တောင်ပိုင်းစစ်ဌာနချုပ် ကနေ လျင်မြန်ပြတ်သားတဲ့ တိုက်ခိုက်မှုတစ်ခု ပြုလုပ်ခဲ့တာပါ။ ဒီတို-က်ခိုက်မှုကြောင့် "ကမ္ဘာပေါ်မှာ အရက်စက်ဆုံး အကြမ်းဖက်အဖွဲ့အစည်းတွေထဲက တစ်ခုဖြစ်တဲ့ Tren de Aragua ရဲ့ ခေါင်းဆောင် နီနို ဂွီရေရို(Nino Guerrero) ကို အောင်မြင်စွာ ရှင်းလင်းနိုင်ခဲ့တယ်" လို့ Truth Social မှာ ထရမ့်က ရေးသားထားပါတယ်။ "ဒီလုပ်ဆောင်ချက်ကို ကျွန်တော်တို့နဲ့ အလွန်ကောင်းမွန်တဲ့ ဆက်ဆံရေးရှိတဲ့ ဗင်နီဇွဲလားဘက်က မိတ်ဆွေတွေနဲ့ တိုင်ပင်ညှိနှိုင်းပြီး လုပ်ဆောင်ခဲ့တာပါ" လို့လည်း သူက ထည့်သွင်းပြောဆိုခဲ့ပါတယ်။ အမေရိကန်သမ္မတအနေနဲ့ ဒီဂိုဏ်းကို အမေရိကန်ရဲ့ အကြမ်းဖက်အဖွဲ့အစည်းများ စာရင်းထဲမှာ အရင်ကတည်းက သတ်မှတ်ထားခဲ့တာ ဖြစ်ပါတယ်။

27 125

ဆေးဝါးကုန်ကြမ်း ၃၆၅ မျိုး အခွန်ကင်းလွတ်ခွင့်ပြုနိုင်ရေး ညှိနှိုင်းနေ နိုင်ငံတော်ပိုင် ဆေးဝါးလုပ်ငန်းရှိ ဆေးဝါးစက်ရုံများတွင် အသုံးပြုလျက်ရှိသော ဆေးဝါးကုန်ကြမ်း ၃၆၅ မျိုးအား ကုန်သွယ်လုပ်ငန်းခွန် ကင်းလွတ်ခွင့်ပြုနိုင်ရေးအတွက် ဆက်စပ်ဝန်ကြီးဌာနများနှင့် ညှိနှိုင်းဆောင်ရွက်လျက်ရှိကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီး ဦးထွန်းအုံက ပြောကြားသည်။ ဇွန်လ ၁၂ ရက်နေ့က ကျင်းပသည့် ပြည်သူ့လွှတ်တော်အစည်းအဝေးတွင် လွှတ်တော်ကိုယ်စားလှယ်တစ်ဦးက အခြေခံလူထု စားသောက်ကုန်နှင့် ဆေးဝါးများအပေါ် သွင်းကုန်အခွန် လျှော့ချပေးရန် အစီအစဉ်ရှိ၊ မရှိ မေးမြန်းခဲ့ရာ ပြည်ထောင်စုဝန်ကြီးက ယင်းကဲ့သို့ ဖြေကြားခဲ့ခြင်းဖြစ်သည်။ လက်ရှိတွင် ပြည်တွင်းဆေးဝါးထုတ်လုပ်မှု တိုးတက်ဖွံ့ဖြိုးစေရန်နှင့် ဆေးဝါးထုတ်လုပ်မှုကုန်ကျစရိတ် လျှော့ချနိုင်စေရန်အတွက် ဆေးဝါးကုန်ကြမ်း ၄၅၄ မျိုးကို ကုန်သွယ်လုပ်ငန်းခွန် ကင်းလွတ်ခွင့်ပြုထားကြောင်း သိရသည်။ သတင်းအပြည့်အစုံဖတ်ရန်>> https://www.popularmyanmar.com/ဆေးဝါးကုန်ကြမ်း-၃၆၅-မျို/

27 125

ကမ္ဘာ့ဖလား ဖွင့်ပွဲစင်မြင့်ပေါ် တက်ရောက်ဖျော်ဖြေသည့် ပထမဆုံး အရှေ့တောင်အာရှ အနုပညာရှင်အဖြစ် မှတ်တမ်းဝင်ခဲ့သည့် လီဆာ ထိုင်းနိုင်ငံက ကမ္ဘာကျော် အဆိုတော် လီဆာသည် ကမ္ဘာ့ဖလားပြိုင်ပွဲကြီး၏ ဖွင့်ပွဲအခမ်းအနားတွင် ဖျော်ဖြေခွင့်ရရှိသည့် ပထမဆုံး အရှေ့တောင်အာရှ အနုပညာရှင်အဖြစ် သမိုင်းမှတ်တမ်းသစ်တစ်ခု ရေးထိုးနိုင်ခဲ့သည်။ ဇွန်လ (၁၂) ရက်နေ့က အမေရိကန်နိုင်ငံ၊ လော့စ်အန်ဂျလိစ်မြို့ရှိ SoFi Stadium တွင် ကျင်းပသည့် ဖွင့်ပွဲအခမ်းအနား၌ လီဆာက “Goals” သီချင်းဖြင့်ဖျော်ဖြေတင်ဆက်ခဲ့ကာ အဆိုပါ ကမ္ဘာ့ဖလား ဂုဏ်ပြုသီချင်းတွင် ဘရာဇီးအဆိုတော် အနစ်တာနှင့် နိုက်ဂျီးရီးယားအဆိုတော် ရမ်မာတို့လည်း အတူပူးပေါင်း သီဆိုဖျော်ဖြေခဲ့ကြသည်။ အသက် (၂၉) နှစ်အရွယ် လီဆာသည် K-Pop အမျိုးသမီးအဖွဲ့ Blackpink ၏ အဖွဲ့ဝင်တစ်ဦးအဖြစ် ကမ္ဘာတစ်ဝန်း ကျော်ကြားလာခဲ့သူဖြစ်ပြီး ယခုဖျော်ဖြေမှုကြောင့် အရှေ့တောင်အာရှ ဂီတလောကအတွက် ဂုဏ်ယူဖွယ် မှတ်တိုင်တစ်ခုကို စိုက်ထူနိုင်ခဲ့သည်။ သတင်းအပြည့်အစုံဖတ်ရန်>> https://www.popularmyanmar.com/ကမ္ဘာ့ဖလား-ဖွင့်ပွဲစင်မ/

27 125

နယ်မြေအခြေအနေနှင့် ခရီးသွားလာရေးအခက်အခဲများကြောင့် ထမံသီဘေးမဲ့တောသို့ လာရောက်မည့် ခရီးသွားများကို ငြင်းပယ်နေရ စစ်ကိုင်းတိုင်း၊ ခန္တီးခရိုင်အတွင်းရှိ ထမံသီဘေးမဲ့တောသို့ လာရောက်လေ့လာလိုသည့် ခရီးသွားများရှိနေသော်လည်း နယ်မြေအခြေအနေမတည်ငြိမ်မှုနှင့် ခရီးသွားလာရေးအခက်အခဲများကြောင့် လုံခြုံရေးအာမမခံနိုင်သဖြင့် ခရီးစဉ်များကို ငြင်းပယ်နေရကြောင်း ဒေသခံများထံမှ သိရသည်။ ထမံသီဘေးမဲ့တောသည် ယခင်က နိုင်ငံခြားသားခရီးသွားများနှင့် သဘာဝပတ်ဝန်းကျင်ထိန်းသိမ်းရေးဆိုင်ရာ လေ့လာသူများ စိတ်ဝင်စားစွာ လာရောက်လေ့လာလေ့ရှိသည့် နေရာတစ်ခုဖြစ်ခဲ့သော်လည်း နောက်ပိုင်း ဒေသတွင်းအခြေအနေများကြောင့် လေ့လာရေးခရီးစဉ်များ ရပ်ဆိုင်းထားရခြင်းဖြစ်ကြောင်း သိရသည်။ "နယ်မြေဒေသကမတည်ငြိမ်တော့ ဒေသခံတွေတောင်အကုန်လုံးနဲ့အဆက်အသွယ်ပြတ်နေတာ။ သွားလာရေးလည်းမလွယ်ကူတော့ဘူး။ လေ့လာရေးခရီးစဥ်ဆိုပိုလို့တောင်မရဘူး။ နှမြောဖို့ကောင်းတယ်။ အရင်တုန်းက နိုင်ငံခြားသားဧည့်သည်တွေ အလွန်စိတ်ဝင်စားတဲ့နေရာ" ဟု ဧည့်လမ်းညွှန်တစ်ဦးကပြောသည်။ သတင်းအပြည့်အစုံဖတ်ရန်>> https://www.popularmyanmar.com/နယ်မြေအခြေအနေနှင့်-ခရီး/

27 125

မုတ်သုံလေအားကောင်းနေသဖြင့် ကချင်နှင့် စစ်ကိုင်းတိုင်းအထက်ပိုင်းဒေသများတွင် မိုးသည်းထန်စွာ ရွာသွန်းနိုင် ကျောက်စိမ်းနှင့် သတ္တုတူးဖော်ရေးလုပ်ငန်းများ မြေစာပုံအနီးလုပ်ငန်းခွင်ဝင်သူများ သတိပြုရန် အကြံပြု ကချင်ပြည်နယ်နှင့် စစ်ကိုင်းတိုင်းအထက်ပိုင်း ဒေသများတွင် မုတ်သုံလေ အားကောင်းနေခြင်းကြောင့် လာမည့် ၄ ရက်မှ ၅ ရက်အတွင်း (ဇွန်လ ၁၄ ရက်မှ ဇွန်လ ၁၈ ရက် ဝန်းကျင်အထိ) တနိုင်း၊ ဖားကန့် နှင့် ခန္တီး မြို့နယ်များ၌ မိုးသည်းထန်စွာရွာသွန်းပြီး လေပြင်းတိုက်ခတ်နိုင်ခြေ မြင့်မားနေကြောင်း ပြင်ပမိုးလေဝသပညာရှင် ဦးဝင်းနိုင်က ယနေ့တွင် အသိပေးထုတ်ပြန်ထားသည်။ မိုးလေဝသခန့်မှန်းချက် အချက်အလက်များအရ ဖြစ်ပေါ်လာနိုင်သည့် ပြင်းထန်မိုးလေဝသအခြေအနေများကို အောက်ပါအတိုင်း သုံးသပ်တင်ပြအပ်ပါသည် - သတင်းအပြည့်အစုံဖတ်ရန်>> https://www.popularmyanmar.com/မုတ်သုံလေအားကောင်းနေသဖ/

27 125

MFF ဥက္ကဌသစ် ရွေးကောက်ပွဲကို ရှေ့နှစ် ဇူလိုင်တွင် ပြုလုပ်မည်၊ ဦးဇော်ဇော် အနားယူမည် မြန်မာနိုင်ငံဘောလုံးအဖွဲ့ချုပ် (MFF) သည် ဥက္ကဌသစ်ရွေးကောက်ပွဲကို ၂၀၂၇ ဇူလိုင်လတွင် ပြုလုပ်မည် ဖြစ်သည်။ “ဥက္ကဌသစ် ရွေးချယ်တင်မြှောက်ရေးအတွက် အမှုဆောင်ရွေးကောက်ပွဲကို ၂၀၂၇ ခုနှစ်၊ ဇူလိုင်လအတွင်း ပြုလုပ်သွားမှာဖြစ်တယ်” ဟု လက်ရှိ ဥက္ကဌဖြစ်သူ ဦးဇော်ဇော်က ပြီးခဲ့သည့် ဇွန် (၁၁) ရက်က ပြုလုပ်ခဲ့သည့် မြန်မာအမျိုးသမီးလိဂ်ပြိုင်ပွဲအတွက် Official Partnership Signing Ceremony ၌ တရားဝင်ထုတ်ဖော်ပြောကြားခဲ့သည်။ သူ့အနေဖြင့်လည်း လာမည့်နှစ်အတွင်း၌ ဥက္ကဌ ရာထူးသက်တမ်းကုန်ဆုံးမည် ဖြစ်ကာ တစ်နှစ်အလိုဖြစ်သည့် ယခု အချိန်ကတည်းက ကြိုတင်ပြောကြားထားရခြင်းဖြစ်ကြောင်းလည်းဆိုသည်။ မည်သူမဆို MFF ဥက္ကဌနေရာအတွက် ဝင်ရောက်ရွေးချယ်ခံနိုင်ကာ ကျင်းပပြီးစီးခဲ့သည့် MFF ရွေးကောက်ပွဲ (၃) ကြိမ်စလုံး၌ MFF ဥက္ကဌရာထူးအတွက် ဝင်ရောက်အရွေးခံမည့် ပုဂ္ဂိုလ်မထွက်လာဖူးသေးပေ။ သတင်းအပြည့်အစုံဖတ်ရန်>> https://www.popularmyanmar.com/mff-ဥက္ကဌသစ်-ရွေးကောက်ပွဲက/

27 125

အိမ်ရှင် အမေရိကန်အသင်း အဖွင့်ပွဲမှာ ပါရာဂွေးကို ဂိုးပြတ်အနိုင်ယူ၊ အုပ်စု (D) ထိပ်ဆုံးတက် ၂၀၂၆ ကမ္ဘာ့ဖလား ဘောလုံးပြိုင်ပွဲ အုပ်စု (D) အဖွင့်ယှဉ်ပြိုင်မှုတွင် အိမ်ရှင် အမေရိကန်အသင်းက ပါရာဂွေးအသင်းကို (၄) ဂိုး-(၁) ဂိုးဖြင့် အနိုင်ရရှိကာ အုပ်စုဇယားထိပ်ဆုံးနေရာကို ရယူနိုင်ခဲ့သည်။ လော့စ်အိန်ဂျလိစ်မြို့၌ ကျင်းပခဲ့သည့် အဆိုပါပွဲစဉ်တွင် အမေရိကန်အသင်းသည် ပွဲအစပိုင်းမှစ၍ ကစားပုံအသာစီးရယူနိုင်ခဲ့ပြီး တိုက်စစ်ဆင်မှုများဖြင့် ပါရာဂွေးခံစစ်ကို ဖိအားပေးကစားခဲ့သည်။ ထို့ကြောင့် ပထမပိုင်းအပြီးတွင် သုံးဂိုးပြတ် ဦးဆောင်နိုင်ခဲ့သည်။ ဒုတိယပိုင်းတွင် ပါရာဂွေးအသင်းက ချေပဂိုးတစ်ဂိုး သွင်းယူနိုင်ခဲ့သော်လည်း အမေရိကန်အသင်းက ပွဲပြီးဆုံးခါနီး နောက်ထပ်တစ်ဂိုး ထပ်မံရယူနိုင်ခဲ့သဖြင့် (၄)ဂိုး (၁) ဂိုးဖြင့် အနိုင်ရလဒ်ကို အတည် ပြုနိုင်ခဲ့သည်။ သတင်းအပြည့်အစုံဖတ်ရန်>> https://www.popularmyanmar.com/အိမ်ရှင်-အမေရိကန်အသင်း-အ/

27 125

နိုင်ငံတော်အဆင့် သစ်ပင်စိုက်ပျိုးပွဲ နိုင်ငံတော်သမ္မတက မဟော်ဂနီပင်ကို ဦးဆောင်စိုက်ပျိုး နိုင်ငံတော်အဆင့် ၂၀၂၆ ခုနှစ် ပထမအကြိမ် မိုးရာသစ်ပင်စိုက်ပျိုးပွဲကို ယနေ့ ဇွန် ၁၃ ရက်က နေပြည် တော်အပါအဝင် တိုင်းနှင့်ပြည်နယ်အသီးသီး၌ တစ်ရက်တည်း/တစ်ချိန်တည်းစိုက်ပျိုးခဲ့ကြကြောင်း သိရသည်။ နေပြည်တော်၌ပြုလုပ်သည့် မိုးရာသီသစ်ပင်စိုက်ပျိုးပွဲသို့ နိုင်ငံတော်သမ္မတ ဦးမင်းအောင်လှိုင်တက်ရောက် ၍ မဟော်ဂနီပင်ကို ဦးဆောင်စိုက်ပျိုးပေးခဲ့ကြောင်း သိရသည်။ ယနေ့တွင် တစ်နိုင်ငံလုံးအတိုင်းအတာအနေဖြင့် သစ် ပင်စိုက်ပျိုးပွဲတော်(၇၅)ပွဲတွင် အပင်ပေါင်း (၅၄,၈၁၀)ပင်ကိုစိုက်ပျိုးခဲ့ကြကြောင်း သိရသည်။

27 125

လဝက၏ (၃၁)နှစ်မြောက် နှစ်ပတ်လည်နေ့အထိမ်းအမှတ်စုပေါင်းသွေးလှူဒါန်း လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၏ ဇွန် ၁၅ ရက်တွင်ကျရောက်မည့် (၃၁) နှစ်မြောက်နှစ် ပတ်လည်နေ့ကို ကြိုဆိုဂုဏ်ပြုသည့်အနေဖြင့် ဝန်ကြီးရုံးနှင့် ဦးစီးဌာနများမှဝန်ထမ်းများက ဇွန် ၁၂ ရက်နံနက်ပိုင်းတွင် နေပြည်တော်ပြည်သူ့ဆေးရုံကြီး (ခုတင်-၁၀၀၀) ရှိ သွေးလှူဘဏ်ခန်းမဆောင်၌ စုပေါင်းသွေးလှူဒါန်းခဲ့ကြသည်။ ထိုသို့ စုပေါင်းသွေးလှူဒါန်းမှုကို လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီးဦးမြင့်ကြိုင်၊ ကျန်းမာရေးဝန်ကြီးဌာန ပြည်ထောင်စုဝန် ကြီးဒေါက်တာသက်ခိုင်ဝင်းနှင့် တာဝန်ရှိသူများကြည့်ရှုအားပေးခဲ့ကြသည်။ ကျန်းမာရေးဝန်ထမ်းများကသွေးလှူဒါန်းမည့် ဝန်ထမ်းများအား သွေးပေါင်ချိန်တိုင်းစစ်ဆေးမှု၊ သွေးအမျိုးအစားခွဲခြားသတ်မှတ်မှုနှင့် သွေးအလှူရှင်အား နည်းပညာအသုံးပြုမှတ်တမ်းတင်နေမှုတို့ကိုကြည့်ရှုပြီး သွေးလှူရှင်များကိုအာဟာရဖြည့်စွက်စာများ ထောက်ပံ့ပေးအပ်ခဲ့ကြသည်။

27 125

အထူးကုဆရာဝန်ကြီးများက ကျောက်မဲမြို့နှင့် အနီးတစ်ဝိုက်မှ ဒေသခံတိုင်းရင်းသားပြည်သူများအား ကျန်းမာရေးစောင့်ရှောက်မှုပေး လားရှိုးပြည်သူ့ ဆေးရုံကြီးနှင့် ကျောက်မဲပြည်သူ့ဆေးရုံမှ အထူးကုဆရာဝန်ကြီးများသည် ကျောက်မဲမြို့နှင့် အနီးတစ်ဝိုက်မှ ဒေသခံတိုင်းရင်းသားပြည်သူများအား ကျန်းမာရေးစောင့်ရှောက်မှု ဆောင်ရွက်ပေးခဲ့ကြသည်။ ကွင်းဆင်းကျန်းမာရေး စောင့်ရှောက်မှုအနေဖြင့် လာရောက်ပြသသူများအား နှစ်သိမ့်ဆွေးနွေးပညာပေး၍ အိပ်ချ်အိုင်ဗွီ၊ ကာလသားရောဂါနှင့် ဌက်ဖျားရောဂါပိုး ရှိ၊ မရှိ သွေးစစ်ဆေးပေးခြင်း၊ ဆေးစိမ်ခြင်ထောင်များ ဖြန့်ဝေပေးခြင်းတို့ကို ဆောင်ရွက်ပေးခြင်း ဖြစ်သည်။ သတင်းအပြည့်အစုံဖတ်ရန်>> https://www.popularmyanmar.com/အထူးကုဆရာဝန်ကြီးများက-က/