Popular Journal

၄ ပွဲဆက် နိုင်ပွဲနှင့်အတူ အ မှတ်ပေးဇယားထိပ်တွင် ဆက်လက်ရပ်တည်နိုင်ခဲ့သည့် ISPE FC အသင်း Myanmar Women's League 2026-27 Week-4 ပွဲစဉ်ကောင်းဖြစ်သည့် ISPE FC နှင့် ရန်ကုန်ယူနိုက်တက်အက်ဖ်စီအသင်းတို့ ပွဲစဉ်က ပြီးဆုံးသွားခဲ့ပြီဖြစ်သည်။ ယမန်နေ့က ပဒုမ္မာကွင်း၌ကျင်းပခဲ့သည့်ပွဲစဉ်တဥ် ISPE FC အသင်းက ရန်ကုန်ယူနိုက်တက်အသင်းကို နှစ်ဂိုးပြတ်ဖြင့် အ နိုင် ရရှိသွားခဲ့ခြင်းဖြစ်သည်။ ပွဲစတင်တည်းက နှစ်သင်းစလုံးအနိုင်ရရှိ‌ရေး ဦးတည်ကြိုးပမ်းခဲ့ပေမယ့် ပွဲချိန်ကြာလာသည်နှင့်အတူ ISPE FC အသင်းက ပွဲကို ထိန်းချုပ်ကစားသွားနိုင်ခဲ့သည်ကို တွေ့ရသည်။ အရန်လူအင်အား သာလွန်မှုက ISPE FC အတွက် ခွန်အားတရပ်ဖြစ်ခဲ့ပြီး အနိုင်ဂိုးများကို လင်းမြင့်မိုရ်နှင့် မိမိဇင်တို့က ၁၅ မိနစ်၊ ၄၀ မိနစ်တို့တွင် အသီးသီး သွင်းယူပေးခဲ့သည်။ ပွဲအနိုင်ရလဒ်ကြောင့် ISPE FC အသင်းအနေဖြင့်ရမှတ် (၁၂) မှတ်နှင့် အမှတ်ပေးဇယားကို ဦးဆောင်နိုင်ထားနိုင်ခဲ့သည်။

အာဆီယံ ဘုံသဘောတူညီချက် ၅ ရပ် နှင့်ပတ်သက်သည့် အဆိုကို ဇူလိုင် ၉ ရက် တွင် အပြီးသတ်ဆုံးဖြတ်ရန် လျာထား ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (USDP) ၏ ပြည်သူ့လွှတ်တော်ကိုယ်စားလှယ် ဒေါက်တာနန္ဒာလှမြင့် တင်သွင်းထားသည့် “အာဆီယံဘုံသဘောတူညီချက် ၅ ချက် (Five-Point Consensus) ကို ပြန်လည်သုံးသပ်ရန် တိုက်တွန်းချက်အဆို” ကို လာမည့် ဇူလိုင်လ ၉ ရက်နေ့ ပြည်ထောင်စုလွှတ်တော်အစည်းအဝေးတွင် အပြီးသတ် ဆုံးဖြတ်ချက်ချမှတ်ရန် လျာထားကြောင်းယနေ့ကျင်းပသည့် ပြည်ထောင်စုလွှတ်တော်အစည်းဝေးတွင် နာယက က ကြေညာခဲ့ကြောင်း သိရသည်။ အဆိုပါအဆိုကို ဇွန်လ ၂၆ ရက်နေ့က စတင်တင်သွင်းခဲ့ခြင်းဖြစ်ပြီး၊ အာဆီယံ၏ လုပ်ဆောင်ချက်များသည် မြန်မာနိုင်ငံ၏ အချုပ်အခြာအာဏာနှင့် ပြည်တွင်းရေးကို စွက်ဖက်နေကြောင်း၊ ရွေးကောက်ပွဲအပြီး ပေါ်ပေါက်လာသည့် ပကတိနိုင်ငံရေးအခြေအနေများနှင့် ကိုက်ညီမှုမရှိတော့သဖြင့် ပြန်လည်ပြင်ဆင်ရန် လိုအပ်ကြောင်း ထည့်သွင်းဆွေးနွေးထားသည်။ သတင်းအပြည့်အစုံဖတ်ရန်>> https://www.popularmyanmar.com/အာဆီယံ-ဘုံသဘောတူညီချက်-၅/

လျှပ်စစ်မော်တော်ယာဉ် (EV) အစီး ၂၀ တင်သွင်းရောက်ရှိပြီး စစ်ဆေးထုတ်ပေး လျှပ်စစ်မော်တော်ယာဉ် (EV) စုစုပေါင်း အစီး ၂၀ သည် ရန်ကုန်မြို့ရှိ ဆိပ်ကမ်းများသို့ အသီးသီး ဆိုက်ရောက်လာပြီးနောက် သက်ဆိုင်ရာ ပူးပေါင်းအဖွဲ့ဖြင့် စစ်ဆေးထုတ်ပေးခဲ့ပြီးဖြစ်ကြောင်း သိရသည်။ ယင်း လျှပ်စစ်မော်တော်ယာဉ် (EV) ကားများကို အမျိုးသားအဆင့် လျှပ်စစ်သုံးယာဉ်နှင့် ဆက်စပ်လုပ်ငန်းများ ဖွံ့ဖြိုးတိုးတက်ရေး ဦးဆောင်ကော်မတီ၏ ခွင့်ပြုချက်ဖြင့် တင်သွင်းလာခြင်း ဖြစ်သည်။ အဆိုပါ လျှပ်စစ်မော်တော်ယာဉ်များအနက် အေးရှားဝေါလ်ဆိပ်ကမ်းရှိ ယာဉ် ၁၅ စီးကို ဇွန်လ ၃၀ ရက်နေ့တွင်လည်းကောင်း၊ သီလဝါဆိပ်ကမ်းရှိ ယာဉ် ၂ စီးကို ဇွန်လ ၃၀ ရက်နေ့နှင့် ကျန် ၃ စီးကို ဇူလိုင်လ ၁ ရက်နေ့တွင်လည်းကောင်း စစ်ဆေးမှုများ ပြုလုပ်ခဲ့သည်။ တင်သွင်းလာသည့် EV ယာဉ်များကို ဇူလိုင်လ ၃ ရက်နေ့တွင် လုပ်ထုံးလုပ်နည်းများနှင့်အညီ စနစ်တကျ စစ်ဆေးထုတ်ပေးခဲ့ပြီး၊ ၎င်းတင်သွင်းမှုများအတွက် သတ်မှတ်အခွန်အခများ ကောက်ခံထားရှိပြီးဖြစ်ကြောင်း သိရသည်။

သီရိလင်္ကာထောင်တွင်းအဓိကရုဏ်းဖြစ်၍ လူ ၂၆ ဦးထက်မနည်း ‌ေ-သဆုံး သီရိလင်္ကာနိုင်ငံတွင် နှစ်များစွာအတွင်း အဆိုးဆုံး ထောင်တွင်းအဓိကရုဏ်းဖြစ်ပွားမှုကြောင့် လူ ၂၆ ဦးထက်မနည်း ‌ေ-သဆုံးခဲ့ကာ ၁၀၀ ကျော် ဒ-ဏ်ရာရရှိခဲ့သည်။ မြို့တော်ကိုလံဘို၏ မြောက်ဘက် ၂၂ မိုင်အကွာရှိ နီဂွမ်ဘိုအကျဉ်းထောင်တွင် တနင်္ဂနွေနေ့မှစ၍ ပြိုင်ဘက် အကျဉ်းသားအုပ်စုများအကြား တိုက်ခိုက်မှုများဖြစ်ပွားခဲ့ပြီး တနင်္လာနေ့တွင် ပိုမိုဆိုးရွားသွားခဲ့ကြောင်း ဒေသခံမီဒီယာများနှင့် ရဲတပ်ဖွဲ့၏ အဆိုအရ သိရသည်။ နှစ်ကြီးအကျဉ်းသားများနှင့် ယာယီထိန်းသိမ်းခံထားရသူများအကြား ပဋိပက္ခဖြစ်ပွားခဲ့သည့် တနင်္ဂနွေနေ့တွင် အကျဉ်းသားနှစ်ဦး ‌ေ-သဆုံးခဲ့သည်။ ပဋိပက္ခအခြေအနေ ပိုဆိုးလာသော တနင်္လာနေ့တွင် ထောင်အရာရှိ ခြောက်ဦး အပါအဝင် လူ ၂၃ ဦး ‌ေ-သဆုံးခဲ့သည်။ 'အကျဉ်းသားတွေကို မနက်စာကျွေးနေချိန်မှာ ရန်ပွဲဖြစ်ခဲ့တာပါ" ဟု အကျဉ်းဦးစီးဌာန၏ ပြောရေးဆိုခွင့်ရှိသူ ချာမီကာ ဂါဂျာနာယက်က အကျဉ်းထောင်အနီးတွင် သတင်းထောက်များကို ပြောကြားခဲ့သည်။ သတင်းအပြည့်အစုံဖတ်ရန်>> https://www.popularmyanmar.com/သီရိလင်္ကာထောင်တွင်းအဓ/

မိုးရာသီ တိမ်ခိုးအလှနှင့် လမ်းဘေးလူမှုဘဝ ရှုခင်းများ မြင်ရသည့်လာအိုရထားလမ်း လာအိုနိုင်ငံ၏ မြို့တော် ဗီယန်ကျင်းမှ ကမ္ဘာ့ရှေးဟောင်းအမွေအနှစ်မြို့တော် လွန်ပရာဘန်း သို့ အမြန် ရထားဖြင့် ခရီးနှင်သည့်အခါ ရထားပြတင်းပေါက်မှတစ်ဆင့် မြင်တွေ့ရသည့် မြင်ကွင်းများသည် ရာသီအလိုက် အမျိုးမျိုး ထူးခြားဆန်းပြားစွာ ပြောင်းလဲနေတတ်သည်။ အထူးသဖြင့် ယခုကဲ့သို့ မိုးရာသီကာလတွင်မူ ထိုရထားလမ်းတစ်လျှောက်ရှိ သဘာဝတရား၏ အလှအပများသည် ပန်းချီကားတစ်ချပ်ထက်ပင် ပိုမိုသက်ဝင် စွဲမက်ဖွယ်ကောင်းလှသည်။ မိုးဦးကျကာလ၏ ကောင်းကင်ယံထက်တွင် ဆိုင်းထနေသည့် အဖြူရောင် တိမ်တောင်ကြီးများသည် စိမ်းစိုမှိုင်းညို့နေသည့်တောင်တန်းကြီးများနှင့် အလှချင်းပြိုင်နေကြသည်။ ထို့ပြင် တောင်ကြားများအကြား စီးမျောနေသည့် တိမ်ခိုးတိမ်ငွေ့လွှာများသည် လေအဝှေ့တွင် ကခုန်ရင်း မြေပြင်ဆီသို့ တဖြည်းဖြည်း နိမ့်ဆင်းလာတတ်ရာ၊ အချို့သော နေရာများတွင် အဆိုပါ တိမ်ခိုးဖြူဖြူလေးများသည် စိမ်းလန်းလှသည့် တောများနှင့် လက်ဆုံကျကာ ရစ်ပတ်ဆိုင်းဖွဲ့နေပုံမှာကြည်နူးစဖွယ် ခံစားရသည်။ သတင်းအပြည့်အစုံဖတ်ရန်>> https://www.popularmyanmar.com/မိုးရာသီ-တိမ်ခိုးအလှနှင/

ယခုရက်ပိုင်းအတွင်းထိုင်းနိုင်ငံအဝင် လဝက နှစ်နာရီကြာတန်းစီရ ဘန်ကောက်မြို့ရှိ သုဝဏ္ဏဘူမိလေဆိပ် (Suvarnabhumi Airport) တွင် လူဝင်မှုကြီးကြပ်ရေး (လဝက) စစ်ဆေးရေးဂိတ်၌ တန်းစီစောင့်ဆိုင်းရသည့် လူတန်းကြီး ရှည်လျားလွန်းလှသဖြင့် နိုင်ငံခြားသားကမ္ဘာလှည့်ခရီးသွားများက လူမှုကွန်ရက်စာမျက်နှာများထက်တွင် ယခုရက်ပိုင်းအတွင်း တစ်ကျော့ပြန် ပြစ်တင်ဝေဖန်မှုများ ပြုလုပ်လာကြသည်။မိုးရာသီ ဖြစ်နေသည့်တိုင် ခရီးသွားများခြင်းမှာ အံ့ဩစရာပင်ဖြစ်သည်။ ခရီးသွားတစ်ဦးက လူဦးရေအလွန်အမင်း ပြည့်နှက်နေသည့် ဆိုက်ရောက်ခန်းမဆောင်ကြီး၏ ဓာတ်ပုံကို မျှဝေခဲ့ပြီး၊ လဝကစစ်ဆေးမှု ပြီးမြောက်ရန်အတွက် နှစ်နာရီနီးပါး ကြာမြင့်ခဲ့ကြောင်း ပြောကြားခဲ့သည်။ ထို့အပြင် ဂျပန်နိုင်ငံမှ လာရောက်သည့် အခြားခရီးသွားတစ်ဦးကလည်း လေဆိပ်၏ ပုံမှန်လဝကစစ်ဆေးရေးဂိတ်များရှိ တန်းစီစောင့်ဆိုင်းနေရသည့် အခြေအနေကို "လူဦးရေအလုံးအရင်းနှင့် လုံးဝထိန်းမနိုင်သိမ်းမရ ဖြစ်နေသည်" ဟု ဖော်ပြခဲ့သည်။ သတင်းအပြည့်အစုံဖတ်ရန်>> https://www.popularmyanmar.com/ယခုရက်ပိုင်းအတွင်းထိုင/

ဗင်နီဇွဲလားနိုင်ငံတွင် ငလျင်ဘေးသင့်ပြည်သူများအတွက် မြန်မာသံအမတ်ကြီး ဝမ်းနည်းကြောင်းမှတ်တမ်းစာအုပ်၌ လက်မှတ်ရေးထိုး အီသီယိုပီးယားနိုင်ငံဆိုင်ရာ မြန်မာသံအမတ်ကြီး ဦးအောင်မင်းဦးသည် ဗင်နီဇွဲလားနိုင်ငံ၌ ဖြစ်ပွားခဲ့သည့် ငလျင်ဘေးဒဏ်ကြောင့် ထိခိုက်ဆုံးရှုံးမှုများအတွက် ဝမ်းနည်းကြောင်းဖော်ပြရန် အဒစ်အာဘာဘာမြို့ရှိ ဗင်နီဇွဲလားနိုင်ငံသံရုံးသို့ ဇူလိုင် ၆ ရက်တွင် သွားရောက်ကာ ဝမ်းနည်းကြောင်းမှတ်တမ်းစာအုပ်၌ လက်မှတ်ရေးထိုးခဲ့ကြောင်း သိရသည်။ ဗင်နီဇွဲလားနိုင်ငံသံရုံး၌ ငလျင်ဘေးအတွက် ဝမ်းနည်းကြောင်းမှတ်တမ်းစာအုပ် ဖွင့်လှစ်ထားရာ မြန်မာသံအမတ်ကြီးက မြန်မာအစိုးရနှင့် ပြည်သူများကိုယ်စား သွားရောက်လက်မှတ်ရေးထိုးခဲ့ခြင်းဖြစ်ကြောင်း သိရသည်။ ထို့ပြင် မြန်မာသံအမတ်ကြီးက ဗင်နီဇွဲလားအစိုးရနှင့် ပြည်သူများအပြင် ငလျင်ဖြစ်စဉ်ကြောင့် သေဆုံး၊ ဒဏ်ရာရရှိသူများ၏ မိသားစုဝင်များထံသို့ စာနာဝမ်းနည်းကြောင်းနှင့် နှစ်သိမ့်အားပေးစကားများကို မှတ်တမ်းစာအုပ်တွင် ရေးသားဖော်ပြခဲ့ကြောင်း သိရသည်။

Rice Export Zone စီမံကိန်းတွင် စိုက်ဧက ၃.၄ သိန်းကျော်အတွက် တစ်ဧက ကျပ် ၇.၅ သိန်း ထောက်ပံ့မည် ၂၀၂၆-၂၀၂၇ မိုးစပါးစိုက်ပျိုးရာသီအတွက် အကောင်အထည်ဖော်မည့် Rice Export Zone (REZ) စီမံကိန်းတွင် ပါဝင်သည့် စိုက်ပျိုးမြေဧက ၃.၄ သိန်းကျော်အား တစ်ဧကလျှင် ကျပ် ၇ သိန်း ၅ သောင်းနှုန်းဖြင့် ထောက်ပံ့ပေးသွားမည်ဖြစ်ကြောင်း ပြည်ထောင်စုအဆင့် Rice Export Zone လုပ်ငန်းကြီးကြပ်မှုကော်မတီက သိရသည်။ ထောက်ပံ့ငွေတွင် မြန်မာ့လယ်ယာဖွံ့ဖြိုးရေးဘဏ်မှ တစ်ဧက ကျပ် ၃ သိန်း၊ ပြည်ပတင်ပို့ကုမ္ပဏီများမှ ကျပ် ၂ သိန်းနှင့် နိုင်ငံ့စီးပွားမြှင့်တင်ရေးရန်ပုံငွေမှ ကျပ် ၂ သိန်း ၅ သောင်းတို့ ပါဝင်ပြီး စီမံကိန်းကို နေပြည်တော်ကောင်စီနယ်မြေ၊ ပဲခူးတိုင်း၊ ရန်ကုန်တိုင်းနှင့် ဧရာဝတီတိုင်းတို့တွင် အကောင်အထည်ဖော် ဆောင်ရွက်သွားမည်ဖြစ်သည်။ ထို့ပြင် မြန်မာနိုင်ငံဆန်စပါးအသင်းချုပ် (MRF) က REZ စီမံကိန်းတွင် ပို့ကုန်ကုမ္ပဏီများ၊ လယ်ယာကုန်ထုတ်သမဝါယမအသင်းများ၊ ကန်ထရိုက်လယ်ယာလုပ်ငန်းများ၊ ဆန်စက်လုပ်ငန်းရှင်များနှင့် MSMEs များကို ပူးပေါင်းပါဝင်ရန် ဖိတ်ခေါ်ထားပြီး ၂၀၃၀ ပြည့်နှစ်တွင် ဆန်တင်ပို့မှုပမာဏ တန်ချိန် ၅ သန်းအထိ တိုးမြှင့်တင်ပို့နိုင်ရန် ရည်မှန်းထားကြောင်း သိရသည်။

ဇွန်လအတွင်း ဆန်နှင့်ဆန်ကွဲ တန်ချိန် ၂၂၃,၇၁၄ တင်ပို့ပြီး အမေရိကန်ဒေါ်လာ ၇၄ သန်းရရှိ ဇွန်လအတွင်း မြန်မာနိုင်ငံမှ ပြည်ပသို့ ဆန်နှင့်ဆန်ကွဲ စုစုပေါင်း တန်ချိန် ၂၂၃,၇၁၄ တန် တင်ပို့နိုင်ခဲ့ပြီး အမေရိကန်ဒေါ်လာ ၇၄ သန်း ရရှိခဲ့ကြောင်း မြန်မာနိုင်ငံဆန်စပါးအသင်းချုပ်က ထုတ်ပြန်သည်။ တင်ပို့မှုတွင် ကုမ္ပဏီ ၄၇ ခု ပါဝင်ခဲ့ပြီး ဆန်တန်ချိန် ၁၄၅,၈၉၄ တန်နှင့် ဆန်ကွဲတန်ချိန် ၇၇,၈၂၀ တန် တင်ပို့ခဲ့ကာ ဖိလစ်ပိုင်နိုင်ငံသို့ ဆန်တန်ချိန် ၁၁၉,၉၄၃ တန်ဖြင့် အများဆုံးတင်ပို့ခဲ့ပြီး၊ ဆန်ကွဲကို တရုတ်နိုင်ငံက တန်ချိန် ၃၁,၁၄၅ တန်ဖြင့် အများဆုံး ဝယ်ယူခဲ့ကြောင်း သိရသည်။ ထို့ပြင် ၂၀၂၆-၂၀၂၇ ဘဏ္ဍာရေးနှစ် ဧပြီလမှ ဇွန်လအထိ သုံးလအတွင်း ဆန်နှင့်ဆန်ကွဲ စုစုပေါင်း တန်ချိန် ၅၂၉,၅၃၄ တန် တင်ပို့နိုင်ခဲ့ပြီး အမေရိကန်ဒေါ်လာ ၁၆၇ သန်း ရရှိခဲ့ကာ ဇွန်လသည် တင်ပို့မှုပမာဏနှင့် ပို့ကုန်ဝင်ငွေ နှစ်မျိုးစလုံး အမြင့်ဆုံးရရှိသည့်လအဖြစ် မှတ်တမ်းဝင်ခဲ့ကြောင်း သိရသည်။

တရားသူကြီးနှင့် ရှေ့နေများ၏ ကျင့်ဝတ်နီတိများကို ကျယ်ပြန့်စွာပညာပေးရန် လိုအပ်ကြောင်း လွှတ်တော်ကိုယ်စားလှယ် အကြံပြု တရားသူကြီးများနှင့် ရှေ့နေများအကြား အပြန်အလှန်လေးစားမှုနှင့် ယုံကြည်မှု တိုးမြှင့်နိုင်ရေးအတွက် လိုက်နာရမည့် ကျင့်ဝတ်နီတိ (Code of Conduct) များကို ကျယ်ပြန့်စွာပညာပေးရန်နှင့် နှစ်ဖက်ပါဝင်သည့် Joint Training Program များကို ပိုမိုဆောင်ရွက်ရန် လိုအပ်ကြောင်း မြောက်ဥက္ကလာပမဲဆန္ဒနယ်မှ ဦးနေလင်းအောင်က ပြည်သူ့လွှတ်တော်တွင် အကြံပြုပြောကြားခဲ့သည်။ ယင်းအပေါ် ပြည်ထောင်စုတရားလွှတ်တော်ချုပ်တရားသူကြီး ဦးသောင်းနိုင်က ရှေ့နေများနှင့် တရားသူကြီးများအတွက် ကျင့်ဝတ်သိက္ခာဆိုင်ရာ သင်တန်းများနှင့် အသိပညာပေးအစီအစဉ်များကို ဆောင်ရွက်လျက်ရှိပြီး Joint Training Program များကိုလည်း ဆက်လက်တိုးချဲ့ဆောင်ရွက်သွားမည်ဖြစ်ကြောင်း ပြန်လည်ဖြေကြားခဲ့သည်။ သတင်းအပြည့်အစုံဖတ်ရန်>> https://www.popularmyanmar.com/တရားသူကြီးနှင့်-ရှေ့နေမ/

အားကစားသည် နိုင်ငံ၏ဂုဏ်သိက္ခာနှင့် နိုင်ငံတကာချစ်ကြည်ရေး မြှင့်တင်ရာတွင် အရေးပါကြောင်း ဒုတိယဝန်ကြီးပြော အားကစားသည် နိုင်ငံတစ်နိုင်ငံ၏ ဂုဏ်သိက္ခာ၊ နိုင်ငံတကာပူးပေါင်းဆောင်ရွက်မှုနှင့် ချစ်ကြည်ရင်းနှီးမှုကို မြှင့်တင်ပေးရာတွင် အရေးပါသည့် အခန်းကဏ္ဍတစ်ခုဖြစ်ကြောင်း အားကစားရေးရာဝန်ကြီးဌာန ဒုတိယဝန်ကြီးနှင့် မြန်မာနိုင်ငံအိုလံပစ်ကော်မတီ ဒုတိယဥက္ကဋ္ဌ/အထွေထွေအတွင်းရေးမှူး ဦးညီညီက ပြောကြားသည်။ ဇူလိုင် ၆ ရက်က ဖွင့်လှစ်သည့် Strengthening International Communication Skills for Staff သင်တန်းဖွင့်ပွဲတွင် ၎င်းက အားကစားဖွံ့ဖြိုးတိုးတက်ရေးအတွက် အားကစားသမားများ၏ စွမ်းဆောင်ရည်သာမက သတင်းအပြည့်အစုံဖတ်ရန်>>

ဟူပေပြည်နယ်၌ မိုးသက်လေပြင်းတိုက်ခတ်မှုကြောင့် ၈ ဦး‌ေ-သဆုံး၊ ၁ ဦးပျောက်ဆုံး တရုတ်နိုင်ငံ ဟူပေပြည်နယ် အရှေ့ပိုင်းဒေသများတွင် မိုးသက်လေပြင်းများနှင့် လေမုန်တိုင်းများ တိုက်ခတ်မှုကြောင့် လူ ၈ ဦး ‌ေ-သဆုံးပြီး ၁ ဦး ပျောက်ဆုံးနေကြောင်း ပြည်နယ်အရေးပေါ်စီမံခန့်ခွဲမှုအာဏာပိုင်များက ထုတ်ပြန်သည်။ တနင်္လာနေ့ ညပိုင်းက ဟွမ်ရှီ၊ ဟွမ်ကန်း၊ အော်ကျိုးနှင့် စန်းနင်မြို့များတွင် မိုးသက်လေပြင်းများ တိုက်ခတ်ခဲ့ပြီး အချို့ဒေသများတွင် လေဆင်နှာမောင်းများ ကျရောက်ခဲ့ကာ ကျေးရွာနှစ်ရွာ၌ လေပြင်းအား အဆင့်-၁၃ အထိ တိုက်ခတ်ခဲ့ကြောင်း သိရသည်။ အင်္ဂါနေ့ နံနက် ၅ နာရီအထိ စာရင်းများအရ ဟွမ်ကန်းမြို့ ဟွမ်ကျိုးခရိုင်ရှိ ရပ်ကွက်သုံးခုတွင် လူ ၂၇၅ ဦး ထိခိုက်ဒဏ်ရာရရှိခဲ့ပြီး ဒေသခံ ၄၀၈ ဦးကို ဘေးလွတ်ရာသို့ ရွှေ့ပြောင်းပေးထားကာ အရေးပေါ်ရှာဖွေကယ်ဆယ်ရေးနှင့် ထောက်ပံ့ကူညီရေးလုပ်ငန်းများကို ဆက်လက်ဆောင်ရွက်လျက်ရှိကြောင်း သိရသည်။

အဖျက်စွမ်းအားကြီးသော တိုင်ဖွန်းမုန်တိုင်းအိုကီနာဝါသို့ဝင်လာနိုင် တိုကျို၊ ဇူလိုင်လ ၇ ရက် အလွန်ကြီးမားပြီး အဖျက်စွမ်းအားပြင်းထန်သော အပူပိုင်းမုန်တိုင်း “တိုင်ဖွန်း ဗာဗီ” (Typhoon Bavi) သည် ယခုသီတင်းပတ်နှောင်းပိုင်းတွင် ဂျပန်နိုင်ငံတောင်ပိုင်း အိုကီနာဝါခရိုင် သို့ အင်အားပြင်းစွာဖြင့် ချဉ်းကပ်လာနိုင်ကြောင်း ဂျပန်မိုးလေဝသအေဂျင်စီ (JMA) က အင်္ဂါနေ့ (ဇူလိုင် ၇ ရက်) တွင် သတိပေးထုတ်ပြန်လိုက်သည်။ ဂျပန်မိုးလေဝသအေဂျင်စီ၏ သတင်း ထုတ်ပြန်ချက်အရ ယခုနှစ်၏ (၉) ကြိမ်မြောက် တိုင်ဖွန်းမုန်တိုင်းဖြစ်သော “ဗာဗီ” သည် အင်္ဂါနေ့ ဒေသစံတော်ချိန် နံနက် ၃ နာရီခွဲခန့်တွင် ပစိဖိတ်သမုဒ္ဒရာအတွင်းရှိ မာရီယာနာကျွန်းစုအနီး၌ အနောက်ဘက်သို့ တစ်နာရီလျှင် ၃၀ ကီလိုမီတာနှုန်းဖြင့် ရွေ့လျားနေသည်။ မုန်တိုင်းဗဟိုချက်အနီးတွင် လေဖိအား ၉၂၀ ဟက်တိုပါစကယ် ရှိပြီး အမြင့်ဆုံးလေပြင်းတိုက်ခတ်မှုနှုန်းမှာ တစ်နာရီလျှင် ၂၇၀ ကီလိုမီတာအထိ ရှိနေသည်။ သတင်းအပြည့်အစုံဖတ်ရန်>> https://www.popularmyanmar.com/အဖျက်စွမ်းအားကြီးသော-တိ/

အာဆီယံဆိုင်ရာအဆိုကို ပြည်ထောင်စုလွှတ်တော်တွင် ယနေ့ဆွေးနွေးမည် ပြည်ထောင်စုလွှတ်တော်တွင် ယနေ့ ကျင်းပသည့် ဒုတိယပုံမှန်အစည်းအဝေး၌ ကလောမဲဆန္ဒနယ်မြေမှ တင်သွင်းထားသော အာဆီယံနှင့် သက်ဆိုင်သည့် အဆိုတစ်ရပ်အား အကျေအလည် ဆွေးနွေးရန် လွှတ်တော်ကိုယ်စားလှယ် ၁၂ ဦးအား အချိန်ခွဲဝေ လျာထားကြောင်း သိရသည်။ အဆိုပါ ဆွေးနွေးမှုတွင် ပါဝင်ဆွေးနွေးရန်အတွက် တိုင်းဒေသကြီးနှင့် ပြည်နယ်အသီးသီးမှ လွှတ်တော်ကိုယ်စားလှယ်များဖြစ်ကြသည့် ဦးစိုးကျော်နိုင် (ကျွန်းစု)၊ ဒေါ်မာလာဆန်း (ရှမ်း-၂)၊ ဦးအောင်ကျော်သူ (မလှိုင်)၊ ဒေါ်မိမိကျော်ထွန်း (ကချင်-၄)၊ ဦးသန်းအေး (ခ) ဦးတင်ဦး (တနင်္သာရီ-၁၀)၊ ဦးလှမြင့် (မတ္တရာ)၊ ဒေါ်ဥမ္မာဌေး (မော်လမြိုင်)၊ ဦးကျော်ငြိမ်းအောင် (တာချီလိတ်)၊ ဦးဇော်ဇော်မြင့် (ရခိုင်-၁၁)၊ ဦးအေးချမ်း (လှိုင်သာယာ အရှေ့ပိုင်း)၊ ဒေါ်အေးချမ်းမုံ (မွန်-၆) နှင့် ဦးညဏ်ထွန်း (တနင်္သာရီ-၉) တို့ကို စာရင်းလျာထားသည်။ ဆွေးနွေးမည့် ကိုယ်စားလှယ်တစ်ဦးလျှင် အချိန် ၆ မိနစ်စီ သတ်မှတ်ခွင့်ပြုထားကြောင်း သိရသည်။ သတင်းအပြည့်အစုံဖတ်ရန်>> https://www.popularmyanmar.com/အာဆီယံဆိုင်ရာအဆိုကို-ပြ/

AI သည်လိုက်မမီအောင်တိုးတက်နေ--ကုလ အကြီးအကဲ ညဏ်ရည်တု AI နည်းပညာသည် မည်သူမဆို လိုက်မီနိုင်လောက်သည်ထက် ကျော်လွန်၍ ပိုမိုမြန်ဆန်စွာ ဖွံ့ဖြိုးတိုးတက်နေကြောင်း ကုလသမဂ္ဂအတွင်းရေးမှူးချုပ်က ဇူလိုင်လ ၆ ရက်နေ့တွင် သတိပေးခဲ့ပြီး အထူးသဖြင့် ကလေးများအတွက် ဖြစ်နိုင်ခြေရှိသော အန္တရာယ်များကို လျှော့ချရန် ကမ္ဘာတစ်ဝန်း၌ လိုက်လျောညီထွေဖြစ်မည့် စည်းမျဉ်းများလိုအပ်ကြောင်း တိုက်တွန်းခဲ့သည်။ စီးပွားရေးကို ပြန်လည်ပုံဖော်နိုင်သော၊ အလုပ်အကိုင်လောကကို ပြောင်းလဲနိုင်သော၊ ရွေးကောက်ပွဲများကို လွှမ်းမိုးနိုင်ပြီး လုံခြုံရေးချိန်ခွင်လျှာကို တစ်ဖက်စောင်းနင်းဖြစ်နိုင်သော နည်းပညာတစ်ခုသည် ၎င်းကို တည်ဆောက်နေသူများအပါအဝင် မည်သူမဆို လိုက်မီနိုင်သည်ထက်ပို၍ မြန်ဆန်စွာ အလုပ်လုပ်နေသည်ဟု အန်တိုနီယို ဂူတာရက်စ်က ဂျီနီဗာတွင် ကျင်းပသော ပထမဆုံးအကြိမ် အစိုးရအဆင့် ကမ္ဘာလုံးဆိုင်ရာ AI ဆွေးနွေးပွဲတွင် ကိုယ်စားလှယ်များကို ပြောကြားခဲ့သည်။ သတင်းအပြည့်အစုံဖတ်ရန်>> https://www.popularmyanmar.com/ai-သည်လိုက်မမီအောင်တိုးတ/

ကျူးဘားနိုင်ငံတွင် တစ်နိုင်ငံလုံးလျှပ်စစ်မီး လုံးဝပြတ်တောက်နေ ဇူလိုင်လ ၇ ရက် အမေရိက၏ လောင်စာဆီ ပိတ်ဆို့ဖြတ်တောက်မှုကြောင့် ဖြစ်ပေါ်လာသော စွမ်းအင်အကျပ်အတည်းကြောင့် ကျူးဘားနိုင်ငံ၏ လောင်စာဆီအရန်အင်အား နည်းပါးလာပြီး လျှပ်စစ်ဓာတ်အားလိုင်းများ ပျက်စီးယိုယွင်းလာကာ ယခုနှစ်ဆန်းပိုင်းမှစတင်၍ သုံးကြိမ်မြောက်အဖြစ် တစ်နိုင်ငံလုံးအတိုင်းအတာဖြင့် လျှပ်စစ်မီး လုံးဝပြတ်တောက်မှုနှင့် ရင်ဆိုင်ရလျက်ရှိကြောင်း သိရသည်။ လူဦးရေ ၁၀ သန်းနီးပါးရှိသော ကျူးဘားနိုင်ငံ၏ တနင်္လာနေ့က ဖြစ်ပွားခဲ့သည့် အဆိုပါ လျှပ်စစ်မီးပြတ်တောက်မှုနှင့် ပတ်သက်၍ အစိုးရပိုင် လျှပ်စစ်ဓာတ်အားလုပ်ငန်း က သတင်းထုတ်ပြန်ခဲ့ပြီး ဖြစ်ပွားရသည့် အကြောင်းရင်းကို စုံစမ်းစစ်ဆေးနေဆဲဖြစ်ကြောင်း ပြောကြားခဲ့သည်။ ကျူးဘား စွမ်းအင်နှင့် သတ္တုတွင်းဝန်ကြီး ဗီဆင်းတေး ဒီလာအို လီဗီ က မီးပြတ်တောက်ပြီးနောက် တစ်နိုင်ငံလုံး၌ လျှပ်စစ်ဓာတ်အား ပြန်လည်ရရှိစေရန်အတွက် လုပ်ငန်းစဉ်များကို အမြန်ဆုံး ဆောင်ရွက် နေကြောင်း ပြောကြားခဲ့သည်။ သတင်းအပြည့်အစုံဖတ်ရန်>> https://www.popularmyanmar.com/ကျူးဘားနိုင်ငံတွင်-တစ်န/

မသန်စွမ်းဘွဲ့/ဒီဂရီရ လူငယ်များ သတ်မှတ်အရည်အချင်းပြည့်မီပါက နိုင်ငံ့ဝန်ထမ်းအဖြစ် တာဝန်ထမ်းဆောင်ခွင့်ရရှိနိုင် မသန်စွမ်းဘွဲ့/ဒီဂရီရ လူငယ်များအနေဖြင့် လစ်လပ်ရာထူးများ၏ သတ်မှတ်အရည်အချင်းများနှင့် ကိုက်ညီပြီး သက်ဆိုင်ရာရွေးချယ်ရေးအဖွဲ့၏ ရွေးချယ်ခြင်းခံရပါက နိုင်ငံ့ဝန်ထမ်းအဖြစ် တာဝန်ထမ်းဆောင်ခွင့် ရရှိနိုင်ကြောင်း ပြည်ထောင်စုရာထူးဝန်အဖွဲ့ဥက္ကဋ္ဌ ဦးတင်မောင်ဝင်းက ပြောကြားသည်။ ဇူလိုင် ၆ ရက်က ကျင်းပသည့် တတိယအကြိမ် အမျိုးသားလွှတ်တော် ဒုတိယပုံမှန်အစည်းအဝေးတွင် ယင်းကိစ္စကို ရှင်းလင်းပြောကြားခဲ့ခြင်းဖြစ်ပြီး၊ မသန်စွမ်းဘွဲ့/ဒီဂရီရ လူငယ်များသည် လစ်လပ်ရာထူးများအတွက် ရေးဖြေစာမေးပွဲ၊ စိတ်အခြေအနေစစ်ဆေးခြင်းနှင့် လူတွေ့စစ်ဆေးခြင်းတို့ကို အခြားလျှောက်ထားသူများနှင့် တန်းတူအခွင့်အရေးဖြင့် ဝင်ရောက်ယှဉ်ပြိုင်နိုင်ကြောင်းလည်း ပြောကြားခဲ့သည်။ ထို့ပြင် ပြည်ထောင်စုရာထူးဝန်အဖွဲ့အနေဖြင့် ၂၀၂၆-၂၀၂၇ ဘဏ္ဍာရေးနှစ်မှစတင်၍ ပြန်တမ်းဝင်အရာရှိအဆင့် စတင်ခန့်အပ်မည့် ရာထူးများကို ယခင်က တစ်နှစ်လျှင် (၂) ကြိမ် ကြော်ငြာခေါ်ယူခဲ့ရာမှ လေးလလျှင် (၁) ကြိမ်၊ တစ်နှစ်လျှင် (၃) ကြိမ်အထိ ခေါ်ယူသွားမည်ဖြစ်ကြောင်းလည်း အသိပေးပြောကြားခဲ့သည်။

မသန်စွမ်းဘွဲ့/ဒီဂရီရ လူငယ်များ သတ်မှတ်အရည်အချင်းပြည့်မီပါက နိုင်ငံ့ဝန်ထမ်းအဖြစ် တာဝန်ထမ်းဆောင်ခွင့်ရရှိနိုင် မသန်စွမ်းဘွဲ့/ဒီဂရီရ လူငယ်များအနေဖြင့် လစ်လပ်ရာထူးများ၏ သတ်မှတ်အရည်အချင်းများနှင့် ကိုက်ညီပြီး သက်ဆိုင်ရာရွေးချယ်ရေးအဖွဲ့၏ ရွေးချယ်ခြင်းခံရပါက နိုင်ငံ့ဝန်ထမ်းအဖြစ် တာဝန်ထမ်းဆောင်ခွင့် ရရှိနိုင်ကြောင်း ပြည်ထောင်စုရာထူးဝန်အဖွဲ့ဥက္ကဋ္ဌ ဦးတင်မောင်ဝင်းက ပြောကြားသည်။ ဇူလိုင် ၆ ရက်က ကျင်းပသည့် တတိယအကြိမ် အမျိုးသားလွှတ်တော် ဒုတိယပုံမှန်အစည်းအဝေးတွင် ယင်းကိစ္စကို ရှင်းလင်းပြောကြားခဲ့ခြင်းဖြစ်ပြီး၊ မသန်စွမ်းဘွဲ့/ဒီဂရီရ လူငယ်များသည် လစ်လပ်ရာထူးများအတွက် ရေးဖြေစာမေးပွဲ၊ စိတ်အခြေအနေစစ်ဆေးခြင်းနှင့် လူတွေ့စစ်ဆေးခြင်းတို့ကို အခြားလျှောက်ထားသူများနှင့် တန်းတူအခွင့်အရေးဖြင့် ဝင်ရောက်ယှဉ်ပြိုင်နိုင်ကြောင်းလည်း ပြောကြားခဲ့သည်။ ထို့ပြင် ပြည်ထောင်စုရာထူးဝန်အဖွဲ့အနေဖြင့် ၂၀၂၆-၂၀၂၇ ဘဏ္ဍာရေးနှစ်မှစတင်၍ ပြန်တမ်းဝင်အရာရှိအဆင့် စတင်ခန့်အပ်မည့် ရာထူးများကို ယခင်က တစ်နှစ်လျှင် (၂) ကြိမ် ကြော်ငြာခေါ်ယူခဲ့ရာမှ လေးလလျှင် (၁) ကြိမ်၊ တစ်နှစ်လျှင် (၃) ကြိမ်အထိ ခေါ်ယူသွားမည်ဖြစ်ကြောင်းလည်း အသိပေးပြောကြားခဲ့သည်။

နီကာရာဂွါနိုင်ငံ ဗဟိုဘဏ်ဥက္ကဋ္ဌနှင့် မြန်မာနိုင်ငံတော်ဗဟိုဘဏ်ဥက္ကဋ္ဌတို့ တွေ့ဆုံဆွေးနွေး နှစ်နိုင်ငံ ဘဏ်လုပ်ငန်းပူးပေါင်းဆောင်ရွက်နိုင်ရေးအတွက် ဆွေးနွေး မြန်မာနိုင်ငံနှင့် နီကာရာဂွါနိုင်ငံတို့အကြား ဘဏ်လုပ်ငန်းပူးပေါင်းဆောင်ရွက်မှုဆိုင်ရာကိစ္စရပ်များ ဆောင်ရွက်နိုင်ရေးအတွက် သီးခြားတွေ့ဆုံဆွေးနွေးခဲ့ကြောင်း သိရသည်။။ ရုရှားဖက်ဒရေးရှင်းနိုင်ငံ မော်စကိုမြို့နှင့် စိန့်ပီတာစဘတ်မြို့တို့၌ ကျင်းပသည့် ငွေရေးကြေးရေးညီလာခံနှင့် ဆက်စပ်အစည်းအဝေးများသို့ မြန်မာနိုင်ငံတော်ဗဟိုဘဏ်ဥက္ကဋ္ဌဦးဆောင်သော ကိုယ်စားလှယ်အဖွဲ့ တက်ရောက်စဉ် နီကာရာဂွါနိုင်ငံ ဗဟိုဘဏ်ဥက္ကဋ္ဌနှင့် သီးခြားတွေ့ဆုံခဲ့ခြင်းလည်း ဖြစ်သည်။ သတင်းအပြည့်အစုံဖတ်ရန်>> https://www.popularmyanmar.com/နီကာရာဂွါနိုင်ငံ-ဗဟိုဘဏ/