VAYO FM NEWS

សហជីពធំៗនៅកម្ពុជាបានលើកឡើងថា ការគាំទ្រឱ្យដំឡើងប្រាក់ឈ្នួលអប្បបរមាសម្រាប់ឆ្នាំ២០២៧ ឡើងដល់២៥០ដុល្លារអាមេរិក គឺជាចេតនាវាយបំបែកឆ្នាំងបាយរបស់​កម្មករនិយោជិត និងបង្កអស្ថិរភាពនៅក្នុងវិស័យវាយនភណ្ឌ កាត់ដេរ ស្បែកជើង និងផលិតផលធ្វើដំណើរនៅកម្ពុជា។ ការលើកឡើងនេះ ក្រោយ​ក្រុមអង្គការសង្គមស៊ីវិលជាង១០០ បានបង្ហាញការគាំទ្រចំពោះការដំឡើងតួលេខប្រាក់ឈ្នួលអប្បបរមា២៥០ដុល្លារអាមេរិកសម្រាប់ការចរចាប្រាក់ឈ្នួលអប្បបរមាឆ្នាំ២០២៧៕ ============= 👉Facebook 👉Telegram 👉TikTok 👉YouTube 👉IOS 👉Android

ព័ត៌មានជាតិ-អន្ដរជាតិសំខាន់ៗសម្រាប់ថ្ងៃទី១៩ ខែកញ្ញា ឆ្នាំ២០២៦៖ ១. សង្គមស៊ីវិលមួយចំនួននៅតែគាំទ្រឱ្យដំឡើងប្រាក់ ឈ្នួលកម្មករដល់​២៥០.៦៦​ដុល្លារ​តែក្រសួងថាតួ លេខនេះគ្មានការស្រាវជ្រាវអព្យាក្រឹតទេ ២. រថភ្លើងដឹកប្រេងក្រឡាប់នៅបាត់ដំបង! អាជ្ញាធរ ហាមពលរដ្ឋកុំទៅដងប្រេងកំពប់ដើម្បីបង្ការគ្រោះ ថ្នាក់ជាយថាហេតុ! ៣. ព្រឹត្ដិការណ៍សមរាត្រីរដូវវស្សានៅប្រាសាទអង្គរវត្ត នឹងមកដល់នៅដើមសប្ដាហ៍ក្រោយនេះហើយ! ៤. ហេតុអ្វីប្រកួតសរសេរតាមអានសំណេរអង្គរកាល ពីឆ្នាំមុនគ្មានជ័យលាភីអក្សរស្អាត? ៥. ប្រកួតសរសេរតាមអានសំណេរអង្គរជ្រើសយក បេក្ខជន២ពាន់នាក់ប៉ុណ្ណោះដោយសារកត្តាទីតាំង ៦. ឡាវ៖ ជំងឺប៉េស្តជ្រូកអាហ្វ្រិកឆ្លងរាលដាលក្នុង ខេត្តចំនួន៦ ជ្រូកងាប់ជាង១ម៉ឺនក្បាល

មុខជំនាញដែលមានការគាំទ្រពីយុវជននិងលេចធ្លោជាងគេនៅក្នុង​​វិទ្យាស្ថាន​​ពហុបច្ចេក​ទេស​ខេត្ដ​កោះ​កុង(PIKK) ============= វិទ្យាស្ថានពហុបច្ចេកទេសខេត្តកោះកុង (PIKK) នៃក្រសួងការងារ និងបណ្ដុះបណ្ដាលវិជ្ជាជីវៈ មានបើកបណ្ដុះបណ្ដាលមុខជំនាញបច្ចេកទេស និងវិជ្ជាជីវៈជាច្រើន សម្រាប់យុវជន ខណៈដែលក្នុងចំណោមមុខជំនាញទាំងនោះ មានជំនាញ២គឺ វិស្វកម្មអគ្គិសនី និងវិស្វកម្មកុំព្យូទ័រ ត្រូវបានចាប់អារម្មណ៍ខ្ពស់ពីយុវជននៅក្នុងខេត្ត។​ អ្នកអង្គម្ចាស់បណ្ឌិត ស៊ីសុវត្ថិ ប្ញទ្ធីរ៉ាវង្ស នាយកវិទ្យាស្ថានពហុបច្ចេកទេសខេត្តកោះកុង(PIKK) បានឱ្យដឹងថា វិស្វកម្មអគ្គិសនី និងវិស្វកម្មកុំព្យូទ័រ គឺជាមុខជំនាញដែលទទួលបានការគាំទ្រ និងការចាប់អារម្មណ៍ច្រើនពីសំណាក់យុវជនដែលមានបំណងសិក្សាជំនាញបច្ចេកទេស ដើម្បីត្រៀម​ខ្លួន​ចូលទីផ្សារ​ការ​ងារ។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

ឡាវ៖ ជំងឺប៉េស្តជ្រូកអាហ្វ្រិកឆ្លងរាលដាលក្នុងខេត្តចំនួន៦ ជ្រូកងាប់ជាង១ម៉ឺនក្បាល ============= ជំងឺប៉េស្តជ្រូកអាហ្វ្រិក (African swine fever) បានរីករាលដាលពាសពេញខេត្តចំនួន ៦ នៅក្នុងប្រទេសឡាវ ដោយបានសម្លាប់ឬតម្រូវឱ្យមានការកម្ទេចជ្រូកសរុបចំនួន ១១,៣៦៩ ក្បាល ខណៈអាជ្ញាធរបានហាមឃាត់ការដឹកជញ្ជូន និងការលក់សាច់ជ្រូកមានជំងឺ និងព្រមានចាត់វិធានការផ្លូវច្បាប់ចំពោះការលួចដឹកជញ្ជូន និងការលក់សាច់ជ្រូកដែលងាប់ដោយសារជំងឺនេះ។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

ឱកាសការងារជាង២ពាន់កន្លែងត្រូវបាននាំយកទៅដល់មូលដ្ឋានស្រុក​អង្គរជ័យ​ដើម្បីជួយ​ប្រជាពលរដ្ឋ​កំពុងស្វែងរកការងារធ្វើ ============= ​ក្រសួងការងារនិងបណ្ដុះបណ្ដាលវិជ្ជាជីវៈ បានបន្តនាំយកឱកាសការងារក្នុងស្រុកជាង២ពាន់កន្លែង ​អត្ថប្រយោជន៍បេឡាជាតិសន្ដិសុខសង្គម (ប.ស.ស.) និងកម្មវិធី TVET ចុះដល់មូលដ្ឋាន តាមរយៈវេទិកាការងារ សន្តិសុខសង្គម និងបណ្ដុះបណ្ដាលវិជ្ជាជីវៈ នៅស្រុកអង្គរជ័យ ខេត្តកំពត នៅព្រឹកថ្ងៃទី១៩ ខែកញ្ញា ឆ្នាំ២០២៦​ ដើម្បីពង្រីកលទ្ធភាពទទួលបានការងារ ជំនាញ និងប្រាក់ចំណូល ជាពិសេសសម្រាប់អតីតពលករដែលវិលត្រឡប់ពីប្រទេសថៃ និងយុវជនកំពុងស្វែងរកការងារ។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

រថភ្លើងដឹកប្រេងក្រឡាប់នៅបាត់ដំបង! ​អាជ្ញាធរហាមពលរដ្ឋកុំទៅ​ដងប្រេង​កំពប់​ដើម្បី​បង្ការគ្រោះថ្នាក់​ជាយថាហេតុ! ============= រថភ្លើងដឹកប្រេងមួយគ្រឿងបានជួបគ្រោះថ្នាក់ធ្លាក់ផ្លូវដែកនាម៉ោងប្រមាណ១២:៣៧នាទី ថ្ងៃទី​១៩ ខែកញ្ញា ឆ្នាំ២០២៦ ត្រង់ចំណុចគីឡូម៉ែត្រលេខ២៧៧ ខ្សែរថភ្លើងភាគខាងជើង ស្ថិតក្នុងសង្កាត់អូចារ ក្រុងបាត់ដំបង ខេត្តបាត់ដំបង បណ្តាលឱ្យទូប្រេងចំនួន៤ទូបានក្រឡាប់ នៅក្នុងនោះមានទូប្រេងម៉ាស៊ូត៣ទូនិងទូសាំង១ទូ។ នេះបើតាមការបញ្ជាក់របស់ស្នងការដ្ឋាននគរបាលខេត្ដបាត់ដំបង។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

ជំនាញបច្ចេកទេសចំនួន៤កំពុងមានតម្រូវការខ្ពស់នៅក្នុងទីផ្សារការងារ! ============= ជំនាញវិស្វកម្មអគ្គិសនី បច្ចេកវិទ្យាកុំព្យូទ័រ និងបច្ចេកវិទ្យាមេកានិករថយន្ត ព្រមទាំងគណនេយ្យ និងហិរញ្ញវត្ថុ កំពុងទទួលបានការចាប់អារម្មណ៍ខ្ពស់ពីសិស្សានុសិស្ស និងមានតម្រូវការនៅក្នុងទីផ្សារការងារ ខណៈវិទ្យាស្ថានពហុបច្ចេកទេសមិត្តភាពកម្ពុជា-ចិន ខេត្តព្រះសីហនុ កំពុងបើកឱកាសសិក្សាលើជំនាញទាំងនេះសម្រាប់ឆ្នាំសិក្សាថ្មី។ លោក ប៊ូ សំអាត នាយកវិទ្យាស្ថានពហុបច្ចេកទេសមិត្តភាពកម្ពុជា-ចិន ខេត្តព្រះសីហនុ បានឱ្យដឹងថា ក្នុងចំណោមជំនាញដែលវិទ្យាស្ថានកំពុងបណ្តុះបណ្តាល មានជំនាញមួយចំនួនទទួលបានការចាប់អារម្មណ៍ខ្លាំង ដោយសារមានការប្រើប្រាស់ជាក់ស្តែង និងតម្រូវការនៅក្នុងទីផ្សារការងារ។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

ហេតុអ្វីប្រកួតសរសេរតាមអានសំណេរអង្គរកាលពីឆ្នាំមុនគ្មានជ័យលាភីអក្សរស្អាត? តើបង្កើតជ័យលាភីនេះដើម្បីអ្វី? ============= លោក លីម ប៊ុនហុកស្ថាបនិកសំណេរអង្គរ បានបញ្ជាក់ពីកត្តាមួយចំនួនដែលនាំឲ្យការប្រកួតឆ្នាំមុនគ្មានជ័យលាភីអក្សរស្អាត។ ទន្ទឹមគ្នាលោកបានបញ្ជាក់ថាការសរសេរអក្សរស្អាតគួរត្រូវបានលើកទឹកចិត្ត ក្នុងសម័យកាលឌីជីថលដែលមនុស្សជាច្រើនមិនសូវផ្ចិតផ្ចង់សរសេរអក្សរដោយដៃ។ ============= 👉Facebook 👉Telegram 👉TikTok 👉YouTube 👉IOS 👉Android

ការប្រកួតសរសេរតាមអានជាសាធារណៈ ព្រឹត្តិការណ៍សំណេរអង្គរលើកទី៤ នឹងប្រព្រឹត្តនៅថ្ងៃអាទិត្យទី១៧ ខែមករា ឆ្នាំ២០២៧ លើស្ពានហាលខាងលិចប្រាសាទអង្គរវត្ត។ លោក លីម ប៊ុនហុក ស្ថាបនឹកសំណេរអង្គរថ្លែងនៅក្នុងសន្នីសិទសារព័ត៌មានថ្ងៃទី១៨កញ្ញាថា ការប្រកួតសរសេរតាមអានលើកទី៤នេះ មានលក្ខណៈពិសេសជាងឆ្នាំមុនចំនួន៣ចំណុច។ ============= 👉Facebook 👉Telegram 👉TikTok 👉YouTube 👉IOS 👉Android

សង្គមស៊ីវិល​មួយចំនួននៅតែគាំទ្រឱ្យដំឡើងប្រាក់ឈ្នួលកម្មករ​ដល់២៥០.៦៦​​ដុល្លារ​តែក្រសួងថា​តួលេខនេះ​គ្មានការស្រាវជ្រាវ​អព្យាក្រឹតទេ =============   អង្គការសង្គមស៊ីវិលចំនួន១២៥ស្ថាប័ន បានបង្ហាញនូវជំហរគាំទ្រសំណើរបស់សហព័ន្ធសហជីព ដែលស្នើដំឡើងប្រាក់ឈ្នួលអប្បបរមាចំនួន២៥០,៦៦ដុល្លារអាមេរិកសម្រាប់ឆ្នាំ២០២៧ ជូនដល់កម្មករនិយោជិតក្នុងវិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា។ នេះបើតាមសេចក្ដីថ្លែងការណ៍រួមចេញនៅថ្ងៃទី១៨ ខែកញ្ញា ឆ្នាំ២០២៦។ សំណើកំណត់ប្រាក់ឈ្នួលនេះមានកំណើន៤០,៦៦ដុល្លារបន្ថែមលើប្រាក់ឈ្នួលអប្បបរមានាពេលបច្ចុប្បន្នដែលមានចំនួន២១០ដុល្លារអាមេរិក។ យ៉ាងណាមិញ ចំពោះតួលេខដែលស្នើសុំនេះ ក្រសួងការងារបញ្ជាក់ថា​ ពុំមានការស្រាវជ្រាវដែលមានអព្យាក្រឹតភាពនោះទេ។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

ព្រឹត្ដិការណ៍សមរាត្រីរដូវវស្សា​នៅប្រាសាទអង្គរវត្ត​​នឹងមកដល់នៅដើម​សប្ដាហ៍​ក្រោយនេះហើយ! =============   ព្រឹត្តិការណ៍ សមរាត្រី (Angkor Equinox) នារដូវវស្សាឆ្នាំ២០២៦នឹងឈានចូលមកដល់នៅដើមសប្តាហ៍ក្រោយនេះហើយ។ នេះជាបាតុភូតធម្មជាតិដ៏អស្ចារ្យដែលថ្ងៃនិងយប់មានរយៈពេលស្មើគ្នា ហើយជាពេលវេលាដែលពន្លឺព្រះអាទិត្យពណ៌មាសនឹងរះឡើងត្រង់ចំកំពូលកណ្ដាលនៃប្រាសាទអង្គរវត្តយ៉ាងល្អឯក។   ទិដ្ឋភាពដ៏អស្ចារ្យនេះ មិនត្រឹមតែជាសម្រស់ធម្មជាតិដ៏កម្របានឃើញប៉ុណ្ណោះទេ ប៉ុន្តែជាភស្តុតាងរស់បង្ហាញពីចំណេះដឹងផ្នែកតារាសាស្ត្រ គណិតវិទ្យា និងស្ថាបត្យកម្មដ៏កំពូលគ្មានពីររបស់ដូនតាខ្មែរក្នុងការកសាងប្រាសាទប្រវត្តិសាស្ត្រនេះឡើង។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

សារពិសេសនាយករដ្ឋមន្ត្រី ស្តីពី «SDG Moment 2026» «ខណៈនៃគោលដៅអភិវឌ្ឍន៍ប្រកបដោយចីរភាព ឆ្នាំ ២០២៦»។ ​============= 👉Facebook 👉Telegram 👉TikTok 👉YouTube 👉IOS 👉Android

​រដ្ឋមន្ដ្រីការងារ៖ ​យើងមិនគិតតែរឿងប្រាក់ឈ្នួលនោះទេ គឺត្រូវគិតធ្វើម៉េចឱ្យមានការកាត់បន្ថយចំណាយ រក្សាភាពប្រកួតប្រជែង និងមានរោងចក្រថ្មីមក នោះនឹងមានការងារថែមសម្រាប់យើង ឬសមាជិកគ្រួសារយើង ​============= 👉Facebook 👉Telegram 👉TikTok 👉YouTube 👉IOS 👉Android

ព័ត៌មានជាតិ-អន្ដរជាតិសំខាន់ៗសម្រាប់ថ្ងៃទី១៨ ខែកញ្ញា ឆ្នាំ២០២៦៖ ១. ក្រសួងអប់រំធ្លាប់រកឃើញករណីក្លែងបន្លំលិខិត ក្រសួងដើម្បីបញ្ជាក់សញ្ញាបត្របណ្ឌិតរបស់ និស្សិតបញ្ចប់ការសិក្សាពីក្រៅប្រទេស ២. ក្រសួងរ៉ែ៖«បច្ចុប្បន្នក្រុមហ៊ុនផ្តល់សេវាកម្ម ដំឡើងប្រព័ន្ធថាមពលពន្លឺព្រះអាទិត្យលើដំបូល មានចំនួនគ្រប់គ្រាន់សម្រាប់ឆ្លើយតបនឹងតម្រូវការ» ៣. ក្រសួងការងាររម្លឹកពលរដ្ឋខ្មែរកុំទៅធ្វើការក្រៅ ប្រទេសក្នុងវិស័យនេសាទនិងរុករករ៉ែព្រោះ ប្រឈមហានិភ័យខ្ពស់ ៤. សហជីពមួយចំនួនស្នើភាគីដាក់សំណើ២៥០ ដុល្លារបកស្រាយពីមូលដ្ឋាននៃតួលេខក្រោយអះ អាងថាបែកធ្លាយសារសំឡេង ៥. ក្រសួងការងារលើកទឹកចិត្តឱ្យគ្រប់ភាគីពាក់ព័ន្ធ បង្កើនល្បឿនក្នុងការចូលរួមអភិវឌ្ឍន៍កម្លាំងពល កម្មជំនាញឆ្លើយតបតម្រូវការទីផ្សារការងារ ៦. លោកសីហៈសាក់ថាថៃចង់កំណត់ព្រំដែនសមុទ្រ ឱ្យបានច្បាស់លាស់មុនពិភាក្សាបែងចែកធនធាន ក្រោមសមុទ្រជាមួយកម្ពុជា

សហជីពមួយចំនួនស្នើភាគីដាក់សំណើ២៥០ដុល្លារបកស្រាយពីមូលដ្ឋាន​នៃតួលេខ​ក្រោយ​អះអាងថាបែកធ្លាយសារសំឡេង ============= ​ថ្នាក់ដឹកនាំសហជីពមួយចំនួននៅកម្ពុជា បានស្នើឱ្យភាគីសហជីពដែលលើកសំណើប្រាក់ឈ្នួលអប្បបរមា២៥០ដុល្លារ ​ បកស្រាយជាសាធារណៈអំពីប្រភពទិន្នន័យ និងមូលដ្ឋានគណនា បន្ទាប់ពី​មានការចែកចាយសារសំឡេងមួយដែលត្រូវបានអះអាងថាពាក់ព័ន្ធនឹងការកំណត់តួលេខនេះ។ លោក សំ សឿន ប្រធានសហភាពពលកម្មជាតិកម្ពុជា បានលើកឡើងថា លោកចង់ឱ្យមានការបកស្រាយឱ្យបានច្បាស់ថា តើតួលេខ២៥០ដុល្លារ ត្រូវបានគណនាឡើងដោយផ្អែកលើលក្ខណៈវិនិច្ឆ័យ និងទិន្នន័យអ្វីខ្លះ មុននឹងយកទៅធ្វើជាសំណើនៅក្នុងក្របខណ្ឌក្រុមប្រឹក្សាជាតិប្រាក់ឈ្នួលអប្បបរមា។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

ចរចាប្រាក់ឈ្នួលកម្មករនៅរសៀលថ្ងៃនេះ! ទាំងសហជីពនិងនិយោជកនៅតែរក្សាតួលេខដដែល ដោយសហជីពមានតួលេខពីរគឺសុំដំឡើង១៥,៣ដុល្លារ(សរុប២២៥,៣ដុល្លារ) និង៤០,៦ដុល្លារ(សរុប២៥០,៦ដុល្លារ) ខណៈនិយោជកស្នើរក្សាប្រាក់ខែគោល២១០ដុល្លារដូចឆ្នាំ២០២៦។ សូមជម្រាបថា នៅថ្ងៃនេះគឺជាការចរចាត្រីភាគីលើកទី៣ហើយ ដើម្បីការកំណត់ប្រាក់ឈ្នួលអប្បបរមាផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរនិងកាបូប សម្រាប់ឆ្នាំ២០២៧។ កិច្ចប្រជុំនេះមានការចូលរួមពីតំណាងរាជរដ្ឋាភិបាល តំណាងភាគីកម្មករនិយោជិត និងតំណាងភាគីនិយោជក៕ ============= 👉Facebook 👉Telegram 👉TikTok 👉YouTube 👉IOS 👉Android

ក្រសួងការងាររម្លឹកពលរដ្ឋខ្មែរកុំទៅធ្វើការក្រៅប្រទេសក្នុងវិស័យនេសាទ​​និងរុករក​រ៉ែ​ព្រោះ​ប្រឈម​ហានិភ័យខ្ពស់ ============= ក្រសួងការងារនិងបណ្ដុះបណ្ដាលវិជ្ជាជីវៈ បានបញ្ជាក់ថា ការផ្សព្វផ្សាយ ជ្រើសរើស និងបញ្ជូនជនទេសន្ដរប្រវេសន៍ការងារខ្មែរទៅធ្វើការក្រៅប្រទេសក្នុងវិស័យនេសាទ និងការដ្ឋានរុករករ៉ែ ត្រូវបានហាមឃាត់ជាដាច់ខាត។ ការបញ្ជាក់ដូច្នេះ បន្ទាប់ពីក្រសួងបានកត់សម្គាល់ឃើញមានប្រជាពលរដ្ឋខ្មែរមួយចំនួន បានចេញទៅធ្វើការនៅក្រៅប្រទេសក្នុងវិស័យនេសាទ និងការដ្ឋានរុករករ៉ែ ដែលជាប្រភេទការងារប្រឈមនឹងហានិភ័យខ្ពស់ ពាក់ព័ន្ធនឹងសុវត្ថិភាព សុខភាព លក្ខខណ្ឌការងារ ការរំលោភសិទ្ធិ និងការកេងប្រវ័ញ្ចកម្លាំងពលកម្ម។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

នារសៀលថ្ងៃទី១៨ ខែកញ្ញា ឆ្នាំ២០២៦នេះ ក្រសួងការងារនិងបណ្តុះបណ្តាលវិជ្ជាជីវៈ បានបន្តរៀបចំកិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមា អាណត្ដិទី៤ លើកទី៣ ស្ដីពី ការកំណត់ប្រាក់ឈ្នួលអប្បបរមាផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរនិងកាបូប សម្រាប់ឆ្នាំ២០២៧។ កិច្ចប្រជុំនេះមានការចូលរួមពីតំណាងរាជរដ្ឋាភិបាល តំណាងភាគីកម្មករនិយោជិត និងតំណាងភាគីនិយោជក៕ ============= 👉Facebook 👉Telegram 👉TikTok 👉YouTube 👉IOS 👉Android

បទវិចារណកថា៖កែប្រែប្រពៃណីដើម្បីសង្គ្រោះអនាគត! ច្រកចេញថ្មីសម្រាប់​អាពាហ៍ពិពាហ៍​យុវជនក្រីក្រ =============   អាពាហ៍ពិពាហ៍ គឺជាអន្តរកាលជីវិតដ៏ឧត្តុង្គឧត្តមមួយ ដែលតំណាងឱ្យការរួមរស់បង្កើតគ្រួសារថ្មី ក្តីស្រឡាញ់ និងការបន្តពូជពង្ស។ ទោះជាយ៉ាងណាក៏ដោយ ក៏នៅក្នុងបរិបទសង្គមទំនើបនាពេលបច្ចុប្បន្ន «ពិធីមង្គលការ» បានប្រែប្រួលពីពិធីសាសនានិងប្រពៃណីដ៏សាមញ្ញនិងថ្លៃថ្នូរ ទៅជាកញ្ចក់ឆ្លុះបញ្ចាំងពីជីវភាព សម្ភារនិយម និងការប្រកួតប្រជែងសេដ្ឋកិច្ចយ៉ាងស្រួចស្រាល់។ សម្រាប់យុវជនឬកូនចៅដែលកើតចេញពីគ្រួសារមានជីវភាពខ្វះខាតឬ«កូនអ្នកក្រ» អាពាហ៍ពិពាហ៍មិនមែនត្រឹមតែជាការសម្រេចចិត្តលើផ្នែកបេះដូងនោះទេ ប៉ុន្តែវាបានក្លាយជា«ជញ្ជាំងដែក»នៃភារកិច្ចហិរញ្ញវត្ថុ និងជាសម្ពាធសង្គមដ៏ធ្ងន់ធ្ងរដែលពួកគេត្រូវខិតខំទម្លុះនិងពុះពារឆ្លងកាត់យ៉ាងវេទនា។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

លោកសីហៈសាក់ថាថៃចង់កំណត់ព្រំដែនសមុទ្រឱ្យបានច្បាស់លាស់មុនពិភាក្សាបែងចែកធនធានក្រោមសមុទ្រជាមួយកម្ពុជា ============= រដ្ឋមន្ត្រីការបរទេសថៃ លោក សីហៈសាក់ ភួងកេតកែវ បានលើកឡើងថា ប្រទេសថៃចង់ឱ្យមានការកំណត់ព្រំដែនសមុទ្រឱ្យបានច្បាស់លាស់ស្របតាមអនុសញ្ញា UNCLOS មុននឹងពិភាក្សាអំពីការបែងចែកធនធាន។ លោកសីហៈសាក់ អះអាងនៅថ្ងៃទី ១៨ ខែកញ្ញាថា ប្រទេសថៃនៅតែប្តេជ្ញាចិត្តក្នុងការកំណត់ព្រំដែនសមុទ្រជាមួយកម្ពុជាឱ្យបានច្បាស់លាស់។ មុនបញ្ជាក់ដូច្នេះ លោក សីហៈសាក់ ធ្លាប់បានលើកឡើងមុខគណៈកម្មធិការផ្សះផ្សាថា កិច្ចចរចាក្រោមយន្តការ UNCLOS ដើម្បីស្រាយបញ្ហាព្រំដែនសមុទ្រ ប៉ុន្ដែ មិនរាប់បញ្ចូលបញ្ហាព្រំដែនគោក និងកោះគុតនោះទេ។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android