VAYO FM NEWS

សម្ដេចធិបតី៖ ​ក្រសួងស្ថាប័នពាក់ព័ន្ធ​ត្រូវសហការគ្នាធ្វើយ៉ាងណាឱ្យដំណើរការ​ចុះបញ្ជីSME​ប្រព្រឹត្តទៅបានលឿនរហ័ស =========== សម្តេចធិបតី ហ៊ុន ម៉ាណែត នាយករដ្ឋមន្ដ្រីកម្ពុជា បានណែនាំឱ្យក្រសួង ស្ថាប័នពាក់ព័ន្ធ បន្តជំរុញនិងអនុវត្តយ៉ាងម៉ឺងម៉ាត់បំផុតនូវកំណែទម្រង់ដ៏សំខាន់ពាក់ព័ន្ធនឹងសហគ្រាសខ្នាតតូចនិងមធ្យម (SME) ដោយត្រូវសហការគ្នាធ្វើយ៉ាងណាឱ្យដំណើរការចុះបញ្ជីប្រព្រឹត្តទៅបានលឿនរហ័ស ដោយមិនតម្រូវឱ្យសហគ្រិនស្នើសុំច្បាប់ពីក្រសួង ស្ថាប័នច្រើនកន្លែងដូចពីមុនឡើយ។ ក្រសួង ស្ថាប័ន ត្រូវទទួលខុសត្រូវនិងពង្រឹងនីតិវិធីផ្ទៃក្នុងរបស់ខ្លួនក្នុងការសម្រេចនិងរៀបចំធនធានមនុស្ស ដើម្បីធានាបាននូវសង្គតិភាព និងការអនុវត្តការងារស្តង់ដាតែមួយ។ នេះបើតាមការបញ្ជាក់នៅក្នុងសេចក្ដីប្រកាសព័ត៌មានស្ដីពីលទ្ធផលនៃកិច្ចប្រជុំ​ពេញអង្គគណៈរដ្ឋមន្រ្តី ​ចេញនាថ្ងៃទី២៨ ខែសីហា ឆ្នាំ២០២៦។ =========== 👉Facebook 👉Telegram 👉TikTok 👉YouTube 👉IOS 👉Android

ហេតុអ្វីវិទ្យាស្ថាន NPIC ជាជម្រើសសម្រាប់សិស្សទើបចប់ថ្នាក់ទី១២? ============= លោក ស៊ុំ សុចិន្តា អ្នកនាំពាក្យវិទ្យាស្ថានជាតិពហុបច្ចេកទេសកម្ពុជា (NPIC) បានឱ្យដឹងថា លក្ខណៈពិសេសរបស់វិទ្យាស្ថាន NPIC គឺផ្តោតលើការបណ្តុះបណ្តាលទាំងទ្រឹស្តី និងការអនុវត្តជាក់ស្តែង មានឧបករណ៍ទំនើប គ្រូមានបទពិសោធន៍ខ្ពស់ ហើយវិទ្យាស្ថានមានកិច្ចសហការជាមួយក្រុមហ៊ុនឯកជន ដើម្បីហាត់ការជំនាញប្រកបដោយគុណភាព។ លោក ស៊ុំ សុចិន្តា៖ «ខ្ញុំសូមលើកទឹកចិត្តដល់សិស្សានុសិស្សដែលទើបបញ្ចប់ថ្នាក់ទី១២ ឱ្យពិចារណាជ្រើសរើសជំនាញបច្ចេកទេស និងវិជ្ជាជីវៈ នៅវិទ្យាស្ថាន NPIC ដែលផ្តល់ទាំងចំណេះដឹងទ្រឹស្តី និងសមត្ថភាពអនុវត្តជាក់ស្តែង ដើម្បីត្រៀមខ្លួនឱ្យបានល្អសម្រាប់ការចូលទៅក្នុងទីផ្សារការងារ»។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

នាយករដ្ឋមន្ដ្រីណែនាំឱ្យ​ស្ថាប័ននិងអាជ្ញាធរពាក់ព័ន្ធត្រៀមខ្លួនជាស្រេចដើម្បីឆ្លើយតប​ពេលមានគ្រោះទឹកជំនន់ ============= ​ត្រៀមឆ្លើយតបចំពោះគ្រោះទឹកជំនន់ សម្តេចធិបតី ហ៊ុន ម៉ាណែត នាយករដ្ឋមន្ដ្រី បានណែនាំឱ្យគណៈកម្មាធិការជាតិគ្រប់គ្រងគ្រោះមហន្តរាយ ត្រូវសហការជាមួយរដ្ឋបាលរាជធានី ខេត្ត ត្រូវយកចិត្តទុកដាក់ និងបន្តតាមដានសភាពការណ៍ ពោលត្រូវកំណត់ជាស្រេចនូវទីតាំងសុវត្ថិភាពសម្រាប់ជម្លៀសប្រជាពលរដ្ឋ​ ព្រមទាំងត្រៀមកម្លាំងអន្តរាគមន៍ និងមធ្យោបាយសង្គ្រោះចុះជួយប្រជាពលរដ្ឋក្នុងករណីចាំបាច់។ នេះបើតាមការបញ្ជាក់នៅក្នុងសេចក្ដីប្រកាសព័ត៌មានស្ដីពីលទ្ធផលនៃកិច្ចប្រជុំ​ពេញអង្គគណៈរដ្ឋមន្រ្តី ​ចេញនាថ្ងៃទី២៨ ខែសីហា ឆ្នាំ២០២៦។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

ករណីរោងចក្រនីឌិច៖ ក្រសួងការងារចុះ​ប្រកាស​ទូទាត់ប្រាក់ឈ្នួលនិងអត្ថប្រយោជន៍​តាមច្បាប់​ជូនកម្មករនិយោជិត​និង​ស្ត្រីមានផ្ទៃពោះ​ ============= ក្រសួងការងារនិងបណ្តុះបណ្តាលវិជ្ជាជីវៈ នៅថ្ងៃទី២៨ ខែសីហានេះ បានចុះជួបកម្មករនិយោជិតរបស់ក្រុមហ៊ុន NIDEC DIE-CASTING (CAMBODIA) CO., LTD. នៅខេត្តបន្ទាយមានជ័យ ដើម្បីប្រកាសអំពីការទូទាត់ប្រាក់ឈ្នួល និងអត្ថប្រយោជន៍តាមច្បាប់សម្រាប់កម្មករនិយោជិត រួមទាំងគិតគូរពីអត្ថប្រយោជន៍ជូន​ស្ត្រីមានផ្ទៃពោះ ខណៈ​ក្រសួងក៏បាននាំយកឱកាសការងារថ្មីពីរោងចក្រ និងសហគ្រាសផ្សេងៗទៅជូនកម្មករនៅទីតាំងរោងចក្រផ្ទាល់ផងដែរ។ នេះគឺជាការបញ្ជាក់ពីលោក​ ស៊ុន មេសា អ្នកនាំពាក្យក្រសួងការងារប្រាប់អ្នកសារព័ត៌មាននៅថ្ងៃទី២៨ ខែសីហា​ ឆ្នាំ២០២៦នេះ។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

លទ្ធផលកិច្ចប្រជុំ​ពេញអង្គគណៈរដ្ឋមន្រ្តី ដឹកនាំដោយ​សម្តេចធិបតី ហ៊ុន ម៉ាណែត នាព្រឹកថ្ងៃទី២៨ ខែសីហា ឆ្នាំ២០២៦។ ============= 👉Facebook 👉Telegram 👉TikTok 👉YouTube 👉IOS 👉Android

ព័ត៌មានជាតិ-អន្ដរជាតិសំខាន់ៗសម្រាប់ថ្ងៃទី២៨ ខែសីហា ឆ្នាំ២០២៦៖ ១. ថៃដឹកគ្រឿងចក្រចូលជីកប្រឡាយនៅតំបន់ ចូកគ្រួសខេត្ដឧត្ដរមានជ័យ! កម្ពុជាតវ៉ា​ទាមទារ ឱ្យថៃបញ្ឈប់ជាបន្ទាន់! ២. អភិបាលខេត្តពោធិ៍សាត់ណែនាំឱ្យរៀបចំ កន្លែងឈប់សម្រាកតាមដងផ្លូវដោយមាន កម្លាំងឈរជើងការពារ ៣. ស្នងការដ្ឋាននគរបាលខេត្តពោធិ៍សាត់៖ វីដេអូដែលបានបង្ហោះឃើញចោរលួចបូម ប្រេងជាវីដេអូចាស់ ៤. រដ្ឋបាលខេត្ដក្រចេះទុកពេល៣០ថ្ងៃឱ្យអ្នក ទន្ទ្រានកាន់កាប់ដីនិងធ្វើអាជីវកម្មរ៉ែខុសច្បាប់ បញ្ឈប់សកម្មភាព! ៥. មនុស្សស្លាប់ក្នុងគ្រោះទឹកជំនន់នៅនេប៉ាល់ និងទីបេប្រទេសចិនកើនឡើងដល់ជិត ៤០០នាក់

អគ្គស្នងការដ្ឋាននគរបាលជាតិដាក់ឱ្យប្រើកម្មវិធី“Kapea Scams”​ដើម្បីឱ្យពលរដ្ឋ​រាយការណ៍ពីករណីឆបោក! =============  អគ្គស្នងការដ្ឋាននគរបាលជាតិនៃក្រសួងមហាផ្ទៃ នៅថ្ងៃទី២៨ ខែសីហា ឆ្នាំ២០២៦នេះ បានប្រកាសដាក់ឱ្យប្រើប្រាស់កម្មវិធី “Kapea Scams” នៅលើប្រព័ន្ធទូរសព្ទ ដើម្បីឱ្យប្រជាពលរដ្ឋអាចទាញយកមកប្រើប្រាស់ សម្រាប់រាយការណ៍ពីករណីឆបោកនានា។ លោកឧត្ដមសេនីយ៍ទោ សុខ នីត្យា ប្រធាននាយកដ្ឋានប្រឆាំងបទល្មើសបច្ចេកវិទ្យា បានបញ្ជាក់ក្នុងសន្និសីទសារព័ត៌មានថា ខណៈការប្រើប្រាស់ប្រព័ន្ធបច្ចេកវិទ្យាឌីជីថលសម្រាប់តម្រូវការការងារ និងការរស់នៅប្រចាំថ្ងៃកំពុងមានកំណើន ​ក៏មានជនឆ្លៀតឱកាសមួយចំនួនប្រើប្រាស់ប្រព័ន្ធបច្ចេកវិទ្យានេះប្រព្រឹត្ដ​សកម្មភាពឆបោកផ្សេងៗ ពិសេសបទល្មើសឆបោកតាមប្រព័ន្ធអនឡាញ។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

ក្រសួងធនធានទឹកនិងឧតុនិយមបានឱ្យដឹងថា កម្ពុជា​មិនស្ថិតក្នុងគន្លងផ្លូវដើររបស់ព្យុះទី២២ឈ្មោះ អេតាវ, ព្យុះទី២៣ឈ្មោះ បាងឡាង និងព្យុះទី១៨ឈ្មោះ សូដេល នោះទេ៕ ============= 👉Facebook 👉Telegram 👉TikTok 👉YouTube 👉IOS 👉Android

មន្ទីរបរិស្ថានខេត្តព្រះសីហនុបានបញ្ជាក់ថា មន្រ្តីឧទ្យា នុរក្ស សហការជាមួយអាជ្ញាធរមូលដ្ឋាន បានចុះទប់ ស្កាត់និងបង្រ្កាបសកម្មភាពនៃការចូលទន្រ្ទានកាន់កាប់ដីរដ្ឋ សង់ខ្ទម និងបោះបង្គោលរបស់ហ៊ុំព័ទ្ធកាន់កាប់យកដី ធ្វើជាកម្មសិទ្ធិដោយខុសច្បាប់នៅចំណុចអូរតាអឹង ភូមិ៣ សង្កាត់លេខ១ ក្រុងព្រះសីហនុ ខេត្តព្រះសីហនុ ស្ថិត នៅក្នុងតំបន់ប្រើប្រាស់ច្រើនយ៉ាងព្រែកទឹកសាបក្បាលឆាយ។ ============= 👉Facebook 👉Telegram 👉TikTok 👉YouTube 👉IOS 👉Android

នាយកដ្ឋានប្រឆាំងបទល្មើសបច្ចេកវិទ្យា ជូនដំណឹងអំពីការបង្កើតកម្មវិធីឈ្មោះ "Kapea Scams" ថ្មី ដើម្បីជួយការពារការហៅចូលរបស់លេខទូរស័ព្ទជនឆបោក, ការរាយការណ៍ពីបទល្មើសឆបោកតាមប្រព័ន្ធបច្ចេកវិទ្យា និងមុខងារផ្សេងៗ។ សូមទស្សនាវីដេអូដើម្បីដឹងពីរបៀបដំឡើង និងមុខងារប្រើប្រាស់ នៅលើប្រព័ន្ធទូរសព្ទ។ ============= 👉Facebook 👉Telegram 👉TikTok 👉YouTube 👉IOS 👉Android

ARDBនិងក្លិបអ្នកកាសែតកម្ពុជាចាប់ដៃគ្នាជំរុញការផ្សព្វផ្សាយវិស័យកសិកម្មនិងអាជីវកម្មបៃតង ============= ធនាគារអភិវឌ្ឍន៍ជនបទ និងកសិកម្ម (ARDB) និងក្លិបអ្នកកាសែតកម្ពុជា (CCJ) បានចាប់ដៃគ្នាសហការដើម្បីជំរុញការផ្សព្វផ្សាយវិស័យកសិកម្ម និងវិស័យបៃតង ព្រមទាំងលើកកម្ពស់ការយល់ដឹងរបស់អ្នកសារព័ត៌មានកម្ពុជាលើវិស័យទាំងនេះ។ នៅក្នុងពិធីចុះអនុស្សរណៈនៃការយោគយល់គ្នា (MoU) ស្តីពីកិច្ចសហប្រតិបត្តិការរាងស្ថាប័នទាំងពីរនឹង ជំរុញការផ្តល់ព័ត៌មាន ចំណេះដឹង និងការយល់ដឹងអំពីសារៈសំខាន់នៃវិស័យកសិកម្ម និងវិស័យបៃតងដល់សាធារណជន ដើម្បីចូលរួមជំរុញការអភិវឌ្ឍវិស័យនេះនៅកម្ពុជា។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

ក្រោយបញ្ចប់សន្និសីទប្រធានសភានៃអន្តរសភាលើកទី២ នាថ្ងៃទី២៨ ខែសីហា ឆ្នាំ២០២៦នេះ សេចក្ដីប្រកាសទីក្រុងភ្នំពេញត្រូវបានចេញ ដោយក្នុងនោះបានកត់សម្គាល់នូវចំណុចសំខាន់ៗដូចជាការប្ដេជ្ញាចិត្ដ ចក្ខុវិស័យរួម សន្ដិភាព ច្បាប់អន្ដរជាតិ ការអភិវឌ្ឍប្រកបដោយចីរភាពនិងសន្ដិសុខ មាគ៌ាឆ្ពោះទៅមុខជាដើម ដែលត្រូវបានអនុម័តនៅរាជធានីភ្នំពេញ។ ============= 👉Facebook 👉Telegram 👉TikTok 👉YouTube 👉IOS 👉Android

ក្រុមការងារប្រតិកម្មរហ័សនៃស្នងការដ្ឋាននគរបាលខេត្តពោធិ៍សាត់បានបញ្ជាក់ថា វីដេអូឃ្លីបមួយដែលបង្ហោះ​ដោយគណនីឈ្មោះRatha Na ទាក់ទងនឹង​សកម្មភាព​ចោរកំពុងលួចបូមប្រេងចេញពីរថយន្តធុនធំ១គ្រឿងដែលចតលើចិញ្ចើមផ្លូវ ក្នុងភូមិសាស្រ្តខេត្តពោធិ៍សាត់ គឺជាវីដេអូចាស់ដែលបានកើតឡើងកាលពីថ្ងៃទី ៣ ខែវិច្ឆិកា ឆ្នាំ២០២៥ មកម្ល៉េះ ហើយមុខសញ្ញា​នៅក្នុង​វីដេអូឃ្លីបនេះ និងបក្សពួកមួយចំនួន​ទៀតត្រូវបាន​កម្លាំងរបស់អធិកាដ្ឋាននគរបាលក្រុងពោធិ៍សាត់ឃាត់ខ្លួន និងបញ្ជូនទៅពន្ធនាគារ ដោយមុខសញ្ញា​ខ្លះមិនទាន់​បានដោះលែងពីពន្ធនាគារឡើយទេ។ ជាក់ស្តែង នៅក្នុងឆ្នាំ២០២៦នេះ មិនមានបទល្មើសចោរកម្ម​លួចបូមប្រេងកើតឡើងដូចការលើកឡើងនោះឡើយ ដោយ​ព័ត៌មាននោះជាព័ត៌មានចាស់ និងខ្លះប្រឌិត​ឡើង​៕ ============= 👉Facebook 👉Telegram 👉TikTok 👉YouTube 👉IOS 👉Android

ហេតុអ្វីយុវតី ផាន់ លក្ខណា សម្រេចចិត្តជ្រើសរើសជំនាញមេកានិករថយន្ត? ផ្តើមពីការចាប់អារម្មណ៍លើវិស័យរថយន្ត រហូតសម្រេចចិត្តចាប់យកជំនាញមេកានិករថយន្តនៅសាលា JVC តើលក្ខណាមានអ្វីចែករំលែកខ្លះ? ចង់ដឹងចូលទស្សនាវីដេអូទាំងអស់គ្នា! ============= 👉Facebook 👉Telegram 👉TikTok 👉YouTube 👉IOS 👉Android

រដ្ឋបាលខេត្ដក្រចេះទុកពេល៣០ថ្ងៃចាប់ពីថ្ងៃជូនដំណឹងនេះតទៅ ឱ្យអ្នកទន្ទ្រានកាន់កាប់ដីនិងធ្វើអាជីវកម្មរ៉ែខុសច្បាប់ បញ្ឈប់សកម្មភាពរបស់ខ្លួនជាបន្ទាន់ មិនដូច្នេះនឹងត្រូវប្រឈមចំពោះមុខច្បាប់ជាធរមាន។ នេះបើតាមសេចក្ដីជូនដំណឹងចេញនៅថ្ងៃទី២៥ ខែសីហា ឆ្នាំ២០២៦។ ============= 👉Facebook 👉Telegram 👉TikTok 👉YouTube 👉IOS 👉Android

តាមព័ត៌មានបឋម ​មានករណីអគ្គិភ័យកំពុងឆាបឆេះផ្សារមួយកន្លែង(ផ្សារនាគមាស) ដែលស្ថិតនៅក្នុងសង្កាត់ផ្សារដើមគរ ខណ្ឌទួលគោក រាជធានីភ្នំពេញ នាវេលាម៉ោង១២:៣០នាទីថ្ងៃត្រង់ ​ថ្ងៃទី២៨ ខែសីហា ឆ្នាំ២០២៦​។ នេះបើតាមនាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ។ ============= 👉Facebook 👉Telegram 👉TikTok 👉YouTube 👉IOS 👉Android