VAYO FM NEWS

ក្រសួងការងារបន្តនាំយកឱកាសការងារ៣ ៥០០កន្លែងជូនដល់​ប្រជាពលរដ្ឋ​នៅខេត្តសៀមរាប ============= ក្រសួងការងារនិងបណ្តុះបណ្តាលវិជ្ជាជីវៈ បានបន្តនាំយកឱកាសការងារ ផ្សព្វផ្សាយសេវាសន្តិសុខសង្គម និងបណ្តុះបណ្តាលជំនាញវិជ្ជាជីវៈ ជូនដល់ប្រជាពលរដ្ឋក្នុងមូលដ្ឋាន តាមរយៈការរៀបចំ វេទិកាការងារ សន្តិសុខសង្គម និងបណ្តុះបណ្តាលជំនាញវិជ្ជាជីវៈ ក្រោមប្រធានបទ «ខ្មែរជួយរកការងារ និងផ្តល់ការងារឱ្យខ្មែរ» នៅបរិវេណសាលាស្រុកអង្គរជុំ ខេត្តសៀមរាប នាព្រឹកថ្ងៃទី១០ ខែកក្កដា ឆ្នាំ២០២៦នេះ។ នៅក្នុងនោះបាននាំយកឱកាសការងារចំនួន ៣ ៥០០កន្លែង ពីរោងចក្រ សហគ្រាស និងក្រុមហ៊ុនឯកជន ព្រមទាំងព័ត៌មានអំពីអត្ថប្រយោជន៍របស់បេឡាជាតិសន្តិសុខសង្គម (ប.ស.ស.) និងកម្មវិធីបណ្តុះបណ្តាលបច្ចេកទេស និងវិជ្ជាជីវៈ (TVET) ជូនប្រជាពលរដ្ឋ។ វេទិកានេះមានការចូលរួមពីប្រជាពលរដ្ឋជិត ៦០០នាក់ ដែលមានទាំងអតីតពលករវិលត្រឡប់ពីប្រទេសថៃ និងយុវជនកំពុងស្វែងរកការងារធ្វើ។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

ព័ត៌មានជាតិ-អន្ដរជាតិសំខាន់ៗសម្រាប់ថ្ងៃទី១០ ខែកក្កដា ឆ្នាំ២០២៦៖ ១. សម្តេច ហ៊ុន សែន នឹងអញ្ជើញចូលរួមបុណ្យ សពម្តាយលោក កឹម សុខា ២. ថ្ងៃនេះជាខួប១០ឆ្នាំនៃមរណភាពលោក បណ្ឌិត កែម ឡី! ៣. អ្នកតាមដានរម្លឹកពីវីរភាពដ៏អស្ចារ្យរបស់ បណ្ឌិត កែម ឡី គឺសុខចិត្ដស្លាប់ដើម្បី និយាយការពិត ៤. ក្រសួងរ៉ែបង្ហាញទំហំទឹកប្រាក់ក្នុងការអនុវត្ដ គម្រោងមូលនិធិរ៉ែទ្រទ្រង់កិច្ចអភិវឌ្ឍន៍ សហគមន៍មូលដ្ឋានឆ្នាំ២០២៦ ៥. តុលាការសម្រេចដោះលែងបុរសបើកគោ យន្តកន្រ្តៃបង្កគ្រោះថ្នាក់ចរាចរណ៍នៅ ខេត្ដសៀមរាប ៦. អ៊ីស្រាអែលចែករំលែកព័ត៌មានសម្ងាត់អំពី ផែនការថ្មីរបស់អ៊ីរ៉ង់ដើម្បីធ្វើឃាតលោកត្រាំ ៧. ការសាកល្បងមីស៊ីលពីនាវាមុជទឹករបស់ ចិនជាការបាញ់ធម្មតាឬជាការបាញ់ព្រមាន? ៨. ជប៉ុនគ្រោងចាប់ផ្តើមសាកល្បងរថយន្ត ក្រុងសាធារណៈគ្មានមនុស្សបើកនៅ ឆ្នាំក្រោយ

តុលាការសម្រេចដោះលែងបុរសបើកគោយន្តកន្រ្តៃបង្កគ្រោះថ្នាក់​ចរាចរណ៍​នៅខេត្ដសៀមរាប ============= អ្នកនាំពាក្យសាលាដំបូង និងអយ្យការអមសាលាដំបូងខេត្តសៀមរាប បានបញ្ជាក់ថា នៅព្រឹកថ្ងៃទី១០ ខែកក្កដា ឆ្នាំ២០២៦នេះ សាលាដំបូងខេត្ដសៀមរាបបានបើកសវនាការជាសាធារណៈ ដើម្បីជំនុំជម្រះសំណុំរឿង ពាក់ព័ន្ធនឹងជនជាប់ចោទឈ្មោះ ជន់ ជួន ភេទប្រុស។ តុលាការបានប្រកាសសាលក្រម ដោយសម្រេចផ្ដន្ទាទោសលើឈ្មោះ ជន់ ជួន ដាក់ពន្ធនាគារកំណត់រយៈពេល១ឆ្នាំ តែត្រូវអនុវត្ដទោសក្នុងពន្ធនាគារកំណត់រយៈពេល៥ថ្ងៃ ចំពោះទោសដែលនៅសល់ព្យួរធម្មតា ពីបទ បើកបរដោយធ្វេសប្រហែស ខ្ជីខ្ជា មិនប្រុងប្រយ័ត្ន ឬមិនគោរពកាតព្វកិច្ចដែលច្បាប់តម្រូវ បណ្ដាលឱ្យរងរបួសអ្នកដទៃ។ អ្នកនាំពាក្យបញ្ជាក់បន្ថែមថា តំណាងអយ្យការបានអនុវត្ដតាមអំណាចសាលក្រមខាងលើ ដោយដោះលែងជននេះឱ្យមានសេរីភាព តាមដីកាបង្គាប់ឱ្យដោះលែង ចុះថ្ងៃទី១០ ខែកក្កដា ឆ្នាំ២០២៦ របស់អយ្យការអមសាលាដំបូងខេត្ដសៀមរាប។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

អតីតពលករ​មកពីថៃអំពាវនាវពលករដទៃទៀតចូលរួមធ្វើតេស្ត RPL ដើម្បីទទួលស្គាល់ជំនាញជាផ្លូវការ ============= ​អតីតពលករខ្មែរដែលបានត្រឡប់មកពីប្រទេសថៃ បានអំពាវនាវដល់អតីតពលករ​ដទៃទៀតមក​ចុះឈ្មោះធ្វើ​តេស្តទទួល​ស្គាល់​ជំនាញពីមុន(RPL) ដោយសារវាជាយន្តការដ៏សំខាន់ទទួលបានវិញ្ញាបនបត្របញ្ជាក់ពីចំណេះដឹង ជំនាញ និងបទពិសោធការងារដែល​មានស្រាប់ ​ជាពិសេសវាក៏ជាកូនសោបើកទ្វារទៅកាន់ទីផ្សារការងារ​ និងបង្កើនប្រាក់ចំណូលកាន់តែប្រសើរថែមទៀត។ លោក ទុយ វិទូ អតីតពលករខ្មែរ ដែលបានមកចុះឈ្មោះធ្វើតេស្ត RPL លើមុខជំនាញរៀបចំប្រព័ន្ធទឹក និងអគ្គិសនីបាននិយាយថា លោកបានទទួលដំណឹងនេះពីមិត្តភក្ដិដែលបានមកធ្វើតេស្ត និងទទួលបានវិញ្ញាបនបត្ររួចហើយ។ ដូច្នេះលោកមានការចាប់អារម្មណ៍ និងបន្តការរៀនជំនាញថែមទៀត ដើម្បីបង្កើនចំណេះដឹងផង និងចង់បានការងារសមរម្យផងដែរ។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

អ្នកតាមដានរម្លឹកពីវីរភាពដ៏អស្ចារ្យរបស់បណ្ឌិត កែម ឡី គឺសុខចិត្ដស្លាប់ដើម្បី​និយាយការពិត ============= ទោះបីជាកន្លងផុតទៅរយៈពេល១០ឆ្នាំហើយក្ដី ប៉ុន្ដែគុណតម្លៃរបស់លោកបណ្ឌិត កែម ឡី នៅតែដក់ជាប់ក្នុងអារម្មណ៍របស់ប្រជាពលរដ្ឋខ្មែរជាច្រើន។ មិនថាពលរដ្ឋសាមញ្ញ អ្នកស្រាវជ្រាវ អ្នកវិភាគ អ្នកនយោបាយ សហជីព អង្គការសង្គមស៊ីវិល នៅតែកោតសរសើរយ៉ាងខ្លាំងចំពោះវីរភាពរបស់លោកបណ្ឌិត កែម ឡី។ ​អ្នកតាមដាននិងអង្គការសង្គមស៊ីវិល បានលើកឡើងថា វីរភាពរបស់លោកបណ្ឌិត កែម ឡី តាំងពីនៅមានជីវិតរហូតដល់ថ្ងៃបាត់បង់ជីវិត គឺជាគំរូដ៏អស្ចារ្យមួយសម្រាប់អ្នកជំនាន់ក្រោយ។ ពោលលោកសុខចិត្ដស្លាប់ដើម្បីនិយាយការពិត មិនរស់ដើម្បីនិយាយភូតកុហកនោះឡើយ៕ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

ជប៉ុនគ្រោងចាប់ផ្តើមសាកល្បងរថយន្តក្រុងសាធារណៈគ្មានមនុស្សបើកនៅឆ្នាំក្រោយ ============= ក្រសួងសេដ្ឋកិច្ច ពាណិជ្ជកម្មនិងឧស្សាហកម្មជប៉ុន​បាន​និយាយថា ជប៉ុនមានគម្រោងចាប់ផ្តើមសាកល្បង​ឡាន​ក្រុងគ្មានមនុស្សបើក សម្រាប់ការដឹកជញ្ជូនសាធារណៈ​ចាប់ពីឆ្នាំ២០២៧ ដែលជាការបោះជំហានដ៏សំខាន់​មួយ​នៅក្នុងការផ្លាស់ប្តូររបស់ប្រទេស ឆ្ពោះទៅរកប្រព័ន្ធដឹក​ជញ្ជូន​សាធារណៈ គ្មានមនុស្សបើក។ តាមរយៈកម្ម​វិធីសាក​ល្បងនេះ គេនឹងឃើញរថយន្តក្រុងបំពាក់ប្រព័ន្ធ​ត្រួតពិនិត្យពីចម្ងាយ ដែលមានសមត្ថភាពត្រួតពិនិត្យ​ទាំងប្រតិបត្តិការរថយន្តនិងជំនួយសម្រាប់អ្នកដំណើរ។ គម្រោងនេះ ជាផ្នែកមួយនៃយុទ្ធសាស្រ្តដ៏ទូលំទូលាយ​របស់ប្រទេសជប៉ុន ដើម្បីពន្លឿនការទទួលយក​បច្ចេក​វិទ្យាដឹកជញ្ជូនស្វ័យប្រវត្តិ ខណៈប្រទេសមួយនេះប្រឈម​មុខនឹងកម្លាំងពលកម្មដែលកំពុងធ្លាក់ចុះ និងចំនួនប្រជា​ជន​វ័យចំណាស់ ជាពិសេសនៅក្នុង​តំបន់ជនបទ ជាកន្លែង​ដែលកង្វះអ្នកបើកបរឡានក្រុងកាន់តែធ្ងន់ធ្ងរឡើងៗ។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

សម្តេចតេជោ ហ៊ុន សែន​ នៅរសៀលថ្ងៃទី១០ ខែកក្កដា ឆ្នាំ២០២៦នេះ បានអញ្ជើញទៅចូលរួមពិធីបុណ្យសពឧបាសិកា សៅ ង៉ែត ដែលត្រូវជាម្តាយបង្កើតលោក កឹម សុខា ដោយផ្ទាល់ ដើម្បីគោរពវិញ្ញាណក្ខន្ធ។ សូមជម្រាបថា ឧបាសិកា សៅ ង៉ែត បានទទួលមរណភាពនៅថ្ងៃទី៨ ខែកក្កដា ឆ្នាំ២០២៦ វេលាម៉ោង ២៣៖០០នាទី ក្នុងជន្មាយុ១០១ឆ្នាំ ដោយជរាពាធ៕ ============= 👉Facebook 👉Telegram 👉TikTok 👉YouTube 👉IOS 👉Android

ក្រសួងរ៉ែបង្ហាញទំហំទឹកប្រាក់ក្នុងការអនុវត្ដគម្រោងមូលនិធិរ៉ែទ្រទ្រង់កិច្ច​អភិវឌ្ឍន៍​សហគមន៍មូលដ្ឋានឆ្នាំ២០២៦ ============= ក្រសួងរ៉ែនិងថាមពល បានចេញសេចក្ដីប្រកាសព័ត៌មាននៅថ្ងៃទី១០ ខែកក្កដា ឆ្នាំ២០២៦នេះ បង្ហាញពីទំហំទឹកប្រាក់ក្នុងការអនុវត្ដគម្រោងមូលនិធិរ៉ែទ្រទ្រង់កិច្ចអភិវឌ្ឍន៍សហគមន៍មូលដ្ឋាន ឆ្នាំ២០២៦។ នៅក្នុងនោះសម្រាប់ឆ្នាំ២០២៦ ក្រសួងអនុម័តឱ្យប្រើប្រាស់មូលនិធិលើគម្រោងចំនួន៤៨ មានថវិកាសរុប ៥ ៦៩៥ ៥៦៧,២៨ ដុល្លារអាមេរិក តាមបណ្ដាឃុំចំនួន៤៦ ក្នុងខេត្ដចំនួន១០។ ខេត្ដទាំង១០មានដូចជា ខេត្ដតាកែវ កំពត កណ្ដាល ព្រៃវែង កំពង់ស្ពឺ កំពង់ចាម កោះកុង ក្រចេះ ព្រះវិហារ បន្ទាយមានជ័យ។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

ក្រសួងការងារប្រកាសជ្រើសរើសពលករខ្មែរ២ពាន់នាក់ទៅធ្វើការនៅអ៊ីស្រាអែល​ក្នុង​វិស័យកសិកម្ម ============= ក្រសួងការងារនិងបណ្ដុះបណ្ដាលវិជ្ជាជីវៈ បានជូនដំណឹងពីការជ្រើសរើសពលករខ្មែរចំនួន២,០០០នាក់ ដើម្បីបណ្ដុះបណ្ដាល និងបញ្ជូនទៅធ្វើការនៅប្រទេសអ៊ីស្រាអែលក្នុងវិស័យកសិកម្ម។ តាមសេចក្ដីជូនដំណឹងនៅថ្ងៃទី៩ ខែកក្កដា ឆ្នាំ២០២៦ ការជ្រើសរើសនេះដើម្បីបំពេញតម្រូវការកម្លាំងពលកម្មកម្ពុជាសម្រាប់ទៅធ្វើការក្នុងវិស័យកសិកម្មនៅអ៊ីស្រាអែល។ ទាក់ទងនឹងការជ្រើសរើស ក្រសួងបានកំណត់ពីលក្ខខណ្ឌមួយចំនួន ហើយកាលបរិច្ឆេទនៃការចែកពាក្យគឺនៅថ្ងៃទី១៨-១៩ ខែកក្កដា ឆ្នាំ២០២៦ ពេលព្រឹកចាប់ពីម៉ោង៨ដល់ម៉ោង១២ និងពេលរសៀលចាប់ពីម៉ោង១ដល់ម៉ោង៥ នៅវិទ្យាស្ថានជាតិពហុបច្ចេកទេសកម្ពុជា(NPIC)។ បេក្ខជនត្រូវមកទទួលពាក្យដោយផ្ទាល់ និងត្រូវភ្ជាប់មកជាមួយនូវអត្ដសញ្ញាណប័ណ្ណសញ្ជាតិខ្មែរច្បាប់ដើម។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

អ៊ីស្រាអែលចែករំលែកព័ត៌មានសម្ងាត់អំពីផែនការថ្មីរបស់អ៊ីរ៉ង់ដើម្បីធ្វើឃាតលោកត្រាំ ============= អ៊ីស្រាអែលបានចែករំលែកព័ត៌មានស៊ើបការណ៍សម្ងាត់ជាមួយអាមេរិក អំពី ផែនការថ្មីនិងជាក់លាក់របស់អ៊ីរ៉ង់ ដើម្បីធ្វើឃាតលោកដូណាល់ ត្រាំប្រធានាធិបតីអាមេរិក។ នេះបើតាមប្រព័ន្ធផ្សព្វផ្សាយអាមេរិកបានរាយការណ៍ នៅថ្ងៃទី០៩ខែកក្កដាឆ្នាំ២០២៦។ សេចក្តីរាយការណ៍នេះធ្វើឡើងបន្ទាប់ពីលោកត្រាំ បាន​ដូរយន្តហោះជិះដ៏គួរឱ្យភ្ញាក់ផ្អើល នៅពេលចាកចេញពី​ប្រទេសតួកគី ក្រោយបញ្ចប់កិច្ចប្រជុំកំពូលរបស់​អង្គការ​NATO។ បើតាមAPបានរាយការណ៍ថា លោកត្រាំបាន​ចាក​ចេញពីប្រទេសតួកគី ដោយជិះយន្តហោះចាស់ Air Force Oneពណ៌ខៀវមួយគ្រឿង ជំនួសឱ្យយន្តហោះថ្មី​និង​ប្រណីត ពណ៌ក្រហម សមួយគ្រឿង ដែលជាអំណោយ​របស់​ប្រទេសកាតា។ ការប្តូរយន្តហោះជិះនេះ បានបង្កឱ្យ​មានការងឿងឆ្ងល់ ខណៈអាមេរិកនិងអ៊ីរ៉ង់បានបើកការ​វាយប្រហារដាក់គ្នាជាថ្មី ដែលបង្កើនការព្រួយបារម្ភ​នៃការវិលត្រឡប់ទៅរកសង្រ្គាមទ្រង់ទ្រាយធំវិញ។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

ថ្ងៃនេះជាខួប១០ឆ្នាំនៃមរណភាពលោកបណ្ឌិត កែម ឡី! =============   នៅថ្ងៃទី១០ ខែកក្កដា ឆ្នាំ២០២៦នេះ គឺជាខួប១០ឆ្នាំនៃមរណភាពលោកបណ្ឌិត កែម ឡី អ្នកវិភាគនិងជាអ្នកស្រាវជ្រាវការអភិវឌ្ឍសង្គម។ រៀងរាល់ឆ្នាំនៅថ្ងៃខួបមរណភាព​ តែង​មានអង្គការសង្គមស៊ីវិល សហជីព គណបក្សនយោបាយក្រៅរដ្ឋាភិបាល ក៏ដូចជាអ្នកគោរពស្រឡាញ់លោក បានរៀបចំ​ពិធីគោរពវិញ្ញាណក្ខន្ធរម្លឹកខួប។ នៅឆ្នាំនេះក៏មិនខុសគ្នាដែរ នៅព្រឹកថ្ងៃទី១០ ខែកក្កដា ឆ្នាំ២០២៦នេះ ក្រុមអង្គការសង្គមស៊ីវិល សហជីព បក្សក្រៅរដ្ឋាភិបាល បានទៅ​ហាងស្តារម៉ាត (Star Mart) នៃស្ថានីយប្រេងឥន្ធនៈកាល់តិច (Caltex) ស្តុបបូកគោ រាជធានីភ្នំពេញ ដែលជាទីតាំងឃាតករបាញ់សម្លាប់លោកបណ្ឌិត កែម ឡី កាលពី១០ឆ្នាំមុនដើម្បីគោរពវិញ្ញាណក្ខន្ធ។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

ការសាកល្បងមីស៊ីលពីនាវាមុជទឹករបស់ចិនជាការបាញ់ធម្មតាឬជាការបាញ់ព្រមាន? ============= កាលពីថ្ងៃចន្ទទី០៦ខែកក្កដាឆ្នាំ២០២៦ កងទ័ពជើងទឹកចិន​បានបាញ់មីស៊ីលប្លោងរយៈចម្ងាយឆ្ងាយពីនាវាមុជទឹកចូលទៅក្នុងដែនទឹកអន្តរជាតិ នៅមហាសមុទ្រប៉ាស៊ីហ្វិក។ មីស៊ីលដែលមានសមត្ថភាពនុយក្លេអ៊ែរពាំក្បាលគ្រាប់សិប្បនិម្មិត បានបាញ់ពីក្រោមទឹកនិងត្រូវបានគេជឿថា​បានធ្លាក់នៅជិតប្រទេសTuvalu។ រដ្ឋាភិបាលចិនបាននិយាយថា ព្រឹត្តិការណ៍នេះគឺជាផ្នែក​ធម្មតា​មួយនៃកម្មវិធីហ្វឹកហ្វឺនយោធាប្រចាំឆ្នាំរបស់ចិន ហើយមិនមែនសំដៅលើប្រទេស ឬគោលដៅជាក់លាក់​ណាមួយឡើយ។ ការធ្វើតេស្តនេះទៀតសោត ក៏បាន​ជូនដំណឹងទៅដល់ប្រទេសនានាឱ្យដឹងមុនដែរ។ ទោះ​ជាយ៉ាងណាក៏ដោយ អាមេរិក អូស្រ្តាលី ណូវែលសេឡង់​និងជប៉ុន សុទ្ធតែបានបញ្ចេញប្រតិកម្មរិះគន់និងព្រួយបារម្ភ ចំពោះការបាញ់បង្ហោះមីស៊ីលរបស់ចិន ដោយខ្លះថា វាជាការបង្កអស្ថិរភាព។ ​ការបាញ់មីស៊ីលរបស់ចិនជាការធ្វើតេស្តទៅតាមទម្លាប់ធម្មតា​ឬយ៉ាងណា? ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

ក្រុមជម្រើសជាតិបារាំង បានកក់កៅអីឡើងទៅចាំនៅវគ្គពាក់កណ្តាលផ្តាច់ព្រ័ត្រ FIFA World Cup 2026 មុនគេ បន្ទាប់ពីទម្លាក់ម៉ារ៉ុកក្នុងលទ្ធផល២ទល់នឹង០នៅវគ្គ៨ក្រុមចុងក្រោយ។ គ្រាប់បាល់របស់បារាំងរកបានមួយគ្រាប់ម្នាក់ដោយកីឡាករ Kylian Mbappeនិង Osmane Dembele ។ ============= 👉Facebook 👉Telegram 👉TikTok 👉YouTube 👉IOS 👉Android

សម្តេច ហ៊ុន សែន នឹងអញ្ជើញចូលរួមបុណ្យសពម្តាយលោក កឹម សុខា =============   សម្តេចតេជោ ហ៊ុន សែន នឹងអញ្ជើញចូលរួមបុណ្យសពម្តាយលោក កឹម សុខា។ នេះបើតាមការបញ្ជាក់របស់លោក ជា ធីរិទ្ធ អ្នកនាំពាក្យសម្ដេច ហ៊ុន សែន។ កាលពីម្សិលមិញនេះ​ សម្ដេចតេជោក៏បានផ្ញើសារលិខិតចូលរួមរំលែកទុក្ខលោក កឹម សុខា និងក្រុមគ្រួសារផងដែរ។ ​ចំណែកសម្ដេចធិបតីនាយករដ្ឋមន្ដ្រី ក៏បានផ្ញើសារចូលរួមរំលែកទុក្ខដូចគ្នា។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

សហជីពគាំទ្រកម្មវិធីRPLព្រោះជួយអតីតពលករ​ខ្មែរមកពីថៃ​ឱ្យមាន​វិញ្ញា​បនបត្រ​​បញ្ជាក់ជំនាញ   ============= សហជីពធំៗនៅកម្ពុជា បានបង្ហាញការពេញចិត្ត និងគាំទ្រពេញទំហឹងចំពោះកម្មវិធីវាយតម្លៃទទួលស្គាល់ជំនាញពីមុន(RPL) ដែលជួយដល់អតីតពលករខ្មែរដែលបានវិលត្រឡប់ពីប្រទេសថៃ តាមរយៈការទទួលស្គាល់សមត្ថភាព​ និងបទពិសោធពីក្រៅប្រទេសឱ្យទៅជាវិញ្ញាបនបត្រជាតិផ្លូវការ ដែលនាំឱ្យពួកគេងាយស្រួលរកការងារធ្វើ ប្រាក់ខែសមរម្យ និងមានឱកាសឡើងតំណែង។ លោក សំ​ សឿន ប្រធាន​សហភាពពលកម្មជាតិកម្ពុជា បានថ្លែងប្រាប់អ្នកសារព័ត៌មាននៅវិទ្យាស្ថានជាតិបណ្តុះបណ្តាលបច្ចេកទេស(NTTI)​ថា លោកគាំទ្រចំពោះចំណាត់ការរបស់រាជរដ្ឋាភិបាល ដែលមានក្រសួងការងារ និងបណ្ដុះបណ្ដាលវិជ្ជាជីវៈជាសេនាធិកា បានដាក់ចេញនូវកម្មវិធី RPL នេះ ដើម្បីជួយអតីតពលករខ្មែរដែលបានវិលត្រឡប់មកពីប្រទេសថៃ។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

ព័ត៌មានជាតិ-អន្ដរជាតិសំខាន់ៗសម្រាប់ថ្ងៃទី០៩ ខែកក្កដា ឆ្នាំ២០២៦៖ ១. សម្ដេចតេជោនិងសម្ដេចធិបតីផ្ញើសាររំលែក ទុក្ខលោកកឹម សុខាដែលម្ដាយទទួល មរណភាព ២. ម្ដាយលោក កឹម សុខា ទទួលមរណភាពនៅ ម៉ោង១១យប់មិញដោយជរាពាធ ៣. កម្ពុជាប្រាប់អន្ដរជាតិជាថ្មីពីការអត់ធ្មត់ដើម្បី បន្ថយភាពតានតឹងតែថៃបែរជាបន្ដសកម្មភាព រំលោភច្បាប់! ៤. ម៉ាឡេស៊ីបញ្ជាក់ជំហរគាំទ្រកម្ពុជាពេញ ទំហឹងដែលប្រើការសន្ទនាដោះស្រាយ ជម្លោះជាមួយថៃ ៥. តុលាការសម្រេចបន្តឃុំខ្លួនអ្នកបើកគោយន្ត កន្រ្តៃបង្កគ្រោះថ្នាក់ចរាចរណ៍ទោះដើមបណ្តឹង មិនទាមទារសំណង ៦. កម្ពុជានៅបន្ដរងឥទ្ធិពលពីព្យុះទី៩បាវីដែល អាចមានភ្លៀងធ្លាក់ជាមួយខ្យល់កន្ដ្រាក់ និងផ្គររន្ទះ! ៧. សភាថៃអនុម័តការលើកលែងទោសដល់ សកម្មជនរាប់រយនាក់ ៨. អ៊ីរ៉ង់ថ្កោលទោសការវាយប្រហាររបស់ អាមេរិកនៅក្នុងលិខិតផ្ញើទៅក្រុមប្រឹក្សា សន្តិសុខUN

តុលាការសម្រេចបន្តឃុំខ្លួនអ្នកបើកគោយន្តកន្រ្តៃបង្កគ្រោះថ្នាក់ចរាចរណ៍ទោះដើមបណ្តឹងមិនទាមទារសំណង ============= សាលាដំបូង និងអយ្យការអមសាលាដំបូង ខេត្តសៀមរាបបានសម្រេចបន្តឃុំខ្លួនអ្នកបើកគោយន្តកន្រ្តៃ(គ្មានភ្លើងបំភ្លឺផ្លូវ)ហើយត្រូវក្មេងស្រី២នាក់បើកក្នុងល្បឿនលឿនបុកពីក្រោយបណ្តាឱ្យរងរបួស ដើម្បីបើកសវនាការជំនុំជម្រះ តាមនីតិវិធីច្បាប់។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android

ម៉ាឡេស៊ីបញ្ជាក់ជំហរគាំទ្រកម្ពុជាពេញទំហឹងដែលប្រើការសន្ទនាដោះស្រាយ​ជម្លោះជាមួយថៃ ============= ម៉ាឡេស៊ីបានបញ្ជាក់ពីគោលជំហរគាំទ្រកម្ពុជាយ៉ាងមុតមាំ ចំពោះការដោះស្រាយជម្លោះជាមួយថៃតាមរយៈការសន្ទនា។ ពោលគឺការសន្ទនាក្រោមយន្តការ GBC ឬ JBC និងឈរលើគោលការណ៍មជ្ឈភាពអាស៊ាន។ ការបង្ហាញជំហរគាំទ្រនេះធ្វើឡើងនៅក្នុងកិច្ចជំនួបរវាងនាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ និងនាយឧត្តមសេនីយ៍ តាន់ ម៉ាឡេក រ៉ាហ្សាក់ ប៊ីន សូឡាយម៉ាន់ អគ្គមេបញ្ជាការកងទ័ពម៉ាឡេស៊ី នាព្រឹកថ្ងៃទី៩ ខែកក្កដា ឆ្នាំ២០២៦ នារាជធានីភ្នំពេញ។ ============= 🌐អានព័ត៌មាន 👉Facebook 👉Telegram 👉TikTok 👉YouTube 👉IOS 👉Android