Ethio Psychiatry

🟣 ቀን 18 | 30 የፆታ ጥቃት (GBV) የግንዛቤ እና የማህበረሰብ ንቅናቄ ቀናት "የስነ-ልቦና የመጀመሪያ እርዳታ (PFA) ለተጎጂዎች" የስነልቦና የመጀመሪያ ደረጃ እርዳታ (Psychological First Aid) ========================== አገራችን በብዙ አሳሮች መሃል እያለፈች ነው። ጦርነት፣ ድርቅ፣ የኑሮ መወደድ፣ የፖለቲካ እና ሌሎች ብዙ ችግር ብቻ ሳይሆን ችጋሮችን እየተጋፈጡ መኖር ለህዝባችን እጣፈንታው የሆነ ከመሰለም ሰነባብቷል። ታዲያ በነዚህ መሰል መከራና አሳር የሚያልፍ ሰው ከአካላዊ ህመሞች እና ጉዳቶች ባልተናነሰ የስነልቦና ቀውስ ይገጥመዋል። ይህ ችግር በግዜ አስፈላጊውን የስነልቦና ድጋፍ ካላገኘ ወደ ትላልቅ የአዕምሮ ህመሞች ሊያድግ ይችላል። ከላይ በርእሳችን ላይ ያነሳነው (Psychological First Aid) ለዚህ ችግር አይነተኛ የህክምና ዘዴ ነው። ለየት የሚያደርገው ደግሞ እንደሌሎቹ የስነልቦና ህመሞች በዘርፉ ከሰለጠኑ ባለሙያዎች ብቻ የሚሰጥ ህክምና አይደለም። ይልቅ ከነርሱ በተጨማሪ በማንኛውም ቅን ልቦና ያለው ዜጋ ሊሰጥ የሚችል የስነልቦና ድጋፍ ነው። Psychological First Aid ምን ማለት ነው? ==== የስነልቦና የመጀመሪያ ደረጃ እርዳታ ( Psychological First Aid)፦ ማለት በቅርብ ጊዜ ለከባድ ጭንቀት እና የስነልቦና ቀውስ ተጋላጭ ለሆኑ ሰዎች ሰብአዊ፣ ደጋፊ እና ተግባራዊ እርዳታ መስጠት ማለት ነው። ሳይኮሎጂካል የመጀመሪያ እርዳታ እንዴት ይሰጣል? === 👉🏻የማይረብሽ፣ ተግባራዊ የሆነ እንክብካቤ እና ድጋፍ መስጠት። 👉🏻ፍላጎቶችን እና ስጋቶችን ምንድ ናቸው ብሎ መገምገም። 👉🏻በደንብ ማዳመጥ፣ ሆኖም ግን ሰዎች እንዲናገሩ ግፊት ማድረግ የለብንም። 👉🏻ሰዎችን ማጽናናት እና እርጋታ እንዲሰማቸው መርዳት። 👉🏻ሰዎች ከመረጃ፣ ከአገልግሎቶች እና ከማህበራዊ ድጋፎች ጋር እንዲገናኙ መርዳት። 👉🏻ሰዎችን ከተጨማሪ ጉዳት መጠበቅ። Psychological First Aid ሲባል ምን አይደለም? === ✅ባለሙያዎች ብቻ ሊያደርጉት የሚችሉት ነገር አይደለም። ✅የባለሙያ ምክር ብቻ ማለትም አይደለም። ✅ሰዎች የሆነውን ነገር እንዲመረምሩ ወይም ጊዜንና ክስተቶችን እንዲያስቀምጡ መጠየቅ አይደለም። ✅ምንም እንኳን ሳይኮሎጂካል መጀመሪያ እርዳታ የሰዎችን ታሪኮች ለማዳመጥ መገኘትን የሚያካትት ቢሆንም፣ ሰዎች በአንድ ክስተት ላይ ስሜታቸውን ወይም ምላሻቸውን እንዲነግሩዎት ግፊት ማድረግ አይደለም። ሳይኮሎጂካል መጀመሪያ እርዳታ ለማን እና መቼ? == ለማን? °° 👉🏻ለአዋቂዎችና ለህፃናት ሊሰጥ ይችላል። 👉🏻በቅርቡ ለከባድ አስጨናቂ ክስተት የተጋለጡ በጣም የተጨነቁ ሰዎች። መቼ? °° 👉🏻በጣም ከተጨነቁ ሰዎች ጋር ለመጀመሪያ ጊዜ በሚገናኙበት ወቅት። ብዙውን ጊዜ አንድ ክስተት (ምሳሌ ጦርነት፣ ድርቅ፣ ግላዊ አደጋ...ወዘተ) ከተከሰተ ከጥቂት ሰዐታት በኋላ ሊሆን ይችላል። ወይም አንዳንድ ጊዜ ከጥቂት ቀናት ወይም ሳምንታት በኋላም ይሆናል። 👉🏻እርዳታን በማይፈልጉት ላይ ማስገደድ ባይመከርም፣ ነገር ግን እራስን ከጎኑ እንዲላችሁ እና ድጋፍ በፈለገ ሰዓት በቀላሉ ሊያገኟችሁ እንደሚችሉ እንዲተማመኑ ማድረግ ይገባል። Source: WHO (PFA Guideline) ዮርዳኖስ ይሁን (የስነ-አእምሮ ባለሙያ) ከግንዛቤ ወደ እውቀት ➡️ ከእውቀት ወደ ተግባር ➡️ ከተግባር ወደ ማህበረሰባዊ ለውጥ! ተከታተሉን፣ ይሳተፉ፣ ድምፅዎንም ያሰሙ! 📩 ኢሜይል፡ ethiopsychiatry5@gmail.com ኢትዮ ሳይኪያትሪ (Ethio Psychiatry) Tiktok 👇https://www.tiktok.com/@ethiopsychiatry?_r=1&_t=ZS-99WiKzz9Ue5 Join us👇 Telegram https://t.me/ethiopsychiatry https://t.me/ethiopsychiatry