XazonRezgi (Official Channel)
Open in Telegram
Ассалому алайкум. Хазонрезгининг телеграмм каналига хуш келибсиз! Каналдан пост улашганда муаллиф номини ўчирманг! Perfluence https://t.me/joinchat/AAAAAFB59SM9yhwXJGeW_g Реклама таклифи: https://t.me/Reklamarezgi
Show more📈 Analytical overview of Telegram channel XazonRezgi (Official Channel)
Channel XazonRezgi (Official Channel) (@xazon_rezgi) in the Uzbek language segment is an active participant. Currently, the community unites 70 543 subscribers, ranking 672 in the Religion & Spirituality category and 986 in the Uzbekistan region.
📊 Audience metrics and dynamics
Since its creation on невідомо, the project has demonstrated rapid growth, gathering an audience of 70 543 subscribers.
According to the latest data from 29 October, 2026, the channel demonstrates stable activity. Although there has been a change in the number of participants by -2 830 over the last 30 days and by -501 over the last 24 hours, overall reach remains high.
- Verification status: Not verified
- Engagement rate (ER): The average audience engagement rate is 13.24%. Within the first 24 hours after publication, content typically collects 8.65% reactions from the total number of subscribers.
- Post reach: On average, each post receives 9 378 views. Within the first day, a publication typically gains 6 131 views.
- Reactions and interaction: The audience actively supports content: the average number of reactions per post is 173.
📝 Description and content policy
The author describes the resource as a platform for expressing subjective opinions:
“Ассалому алайкум. Хазонрезгининг телеграмм каналига хуш келибсиз!
Каналдан пост улашганда муаллиф номини ўчирманг!
Perfluence https://t.me/joinchat/AAAAAFB59SM9yhwXJGeW_g
Реклама таклифи: https://t.me/Reklamarezgi”
Thanks to the high frequency of updates (latest data received on 30 October, 2026), the channel maintains relevance and a high level of publication reach. Analytics show that the audience actively interacts with content, making it an important point of influence in the Religion & Spirituality category.
70 543
Subscribers
-50124 hours
+2 3237 days
-2 83030 days
Posts Archive
🌙 Бугунги неъматлар учун шукрлар бўлсин! Йўл қўйган хато ва камчиликларимизни Аллоҳ Ўзи кечирсин! Эртанги тонгга барчани соғ-омон етказсин!
Хайрли тун, Азизлар!
Аллоҳга омонатсиз!
@xazon_rezgi
#ЁНИМДА_ҚОЛ
Муаллиф: Гулбаҳор Рахматуллаева (Хазонрезги)
— Болам, қўрқма. Билиминг ўзинг билан. Қанча меҳнат қилган бўлсанг, бугун шу меҳнатингнинг натижасини кўрсатасан. Биз эса уйда дуода бўламиз, — дедим.
У кўзларимга бир зум тикилиб турди-да:
— Раҳмат, ойижон, — деди.
Ота-бола йўлга чиқишди.
Машина ҳовлидан чиқиб кетар экан, мен дарвозадан узоқ вақтгача кўз узолмадим. Машина кўча юзига бурилиб, кўздан ғойиб бўлгачгина ичкарига кирдим.
Аммо қўлим ишга бормади.
Нима қилсам ҳам хаёлим Аюбхонда эди. Бир пиёла чой қуйдим — ичолмадим. Томоғимдан ўтмади. Бир ишни бошладим — охирига етказолмадим. Гоҳ соатга қарардим, гоҳ телефонни қўлимга олардим.
«Ҳозир имтиҳонга киргандир...»
«Ҳозир саволлар тарқатилгандир...»
«Қайси савол тушдийкин?»
«Билими етарлимикан?»
Она юраги деганлари шу экан-да. Болангиз катта бўлиб, ўз йўлидан юриб кетса ҳам, унинг ҳар бир қадами учун юракдан хавотир олиб турар экансиз.
Охири хонамга кирдим. Жойнамозимни ёздим.
Қўлларимни дуога очиб, Аюбхон учун билган дуоларимни ўқий бошладим.
— Ё Раббим, фарзандимга Ўзинг мададкор бўл. Унинг илмини зиёда қил. Қалбига хотиржамлик бер. Билганларини ёдига сол. Қўлидан келмайдиган нарсани унга юклама. Агар бу олийгоҳ унинг учун хайрли бўлса, йўлини очиб бер. Агар ундан ҳам хайрлироқ йўл бор бўлса, ўша йўлга бошла...
Дуо қилар эканман, кўзларимга ёш келди.
Мен Аюбхоннинг фақат ўқишга киришини эмас, аввало, яхши инсон бўлиб камол топишини сўрардим. Чунки фарзанднинг катта олийгоҳда ўқиши яхши, аммо унинг қалбида имон, одоб, меҳр ва инсоф бўлиши ундан-да улуғ неъмат эди.
Вақт эса жуда секин ўтаётгандек туюларди.
@xazon_rezgi /170
#ЁНИМДА_ҚОЛ
Муаллиф: Гулбаҳор Рахматуллаева (Хазонрезги)
🍂
Шу тариқа ўғлим мактабни аъло баҳолар билан тамомлаб, ҳужжатларини ўзи орзу қилган олийгоҳга топширди. Унинг бу кунларга етиб келишида қанча меҳнат, қанча бедор тунлар, қанча изланиш ва интилишлар борлигини мен билан Абдуллоҳ ака яхши билардик.
Ва ниҳоят, биз интиқлик билан кутган кун ҳам келди.
Аюбхон олийгоҳга кириш имтиҳонини топширадиган кун тонг саҳаридан уйимизда одатдагидан бошқача кайфият ҳукм сурарди. Ҳали бомдод намози вақти киришидан бир соат аввал уйғониб кетдим. Биринчи ўйим, одатдагидек, Аюбхон бўлди. Унинг хонаси томон бир неча бор қараб қўйдим. «Яхши ухлай олдими экан?» деб ўйладим. Бу лаҳзаларни бир пайтлар ўз бошимдан ўтказганман. Мен ҳам олийгоҳга имтиҳон топширишдан аввалги тунни юрагим тўла ҳадик ва ҳаяжон билан деярли бедор ўтказгандим. Ўғлимда ҳам бундай ҳолат бўлиши табиий адбатта.
Тонг ёришмаёқ эшик очилиб, ўғлим кўринди. У ювиниб, кийиниб бўлган, имтиҳон учун керакли ҳужжатларини яна бир бор текшириб чиқарди. Ҳар бир ишини жуда вазминлик билан бажарарди.
Абдуллоҳ ака:
— Болам, ҳамма ҳужжатларинг жойидами? Паспортингни олдингми? — деб сўрадилар.
— Ҳа, дада, ҳаммаси тайёр, — деди Аюбхон хотиржам овозда.
Аммо она қалби боласининг овозидаги ўша хотиржамлик ортида қанчадан-қанча ҳаяжон яширинганини сезар экан.
Аюбхонни имтиҳонга Абдуллоҳ ака олиб борадиган бўлдилар. Мен эса эшик олдида уларни кузатиб турардим. Синглиси Сора билан укаси Исроил ҳам акасига омад тилаб, дуода қолишди.
— Акажон, омад сизга! — деди Сора.
— Иншааллоҳ, ўқишга кирасиз, — деб қўшиб қўйди Исроил ҳам.
Аюбхон уларнинг бошларини силаб:
— Дуода бўлинглар, — деди жилмайиб.
Шу пайт кўзимга унинг ранги бироз оқариб кетгандек кўринди. Юрагим шув этди.
«Болам бечора бир неча ойлардан буён тинимсиз ўқиди, изланди. Эрта тонгдан китоб бошида ўтирди, кечалари ҳам дарс қилди. Обдон толиқди. Балки кечаси ҳаяжондан яхши ухлай олмагандир», — дея ўйладим мен.
Сўнг ўзимни ўзим овутдим:
«Ҳай, майли. Бугун имтиҳонини топшириб олсин.Сўнг Абдуллоҳ акадан бир неча кунга табиат қўйнига оилавий олиб чиқиб лам олдириб келишларини сўрайман. Аюбхоним ҳам бир кўнглини ёзиб келсин».
Абдуллоҳ ака машина эшигини очиб, Аюбхонни чақирдилар.
— Қани, болам, кеч қолмайлик.
Аюбхон менга қаради. Мен эса унинг елкасига қўлимни қўйиб:
@xazon_rezgi /169
#ЁНИМДА_ҚОЛ
Муаллиф: Гулбаҳор Рахматуллаева (Хазонрезги)
Аюбхон бу сафар ҳеч ўйланмай:
— Фарзандининг бахтини, — деб жавоб берди, — лекин менимча, ота-она учун фарзандининг фақат бой ёки машҳур бўлиши эмас, яхши инсон бўлиб етишиши муҳимроқ.
Абдуллоҳ ака шу ерда узоқ жим қолдилар.
Мен ҳам жим эдим.
Бироздан кейин у киши паст овозда:
— Ана шу жавобдан кейин мен унга яна бир савол бердим, — дедилар.
— Қандай савол?
— «Агар сенга бутун дунёдаги энг катта бойликни беришса-ю, эвазига виждонингдан воз кечишни сўрашса, нима қиласан?» дедим.
— Аюбхон нима деди?
Абдуллоҳ ака жилмайиб қўйдилар.
— «Бойликни эмас, виждонимни танлайман», деди.
Мен беихтиёр кўзларимга ёш олдим.
Абдуллоҳ ака эса:
— Мен шу пайт ўғлимизнинг жавобларидан эмас, унинг қалбидаги фикрлардан таъсирландим, — дедилар, — боламизни катта қилдик. Ўқитдик. Тарбия бердик. Лекин инсоннинг қалбига яхшиликни мажбуран жойлаб бўлмайди. Уни инсоннинг ўзи танлайди.
У киши бироз сукут сақладилар.
— Бугун Аюбхоннинг жавобларини эшитиб, бир нарсага ишончим комил бўлди: биз унинг қалбига урғу бериб тарбия қилган эканмиз. Бугун шу меҳнатимизнинг самарасини биринчи марта очиқ-ойдин кўрдим.
Мен Абдуллоҳ аканинг қўлларини маҳкам ушладим.
— Шунинг учун дуо қилдингизми?
У киши бош ирғадилар.
— Ҳа. Мен унинг келажагини ўйлаб дуо қилдим. Илми кўпайсин, аммо кибри кўпаймасин. Бойлиги ортсин, аммо инсонийлиги камаймасин. Обрўси юксалсин, аммо одамларни менсимай қўймасин. Қайси йўлдан борса ҳам, ҳалолликдан оғишмасин.
Абдуллоҳ ака яна бир бор жилмайдилар.
— Энг муҳими, онаси, унинг қалбидаги шу покликни умрининг охиригача сақлаб қолсин. Мен бугун Аюбхоннинг кўнгли билан юзма-юз қолиб йиғладим.
Мен эса ҳеч нима дея олмадим.Аллоҳ бизни шундай фарзанд билан сийлагани учун бахтдан масрур эдим мен...
@xazon_rezgi /168
#ЁНИМДА_ҚОЛ
Муаллиф: Гулбаҳор Рахматуллаева (Хазонрезги)
— Мен бугун Аюбхонни бир неча савол билан имтиҳон қилдим, — дедилар улар.
— Қандай саволлар?
— Одамнинг билимини синаш учун бериладиган саволлар эмас, онаси. Мен унинг қалбида нима борлигини билиш учун сўрадим.
Менинг қизиқишим янада ортди.
— Нималарни сўрадингиз?
Абдуллоҳ ака бироз сукут сақлаб, кейин секин гап бошладилар:
— Аввало, ундан илм ҳақида сўрадим. «Болам, инсон қанча кўп нарса билса, шунча буюк бўладими?» дедим.
Аюбхон бироз ўйланиб:
— Йўқ, дада, — деди у, — илм инсонни буюк қилиши мумкин, лекин илмнинг ўзи кифоя эмас. Агар одам билганига амал қилмаса, унинг билими ўзини ҳам, бошқани ҳам манфаатли қилмаслиги мумкин.
Абдуллоҳ ака бу жойда бироз тўхтадилар.
— Кейин ундан бойлик ҳақида сўрадим. «Инсоннинг ҳақиқий бойлиги нима?» деб сўрадим.
Аюбхон:
— Гап кўп пулда эмас, дада. Ота-онанинг дуоси, ҳалол меҳнат, яхши ном ва одамларга қилган яхшилиги инсоннинг ҳақиқий бойлиги, — деб жавоб берди ўғлимиз. Мен бу гапларни эшитиб, беихтиёр юрагимга қўлимни қўйдим.
Абдуллоҳ ака эса давом этдилар:
— Кейин «Инсон қачон кучли бўлади?» дедим.
— Ғазабини енгганда, — деди Аюбхон, — бировни енгиш осон. Лекин ўз нафсини, ғазабини ва ёмон хоҳишларини енгиш қийин.
Абдуллоҳ ака бу жавобни айтар эканлар, кўзлари яна намланди.
— Кейин яна бир савол бердим, — дедилар улар. — «Ота-она фарзанди учун нимани энг кўп истайди?» деб сўрадим.
@xazon_rezgi /167
#ЁНИМДА_ҚОЛ
Муаллиф: Гулбаҳор Рахматуллаева (Хазонрезги)
🍂
Бир куни тунда уйқум қочиб уйғониб кетдим. Уй ичи жим-жит, ҳаммаёқ тинч эди. Абдуллоҳ ака ҳам ёнимда йўқ эканлар. У кишини қидириб, секингина ўрнимдан турдим.
Йўлакдан ўтиб борар эканман, Аюбхоннинг хонаси деразасидан хирагина нур тушиб турганини кўрдим. Дераза ёнидан ичкари кафтдек кўринарди. Бехосдан қараб қолдим-у, кўзларимга ишонмай бир муддат жойимда қотиб турдим.
Аюбхоннинг хонасида ўғлимиз билан рўпарама рўпара Абдуллоҳ ака ўтирардилар. Улар қўлларини дуога очиб, ўғлимизнинг боши узра узоқ дуо қилаётган эдилар. Овозлари паст, аммо ҳар бир сўзлари юракдан чиқаётгани сезилиб турарди.
Мен нима қилишимни билмай, эшик олдида жим турдим. Уларни безовта қилгим келмади. Абдуллоҳ ака дуоларини тугатгач, бир муддат қўлларини юзларига суртмай, кафтларига тикилиб турдилар. Кейин секингина юзларига суртдилар. Шу пайт кўзларидаги ёшларнинг ёноқларидан сирғалиб тушганини пайқадим. У киши қўлларининг орқаси билан ёшларини аста-аста сидириб олдилар.
Мен эса ҳайратдан нафас олишни ҳам унутиб қўйгандим.
Чунки Абдуллоҳ акани илгарилари ҳеч қачон бундай ҳолатда кўрмаган эдим. У киши ҳис-туйғуларини кўп ҳам ошкор қилавермасдилар. Қувонсалар ҳам вазмин, хафа бўлсалар ҳам ўзларини босиқ тутардилар. Аммо бу кеча уларнинг чеҳрасида бошқача бир ҳолат бор эди. Гўё кўнгилларида йиллардан бери йиғилиб келган бир орзу рўёбга чиққандек...
Абдуллоҳ ака ўрниларидан туришга чоғландилар. Шу пайт ўзларини кузатишга ўрнидан турган Аюбхонни Абдуллоҳ ака пешонасидан меҳр билан ўпдилар. Сўнг хонадан чиқдилар.
Мен эса бу ҳолатни кўриб, юрагимга сиғдиролмай қолдим. Кўнглимда бир-биридан оғир саволлар уйғонди. Нима бўлди? Нега Абдуллоҳ ака Аюбхонни бугун бунчалик дуо қилдилар? Ўғлимиз қандай иш қилиб, отасининг қалбини шунчалик тўлқинлантирди? Шу кеча сабрим чидамади.
Абдуллоҳ ака хонамизга кириб келганларида, мен у кишига қараб турдим. Уларнинг юзида ҳали ҳам ўша сокин табассум бор эди.
— Дадаси... — дедим ниҳоят.
— Ҳа, онаси?
— Ҳали Аюбхонни дуо қилиб, пешонасидан ўпганингизга кўзим тушди. Негадир кўзларингизга ҳам ёш келибди. Ўғлимиз нима қилиб сизни бунчалик қувонтирди? Сабабини билсам бўладими?
Абдуллоҳ ака бир муддат индамай турдилар. Сўнг жилмайдилар.
Уларнинг юзларида ажиб бир нур жилва қилди...
@xazon_rezgi /166
#ЁНИМДА_ҚОЛ
Муаллиф: Гулбаҳор Рахматуллаева (Хазонрезги)
зиёратга келадиган одамлар учун саҳн очишиб, ўриндиқлар ўрнатишибди. Қабрлар орасидаги йўлакларни тозалашиб, қуруқ шох-шаббаларни йиғишибди. Қабристон анча озода ва кўркам бўлиб қолибди.
У киши бир нафас тўхтаб, кейин яна қўшиб қўйдилар:
— Ҳўжайинимнинг айтишларича, жанозага узоқдан келган эркаклар ҳам қабристонни кўриб жуда таъсирланишибди. «Қабристонларингизни жуда озода ва тартибли тутар экансизлар. Бу ернинг инсонлари ўтиб кетган яқинларини ҳам ҳурматини жойига қўядиган, жуда ҳамиятли инсонлар экан», деб мақташибди.
Шу сўзларни эшитганимда юрагимни қандайдир ажиб бир ҳис чулғаб олди.
Бир томондан, ўғлимнинг бундай ишга бош-қош бўлганидан фахрландим. Иккинчи томондан эса, унинг бу ишини мендан яширганига ҳайрон қолдим.
Шунда уч кун аввалги воқеа ёдимга тушди.Мен ўша кунги ҳашарни оддий ҳашар деб ўйлабман.
Аслида эса болам дўстларини йиғиб, марҳумлар ётган масканни обод қилиш билан банд бўлган экан.
Кўз олдимга унинг ҳар намоздан кейин қўлларини дуога очиб, раҳматли бувиси Саодат бувисини эслаб
«Ё Раббим, Саодат бувижонимнинг қабрларини жаннат боғларидан бир боғча қилгин», деб қайта-қайта дуо қилиши келди.
Мен бу дуони кўп эшитганман.
Аммо Раҳима опанинг сўзларини эшитиб, бу дуолар шунчаки тилда айтилган сўзлар эмаслигини англадим.
Аюбхон бувисининг қабринигина эмас, у билан бирга ётган барча марҳумларнинг охирги манзилини обод қилишга ҳаракат қилибди.
@xazon_rezgi /165
🍂Асар маъқул келмоқдами? Фикр-мулоҳазаларингизни реакциялар босиш орқали билдириб ўтинг...
🍂 #КУЗ_ТУҲФАСИ 🍁
Яқин фурсатларда эътиборингизга Хазонрезги қаламига мансуб руҳий кечинмаларга бой #ЁНИМДА_ҚОЛ асарини тақдим этамиз.
Биздан узоқлашманг ва ёқимли мутолаа завқидан баҳраманд бўлинг!
https://t.me/Xazon_Rezgi
Муаллиф: Гулбаҳор Рахматуллаева (Хазонрезги)
БАҲОР ҚАЙТГУНЧА ...
20-қисм
Каналга уланиш 👇:
https://t.me/joinchat/AAAAAFB59SM9yhwXJGeW_g
Қадим замонда бир одам уйланди. Биринчи куни онаси ва хотини билан дастурхон атрофида ўтириб, янги келинчак бўлгани учун аёлига таомнинг катта қисмини алоҳида эътибор, мулозамат билан узатди. Арзимаган бир қисмини эса ўта беэътиборлик билан онасининг олдига дақ этиб қўйди. Хотини донишманд аёл эди. Ҳозироқ мени талоқ қилишини сўраб туриб олди. Эр сабабини сўраган эди:
— Қон тортади, сиздан бола кўриб, шу она каби хор бўлишни истамайман, — деб жавоб берди аёл.
Минг афсуски, айрим аёллар эри тарафидан қайнонасидан кўра кўпроқ иззат кўрсалар, ўзларича ғолиблик нашъасини сурадилар. Билмайдиларки, ҳар ким экканини ўради. Емоқнинг қусмоғи ҳам бор. Алқисса, аёл талоғини олиб, эридан ажрашди. Вақт ўтиб Аллоҳ унга бошқа бир яхши эрни насиб этди. Йиллар ўтди, бола-чақали бўлди.
Бир куни туя устидаги кажава ичида борарди. Болалари атрофида парвона бўлиб, хизматига шай турардилар. Йўлда бир карвонга дуч келдилар. Карвон ортида абгор аҳволдаги ёши катта бир киши ялангоёқ пиёда борарди. Унга ҳеч ким эътибор бермас эди. Болаларига ўша одамнинг олдига олиб боришларини сўради. Олиб боришгач, ҳалиги одамга деди:
— Мени танидингизми? Мен сизнинг собиқ хотинингиз бўламан. Сизга қон тортади, ҳар ким экканини ўради, демаганмидим? Кўряпсизми, болаларим мени қандай иззат-ҳурмат билан олиб юришибди. Энди ўзингизнинг аҳволингизга бир қаранг. Бунинг сабабини биласизми? Сиз онангизни хорлаган эдингиз. Мана энди жазойингизни оляпсиз...
©интернет
@xazon_rezgi
❗️❗️ FARZANDINGIZ BOSHIDA IKKITA AYLANA BO‘LSA....
❗️❓Kimning o‘g‘il farzandining boshidagi aylanasi ikkita bo‘lsa 2ta xotin oladi
❗️❓Kimning qizining boshidagi aylanasi ikkita bo‘lsa 2marta turmushga chiqadimi...❓
Ҳар кимнинг ўзига яраша камчилиги ва ўзига хос одатлари бўлади, баъзан бировнинг қилиқларини бармоқларини бигиз қилиб кўрсатишади, лекин ўзларини суриштириб қаралса, бундан бешбаттарроқ чиқади.
© Фёдор Достоевский | 📘 Телба
•┈┈┈┈┈•ৡ❀ৡ•┈┈┈┈┈•
@xazon_rezgi
КУЙЛАК ТИКТИРАМАН ДЕБ ФАСОН КИДИРИБ НЕЧТА КАНАЛГА КИРИБ ЧИКДИМ БИЛМАЙМАН ЛЕКИН БИТТА КАНАЛНИ ТОПДИМ
💥Окшом
💥Кучага
💥Ишга
💥катта
ХОХЛАГАН ЁШГА ХОХЛАГАН ЖОЙГА КИЙИШГА ФАСОНЛАР ЖАМЛАНГАН КАНАЛГА КИРИБ ФАСОНЛАРИ ЧИРОЙЛИЛИГИДАН ЧИКИБ КЕТА ОЛМАДИМ
💥ФАСОНЛАР 💥
https://t.me/+dWuE4wLXj-kwNTMy
https://t.me/+dWuE4wLXj-kwNTMy
💥ЧЕВАРЛАР ДУНЁСИ💥
https://t.me/+7zxZcKM1gO8xOTMy
Оила аъзоларингиз билан овқатланиб ўтираркансиз, ёнингизда бўлмаган ким биландир тинимсиз SMS лашиб ўтирадиган бўлсангиз - бу муаммо...
Меҳмон келганида ёки бир жойга борганда телефонни столга (кўз тушиб турадиган бир жойга) қўйиб қўядиган бўлсангиз, ўзингиз англамаган ҳолда атрофингиздагиларга "Сиз мен учун аҳамиятли инсон эмассиз" деган тушинча берасиз - бу ҳам муаммо...
Эрталаб кўзингизни очар-очмай аёлингиз (эрингиз), болаларингизга бир оғиз ширин сўз қотмай ёки бошқа бир иш қилмай туриб, телефонни қўлдан қўймасангиз...
Демак сиз қарамсиз!..
Ва бу бошқа қарамликлар сингари, сизни оилангиз, яқинларингиз ва ҳатто Аллоҳ билан муносабатингизни бузулишига олиб келади, баҳоси йўқ вақтингизни, умрингизни ҳавога совуришга хизмат қилади.
Телефономания - асримиз касаллиги - ҳаётингиз устидан ҳукмронлик қилишига изн берманг.
Маълумот ўрнида: Америкалик олимлар Интернетнинг инсон психоэмоционал ҳолатига ижобий ва салбий таъсири бўйича тадқиқот ўтказдилар.
Тадқиқот натижасига кўра интернет маълумотларининг бор-йўғи 8% ижобий фикрлашга, 92% эса бузғунчилик уйғотувчи таъсирга эга экан.
Атрофга қаранг... Оилангиз сиздан эътибор кутмоқда...
@xazon_rezgi
❗️ ДИҚҚАТ, САВОЛ! ⁉️
Бир инсон 20-қаватда яшайди, лекин фақат ёмғир ёққан кунлардагина лифтда 20-қаватгача кўтарилади.
Бошқа кунлари эса фақат 10-қаватгача чиқади.
Сиз бунинг сабабини топа оласизми? Жавоби жуда қизиқ! 😄👇
АСАБИЙЛИКДАН
САҚЛАНИНГ
Барча хасталиклар асабийлашишдан пайдо бўлади. Инсон асабийлашса мия, жигар, буйрак ва юракка озуқа ташувчи йўллар бўғилади. Кўз қорачиғи кенгайиб, юрак уриши тезлашади. Бундай вақтда жигардан углеводлар (зарарли суюқлик) ажрала бошлайди. Аъзоларнинг бундай пала-партиш ишлаши кўп касалликларнинг (стенокардия, инфаркт, инсульт) келиб чиқишига сабаб бўлади.
Табассумнинг фойдаси
Нерв толаларининг узилиши аъзоларимиздаги озиқ моддалар камайишига, ҳолсизликка олиб келади. Масалан, жисмимизда кальций моддаси этишмаса, мушакларимиз оғриб, суякларимиз мўрт бўлиб қолиши мумкин. юзимизга табассум қайтиши биланоқ, миямиз тажангликни сўндирувчи моддалар ишлаб чиқара бошлайди.
Табиат қўйнида дам олинг
Мунтазам бадантарбия қилиш, очиқ ҳавода айланиш, айниқса, уйқуга ётишдан олдин беш-ўн дақиқа юриш жуда фойдали. Табиат қўйнига чиқиб завқланиш, вақти-вақти билан тоза сув ҳавзаларида чўмилиб туриш ҳам керак.
Яхшиликка интилиб яшанг!
Озуқага бой овқатларни меъёрида истеъмол қилиш керак. Эзгу ният, чиройли сўз, яхши амал, ота-она, қариндош-уруғ, қўни-қўшнилар билан яхши муносабат ҳам асабларимизга тинчлик беради, мустаҳкамлайди. Демак, имкон борича турли асаббузарликларнинг олдини олишга интилишимиз, яхшиликка ишонч, келажакка умид билан яшашга ўрганишимиз зарур.
ИШОНИНГ, ҲАММАСИ ЎЗ ҚЎЛИНГИЗДА
Барчамизнинг яккаш орзуимиз - фарзандларимиз бизданда ақлли, фаросатли, ҳаётда қоқилмайдиган, омадли бўлиб этишишидир. Бу орзулар амалга ошиши учун аввало уйдаги муҳитни ижобий томонга ўзгартиришимиз керак. Болаларни руҳий тушкунлик, ишончсизлик ҳиссидан қўришнинг бир чораси ҳаётнинг ҳар бир дақиқасидан қувонишга, бўлиб ўтган ҳар бир воқеага ижобий фикр билдиришга ўргатишдир. Ота-онанинг ўзига, ҳаётга ишончи, албатта фарзандларида ҳам акс этади.
Кичкинтойингизни эрталаб чиққан қуёшдан, ойиси пиширган кулчадан, олган «беш» баҳосидан чин дилдан хурсанд бўлишга ўргатинг. Боланинг ҳаётдан завқ оладиган хушчақчақ инсон ёки одамови бўлиб улғайиши айнан ота-онанинг дунёқарашига боғлиқлигини унутмайлик.
Киши умидсизликка берилса, қаттиқ сиқилса, қондаги адреналин ва кортизол миқдори кескин ошади. Адреналин қон босимини кўтаради, қоннинг тез қуюлишига ҳам шу «жиззаки» гормон сабабчи. Кортизол эса танада ёғ қатламини ҳосил қилишда қатнашади. Бу хавфли жуфтлик юрак хасталикларининг ривожланишига қулай замин яратади.
Вақтингизни беҳуда сиқилишлар ва алдамчи хаёллар эгаллаб олишига йўл қўйманг. Бунинг фойдаси йўқ. Ҳадеб ўтган воқеаларни, омадсизликларни эсламанг!
Эртанги муаммолардан хавотирга тушмаслик учун бугундан ҳаракат қилинг. Яъни, бугун режалаштирган ҳар бир ишнинг уддасидан чиқинг. Шундагина руҳий зўриқишлардан сақланиб, келажакдаги режаларга ишонч билан қарай оласиз.
Ҳаётга жилмайиб боқинг, юртдош, шунда у сизга кулиб боқади!
@xazon_rezgi
Таваккул
Шайх Муҳаммад Ҳассон Масжиди Ҳаромда ўзлари гувоҳ бўлган бир воқеани шундай ҳикоя қилади:
- “Саф оралаб, Каъба томон кетаётган эдим, ўнг тарафда дуо қилиб ўтирган бир киши диққатимни тортди. У қўлларини баланд кўтариб дуо қилишидан енги елкасигача тушиб, қўлтиқлари кўриниб турар эди. Йиғлаб, титраб дуо қилишидан унинг қанчалик ҳокисорлиги, қалб тўридан дуо қилаётгани билиниб турарди. Унинг хушуъсини бузгим келмади, бир саф ортида тўхтаб, икки ракаат намоз ўқидим. Намозни тугатиб, унга қараганча ўтирардим. Одамнинг суратидан менинг ҳам қалбим титраб, йиғлай бошладим. У жуда узоқ дуо қилди. Бу орада орқа сафдан кўриниши Ҳарам аҳлига ўхшайдиган бир киши саф оралаб олдинга талпиниб қолди. Бир-икки қадам юриб, ортга – ҳалиги одамга қаради ва ёнига келиб, унга салом берди. У эса Парвардигорига илтижо қилиш билан шу даражада машғул эдики, ҳатто саломни ҳам эшитмади. Салом берган киши чўнтагидан бир даста пул чиқариб, дуо қилаётган одамнинг қўйнига қўйдида, йўлида давом этди. Дуогўй буни ҳам илғамади. Орадан бироз вақт ўтиб, қўлини туширди ва қўйнидаги нарсага қаради. Аввалига бир жилмайди кейин яна йиғи тутиб, қўлларини дуога кўтарди.
Мен унга тикилиб ўтиравердим. Кейин дуодан фориғ бўлгач, олдига бордим. Салом бериб, пешонасидан ўпдимда, йиғлаб:
- “Аллоҳ ҳайрингни берсин, айбга буюрма, менга шу жараён ҳақида айтиб берсанг. Шояд, мен учун бир унутилмас дарс бўлса. Худо ҳаққи, айт, нималар бўлди ҳозир? Сен Аллоҳга нима деб дуо қилдингу, нимага эришдинг?” - дедим. У шундай жавоб берди:
- “Ўғлим! Аллоҳга қасамки, бу ерга келар эканман, менинг ғам-ташвишларим ва барча муаммоларимнинг ягона аритувчиси фақатгина Аллоҳ таоло деган эътиқодда эдим. Аллоҳга қасамки, шу пайтгача Аллоҳдан бошқа ҳеч кимдан бирор ҳожатимни сўрамадим. Бу сафар ҳам Унинг байтига келиб, Ўзига зорландим: - “Аллоҳим! Мен сенинг байтингдаман ва фақат Сендангина сўрайман! Озинг биласан, сендан бошқа ҳеч кимга зорланмадим. Эй Парвардигорим, мени ёрдамсиз қолдирасанми?! Мени зое қиласанми?” - дедим.
- “Ўғлим деди, гапида давом этиб, Аллоҳ таоло менга сўраганимдан уч карра ошиғини берди!”.
Азизлар! Ким Аллоҳга таваккул қилса, Ўзи у бандага кифоядир. Ким Аллоҳни лозим тутса, нажот топади, ким ишини Аллоҳга ҳавола қилса, Ўзи тўғри йўлга бошлайди.
@xazon_rezgi
#Бўлган_воқеа
МЕН ФОЛБИНМАН
Жинларим орқали одамларни тақдирини кўриб бераман. Уни келажакда нималар кутмоқда эканлигини жинларим менга аён қилади, аммо умримда бир кишини тақдирини кўрмаганимдан афсусландим. Яъни қизимни! Келиним билан қизим унча чиқишмасада мажбур уларни ёлғиз ташлаб узоқ вилоят Қашқадарёга қариндошларникига ўғлим билан тўйга кетдик. Қизим билан телефонлашиб турдим, аммо кечга яқин бирдан алоқа узилди. Телефони одатда бунақа узоқ вақт ўчмай юрмасди шунга кўнглим ғаш бўла бошлади. Тонг отиши билан йўлга чиқиб уйга аранг етиб келиб эшикни очишим билан остонада қизимни қонга беланган жонсиз жасадини кўриб қичқириб юбордим...Наҳотки келиним...
#жума_муборак
Жума айёми муборак, азизлар!
Аллоҳим дуоларимизни ижобат айлаб, фарзандларимизга салоҳият, ибодатларимизга гўзаллик, ризқимизга барака, хонадонимизга тинчлик, рухимизга ҳотиржамлик берсин!
Беморларимизга шифо, адашганларимизга ҳидоят, қалбимизга поклик берсин!
Жуманинг хайри ва барокати сизга бўлсин, азиз диндошим!
Каналга уланиш 👇:
https://t.me/joinchat/AAAAAFB59SM9yhwXJGeW_g
