BUREAU OF FINANCE - ADDIS ABABA CITY ADMINISTRATION - Page

ክፍል ሶስት የተሻሻሉ የግዥ ዘዴዎች እና አዳዲስ የግዥ ስልቶች በአዲሱ አዋጅ የተካተቱት 5ቱ የግዥ ዘዴዎች እና አዳዲስ ስልቶች በዝርዝር! በአዲሱ የአዲስ አበባ ከተማ አስተዳደር የግዥና ንብረት አስተዳደር አዋጅ ቀደም ሲል 6 የነበሩት የግዥ ዘዴዎች ወደ 5 ዋና ዋና ዘዴዎች ተጠቃልለዋል። በተጨማሪም የግዥ አፈጻጸምን ፈጣን፣ ውጤታማ እና ወጪ ቆጣቢ የሚያደርጉ አዳዲስ የግዥ ስልቶች (Procurement Strategies) ተካተዋል። ዝርዝሩን እንመልከት፦ 1. አምስቱ (5) የተሻሻሉ የግዥ ዘዴዎች (Procurement Methods) ግልፅ ጨረታ (Open Tendering): የመንግሥት መስሪያ ቤቶች መከተል ያለባቸው ዋና እና መደበኛ የግዥ ዘዴ ነው። ማንኛውም መስፈርቱን የሚያሟላ ተወዳዳሪ እንዲሳተፍ በማስታወቂያ ጥሪ የሚደረግበትና ከፍተኛ ውድድር የሚፈጥር አሰራር ነው። በማጣሪያ የሚከናወን ጨረታ (Two-Stage/Restricted Tendering): ግዥው ውስብስብ ሲሆን ወይም ዝርዝር ፍላጎቶችን (Technical Specifications) አስቀድሞ በግልጽ ማስቀመጥ በማይቻልበት ጊዜ በሁለት ደረጃ የሚከናወን ዘዴ ነው። ይህ ዘዴ 3 አሰራሮችን ያጠቃልላል፦ ሁለት ደረጃ ጨረታ (Two-Stage Tendering)፦ በመጀመሪያው ደረጃ የቴክኒክ ሀሳብ ብቻ ቀርቦ ውይይት ይደረግበታል፤ በሁለተኛው ደረጃ የተስተካከለው የቴክኒክና የዋጋ ማቅረቢያ ይቀርባል። የቅድመ ብቃት ማረጋገጫ (Pre-qualification)፦ ውስብስብ ለሆኑ ግዥዎች ብቃት ያላቸውን ተወዳዳሪዎች አስቀድሞ ለማጣራት የሚያገለግል ነው። የፍላጎት መጠየቂያ (Expression of Interest - EOI)፦ በተለይ ለምክር አገልግሎት (Consultancy) ግዥዎች አቅም ያላቸውን አማካሪዎች ለመጋበዝ ያገለግላል። ውስን ጨረታ (Restricted Tendering): ዕቃው ወይም አገልግሎቱ ከተወሰኑ የተወሰኑ ድርጅቶች/አቅራቢዎች ብቻ የሚገኝ ሲሆን፣ ወይም በግልጽ ጨረታ ለመሄድ የሚያስፈልገው ጊዜና ወጪ ከግዥው አጠቃላይ ዋጋ ጋር ሲነጻጸር ተመጣጣኝ ባልሆነበት ጊዜ (በተቀመጠው የገንዘብ ጣራ መሠረት) በጥቂት አቅራቢዎች መካከል የሚደረግ ውድድር ነው። በዋጋ ማቅረቢያ የሚፈጸም ግዥ (Request for Quotation / Proforma): አነስተኛ የገንዘብ መጠን ያላቸውን እና በገበያ ላይ በቀላሉ የሚገኙ መደበኛ ዕቃዎችና አገልግሎቶችን በፍጥነት ለመግዛት የሚያገለግል ነው። አዲስ ለውጥ፦ በቀድሞው አሰራር በእቅድ ያልተያዙ ግዥዎች ይፈጸሙበት የነበረ ሲሆን፣ በአዲሱ አዋጅ ግን ይህ ግዥ ግዴታ በበጀት ዓመቱ የግዥ እቅድ ውስጥ መካተት አለበት። በቀጥታ የሚፈፀም ግዥ (Direct Procurement): ያለ ውድድር ከአንድ አቅራቢ/ድርጅት ብቻ ግዥ የሚፈጸምበት ልዩ ሁኔታ ነው። የሚፈቀድባቸው ዋና ዋና ምክንያቶች፦ ዕቃው ወይም አገልግሎቱ ከአንድ አቅራቢ ብቻ የሚገኝ ሲሆን፤ ግዥው በጣም አስቸኳይ ከመሆኑ የተነሳ ወዲያውኑ ካልተፈጸመ በሰው ሕይወትና ንብረት ላይ ከባድ ጉዳት የሚያስከትል ሲሆን፤ የመንግሥት ባለበጀት መስሪያ ቤቶች ወጪያቸውን በመሸፈን ከሌላ የመንግሥት ባለበጀት መስሪያ ቤት ግዥ መፈጸም ሲያስፈልጋቸው። 2. አዳዲስ እና ዘመናዊ የግዥ ስልቶች (Procurement Strategies) እንደ ግዥው ባህሪ፣ መጠን እና ውስብስብነት የመንግሥት መስሪያ ቤቶች የሚከተሉትን አዳዲስ ስልቶች መጠቀም ይችላሉ፦ ስትራቴጂያዊ ግዥ (Strategic Procurement)፦ ለከተማው ከፍተኛ ባጀት እና ስትራቴጂያዊ ፋይዳ ያላቸውን ግዥዎች የገበያ ሁኔታን በማናትናትና የረጅም ጊዜ ጥቅም በማስገኘት መንገድ መፈጸም። በማዕቀፍ የሚፈፀም ግዥ (Framework Agreement)፦ ተደጋጋሚ ፍላጎት ያላቸውን ዕቃዎችና አገልግሎቶች በጋራ የረጅም ጊዜ ውል በመያዝ በፈለጉት ጊዜ እየታዘዘ የሚቀርብበት አሰራር። የጋራ ግዥ (Consolidated/Joint Procurement)፦ ሁለትና ከዚያ በላይ የሆኑ የመንግሥት መስሪያ ቤቶች ተመሳሳይ የግዥ ፍላጎታቸውን በማስተባበር በጋራ በትልቅ መጠን በመግዛት ወጪን የሚቆጥቡበት ስልት። በሊዝ ስምምነት የሚፈፀም ግዥ (Leasing)፦ ውድ የሆኑ መሣሪያዎችንና ማሽነሪዎችን ከመግዛት ይልቅ በሊዝ/በኪራይ ውል መጠቀም የሚያስችል አሰራር። በራስ ሀይል የሚፈፀሙ ስራዎች (Direct Force Account)፦ መስሪያ ቤቶች የራሳቸውን የሰው ኃይል እና መሳሪያዎች በመጠቀም ሥራዎችን የሚያከናውኑበት ስልት። ተርን ኪ (Turnkey Contracts)፦ አንድን ፕሮጀክት ከዲዛይን ጀምሮ እስከ ግንባታና ሥራ ማስጀመር ድረስ ሙሉ በሙሉ ለአንድ ተቋራጭ መስጠት። የኤሌክትሮኒክ ልውጥ ሀራጅ ጨረታ (Reverse Auction)፦ በተዘረጋው የ e-Procurement ስርዓት ተጫራቾች በየስክሪናቸው የቀጥታ የዋጋ ቅናሽ እያደረጉ የሚወዳደሩበት ዘመናዊ የጨረታ ዘዴ። በቀጣይ ክፍል (ክፍል 4)፡ ስለ ልዩ አስተያየት (Preference) እና የተወዳዳሪዎች ቅድመ ብቃት መስፈርቶች በዝርዝር ይዘን እንመልሳለን!

የመጀመሪያው ሩብ ዓመት የዳይሬክቶሬቱ እቅድ አፈጻጸም ስኬታማ መሆኑ ተገለጸ፡፡ ############################################ ጥቅምት 6/2019 ዓ.ም ፋይናንስ ቢሮ በአዲስ አበባ ከተማ አስተዳደር ፋይናንስ ቢሮ የመንግስት ፕሮጀክት ክትትልና ግምገማ ዳይሬክቶሬት የ2019 በጀት ዓመት 1ኛ ሩብ ዓመት ዕቅድ አፈፃፀም አበረታች መሆኑን ገለፀ፡፡ የመንግስት ፕሮጀክት ክትትልና ግምገማ ዳይሬክቶሬት ተወካይ አቶ እንዳልካቸው አንዱዓለም እንደገለፁት የከተማዋን የልማት ፍላጎት መነሻ በማድረግ እና የካፒታል ፕሮጀክቶች በጀት በአግባቡ ሥራ ላይ መዋላቸውን በመከታተል የኢኮኖሚ ዕድገትን እና የፕሮጀክቶችን ውጤታማነት ለማረጋገጥ በተደረገው ክትትልና ድጋፍ የ100% ስኬት ማስመዝገቡ ገልፀዋል፡፡ ዳይሬክተሩ በሩብ ዓመቱ ከተከናወኑ ዋና ዋና ተግባራት መካከል በማዕከልና በክፍለ ከተሞች በሚገኙ ፕሮጀክቶች ላይ ሰፊ ክትትልና ድጋፍ ማድረግ፣ ሪፖርት አዘጋጅቶ ግብረ-መልስ መስጠት እና ፕሮፋይል ማደራጀት አንደሚገኙበት ገልፀዋል፡፡ በተለይም ከከተማ ውበትና አረንጓዴ ልማት ጽህፈት ቤት እንዲሁም ከፋይናንስ ጽህፈት ቤት ጋር በተደረገ ጠንካራ ቅንጅት ለክብካቤ ማህበራት ሊከፈል ከነበረው ገንዘብ 11.9 ሚሊዮን ብር መንግሥታዊ ሀብት ማዳን መቻሉን ገልፀው በአጠቃላይ በ337 የካፒታል ፕሮጀክቶች ላይ የተጠናከረ ክትትልና ድጋፍ በመደረጉ የዳይሬክቶሬቱ የሩብ ዓመት ዕቅድ 100 % ማከናወን መቻሉን ገልጸዋል፡፡ በዝግጅት ምዕራፍ የታዩ መልካም ውጤቶችን በማስቀጠል፤ በትግበራ ምዕራፍ ውላቸው ከተቋረጡ ፕሮጀክቶች ያልተመለሱ የመንግሥት ሀብቶችን በአጭር ጊዜ ውስጥ ማስመለስ እና ግንባታቸው የተቋረጡ ፕሮጀክቶች ተጠናቀው ለሕዝብ አገልግሎት እንዲበቁ ቅንጅታዊ አሠራሮችን ማጠናከር የዳይሬክቶሬቱ ቀጣይ መሠረታዊ የትኩረት አቅጣጫዎች መሆናቸው ዳይሬክተሩ አመላክተዋል፡፡ ታማኝ ፈጣን እና ወቅታዊ መረጃዎችን ለማግኘት የቢሮውን ማኅበራዊ ሚዲያ ማስፈንጠሪያ ይጠቀሙ እናመሰግናለን !! ዌብሳይት:- aabof.com.et ፌስቡክ:-https://www.facebook.com/aabof.gov.et?mibextid=ZbWKwL ቴሌግራም:- https://t.me/AACABOFP ዩቲዩብ:- youtube.com/channel/UCTPN7Re7T7tp_ekAhVuw2uA ዋትሳፕ:-https://chat.whatsapp.com/FLSn12vRmsR9JsKUVDWxgtuuuu

ስፖርት ለጤንነት፣ ለወዳጅነት፣ ለአንድነትና ለኢኮኖሚ ዕድገት! ዛሬ 16ኛውን የአዲስ አበባ ስፖርት ምክር ቤት ጉባኤ እያካሄድን እንገኛለን። ስፖርት ጤናችንን ያሻሽላል፣ አንድነታችንን ያጠናክራል፣ የወዳጅነት ድልድይ ይሆናል፤ እንዲሁም ለከተማችን የቱሪዝምና የኢኮኖሚ ዕድገት ዕድሎችን ይፈጥራል። አዲስ አበባን የስፖርት ቱሪዝም መዳረሻ ለማድረግ የሁላችንም ተሳትፎ ወሳኝ ነው። ወጣቶችን፣ ሴቶችን፣ አካል ጉዳተኞችንና ሁሉንም የማኅበረሰብ ክፍሎች በእኩልነት እናሳትፍ። ተደራሽና ጥራት ያላቸውን የስፖርት መሠረተ ልማቶች እናስፋፋ፣ እንንከባከብ፣ በኃላፊነትም እንጠቀም። የስፖርት ዕድገት የሁላችንም የጋራ ኃላፊነት ነው። ዛሬ በስፖርት በመሳተፍ፣ ወጣቶቻችንን በመደገፍና የስፖርት መሠረተ ልማቶቻችንን በመንከባከብ የተሻለች አዲስ አበባን እንገንባ! እናንተስ ለስፖርት ዕድገት ምን ማበርከት ትችላላችሁ? ፈጣሪ ኢትዮጵያንና ሕዝቦቿን ይባርክ! ከንቲባ አዳነች አቤቤ

አማራጭ የልማት ፋይናንስን በመጠቀም የከተማዋን ገቢ ማሳደግ እንደሚገባ ተመላከተ፡፡ ######################################### ጥቅምት 5/2019 ዓ.ም  ፋይናንስ ቢሮ የፋይናንስ ቢሮ የከተማዋን ገቢ በማሳደግ አላስፈላጊ የሆኑ ወጪን በመቀነስና ሀብትን ለታለመለት ዓላማ እንዲውል በማድረግ  በውጤታማነት እየተመራ ይገኛል፡፡ ከተማችንን እንደ ስሟ ውብ አበባ በማድረግ ወደ አዲስ ምዕራፍ ለማሸጋገር በሚደረገው ስኬታማ ጉዞ፣ የአዲስ አበባ ከተማ አስተዳደር ፋይናንስ ቢሮ የሁለተኛ ዙር የ90 ቀናት ዕቅድ አዘጋጅቶ ወደ ሥራ ገብቷል፡፡ አማራጭ የልማት ፋይናንስን በማጠናከር፣ የካፒታል በጀትን ከፍ ማድረግ እና የከተማውን ገቢና ወጪ የሚያሻሽሉ ጥናቶችን በስፋት ማካሄድ፣ የተጠያቂነት አሰራርን በማጠናከር ተቋሙን ከሌብነትና ብልሹ አሰራር የፀዳ ማድረግ እና የቴክኖሎጂ አገልግሎቶችን ማቀላጠፍ፣ በመገንባት ላይ የሚገኘውን የአቅመ ደከማ ቤት  የG+4 ህንፃ ቀሪ ሥራዎች አጠናቆ በውጤታማነት ማስረከብ፣ የተዋሃዱና የታጠፉ ተቋማትን የንብረት ርክክብ እና የበጀት ዝውውር ሙሉ በሙሉ ግልጽነትና ተጠያቂነት በሰፈነበት መልኩ ማጠናቀቅ  የሚሉት በዋናነት የ90 ቀናት  ዕቅዱ ትኩረት ተሰጥቶታል፡፡ በምክትል ከንቲባ ማዕረግ የፋይናንስ ቢሮ ኃላፊ አቶ አብዱልቃድር ሬድዋን  የፋይናንስ ሥራን ከነበርንበት ወጣ ብሎ በአዲስ አስተሳሰብ ማየት እንደሚያስፈልግ ገልፀው የመጣውን በጀት ብቻ ማስተዳደር ብቻ ሳይሆን አማራጭ የፋይናንስ አቅምን በመጠቀም የከተማዋን ገቢ ማሳደግ ይገባል ብለዋል፡፡ ኃላፊው ዕቅዱ ሲተገበር ከቁጥር ባሻገር "ለተገልጋዩ ማህበረሰብ ምን የተለየ ለውጥ አመጣ?" የሚለው ጉዳይ ዋናው የትኩረት ማዕከል ሆኖ እንዲሠራ አቅጣጫ አስቀምጠዋል። በተያያዘም በ11 ክፍለ ከተማ ፋይናንስ ጽ/ቤት የሚከናወኑ ተግባራትና ዕቅድ ማውረድን አስመልክቶ ሰፊ ውይይት የተደረገ ሲሆን፣ የዕቅዱን አፈፃፀም የበለጠ ውጤታማ ለማድረግ በጋራ መሥራት እንደሚያስፈልግ ተመላክቷል፡፡ ታማኝ ፈጣን እና ወቅታዊ መረጃዎችን ለማግኘት የቢሮውን ማኅበራዊ ሚዲያ ማስፈንጠሪያ ይጠቀሙ እናመሰግናለን !! ዌብሳይት:- aabof.com.et ፌስቡክ:-https://www.facebook.com/aabof.gov.et?mibextid=ZbWKwL ቴሌግራም:- https://t.me/AACABOFP ዩቲዩብ:- youtube.com/channel/UCTPN7Re7T7tp_ekAhVuw2uA ዋትሳፕ:-https://chat.whatsapp.com/FLSn12vRmsR9JsKUVDWxgtuuuu

"IMEX America 2026" የማይስ ቱሪዝም ኤክስፖ በላስ ቬጋስ ኔቫዳ በይፋ ተከፍቷል! አዲስ አበባ ለመጀመሪያ ጊዜ የተሳተፈችበት "IMEX America 2026" የማይስ ቱሪዝም ኤክስፖ በላስ ቬጋስ፣ ኔቫዳ በደማቅ ሁኔታ ተከፍቷል:: ይህ የኮንፍረንስ ቱሪዝም ንግድ ኤክስፖ፣ በአለም ቀዳሚ ከሆኑ የኮንፍረንስ ቱሪዝም ኤክስፖ አንዱ ሲሆን፣ ከ150 በላይ የአለም ሀገራት የተውጣጡ ከ3,700 በላይ ተሳታፊ ድርጅቶችን ተገኝተዋል:: የአዲስ አበባ ከተማ አስተዳደር በዚህ ታላቅ የማይስ ቱሪዝም ኤክስፖ ላይ በመተሳተፍ የከተማዋን የቱሪዝም ኢንቨስትመንት ዕድሎች እና የቱሪዝም ሀብቶችን ለዓለም እያስተዋወቀ ይገኛል:: አዲስ አበባ ከቅርብ አመታት ወዲህ በርካታ አለም አቀፍ እና አህጉር አቀፍ ኮንፍረንሶችን በማስተናገድ በአፍሪካ ግንባር ቀደም ከሆኑ የኮንፍረንስ ቱሪዝም መዳረሻዎች መካከል አንዷ መሆኗን ተከትሎ፣ እንዲህ አይነቱ የቱሪዝም ንግድ ኤክስፖ ይበልጥ የከተማዋን የቱሪዝም ሀብት ለማስተዋወቅ እና በዘርፉ ካሉት ተዋናዮች ትስስር ለመፍጠር ያግዛል::

አዲስ አበባ ለአፍሪካ ከተሞች ተምሳሌት መሆን ጀምራለች! ዛሬ አዲስ አበባ ለሁለተኛ ጊዜ ያስተናገደችውን የአፍሪካ ከተሞች ከንቲባዎች አመራር ኢኒሼቲቭ (AMALI) የ2026 የአመራሮች ፎረም ተሳታፊዎችን ተቀብለናል። ይህ መድረክ ልምድ ለመለዋወጥ፣ እርስ በርስ ለመማማርና ከተማችን እያካሄደች ያለውን የለውጥ ጉዞ ለማካፈል ጠቃሚ ዕድል ፈጥሯል። የከተማችን የለውጥ ጉዞ በጠቅላይ ሚኒስትር ዶ/ር ዐቢይ አሕመድ አርቆ አሳቢነትና ለከተማዋ ባስቀመጡት ራዕይ የተቃኘ ነው። ይህንን ራዕይ ወደ ተጨባጭ የልማት ውጤቶች እየቀየርን ነው። በትራንስፖርት፣ በቤቶች ልማት፣ በቴክኖሎጂ የተደገፉ አገልግሎቶችና በትውልድ ግንባታ ላይ በምናከናውናቸው ሥራዎች የነዋሪዎቻችንን ተጠቃሚነት እያረጋገጥን ነው። በራሳችን የፋይናንስና የዕውቀት አቅም ላይ ተመሥርተን በመሥራታችን፣ የአዲስ አበባ ተሞክሮ ለሌሎች የአፍሪካና የዓለም ከተሞች ጠቃሚ ትምህርቶችን እያበረከተና አዳዲስ የልማት ዕድሎችን እያመላከተ መሆኑ ያስደስተናል። በተለይም አዲስ አበባን በአፍሪካ ህፃናትን ለማሳደግ ምርጥ ከተማ ለማድረግ ያለንን ጽኑ ቁርጠኝነት እያሳየን ነው። በሕፃናት እድገት (ECD) ላይ ያተኮሩ ተግባራትን በማጠናከር፣ የሕፃናትን ደህንነት፣ ትምህርትና የወደፊት ሕይወት በከተማችን የልማት አጀንዳ ማዕከል ላይ አስቀምጠናል። ከየአፍሪካ ከተሞች ከንቲባዎች አመራር ኢኒሼቲቭ (AMALI) መሪዎችና የፎረሙ ተሳታፊዎች ጋር በመሆን፣ በከተማችን በልዩ ሁኔታ የተገነባውንና ለፕሮግራሙ ከፍተኛ አስተዋጽኦ ባደረገችው ክብርት ሊዛ ዲዬጎ መታሰቢያ የተሰየመውን የሕፃናት እንክብካቤ ማዕከል መርቀን ለአገልግሎት ከፍተናል። ለዚህ መርሐ ግብር ስኬት አስተዋጽኦ ያደረጉትን የቢግ ዊን ፊላንትሮፒ መሥራች፣ ሊቀመንበርና ፕሬዝዳንት ጄሚ ኩፐርን፣ የፋውንዴሽኑን ዋና ሥራ አስፈጻሚ ዶ/ር ከሠተ አድማሱን፣ አማካሪዎችንና የፕሮግራሙን አመራሮች በሙሉ ከልብ አመሰግናለሁ። ፈጣሪ ኢትዮጵያንና ሕዝቦቿን ይባርክ Addis Ababa Is Emerging as a Model for African Cities! Today, we welcomed participants of the 2026 African Mayors Leadership Initiative (AMALI) Mayors Leadership Forum, hosted in Addis Ababa for the second time. The forum provides a valuable opportunity to exchange experiences, learn from one another, and share our city’s ongoing transformation journey. Addis Ababa’s transformation is guided by the forward-looking vision of H.E Prime Minister Dr Abiy Ahmed Ali . We are translating this vision into tangible development results. Through investments in transport, housing, technology-enabled public services, and the development of future generations, we are working to improve the lives of our residents. By building on our own financial and knowledge capacities, we are developing solutions that offer valuable lessons for cities across Africa and beyond, while opening new opportunities for urban development. Above all, we remain firmly committed to making Addis Ababa the best city in Africa to raise children. By strengthening our Early Childhood Development (ECD) initiatives, we have placed children’s well-being, education, and future opportunities at the heart of our city’s development agenda. Together with AMALI leaders and forum participants, we also inaugurated and opened for service a uniquely designed childcare center in Addis Ababa, named in memory of the Honorable Lisa Diego, whose contribution to the program has been invaluable. I extend my heartfelt appreciation to Jemmy Cooper, Founder, Chair, and President of Big Win Philanthropy; Dr. Kesetebrihan Admasu, CEO of the foundation; and all the advisors and program leaders for their valuable contributions to the success of this initiative. May God bless Ethiopia and its people! ከንቲባ አዳነች አቤቤ https://www.facebook.com/share/p/1F7L437ha7/

ከትራንስፖርት አንፃር የከተማ አስተዳደሩ ዋና ትኩረት የከተማው ነዋሪዎችን እርካታ ማረጋገጥ መሆኑ ተገለፀ፡፡ ######################## ጥቅምት 03 ቀን 2019 ዓ.ም ፋይናንስ ቢሮ የአዲስ አበባ ከተማ አስተዳደር የከተማ ትራንስፖርት ሥራዎች ክላስተር እና የትራንስፖርት ቢሮ የ2019 በጀት ዓመት ከጥቅምት እስከ ታህሳሰ የ90 ቀናት ዕቅድ ከመዋቅሩ አመራሮች ጋር ተገመገመ፡፡ ቢሮው በትራንስፖርት ዘርፍ የአገልግሎት አሰጣጥን ለማሻሻል እና በየደረጃው ለሚነሱ የመልካም አስተዳደር ጥያቄዎች በተቀናጀና በተናበበ መልኩ ምላሽ ለመስጠት፣ የዘርፉን መዋቅር እና ባለድርሻ አካላት በማስተባበር የሕዝባችንን ተጠቃሚነት ለማረጋገጥ እየሰራ መሆኑን በትራንስፖርት ቢሮ የጽ/ቤት ኃላፊ አቶ ዋሰሁን ታረቀኝ ገልጸዋል፡፡ በ90 ቀናት ውስጥ የሚተገበሩ ዋና ዋና ተግባራትንም በዝርዝር አቅርበዋል ከነዚህም የተቋም ግንባታ እና ኢንሼቲቭ ሥራዎች ውጤታማ ማድረግ፣ የCOP 32 ቅድመ-ዝግጅት ሥራዎች ማጠናቀቅ፣ የትራፊክ ማኔጅመንት ሥራዎችን ማጠናከር፣ የትራንስፖርት መሠረተ ልማት ሥራዎችን ማጠናከር፣ የትራንስፖርት አቅርቦትና አገልግሎት ማሻሻል፣ የዘርፉን አገልግሎት አሰጣጥ በቴክኖሎጂ መምራት እንዲሁም ለአሽከርካሪና ተሽከርካሪ ፈቃድና ቁጥጥር ሥራዎች (ልዩ ድጋፍ ለሚሹ ሥራዎች) ትኩረት መስጠት ተጠቅሰዋል፡። በመድረኩ ተሳታፊዎች ዕቅዱን ሊያሳድጉ የሚችሉ ሐሳቦችና አስተያየቶችን ተነስተው ሰፊ ውይይት ተደርጎባቸዋል፡፡ በምክትል ከንቲባ ማዕረግ የፋይናንስ ቢሮ ኃላፊ አቶ አብዱልቃድር ሬድዋን፣ ከትራንስፖርት አንፃር ዋናው የትኩረት ነጥብ አገልግሎት አሰጣጥን በማዘመንና ቅንጅትን በማጠናከር የከተማዋን ነዋሪዎች እርካታ ማረጋገጥ መሆኑን ገልጸዋል፡፡ አቶ አብዱልቃድር አያይዘውም፣ ከትራንስፖርት አንፃር ከተማችን ያላትን ጸጋ እንዴት መጠቀም እንደምትችል በማሰብና በዕቅድ በማካተት ወደ መሬት ለማውረድ የበኩላችንን ለመወጣት ከተረባረብን በዘርፉ እያጋጠሙ ያሉ ችግሮችን ማለፍ እንችላለን ብለዋል፡፡ የዘርፉ አመራር ለሚገጥሙት ችግሮች የባለድርሻ አካላትን ቀልብ የሚስብ፣ አሳማኝ፣ የተጠናና ተጨባጭ ጥያቄና ዕቅድ ማቅረብ እንዳለበት አሳስበው የባለድርሻ አካላትን ሚና በአግባቡ በመረዳት ለተሳትፏቸው መጠናከር አበክሮ እንዲሠራ ጥሪ አቅርበዋል፡፡ ታማኝ ፈጣን እና ወቅታዊ መረጃዎችን ለማግኘት የቢሮውን ማኅበራዊ ሚዲያ ማስፈንጠሪያ ይጠቀሙ እናመሰግናለን !! ዌብሳይት:- aabof.com.et ፌስቡክ:-https://www.facebook.com/aabof.gov.et?mibextid=ZbWKwL ቴሌግራም:- https://t.me/AACABOFP ዩቲዩብ:- youtube.com/channel/UCTPN7Re7T7tp_ekAhVuw2uA ዋትሳፕ:-https://chat.whatsapp.com/FLSn12vRmsR9JsKUVDWxgtuuuu

ጥቅምት 3 ቀን 2019 ዓ.ም አዲስ አበባ የኢፌዴሪ የመደመር መንግሥት ተቋማት ውስጥ የተሾሙ አመራሮች ስም ዝርዝር ጠቅላይ ሚኒስትር ዐቢይ አሕመድ (ዶ/ር) በዛሬው ዕለት የሚከተሉትን አመራሮች ሾመዋል፦ #PMOEthiopia

በአለምአቀፍ ደረጃ ምርጥ የተባለውን ተሞክሮ ነው ያገኘነው - የናይጀሪያው ምክትል ፕሬዚዳንት ካሺም ሺቲማ ከኢትዮጵያ የቀዳማይ ልጅነት ልማት ፕሮግራም የተገኘው ተሞክሮ በናይጀሪያ የስነምግብ- 774 (Nutrition 774) የተሰኘውን የሥርዓተ ምግብ ኢኒሸቲቭ በተጨባጭ ለመተግበር እንደሚያግዛቸው የናይጀሪያው ምክትል ፕሬዚዳንት ካሺም ሺቲማ ገለጹ። የናይጄሪያን ከፍተኛ ልዑክ መርተው ለሦስት ቀናት ‘በሥርዓተ-ምግብ ላይ ተጨባጭ ለውጥ ማምጣት’ በሚል መሪ ሃሳብ በኢትዮጵያ ኦፊሴላዊ የሥራ ጉብኝት ያደረጉት ምክትል ፕሬዚዳንቱ ወደ ሀገራቸው ከተመለሱ በኋላ በሚዲያ ረዳታቸው በኩል መግለጫ አውጥተዋል። በተሰጠው መግለጫ ከኢትዮጵያ የተገኙት ተግባራዊ ትምህርቶች በሀገራቸው የጀመሩትን ፕሮግራም ከግብ ለማድረስ እንደሚያግዛቸው ተካትቶ ቀርቧል። ምክትል ፕሬዚዳንቱና ልዑካቸው በሦስተኛው ቀን የኢትዮጵያ ቆይታቸው በአዲስ አበባ ተገኝተው ልምድ የወሰዱበት የቀዳማይ ልጅነት ልማት ትግበራ ለእነርሱ ኢኒሸቲቭ እውንነት ወደ ተጨባጭ እርምጃ እንደሚያመራቸው በመግለጫው ተጠቁሟል። በአዲስ አበባ በዋናነት በቅድመ-መደበኛ ትምህርት፣ በጤና እንክብካቤ፣ በሕፃናት ማቆያ እና በወላጆች ስልጠና ላይ ያተኮረው የቀዳማይ ልጅነት ልማት ፕሮግራም ለናይጄሪያው የልዑካን ቡድን ጠቃሚ ተግባራዊ ትምህርት የተገኘበት እንደሆነ መግለጫውን ይፋ ያደረገው THIS DAY: ዛሬ ሰኞ ጥቅምት 02/2019 ባሳተመው ገጹ ላይ ይዞ ወጥቷል።

ሠንደቅ ዓላማችን የብሄራዊ መግባባታችን መሰረት የአንድነታችን ምልክት እና የጋራ ተስፋችን መገለጫ ነው! ###############################   ጥቅምት 02 ቀን 2019 ዓ.ም ፋይናንስ ቢሮ "ሠንደቅ ዓላማችን ለብሔራዊ መግባባትና ለአንድነታችን!" በሚል መሪ ቃል 19ኛው  የሰንደቅ ዓላማ ቀን በፋይናንስ፣ በንግድና በሴቶች ህፃናት ማህበራዊ ጉዳይ ቢሮ አመራሮችና ሰራተኞች በተገኙበት በድምቀት ተከበረ፡፡ በበዓሉ አከባበር ስነ-ስርዓት ላይ የተደረጉ ንግግሮች፣ ሰንደቅ ዓላማ የሀገር ሉዓላዊነት፣ ነፃነት፣ ክብርና የጋራ ማንነት ምልክት በመሆኑ፣ ለሀገራዊ አንድነትና ለብሔራዊ መግባባት መሰረት ሊሆን እንደሚገባ ተገልጿል። በስነ-ስርዓቱ ላይ የተገኙት በቢሮ ኃላፊ ደረጃ የፋይናንስ ቢሮ ምክትል ቢሮ ኃላፊ አቶ ግርማ ጊዲ እንደገለጹት፣ ኢትዮጵያ የበርካታ ቋንቋዎች፣ ባህሎች፣ እምነቶችና ማህበራዊ ልምዶች ባለቤት የሆኑ ህዝቦች ሀገር ብትሆንም፣ እነዚህ ልዩነቶች የመለያያ ምክንያት ሳይሆኑ የመተማመንና የጋራ ሀብት መሆን አለባቸው ብለዋል፡፡   በልዩነት ውስጥ ተከባብሮና ተባብብሮ በመኖር የበለጠ ጠንካራ ሀገር መገንባት እንደሚቻል የጠቆሙት ኃላፊው፣ የመደመር እሳቤን ከሰንደቅ ዓላማው ክብር ጋር በማያያዝ የጋራ ርዕይን ለማሳካት በጋራ መስራት እንደሚገባ አሳስበዋል። በተጨማሪም ብሔራዊ መግባባትን ማጠናከር፣ ልዩነቶችን በሰላማዊ ውይይትና በህጋዊ ስርዓት መፍታት እንዲሁም የአገልግሎት አሰጣጥን ማሻሻል የዚሁ እሴት አካል መሆናቸው ተገልጿል። አገልግሎቶችን በጥራትና በፍትሃዊነት መስጠት፣ የህዝብን ንብረት መጠበቅ፣ ህግን ማክበርና ብልሹ አሰራርን መታገል የሰንደቅ ዓላማን ክብር በስራ የሚገለጽባቸው ዋና ዋና መንገዶች መሆናቸው ተብራርቷል።  ለሀገር ሉዓላዊነትና የህዝብን ሰላም ለማስጠበቅ ዋጋ እየከፈለ ላለው ለጀግናው የመከላከያ ሰራዊት ምስጋናና ክብር የቀረበ ሲሆን፣ ብሔራዊ መግባባቷና አንድነቱ የጠናከረች፣ ሰላሟ የተስፋፋና በልጆቿ ታፍራና ተከብራ ለዘላለም የምትኖር ኢትዮጵያን ለመገንባት ሁሉም ዜጋ የበኩሉን የዜግነት ግዴታ እንዲወጣ ጥሪ ቀርቧል።   ታማኝ ፈጣን እና ወቅታዊ መረጃዎችን ለማግኘት የቢሮውን ማኅበራዊ ሚዲያ ማስፈንጠሪያ ይጠቀሙ እናመሰግናለን !! ዌብሳይት:- aabof.com.et ፌስቡክ:-https://www.facebook.com/aabof.gov.et?mibextid=ZbWKwL ቴሌግራም:- https://t.me/AACABOFP ዩቲዩብ:- youtube.com/channel/UCTPN7Re7T7tp_ekAhVuw2uA ዋትሳፕ:-https://chat.whatsapp.com/FLSn12vRmsR9JsKUVDWxgtuuu