Bek Olimjon

Hozir nonushtadan oldin bir kitobni (qayta) o'qib o'tirib shu postga ilhom keldi. Charlie Munger degan bir odam bo'lgan. Buffet degan bir do'sti bilan biznesni rosa bosishgan. Mungerni 2,6 milyard dollar qiymati bo'lgani aytiladi. Uni puliku bir tomonga, lekin Munger fikrlashi o'rganishga arziydigan odam bo'lgan. U mental modellarni juda ko'p qo'llagan. Uni aytishicha unday modellar o'zi juda ko'p emas, agar shularni 80-90 tasini tushunib olib va ularni kundalik hayotda qo'llay olsa, o'rtacha odam pul bilan bo'lgan munosabatida (va hayotida) yaxshigina ijobiy o'zgarishlar bo'lishini aytgan edi. O'zi esa bunga yaqqol isbot bo'lgan. U aytadigan ko'p modellar rostdan ham keng tarqalgan konsepsiyalar. Misol uchun opportunity cost, regression to the mean, sunk cost, survivorship bias va hok. Shunday bo'lsada, ko'pchilik tushunmaydi va ishlatmaydi. Ammo haqiqatdan foydalilari juda ko'p. (Qiziq fakt: podcastlarni yorvoryatgan Chris W dunyoqarashini mana shu modellar ustiga qurgandek seziladi menga) *********************** Endi juda ko'pchilikni Munger kitobini olib, uni boshidan o'qib, tushunishga harakat qilishga vaqti cheklangan. Shunday ekan ularni tushunish uchun birorta LLM dan foydalansa ham bo'ladi. Qanday qilib? 1. Googledan Munger mental modellari ro'yhatini topish oson. (Farnam street buni kitob qilib ham sotgan edi bir paytlar) 2. Ko'zimizga chiroyli ko'ringan birortasini tanlaymiz 3. Mana shuni menga tushuntirib ber deymiz 4. Keyin men shu konsepsiyani to'liq tushunmagunimcha mendan savol so'rayver deymiz. Mana shuni qayta-qayta qilsak, tushuna olamiz. Bu ancha oson yo'li. Endi, "yo'q, men bir qaysar odamman, oson yo'lini tanlamayman" desak, misol Munger Almanackni olib, qog'oz-qalam qilish ham yaxhi muqobil. Bek Olimjon 02.09.26 Norvegiya

Moliyaviy erkinlik mavzusidagi podcast 4-epizodi. https://youtu.be/xOCRB_RsjhY?is=f-H1BGq01lFo0uo5

Bola uchun kredit tushunchasi haqida Ikki haftacha oldin bir safardan qaytayotganimizda qizim taklifi borligini aytdi. Qizim: "Dada, menda bir taklif bor. Men matematika qilishni minecraft o'ynashga almashtirsam nima deysiz?". Men: "Xo'sh. Qanday qilib? Nimani o'yladingiz?" Qizim: "Men necha varaq matematika qilsam, qancha Minecraft o'ynasam bo'ladi?" Men: "Bilmasam, siz nima deb o'ylaysiz?" Qizim: "Uch varaq uchun yarim soat deb o'ylayman." Men: "Meng ma'qul. Olti varaq qilsangiz bir soat o'ynasangiz bo'ladi." Qizim: "😊 Kelishdik." Men: "Qizim, faqat bitta shart bilan. Qarzga o'ynash yo'q. Hozir o'ynay, keyin matem qilaman demaysiz." Qizim: "Kelishdik." ****************** Hozir 99 minut Minecraft vaqti bor bor. Oldin dam olish kunlari dars qilmas edi. Bugun yakshanba, 60 minut Minecraftga ishladi. ****************** Taklif uni o'zidan chiqdi. Kelishuvni o'zgartirishga ikki tomon ham ochiq 😁 Bek Olimjon 30.08.26 Norvegiya

Mentorlarimdan biri Gordo Byrndan o'rganganim: 10 yil uchun 1 qaror. Hayotimizni tubdan o‘zgartirish uchun har 10 yillikda bitta to‘g‘ri qaror qabul qilish va uning ustida izchil ishlashning o‘zi yetarli. Men uchun hozirgacha: 10–20 yosh: ingliz tilini o‘rganish 20–30 yosh: talab yuqori bo‘lgan kuchli mutaxassis bo'lish 30–40 yosh: moliyaviy erkinlikka erishish 40–50 yosh: umrbod fitnessni shakllantirish Qiyin joyi shundaki, qaysi qaror eng muhim bo'lganini odatda faqat ortga qaragandagina tushunamiz. Lekin buni oldindan anglab, shunga qarab harakat qilish butunlay imkonsiz emas. Ammo oson emas. Buning uchun o‘zimizni chuqur tahlil qilish + o‘sha o‘n yillikdagi asosiy maqsadimizni aniqlash + bu maqsadga allaqachon erishgan odamlar atrofida bo‘lish + o‘z muhitimizdagilardan boshqacha harakat qilishga jur’at topish talab etiladi. Bek Olimjon 29.08.26 Norvegiya

"Cho'qqida yolg'izlar ko'p" Inson oldiga qo'ygan maqsadlarga erishgan sari yanada kattaroq maqsadlar qo'yadi. Bu inson fitratiga xos. Agar bu maqsadlarga o'z mehnati bilan erishsa, bu uning o'ziga bo'lgan ishonchi ortib borishiga sabab bo'ladi. Natijada yanada kattaroq maqsadlar qo'yadi. Birin-ketin ularga ham erishadi. Inson muvaffaqiyatlarga erishgan sari, uning atrofidagi odamlar, ergashuvchilar soni ortib boradi. Bu albatta yaxshi. Ammo, o'sha inson borgan sari o'zini yolg'iz his qiladi. Bu aslida atrofdagi insonlarning kamligidan emas. Bu asliy va chuqur suhbatlar qila oladigan odamlar kamayib borishidan. Muammo yolg'izlikda emas. Muammo yuqori intensivlik va fokus bilan harakat qila oladigan insonlar juda kamligida. Shuning uchun ham bunday odamlardan "Meni tushunishmaydi!" degan iborani ko'p eshitamiz. Haqiqatdan ham unday odam kechinmalarini tushunadiganlar soni ko'p bo'lmaydi. Yechim har doim ham "yanada gazini bosish" emas. Keyingi cho'qqiga qarab qattiq harakat qilish emas. Aksar hollarda "nega?" degan savolga juda hotirjamlik, sabr va vaqt bilan javob topishga harakat qilish yechim bo'ladi. Ana undan keyin "yolg'izlarni" qidirib topishga harakat qilish muhim. Oddiy, ammo oson ish emas... Undaylar shovqindan yiroq yurishni xohlaydi. Olomon ichida bo'lmaydi ular. Undaylarni sokin joylardan qidirish kerak... Shuning uchun har doim cho'qqiga qarab harakat emas, ba'zan sahroga yuzlanish muhim... Cho'qqidan voz kechganlar sahroda... Bek Olimjon 27.08.26 Norvegiya

"Cho'qqida yolg'izlar ko'p" Inson oldiga qo'ygan maqsadlarga erishgan sari yanada kattaroq maqsadlar qo'yadi. Bu inson fitratiga xos. Agar bu maqsadlarga o'z mehnati bilan erishsa, bu uning o'ziga bo'lgan ishonchi ortib borishiga sabab bo'ladi. Natijada yanada kattaroq maqsadlar qo'yadi. Birin-ketin ularga ham erishadi. Inson muvaffaqiyatlarga erishgan sari, uning atrofidagi odamlar, ergashuvchilar soni ortib boradi. Bu albatta yaxshi. Ammo, o'sha inson borgan sari o'zini yolg'iz his qiladi. Bu aslida atrofdagi insonlarning kamligidan emas. Bu asliy va chuqur suhbatlar qila oladigan odamlar kamayib borishidan. Muammo yolg'izlikda emas. Muammo yuqori intensivlik va fokus bilan harakat qila oladigan insonlar juda kamligida. Shuning uchun ham bunday odamlardan "Meni tushunishmaydi!" degan iborani ko'p eshitamiz. Haqiqatdan ham unday odam kechinmalarini tushunadiganlar soni ko'p bo'lmaydi. Yechim har doim ham "yanada gazini bosish" emas. Keyingi cho'qqiga qarab qattiq harakat qilish emas. Aksar hollarda "nega?" degan savolga juda hotirjamlik, sabr va vaqt bilan javob topishga harakat qilish yechim bo'ladi. Ana undan keyin "yolg'izlarni" qidirib topishga harakat qilish muhim. Oddiy, ammo oson ish emas... Undaylar shovqindan yiroq yurishni xohlaydi. Olomon ichida bo'lmaydi ular. Undaylarni sokin joylardan qidirish kerak... Shuning uchun har doim cho'qqiga qarab harakat emas, ba'zan sahroga yuzlanish muhim... Cho'qqidan voz kechganlar sahroda... Bek Olimjon 27.08.26 Norvegiya

Uchinchi epizod https://youtu.be/Qg9iRyBoMzU?is=xiWrUELT19WLRQkP

Shu kunlarda bilim olishimda foydali bo'lgan bir vosita (tool) haqida yozmoqchiman. Men haftasiga 8-9 soat vaqtni rulda o'tkazaman. Shu vaqt davomida asosan podcast yoki ma'ruzalar eshitaman. Ba'zan men bilmagan, to'liq tushunishim qiyin bo'lgan ma'lumotlarga duch kelaman. Ma'ruzachi nima demoqchi bo'lganini yaxshiroq tushunish uchun Grokdan foydalanyapman. Nega Grok? Mashinaga ulangan bo'lgani uchun. Aslida qaysi biri bo'lishi katta ahamiyatga ega emas. Shunchaki tez qidiruv -> audio natija vositasi sifatida ishlasa bo'lgani. Biror narsaga tushunmasam, shart podcast/ma'ruzani to'xtatib, "Grokbek, mana bu haqida menga aniqroq ma'lumot ber" deyman. Beradi. Savolim bo'lsa yana so'roqqa tutaman. Natijada mavzuni yanada to'liqroq tushunishimga yordam beradi. Shunday qilib ma'lumotni yodlashga ehtiyoj qolmaydi. Bek Olimjon 22.08.26 Norvegiya

Ikkinchi epizod https://youtu.be/dKxDreWllJk?is=CH4jkL5gufk-qhBE

Bundan 8 yil oldin, men 40 yoshda moliyaviy erkinlikka erishaman deb reja qilgan edim. Shunga harakat qildim va Allohga shukurlar bo'lsin erisha oldim. Hozir 39 daman. Moliyaviy erkinlik nima o'zi? Bu topilgan kapitalni to'g'ri investitsiya qilish hisobiga pul uchun ishlashga ehtiyoj bo'lmasligi. Ana shu yo'lda olingan bilimlar haqida kichik guruhdagi do'stlarimiz bilan bo'lishganimizda bu bilimlarga ehtiyoj yuqori ekanligi aniq bo'ldi. Shuning uchun qisqaroq formatda, 10-12 ta epizoddan iborat bo'lgan, videolar to'plami qilishga qaror qildik. Unda moliyaviy erkinlik borasidagi muhim tushunchalar haqida gaplashamiz. Hozirdan aytishim mumkin. Videolar tez pul topish yo'llari haqida emas, balki umumiy tuhsunchalar, ko'nikmalar va strategiya haqida. Kecha shu videolarni birinchi sonini youtube sahifaga joyladik. Mana bu yerda ko'rish mumkin https://www.youtube.com/watch?v=6TrIfk0YNtE&t=3319s Balki foydasi tegar Bek Olimjon 11.08.26 Norvegiya PS. Videoda fikr, maslahat va savol berishni unutmang.

hali ham juda aktual mavzu

Bugungi AMA savol-javoblari to'planmasi https://docs.google.com/document/d/1ceH7_p3o0cw2qHrk0739KY-1IcTbpUkqvdLbZYBrVWU/edit?usp=sharing

Ertaga AMA session qilamiz. AMA - Ask Me Anything. Xohlaganingizni so'rang. Ertaga 9-avgust Uzb vaqti bilan soat 09:00 da shu kanalda. Siz xohlagan savolingizni* berasiz. Men imkon qadar javob beraman. *istisno: savol-javobda tibbiy maslahat bera olmayman. Savolingizni qoldirsangiz, tanlab olib javob beraman. Balki foydasi tegar...

Nolishga har kuni imkoniyat bor. Ertagani tanlang. Bek Olimjon 08.08.26 Norvegiya

Biz na o’zimizga, na oilamizga, na bugunimizga, na ertamizga foydasi bor narsalarga juda ko’p energiya va vaqt sarflaymiz. Vaqt va energiya juda cheklangan resurs. Tanlovda idrokliroq bo’lish muhim. Bek Olimjon, 07.08.26 Norvegiya

🎉 Rahimov School'da bepul o'qing! Barcha maktablarimiz:

• Lokomotiv filialida — 9-10; • Ibn Sino filialida — 9-10-11; • Farg'ona filialida — 9-10-11-

sinflar uchun 100% lik grant e'lon qilyapmiz 🔥 Imtihonni 4 bosqichda o'tkazamiz:

• Matematika • Ingliz tili • Insho • Suhbat

⚡️Qachon? • 11-avgust, 9:00 da 📍Qayerda? • Toshkent va Farg'onada 👉 Ro'yxatdan o'ting: forms.gle/Wo6DfzVGSHq1YvGQ7 @RahimovSchool

Barcha og'riqlar turg'un qolishda. Unga toqat qilmaslikni rivojlantirish kerak. Bek Olimjon 06.08.26 Norvegiya

Barcha og'riqlar turg'un qolishda. Unga toqat qilmaslikni rivojlantirish kerak. Bek Olimjon 06.08.26 Norvegiya

Tashqari va ichkaridan keladigan turli xil shovqinlarni, ayniqsa telefondan keladigan shovqinlarni kamaytirish yo’lini topgandekman. Bu men uchun sport vaqtida telefondan foydalanmaslik bo’lyapti. Podcast eshitish yoki nimadir ko’rish yo’q. Musiqa eshitish yo’q. Yugurish va velik davomida quloqchin yo’q. Bir necha yildan beri sinab, amalda qo’llaganim va foyda olganim shu bo’ldi. Albatta 100% amal qilish qiyin. Ba’zan zalda quloqchin taqishga majbur bo’ladi odam. Sababi zaldagi baland bumps-bumps musiqalar. Yoki boshqalar shovqini. Ba’zan motivatsiya shu qadar yo’q bo’ladiki quloqchin bilan o’zimni chalg’itishga majbur bo’laman. Telefonsiz sportni fikrlarni jamlashga, o’ylashga, tahlil qilishga, reja tuzishga katta yordamini sezdim. Ayniqsa jiddiy qarorlar ustida ishlashda velosipedda uzoq masofaga yurish foydasi katta ekanligini sezdim. Agar bunga muntazam bloknotga yozishni ham qo’shsam, balki samarasi yanada ko’proq bo’lar. Bek Olimjon 05.08.26 Norvegiya

Atrofimdagi kam odam tushunib yetgan haqiqat: «Bizda pulimizni yo’qotishdan ko’ra salomatligimizni yo’qotish xavfi ko’proq» Boshqacha aytganda: «salomatligimizni saqlay olsak pul topishda davom eta olamiz» Bek Olimjon 04.08.26 Norvegiya