"Yunus Ali Oxund" jome masjidi | Qorasuv

🤲 ҚУРЪОНИ КАРИМДАГИ РАББАНА ДУОЛАРИ   Қуръони Каримда келган «Роббана» (Эй Роббимиз) деб бошланувчи ушбу гўзал дуоларни ёдлаб, кундалик ҳаётимизда, намозларимиздан кейин ўқиб юришни одат қилайлик. Аллоҳ таоло барчамизнинг дуоларимизни ижобат айласин!   1. Бақара сураси, 127-оят • Арабчаси: رَبَّنَا تَقَبَّلْ مِنَّا إِنَّكَ أَنْتَ السَّمِيعُ الْعَلِيمُ • Ўқилиши: Роббанаа тақоббал миннаа иннака антас-самииъул-ъалиим. • Таржимаси: Роббимиз, биздан қабул қилгин, албетта Сен Ўзинг эшитувчи ва билувчисан. 2. Бақара сураси, 286-оят • Арабчаси: رَبَّنَا لَا تُؤَاخِذْنَا إِن نَّسِينَا أَوْ أَخْطَأْنَا • Ўқилиши: Роббанаа лаа ту’аахизнаа ин насиинаа ав ахто’наа. • Таржимаси: Роббимиз, агар унутсак ёки хато қилсак, бизни жазолама. 3. Бақара сураси, 286-оят • Арабчаси: رَبَّنَا وَلَا تُحَمِّلْنَا مَا لَا طَاقَةَ لَنَا بِهِ • Ўқилиши: Роббанаа ва лаа туҳаммилнаа маа лаа тооқота ланаа биҳ. • Таржимаси: Роббимиз, бизга тоқатимиз етмайдиган нарсани юклама. 4. Оли Имрон сураси, 8-оят • Арабчаси: رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا • Ўқилиши: Роббанаа лаа тузиғ қулуубанаа баъда из ҳадайтанаа. • Таржимаси: Роббимиз, бизни ҳидоят қилганингдан кейин қалбларимизни буриб қўйма. 5. Оли Имрон сураси, 147-оят • Арабчаси: رَبَّنَا اغْفِرْ لَنَا ذُنُوبَنَا وَإِسْرَافَنَا فِي أَمْرِنَا • Ўқилиши: Роббанағфир ланаа зунуубанаа ва исроофанаа фии амринаа. • Таржимаси: Роббимиз, бизнинг гуноҳларимизни ва ишимиздаги ҳаддан ошишларимизни кечиргин. 6. Оли Имрон сураси, 193-оят • Арабчаси: رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا • Ўқилиши: Роббанаа фағфир ланаа зунуубанаа ва каффир ъаннаа саййи’аатинаа. • Таржимаси: Роббимиз, бас, гуноҳларимизни кечир ва ёмонликларимизни ўчиргин. 7. Аъроф сураси, 126-оят • Арабчаси: رَبَّنَا أَفْرِغْ عَلَيْنَا صَبْرًا وَتَوَفَّنَا مُسْلِمِينَ • Ўқилиши: Роббанаа африғ ъалайнаа соброн ва таваффанаа муслимиин. • Таржимаси: Роббимиз, устимиздан сабр ёғдиргин ва бизни мусулмон ҳолимизда вафот эттир. 8. Юнус сураси, 85-оят • Арабчаси: رَبَّنَا لَا تَجْعَلْنَا فِتْنَةً لِّلْقَوْمِ الظَّالِمِينَ • Ўқилиши: Роббанаа лаа тажъалнаа фитнатал-лилқовмиз-зоолимиин. • Таржимаси: Роббимиз, бизни золим қавмларга синаладиган (хўрланадиган) қилиб қўйма. 9. Иброҳим сураси, 41-оят • Арабчаси: رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ • Ўқилиши: Роббанағфир лии ва ливаалидаййа ва лилмуъминиин. • Таржимаси: Роббимиз, мени, ота-онамни ва мўминларни мағфират қилиб кечиргин.   ✅ Яқинларингизга ҳам улашинг! 👍Telegram 👍 Instagram 👍 YouTube 👍 Facebook

☠️🚫Гиёҳвандлик иллатидан фарзандларимизни асрайлик! 🎙Ҳомиджон домла Ишматбеков, Ўзбекистон мусулмонлари идораси раисининг биринчи ўринбосари ✅ Ўзбекистон мусулмонлари идораси Матбуот хизмати @yunusalioxund

ЗИКР Бир киши ҳар кеча "Аллоҳ" дер, бу зикрдан завқ олар еди. Шайтон: "Эй кўп гапирувчи, шунча "Аллоҳ" деганингга яраша унинг "Лабайка" дегани қани? Аллоҳ салтанатидан бир жавоб йўқ. Уялмай, зерикмай токайгача "Аллоҳ" деб турасан?" - деди. Одамнинг кўнгли синди, бошини ерга қўйди, ётди. Тушида яшил либос кийган Ҳазрат Хизрни кўрди. Ҳазрат Хизр: "Ўзингга кел, нега зикрни бас қилдинг, чақирган исмдан қандай зерикдинг, зикрингдан қандай пушаймон бўлдинг?" - деди. Одам жавоб ўрнида: "Лаббайка" деган овоз келмаяпти, даргоҳдан қувилишдан қўрқаяпман", - дегач, Хизр: "Сенинг "Аллоҳ" дейишинг бизнинг "Лаббайка" дейишимиздир. Сенинг у ниятинг, дардга тушишинг, ёниб-куйишинг бизнинг хабарчи аскаримиздир. Сенинг ҳийлаларга ишонишинг, чоралар излашинг сени ўзимизга тортишимиздан, оёғингни қўйиб юбормаганимиздадир. Қўрқув-хавотиринг еса лутфимиз камандидир, ишқинг ҳам. Ҳар "Йо Раббий" дейишингда бизнинг "Лаббай, афандим" дейишимиз яширин! - деди. (Жалолиддин Румий) @yunusalioxund

Онанинг дуоси туфайли   Сулаймон ибн Айюб раҳимаҳуллоҳ бундай ҳикоя қилади: “Мен ўн йилдан кўпроқ вақт давомида илм ўрганиш ва Қуръонни ёд олишга ҳаракат қилсам-да, Фотиҳа сурасини тўғри ўқий олмасдим. Бу ҳолат менга оғир эди. Ҳатто устозим ҳам мендан умидини узган эди. Ёлғиз қолганимда саждага бош қўйиб йиғлаб, дуоларимда Аллоҳ таолодан тилимни бурро, хотирамни ўткир қилишини ҳамда қалбимдаги ғашликни кетказишини сўраб илтижо қилардим. Солиҳ инсонлардан бирига ҳолимни баён этдим. У мендан: “Ота-онанг борми?” деб сўради. Мен: “Ҳа, онам бор”, деб жавоб бердим. У: “Онангга яхшилик қиласанми?” деб сўради. Мен: “Ҳа, онамнинг хизматларини бекаму кўст бажараман”, дедим. Шунда солиҳ киши менга: “Онангнинг олдига бориб, ундан Қуръони каримни ёд олишинг ҳамда фақиҳ бўлишинг учун дуо қилишини сўра”, деди. Мен уйга бориб, бу гапларни онамга айтдим. Волидам ярим тунда намоз ўқиди, ҳаққимга хайрли дуолар қилди. Сўнгра саҳарлик қилиб, Аллоҳ учун рўза тутди. Тонг отиши билан онамнинг дуолари қабул бўлди. Худди булутлар тарқагач, қуёш чарақлагани сингари ақлим ҳам ёришиб, қувваи ҳофизам кучайганини ҳис этдим. Шу тариқа мен зеҳни ўткир ва илмли инсонга айландим. Онамнинг дуоси баракотидан Қуръон ва ҳадисни пухта ўзлаштириб, илму ҳикмат денгизида суза бошладим. Ниҳоят, кучли имомга айландим”. Ким бирор мақсадини амалга оширишда қийналса, аввало, Аллоҳ таолога таяниш баробарида ота-онасининг дуосини олсин!   Шайх Маҳмуд МИСРИЙнинг “Солиҳлар ва солиҳалар...” китобидан @yunusalioxund

Ихлос 📜(Солиҳ) амалларни ужб(манманлик) ва ўзини катта олишдан кўра кўпроқ бузувчироқ нарса йўқдир. ▫️Инсон ўзи қилаётган ибодатлари ёки хайрли ишлари билан фахрланиши, уларни ўзининг куч-қуввати ёки фазилати деб билиши ҳамда ўз нафсига юқори баҳо бериши ўша қилинган чиройли амалларнинг ажру савобини йўққа чиқариши мумкин. @yunusalioxund

Ҳавойи нафс зиндонидан кўра торроқ зиндон йўқдир, шаҳват кишанидан кўра оғирроқ кишан йўқдир. Шундай экан, асир олинган, зиндонбанд қилинган ва кишанланган қалб қандай қилиб Аллоҳ сари ва охират диёри томон юра олсин?! Қандай қилиб биргина қадам бўлса ҳам боса олсин?! @yunusalioxund

Бугун ҳижрий-қамарий тақвим бўйича кун алмашинуви пайтида юртимизга муборак Муҳаррам ойи кириб келади ва янги ҳижрий 1448 йил бошланади. Муҳаррам ойи – Аллоҳ таоло уруш ва ноҳақ қон тўкишни ҳаром қилган тўрт улуғ ойнинг биридир. Муҳаррам ойи Рамазон ойидан кейинги мартабада туради. Бу ойда энг улуғ кунлардан бири – Ашуро куни бор. Набий соллаллоҳу алайҳи васаллам: «Рамазондан кейинги энг афзал рўза Аллоҳнинг ойи бўлмиш Муҳаррам ойи рўзасидир», деб марҳамат қилганлар (Термизий ривоят қилган).   Ушбу ойдаги муҳим саналарни белгилаб олинг: ⏺️ 1-муҳаррам (Янги йил бошланиши): 16 июнь ⏺️Ашуро куни (Муҳаррамнинг 10-куни): 25 июнь   Ашуро куни тутилган рўза ўтган бир йиллик гуноҳларнинг мағфират қилинишига сабаб бўлади. Суннатга мувофиқ, Ашуро рўзасига ундан олдинги ёки кейинги кунни ҳам қўшиб тутиш (9-10 ёки 10-11-кунлари) тавсия этилади.   Аллоҳ таоло кириб келаётган Муҳаррам ойини ва янги ҳижрий йилни барчамиз учун хайрли, баракали, тинчлик ва осойишталик йили қилсин!  @yunusalioxund

Ассалому алайкум ва роҳматуллоҳи ва баракотуҳ! Айёмингиз муборак бўлсин! Бугун 16 июн, 2026 йил. Ҳафтанинг Сешанба куни. Ҳижрий сана: 1448, Муҳаррам ойининг 1-куни куни.!!! https://t.me/yunusalioxund

🌙✨ ЯНГИ ҲИЖРИЙ ЙИЛ МУБОРАК БЎЛСИН! ✨🌙 #ҳижрий_1448_йил #янги_ой_эълони #янги_ҳижрий_йил 🌙 Муҳаррам ойининг 1-куни — 2026 йил 16 июнь, сешанба кунига тўғри келмоқда. 📖 Муҳаррам — ҳижрий тақвимнинг биринчи ойи бўлиб, Қуръони каримда зикр қилинган тўрт улуғ ва ҳурматли ойлардан биридир. 🤲 Пайғамбаримиз соллаллоҳу алайҳи васаллам янги чиққан ойни кўрганларида шундай дуо қилардилар: اللَّهُمَّ أَهِلَّهُ عَلَيْنَا بِالْيُمْنِ وَالْإِيمَانِ وَالسَّلَامَةِ وَالْإِسْلَامِ رَبِّي وَرَبُّكَ اللهُ 🕊 Ўқилиши: «Аллоҳумма аҳиллаҳу алайна бил-юмни вал-иймани, вас-салаамати вал-Ислами, Роббий ва Роббукаллоҳ». 🌿 Маъноси: «Эй Аллоҳим! Бу ойни бизларга барака ва имон, саломатлик ва Ислом ойи қилгин! Эй ҳилол, менинг ҳам, сенинг ҳам Роббинг Аллоҳдир!» 🕌 Янги 1448-ҳижрий йилда Аллоҳ таоло хонадонларимизга тинчлик ва барака, қалбларимизга мустаҳкам иймон берсин ва ҳаётимизда бизни солиҳ амалларга муваффақ айласин! 🌙 1448 ҳижрий йил — муборак бўлсин! Ўзбекистон мусулмонлари идораси Фатво маркази.

Инсоннинг ақл-заковати ошгани сайин, ғазаб, тама ёки нафс хоҳишига берилган биргина дақиқа унинг ўн йиллик меҳнати ва қилган ишларини барбод қилиши мумкинлигини англаб етади. @yunusalioxund

ҲАЛОЛ КАСБ – БАРАКА ВА САЛОҲИЯТ МАНБАИ Ислом дини инсонни ҳам бу дунёда, ҳам охиратда бахтли-саодатли ҳаёт кечиришга тарғиб қилади. Ҳар бир инсон бу дунёда тўкин-сочин яшашни яхши кўради, истайди ва шунга интилади. Динимиз бизни асло бундан қайтармайди. Муқаддас динимиз камбағалликни мақтаб, бойликни ёмонламайди. Балки, ўрни келганда бунинг акси бўлиши мумкин: дангасалик сабаб келган камбағаллик танқид қилиниб, ҳалол йўл билан топилган тўғри бойлик мадҳ этилади.

Ҳалол меҳнат – фарздан кейинги фарз

@yunusalioxund

Умр Мувозанати Мусулмон киши ўз вақтини беҳуда совурмайди, балки уни мақсадли режалаштиради. Ибн Ҳиббон Абу Зар розияллоҳу анҳудан ривоят қилган ҳадисда баён қилинишича, оқил инсон ўз кундалик вақтини уч асосий қисмга тақсимлаши керак: Биринчи қисм — Роббига муножот қилиш: Бу вақт фарз ва нафл намозлар, дуо, зикр, Қуръон тиловати ва бошқа ибодатларга ажратилади. У инсоннинг руҳини озиқлантиради. Иккинчи қисм — Нафсни сарҳисоб қилиш: Инсон кун давомида қилган ишларини назорат қилади. Хато ва гуноҳларини таҳлил қилиб, ўзини тергайди, тавба қилади ва яхши амаллари учун Аллоҳга ҳамд айтади (муҳосаба қилади). Учинчи қисм — Ҳалол эҳтиёжлар (Ризқ ва дам олиш): Бу вақт ҳалол меҳнат қилиш, касб-ҳунар билан шуғулланиш, таомланиш, ухлаш ва оилавий мажбуриятларни бажаришга сарфланади. @yunusalioxund

ИННАА ЛИЛЛААҲИ ВА ИННАА ИЛАЙҲИ РОЖИЪУУН Сурхондарё вилояти Сариосиё туманининг таниқли валий ва ориф зоти — Шоҳҳайдархон эшон ҳожи ҳазратлари боқий дунёга риҳлат қилдилар. Марҳум ҳазратнинг жаноза намозлари адо этилиб, сўнгги йўлга кузатилдилар. Шоҳҳайдархон эшон ҳазратлари умр бўйи илм-маърифат, нафс тарбияси йўлида хизмат қилган, тилларидан Аллоҳнинг зикри тушмайдиган зокир ва ҳақиқий тақводор зот эдилар. Айниқса, у зотнинг жорий йилда Президент ҳожилари сафида улуғ фарзни адо этиб, яқиндагина муборак Ҳаж сафаридан гуноҳлардан покланган ҳолда қайтиб, Раббиси ҳузурига риҳлат қилганларида катта рамзий маъно бор. Аллоҳ таоло ҳазратнинг мабрур Ҳажларини восита қилиб, ўзларини ғариқи раҳмат, шоистаи жаннат айласин. Қабрларини нурга тўлдириб, мақомларини улуғ қилсин ва охиратда Пайғамбаримиз алайҳиссалом ҳамда саҳобаларига қўшни айласин. Аҳли байтига чиройли сабр ва ажру мукофотлар ато этсин. Омин я Роббал аъламийн! @yunusalioxund

Инсоннинг ақл-заковати ошгани сайин, ғазаб, тама ёки нафс хоҳишига берилган биргина дақиқа унинг ўн йиллик меҳнати ва қилган ишларини барбод қилиши мумкинлигини англаб етади. @yunusalioxund

РИЗҚНИНГ ТЎҚҚИЗ УЛУШИ ЯШИРИНГАН КАСБ   Ислом дини инсонни фақат ибодатга тарғиб қилиб, дунёдан узилиб яшашга чақирмайди. Аксинча, ҳалол ризқ излаш, оилани боқиш ва жамиятга манфаат келтиришнинг ўзини ҳам улуғ бир ибодат даражасига кўтаради. Бинобарин, динимизда энг кўп барака ва ризқ ваъда қилинган соҳалардан бири айнан тижоратдир. Пайғамбаримиз соллаллоҳу алайҳи васаллам айтдилар: «Тижорат билан шуғулланинглар, чунки ризқнинг тўққиз улуши тижоратдадир». (Имом Суютий, «Ал-Жомиъ ас-Сағир»)   Ушбу ҳадиси шарифдан олинадиган ўгитлар шундан иборатки, Расулуллоҳ соллаллоҳу алайҳи васаллам умматни ҳаракатчанликка, боқимандаликдан узоқ бўлишга ва ўз ҳалол касб-корини йўлга қўйишга ундаб тадбиркорликка тарғиб қилмоқдалар. Иқтисодий юксалиш ва бойликнинг асосий қисми айнан олди-сотди, хизмат кўрсатиш ҳамда ишлаб чиқариш соҳасига яширилгани ушбу фаолиятнинг барака омили эканини кўрсатади. Шунингдек, Пайғамбаримиз соллаллоҳу алайҳи васалламнинг ўзлари ҳам, Абу Бакр, Усмон, Абдураҳмон ибн Авф розияллоҳу анҳум каби кўплаб улуғ саҳобалар ҳам йирик тадбиркор ва савдогар бўлишгани тижоратнинг нақадар шарафли машғулот эканига далилдир. Демак, ўз ишини ҳалоллик, инсоф ва чиройли муомала устига қурган киши ризқнинг ўша улуғ улушига шерик бўлади. Зеро, Ислом тадбиркорликни қораламайди, балки унинг ҳалол ва пок бўлишини талаб қилади. Шу боис, ҳалол касб орқали мол-дунё топиб, уни хайрли йўлларга сарфлаётган барча тадбиркорларнинг ризқига Аллоҳ таоло ҳамиша барака ато этади. @yunusalioxund

Ассалому алайкум ва роҳматуллоҳи ва баракотуҳ! Айёмингиз муборак бўлсин! Бугун 15 июн, 2026 йил. Ҳафтанинг Душанба куни. Ҳижрий сана: 1447, Зулхижжа ойининг йигирма тўққизинчи куни.!!! https://t.me/yunusalioxund

• Ким ортиқча сўзларни тарк этса, унга ҳикмат берилади. • Ким ортиқча қарашни тарк этса, унга қалб хушуъи берилади. • Ким ортиқча таомни тарк этса, унга ибодат лаззати берилади. • Ким ортиқча кулишни тарк этса, унга ҳайбат берилади, • Ким мазахни тарк этса, унга баҳо берилади. • Ким дунё муҳаббатини тарк этса, унга охират муҳаббати берилади. • Ким бошқалар айби билан машғул бўлишни тарк этса, унга ўз айбини ислоҳ қилиш берилади. • Кимнинг кулгуси кўпайса, ҳайбати озаяди. • Кимнинг сўзи кўпайса, унинг хатоси кўпаяди. • Ким инсонларни камситса, ўзи хам камситилади. • Ким бирор нарсага кўп машғул бўлса, шу касби билан танилади. • Кимнинг кибру-ҳавоси кўпайса, ҳаёси камаяди. • Кимнинг ҳаёси камайса, тақвоси камаяди. • Кимнинг тақвоси камайса, қалби ўлади. Ҳазрати Умар @yunusalioxund

🔖Карам қандай таъсир қилади? Карам шунчаки оддий сабзавот эмас, у шифобахш моддаларга бой: Глюкосинолатлар ва Синигрин: Карам таркибидаги бу бирикмалар организмда яллиғланишга қарши курашувчи моддаларга айланади. Улар тери орқали сўрилиб, бўғимдаги шиш ва оғриқни камайтиришга ёрдам беради. Витамин K ва C: Карам таркибида тоғай тўқималарини тиклаш ва қон айланишини яхшилаш учун зарур бўлган витаминлар мавжуд. Табиий совутиш эффекти: Карам барги таркибидаги сув туфайли бўғимдаги иссиқлик (яллиғланиш белгиси)ни ўзига олади ва маҳаллий ҳароратни туширади. 🔖Қайси касалликларда ёрдам беради? Артроз ва артрит: Тизза бўғими едирилиши ёки яллиғланишида доимий оғриқни енгиллатиш учун. Жароҳатлар ва лат ейиш: Спорт ёки кундалик ҳаётда тиззани уриб олганда, шишни тез қайтариш учун. Туз йиғилиши (gодагра): Бўғимларда сийдик кислотаси тузлари тўпланиб, кучли оғриқ берганда. 🔖Қўшимча тавсиялар Асал ва карам: Карам баргини эзиб, устига бир чой қошиқ табиий асал суртилади ва тиззага қўйилади. Асал кучли антисептик ва биостимулятор бўлиб, карамнинг шифобахш суви билан бирга терига чуқурроқ сингади. Денгиз тузи билан: Агар тиззада кучли шиш бўлса, карам баргига бироз денгиз тузи сепиб қўйиш мумкин. Туз ортиқча суюқликни (шишни) тезроқ тортиб олишга ёрдам беради. Иссиқ компресс усули: Агар тиззада сурункали (яллиғланишсиз, совуқдан бўладиган) оғриқ бўлса, карам баргини аввал иссиқ сувга ботириб олиб, кейин оёққа боғлаш ва устини жун рўмол билан ўраш яхши фойда беради. ❗️Муҳим эслатма: Карам баргини тиззага қўйишдан олдин уни албатта яхшилаб ювиш ва қуритиш керак. Очиқ жароҳатлар, тирналган ёки тери касалликлари (экзема, псориаз) бор жойларга компресс қўйиш тавсия этилмайди. Агар тиззадаги оғриқ жуда кучли бўлса, оёқ устига босиб бўлмаса ёки ҳарорат кўтарилса, бу жиддий шикастланиш (масалан, мениск ёки бойламлар узилиши) белгиси бўлиши мумкин. Бундай ҳолатда фақат карамга суянмасдан, шифокор-ортопедга учрашиш зарур. Умуман олганда, бу усул дори-дармонларнинг жигарга зарарини камайтириш мақсадида, уй шароитида қўшимча терапия сифатида ишлатиладиган энг арзон ва самарали воситалардан биридир. @yunusalioxund

Табобат 📜Карам барглари билан тиззани даволаш бўйича табиб тавсияси ▫️Карамнинг сири: Карам таркибида шиш ва оғриқни қолдиришга ёрдам берадиган табиий яллиғланишга қарши бирикмалар мавжуд. ▫️Тизза тузилиши: Сон суяги, тизза қопқоғи, тоғай ва болдир суяги. ▫️Фойдалари: -Тизза оғриғини енгиллатиш; -Шиш ва шишиб кетишни камайтириш; -Бўғимлардаги чарчоқни камайтириш; -Ҳаракатчанлик ва қайишқоқликни яхшилаш; -Табиий ва хавфсиз даволаш усули.

▫️Қўллаш усули: Тоза карам баргларини олинг. Шарбати чиқиши учун уларни бироз эзинг. Уларни тиззага қўйинг ва устидан мато билан боғланг. Оёқда 30-60 дақиқа давомида қолдиринг.

❗️Табиб маслаҳати Энг яхши натижага эришиш учун ҳафтасига 3-4 марта такрорланг, бу жараёнда дам олинг ва ортиқча жисмоний зўриқишлардан сақланинг. @yunusalioxund

Ҳажжи мабрур 📜Иброҳим Нахаъий айтадилар: «Улар (саҳобалар ва улуғ тобеинлар) ҳажларини адо этиб бўлганларидан кейин (камчиликларига каффорат бўлсин деб) бирор нарса садақа қилишар ва: "Аллоҳим, бу Биз билмаган (камчиликлар ва гуноҳлар) учундир“, дейишарди". Муҳаммад ибн Исҳоқ Факиҳий ривояти. @yunusalioxund