Buxgalteriya || Accounting Stuff ||📘

Ишончнома берилаётган шахс шу корхона штатида курсатилиши шартми. Ва бу кайси конун хужжатларида курсатилган? Жавоб: Вазирлар Маҳкамасининг 28.04.2021 йилдаги 249-сонли қарори билан тасдиқланган “Товар-моддий бойликларни олиш учун ишончномаларни электрон расмийлаштириш тартиби тўғрисида” ги Низомнинг 2-бандида ишонч билдирилган жисмоний шахс — ишончнома расмийлаштирилаётган корхонада меҳнат шартномаси асосида фаолиятини амалга ошириб келаётган Ўзбекистон Республикаси резиденти деб кўрсатилган. Яъни ишончнома фақатгина корхонада меҳнат шартномаси асосида фаолиятини амалга ошириб келаётган Ўзбекистон Республикаси резидентига берилади.

Бухгалтерларга амалий маслаҳат... #фойдали Агар кундалик ишлар Сизни чарчатган бўлса, ишга иштиёқингиз пасайиб, йиллик ҳисоботни қандай қиларканман деб ўйлаб юрган бўлсангиз, Сизга яхши янгилик. Ишхонадаги фаолиятингизни оширишнинг самарали усуллари бор. Келинг, улардан бештасини кўриб чиқамиз: ✳️ Ўзингизни мукофотланг: агар Сиз ишингизда бирор кўзлаган маррангизга эришсангиз, бироз пауза қилинг, уйда иш ҳақида ўйламанг ёки янги китоб сотиб олиш каби дам олиш учун вақт ажратинг. ✳️ Чалғитадиган нарсаларни олиб ташланг: лойиҳалар устида ишлаётганда телеграм, инстаграм ва бошқа грамларни хаммасини ўчиринг ва электрон почтангизни ёпинг. Ушбу "иш хабарлари" кўпинча Сизни ишингизни якунлашдан чалғитиши мумкин! Ўша хабарларга жавоб ёзадиган аниқ вақтни белгилаб қўйинг. ✳️ Жамоада ишлаш туйғусини ривожлантиринг: ҳамкасбларингизни шахсан яхшироқ билишга ҳаракат қилинг. Бошқалар билан ўзаро манфаатларни топсангиз, бу иш кунини осонлаштириши мумкин. ✳️ Ўзингизни бошқалар билан солиштиришни тўхтатинг: бу ўзингизнинг ҳурматингизни йўқотишнинг энг осон йўли. Вазифаларни бажариш ва лойиҳаларни якунлашда ютуқларингизни рўйхатини тузинг ва тез-тез рўйхатга қаранг. ✳️ Кўникмаларингизни ривожлантиринг: Агар компаниянгиз ўқитиш имкониятларини таклиф қилса, улардан фойдаланинг! Шунингдек, конференция ёки вебинарларда қатнашиш ёки сертификатлаш курсига рўйхатдан ўтиш ҳақида ўйлаб кўринг. Мазкур тавсиялар Форбес журнали мақоласи асосида тайёрланди. Муаллиф Крис Добстафф. @auditor_team

#xushxabar Barcha xodimlar (ish haftasining turidan qat’i nazar) Yangi yilda ketma-ket 4 kun dam olishi mumkin. O‘zbekiston Respublikasi Prezidentining 23.12.2022 yildagi “2023-yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida”gi PF-270-son Farmoniga ko’ra, 30-dekabr — shanba 6 kunlik ish haftasida ishlaydigan xodimlar uchun qo‘shimcha dam olish kuni etib belgilangan https://lex.uz/uz/docs/-6324664 ✅ Demak, shunda Yangi yilda ish haftasining turidan qat’i nazar barcha xodimlar ketma-ket 3️⃣ kun dam olishlari aniq: 30-dekabr — shanba, 31-dekabr — yakshanba, 1-yanvar — dushanba (Yangi yil). “2024-yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida” O‘zbekiston Respublikasi Prezidentining farmoni loyihasiga ko'ra, 2024-yilda 5 kunlik ish haftasida ishlaydigan xodimlar uchun dam olish kunlari quyidagi tartibda ko‘chirilishi mumkin: 6-yanvar — shanba kunidan 2-yanvar — seshanba kuniga. Shunda 2-yanvar seshanba 5 kunliklar uchun dam olish hisoblanib, 6-yanvar — shanba esa ish kuni bo'ladi. 6 kunlik ish haftasida ishlaydigan xodimlar uchun esa 2-yanvar seshanba qo‘shimcha dam olish kuni sifatida belgilanishi mumkin. ⚠️ Yana bir bor qaytaramiz, bu farmon loyihasiga ko'ra. Farmon e'lon qilinsa, barchasi aniq bo'ladi. Telegramdagi kanalimizni yaqinlarga ulashishni unutmang👇 https://t.me/mehnathuquqi

Жисмоний шахс номида бўлган нотурар бинони юридик шахсга сотганда, жисмоний шахс даромад солиғини тулайдими? Тўласа Солиқ кодексининг қайси моддасига асосан? Жавоб: Солиқ кодекси 375-моддасига асосан солиқ тўловчи (жисмоний шахс) га мулк ҳуқуқи асосида тегишли бўлган мол-мулкни реализация қилишдан олинган даромадлар жисмоний шахснинг мулкий даромад хисобланади. Мол-мулкни реализация қилишдан олинган даромадлар мазкур мол-мулкни реализация қилиш суммасининг ҳужжатлар билан тасдиқланган уни олиш қийматидан ошган қисми сифатида аниқланади. Мазкур қийматни тасдиқловчи ҳужжатлар мавжуд бўлмаган тақдирда, мол-мулкни реализация қилиш қиймати, кўчмас мулк бўйича эса – кадастр қиймати ҳамда реализация қилиш нархи ўртасидаги ижобий фарқ даромад деб эътироф этилади. Агар жисмоний шахс юридик шахсга нотурар бинони сотаётган бўлса, Солик кодекси 387-моддасига асосан жисмоний шахслар даромад солиғини хисоблаб бюджетга тўлаш мажбурияти юридик шахсда бўлади.

#AOS Bugun, 18-dekabr – soliq rejimini o‘zgartirish uchun xabarnoma yuborishning oxirgi kuni ♻️ AOSni qatʼiy belgilangan summada to‘lovchi tadbirkorlar 2024-yil 1-yanvardan soliqni 4% (yoki boshqa soliq stavkalari) stavkada to‘lashga o‘tish uchun; ♻️QQS yoki AOS to‘lovchilari AOSni qatʼiy belgilangan summada to‘lashga o‘tish uchun; ♻️Jami daromadi 1 mlrd so‘mdan oshmagan QQS to‘lovchilari AOS to‘lashga o‘tish uchun 2023-yil 18-dekabrgacha soliq organini xabardor qilishlari kerak. 👉Xabarnoma my3.soliq.uz sayti orqali yuboriladi. Тelegram |Facebook |Youtube| Instagram |Twitter| Threads

18/40/60 қонуни ҳақида эшитганмисиз? Менга доктор Дэниел Эйменнинг 18/40/60 қонуни жуда ёқади: 18 ёшингизда атрофдагилар сиз ҳақингизда нима деб ўйлашлари сизни хавотирга солади; 40 ёшда эса сиз одамларнинг гапига тупуриб қўясиз; 60 ёшда эса атрофдагилар сиз ҳақингизда умуман ўйлашмаганлигини, ҳамма ўзининг ҳаёти билан овора бўлганлигини тушуниб етасиз. Джек Кенфилд «Муваффақият қонунияти» Каналга уланиш: 👉 @Advokat_Abdullayev

⚡️Мол-мулк солиғи тўловлари оширилди Иқтисодиёт ва молия вазирлигининг ЎзАга маълум қилишича, 2024 йилнинг 1 январдан бошлаб, юридик шахслардан олинадиган мол-мулк солиғининг асосий ставкасини (1,5 фоиз) сақлаб қолган ҳолда, солиқ базасини аниқлашда 1 кв.м учун ўрнатилган минимал қиймат индексация қилинмоқда. Тошкент шаҳри учун – 3 млн сўм (амалда 2,5 млн сўм), Нукус шаҳри ва вилоят марказлари учун – 2 млн сўм (амалда 1,5 млн сўм), бошқа шаҳарлар ва қишлоқ жойлар учун – 1,2 млн сўм (амалда 1 млн сўм).

100 милллион сўм моддий ёрдам олса ҳам бўлади, фақат... Моддий ёрдамнинг максимал ёки минимал миқдори, унинг берилиши мажбурийлиги тўғрисида қонун ҳужжатлари мавжуд эмас. Ҳар бир корхона ўзининг молиявий имкониятига қараб ҳодимларига моддий ёрдам бериши мумкин ёки умуман бермаслиги ҳам мумкин. СКнинг 377-моддасида белгиланган моддий ёрдамлар берилган тақдирда, СКнинг 378-моддасида кўрсатилган миқдордаги қисми даромад солиғидан озод қилинади, ундан ошган қисми эса солиққа тортилади. @avantaj_buxgalteriya

Жисмоний шахс Юридик шахсга қарз бериши МУМКИН. Банклар мижозга хизмат кўрсатувчи ташкилот, назорат қилувчи эмас! Кўплаб банк муассасаларида юридик шахсга қарз бериш учун маблағни банк кассасига топширганингизда, "бу мумкин эмас, устав фондини шакллантириш учун ёки айланма маблағни тўлдириш учун деб топширинг" дейишади. Айрим банклар ҳатто номингизга омонат ҳисоб рақам ҳам очтиради. Эмишки, нақд пулни тўғридан тўғри юридик шахс ҳисоб-рақамига қарз сифатида бериш мумкин эмас, омонат ҳисоб-рақамингиз орқали ўтказсангиз бўлади. Бу банк хизмати олиш учун бир "баҳона" холос. Агар ростдан ҳам қарз берилаётган бўлса кўплаб банк ходимлари айтганидек "айланма маблағни тўлдириш учун" деб тушуришга асло рози бўлманг. Бундай тўлов мақсади аслида мавжуд эмас. ФКнинг 733 моддасида қарз шартномасидаги тарафлардан бири юридик шахс бўлганида қарз суммасидан қатъи назар, шартнома ёзма шаклда тузилиши шарт дейилган. Ёзма шаклда қарз шартномаси тузилгандан кейин пулларни банк кассасига топширишга ҳақлисиз ва бунда банк хеч қандай тўсқинлик қилмаслиги керак. Шартнома нусхасини ҳам сўрамаслиги керак (амалда кўп банклар албатта сўрайди). Банклар мижозга хизмат кўрсатувчи ташкилот, назорат қилувчи эмас. Хуқуқингизни талаб қилинг. @avantaj_buxgalteriya

#Бизнес_солиқ ЎЗ МУЛКИМНИ КОРХОНА НОМИГА РАСМИЙЛАШТИРГАНИМДА СОЛИҚ ОҚИБАТЛАРИ ҚАНДАЙ БЎЛАДИ? Ассалому алайкум корхона таъсисчиси узига тегишли булган нотурар мол мулк ва ерни корхонани балансига нотариал идораси оркали хужжатлаштириб кадарстдан утказиб, Устав фонди хисобига балансга олмокчи.Солик туловлар келиб чикадими. 📍ЖАВОБ: Таъсисчи томонидан киритилган нотурар жой жисмоний шахс номидан юридик шахснинг устав фондига берилиб, юридик шахс номига расмийлаштирилган тақдирда, мулкий даромадлар таркибига киритилади ва солиқ агенти томонидан белгиланган тартибда 12 фоизлик солиқ ставкасида (Солиқ кодексининг 381-моддаси) жисмоний шахслардан олинадиган даромад солиғига тортилади. Солиқ кодексининг 375-моддаси 4-бандига асосан жисмоний шахс мол-мулкни реализация қилиш суммасининг ҳужжатлар билан тасдиқланган уни олиш қийматидан ошган қисми сифатида аниқланади. Мазкур қийматни тасдиқловчи ҳужжатлар мавжуд бўлмаган тақдирда, мол-мулкни реализация қилиш қиймати жисмоний шахснинг даромади ҳисобланади. Яъни мазкур ҳолатда жисмоний шахс 12 фоизлик даромад солиғига тортилади. Саволингизни: @yuristgamurojaat гa қолдиринг 👉 @yuristlar_maslahati 👈

Умр билан улғайиш мажбурий, Ақл билан улғайиш ихтиёрийдир! Генри Форд

🖨 Бухгалтерия ва солиқ бўйича профессионал хизматлар! Бухгалтерия ва солиқ хизмати соҳасида етакчи компания ўз хизматларини таклиф этади. Биз фақат ҳисобот юбориш билан шуғулланмаймиз. Бизда: - комплекс бухгалтерия хизмати (банк операциялари, кадр ишлари, барча бирламчи ҳужжатлар билан ишлаш); - бухгалтерия ҳисобини тиклаш; - солиқ тўловларини оптималлаштириш, солиқ текширувларида иштирок этиш; - солиқ текширувлари якунлари бўйича суд орқали даволашиш; - унмаётган дебиторлик қарздоликларини суд орқали ундириш: - экспорт/импорт операцияларида декларантлик хизмати ҳам мавжуд. Экспортчи бўлсангиз ортиқча ҚҚСни қоплаб берилишида кўмаклашамиз. 10 йиллик тажриба. Бизга ишонч билдирган корхоналар сони 100+ Ҳар бир мижоз учун алоҳида иш ҳужжатлари ва иш юритиш услуби таклиф қилинади. Манзил: Наманган ш. Навоий кўча, №5/1 уй. Мўлжал: "Uzum Market" ёнида. 📞 +998 99 983 90 10

Устав фондини тўлиқ шакллантирмаган бўлсангиз фирмангизни қайта рўйхатдан ўтказинг! Ушбу қоида асосан МЧЖлар учун тегишли бўлиб, "МАСЪУЛИЯТИ ЧЕКЛАНГАН ҲАМДА ҚЎШИМЧА МАСЪУЛИЯТЛИ ЖАМИЯТЛАР ТЎҒРИСИДА"ги қонуннинг 14-моддасида Жамиятнинг ҳар бир иштирокчиси таъсис ҳужжатларида белгиланган ва жамият давлат рўйхатидан ўтказилган пайтдан бошлаб бир йилдан ошмайдиган муддат мобайнида жамиятнинг устав фондига (устав капиталига) ўз ҳиссасини тўлиқ киритиши кераклиги ёзилган. Агар бир йил мобайнида устав фонди тўлиқ шакллантирилмаган бўлса, амалда тўланган миқдоргача камайтирганини эълон қилиши ва қайта рўйхатдан ўтказиши керак. Мисол сифатида содда тилда тушунтирсак, фирма очилганда устав фонди 100 миллион сўм қилиб белгиланган. Бир йил давомида 72 миллион сўм шакллантирилди. Тўлиқ шакллантирилмаганлиги сабабли устав фондини 72 миллионгача камайтириб, фирмани қайта рўйхатдан ўтказиш керак бўлади. @avantaj_buxgalteriya

Яроқлилик муддати ўтган товар-моддий захираларни ҳисобдан чиқаришда ҚҚС ва фойда солиғи. Товар-моддий захиралар сақлаш муддати ўтганлиги, жисмоний ва маънавий эскирганлиги сабабли ҳисобдан чиқарилиши мумкин. Мисол сифатида дорихоналардаги сақлаш муддати ўтган дори воситаларини олишимиз мумкин. СКнинг 317-моддаси 34-бандига асосан бундай харажатлар чегирилмайдиган харажатлар ҳисобланади ва солиқ солинадиган базани камайтирмайди. Ҳисобдан чиқарилган товар-моддий захиралар бўйича сотиб олинган пайтда ҳисобга олинган ҚҚС ҳам ҳисобдан чиқарилаётган қолдиқларга мос равишда корректировка қилиниши керак. ҚҚС суммаси охирги 12 ой ичида олинган товарлар бўйича корректировка қилинади, 12 ойдан олдин сотиб олинган товарлар бўйича корректировка қилинмайди. @avantaj_buxgalteriya

ҚҚС ва фойда солиғи тўловчилари айланмадан олинадиган солиққа қайтишлари мумкинми? Агар корхона ҚҚС ва фойда солиғини тўлашга ихтиёрий равишда ўтган бўлса, жорий йил якунлари бўйича жами даромадлари 1 млрд сўмдан ошмаган ҳолатда, айланмадан олинадиган солиқни тўлашга камида 12 ойдан кейин қайта ўтишга ҳақли СК 462-м. 8-қ. Бундан ташқари, танлаш ҳуқуқисиз ҚҚС ва фойда солиғи тўловчилари бўлмаслиги ҳам керак. Айланмадан олинадиган солиқни тўлашга ўтмоқчи бўлган корхонлар ушбу солиқни тўлашга ўтиши тўғрисида солиқ органини, айланмадан олинадиган солиқни тўлашга ўтилаётган навбатдаги солиқ даври бошланишига қадар ўн кундан кечиктирмай хабардор қилиши керак. Демак, 2024 йилдан айланмадан олинадиган солиққа ўтмоқчи бўлган корхоналар 21 декабргача белгиланган шаклдаги аризани шахсий кабинети орқали тақдим қилиши керак. @avantaj_buxgalteriya

#Кадровик Бугун ҳамма ходимлар 1 соат вақтли кетиши керак! Меҳнат кодексининг 187-моддасига кўра, байрам кунлари арафасида ҳар кунлик ишнинг (сменанинг) давомийлиги барча ходимлар учун камида 1 соатга қисқартирилади. Эртага 8 декабрь Конституция қабул қилинган кун. Демак, бугун ишга чиққан ходимлар хаттоки 0.25 ва 0.5 ставка ишлайдиган ходимлар хам1 соат вақтлироқ уйига кетишга ҳақли. Эслатиб ўтаман, байрамдан олдинги куни ишнинг (сменанинг) давомийлигини қисқартириш имкони бўлмаган узлуксиз ишлайдиган ташкилотларда ва айрим турдаги ишларда ортиқча ишлаганлик ходимга қўшимча дам олиш вақти бериш ёки ходимнинг розилиги билан иш вақтидан ташқари иш учун белгиланган нормалар бўйича ҳақ тўлаш орқали компенсация қилинади. Саволингизни: @yuristgamurojaat га қолдиринг 👉 @yuristlar_maslahati 👈

#Бизнес_солиқ ЯТТлар билиши керак бўлган солиқ масалалари. ЯТТ лар учун солиқ ҳисоблашда бирнечта эътибор бериш керак бўлган жиҳатлар бор мазкур поста батафсил танишиб ўтамиз. Солиқ кодексининг 383-моддасига асосан ЯТТлар бир нечта фаолият тури билан шуғулланганида, ҳар бир фаолият тури учун алоҳида-алоҳида қатъий белгиланган миқдордаги солиқни тўлайди, фаолият билан икки ва ундан ортиқ аҳоли пунктларида шуғулланганида эса, ушбу аҳоли пунктлари учун ўрнатилган юқори ставкада солиқ тўланади. 👉 I ёки II гуруҳ ногиронлиги бўлган шахс ҳисобланганида фаолият туридан ва уни амалга ошириш жойидан қатъи назар, ойига қатъий белгиланган миқдордаги солиқнинг 50 фоизини, бироқ базавий ҳисоблаш миқдорининг 50 фоизидан кўп бўлмаган миқдорда тўлайди; 👉 «Ҳунарманд» уюшмаси аъзоси бўлган ва ҳунармандчилик маҳсулотларини (товарларини, хизматларини) ишлаб чиқариш ҳамда реализация қилишни амалга оширганида қатъий белгиланган миқдордаги солиқни тўлашдан озод этилади 👉 болалар ўйин автоматлари билан боғлиқ хизматларни кўрсатса, ҳар бир жиҳозланган жой (бирлик) учун қатъий белгиланган миқдордаги солиқни тўлайди. 👉Жисмоний шахсларнинг мол-мулкини ижарага беришдан олинган даромадларига 12 фоизлик солиқ ставкаси бўйича солиқ солинади. Шу ўринда депутатларнинг ҳам ҳуқуқларини эслатиб ўтаман Халқ депутатлари туманлар ва шаҳарлар Кенгашлари якка тартибдаги тадбиркорлар учун қатъий белгиланган миқдордаги солиқ суммаларига фаолият амалга ошириладиган жойларнинг хусусиятларига, шунингдек фаолият амалга ошириладиган турларининг мавсумийлиги қараб 0,7 дан 1,3 гача камайтирувчи ёки оширувчи коэффициентлар белгилашга ҳақли. Саволингизни: @yuristgamurojaat гa қолдиринг 👉 @yuristlar_maslahati 👈

Солиқ тўловчининг ҳудудига кириш тақиқланган. Ўзбекистон Республикаси Президентининг 04.09.2023 йилдаги ПҚ-292-сонли қарорининг 9-бандига асосан камерал солиқ текширувини ўтказишда қуйидагилар тақиқлансин (бундан қўшилган қиймат солиғи суммаси ўрнини қоплаш (қайтариш)да ўтказиладиган камерал солиқ текширувлари мустасно): ➖солиқ тўловчининг ҳудудига кириш; ➖солиқ тўловчининг ҳудудини ва биноларини кўздан кечириш; ➖солиқ тўловчидан ҳужжатларни талаб қилиб олиш ва уни чақиртириш; ➖солиқ тўловчининг ҳужжатлари ва буюмларини олиб қўйиш. @best_accounting_outsourcing