Buxgalteriya || Accounting Stuff ||📘

Якка тартибдаги тадбиркор товар моддий бойликлар олишда ишончнома (доверенность) БЕРМАЙДИ! Ўзбекистон Республикаси Фуқаролик Кодексининг 134-моддасида бир шахс (ишонч билдирувчи) томонидан иккинчи шахсга (ишончли вакилга) учинчи шахслар олдида вакиллик қилиш учун берилган ёзма ваколат ишончнома ҳисобланиши ўрнатилган. Ишончнома ишонч билдирувчининг бошқа шахс олдидаги вакилига ваколат берилган хатти-ҳаракатларни амалга ошириш учун берилади. Товар-моддий захиралари бўйича битимларни тузиш ва уларни олиш якка тартибдаги тадбиркорнинг ўзи томонидан амалга оширилади. Шунинг учун ишончнома ёзишга эҳтиёж йўқ. 4-сонли БҲМС, 12-боб, 93-моддада ТМЗ сотиб олиш учун ишончномани "ташкилот"лар бериши белгиланган. “Тадбиркорлик фаолияти эркинлигининг кафолатлари тўғрисида”ги Ўзбекистон Республикаси Қонунининг 6-моддасида эса якка тартибдаги тадбиркорлик жисмоний шахс (якка тартибдаги тадбиркор) томонидан тадбиркорлик фаолиятини юридик шахс ташкил этмаган ҳолда амалга оширишдир дейилган. Хулоса қиладиган бўлсак, ЯТТлар товар моддий бойликлар сотиб олишда ишончнома бермайди. @avantaj_buxgalteriya

Товар моддий захираларни олишда ишончноманинг (доверенность) муддати 10 кун эмас, 3 йилгача бериш мумкин. Жуда кўп ҳолларда ТМЗлар олиш учун ишончномалар 10 кун муддатга берилади. 10 кундан кўп муддатга берилган ишончномаларни қабул қилмайдиган, муддати хато экан дейдиган бухгалтерлар ҳам учраб туради. Энг тўғри йўл қонун ҳужжатлари билан танишиб чиқишдир. Хеч қайси қонун ҳужжатларида ишончнома 10 кунга берилиши белгиланмаган. 4-сонли "ТОВАР-МОДДИЙ ЗАХИРАЛАР" тўғрисидаги БҲМСнинг 12-боб, 97-қисмида "Ишончноманинг амал қилиш муддати товар-моддий захираларни олиш ва олиб чиқиб кетиш имкониятига боғлиқ равишда белгиланади, бироқ қонун ҳужжатларида белгиланган муддатдан ошмаслиги керак" дейилган. Қонун ҳужжатларига назар солсак, Фуқаролик кодексининг 139-моддасида "Ишончнома кўпи билан уч йил муддатга берилиши мумкин. Агар ишончномада муддат кўрсатилган бўлмаса, у берилган кундан бошлаб бир йил мобайнида ўз кучини сақлайди. Берилган куни кўрсатилмаган ишончнома ҳақиқий эмас" дейилган. Демак, товар олаётганда ишончномаларни 3 йил муддатгача бериш мумкин. Фақат, ишончнома амал қилиш муддати шартноманинг амал қилиш муддатидан ошиб кетмаслиги керак. @avantaj_buxgalteriya

#Бизнес_солиқ БИР ВАҚТНИНГ ЎЗИДА ИККИ СОЛИҚ ТЕКШИРУВИ ЎТКАЗИЛИШИ МУМКИНМИ? Бир даврда солик аудит ва сайер солик текшируви утказилиши мумкинми? Масалан 10 октябрь куни солик аудити келиб, 18 куни сайер солик текшируви келиши мумкинми, аудит солик текшируви бундан бехабар холатда. 📍ЖАВОБ: Солиқ кодексининг 139-моддасига асосан солиқ тўловчиларнинг солиқлар ва йиғимларни ҳисоблаб чиқариш ҳамда тўлаш соҳасидаги айрим мажбуриятларини, шунингдек солиқ тўғрисидаги қонунчиликда белгиланган бошқа мажбуриятларини бажарилишини текшириш сайёр солиқ текширувидир. Сайёр солиқ текшируви солиқ органи раҳбарининг (раҳбари ўринбосарининг) буйруғи асосида ўтказилади. Буйруқда солиқ тўловчининг номи, текширувчи шахсларнинг фамилияси, исми, отасининг исми ҳамда лавозими, текширувларни ўтказиш муддатлари ва мақсади кўрсатилади. Шунингдек мазкур моддага асосан сайёр солиқ текширувида алохида давр қамраб олинмайди. Бундан ташқари солиқ қонунчилигида бир вақтда сайёр солиқ текшируви ва солиқ солиқ аудити ўтказилишига чекловлар мавжуд эмас. Саволингизни: @yuristgamurojaat гa қолдиринг 👉 @yuristlar_maslahati 👈

Солиқ тўловчининг ҳудудига кириш тақиқланган Ўзбекистон Республикаси Президентининг 04.09.2023 йилдаги ПҚ-292-сонли қарорининг 9-бандига асосан камерал солиқ текширувини ўтказишда қуйидагилар тақиқлансин (бундан қўшилган қиймат солиғи суммаси ўрнини қоплаш (қайтариш)да ўтказиладиган камерал солиқ текширувлари мустасно): ➖солиқ тўловчининг ҳудудига кириш; ➖солиқ тўловчининг ҳудудини ва биноларини кўздан кечириш; ➖солиқ тўловчидан ҳужжатларни талаб қилиб олиш ва уни чақиртириш; ➖солиқ тўловчининг ҳужжатлари ва буюмларини олиб қўйиш. Саволингизни: @yuristgamurojaat ga қолдиринг 👉 @yuristlar_maslahati 👈

#Бизнес_адвокат Корхонага жисмоний шахсдан товар моддий бойликлар сотиб олиш мумкинми? 📍ЖАВОБ: Ушбу операцияларни оддий олди-сотди шартномаси орқали амалга ошириш мумкин. (ФКнинг 386-моддаси). Шартнома юридик ва жисмоний шахс ўртасида тузилиши қонуний ҳисобланади. Тарафларда солиқ оқибатлари вужудга келмайди. Жисмоний шахсга мулк ҳуқуқи асосида тегишли бўлган мол-мулкни реализация қилишдан олинган даромадлар жисмоний шахснинг мулкий даромадлари бўлиб ҳисобланади (СКнинг 375-моддаси 4-қисми) ва бундай даромаддан даромад солиғи тўланмайди. (СКнинг 378-моддаси 7-банди). Саволингизни: @yuristgamurojaat ga қолдиринг 👉 @yuristlar_maslahati 👈

Бозор аҳлига мурожаат: Илтимос, аввал оширилган ойликни олайлик, кейин нархни ошираверасизлар ))) Бозорчилар декабргача чидолмаса керак 😊😊😊 @avantaj_buxgalteriya

❗️1 декабрдан иш ҳақи, пенсиялар ва ижтимоий нафақалар 7% га оширилмоқда, яъни: - пенсияни ҳисоблашнинг базавий миқдори – 372 минг сўм; - ёшга доир энг кам пенсия миқдори – 725 минг сўм; - меҳнатга ҳақ тўлашнинг энг кам миқдори – 1 млн 50 минг сўм этиб белгиланмоқда. Барча бюджет ташкилотлари ходимларининг ойлик маошлари декабрдан бошлаб 7% га ошган ҳолда ҳисобланади. Базавий ҳисоблаш миқдори 1 декабрдан 3% миқдорда (7% эмас) ўзгариб, 340 минг сўм этиб белгиланмоқда. 👉 @yuristlar_maslahati 👈

❗️ 1️⃣-dekabrdan ish haqi, pensiyalar va ijtimoiy nafaqalar oshiriladi ▪️pensiyani hisoblashning bazaviy miqdori – 372 ming soʼm; ▪️yoshga doir eng kam pensiya miqdori – 725 ming soʼm; ▪️mehnatga haq toʼlashning eng kam miqdori – 1 mln 50 ming soʼm etib belgilanmoqda. Prezident farmoni bilan 4,5 mln kishining pensiyasi va nafaqalari miqdori koʼpayadi va barcha byudjet tashkilotlari xodimlarining oylik maoshlari dekabrdan boshlab 7️⃣ foizga oshgan holda hisoblanadi. Telegramdagi kanalimizni yaqinlarga ulashishni unutmang👇 https://t.me/mehnathuquqi

#Бизнес_адвокат Тадбиркорлик бошлашда ташкилий ҳуқуқий шаклни танлаш Бизнесни бошлаш жараёнида тадбиркорликнинг қайси ташкилий ҳуқуқий шаклни танлашингиз сизга бирқанча молиявий фойда олиб келиши аниқ. Ташкилий ҳуқуқий шакли нима? Содда қилиб тушунтирилганда, сиз ўз фирмангизни Хусусий корхона, МЧЖ, Оилавий корхона, Кооператив ва бошқа тарзда ташкил қилишингиз бу сизнинг фирмангизни қайси ташкилий ҳуқуқий шаклда ташкил қилинганини кўрсатади. Нима сабабдан ташкилий ҳуқуқий шакл ни тўғри танлаш муҳим? Биринчидан, солиқ масаласида фойда қила оласиз, масалан сиз ЯТТ шаклда фаолият олиб борсанигизбошқача, МЧЖ шаклда фаолият олиб борганингизда бошқача шаклда солиқ тўлаш шаклларига дуч келасиз. Иккинчидан, коммунал тўловлар масаласида ҳам сизга баъзи лайфхаклар бор. Қадай дейсизми? Масалан, сиз фирмангизни Оилавий корхона шаклида ташкил қилганингизда, коммунал тўловларни жисмоний шахс тўлайдиган таърифларда тўлайсиз. Учинчидан, ишчилар йўллаш масаласида ҳам турли хилликлар мавжуд. Чунки, сиз юридик шахс ташкил қилмаган ҳолатда тадбиркорлик фаолиятини бошласангиз, ишчиларингизнинг максимал сони чекланган бўлади. Масалан ЯТТлар 5 тагача ишчи йўллаш ҳуқуқига эга. Тўртинчидан, сиз ўз фаолиятингизни шериклар билан (бир неча таъсисчилар билан) бошласангиз, бунда сиз Хусусий корхона, ёки оилавий корхона шаклидаги ташкилий ҳуқуқий шаклларни танлай олмайсиз. Ташкилий ҳуқуқий шаклни танлашда, албатта, сиз қандай фаолият билан шуғулланишингизни инобатга олган ҳолда танлашингизни маслаҳат бераман. Сабаби ҳар қандай бизнеснинг ташкилий ҳуқуқий шаклини сиз хоҳлаган шаклда танлай олмайсиз. Саволингизни: @yuristgamurojaat гa қолдиринг 👉 @yuristlar_maslahati 👈

Ҳозир, ишга қабул қилишда йўл қўйилаётган энг катта хатолардан бири. Вазирлар Маҳкамасининг 2019 йил 5 декабрдаги 971-сонли қарори билан тасдиқланган Низомнинг 25-бандида: ➖иш берувчи ва ходим ўртасида тузилган меҳнат шартномаси ушбу Низомга 1-иловага мувофиқ схема бўйича «ЯММТ» ИДАКка меҳнат шартномаси тўғрисидаги маълумотларни шартнома тузилган кундан бошлаб беш иш куни мобайнида киритиш орқали рўйхатдан ўтказилади. Яъни, бу нормага кўра иш берувчилар ходим билан тузилган меҳнат шартномасини у тузилган кундан бошлаб 5 иш куни ичида ЯММТ тизимида рўйҳатдан ўтказиш шарт. Бироқ, аксарият иш берувчилар ҳозирда бу қоидаларга риоя қилгани йўқ. ЯММТ дегани, Ягона миллий меҳнат тизими деб номланган махсус ахборот тизими бўлиб, бу тизимда фуқароларнинг меҳнат муносабатларига оид ҳар бир ҳужжатлари акс этади, жумладан, меҳнат шартномаси тузилиши, унга ўзгартириш киритиш ва бекор қилишга оид маълумотлар бу базага мажбурий киритилади. ЯММТга маълумотларни ўз вақтида ва тўлиқ киритиш иш берувчи зиммасига юклатилган. 👉@yuristkadr

#Бизнес_адвокат Фирмани ихтиёрий тугатиш тартиби (1 қисм) Кўпчилик тадбиркорлик бошлаш учун ЯТТ, Хусусий корхона, МЧЖ ёки бошқа ташкилий ҳуқуқий шакллрада ўз фирмаларини очади аммо уларни юритишга қийналиб фаолиятини тўхтатади. Бундай ҳолларда уларда мазкур фирмани қандай тугатиш мумкинлиги ҳақида саволлар туғилади. Тугатилмаган фирмада турли солиқ қарздорликлари вужудга келади ва бу жараён сизни янада ташвившга солади. Бундай ҳолатдан хавотирга тушишга хожаат йўқ. Сабаби қонунчиликни тўғри қўллаб сиз фирмагизни ихтиёрий тугатишингиз мумкин? Ихтиёрий равишда фирмани тугатиш қандай этаплардан иборат? Биринчи босқич, тугатувчи (Фирма директори) ихтиёрий тугатиш тўғрисида қарор қабул қилиши лозим. Иккинчи босқич, мазкур қарор нусхаларини қуйидаги ташкилотларга юборади. 1. Рўйхатдан ўтказувчи органга; (Давлат хизматлари марказига) 2. Хизмат кўрсатувчи банкка ва хорижий валютадаги маблағлари жамланадиган банкка юборади Учинчи босқич, тижорат ташкилотининг миллий валютадаги иккиламчи депозит ҳисобварақларига, жамғарма депозит ҳисобварақларига ва муддатли депозит ҳисобварақларига хизмат кўрсатувчи банкларга ― уларни ёпиш ҳамда маблағларнинг мавжуд қолдиқларини унинг миллий валютадаги асосий ҳисобварағига ўтказиш тўғрисидаги ариза-топшириқномани жўнадади Тўтинчи босқич, тижорат ташкилотининг хорижий валютадаги талаб қилиб олингунча депозит ҳисобварақлари, жамғарма ва муддатли депозит ҳисобварақлари очилган банкларга — уларни ёпиш ҳамда маблағларнинг мавжуд қолдиқларини унинг депозит ҳисобварақларига, миллий валютадаги асосий ҳисобварағи очилган жойда очилган хорижий валютадаги талаб қилиб олинадиган депозит ҳисобварағига ўтказиш тўғрисидаги ариза-топшириқномани жўнатади. Юқоридаги хужжатлар тегишли ташкилотларга юборилгандан кейин тугатувчи қуйидаги харакатларни амалга ошириши шарт: Биринчидан, қонун ҳужжатларида белгиланган тартибда тижорат ташкилоти ходимлари билан меҳнатга оид ҳуқуқий муносабатларни тўхтатиш чора-тадбирларини кўриши керак; Иккинчидан, тижорат ташкилотининг активлари ва мажбуриятларини қонун ҳужжатларида белгиланган тартибда хатловдан ўтказиш, шу жумладан тижорат ташкилоти қарздор сифатида иштирок этган ижро ҳужжатлари реестрини тузиши лозим; Учинчидан, йил бошидан бошлаб рўйхатдан ўтказувчи орган тижорат ташкилотини ихтиёрий тугатиш тўғрисида хабардор қилинган санагача бўлган даврда тижорат ташкилоти томонидан тўланадиган барча турдаги солиқлар ва йиғимлар бўйича ҳисоб-китобларни тузиши керак; Тўртинчидан, тижорат ташкилотининг дебиторлик қарзларини олиш, шунингдек, тасдиқнома олган ҳолда (қабул қилиб олинган санаси тўғрисидаги белги, почта квитанцияси, ёзма ёки электрон хабар ва шу кабилар) кредиторларни аниқлаш ва тижорат ташкилотининг тугатилиши тўғрисида уларни ёзма равишда хабардор қилиш чора-тадбирларини кўриши лозим. Бу корхонани тугативчи томонидан дастлабки амалга оширилиши керак бўлган харакатлар. Бундан ташқари яна бирқанча жараётлар бор. Корхонани ихтиёрий тугатишда бизнинг хизматлардан фойдаланишингиз мумкин. Саволингизни: @yuristgamurojaat гa қолдиринг 👉 @yuristlar_maslahati 👈

Аутстаффинг нима? Аутстаффинг (инглиз тилида out — "ташқи" + ингл. staff —"ходимлар") – бу бир компания томонидан бошқа бир компания ходимларининг ишчи кучидан фойдаланиш имконияти (сотувчилар, маслаҳатчи-консультантлар, омборчилар, тозаловчи, мавсумий иш учун юк ташувчилар ва хк). Аутстаффингни амалга оширувчи компанияга ёлланган ходимлар буюрмачи компания билан тузилган аутстаффинг шартномасида кўрсатилган ишларни бажаришга мажбур бўладилар. Одатда, шартномага бажариладиган ишлар рўйҳати бирма-бир илова қилинади. Аутстаффингда аутстаффингчи компания ўзидаги ходимларнинг бир қисмини буюртмачи компания ихтиёрига беради. Бажариладиган ишларнинг жойи, вақти ва иш хажмини аутстаффинг шартномасига мувофиқ буюртмачи компания кўрсатади. Яъни, ходимлар расман бир ташкилот (аутстаффингчи)ни штатида бўлгани ҳолда, аслида бошқа корхона ихтиёрида бўлади ва ўша корхонанинг ишларини бажаради. Аутсорсингдан фарқли равишда аутстаффингда ходимлар одатда, буюртмачи компания жойлашган жойда фаолият юритади. Аутстаффингнинг ҳусусиятлари: 1. Ходимлар буюртмачи компания ҳудудида ишлайди, ундаги меҳнат талабларига ва ички интизомга ва меҳнат тартиби қоидаларига бўйсунади. 2. Ходимлар буюртмачи компаниясида ишласада, уларнинг меҳнат шартномаси ижрочи аутстаффингчи компания билан тузилади, иш ҳақини ҳам ижрочи компания тўлайди. 3. Буюртмачи компания меҳнат жараёни учун ижрочи-аутстаффингчи компаниясига пул тўлайди; 4. Буюртмачи компания гарчи расман иш берувчи бўлмасада, аутстаффингчининг ходимларини, уларни интизомга риоя қилишини назорат қилиши, бу ходимларга бевосита топшириқ ва фармойишлар бериши мумкин бўлади. Аутстаффингнинг қулайликлари: 1. Штат бирликлари оптималлашиш (муқобиллашиши) имконияти; 2. Юборилган ходимларни синовдан ўтказиш (бу МКдаги дастлабки синов эмас) орқали фақат натижадор ходимлар билан ишлаш, номувофиқ ходимларни ижрочига қайтариш орқали самарали жамоани шакллантириш; 3. Буюртмачи компания штат бирлигида кўп сонли ходимлар бўлмаслиги боис, меҳнат соҳасидаги назорат органларидан эътирозлар кам бўлиши; 4. Аутстаффинг буюртмачи компанияга ходимлар билан ишлашга оид мураккаб тадбирлардан (кадрларга оид ортиқча иш юритиш, ҳужжатларни расмийлаштириш, маълумотларни мажбурий электрон тизимларга киритиш кабилардан) воз кечишга имкон беради: ҳар бир шахсга иш ҳақи, ҳар бир шахсга солиқлар ҳисоблашга, меҳнат ва бошқа органларга ҳисоботлар беришга вақт кетмайди. Аксинча, компаниянинг асосий ва устувор ғоялари, режалари устида тўлиқ ишлашга имконият бўлади. Аутстаффингнинг камчиликлари: 1. Аутстаффингга доир меҳнат муносабатларини Ўзбекистон Республикаси Меҳнат кодекси билан тартибга солинмаганлиги (яқинда қабул қилинган “Аҳоли бандлиги тўғрисида”ги Қонунда аутстаффингга алоҳида – 16-модда ажратилган бўлса ҳам, ёндашув у қадар тўлақонли бўлмаган); 2. Расман иш берувчи аутстаффингчи компания бўлганлиги боис, буюртмачи компанияда интизомни бузган, меҳнати сифатсиз бўлган ноинсоф ходимларга нисбатан тўғридан-тўғри чора кўриш ҳуқуқи йўқлиги; 3. Ходимларда улар бевосита ишлайдиган раҳбарлардан (буюртмачидан) моддий рағбат ва бошқа меҳнат ҳамда ижтимоий кафолатлар олиш имконияти деярли мавжуд эмаслиги. 4. Аутстаффингга жалб қилинган ходимларнинг икки томонлама (буюртмачи компания ва уни ишга ёллаган аутстаффингчи компания томонидан) босим остида қолиб кетиши мумкинлиги; 5. Шу билан бирга, аутстаффингга жалб қилинган ходимларни буюртмачи томонидан ортиқча “эксплуатация” қилиш эҳтимоли борлиги. 👉@yuristkadr

#savolimbor Assalomu alaykum, xususiy tashkilotlar yangi kodeks bo’yicha dekret ta’tili bermaslikka haqlimi? https://t.me/mehnathuquqi javobi ❗️Xususiy tashkilotlar ham "dekret ta'tili" berishga majbur. Mehnat kodeksinining 237-moddasiga ko’ra, ushbu Kodeksga muvofiq xodimlar quyidagi ijtimoiy ta’tillarni olish huquqidan foydalanadi: homiladorlik va tug‘ish ta’tillari (ushbu Kodeksning 404-moddasi); bola parvarishlash ta’tili (ushbu Kodeksning 405-moddasining birinchi va ikkinchi qismlari); o‘quv ta’tili (ushbu Kodeksning 385-moddasining birinchi qismi); ijodiy ta’tillar (ushbu Kodeksning 387-moddasining birinchi qismi). ❗️Xodimlarga ushbu moddaning birinchi qismida nazarda tutilgan ijtimoiy ta’tillarni berish xodimning mehnat stajiga, u bajaradigan ishning joyi va xususiyatiga, ish beruvchining tashkiliy-huquqiy shakliga bog‘liq emas. ⚠️ E’tibor bering! homiladorlik va tug‘ish ta’tili va boshqa ijtimoiy ta’tillar ish beruvchining tashkiliy-huquqiy shaklidan qat’i nazar ya’ni xususiymi, budjet tashkilotimi taqdim qilinadi va “dekret puli” to’lab beriladi. Ish beruvchi xodimga “dekret puli”ni to’lab bermasachi? ⚠️ Ma’muriy javobgarlik to‘g‘risidagi kodeksi 49-3-moddasiga ko‘ra, vaqtincha mehnatga qobiliyatsizlik, homiladorlik va tug‘ish nafaqalarini qonunchilikda belgilangan miqdorlarda to‘lash bo‘yicha majburiyatdan bo‘yin tovlash, bazaviy hisoblash miqdorining 10 baravaridan 15 baravarigacha (4 million 950 ming so'mgacha) miqdorda jarima solishga sabab bo‘ladi. Xuddi shunday huquqbuzarlik ma’muriy jazo chorasi qo‘llanilganidan keyin bir yil davomida takroran sodir etilgan bo‘lsa, — bazaviy hisoblash miqdorining 15 baravaridan 30 baravarigacha (9 million 900 ming so'mgacha) miqdorda jarima solishga sabab bo‘ladi. ⚠️Agar mehnat huquqlaringiz buzilsa, hududingizdagi mehnat inspeksiyasiga, prokuratura yoki adliya organlariga murojaat qiling. Yoki quyidagi ishonch raqamlariga telefon qiling: Prezident virtual qabulxonasi +99871 210 00 00 Kambag'allikni qisqartirish va bandlik vazirligi +99871 200 06 00 Bosh prokuratura – 1007; Adliya vazirligi – 1008. Telegramdagi kanalimizni yaqinlarga ulashishni unutmang👇 https://t.me/mehnathuquqi

Cолиқ органлари тадбиркорлар ҳисоботларининг бир қисмини шакллантириб беради 1 январдан солиқ органлари тадбиркор танловига кўра, айрим солиқлар, жумладан, ҚҚС бўйича ҳисоботларни автоматик тарзда шакллантиради. 👉 https://kun.uz/06387441 Kun.uz расмий канали

Корхона раҳбари алмашганда, корхонанинг электрон рақамли имзоси ҳам алмаштирилиши керак. ЭЛЕКТРОН РАҚАМЛИ ИМЗО ТЎҒРИСИДАги қонуннинг 27-моддасида электрон рақамли имзо калитининг эгаси бўлган юридик шахснинг раҳбари ўзи билан тузилган меҳнат шартномаси тугатилганда электрон рақамли имзонинг калитини белгиланган тартибда топшириши шарт дейилган. Юридик шахснинг янги тайинланган раҳбари юридик шахсга тегишли бўлган электрон рақамли имзонинг калитини белгиланган тартибда («булутли технологиялардан» фойдаланилганда аутентификация қилиш омилларини алмаштириш мажбурияти билан) қабул қилиб олади. @avantaj_buxgalteriya

Олтинга тенг сўзлар ➀ Кексаларни узоқ умр кўрганлиги учунгина эмас, ҳаёт синовларига узоқ бардош бергани учун ҳам ҳурмат қилмоқ керак. ➁ Яхшигаям, ёмонгаям бирдек яхши кўринишга уринадиган одам энг хавфли одамдир. ➂ Сартарошни сувоқчи қилиб қўйсангиз, деворга совун кўпиги суртади. Этикдўзни сартарош қилсангиз, одамни бошига мих қоқади... ➃ Эрталаб турганингда, кундузи юрганингда, кечаси ухлаганингда ҳеч қаеринг оғримаса шунинг ўзи бахт! ➄ Дунёда меҳрдан арзон нарса йўқ. Бир оғиз ширин сўз, бир чимдим меҳр кимни ўлдирибди! Биз эса шуни ҳам бир-биримиздан аяймиз.. ➅ Мушук ўзи итдан қочиб дарахтга чиқади-ю, яна дарахтдаги қушларга дағ-даға қилади... ➆ Инсоннинг баҳоси бу дунёда ўзи олгани билан эмас, ўзидан қолгани билан белгиланади. ➇ Дарахт бир жойда кўкаради, дейишади. Тўппа-тўғри, бу гап дарахтларга жуда мос тушади. Одамларга эмас! Ўткир Ҳошимов Каналга уланиш: 👉 @Advokat_Abdullayev

Корхона ўз ҳодимларига тушлик тайёрлаш учун сотиб олинган маҳсулотлар бўйича ҚҚСни ҳисобга олмайди. Солиқ кодексининг 371 ва 373 моддаларига асосан ушбу тўловлар ходимнинг меҳнатга ҳақ тўлаш тарзидаги даромадлари таркибидаги компенсация тўловлари қаторига қўшилади. @avantaj_buxgalteriya

#Бизнес_солиқ ҚАТЪИЙ БЕЛГИЛАНГАН СОЛИҚДАН АЙЛАНМАДАН ОЛИНАДИГАН СОЛИҚҚА ЎТИШ ҚАНДАЙ БЎЛАДИ? Biz 2023 yil fevral oyidan aylanma soliqdan qatiy soliqga utganmz va abarot kam bulganini sababli oktabr oyidan qatiy soliqni bekor qilib aylanma % soliqda utmoqchimiz? Trtibini tushuntirib bera olasizmi? 📍ЖАВОБ: Бугун куда кўп тадбиркорларда шундай муаммо учраб турибди. Ҳақиқатдан ҳам айланмадан қатъий белгиланган солиққа ўтиш, қатъй белгиланган солиқдан айланмадан олинадиган солиққа ўтиш жараёнини тадбиркорлар тўла тушиниб етганича йўқ. Солиқ кодексининг 470-1-моддасига асосан Солиқ тўловчилар навбатдаги солиқ давридан бошлаб қатъий белгиланган суммада солиқ тўлашни рад этишга ва ўзи солиқ ҳисобида турган жойдаги солиқ органларини Ўзбекистон Республикаси Давлат солиқ қўмитаси томонидан белгиланган шаклда, навбатдаги солиқ даври бошланишига қадар ўн кундан кечиктирмай хабардор қилган ҳолда, солиқни ушбу Кодекс 467-моддасининг биринчи қисмида кўрсатилган солиқ ставкалари бўйича тўлашга ўтишга ҳақли. Солиқ кодексининг 467-моддасида кўрсатилган солиқ ставкалари бу ерда Юқоридагига асосан 2024-йил январ ойида айланма солиқ тури ягоналаштирилган ставкасига ўтиш учун жорий йилнинг 20-декабрга қадар шахсий кабинетингиздан хабарнома юбориш орқали сиз келаси йилги солиқ давридан бошлаб айланмадан солиқ тўловчига айланишингиз мумкин. Саволингизни: @yuristgamurojaat гa қолдиринг 👉 @yuristlar_maslahati 👈

Bir xodima ketma-ket bola tug'ib bir ishxonada nechta farzandli bo'lguncha uzluksiz dekretta o'tirishi mumkin. 3 ta farzandli bo'lgunchami yoki qonunda belgilanmaganmi? Mehnat shartnomasini bekor qilish mumkinmi? Farzandlar soniga hech qanday cheklov yo’q. "Dekret"ni  "dekretga" ulasangiz ham takroriy homiladorlik  uchun mehnatga layoqatsizlik varaqasi umumiy asosda berilaveradi. ✅ O‘zbekiston Respublikasi sog‘liqni saqlash vazirining 2015-yil 20-martdagi 25-son buyrug‘iga ilova “Mehnatga layoqatsizlik varaqalarini berish tartibi to‘g‘risida”gi Yo’riqnoma [O‘zbekiston Respublikasi Adliya vazirligi tomonidan 2015-yil 17-aprelda ro‘yxatdan o‘tkazildi, ro‘yxat raqami 2667] (https://lex.uz/docs/-2625878) 29-bandiga ko’ra, bola ikki va uch yoshga to‘lgunga qadar parvarishlash uchun beriladigan ta’til yoki ish haqi saqlanmagan holda qo‘shimcha ta’tilda bo‘lgan ayollarning takroriy homiladorligi uchun mehnatga layoqatsizlik varaqasi umumiy asosda beriladi. ❌ MK 408-moddasiga ko'ra, homilador ayollar bilan tuzilgan mehnat shartnomasini ish beruvchining tashabbusiga ko‘ra bekor qilishga yo‘l qo‘yilmaydi, bundan tashkilot (uning alohida bo‘linmasi) tugatilgan yoki yakka tartibdagi tadbirkorning ish faoliyati tugatilgan hollar mustasno. ❌ MK 409-moddasiga ko'ra, 3 yoshgacha bolasi bor ayol yoxud 3 yoshgacha bo‘lgan bolani yolg‘iz tarbiyalayotgan ota (vasiy) bilan mehnat shartnomasini ish beruvchining tashabbusiga ko‘ra bekor qilishga faqat ushbu Kodeks 161-moddasi ikkinchi qismining 1, 4 va 5-bandlarida nazarda tutilgan asoslar bo‘yicha yo‘l qo‘yiladi. https://t.me/accounting_stuff