Abdu Book Center

"የቀዘቀዘች እጅ፣ የሞቀ ሕልም... እና የፈረሰ ድንበር!" ​ከልጅነት ግራ መጋባትና ከምናምንቴነት መጠለያ እስከ ሕይወት ዘመን የሥነ ልቦና እውቀት የተጓዘውን ታሪክ... ልታነቡ ነው። ​ይኸ ልቦለዳዊ ሥነ ጽሑፍ በአጻጻፍ ስልቱ ከለመድነው ለየት ብሎ የመጣ ይመስለኛል። አጠቃላይ የአተራረክ ቅርጹ “በትረካ ውስጥ ያለ ትረካ” (story within a story) የሚሉት ዓይነት ነው። የድርሰቱ ውስጥ ደራሲ ውዳሴ ሳሙኤል የባለታሪኳን የልብ ትርታና የማትረሳውን ያለፈ ሕይወት ታሪክ በብዕሯ ሕያው ስታደርገው እናስተውላለን። ​ይኸ መጽሐፍ የፈተናዎችና የጽናት፣ የእናት ፍቅር ጥላና የብቸኝነት፣ የትግል እና የድል ትረካ የሚጎላበት ነው። ያለፉበትን ችግር እንደ ተራ ነገር ለሚቆጥሩ፣ የሌሎችን መጽናናት ለሚሹና በሕይወት ማዕበል ውስጥ ተስፋ ለሚፈልጉ ሁሉ የሚሆን፣ አፋን እንደሚፈታ ሕጻን ልሳን ሕይወት ሕይወት የሚል ጣዕም ያለው ታሪክን ይዟል! የወደቁበትን ጉድጓድ የፍቅርና የተስፋ መነሻ ለማድረግ ለሚታገሉ ሁሉ የሚሆን የማይረሳ ታሪክ እነሆ! 📚📚 ​ደራሲ ይታገሱ ጌትነት