Abdu Book Center

ያንን አሳዛኝ አቤቱታዬን ካበቃሁ በኋላ፤ በአሳዛኝ ሁኔታ ዝም አልኩ። በውስጤ ክፉ ጋኔን እየተንቀሳቀሰ እንደሆነ ቀደሞዉኑ እየተሰማኝ ስለነበረ፤ ጉሮሮዬ ላይ አንድ ነገር ስለተነነብኝ፤ አገጬ መንቀጥቀጥ ስለጀመረና ዓይኖቼ የበለጠ እየረሱ በመምጣታቸው፤ ራሴን በግድ ለማሳቅ ከፍተኛ ፍላጎት እንደነበረኝ አስታውሳለሁ። እነዚያን ብልህ ዓይኖቿን ከፍታ ስትሰማኝ የነበረችው ናስቴንካ፤ በዚያ በልጅነትና ለጋነት በማይችል ሳቅ ትፈንዳለች ብዬ ጠብቄ ነበር። እናም አላስፈላጊ በሆነ መንገድ በልቤ ውስጥ ለረጅም ጊዜ ሲንተከተክ የነበረውን ታሪክ፤ ልክ በግሩም ከተጻፈ ጥንታዊ ብራና ላይ እንደማንብ አድርጌ ልነግራት የቻልኩትን ነገር በማውጣቴ ቀደሞዉኑ እየተጸጸትኩኝ ነበር — ምክንያቱም በራሴ ላይ ፍርድ ከበየንኩ ቆይቻለሁ፤ አሁን ግን ማንም እንዲረዳኝ ሳልጠብቅ ያንን የካህኔ ፍርድ ከማንበብ እራሴን መግታት አልቻልኩም። ​WHITE NIGHTS መጽሐፍ