Adolat SDP | Rasmiy kanal

Олий Мажлис Қонунчилик палатасидаги “Адолат” СДП фракцияси аъзоси Зуҳриддин Мавлонов: Таълим муассасалари, соғломлаштириш марказлари, оромгоҳлар атрофида гиёҳвандлик воситаларини истеъмолга киритишга уринганлар учун алоҳида жавобгарлик белгиланди.

“Ўзбекистон” телеканали орқали бериб борилаётган “Муносабат” кўрсатувининг навбатдаги сонида шу ҳақда сўз борди. Депутат таъкидлаганидек, жамиятдаги энг оғир иллат саналган гиёҳвандлик воситалари савдосига аралашмасдан туриб, шу ишни ташкил этишга кўмаклашган, шароит яратиб берган мансабдор шахсларга нисбатан қонунчилигимизда жавобгарлик масаласига жиддий эътибор қаратилган. ▶️ Батафсил юқоридаги лавҳада ⚖️ Расмий саҳифаларимиз

Хоразм вилоятидаги ҲОСПИС даво муассасаси фаолияти ҳамда беморлар учун яратилган шароитлар ўрганилди

Жараёнда Олий Мажлис Қонунчилик палатасидаги “Адолат” СДП фракцияси аъзоси Тоҳир Полванов оғир хасталикларга чалинган беморларга сифатли тиббий ёрдам ва парвариш хизматларини кўрсатиш, улар учун муносиб, қулай шароитлар яратиш муҳим ижтимоий вазифалардан бири эканини таъкидлади.

Бундай муассасалар фаолиятини қўллаб-қувватлаш, беморлар ва уларнинг яқинларига маънавий кўмак бериш, тиббий хизматлар сифатини янада ошириш инсон қадри, ижтимоий ҳимоя ва адолат тамойилларига ҳамоҳанг экани қайд этилди. ⚖️ Расмий саҳифаларимиз

Дашт Тегирмондаги муаммога ечим топилди Фуқароларнинг мурожаатларини ўрганиш, уларни қийнаётган муаммоларга ечим топиш ва амалий ёрдам кўрсатиш халқ депутатлари маҳаллий Кенгашлари депутатларининг муҳим вазифаларидан бири ҳисобланади.

🔴 “Адолат” СДПдан Халқ депутатлари Риштон тумани Кенгаши депутати М.Аҳмадалиевага Дашт Тегирмон маҳалласи аҳолисидан навбатдаги мурожаат келиб тушди. Унда ҳудуддаги сув ўтказиш тизими муаммоларини бартараф этиш ҳамда қувур ётқизишда амалий кўмак сўралган эди.

🔘 Мурожаат депутат томонидан атрофлича ўрганилиб, масалани ижобий ҳал этиш юзасидан тегишли ташкилотлар билан ҳамкорлик ишлари йўлга қўйилди. Хусусан, туман йўллардан фойдаланиш давлат муассасаси раҳбари Ж. Раҳмоновга расмий мурожаат юборилиб, муаммони бартараф этиш бўйича зарур чораларни кўриш сўралди.

Олиб борилган саъй-ҳаракатлар натижасида мурожаат ўз ечимини топди. Ҳудудда қувур ўтказиш ишларини ташкил этиш учун зарур техникалар жалб қилиниб, аҳолини қийнаб келган муаммо бартараф этилди.

⚖️ Расмий саҳифаларимиз

Хорижий инвесторлар кенгаши: глобал ҳамкорлик ва иқтисодий тараққиёт платформаси   Жаҳон иқтисодиётида рақобат тобора кучайиб бораётган бугунги шароитда ҳар бир давлат ўз иқтисодий барқарорлиги ва тараққиётини таъминлаш учун инвестицияларни жалб этишга алоҳида эътибор қаратмоқда. Инвестиция нафақат янги корхоналар, иш ўринлари ва технологиялар демакдир, балки мамлакатнинг халқаро майдондаги нуфузи, иқтисодий салоҳияти ва келажак тараққиётининг муҳим мезони ҳам ҳисобланади. Шу нуқтаи назардан қараганда, Ўзбекистонда хорижий инвесторлар билан очиқ ва самарали мулоқотни йўлга қўйиш давлат сиёсатининг устувор йўналишларидан бирига айланди. ➡️ Батафсил ⚖️

“Ўзбекистон” телеканалида эфирга узатилган “Муносабат” кўрсатувида Ўзбекистон Республикаси Олий Мажлиқ Қонунчилик палатаси депутати Зуҳриддин Мавлонов гиёҳвандлик моддаларининг инсоният тараққиётига тўсиқ бўлаётгани, бунга қонунчиликда белгиланган чоралар тўғрисида тўхталди. ▶️ Батафсил юқоридаги лавҳада ⚖️ Расмий саҳифаларимиз

Хоразм вилоятидаги ҲОСПИС даво муассасаси фаолияти ҳамда беморлар учун яратилган шарт-шароитлар билан яқиндан танишилди

🔴 Жараёнда Олий Мажлис Қонунчилик палатасидаги “Адолат” СДП фракцияси аъзоси Тоҳиржон Палванов муассаса фаолияти юзасидан ўз фикр-мулоҳазаларини билдириб, оғир хасталикларга чалинган беморларга сифатли тиббий ёрдам ва парвариш хизматларини кўрсатиш, улар учун муносиб, қулай шароитлар яратиш муҳим ижтимоий вазифалардан бири эканини таъкидлади.

Таъкидланганидек, бундай муассасалар фаолиятини қўллаб-қувватлаш, беморлар ва уларнинг яқинларига руҳий-маънавий кўмак бериш, тиббий хизматлар сифатини янада ошириш “Адолат” СДПнинг инсон қадри, ижтимоий ҳимоя ва адолат тамойилларига ҳамоҳангдир. ⚖️ Расмий саҳифаларимиз

Фуқаролар мурожаатлари эътибор марказида: муаммоларга амалий ечим топилмоқда 🔴 “Адолат” СДП дан Халқ депутатлари Самарқанд вилояти Кенгаши депутати Нилуфар Жаъфарова Ургут туманидаги “Наврўз” маҳалласида фуқаролар билан навбатдаги сайёр қабул ўтказди. Учрашув давомида аҳолини қийнаётган ижтимоий, тиббий ва маиший масалалар муҳокама қилиниб, мурожаатлар атрофлича ўрганилди. Қабул жараёнида фуқаро М. Дониева ўзининг саломатлиги билан боғлиқ муаммолари юзасидан мурожаат қилиб, Ургут туман тиббиёт бирлашмасида имтиёзли асосда даволаниш учун амалий ёрдам сўради. 🔘 Депутат Нилуфар Жаъфарова мазкур мурожаатни масъул ташкилотлар иштирокида ўрганиб, уни ижобий ҳал этиш бўйича тегишли чораларни кўрди. Натижада фуқарога имтиёзли даволаниш ҳуқуқидан фойдаланиши учун амалий кўмак кўрсатилди. Сайёр қабул давомида келиб тушган бошқа мурожаатлар ҳам назоратга олиниб, уларни ҳал этиш бўйича тегишли мутасаддиларга вазифалар белгилаб берилди. ⚖️ Расмий саҳифаларимиз

Аёл муаммодан йироқ бўлиши керак Айни вақтда “Адолат” СДП Андижон вилоят кенгаши аъзоларининг 46 минг 241 нафари хотин-қизлардир. Уларни қўллаб-қувватлаш, бандлигини таъминлаш, ҳуқуқий маданиятини юксалтириш. тадбиркорликка жалб этиш ва сиёсий фаоллигини ошириш доимий эътиборда. “Замондош аёллар клуби” бу борада қатор ташаббуслар билан чиқмоқда. Партиямиздан сайланган 14 нафар аёл маҳаллий кенгаш депутатлари бизнинг асосий қанотимиз. Аёлнинг фаоллиги унинг ҳуқуқий маданияти, саломатлиги ва бандлиги билан боғлиқ. Шу сабаб партиянинг “Бир адолатчи-юз аёлга ҳимоячи” лойиҳаси асосида жойларда мунтазам мониторинг олиб борилиб, хотин-қизлар билан боғлиқ қонунбузилишларга йўл қўймаслик, соғломлаштириш ва ишсизликни олдини олишга эришилмоқда. Айтиш мумкинки, Андижон ва Хонобод шаҳри, Асака, Избоскан ҳамда Жалақудуқ туманларида фаол сафдошларимиз томонидан хотин-қизлар билан ишлашда ўзига хос мактаб яратилган. ➡️ БАТАФСИЛ ⚖️ Расмий саҳифаларимиз

Надира РАШИДОВА, ФИНАНСОВАЯ УСТОЙЧИВОСТЬ УЗБЕКИСТАНА КАК КОНВЕРТИРУЕМАЯ ВАЛЮТА ДОВЕРИЯ

Если попытаться определить главную тему пятого Ташкентского международного инвестиционного форума одним словом, то это - «доверие».

Газета «Правда Востока» №124 от 20.06.2026 🇺🇿@OMQP_kutubxonasi

#Иқтибос

Давлат ишларини адолат пойдевори устига қурдим. Амир Темур

⚖️ Расмий саҳифаларимиз

#ҲАФТА_ТАҲЛИЛИ

🔴 Ўзбекистон “Адолат” социал-демократик партияси ва унинг Олий Мажлис Қонунчилик палатасидаги фракцияси томонидан якунига етган ҳафта давомида ўтказилган муҳим тадбирлар, депутатларимизнинг мамлакатимизда юз бераётган ижтимоий-сиёсий воқеликлар юзасидан муносабатлари бўйича ҳафталик дайжест.

🔴 Ўзбекистон “Адолат” СДП Матбуот хизмати 🎞 Бизни кузатиб боринг! ⚖️ Расмий саҳифаларимиз

🟦🟦🟦🟦 Ижтимоий адолат ер ва сувга эҳтиёткорона муносабатдан бошланади

Халқимиз азалдан ерни бебаҳо бойлик деб билган. Ҳар қандай бойликни эса асраб-авайлаш керак. Тупроқ унумдорлиги пасайса, яйловлар таназзулга учраса, сув ресурсларидан самарасиз фойдаланилса, бунинг оқибатлари фақат фермерга эмас, балки бозор ва оила, мактаб ва шифохона, умуман олганда, ҳар бир ҳудудга таъсир қилади. Айнан шу сабабли чўлланишга қарши курашиш агроном ёки экологларнинг вазифаси бўлибгина қолмай, одамларнинг ҳаёт сифати билан бевосита боғлиқ бўлган ижтимоий барқарорлик ва адолат масаласи ҳисобланади.

Мухаммад ВАЛИЕВ, ТРАНСПОРТНЫЙ ХАБ РЕГИОНА

Пятый Ташкентский международный инвестиционный форум подтвердил статус Узбекистана в качестве нового стратегического центра экономического роста.

Газета «Народное слово» №124 от 20.06.2026 🇺🇿@OMQP_kutubxonasi

🟦🟦🟦🟦 Тошкент халқаро инвестиция форуми – глобал ишонч ва янги имкониятлар майдони Бугунги кунда дунё иқтисодиёти янги чақириқлар ва янги имкониятлар босқичига кирмоқда. Глобал рақобат кучайиб, капитал оқими учун кураш авж олган шароитда давлатларнинг келажаги инвестиция муҳити, ишончли ҳамкорлик ва стратегик қарорларга боғлиқ бўлиб қолмоқда.

Ана шундай мураккаб, бироқ истиқболли шароитда Тошкент шаҳри яна бир бор халқаро иқтисодий мулоқот марказига айланди. Бешинчи Тошкент халқаро инвестиция форуми Янги Ўзбекистоннинг дунё ҳамжамиятига очиқлиги, ислоҳотларга содиқлиги ва катта мақсадлар сари ҳаракат қилаётганининг амалий ифодаси бўлди.

🔴 Наримон Умаров, Олий Мажлис Қонунчилик палатаси депутати, Ўзбекистон «Адолат» СДП фракцияси аъзоси

Депутат ташаббуси — эҳтиёжманд оилага амалий кўмак

Халқ депутатлари Наманган вилояти Кенгаши депутати Наримон Деҳқонов томонидан Шоён маҳалласида аҳоли муаммоларини ўрганиш жараёнида уй-жойини таъмирлашга эҳтиёжи бор оила ҳолатига алоҳида эътибор қаратилди.

Ўрганишлар давомида мазкур хонадонда яшаш шароитини яхшилаш, уйни таъмирлаш ва хавфсиз ҳолатга келтириш зарурлиги аниқланди.

Шундан келиб чиқиб, депутат ташаббуси билан саховатпеша тадбиркор жалб этилди ҳамда ҳомийлик асосида зарур қурилиш материаллари етказиб берилди. Айни пайтда хонадонда таъмирлаш ишлари бошланган бўлиб, уйни яшаш учун қулай, хавфсиз ва муносиб ҳолатга келтириш бўйича ишлар давом этмоқда.

Таъкидлаш жоизки, бундай эзгу ташаббуслар Ўзбекистон “Адолат” СДПнинг ижтимоий адолат, инсон манфаати ва эҳтиёжманд қатламларни қўллаб-қувватлашга қаратилган амалий фаолиятининг ёрқин ифодасидир. Депутатлар томонидан жойларда аҳоли муаммоларини ўрганиш ва уларга амалий ечим топиш борасидаги ишлар изчил давом эттирилмоқда.

Чавандоз қизлар майдонда: Сирдарёда поло бўйича дўстлик учрашуви ўтказилди Сирдарё вилоятида хотин-қизлар ўртасида поло спорт турини оммалаштириш, ёшларни от спортига кенг жалб этиш ҳамда соғлом турмуш тарзини тарғиб қилиш мақсадида дўстлик учрашуви ташкил этилди. Одатда чавандозлик ҳақида сўз борганда, кўпчиликнинг тасаввурида эркак чавандозлар гавдаланади.

Аммо сўнгги йилларда мамлакатимизда хотин-қизлар ҳам от спорти, хусусан, поло йўналишида фаол иштирок этиб, ўз маҳорат ва салоҳиятини намоён этмоқда. Бу эса юртимизда спортнинг барча турларида гендер тенглик, имкониятлар тенглиги ва соғлом рақобат муҳити шаклланаётганининг яққол ифодасидир. Айниқса, 2020 йил 10 октябрда Ўзбекистон поло федерациясининг ташкил этилгани мамлакатимизда мазкур спорт турини ривожлантириш йўлида муҳим қадам бўлди. Бугун эса ушбу ташаббуслар ўз амалий самарасини бермоқда.

Пойтахтимизда ўтказилган тарихий кубокнинг мантиқий давоми сифатида навбатдаги қизғин баҳсларга Сирдарё вилояти мезбонлик қилди. Миллий гвардия Сирдарё вилояти бошқармаси тасарруфидаги Чавандозлар мактабида бўлиб ўтган дўстлик учрашувида Сирдарё вилояти ҳамда Тошкент шаҳри хотин-қизлар поло жамоалари ўзаро майдонга тушди. Учрашув қизиқарли, шиддатли ва дўстона руҳда кечди.

Мусобақа жами 3 та чаккердан иборат бўлиб, ҳар бир чаккер 7–7,5 дақиқа давом этди. Майдонда ҳар икки жамоа ҳам бор маҳорати, иродаси ва жамоавий уйғунлигини намоён этди. Муросасиз баҳслар якунида эса энг аввало дўстлик, спортга бўлган муҳаббат ва ҳамжиҳатлик ғалаба қозонди. Тадбир сўнгида барча иштирокчилар муносиб тақдирланди. 🔴 Мазкур спорт тадбирини юқори савияда ташкил этишда Ўзбекистон поло федерацияси Бош котиби Ёрқин Шавкатов, Ўзбекистон “Адолат” социал-демократик партияси Сирдарё вилоят Кенгаши, Миллий гвардия Сирдарё вилояти бошқармаси ҳамда Ўзбекистон йилқичилик ва от спорти федерацияси яқиндан кўмак берди.

Таъкидлаш жоизки, бу каби тадбирлар мамлакатимизда хотин-қизлар спортини янада оммалаштириш, уларнинг саломатлигини мустаҳкамлаш, ёш авлод ўртасида мардлик, ирода, интизом ва жамоавийлик каби фазилатларни шакллантиришда муҳим аҳамият касб этади. Шу билан бирга, бундай учрашувлар келгусида халқаро майдонларда юртимиз шарафини муносиб ҳимоя қиладиган иқтидорли спортчиларни кашф этиш ва миллий терма жамоаларни шакллантиришда мустаҳкам пойдевор бўлиб хизмат қилади.

Абдурауф Фитрат Миллат ҳақ ва адолат йўлидан чиқар экан, унинг шон-шарафи ер билан яксон бўлур.

V Toshkent xalqaro investitsiya forumi ✅Behzod To‘xtamurodov, Oliy Majlis Qonunchilik palatasi deputati 🔴  KANALGA ULANISH