قان آدلی دویغولار

داریخدیم کندیمه داریخدیم یئنه داریخدیم کورسویه اوجا تالوارا آلتی یوخ، دیمدیی جیریق باشماغا داریخدیم دیزلری یاماق شالوارا داریخدیم کوزه‌یه، تندیره، چایا اود اوسته قاینایان قارا چایدانا بورنومون اوجونو گؤینه‌دیر هله آنامین یاخدیغی ساپ-ساری حانا گؤر هارا گؤز یوموب، گلمیشم هارا توستودو، دومانی بو داش شهرین خوروزلار بانلامیر دان سؤکن چاغی سیگینال سسیله باشلیر سحرین بو شهر، بو کوچه‌‌ اودور آدامی باخیشلار دؤنوبلر داشا دووارا قاش-قاباق سوپورور خیاوانلاری اورک‌لر اولوبدور آسفالت تک قارا اوردا بیر مئشه وار بوردا مین چارراه اوردا جئیران گزیر بوردا آرابا ۳ آیی قیش اولور ۹ آی قمیش آی گؤروم بو شهری قالسین خارابا او کند اوشاغینین یاناق‌لارینی قیپ-قیرمیز قیزاردان گونش‌دیر بللی بوردا کی هر چیچک ساتان اوشاغین یاناغین قیزاردان سیللی دی سیللی اوردا کی سئوگیلر ائله شیریندی گیزلینجه گؤروشون دادین کیم بیلیر؟ بوردا کی سئوگیلر دهشت‌دی-دهشت اؤپوش یوخ اوزلره اسید سپیلیر کندیمین کؤپه‌یی قوردو دا بللی اوغرودا بللی‌دی قوروقچوسودا شهرین قویونو قورد یئییر ایندی آدامی بوغوللار بیر قاشیق سودا داریخماق یاپیشیب خیرخیرالاردان داریخیر اوره‌ییم قابار الیمه داغلاری آیاغیم آلتیندان آلیب داغلارجا درد چاتیب شهر بئلیمه کندیمین قوخوسون اؤزله‌دیم آخی یاغیشین، چیچه‌یین، اودون قوخوسون بوردا هر آددیمدان قان ایسی گلیر اذانیندا بئله اووسون وار اووسون کاش قیچیم سینیبدا یولومو او گون جهنم‌ بو شهره دؤندورمه‌ییدیم آلدانیب ایلیغیما ،کندیمین کئشکه، بالاجا چیراغین سؤندورمه‌ییدیم... #فرزین_نقی‌یان @qanadli_duyqular

من اؤلموشم... قبیر داشی‌نین اوستونده، سنین آدین نییه یازیلیب؟ لوطفن سیل آدینی! بوردا شعر دئمیریک کی_ سؤزجوک‌لرله اوینایاق! تانری اؤلوم شعرینی منه دئدیگی گون، آدیمین داشلارا یازیلماسیندان نورمال نه ایش اولا بیلردی؟ بیر زامانلار من "شهر یئری"نده داش اولوب سنه قاییتمیشدیم.... و بیلیرسن بو داش او داشلاردان دئییل آمما بیر سورو: سسینده نه وار؟ هئچ کیمسه "ثریا"نی سنین کیمین سسله‌یه بیلمه‌دی نه او دونیادا نه بو دونیادا... #ثریا_خلیق_خیاوی @qanadli_duyqular

هاردا آلنی آچیق انسان گؤرسه‌نیز هاردا اورک‌لرده عصیان گؤرسه‌نیز هاردا مکتب دن چوخ زندان گؤرسه‌نیز بیلین او یئرلی‌یم ، اورالی‌یام من! #سلیمان_روستم #گون_آیدین @qanadli_duyqular

"صمدوورغون" دان "خاوره" آغزی خئییر سؤزلوم! اینجیمه مندن یار_یاردان آیریلماز، بولبول چمن دن دئمه کی دوشموشدور ساچلاریما دن اورک قوجالماییر، اوره ییم سن سن! من قول اولمامیشام شؤهرته _ آدا سنسیز یاشاماییم بیر گون دونیادا گؤزل لر_جانان لار مین _ مین اولسادا_ منیم بو دونیادا  مله ییم  سن سن ! کؤنول هئچ دویارمی سن تک گؤزل دن؟ سن اولدون قیسمتیم حؤکمو ازل دن ساغ اولسون بو خئییر ایشی دوزلدن مقددس، أمه ییم_دیله ییم سن سن ! یوسیفین_واقیفین گؤروم وار اولسون آی بنیز هامیدان بختییار اولسون یوز ایل ده "وورغونا"  خاور  یار اولسون أن عزیز سیرداشیم _کؤمه ییم سن سن! #صمد_وورغون @qanadli_duyqular

دئییللر سئوگی نین گؤزلری کوردور سن بیرالیندن توت من بیر الیندن #صنعان_میرزایف @qanadli_duyqular

آی کیمی ، مندن اگر  ایسته‌یه‌سن جان  چیخا ، چیخ ! گؤزلریمدن آخینا ، داملانانا  قان چیخا ، چیخ ! پایلانا  سن‌دن ایشیق ساچلارینین  ظولمتینه ساچ پریشانلیغینا سالدیرا سهمان چیخا، چیخ ! دوشه  من‌ده یوک اولان باشقاسینین خاطیره‌سی آچیلا  پنجره ، کؤکسوم‌ده کی ایمان چیخا ، چیخ ! منده گؤز، سن‌ده گؤزللیک ؛ گتیرک اورتالیغا ، چکیله  آیریلیغین کؤلگه‌سی ، هیجران چیخا ، چیخ ! درد دولا  روحومون  اندامینا ، چاش- باشلیق اولا ، قولو قوینون‌دا قالا،سارسیلا؛ درمان چیخا ، چیخ ! دوشه‌سن دوش کیمی « ابراهیم»یمین خلسه سینه، « منا» دا تانریلیق «اسماعیل»ی  قوربان چیخا ، چیخ ! داشلایا  آردینا دوشموش سوله‌نن  وسوسه‌سین ایچ قاتیندان سوزولن دویغوسو میزان چیخا،چیخ ! چیخ دویون وور سونوما ایلکیمی؛ سیندیر خاچیمی نولا نصرانی ائویندنده موسلمان  چیخا !؟ چیخ ! #اوستاد_عقیل_مرادی @qanadli_duyqular

‍ بیر گول دردیم یار باغیندان، گول سارالیب سولان دئییل. چوخ سئون‌لر گؤروب دونیا، سنه، منه قالان دئییل. اوینا، سئودیجه‌ییم، اوینا غم-غوصّه‌نی یاخین قویما! دوغرانسام دا قییما-قییما، كؤنول سندن دؤنن دئییل. یاشاییریق، عؤمور تزه، باخمارام بیر اؤزگه قیزا. آند ایچیرم سئوگیمیزه، بو محبّت یالان دئییل. اؤز حاقّین‌دیر چوخ اؤیونسن، من یئر اوغلو، سن گؤیونسن، كؤنلوم، بیلیر اركؤیونسن، هر سؤزونه سینان دئییل. #نوصرت_كسمنلی #گون_آیدین @qanadli_duyqular

نئچه گوندو سنی گؤره بيلميرم یاریم اولان ، یاری جانیم نئجه سن؟! باشینا دولانماق دوشوب کؤنلومه _ آچان گولوم ، تر باهاریم ، نئجه سن؟! آغ بیر شام سان ، کاش پروانه ن اولایدیم یانا _ یانا سنی اودا سالایدیم قوللارینین آراسیندا قالایدیم قوینو جننت ، باغچا _ باریم ، نئجه سن،! سن اولمایان واختی هایام _ حشیرم "ایوب" دان آیریلیب ، اؤزگه له شیرم سنی گؤرمه ینده یئتیمله شیرم پای اومدوغوم ، خزنه داریم نئجه سن؟! #ایوب_کلبجرلی @qanadli_duyqular