قان آدلی دویغولار

سن گلمه‌سن‌ده گؤزله‌رم سنی نه اولاجاق! جیبیمدن گئتمیرکی جانیمدان گئدیر. #صباح_الدین_علی @qanadli_duyqular

‍ منی اونوتما! بير گون گلر ده اونودارميش اینسان، ان سئوديگی خاطيره‌لری بئله. باری سن هر گئجه يورغون سس ايله، ساعات اون ايکينی ووردوغو زامان  منی اونوتما!      چونکی من هر گئجه او ساعاتلاردا  سنی ياشار، سنی دوشونورم  خيال ايچينده پريشان یئریییرم، سن ده قارانليغين سوسدوغو يئرده منی اونوتما!  او ساعاتلاردا سپيلر گولوشون  بير اوووج سو کيمی ايچيمه، ائی يار!  سنين ده باشيندا او چیلغین کولک  دلی اسرسه بير گون، منی اونوتما!     من آياغيمدا چاريق، اليمده عصا  سنين اوچون بو يوللارا دوشموشم.  ايل‌لرجه سونرا سنه دؤنوشوم بير محشر گونونه ده راست‌ گلسه، منی اونوتما!      هله قالیرسا ياشيل پالتارین، اونو بير گون منيم اوچون گئی! ساخسينداکی پمبه قرنفيلده شئه و باغچاندا يورغون بير قوش گؤرسن  منی اونوتما!     بؤيوک آجيلارلا آلوولانديغيم گون،  چوخ اوزاقلاردا دا اولسان‌، يئنه گل! بو اؤلرجه‌سينه سئوديگينه گل! نه اولار تانرييا قووشدوغوم گون  منی اونوتما! #اومید_یاشار_اوغوزجان @qanadli_duyqular

آتامین خاطیره‌سینه گؤزوندن اؤلمه‌یه باشلادی آتام، گؤزوندن دوشمه‌یه باشلادی دونیا. سارالدی گؤزونون آغ چیچک‌لری، گلیب گؤزلرینده قیشلادی دونیا. اؤلومو نار کیمی سیخدی گؤزونه، گؤزونون ایچینده نار چیچک‌له‌دی. اؤپدو گؤزلریندن اؤلوم مله‌یی، گؤزونون اودوندا قار چیچک‌له‌دی. گؤردوم کی سۏیویور حیط-باجا دا، گوردوم بوز ساللانیر گول تاغلاریندان. باغین باشینداکی قۏز آغاجی دا، آسیلیب قارغانین آیاقلاریندان. پنجره اؤنونده گیلاس آغاجی، هامیدان گیزلیجه تک آغلاییردی. قورو بوداقلاری قارا ال کیمی، دیوارین اۆزۆنۆ جیرماقلاییردی. گؤزلری چیخمیشدی حدقه‌سیندن، سانکی کیرپیگینده داغ دولاشیردی. حیات گؤزلرینده اؤزگه‌لشیردی، گؤزلری اؤلوم‌له دوغمالاشیردی. گؤز-گؤز اوخشاییردی اؤلومو آتام، اوخشایا-اوخشایا نه‌لر دانیشدی! گؤزلری اؤلومه سیغمادیغیندان، اؤلندن سونرا دا یومولمامیشدی. دونیانین شکلیندن قاچیب گؤزلری، اؤلومون شکلینی چکیردی او گون. اؤلومون شکلینی اولدوغو کیمی، ایلک دفعه آتامین گؤزونده گؤردوم. گؤزویله دونیانین آراسینداکی، ایشیقلی نه وارسا اوچوراجاقدی، ائله یاپیشمیشدی گؤزو اؤلومدن، ائله بیل الیندن قاچیراجاقدی. اؤلمه‌یه هئچ نه‌یی یوخ ایدی او گون، نفَسی یوخ ایدی، دیلی یوخ ایدی. ائله نازلانیردی گؤزونده اؤلوم، او گون اوندان گؤزل اؤلو یوخ ایدی. گؤزونه دیکیلن گؤزلردن قاچیب، گؤزونه تؤکولن سسلردن قاچیب، گؤزونه چکیلن بیزلردن قاچیب، گؤزویله اؤپوشدو یئتیملیگی‌یله، گؤزویله اؤپوشدو یاوانلیغی‌یلا گؤزویله اؤپوشدو اوشاقلیغی‌یلا، گؤزویله اؤپوشدو جاوانلیغی‌یلا. اؤپمک ایسته‌مه‌دی قوجالیغینی، گؤزلری اۆزۆنۆ یانا چئویردی. یولو ایمان یولو، یولو جان یولو، گئتدی اؤز یولویلا، ایزی‌یله گئتدی. گؤزوندن قبرینه اوزانان یولو، آتام بیزدن قاباق گؤزویله گئتدی. #رامیز_قوسارچایلی @qanadli_duyqular

اوخو! اوخو، سئودیجه‌ییم، اؤز هوَسینله! ایلهام قانادلانیر سنین سسینله. نغمه‌نده اویناسین سئل‌لرین سسی، دان یئریندن اسن یئل‌لرین سسی! گول‌لری قوخلایان بیر روزگار کیمی، قوملاری اوخشایان دالغالار کیمی، تیتره‌ین، چاغلایان نغمه‌ن اولایدیم، اوره‌ییندن قوپان سس من اولایدیم! اوخو! قووّت گلسین شعره، صنعته، کؤنلومون قوشونو گتیر حئیرته! نه قدر بنزه‌ییر، واردیم فرقینه- عؤمرومون آهنگی سنین شرقینه! اورک کؤورک‌لشیر سن اوخویاندا، سن ده دینله‌سه‌یدین من اوخویاندا! اوخو، سئودیجه‌ییم، اؤز هوَسینله! ایلهام قانادلانیر سنین سسینله. #میکائیل_موشفیق @qanadli_duyqular

ای خوش اول گونلر کی من همراز ایدیم جانان ایله نعمت وصلین گوروب، نازین چکردیم جان ایله گورمه میشدی گلشن عیشیم خزان تفرقه اولمامیشدی تیره ایامیم شب هیجران ایله مهوشیمدن دوستلار، دوران جدا ایستر منی دوشمنیم دیر، هیچ بیلمم نئتمیشم دوران ایله یئتسه گر عاشق لرین افلاکه افغانی نه سود؟ یئتمک اولماز ماهوشلر وصلینه افغان ایله یاشیریب ساخلاردیم ائلدن داغ هیجرانین، اگر ائتمک اولسایدی مدارا دیده ی گریان ایله ذوقدن دیباچه باغلاندی کتاب عمرومه قویمادی دوران کئچه اوقاتیم اول عنوان ایله ای #فضولی، اختر بختیم مساعد اولمادی کیم اولام بیر دم مقارن اول مه تابان ایله #ملا_محمد_فضولی @qanadli_duyqular

💤موسیقی امشب ، خاص و آرامشبخش 🔗 هیچکس در هیچ جای زمین، بقچه‌ای همراهش نیست که برایت حال خوب بیاورد! باید یاد بگیری! چطور لبخند را به لبانت هدیه دهی ! باید یاد بگیری! چطور یک سبد حال خوب را روی فرکانس قلبت کوک کنی... باید تو خودت یاد بگیری! چطور بقچه ی شادی ات را جمع کنی ... Dünyanın hiçbir yerinde hiç kimsenin yanında sizi iyi hissettirecek bir kuş yok! Öğrenmelisin! Dudaklarınıza nasıl bir gülümseme verilir? Öğrenmelisin! İyi bir ruh hali sepetini kalbinizin frekansına nasıl ayarlayabilirsiniz? Kendi başına öğrenmelisin! Mutluluğunuzu nasıl toplayabilirsiniz? ♥️♥️♥️♥️♥️♥️♥️♥️♥️♥️♥️ با تمام دردهایت بخند و در لحظه باش با خندیدن ✅ الهی به بهترین شکل دلت آرام بگیرد 🎼🎬 🌟💫𝑰ş𝒊𝒒 𝒔ə𝒑ə𝒍ə𝒏𝒎𝒊ş💫🌟

شمع شام فرقتم،صبح وصالی نئیلیرم؟ بولموشام یانماق‌دا بیرحال اؤزگه حالی نئیلیرم؟ غیره عرض ائت هرنه اسبابین‌کی وار ای دهر دون! من‌کی اهل ذوقم اسباب ملالی نئیلیرم؟ یوخ عجب گر مال رغبت،مولکه قیلماق اِلتفات من گدای کوی عشقم مُلک و مالی نئیلیرم؟ احتمال هجر تشویش‌ینه دَیمز ذوق وصل وصل کیم وار اوندا هیجران احتمالی نئیلیرم؟ اهل حالم،دئمه بُت وصفین منه ای بُت‌پرست حالی بیلمز دلبر صاحب جمالی نئیلیرم؟ نخل قددین ایستیرم ، اوندان بلادیر حاصلیم باخمازام شمشاده بَر وئرمز نهالی نئیلیرم؟ ای"فضولی"!قیل کمال عقل کسبین یوخسا من کامل عشقم داخی اؤزگه کمالی نئیلیرم؟ #مولانا_محمد_فضولی @qanadli_duyqular

سولماز گؤزلیم، سنله کئچن خاطیره سولماز آغلاتسا، داریخدیرسا دا، بیردن-بیره سولماز بیر آستاجا باخسان غزلین پنجره‌سیندن، شعریمده‌کی قیزلار یاناغی باکیره سولماز بیر آیه گؤزوندن اوخوسا میصرده قاری، تبریزده شافاق پارچالانار، قاهیره سولماز خان نغمه‌سی قالخیر شوشا گولدسته‌لریندن، هؤرموش خاری بولبول ساچینا داغ-دره، سولماز قالدیردی ظفر بایراغینی نغمه‌کار عسگر، های سالدی وطن، دوشدو آدین دیللره، سولماز اؤزگورلویومون توستوسو قالخیر گئجه‌لرده، آغلاتسا، داریخدیرسا دا، بیردن-بیره سولماز...! #دومان_سفراوغلو @qanadli_duyqular

بولاق کیمین اورَگیمدن قایناییب حقیقت‌دن هر دقیقه آخان سؤز گاه سو سئپیب اورگیمین کوزونه گاه‌دا منی آلوولاردا یاخان سؤز نه قدَر عومرونده ائیله‌سن تلاش لعل یئرینی وئره بیلمز قارا داش یاخشی اولار دوغرو دانیش آ قارداش گؤزه چالار دیله‌یین‌ده چاخان سؤز نادان‌لیق آتیندان آمان‌دیر تئز اَن یوخسا ییخار سنی آنجاق دئییم من اؤز آغزیندا پیشیرمه‌میش دئمه سن گری دونمَز داها دیلدن چیخان سؤز نه زماندی آغلاییرام گولمورم آخان گوز یاشیمی داها سیلمیرم نئیله‌ییم آشیکار دئییه بیلمیرم چوخدو منیم اورگیمی سیخان سؤز سوز وارکی اینسانا حورمت آرتیرار حورمت قازاندیق‌جا تاپارسان وقار سوز وار "گاللی موسی" آرالیق قاتار بعضاً اولور ائو ائشیگی ییخان سؤز #گاللی_موسی @qanadli_duyqular