قان آدلی دویغولار

یار ایچُون اغیاره اُلفت ائتدیگیم عیب ائیلمه باغبان بیر گۆل‌ایچُون مین خاره خدمتکار اوْلور #مولانا_فضولی @qanadli_duyqular

اینسانلار اؤز حیاتلارینی چکن قلم کیمی‌دیرلر. چکدیکجه کوت‌لشیرلر. کوت‌لشدیکجه، داها دقیق چکه بیلمیرلر. اونا گؤره ده آرابیر یونولماغیمیز یاخشی‌دیر. #رؤوشن_عبدالله‌اوغلو @qanadli_duyqular

قلم'ه دئییرم: ائی ائکیزتای، ائی یانداش! ائی قدَرداش! یاخشی بیلیرسن پیس دؤورانلاردا نه‌لر گؤردویومو. شعرلریمی یازدین، عشق اولسون! گؤز یاشلاریمی هارا یازاجاقسان؟ #فریدون_مشیری @qanadli_duyqular

‍ نه یازسام سئوگیدن یازیر قلم سنین خاطیرینه هجراندان بوینو بوکولو منم سنین خاطیرینه یولومو دومان باغلاسا کؤکسومه حسرت داغلاسا گؤزلریم ده سئل چاغلاسا گوللم سنین خاطیرینه گل یاندیرما دیلین ایله چوخ اویناما کولوم ایله سون تیکه‌می سنین ایله بؤللم سنین خاطیرینه بیلمیرم ملک سن، نه سن جان وئررم جان ایسته‌سن بیرجه کلمه اؤل سؤیله‌سن اؤللم سنین خاطیرینه... #نوصرت_کسمنلی @qanadli_duyqular

بیر سیلگی اوْلسایدین نه سیلمک ایستردین؟ خطالارینی مێ یوْخسا کؤتۆ آنلارینی مێ؟ یوْخسا باشارێسیزلیقلارینی مێ؟ قلم اوْلسایدین کیمی اکله‌مک ایستردین حیاتینا؟ سنی دینله‌یه‌جک بیرینی می...؟ سنه کیچیک مۇتلولوقلار یارادانلارێ مێ؟ یوْخسا هر زامان یانیندا اوْلانلارێ مێ...؟ ایندی دۇروب بیر دۆشۆن، نه‌لر اکله‌مک ایستردین...؟ نه‌لر سیلمک ایستردین...؟ #ناظم_حکمت @qanadli_duyqular

تیر آیێ‌نێن اوْن‌دؤردۆنجۆ‌ گۆنۆ (۱۴ تیر) قلم گۆنۆ                          قلم یانسین اریسین قوی بو وجودوم قلم اولسون یازسین او کی وار، تا کی حقیقت عَلَم اولسون توتسون ایش یله علم و محببت بو  جاهانی نه فقر و جهالت کوره ده نه ستم اولسون یانسین گئجه نی #حاللاجین عومرو بو جاهاندا وئرسین ایشیق اینسانلارا ائللرده شم (شمع) اولسون.  #حلاج_اوغلو            @qanadli_duyqular

ایراق چوخدان آیری دوشدوک بیز یار ائلیندن، عجب او یئرلرده «بیز دئین» وارمی؟ بیز آنماقدان، سؤیله‌مکدن یورولدوق، بیر دوشونن بیزی، سؤیله‌ین وارمی؟ بیزده قلم‌لرین دوشونجه‌سینده، یازیلان سؤزلرین ان اینجه‌سینده، غریب میناره‌نین یانیق سسینده، یالنیز «او» وار... بیلمم دینله‌ین وارمی؟ هر کس دئییر، منیم کؤنلوم نه دولغون، بیلن یوخمو «کیم»ه مفتون اولدوغوم؟ #احمد_جاواد @qanadli_duyqular

من سنین اولدوم دالغا دنیزین‌دی، چیچک چمنین روح جانین پایی‌دی، نفس بدنین میلّت شاعیرین‌دی، شاعیر وطنین نه یاخشی، نه یاخشی من سنین اولدوم قانیم نسلیمین‌دی، جانیم تورپاغین مؤحتاجی دئییلم بئش آرشین آغین یاشیل آغاجیندا یاشیل یارپاغین ساری سونبولونده بیر دنین اوللام آرایا اوچوروم، دره سالمادی خئیره یول گؤستردی، شره سالمادی یارادان، سؤزومو یئره سالمادی وطن دئیه-دئیه وطنین اولدوم #زلیمخان_یعقوب #گون_آیدین @qanadli_duyqular

عؤمرون ایکی طرفی ایکی طرفی وار هر عؤمرون...ایکی: گؤروندویون طرف، گؤردویون طرف. هانسینا دوشه‌جک، نه بیله‌سن کی- عؤمرون آخیریندا اؤلدویون طرف؟ بلکه ده، سنی بو طرفده آسدیراجاقلار، سونرا او طرفده باسدیراجاقلار. بیر قیز سئوه‌جکسن سن بو طرفده، اونا دئیه‌جکسن: - دونیادا تکسن. سونرا او طرفده بیر پینتی ائوده، بیر قادینلا عؤمور چوروده‌جکسن. نه قلبین یاناجاق هیجران اودوندا، نه ده سئودیگین قیز یادین اولاجاق. چونکی ائله او قیز دا، او قادین دا، هر ایکیسی عئینی آدام اولاجاق. ایکی طرفی وار هر عؤمرون... ایکی. هر ایکی طرفده یئری اولمایان، نفَسی گلسه ده، دیری اولمایان، سنین کیمیلری او قدَردی کی. سن او فرسیزلرین سیراسینداسان، نه فرقی، بئشینجی، یا اونونجوسان. خۏردا اوخویانلار آراسینداسان، ان آرخا جرگه‌ده، ان سونونجوسان. نه‌دیر اوخودوغون؟ بیلمیرسن... حئییف! بیر ده کی، هئچ سیزی دینله‌ین‌می وار؟ نه چوخدو او خۏردا بیر سؤز دئمه‌ییب یالاندان آغزینی آچیب-یومانلار! نه فرقی، باشداسان، یوخسا آخیردا؟ هامیدان بیریسن سن ده او خۏردا. هامیدان بیریسن،- نه پیس، نه یاخشی، آمّا یوخ، ناشوکور اولماغا دَیمز. شوکور، هر شئیین وار- ائوین-ائشیگین، آرواد-اوشاغین، بیر ده کی، ایچینده گیزله‌دیگین سس. بو ایللر اۇزۇنۇ بو جور، گیزلیجه، نئجه ساخلامیسان او سسی- نئجه؟ او سس نه صاف قالؽب سنین ایچینده! صاف قالؽب- بو قدر حیرصین، آجیغین، آغرینین، آجینین، غمین ایچینده. زیلی ایچینده‌دی، بمی ایچینده. او سس‌دی هامیدان گیزله‌دیگین سیرّ، او سسدن قیمتلی آخی نه‌یین وار؟ آرواددان، اوشاقدان خلوت، آرابیر، او سس‌له زومزومه ائله‌مه‌یین وار: «عزیزیم، اولو داغلار، چئشمه‌لی، سولو داغلار، بوردا بیر غریب اؤلوب، گؤی کیشنر، بولود آغلار.» #رامیز_رؤوشن @qanadli_duyqular