قان آدلی دویغولار

گئتمک ایسته ییرسن بهانه سیز گئت گئتمک ایسته ییرسن بهانه سیز گئت اویاتما مورگولو خاطره لری سسین همین سس دیر، باخیشین اؤگئی گئدیرسن، سسین ده یاد اولسون باری   سن دنیز قوینونا توللانمیش چیچک اوستونه دالغالار آتیلاجاقدیر ساختا محبّتین، ساختا سند تک نه واختسا اوستونده توتولاجاقدیر دئمیرم سن اوجا بیر داغسان، اَییل دئمیرم قالیبدیر علاجیم سنه نه سنده محبّت قارا پول دئییل نه من دیلنچی ام ال آچیم سنه دؤشنیب یول لار تک آیاق لارینا سنه یالواریم می؟ بو مومکن دئییل قویمارام قلبیم تک ووقاریم سینا آلچالیب یاشاماق عؤمور-گون دئییل گئتمک ایسته ییرسن او یول او دا سن بیر جوت گؤز باخاجاق آرخانجا سنین گئتدینمی؟.. نه واختسا دؤنمک ایسته سن تیکانلی یاستیغا دؤنه جک یئرین گئتمک ایسته ییرسن نه دانیش نه دین یوخ اول اوزاق لار تک دوماندا چنده نه ییمی سئومیشدین دئیه بیلمه دین ایندی سه یوز عئییب گؤرورسن منده گئتمک ایسته ییرسن بهانه سیز گئت اویاتما مورگولو خاطره لری سسین همین سس دیر، باخیشین اؤگئی گئدیرسن، سسین ده یاد اولسون باری #نوصرت کسَمَنلی @qanadli_duyqular

اوتانماقدان دئييل، آچماز سؤز اۏل شيرين زبان بيزدن، نه سؤز تاپسېن دئسين، آخر تاپېلماز بير نشان بيزدن. فلک بير اڲری چنگدير، بيز يازېقلار اۏنداکې سيملر، رضاسې دۏستلارېن مضرابدېر، قالخېر فغان بيزدن. اۆنۆمله ظاهرم، ضعفيمله پنهان، بو نه سئودادېر، کی بيز عالمده رسوای اۏلموشوق، رسوا جهان بيزدن. سۏروشما حالېمې، چکميش ايچيمده عشق اۏدو شعله، سۆمۆکلرده ايليک يانمېش، قالېب قاره ايلان بيزدن. اۆره‌ک دردی ساغالتماقدا، طبيبيم، ماهر اۏلسان دا، خطا قېلدېن، چۏخ اؤلدۆردۆن، ائده رکن امتحان بيزدن. چتيندير آستانېندان سنين اۆز دؤنده رک، جانان، اگر اولدوز کيمی بير گۆن بزَنسه آسمان بيزدن. #ملا_محمد_فضولی @qanadli_duyqular

گئده‌نه یالوارما گئدیرسه گئتسین نه‌ییمه گَرَکدیر داها قالماغی حَتتا بو حَیاتین قانونو بودور آغاج دا ساخلامیر دوشن یارپاغی اَگَر کی آغلیندا واردیرسا گئتمک نه واختسا گئده‌جک او اَوول-آخیر ائله بالیق وار کی ،بالیقچینین دا دایانمیر، سوروشوب اَلیندن چیخیر گؤر سَنی گئدرکن نه گونه قویدو؟! دانیشا بیلمیرسن، گوله بیلمیرسن حَیاتیم یازیردین هَمین اینسانا ایندی هئچ سالام دا یازا بیلمیرسن بَلکه‌ده اونودوب هاردان بیله‌سن؟! دوشونمور گئجه‌لر سَنی، یاتاندا سَن گیزلی نؤمره‌دن گیزلی زَنگ ائدیب هَر گئجه سَسینه قولاق آساندا هارداسا سَسله‌نن حَزین موسیقی یادینا سالارسان، اونا باخ بئله تَصادوف، هارداسا گؤررسن اونو گَزیر باشقاسییلا، توتوب اَل-اَله اؤزون ائشیدرسن او اؤزگه‌سینه یانیندان اؤته‌رک جانیم سؤیله‌دی سَن اوندا بیلرسن، او آن اینسانین دونیاسی باشینا داغیلماق نه‌دی گؤزلریم یورولدو یول گؤزله‌مکدن مَن خَسته دوشموشم، هاردان بیله‌سن؟! خَیالین او قَدَر گؤزومدن کئچیب حَکیملر دئییر کی ضَعیف گؤرورسن... #ساحیل_ریضایئو @qanadli_duyqular

من غمه اؤیرنمیشم، بی‌غم منه لازیم دییل غمده ذؤوق اولسا اگر، اول هم منه لازیم دییل من قاچارسام اؤز-اؤزومدن ،وار یئری، اوزلتده چون وحشی‌لردیر همدمیم، آدم منه لازیم دییل مردومِ چئشمیم‌ ده اولسا، ایسته‌مم گؤرسون گؤزوم سنسیز ،ائی گؤز مردومو، عالم منه لازیم دییل ساقییا ،مئی پایلایاندا جامیمی تؤک تورپاغا ایچمه‌رم مئی، خاطیرِ خوررم منه لازیم دییل گؤز یاشیم شادلیق بوساطین سئل کیمی ائیلر خراب گول اوزون یوخ، دیده‌یِ پورنَم منه لازیم دییل قانئعم کویِ موغان‌دا بیر قَدح دوردِ مئیه تختِ جمشید ایله جامِ‌جم منه لازیم دییل یار جفاسیله ،فضولی ،یوخ وفایه حاجتیم قلبیمه خوشدور یارا ، مَرحم منه  لازیم دییل. #فضولی @qanadli_duyqular

آپاردی کؤنلومو مندن بو گون اول جنتین حوری گؤتور پرده جمالیندن کی، سنسن عینیمین نوری #عمادالدین_نسیمی #گون_آیدین @qanadli_duyqular

سنی تاپشیریرام آی ایشیغینا! سنی بو گئجه‌یه تاپشیریرام، گئت! سنی تاپشیریرام آی ایشیغینا. آستاجا-آستاجا، آرام-آرام گئت! چاغیرسام، دایانما قیشقیریغیما! دوز یئری، بورولما دؤنگه‌یه، تینه! قوی هله بیر آز دا گؤروم من سنی! هایانا گئدیرسن؟ کیمین عؤمرونه؟ من یولا سالیرام عؤمرومدن سنی. گئدیرسن، یئریشین نه قورخاجاقدی! هارداسا اولایان بیر تنها ایت وار. قاییتماق ایسته‌سن قاپیم آچیقدی هله آی باتماییب، هله اومید وار... هله آی باتماییب، هله اومید وار قاییتماق ایسته‌سن، قاپیم آچیقدی. هارداسا اولایان بیر تنها ایت وار گئدیرسن، یئریشین نه قورخاجاقدی! من یولا سالیرام عؤمرومدن سنی هایانا گئدیرسن؟ کیمین عؤمرونه؟ قوی هله بیر آز دا گؤروم من سنی! دوز یئری، بورولما دؤنگه‌یه، تینه! چاغیرسام، دایانما قیشقیریغیما! آستاجا-آستاجا آرام‌-آرام گئت! سنی تاپشیریرام آی ایشیغینا سنی بو گئجه‌یه تاپشیریرام، گئت...! #رامیز_رؤوشن @qanadli_duyqular

اوزاقلارا مکتوب بو قدر بللی اولمامالییدی یوخلوغون. بو قدر هوپمامالییدی شهرین دیوارلارینا، سنسیزلییین قوخوسو. ایلیشمه مه لییدی یامانمیش آسفالتلارا، سنلی خاطیره لر. چؤکمه مه لییدی روحوما، بیر ده سنی گؤرمه مک قورخوسو. من جهننم، شهره یازیغین گلمه دی می؟ چوخ دَییشیب سن گئدندن، بورالار؛ اینسانلاری، حئیوانلاری، بینالارین ائیوانلاری، ائله سیزین محله نیز ده. سیزین کیچیک محله نیزدن، بوتون ائولر سؤکولوبدو. تراکتورلار، بولدوزئرلر، کوچه لره تؤکولوبدو. سیز طرفدن کئچنده من، یئییر بئینیمی فیکیرلر؛ اؤیرنمک ده ایسته میرم، گؤرم ایندی نه تیکیرلر. خدیجه خالانین قانی قارالیب. رافیق دایینین دا وضعییتی پیسدی؛ ایچکی یه قورشانیب دئییر: «آی بالا! اساس اولان او کی، اورک تمیزدی.» ایندی محله نیزدن توپ سسی گلمیر؛ گیزلن پاچ اوینایان اوشاقلار یوخدو؛ مکتوب یازیرام کی، آگاه اولاسان داها «اومید» آدلی اوشاق دا یوخدو... #اولوجای_عاکیف @qanadli_duyqular

آنا یوردوم! هر داشینا بلدم. بولاق وارمی بولاغینا بنزه‌یه؟ اینانمیرام یاد اوجاغی یوز اولسا- بیر آنامین قوجاغینا بنزه‌یه. گۆله‌بیلمز نسیل‌لرین اۆزونه؛ قورو یئرین آستاری نه، اۆزو نه؟ دۆز ایسته‌رم «قاراباغ»ین دۆزونه- داغ ایسته‌رم «شاه‌داغی»نا بنزه‌یه. بیر باغبانام داماغیمدا نار دادی برکتین توپراق وئرن بار دادی ائله دنیز، ائله ساحیل هاردادی- گؤر خزرین قیراغینا بنزه‌یه؟ هر گؤزل‌لیک، قانادیدیر صنعتین گؤروشو خوش، آیریلیغی چوخ چتین. نه حدّی وار افسانه‌لی جنّتین- آذربایجان توپراغینا بنزه‌یه...؟! #زلیم‌خان_یعقوب @qanadli_duyqular

اومید دورموشام بولودلار قایناشان یئرده، دؤیور آلاچالپو اوزومه منیم. قیشدا بالدیریما قار چیخان یئرده، یازدا گول چیخاجاق دیزیمه منیم. #آغا_لاچینلی #گون_آیدین @qanadli_duyqular