قان آدلی دویغولار

‍ بیری واردی، بیری یوخ… اوْلان اوْلوب، کئچن کئچیب، بلكه‌ده ایندی داها كؤورَ‌لمه‌یین یئری یوخ عؤمروم بؤیو بئله گلیب منیم كی اولین‌دن بیری واردی، بیری یوخ اوزاقدایدی من ایسته‌ین اوْجاقلار اۆرگیمدن گلیب کئچدی سازاقلار آتالی‌یدی، آنالی‌یدی اوشاق‌لار بیزیم ائوده بیری واردی، بیری یوخ گؤزلریمه دوْلدورموشام یاغیشی بیر كؤینک‌ده چیخارمیشام من قیشی شالوارـ پئنجک گئیینیردی تای توشوم منده ایسه بیری واردی، بیری یوخ قلبیم یاندی ایلک سئوگیمدن، عشقیمدن دارا دوشدوم أل اوُممادیم هئچ كیمدن مجلس‌لرده جان دئییب، جان ائشیدن دوستلاریمین بیری واردی، بیری یوخ اۆزۆم گۆلدۆ طلبه‌یم دئینده سیخیلیردیم دوست پئنجه‌یی گئینده معلّم‌له دیل تاپا بیلمه‌ینده قیمتیمین بیری واردی، بیری یوخ من اوردویا نه‌لر گؤروب گئتمیشدیم اۆرک آلیب، اۆرک قیریب گئتمیشدیم ایكی قیزا كؤنول وئریب گئتمیشدیم قاییداندا بیری واردی، بیری یوخ اوزاق گزدی عمی، دایی، بی‌بی‌لر سؤز آراسی منه ائولن دئدی‌لر نیشان اوچون ایكی شئی ایسته‌دیلر منده ‌ایسه بیری واردی، بیری یوخ واخت گله‌جک بو گۆنۆ گؤره‌جكسن چوخ سؤالا گؤزۆنۆ دؤیه‌جكسن واخت گله‌جک سن اؤزۆن دئیه‌جكسن دئیه‌جكسن، بیری واردی، بیری یوخ… #نوصرت_كسمنلى @qanadli_duyqular

منیم شعیرلریم بوش دایانماییب، چؤللرله دانیشیب سیّاح دیلینده. دردی اورک‌لردن چکیب چیخاردیب، خسته‌یله دانیشیب جرّاح دیلینده. یوخسولا همدم‌دی دار کومالاردا، سارای‌لا دانیشیب پادشاه دیلینده. داغ دا باشا دوشور، داش دا آنلاییر، شاعیر دانیشاندا آللاه دیلینده. آنام نئجه دینیر، نئجه دانیشیر، شعریمی آنامین دیلینده یازدیم. منی دیللندیرین، منی دیندیرن، سئوگیمین، سونامین دیلینده یازدیم. ساغلام عقیده‌نین، صاف طبیعتین، آللاها اینامین دیلینده یازدیم. حالال کیشیلردن حالال سؤز آلدیم، حالال بیر ایلهامین دیلینده یازدیم. گؤزومله گؤردوم کی بیر یاز آخشامی، قلبیمین، روحومون بو ساز آخشامی، قلبینه کؤچوروب طبیعت منی، تورپاغین، سمانین یادداشیندایام. بولودون، یاغیشین، اوتون، یارپاغین، ذیروه‌نین، دومانین یادداشیندایام. دونن یئر آییریب، بو گون یئر وئریب، تاریخین، زامانین یادداشیندایام. #زلیمخان_یعقوب @qanadli_duyqular

یاخشی بیلیرم کی طبیعت دؤنور وارلیق هر باخیشدا یئنی گؤرونور لاکین طبیعتین اؤز قانونو وار مئیوه‌نی واختیندا تؤکور آغاجلار آلدادا بیلمه‌میش دونیانین واری بیر مسلک عشقی‌یله یاشایانلاری گتیر خاطیرینه بابک‌ی بیر دم! یاراندی داغلارین دردینه همدم او ائللر عشقی‌یله گونده بوی آتدی ائللر زومزومه‌یله اونو اویاتدی قیلینجلار، نیزه‌لر کئچدی دؤشوندن جلّادا جان وئرن، دیلینده وطن لاکین اونوتمادی بابک‌ی داغلار تاریخ، سئونلری گؤزونده ساخلار #صمد_وورغون @qanadli_duyqular

یوخو شیرین، حیات آجی، یاتمیسان‌می، اویاقسان‌می؟ ائی روحومون احتیاجی، گؤزلریمه چیراقسان‌می؟ یانیمدا قیمتین، قدرین، قلبیمده حؤرمتین، خطرین، آدامی اؤلدورور عطرین، چیچک دولو بوداقسان‌می؟ عؤمروم-گونوم یاشیل تاغدی، سئوگین ساغلام، عشقین ساغدی. سینه‌ن اوستو آغدان آغدی، یازیلمامیش واراقسان‌می؟ ایشیقلی‌دی اۏدون، قۏرون، سئوگیده‌دیر گوجون، زورون. یاندیریرسان کۏرون-کۏرون* اودو سؤنمز اوجاقسان‌می؟ بیریم، پیریم، بیرجه دنه‌م! سن سئویلن، من سئوَنم. بو ائوین صاحیبی منم، سن بیر غریب قوناقسان‌می؟ #زلیمخان_یعقوب #گون_آیدین @qanadli_duyqular

صولحه قوربان اولدو صولحه قوربان اولدو بو آزربایجان. گرکدیر شرقده بوغولا بو سس، دئیه کؤهنه دونیا وئردی اَل-اَله. «لندن»ده باشلادی گیزلی حرکات، «واشنگتون»داکی قوشون، تداروکات، خلیجه یوللاندی حربی گمی‌لر. تاریخده وطنه، هدفه، یولا، جان قوربان ائدن‌لر هئچ ده آز دئییل... آمّا بیر میلّتین قوربان اولماسی...! تاریخ گؤسترمه‌میش هئچ واخت، هئچ زامان. قوی بیر ده سؤیله‌ییم دونیالار بیلسین: صولحه قوربان اولدو بو آزربایجان... #بولود_قاراچورلو_سهند @qanadli_duyqular

‌یالانچی چوبان بیر چوبان بیرگون ائتدی داغدا هارای جاناوار وار دئدی گلین ای وای! اهل قریه یوگوردو داغ طرفه گئتمه‌سین تا قویون-قوزو تلفه بونلاری مضطرب گؤرونجه چوبان، گولمه‌یه باشلادی دئدی: یاران! سیز بونو سانمایین حقیقت‌دیر داماغیم گلدی، بیر ظرافت‌دیر بینوالار قاییتدی، لیک چوبان گئنه بیر گون داغ اوزره سالدی فغان جاناوار وار دئیه باغیردی گئنه قریه اهلین کمک چاغیردی گئنه کندلی‌لر ائتدیلر دوباره هجوم گئنه اولدو یالانلیغی معلوم دوغرودان بیر زامان به عزم شکار قویونا گلدی بیر نئچه جاناوار هر چه داد ائیله‌دی چوبان یاهو ائشیدنلر دئدی یالاندیر بو بو سببدن هارایه گئتمه‌دیلر اونا هئچ اعتنا ده ائتمه‌دیلر جاناوارلار یئدی بوتون قویونو ایشته اوغلوم یالانچی‌لیق اویونو باخ یالانچی تانیلدی چونکی چوبان، دوغرو دئیرکن سؤزو تانیلدی یالان هرگز اوغلوم یالان دئمه! کی خدا، دوست توتماز یالانچی‌نی ابدا هم ده خلق ایچره حرمتین اولماز عزتین قدر و قیمتین اولماز ائوی یاندی یالانچی‌نین دئیرلر اونا بیر کیمسه ائتمه‌دی باور #میرزه_علی‌اکبر_صابر @qanadli_duyqular

دئییرلر دونیادا بیر آدم اولوب، بیر حوّا. دئمک هامی باجی-قارداش‌دی. اوچ میلیارد باجی-قارداشین دا، یاریسی گؤزو یاشلی. مهربان دولانیر باجی-قارداشلار، کسه-کسه، آسا-آسا.  آدم-حوّا ناغیلی اعلادیر، هابیل-قابیل احوالاتی اولماسا... #فیکرت_قوجا @qanadli_duyqular

▫️و سنی گؤرن بوتون گؤزلر، کئشکه منیم گؤزلریم اولایدی... #علی_مساعد #گون_آیدین @qanadli_duyqular