قانادلی دویغولار

هارا گئتسن بئله وورغون کؤنلومو، اؤزون‌له برابر آپار، سئوگیلیم! ایشدیر، آپارماسان الهام آتینی، او سنین دالینجا چاپار، سئوگیلیم! آیریلیق یوکودور کۆره‌ییمده‌کی، گؤتور باشیندان او قارا اؤرپه‌یی! سن گل اؤز الین‌له اۆره‌ییمده‌کی- یارانین کؤزونو قوپار، سئوگیلیم! سیخدی پنجه‌سینده سفالت سنی، لاکین یاشاداجاق محبّت سنی. هر یانا گئتسن ده، نهایت سنی- «سلیمان» آختاریب تاپار، سئوگیلیم! #سلیمان_رستم @qanadli_duyqular

دور آچ پنجره‌نی آچیق هاوایا قورخما گؤرونمه‌یه، گؤرمیه قورخما! دور ائی یولداش اینسان، دور چیخ هاوایا دور، تزه گؤزله باخ کؤهنه‌یه قورخما! نه قده‌ر سؤز اوداق، دیل سانجاقلایاق؟ گؤیردی پیچیلتی قاپی دالیندا بیزی آنلایانی بیز ده آنلایاق سسیمیز قوورولدو قاپی دالیندا بوردا ادعامیز باشدان یوخاری قاپی‌لار دالیندا پلنگیک، شیریک بوردا باشیمیزی یاددان چیخاریب اؤزگه‌نین باشی‌یلا فیکیرله‌شیریک... #ممدآراز @qanadli_duyqular

#شعردن_بیر_پارچا گرچه‌ییمی، رؤیامی بوتون‌جه یوزدوم سنه نئجه راحات یاشامی بوتون اودوزدوم سنه... #مهدی_سربازی_علمداری @qanadli_duyqular

‌ توتالیم، اؤزون بئله، اؤز ایسته‌یین‌له ده، گئتسن! ال‌لرینین یئری، بوتون یاشامیم‌دا قالاجاق!... #چيستا_يثربى ‌ @qabadli_duyqular

من وطن دئییرم، گؤزلريم دولور مگر سن گؤز یاشی اولوبسان وطن؟! اریییب ائله‌بیل بیر دامجی اولوب غملی گؤزلريمه دولوبسان وطن ! من وطن دئییرم، دینیر آرزولار آیاغا قالخیرام وطن دئینده آخی کؤرپه‌لیکدن بو شانلی دیار دؤیوش هیمنی کیمی یاشاییر منده من وطن دئییرم، یانیر دیل-دوداق وطن ده آغیزدا آلوولانارمیش یوخ، هامی بیلیر کی، سن منده آنجاق دویونلو یومروق‌سان، غضبلی باخیش سنی من دویورام، اوزومده گزن آنامین یوخولو اؤپوشلرینده سنی من تاپیرام، تاپیرام بعضن آزاد قارداشیمین گولوشلرینده #سؤهراب_طاهیر @qanadli_duyqular

دیالوق بیر توپلوم یاراتماق ایسته‌دیک، ایچینده قونشونو قیسقانماق اوچون بیر شئی اولماسین. آما همیشه قیسقانماق اوچون بیر شئی وار. 🎬 Enemy at the Gates 2001 #ژان_ژاک_آنو @qanadli_duyqular

بیلمیرم هایاندان تاپدی عؤمرومو بیر دلی آت کیمی چاپدی عؤمرومو داغلارا داشلارا چیرپدی عؤمرومو قدریمی بیلمه‌دی بو آدام منیم ایلاهی، آل منی بونون الیندن! کاش منیم عؤمرومو بو یئر اوزونده بیر اؤزگه آداما توش ائله‌یه‌یدین لاپ منی آدام یوخ قوش ائله‌یه‌یدین لاپ بئله بیر قارا داش ائله‌یه‌یدین منی بو آداما سن نئجه قییدین ایلاهی، آل منی بونون الیندن! آل منی، وئر منی، اؤزگه‌لره وئر قیریق آینالارا، گؤزگولره وئر بؤلونوم، یوز تیکه، مین ‌تیکه اولوم بو آدام اوزومه باخا بیلمه‌سین منی آینالارین قیریق‌لاریندان توپلایا‌ بیلمه‌سین، ییغا بیلمه‌سین ایلاهی، آل منی بونون الیندن! بؤلونسم دردیم ده بؤلوندو بلکه هر دردیم یوز تیکه، مین تیکه اولدو بیر دردیم قالمادی اؤزوم‌دن یئکه بوتون دردلریم‌دن من یئکه اولدوم بو یئرین اوستونده، گؤیون آلتیندا بؤلونسم، هر تیکم بیر یانا دوشسه هاچان‌سا کئفینین خوش ساعاتیندا ایلاهی تزه‌دن یادینا دوشسم تزه‌دن توپلاسان قیریق‌لاریمی سینیق ال‌لریمی آیاق‌لاریمی آغزیمی بورونومو قولاق‌لاریمی ایلاهی تزه‌دن جالاسان منی دونیانین اَن گؤزل گوزگوسو اوللام تزه‌دن دونیایا یوللاسان منی بو آدام اولمارام اؤزگه‌سی اوللام ایلاهی، آل منی بونون الیندن!.. #رامیز_رؤوشن @qanadli_duyqular

بیلمیرم هایاندان تاپدی عؤمرومو بیر دلی آت کیمی چاپدی عؤمرومو داغلارا داشلارا چیرپدی عؤمرومو قدریمی بیلمه‌دی بو آدام منیم ایلاهی، آل منی بونون الیندن! کاش منیم عؤمرومو بو یئر اوزونده بیر اؤزگه آداما توش ائله‌یه‌یدین لاپ منی آدام یوخ قوش ائله‌یه‌یدین لاپ بئله بیر قارا داش ائله‌یه‌یدین منی بو آداما سن نئجه قییدین ایلاهی، آل منی بونون الیندن! آل منی، وئر منی، اؤزگه‌لره وئر قیریق آینالارا، گؤزگولره وئر بؤلونوم، یوز تیکه، مین ‌تیکه اولوم بو آدام اوزومه باخا بیلمه‌سین منی آینالارین قیریق‌لاریندان توپلایا‌ بیلمه‌سین، ییغا بیلمه‌سین ایلاهی، آل منی بونون الیندن! بؤلونسم دردیم ده بؤلوندو بلکه هر دردیم یوز تیکه، مین تیکه اولدو بیر دردیم قالمادی اؤزوم‌دن یئکه بوتون دردلریم‌دن من یئکه اولدوم بو یئرین اوستونده، گؤیون آلتیندا بؤلونسم، هر تیکم بیر یانا دوشسه هاچان‌سا کئفینین خوش ساعاتیندا ایلاهی تزه‌دن یادینا دوشسم تزه‌دن توپلاسان قیریق‌لاریمی سینیق ال‌لریمی آیاق‌لاریمی آغزیمی بورونومو قولاق‌لاریمی ایلاهی تزه‌دن جالاسان منی دونیانین اَن گؤزل گوزگوسو اوللام تزه‌دن دونیایا یوللاسان منی بو آدام اولمارام اؤزگه‌سی اوللام ایلاهی، آل منی بونون الیندن!.. #رامیز_رؤوشن @qanadli_duyqular

قالمیشام حسرتده ، گؤروشه جانیم ایسته‌مه آیریلیق اوْدوندا یانیم خاطیره‌ن زوْر گلیر بونو نه دانیم کؤنلومه ووروبدور یارا گؤزلرین «چکیر وارلیغیمی دارا ،  گؤزلرین قارا بیر محبس دیر قارا گؤزلرین» #عیسی‌_باغیراوغلو #گون_آیدین @qanadli_duyqular

باهار نسیمی گئیدین سئویلمه یین ساری کؤینه یین قارالتدین گۆنۆمۆگؤزلرین کیمی، گۆلۆب کئچمه یینله جانیمین ایچی اۆزدۆن اۆره ییمی، ائشدین ایپیمی. گۆلۆشۆن باشیمدان آغلیمی آلیب ایلان هؤرۆکلرین کؤنلۆموْ چالیب گؤزلریم قیریلیب گؤزۆنده قالیب نازینا کؤکلندی باخیشیم سیمی. سۆزگۆن باخیشینلا سینه می یاردین کؤکسۆمدن کؤنلۆمۆ سؤکۆب قوپاردین مندن گؤزۆمۆده آلیب آپاردین قایید توت الیمدن، باهار نسیمی! ایتمیشم اؤزۆمده منی تاپ منه بلکه یوخ اوْلوبان دؤنمۆشم سنه بۆلبۆل دۆشۆنجه می آپار گۆلشنه ائشید خیالیمی، اوْخو  سسیمی. نه اوْلار نفسیم مندن اینجیمه سنین«خوْشنام»ینام اینان سئوگیمه سئودا کؤینه یینی گئیدیر اینیمه دوی هیجانیمی، سز هوه سیمی. منی مندن آلدین،باری گل یوْلا قیما بو سئودانین چیچه یی سوْلا بیر یوْل قوْللارینی بوْینوما دوْلا قوجاغیندا وئریم سون نفسیمی. #خوْشنام                        @qanadli_duyqular

بو عالم کیم کؤنول قئیدین چکرسن محنت و غم‌دیر فنا سرمنزیلین سئیر ائیله کیم بیر خوشجا عالم‌دیر آنیب تنهالیغی قبر ایچره نفرت قیلما اؤلمک‌دن طریق انس توت کیم هر اوووج توپراق بیر آدم‌دیر دئییل محکم جهان مولکونده هر بنیاد کیم قیلسان بقا مولکونده توت منزیل کیم اول بنیاد محکم‌دیر اجل آلایش خوف خطردن قورتارار نفسی بو جوهر کیمیای عشقه بیر اکسیر اعظم‌دیر کمال عشق انسان موت ایلن‌دیر راه حکمت‌ده بلی مجری قیلان حکمون، مثال نقش خاتم‌دیر بهار ایامی گیرسن لاله زاره، خاک اجزاسین محقر گورمه کیم هر ذره بیر جام ایله بیر جم‌دیر اسیر نفس‌دیر اهل جهان، بیلمز فنا قدرین فضولی ترک تجریدی سنه آنجاق مسلم‌دیر #حکیم_فضولی @qanadli_duyqular

ائله دايانيرسان، ائله باخيرسان ائله بيل قارشيندا قورو بير داشام ايپک ساچلارينی بير واخت اوخشايان ائله بيل هارداسا من اولماميشام سنی دوستلاريم‌لا، تانيش‌لاريم‌لا من تانيش ائده‌رديم نه واختسا بير-بير ايندی اؤزگه‌لری، ياد ائحتيراملا دئييرلر تانيش اول…نه غريبه‌دير!.. يوخودا گؤره‌ردين نه واختسا هردن يولومو گؤزلردين يوللاردان اوزاق من سنين يوخوندان چيخيب گلميشم بو دا بير يوخودور، گل تانيش اولاق قولونا گيررديم… بو، ياديندادير گئدرديک… يولوموز، آرزوموز شريک قولوم قوللارینين لاپ يانيندادير توخونسا، بيز ايندی عوذر ايسته‌يه‌ريک هاياندا اولدومسا سحر، يا آخشام آرادين سن منی، گؤردون سن منی ايندی گؤزلری‌نين قاباغيندايام هاياندا دوروم کی، گؤره‌سن منی؟! #نریمان_حسن‌زاده @qanadli_duyqular

سن بیرده دوغولسان،یارانیشدان نه‌ دیلرسن... قارشیندا دوران‌قار دولو قیشدان نه دیلرسن؟ آلسان عؤمورون تانریچاسیندان يئني تاوراق دينسیز دئ اینامسیز ياشاييشدان‌نه‌‌ديلرسن؟ چیخسان یالینا چیلخا دیلکلرله وصالسیز حسرت،یولونا قویدوغو داشدان نه دیلرسن؟ ظنّ ائت‌کی‌ اؤلومجول‌گؤزونه‌ بيرده توتولدوم باخدیقجا بو آیماز باشی بوشدان نه دیلرسن؟ گؤرسن یئنه بختیم قارادیر ! سن‌گونش اوزلو من تك چاراسیز گؤزلري ياشدان نه ديلرسن ؟! #صابیر_باقیرزاده @qanadli_duyqular

سن بیرده دوغولسان،یارانیشدان نه‌ دیلرسن... قارشیندا دوران قاردولو قیشدان نه دیلرسن؟ آلسان عؤمورون تانریچاسیندان يئني تاوراق دينسیز ! بو اینامسیز ياشاييشدان‌نه‌‌ديلرسن؟ یول‌  باغلاناراق ، آرزولارین بت-بره‌  سینده کور فتنه‌ لرین قویدوغو داشدان نه دیلرسن؟ بیلسن‌کی‌اؤلومجول‌گؤزونه‌ بيرده توتولدوم عشقینده بو آیماز باشی بوشدان نه دیلرسن؟ گؤرسن یئنه بختیم قارادیر ! سن‌گونش اوزلو من تك چاراسیز  بير گؤزو ياشدان نه ديلرسن ؟ #صابیر_باقیرزاده @qanadli_duyqular

آیریلیق ماهنی‌لاری سن گئدلی قالدی تارا ایندی سنسیز چالینان ماهنی‌لاریم غملی سارا ایندی سنسیز کوچه‌لر هر بیری قارقیش یوکودور ایندی سنسیز آچیلان هر سحرین رنگی قارا سن گئدیب‌سن، دئیه‌سن لال دی شَهَر، لال دی کوچه گومانیم تکجه قالیب،دیر ساری یارپاقچالارا گئتمه‌ییرسن، سنی یوللار آپاریر بلکه گولوم بلکه یوللارا قالاییر باغریما اونلارجا یارا من یوباندیم قیناما آه بو یوللار یوللار منی هر بیر آغاجین‌دان دؤنه‌لر چکدی دارا گئری باخ گؤر گلیرم یوللاری آردینجا سنین گئری باخ گؤر گئدیشین چکدی منی هاردان هارا قارا قیزلار دولانیر منله بو یوولار اوزونو گله‌نیم یوخ، گئدنیم واردی دئییین فالچی‌لارا چاخماغیم، من، سیغارام، بیز اوچوموز ائولندیک سئویشیردیک بو اومودلا گئجه‌لر صوبحه وارا بو پاییزدان سنه یول یولداشی قالدی، منه ده پاییز آخشام‌لاری‌نین اؤسکوره‌یی قالدی سارا #آتیلا_حاجیزاده @qanadli_duyqular

او قده‌ر اؤله‌نیم وار کی، ایچیمده-دیشیمدا! بو آرادا، اؤزومو هاردان تاپاجاغام؟!.. #ووقار_نعمت @qanadli_duyqular

گئدنلری آندا وئريب يولوندان ساخلاييرام، ياتميرام كی گئجه‌لر یوز آلتميش‌مين گؤز-گؤز اولان يارامی باغلاييرام، ياتميرام کی گئجه‌لر يورد يوواميز ویران اولوب تالانيب بولاقلارين نغمه‌سی ده بولانيب آدديم آدديم او داغلاری دولانيب يوخلاييرام، ياتميرام کی گئجه‌لر چوخ یانمیشام اولمامیشام بئله من درد چکمه‌یه یارانمیشام ائله من گاه دؤنورم آشیب داشان سئله من چاغلاییرام یاتمیرام کی گئجه‌لر طالعیمیز، دردیمیزی قودوردوب وطن دردی شوجاعتی اوتوردوب بالالاری گوله-گوله یاتیردیب آغلاییرام، یاتمیرام کی گئجه‌لر!.. #شجاعت_کلبجرلی @qanadli_duyqular

اﻟﻴﻢ آﻟﻤﺎﻻردا ﻗﺎﻟﺪی آﻟﻤﺎﻻر ﺑﺎﻏﻴﻦ ﻳﻮﺧﻮﺳﻮﻧﺪا و ﭘﺎﻳﻴﺰ آﺧﺸﺎﻣﻼری اودقوﻧﺎ ﺑﻴﻠﻤﻪدی ﻳﺎرامی! او ﺑﻮﻏﺎزدان ﺑﻮ ﺑﻮﻏﺎزا اوﭼﺪو ﺳﺌﺮﭼﻪﻟﺮ ﻧﻮﺗﺪان دوﺷﺪو آدﻳﻦ! ﻗﺎر ﻳﺎﻏﺪی ناغیل‌لارﻳﻤﻴﺰا ﻗﺎر ﻳﺎﻏﺪی ﻳﺎﺳﺘﻴﻐﻴﻤﺎ اﻟﻠﺮیمی دره ﺑﻴﻠﻤﻪدﻳﻢ... اﻟﻠﺮیمی آﻏﺰﻳﻤﺪا "ﻫﺎ" دﺋﻴﻴﻪﻣﻪدﻳﻢ! و ﻗﺎﭼﺪﻳﻢ ﺑﻮ ﻳﻮﺧﻮدا ﻗﻮﻻقلاری ﻛﺴﻴﻠﻤﻴﺶ اﻳﺘﻴﻨﺪن ﮔﺆﻧﺪه‌ریلن ﺳﺌﻮگی ﻣﻜﺘﻮﺑﻮﻧﺪان ﺳﻴﻐﻤﺎ چکن ﻗﺎﺗﺎرﻳﻨﺪان اوﭼﺎن ﻗﻮﺷﻼرﻳﻨﺪان و اوﻳﺎﺗﻤﺎدﻳﻢ اؤزوﻣﻮ ﻗﻮرﺧﻮرام ده‌ریلن ﻫﺮ آﻟﻤﺎدان... #لئیلی_کهالی @qanadli_duyqular