OSHO
前往频道在 Telegram
📈 Telegram 频道 OSHO 的分析概览
频道 OSHO (@kgosho) 吉尔吉斯语 语言赛道中的 是活跃参与者。目前社区聚集了 58 725 名订阅者，在 教育 类别中位列第 2 937，并在 吉尔吉斯斯坦 地区排名第 20 位。
📊 受众指标与增长动态
自 невідомо 创建以来，项目保持高速增长，吸引了 58 725 名订阅者。
根据 19 十月, 2026 的最新数据，频道保持稳定运转。过去 30 天订阅人数变化为 -320，过去 24 小时变化为 0，整体触达仍然可观。
- 认证状态： 未认证
- 互动率 (ER)： 平均受众互动率为 26.06%。内容发布后 24 小时内通常能获得 25.81% 的反应，占订阅者总量。
- 帖子覆盖： 每篇帖子平均可获得 15 312 次浏览，首日通常累积 15 161 次浏览。
- 互动与反馈： 受众积极参与，单帖平均反应数为 0。
📝 描述与内容策略
作者将该频道定位为表达主观观点的平台：
“@kgoshobot суроолоруңуз болсо чат ботко кайрылыңыз”
凭借高频更新（最新数据采集于 20 十月, 2026），频道始终保持新鲜度与高覆盖。分析显示受众积极互动，使其成为 教育 类别中的关键影响点。
58 725
订阅者
无数据24 小时
+267 天
-32030 天
正在加载数据
标签云
无数据
有任何问题？请刷新页面或联系我们的客服。
进出提及
---
---
---
---
---
---
吸引订阅者
十月 '2610月 '26
十月 '26
+601
在4个频道中
九月 '26
+6 208
在2个频道中
Get PRO
八月 '26
+13 300
在0个频道中
Get PRO
七月 '26
+10 206
在1个频道中
Get PRO
六月 '26
+8 440
在0个频道中
Get PRO
五月 '26
+1 593
在1个频道中
Get PRO
四月 '26
+1 763
在0个频道中
Get PRO
三月 '26
+1 781
在1个频道中
Get PRO
二月 '26
+2 617
在0个频道中
Get PRO
一月 '26
+3 227
在5个频道中
Get PRO
十二月 '25
+2 129
在0个频道中
Get PRO
十一月 '25
+2 604
在0个频道中
Get PRO
十月 '25
+7 793
在0个频道中
Get PRO
九月 '25
+441
在0个频道中
Get PRO
八月 '25
+420
在1个频道中
Get PRO
七月 '25
+353
在0个频道中
Get PRO
六月 '25
+378
在0个频道中
Get PRO
五月 '25
+478
在0个频道中
Get PRO
四月 '25
+392
在2个频道中
Get PRO
三月 '25
+918
在1个频道中
Get PRO
二月 '25
+6
在4个频道中
Get PRO
一月 '25
+233
在2个频道中
Get PRO
十二月 '24
+9
在0个频道中
Get PRO
十一月 '24
+278
在2个频道中
Get PRO
十月 '24
+1 742
在2个频道中
Get PRO
九月 '24
+1 660
在4个频道中
Get PRO
八月 '24
+613
在0个频道中
| 日期 | 订阅者增长 | 提及 | 频道 | |
| 20 十月 | 0 | |||
| 19 十月 | +41 | |||
| 18 十月 | +4 | |||
| 17 十月 | 0 | |||
| 16 十月 | +71 | |||
| 15 十月 | +90 | |||
| 14 十月 | 0 | |||
| 13 十月 | 0 | |||
| 12 十月 | +33 | |||
| 11 十月 | +61 | |||
| 10 十月 | +26 | |||
| 09 十月 | 0 | |||
| 08 十月 | +34 | |||
| 07 十月 | +14 | |||
| 06 十月 | +73 | |||
| 05 十月 | 0 | |||
| 04 十月 | +52 | |||
| 03 十月 | 0 | |||
| 02 十月 | +45 | |||
| 01 十月 | +57 |
频道帖子
🇰🇬 Кыргызстан Камбар-Ата-2 ГЭСине кошумча суу агызуучу курулма куруу үчүн 50 млн доллар насыя алат
Жогорку Кеңештин комитети Камбар-Ата-2 ГЭСине кошумча суу агызуучу курулма куруу үчүн Евразия турукташтыруу жана өнүктүрүү фондунан 50 миллион доллар насыя алуу боюнча мыйзам долбоорун жактырды.
📌 Кошумча суу агызуучу курулма эмне үчүн керек?
Катуу сел жана суу ташкыны учурунда ашыкча сууну коопсуз агызуу жана ГЭСтин курулмаларын коргоо үчүн.
Учурда суу СЭВ жана биринчи гидроагрегат аркылуу чыгарылат. Алар секундасына 2,5–2,6 миң куб метр суу өткөрө алат. Ал эми катуу суу ташкынында суунун көлөмү секундасына 3,21 миң куб метрге чейин жетиши мүмкүн.
Жаңы курулма секундасына кошумча 1,11 миң куб метр суу өткөрүүгө мүмкүндүк берет.
💰 Насыянын шарттары:
• Суммасы — 50 млн доллар;
• Мөөнөтү — 20 жыл;
• Жылдык пайыздык чени — 1%дан ашпайт;
• Жеңилдетилген мезгил — 5 жыл.
Долбоор ГЭСтин суу ташкыны учурундагы коопсуздугун жогорулатууга жана ашыкча сууну натыйжалуу чыгарууга багытталган.
@kgosho Билип жаша!
| 2 | 🇰🇬 Арсен Калыбек уулу «Кремль кубогунда» күмүш медаль жеңди
Кыргызстандык бильярдчы Арсен Калыбек уулу Москва шаарында өткөн бильярд боюнча XX эл аралык «Кремль кубогу» дүйнөлүк кубогунда экинчи орунду ээледи.
Спортчу мелдештин финалына чейин жетип, Россиянын өкүлү Иосиф Абрамов менен күч сынашты. Финалдык беттеште Арсен Калыбек уулу 1:6 эсебинде жеңилип, күмүш медаль тагынды.
🏆 Мелдеш үч дисциплина боюнча өттү:
• Эркектер арасындагы пирамида;
• Аялдар арасындагы пирамида;
• Ачык пул-10.
Орус бильярды боюнча катышуучулар «Комбинацияланган пирамида» дисциплинасында күч сынашты. Эркектер арасындагы мелдешке Россия, Кыргызстан, Өзбекстан жана Түркмөнстандын бильярдчылары катышты.
@kgosho Билип жаша! | 1 230 |
| 3 | 🏢 Кыргызстанда батир ээлеринин ТСЖдагы укуктарын кеңейтүү сунушталды
Кыргызстанда батир ээлерине үй ээлеринин шериктештигинин (ТСЖ) жыйындарына электрондук форматта катышууга жана добуш берүүгө уруксат берүү сунушталууда. Ошондой эле ТСЖнын каражаттары кайда жана кандай сарпталып жатканы тууралуу маалымат алуу мүмкүнчүлүгү кеңейтилет.
Тиешелүү мыйзам долбоорлорун бириктирген документти Жогорку Кеңештин өнөр жай саясаты, транспорт, отун-энергетика комплекси, архитектура жана курулуш боюнча комитети экинчи окууда жактырды.
📌 Мыйзам долбоорундагы негизги өзгөртүүлөр:
• Электрондук добуш берүү. ТСЖнын жыйындарын өткөрүүдө документтерди электрондук түрдө тариздөөгө жана добуш берүүгө уруксат берүү.
• Батир ээлеринин укуктарын кеңейтүү. Ар бир батир ээси жыйындарга катышып, чечим кабыл алууда добуш бере алат.
• Каржылык ачыктык. ТСЖга канча акча чогултулганы жана анын кайда жумшалганы тууралуу маалымат алуу мүмкүнчүлүгү камсыздалат.
• Милдеттүү мүчөлүктү алып салуу. Батир ээлери ТСЖга мүчө болбосо да, үйдү башкарууга байланыштуу маалымат алууга жана чечимдерди кабыл алууга катыша алышат.
Мыйзам долбоорунун демилгечилеринин бири, депутат Дастан Бекешевдин айтымында, учурда көптөгөн батир ээлери ТСЖга мүчө болбогондуктан, үйдү башкаруу боюнча чечимдерге катышпай калышат. Бирок алар чогултулган каражаттардын кандай пайдаланылып жатканын билүүгө укуктуу.
Депутаттын белгилешинче, мыйзам долбоору тогуз айдан бери талкууланып, шаарларда кызыкдар тараптар менен жолугушуулар өткөрүлгөн. Жаңы талаптар айрым ТСЖ жетекчилерине жакпай калышы мүмкүн, бирок тургундардын акчасын башкаруу ачык-айкын болушу керек.
Эскертүү: Мыйзам долбоору комитетте экинчи окууда жактырылды. Бул анын мыйзам катары толук кабыл алынып, күчүнө киргенин билдирбейт.
@kgosho Билип жаша! | 2 422 |
| 4 | 🇰🇬 Кыргызстанда президенттик шайлоого даярдык боюнча уюштуруу маселелери талкууланды
Министрлер кабинетинин төрагасы Адылбек Касымалиев президенттик шайлоону даярдоо жана өткөрүүдө шайлоо комиссияларына уюштуруу-техникалык жактан көмөк көрсөтүү боюнча республикалык штабдын биринчи жыйынын өткөрдү.
Жыйында төрт негизги маселе каралды.
📌 Борбордук шайлоо комиссиясы (БШК) президенттик шайлоого даярдык, календардык пландын аткарылышы, шайлоочулардын тизмелерин тактоо жана шайлоо тилкелеринин даярдыгы тууралуу маалымат берди.
🌍 Тышкы иштер министрлиги чет өлкөлөрдөгү шайлоо тилкелеринин даярдыгы жана Кыргызстандан тышкары жүргөн жарандардын шайлоо укуктарын камсыздоо маселелерин маалымдады.
🛡️ Ички иштер министрлиги шайлоо өнөктүгү учурунда жана добуш берүү күнү коомдук тартипти жана коопсуздукту камсыздоо боюнча көрүлүп жаткан чаралар тууралуу баяндады.
📱 «Кызмат» мамлекеттик мекемеси шайлоочуларды биометрикалык идентификациялоого даярдык тууралуу маалымат берди. Анын ичинде Face ID технологиясын жана манжа издери аркылуу аныктоону колдонуу, техникалык жабдуулардын жана байланыш каражаттарынын даярдыгы талкууланды.
Жыйындын соңунда Адылбек Касымалиев тиешелүү мамлекеттик органдарга президенттик шайлоого даярдык көрүү боюнча милдеттерди белгиленген мөөнөттө жана сапаттуу аткарууну тапшырды.
🗳️ Кыргызстанда президенттик шайлоо 2027-жылдын 27-январына белгиленген.
@kgosho Билип жаша! | 3 631 |
| 5 | ⚡ Кыргызстанда электр энергиясы үчүн карыз 795 млн сомду түздү
Кыргызстанда электр энергиясы үчүн керектөөчүлөрдүн дебитордук карызы 795 миллион сомго жетти. Бул тууралуу «Кыргызстан улуттук электр тармагы» ААКсынын башкы директору Илгиз Сыдыгалиев Жогорку Кеңештин тиешелүү комитетинин жыйынында билдирди.
Анын айтымында, жыл башында электр энергиясы үчүн карыздын көлөмү 803,5 миллион сом болгон. Тогуз айдын ичинде карыз 8,3 миллион сомго кыскарган.
📌 Негизги карыздар кимдерге таандык?
• Бюджеттик мекемелер;
• Жылуулук менен камсыздоочу ишканалар;
• Карызы бир айдан кийинки айга өтүп турган керектөөчүлөр.
2026-жылга карата план боюнча дебитордук карызды 10%га кыскартуу каралган. Депутаттар бул көрсөткүч жетишсиз эмеспи деген суроо коюшту.
Илгиз Сыдыгалиев компания белгиленген планды аткарууга жана карызды кыскартуу темпин 10%дан төмөн түшүрбөөгө аракет кыларын билдирди.
@kgosho Билип жаша! | 4 844 |
| 6 | 🚛 Кыргызстан менен Россиянын ортосунда жүк ташуу 69%га чейин кыскарды
Кыргызстан менен Россиянын ортосундагы автомобиль аркылуу жүк ташуу көлөмү төмөндөдү. Буга күйүүчү май кризиси жана Россияга товарларды алып кирүүнүн жаңы эрежелери таасир эткен. Бул тууралуу ATI.SU эл аралык логистикалык платформасынын аналитикалык маалыматтарында айтылат.
📉 2026-жылдын үчүнчү чейрегиндеги көрсөткүчтөр:
• Кыргызстандан Россияга жүк жеткирүү боюнча өтүнмөлөрдүн саны былтыркы жылдын ушул мезгилине салыштырмалуу 29%га азайган.
• Россиядан Кыргызстанга жүк ташуу боюнча өтүнмөлөр 69%га кыскарган.
Жыл башынан берки тогуз айда Кыргызстандан Россияга жүк жөнөтүү боюнча өтүнмөлөр 32%га, ал эми Россиядан Кыргызстанга ташуу боюнча өтүнмөлөр 26%га азайган.
Ошол эле учурда үчүнчү чейректе экинчи чейрекке салыштырмалуу Россияга жүк жөнөтүү боюнча өтүнмөлөр 9%га, ал эми Россиядан жүк жеткирүү боюнча өтүнмөлөр 10%га көбөйгөн.
🌍 Башка багыттарда өсүш байкалууда
• Түркиядан Кыргызстанга жүк жеткирүү боюнча өтүнмөлөрдүн саны үчүнчү чейректе эки эсеге өскөн.
• Беларустан Кыргызстанга жүк ташуу боюнча өтүнмөлөр январь–сентябрь айларында 30%га көбөйгөн.
📌 Жүк ташуунун азайышына эмне себеп болду?
Негизги себептер — Россияга товар киргизүү шарттарынын өзгөрүшү, көзөмөлдүн күчөтүлүшү жана күйүүчү май менен байланышкан көйгөйлөр.
2026-жылдын 1-июлунан тартып Россияга товар алып кирүүдө товарлардын күтүлүп жатканын ырастоо системасынын (СПОТ) алкагында камсыздоо төлөмүн киргизүү талабы күчүнө кирген. Июлдун аягынан тартып навигациялык пломбаларды колдонуу да кеңейтилген.
ATI.SU платформасынын Кыргызстандагы өкүлчүлүгүнүн директору Эмирлан Бейилбаевдин айтымында, сентябрда Россиядан импорттук жүк ташууга суроо-талап июль жана август айларына салыштырмалуу жанданган. Бирок бул сезондук факторлорго да байланыштуу болушу мүмкүн.
@kgosho Билип жаша! | 6 080 |
| 7 | 🏆 Чыңгыз Айтматов атындагы мамлекеттик жаштар сыйлыгынын лауреаттары аныкталды
Чыңгыз Айтматов атындагы мамлекеттик жаштар сыйлыгынын быйылкы лауреаттары аныкталды. Бул тууралуу сыйлык ыйгаруу боюнча комиссиянын жыйынында белгилүү болду.
Маданият министрлигинин маалыматына ылайык, сыйлык 2000-жылдын 23-августундагы өкмөттүн №514 токтому менен негизделген. Анын максаты — жаштардын чыгармачылыгын колдоо, улуттук маданий мурасты жана руханий-адеп-ахлактык баалуулуктарды сактоо, ошондой эле жаш муунду мекенчилдикке жана жаратуучулукка тарбиялоо.
📌 Сыйлык үч жылда бир жолу 35 жашка чейинки жаштарга 11 номинация боюнча берилет.
Ага төмөнкү багыттар кирет:
• Адабият;
• Журналистика жана телекөрсөтүү;
• Музыка жана көркөм искусство;
• Архитектура жана дизайн;
• Театр жана цирк искусствосу;
• Кино;
• Илим жана билим берүү;
• Жаңы технологиялар;
• Экономика жана бизнес;
• Спорт;
• Жаштар саясатын өнүктүрүү.
Быйыл сыйлыкка талапкерлерден арыздар апрель айынан 10-августка чейин кабыл алынган. Лауреаттарды тиешелүү тармактардын өкүлдөрүнөн, эксперттерден жана мамлекеттик органдардын кызматкерлеринен түзүлгөн комиссия тандаган.
💰 Ар бир лауреатка 200 миң сом өлчөмүндө акчалай сыйлык берилет. Ошондой эле Чыңгыз Айтматовдун сүрөтү түшүрүлгөн төш белги жана күбөлүк тапшырылат. Көрсөтүлгөн суммага салыктар да кирет.
@kgosho Билип жаша! | 7 271 |
| 8 | 🇰🇬 Кыргызстан АКШ менен кызматташуунун жаңы баскычына өтүүнү сунуштады
Кыргызстандын тышкы иштер министри Жээнбек Кулубаев 19-октябрда Өзбекстандын Самарканд шаарында өткөн «Борбор Азия — АКШ» (C5+1) форматындагы министрлердин жолугушуусуна катышты.
Тышкы иштер министрлигинин маалыматына ылайык, жыйында Борбор Азия өлкөлөрү менен АКШнын ортосундагы экономикалык жана соода байланыштарын өнүктүрүү маселелери талкууланды.
Кулубаев өз сөзүндө кызматташуунун жаңы баскычына өтүү зарылдыгын белгилеп, өз ара пайдалуу экономикалык жана технологиялык өнөктөштүктү өнүктүрүүгө, инвестиция тартууга, сооданы кеңейтүүгө жана жаңы жумуш орундарын түзүүгө чакырды.
📌 Негизги кызматташтык багыттары:
• Транспорттук байланыштарды жана логистиканы өнүктүрүү;
• Энергетика жана кайра жаралуучу энергия булактары;
• Маанилүү пайдалуу кендерди иштетүүгө америкалык инвестиция тартуу;
• Санариптик экономика жана жогорку технологиялар;
• Санариптик жана космостук технологияларды өнүктүрүү;
• Адамдык капиталды чыңдоо.
Министр транспорттук коридорлорду өнүктүрүүгө, ишкерлердин жана туристтердин сапарлары үчүн ыңгайлуу шарттарды түзүүгө, гуманитардык жана академиялык алмашууларды кеңейтүүгө да өзгөчө көңүл бурду.
Кулубаевдин айтымында, C5+1 форматы Борбор Азия өлкөлөрүнүн аймактык кызматташтыгын бекемдөөдө жана АКШ менен биргелешкен долбоорлорду ишке ашырууда маанилүү роль ойной берет. Бул кызматташтык аймактагы элдердин жашоо деңгээлин жогорулатууга багытталат.
@kgosho Билип жаша! | 8 450 |
| 9 | 🇰🇬 Кыргызстанда 2030-жылга чейин жыл сайын 115тен бала бакча куруу пландалууда
Кыргызстанда жыл сайын ар бири 240 балага ылайыкталган 115 бала бакча куруу пландалууда. Максат — 2030-жылга чейин балдардын мектепке чейинки билим берүү менен камтылышын 80%га жеткирүү.
Бул чаралар 2040-жылга чейинки демографиялык саясат концепциясынын биринчи этабында каралган. Маселе 16-октябрда Министрлер кабинетинин алдындагы Демографиялык саясат боюнча кеңештин жыйынында талкууланды.
📌 Жыл сайын 115 бала бакча курулса, бир жылда кошумча 27 600 балага орун түзүлөт.
🏫 2030-жылга чейин дагы кандай иштер пландалууда?
• Энелерге жана жаңы төрөлгөн ымыркайларга медициналык жардам көрсөтүү үчүн кеминде 2 аймактык перинаталдык борбор ачуу.
• Ата-энелерди даярдоочу кеминде 15 мектеп түзүү.
• Кош бойлуу аялдардын жана жаңы төрөлгөн балдардын улуттук санариптик реестрлерин түзүү.
• Ата-энелер үчүн аралыктан кесиптик билим алуу мүмкүнчүлүктөрүн кеңейтүү жана жумушка орношууга көмөктөшүү, өзгөчө балалуу аялдарды колдоо.
• Үй-бүлөнү колдоо, калктын саламаттыгын чыңдоо, аймактарды өнүктүрүү жана миграцияны жөнгө салуу.
Ошондой эле төрөлгөндөн үч жашка чейинки балдарга ай сайын жөлөкпул төлөө механизми белгиленген. «Бала ырысы» жөлөкпулу буга чейин эле ишке кирген: 2026-жылдын августунан тартып ай сайын 1 200 сомдон төлөнүүдө.
Октябрь айында жөлөкпул алуучулардын саны 252 699 адамга жетип, төлөмдөргө 310,5 млн сом бөлүнгөн.
📊 Эмне үчүн бул чаралар зарыл?
Улуттук статистика комитетинин маалыматына ылайык, 2026-жылдын башында Кыргызстанда 7 млн 404 миң адам жашаган. 2025-жылы өлкөнүн калкы 1,7%га көбөйгөн.
Бирок мектепке чейинки билим берүү менен камтуу азырынча максаттуу көрсөткүчтөн кыйла төмөн. 2025-жылдын жыйынтыгы боюнча балдардын болгону 44,3%ы мектепке чейинки билим берүү менен камтылган. Өкмөт бул көрсөткүчтү 2030-жылга чейин 80%га жеткирүүнү көздөйт.
Демографиялык саясат боюнча кеңештин жыйынын Министрлер кабинетинин төрагасынын орун басары Улан Маматканов өткөргөн. Жыйындын жыйынтыгында мамлекеттик органдарга концепциянын биринчи этабындагы иш-чараларды аткаруу тапшырылды.
@kgosho Билип жаша! | 14 934 |
| 10 | 📈 Кыргызстанда чет элдик компаниялардын пайдасы бир жылда 1,8 эсеге өстү
Кыргызстанда чет элдик инвестициянын катышуусундагы ишканалар 2025-жылдын жыйынтыгы боюнча 109,3 млрд сом таза финансылык пайда алышкан. Бул 2024-жылга салыштырмалуу 1,8 эсеге көп. Бул тууралуу Улуттук статистика комитетинин маалыматтарында айтылат.
Чет өлкөлүк түз инвестициялардын агымы, чыгып кеткен каражаттарды эсепке албаганда, 1 млрд 310,8 млн долларга жетип, 27,3% өскөн.
📊 Эң көп киреше алган тармактар:
• Өндүрүш ишканалары — 46,5 млрд сом;
• Дүң жана чекене соода, анын ичинде автоунааларды жана мотоциклдерди оңдоо — 42,2 млрд сом;
• Пайдалуу кендерди казып алуу — 16,1 млрд сом;
• Байланыш тармагы — 7,2 млрд сом;
• Курулуш — 3,7 млрд сом.
Ал эми электр энергиясы, газ, буу жана кондицияланган аба менен камсыздоо тармагындагы ишканалар 14,2 млрд сом чыгымга учураган.
📌 Чет элдик капиталы бар ишканалардын 30,6%ы пайда тапкан. Алардын жалпы кирешеси 153,7 млрд сомду түзүп, 2024-жылга салыштырмалуу 61 млрд сомго көбөйгөн.
Ошол эле учурда ишканалардын 31,5%ы чыгым менен иштеп, жалпы жоготуулары 44,5 млрд сомго жеткен.
Аймактар боюнча Баткен жана Ысык-Көл облустарында, ошондой эле облустарга бөлүнбөгөн ишканаларда терс финансылык жыйынтык катталган.
🏭 Өнөр жай өндүрүшүнүн төрттөн биринен көбү — чет элдик ишканалардын үлүшү
2025-жылы чет элдик инвестиция катышкан өнөр жай ишканалары 215,3 млрд сомдук продукция өндүрүп, жумуш жана кызмат көрсөтүүлөрдү аткарышкан. Бул өлкөдөгү жалпы өнөр жай өндүрүшүнүн 26,3%ын түзөт.
Чет элдик ишканалардын өнөр жайдагы үлүшү айрым аймактарда өзгөчө жогору болгон:
• Талас облусу — 90,3%
• Нарын облусу — 50,4%
• Ош облусу — 49,3%
• Жалал-Абад облусу — 48,5%
• Чүй облусу — 24,1%
• Баткен облусу — 23,4%
Маалымат булагы: Улуттук статистика комитетинин маалыматтары.
@kgosho Билип жаша! | 14 014 |
| 11 | 🇺🇸 АКШ Россиядан дизель майын сатып алууга каршы мыйзам долбоорун сунуштады
АКШ Конгрессине президент Дональд Трамптын Россиядан дизель майын сатып алуу боюнча келишимине бөгөт коюуну көздөгөн мыйзам долбоору киргизилди.
Демилгенин максаты — Россиянын дизель майын сатып алууга жана импорттоого уруксат берген келишимди токтотуу.
Конгрессмен Грегори Микстин айтымында, бул келишим Ирандагы согуштан улам америкалыктар тарткан чыгымдарды азайтпайт.
📌 Мыйзам долбоорунда АКШнын Каржы министрлиги 9-октябрда чыгарган лицензияны жокко чыгаруу каралган. Ал лицензия Россиянын дизель майын дүйнөлүк рынокко жеткирүүсүнө карата санкциялык чектөөлөрдү 2027-жылдын 7-апрелине чейин алып салган.
Демилгени 16 демократ жана бир республикачыл конгрессмен колдогон.
📍 Буга чейин, 9-октябрда Дональд Трамп Россиянын президенти Владимир Путин менен телефон аркылуу сүйлөшкөн. Сүйлөшүүдө Украинадагы кырдаал жана башка маанилүү маселелер талкууланган.
Маалыматка ылайык, тараптар Россиянын АКШ жана дүйнөлүк рынокторго 300 миң тоннадан ашык дизель майын дароо, ноябрь айында дагы 500 миң тонна, андан кийин 1 миллион тонна жеткирүүсү боюнча макулдашкан.
@kgosho Билип жаша! | 15 786 |
| 12 | 🌍 Путин Украинадагы согушту талкуулоо үчүн Россия, АКШ жана Кытайдын үч тараптуу саммитин өткөрүүнү сунуштады
Россиянын президенти Владимир Путин АКШнын президенти Дональд Трампка жана Кытайдын төрагасы Си Цзиньпинге үч тараптуу саммит өткөрүүнү сунуштады. Бул тууралуу The Wall Street Journal басылмасы жазды.
Маалыматка ылайык, Путин үч өлкөнүн лидерлерин 18–19-ноябрда өтө турган Азия-Тынч океан экономикалык кызматташтык уюмунун (АТЭС) саммитинин алкагында жолугушуп, Украинадагы согушту токтотуу маселесин талкуулоого чакырган.
📌 АКШ азырынча макулдук бере элек. Басылманын маалыматына караганда, Трамп жаңжалды жөнгө салууга кызыкдар болгондуктан, бул сунушту колдоого алышы мүмкүн.
АКШнын мамлекеттик катчысы Марко Рубио АТЭС саммитинде үч тараптуу жолугушуу өткөрүү мүмкүнчүлүгү талкууланып жатканын, бирок акыркы чечим кабыл алына электигин билдирди.
Кремлдин басма сөз катчысы Дмитрий Песков да мындай жолугушууну өткөрүү мүмкүнчүлүгү каралып жатканын ырастады.
@kgosho Билип жаша! | 15 268 |
| 13 | 🚛 ЕАЭБ өлкөлөрү бирдиктүү транспорт мейкиндигин түзүү маселесин талкуулашты
Евразия экономикалык биримдигине (ЕАЭБ) мүчө мамлекеттердин транспорт тармагына жооптуу мекемелеринин жетекчилери бирдиктүү транспорт мейкиндигин түзүү маселесин талкуулашты. Бул тууралуу Евразия экономикалык комиссиясы (ЕЭК) билдирди.
Жыйынга ЕЭКтин энергетика жана инфраструктура боюнча министри Арзыбек Кожошев катышты.
📌 Негизги маселе — 2027–2029-жылдарга карата транспорт саясатын ишке ашыруу боюнча жол картасынын долбоорун даярдоо болду.
Документке киргизилген иш-чаралар мурунку пландардын жыйынтыктарына негизделип, ЕАЭБ алкагында бирдиктүү транспорт мейкиндигин жана транспорттук кызмат көрсөтүүлөрдүн жалпы рыногун түзүүгө багытталган.
💻 Арзыбек Кожошевдин белгилешинче, заманбап транспорт тармагынын өнүгүү тенденцияларын эске алуу менен жол картасынын долбоорундагы иш-чаралардын дээрлик үчтөн бири санариптештирүүгө арналган.
@khosho Билип жаша! | 14 840 |
| 14 | 🇰🇬 «Чыныгы аферист». Садыр Жапаров Мухтар Аблязовго кескин жооп берди
Президент Садыр Жапаров казакстандык оппозициялык саясатчы Мухтар Аблязовдун 2020-жылдын октябрь окуялары учурунда андан акча сураган деген билдирүүсүн четке какты.
Мамлекет башчысы Аблязов менен телефон аркылуу сүйлөшкөнүн ырастап, бирок маек 40 мүнөт эмес, болгону эки мүнөткө жакын созулганын билдирди. Бул тууралуу ал SUPER.KG порталына берген маегинде айтты.
📌 Жапаровдун айтымында, ал 2020-жылдын октябрына чейин Аблязов менен жеке тааныш болгон эмес. Алардын телефон аркылуу сүйлөшүүсүнө ошол учурда жанында жүргөн Мелис Аспеков себепчи болгон.
Президенттин айтымында, Аблязов телефон аркылуу кыргызстандыктарды октябрь окуялары менен куттуктап, андан соң Бишкектен туруп Казакстанда революция уюштурууга жардам берүүнү сунуштаган.
Жапаров мындай сунуштан кескин баш тартканын айтып, коңшу мамлекеттин ички саясатына кийлигишпей турганын жана Казакстан менен мамилени бузгусу келбегенин билдирген.
💬 «Эгер ал ушундай деп жатса, анда чыныгы аферист экен. Мен андан эч кандай акча сураган эмесмин», — деп билдирди Садыр Жапаров.
Президент 2020-жылдын октябрында Аблязовдон каржылык жардам сурай турган зарылчылык болбогонун да белгиледи.
Ошондой эле ал «Шумкар» кыймылынын өкүлдөрүнүн билдирүүлөрүнө жана видеолоруна көз салып турбаганын, алардын айыптоолорун ойдон чыгарылган деп эсептей турганын айтты. Жапаров бул темага коомчулук оппоненттеринин билдирүүлөрүн далилденген факт катары кабыл албашы үчүн гана комментарий бергенин кошумчалады.
📍 Маалымат үчүн: Мухтар Аблязов — казакстандык ишкер жана оппозициялык саясатчы, мурда Казакстандын энергетика, индустрия жана соода министри, ошондой эле «БТА Банк» директорлор кеңешинин төрагасы болгон.
Ал банк каражаттарын уурдоо жана башка каржылык кылмыштар боюнча айыпталган. Аблязов айыптоолорду четке кагып, өзүнө карата куугунтукту саясий мүнөздө деп эсептейт.
@kgosho Билип жаша! | 16 171 |
| 15 |  🇰🇬 Максим Фадеев Кыргызстанга арналган жаңы ыр жазды
Белгилүү продюсер жана композитор Максим Фадеев Кыргызстанга арналган «Кыргызстан» аттуу жаңы ырын чыгарды.
🎶 Ыр мурдагы СССРдин курамындагы 15 республикага арналган чоң музыкалык долбоордун бир бөлүгү болду. Композицияны Nomad триосу жана «Ну-ка, все вместе!» эл аралык сынагынын жеңүүчүсү Илья Булыгин аткарган.
«Кыргызстан» — Максим Фадеевдин музыкалык циклиндеги төртүнчү чыгарма. Ага чейин Арменияга жана Беларусь өлкөсүнө арналган ырлар жарык көргөн.
Продюсердин айтымында, бул долбоор ал үчүн жөн гана музыка эмес, балалыгы жана эскерүүлөрү менен байланышкан жерлерге болгон жеке сезимдеринин чагылдырылышы.
💬 Фадеев Кыргызстанга арналган ырын өзгөчө жылуулук менен мүнөздөп, аны өлкөнүн жерине жана элине болгон чын жүрөктөн чыккан арноо деп атаган. Анын белгилешинче, ырды төрт таланттуу аткаруучу ырдаган: алардын үчөө үчүн Кыргызстан — туулган жер, ал эми төртүнчүсүн өлкө өзүндөй кабыл алган.
Композитор Кыргызстандагы тоолордон, абадан жана жаратылыштын кеңдигинен сезилген эркиндикти, ошондой эле элдин меймандостугун жана өз тамырына болгон урмат-сыйын музыка аркылуу жеткирүүгө аракет кылганын белгиледи.
@kgosho Билип жаша! | 16 075 |
| 16 | 🇰🇬 Кыргызстанда президент кечирим берген соттолгондорго кайрадан өтүнүч берүүгө уруксат берүү сунушталды
Кыргызстанда президенттин кечиримине мурда ээ болгон соттолгондорго кайрадан кечирим сурап кайрылууга уруксат берүү сунушталууда. Ошондой эле кайрылууларды кароо тартибин жөнөкөйлөтүп, талап кылынган документтердин санын кыскартуу пландалууда.
Тиешелүү президенттин жарлыгынын долбоору коомдук талкууга чыгарылды.
📌 Негизги өзгөртүүлөр:
• Кайрадан кайрылуу укугу. Мурда кечирим алган соттолгондордун кайра өтүнүч берүүсүнө мыйзамдык негиз түзүү сунушталууда. Учурда буга түз тыюу жок, бирок мындай кайрылууларды кароо тартиби так жөнгө салынган эмес.
• Документтерди кыскартуу. Байкоочу комиссиянын жыйынынын протоколун милдеттүү документтердин тизмесинен алып салуу сунушталууда. Комиссиянын жыйындары катышуучулардын жетишсиздигинен улам көп учурда жылдырылып, документтерди даярдоо кечеңдеп келет.
• Комиссиянын курамын өзгөртүү. Кечирим берүү маселелери боюнча комиссиянын курамын азыркы 9 адамдын ордуна кеминде 7 адамдан түзүүгө уруксат берүү каралган. Бул кворумду камсыздап, кайрылууларды тезирээк кароого шарт түзөт.
• Кайра кайрылуунун шарттарын тактоо. Соттолгондун үй-бүлөсүнүн же жардамга муктаж жакын туугандарынын оор турмуштук абалы деген түшүнүктү тактоо сунушталууда.
Долбоорду иштеп чыгуучулардын пикиринде, өзгөртүүлөр бюрократиялык тоскоолдуктарды азайтып, кечирим берүү маселелерин кароону тездетет.
💰 Демилгени ишке ашыруу республикалык бюджеттен кошумча каражат талап кылбайт.
Эскертүү: Бул азырынча сунушталган долбоор. Ал кабыл алынып, күчүнө кире элек.
@kgosho Билип жаша! | 15 301 |
| 17 | 🎓 Кыргызстанда ЖОЖдорго кышкы кабыл алууга даярдык башталды
Кыргызстанда жогорку окуу жайларына абитуриенттерди кышкы кабыл алууга даярдык башталды. Бул тууралуу Илим, жогорку билим берүү жана инновациялар министрлиги билдирди.
📌 Жалпы республикалык тестирлөөнүн (ЖРТ) мөөнөттөрү:
• 14–29-октябрь — абитуриенттерди каттоо Билим берүүнү баалоо жана окутуу усулдары борборунун сайтында жана «Түндүк» тиркемеси аркылуу жүргүзүлөт.
• 19-ноябрь — тест борборлорунда кошумча каттоо болот.
• 20–22-ноябрь — ЖРТ Ош мамлекеттик университетинин жана Бишкек мамлекеттик университетинин базаларында өткөрүлөт.
Кышкы кабыл алуу келишимдик негизде, жайкы кабыл алуудан кийин бош орундар калган учурда гана жүргүзүлөт. Кабыл алууну өткөрүү же өткөрбөө ар бир университеттин чечимине жараша болот.
Университеттердин жана кышкы кабыл алуу жарыяланган адистиктердин тизмеси министрликтин расмий сайтында жарыяланган.
@kgosho Билип жаша! | 14 036 |
| 18 | 🇰🇬 Адахан Мадумаровдон алынган 150 миң доллар кайтарылды
Жогорку Кеңештин мурдагы депутаты Адахан Мадумаровго 2025-жылдын ноябрь айында үйүн тинтүү учурунда алынган 150 миң доллар кайтарылды. Бул тууралуу парламенттин мурдагы депутаты Исхак Масалиев «Азаттыкка» берген маегинде билдирди.
Анын айтымында, милиция кызматкерлери ката кетирилгенин моюнга алып, акчаны ээсине кайтарып беришкен.
📌 Өткөн жылдын декабрь айында социалдык тармактарда Мадумаровдун үйүн тинтүү учурунда 150 миң доллар табылганы тууралуу видео тараган. Саясатчы бул акчаны уулунун үйлөнүү тоюна жана үй сатып алууга топтоп жүргөнүн айткан.
Ошол учурда акчанын келип чыгышын сурак учурунда тастыктай албаганы тууралуу да маалымат тараган.
Мадумаров Ички иштер министрлигинин кызматкерлери акчаны буюмдук далил катары алып коюшканын билдирген. Анын айтымында, ал массалык башаламандык уюштурууга шектелип кармалган адамдардын иши боюнча күбө катары өтүп, кармалгандарга тиешеси болгон эмес.
@kgosho Билип жаша! | 16 249 |
| 19 | 🇰🇬 Кыргызстанда баатыр энелердин пенсиясына кошумча төлөмдү 5 эсеге көбөйтүү сунушталды
Кыргызстанда «Баатыр эне» жана «Мать-героиня» ордендери менен сыйланган энелердин пенсиясына берилүүчү ай сайынкы кошумча төлөмдү 1 000 сомдон 5 000 сомго чейин көбөйтүү сунушталууда. Тиешелүү мыйзам долбоору Жогорку Кеңештин кароосуна киргизилди.
📌 Долбоорго ылайык, кошумча төлөм айына 4 000 сомго, ал эми жылына 48 000 сомго көбөйөт.
Мыйзам долбоорунун негиздемесинде азыркы 1 000 сомдук төлөм 2011-жылдан бери өзгөртүлбөгөнү белгиленген. Бул убакыт аралыгында азык-түлүккө, коммуналдык кызматтарга жана дары-дармектерге кеткен чыгымдар кыйла өскөн.
📊 Демилгечилердин маалыматына караганда, Кыргызстанда жети жана андан көп баланы тарбиялаган, «Баатыр эне» ордени менен сыйланган 34 миңге жакын аял жашайт.
Сунушталган көбөйтүү багуучусунан айрылгандыгына байланыштуу пенсия алган баатыр энелерге да тиешелүү болот.
💰 Демилгени ишке ашыруу үчүн республикалык бюджеттен 1 миллиард 662 миллион сом талап кылынат.
Мыйзам кабыл алынса, жогорулатылган кошумча төлөмдөр 2027-жылдын 1-январынан тартып бериле баштайт.
@kgosho Билип жаша! | 15 464 |
| 20 | 💱 Кыргызстанда акча алмаштыруучу жайлар операциянын суммасына карабастан документ талап кылат
2026-жылдын 16-октябрынан тартып Кыргызстандагы акча алмаштыруучу жайларда накталай чет өлкөлүк валютаны сатып алууда же сатууда кардарлар өздүгүн тастыктаган документ көрсөтүүгө милдеттүү. Бул тууралуу Кыргызстандын Улуттук банкы билдирди.
Жаңы талаптар ири суммадагы операцияларга гана эмес, аз өлчөмдөгү акча алмаштырууга да тиешелүү. Тиешелүү өзгөртүүлөрдү Улуттук банк 2026-жылдын 1-октябрында кабыл алган.
📌 Кандай документтер жарайт?
• Сүрөтү бар кагаз түрүндөгү документ.
• Мамлекеттик маалыматтык системалар аркылуу берилген санарип документ.
Демек, сөзсүз түрдө кагаз паспорт алып жүрүү талап кылынбайт.
Акча алмаштыруучу жайлардын кызматкерлери кардардын өздүгүн аныктап, аны санкциялык тизмелер боюнча да текшерүүгө тийиш.
1 миллион сомдон башталган операцияларда кошумча талаптар колдонулат: эрежелерде каралган учурларда кардардын анкетасы толтурулуп, бенефициардык ээси текшерилет.
@kgosho Билип жаша! | 14 703 |
